رواية فاتنة زادتني عشقا
رواية فاتنة زادتني عشقا
الفصل الحادي عشر
بقلم صابرين علاء
قولت ،،، طيب يافهد انا مطره اني استأذن بقى انت عارف لازم اعدي على حسام ف المستشفى
نهال قالت،،،،، هااااااا مين حسام دا؟؟
فهد قال،،،،، حسام اخوها الصغير ياماما هو بس
تعبان شويه ولازم تتطمن عليه قبل ماتروح،،،،
نهال قالت،،،،، اوووو حببتي سلامه
عليه،،،،،، وصلها يافهد بليز ماتسبهاش لوحدها،،،،،
فهد غمز ل نهال وقالها اكيد يا امي
خرجت من الاوضه وكانت المفجأه
شوفت شذا اختي نازله من على السلم
قولتلها ،،،، شذا،،،،، انتي ايه اللي جابك هنا؟؟؟؟
قالتلي ،، اي دا،،،،،، انتي ايه اللي جابك هنا يافاتن،،،،،
فهد قال،،،،، استنو بس انتو تعرفو بعض
وبعدين مين دي يا امي انا معرفهاش
نهال قالت،،،، هي دي البنت اللي حكتلكم عليها جوا زميله مراد ف الكليه
فهد وفاتن وهما باصين لبعض
فاتن قالت،،،،، هو مراد يبقى اخوك
وفهد قال،،،،،، هي شذا بتكون اختك
بصت على اختي وقولتلها،،،،،
يلا قدامي،،،،
مراد جه ف الوقت دا وقال،،،،،،
اوبااااا فاتن هنا مره واحده،،،،،،
ومع مين مع فهد الجبالي،،،، اه ياوحش
ازيك يافاتن اخبارك ايه؟؟؟؟
مردتش عليه وبصيت على شذا وقولتلها يالا علشان نروح لاخوكي وحسابي معاكي بعدين،،،،،
مراد قال،،،،،،،، اااا معلش يافاتن شذا مش هتمشي من هنا،،،،،، ولا انتي كمان
ضحكت بسخريه،،،،، ههه وايه دا بقا
ان شاء الله،،،،، حكم قرقوش،،،،،،
انت تمشي كلامك على اختي ماشي لكن
عليا انا دا مستحيل انت فاهم
مراد قالها،،،، فاتن من فضلك،،،،، انتي
متعرفيش ايه اللي حصل ف غيابك
تخليني مصمم انك تفضلي،،،،،
قولت لها بعصبيه ،،،، حتى لو كان العالم كله دا ميديلكيش الحق ابدا انك تيجي
بيته،،،،،،اغراكي بإيه قوليلي،،،،،
استغليتي غيابي وغياب اخوكي و عملتي ايه،،،،،،
شذا قالت بعياط،،،،، معملتش حاجه صدقيني،،،،،، زين هو اللي اعتدى عليا
فهد زغر بعيونه جامد وقفل على ايده بعصبيه،،،،،،
مراد كمل وقال،،، هو دا اللي حصل فعلا
يافاتن،،،،، ف اليوم اللي كنتي مسافره فيه مع فهد انا ف اليوم دا مارتحتش
الا سكنت ف الشقه اللي ف وشكم لاني كنت خايف جدا على شذا وخوفي كان
ف محله،،،، زين اتهجم عليها وكان
عايز يعتدي عليها كمان،،،،، لولا ان ربنا
ستر وانا ادخلت ف الوقت المناسب
فهد قال،،،، الحيوان،،،،، ازاي يعمل كدا
وخرج من المكان،،،، وفاتن مشيت وراه
شذى كانت بتبكي مراد قرب منها ومسح دموعها
جريت ورا فهد وقولتله،،،، فهد انت رايح فين طيب دلوقتي،،،،، يافهد استنى الوقت
اخر،،،،،،،
وركب عربيته و ركبت جمبه،،،،،
فهد قالي. ،،، انزلي،،،،،،
قولتله لا،،،،،،، قالها بقولك انزلي قالتله
قولتلك لا
فهد داس بنزين وساق بسرعه جدا
وصلنا لفيلا الحريري،،،،،،
قولتله،،،،، طب انت هاتعمل ايه دلوقتي،،،،،،،
فهد قالي هانزل اطلع كل غلي فيه الواد
دا،،،،،، هو خلاص جاب اخره معايا هو وابوه
قولتله،،،،، انت اتجننت دول ممكن يطلبولك البوليس،،،،،، طب دا انت تبقى جبتهالهم عالطبطاب،،،، هايقولو بيتهجم
علينا،،،،،،،
فهد قاله هووووش،،،،،، اسكتي،،،،،
لقى واحد بيدي سلاح لزين وبياخد منه
فلوس،،،،،،
فهد قال،،،،، مش دا نفسه هو الواد اللي كان ف الفيلا اللي كنتي فيها،،،،،،،
قولت،،،،، فيلا ايه،،،، انا مش فاهمه حاجه،،،،،،
زين دخل جوا والراجل مشي وفهد راح وراه
وفضل ماشي وراه ومره واحده فرمل عليه ونزله،،،،،،،
وقاله،،،،، خد ياااه،،،، تعال معايا،،،،،
الراجل بخوف.،،،،،، انت مين،،،،، وعايز مني ايه،،،
فهد قاله،،،، ماقولتلك تعال عايزك ياروح امك،،،،،،،،
فهد خدو وفضل ماشي بيه شويه وبعدين رماه على الارض وطلع سلاحه وصوبه عليه
وقاله،،،،، قولي بقى ايه اللي حصل يوم
ما اشتريت الفلا،،،،،،
الراجل قاله،،،،، انهي فيلا انا معرفش حاجه
قولت،،،،،، مش انت اللي كدبت عليا وقولتلي ان في شركه هنا وطالبه موظفين
،،،،،،،، ايوا،،،، انا حتى لما دخلت قفلت عليا من برا،،،،،، انا عاوزه اعرف ايه اللي حصل معايا،،،،، وازاي بقيت ف اوضتك
الراجل قال،،،،،، ارحمني يابيه انا راجل غلبان ومش قدكم،،،، انتو اغنيه وقادرين،،،
فهد قاله طب احكي كل حاجه وانا مش هأذيك،،،،،
الراجل قاله،،،، حاضر هاحكيلك،،،،،
انا يوميها كنت شغال عادي ف الامن
فجأه جالي زين الحريري ودفعلي فوس كتير مقابل انه يأجر الفيلا دي ساعتين
تلاته،،، وقالي لازم لما الانسه دي تيجي
اقول ان هنا في شركه وادخلها واقفل عليها من برا،،،،،،، وبعدها بشويه المالك
صاحب العقار جه ارتبكت ومكنتش عارف اعمل ايه،،،،،، فتحنا ودخلنا لاقينا الانسه
مغم عليها ف الارض،،،،،، وزين الحريري هرب بسرعه،،،،،، المالك قالي خدها عندك
ف الاوضه لحد ما البيع يتم للفيلا
علشان فهد الجبالي ممكن يشك ف سمعتنا
ويرفض البيع،،،، وبعد ما اشتريت الفيلا
طردتني وملحقتش حتى اغير هدومي
وفضلت هي نايمه على سريري زي ماهي
فرحت من قلبي ،،،، وقولت الحمد لله
فهد مسك الراجل من قميصه وقاله،،،،
زين الحريري كان بياخد منك ايه دلوقتي
الراجل قال،،،،، كان بياخد سلاح معرفش،
عاوزه ف ايه،،،،،، بس هو معاه واحد مترخص،،،، ف اكيد دا هيعمل بيه حاجه
غلط،،،،،، بس صدقني انا معرفش حاجه عنه،،،،،،
فهد سابه ومشي،،،،،،
ورجعت معاه الفيلا من تاني وقبل ماننزل من العربيه مسك ايدي وقالي
فاتن،،،،،، مش هينفع ترجعو تعيشو لوحدكم
تاني،،،،، اللي فات كوم واللي جاي كوم تاني،،،،، زين الحريري خلاص بقا عارف
انك شغاله معايا،،،،، ومش بس كدا لا دا اتأكد انك بقيتي ف حمايتي كمان،،،،،
قولتله،،،، ايوا بس ازاي عايزنا نعيش هنا
معاكم،،،،، انا مقدرش اكون تقيله عليكم
وبعدين حسام اخويا محتاج عنايه لما يرجع من العنايه
فهد قالها اديكي قولتي بنفسك ان لازمه
رعاية واهتمام،،،،، ارجوكي وافقي بقا،،،،
خلاص اتفقنا،،،
،
ابتسمت وملاقتش كلام اقوله،،،،،
بقيت لما بكون مع فهد بحس ان نفسي اقوله الامر لك وبكرا لك وبعدو لك
ههههههههههه انا احساسي بيه كبير اوي
ديما بحس انه بيفكر ف الصح،،،،،،
انا طول عمري قويه بس لما بكون معاه
بأقوى اكتر،،،،،
______________________________
الايام عدت ومر حوالي شهر واحنا ف بيت
فهد الجبالي،،،،،
وف يوم كنت قاعده مع نهال
وشذى ومراد دخلو الفيلا ماسكين ادين بعض ومبسوطين،،،،،
مراد قال،،،،،،، احنا عاوزينكم النهارده تقوللنا تلاته مبروك،،،،يعني مبروك،،مبروك،،،،مبرووك
باركولنا ياجماعه احنا خلاص اتخرجنا،،،،،،
قولتله نينينييي،،،،،،،اخبارك بايته ياسي مراد،،،، انزل بالجديد،،،،،
شذى قالت،،،،،خلاص فتحنا صيدليه شذى
قولتله،،،،اي دا بجد الف مبروك ياحببتي
مراد كمل والخبر التالت والاحلى اننا
حددنا معاد فرحنا،،،،،،
قولتله انهي فرح الخطوبه ولا الدخله
قالي لا احنا الخطوبه والدخله هانعملهم سوا مع بعض،،،،،،،
نهال قامت من مكانها وقالت،،،،،الف الف
مبرووك ياحبايبي ربنا يسعدكم ياارب
فهد جه وقال،،،،، اي دا يامراد هو اللي انا سمعته دا بجد ولا ايه،،،، معقوله ربنا هداك
وناوي تعملها وتتجوز،،،،،
مراد قال،،،، ايه ياحبيب اخوك ماتوجب معايا اومال ان الله حليم ستار،،،،،،
شذى قالت،،،، اي دا انت كنت تعرف بنات
غيري،،،،،
مراد قالها.... اومال كنت اعرف بلستك
الكل ضحك بما فيهم ضحكتي حسيتها
حلوه اوي ف عيون فهد،،،،،،، معرفش ليه
اتكسفت منه وخرجت على بره ف الجنينه
فهد طلع اوضته،،،،وفضل باصص عليا من شباك اوضته،،، بعدها بشويه نهال دخلت عنده وقالتله،،،،، ايه رأيك فيها،،،، حاسه انها مناسبه ليك جدا يافهد،،،،،،،
فهد قالها،،،،، فاتن انسانه رائعه وجميله
نهال قالتله،،،،، طيب ماتاخد خطوه جد
وتفرح قلبنا زي اخوك مراد،،،،،، هو انت
هاتيجي اعقل منه،،،، دا كان مجنون ف الثانويه،،،،، وربنا هداه على ايد شذى
زي ما انت اتغيرت على ايد فاتن
فهد قالها،،،،،، صدقيني يا امي بفكر اني اخد فعلا خطوه زي دي،،،،،،، فاتن هي الانسانه الوحيده اللي حسيتها زي
امي الله يرحمها،،،،، وشوفت فيها حاجات كتير حلوه منها العفه والنزاهه والروح الطيبه،،،،، صدقيني انا نفسي ارتبط بيها فعلا،،،،،،
بس خايف لايكون في حد تاني ف حياتها غيري،،،،،،، وخايف لايكون اختياري غلط
لان احيانا مش كل اللي بنشوفه بيكون صح،،،،، احيانا بنغلط واحنا مش حاسين
،،،،، عايز اتأكد من مشارعري ناحيتها
وعايز اتأكد انها فعلا شريفه ومحترمه
انتي عارفه يا امي انا شوفت واتعاملت مع بنات كتير،،،،، وكنت مقررر ان مافيش
ولوحده هاتبات ف حضني ليلتين
لحد ماقابلت فاتن،،، غيرت معنى الحياه
بالنسبالي تماما،،،،، حاسس اني بعشقها مش
بس بحبها،،،،،،
_______________
كل الامور كانت ماشيه تمام
وقبل الفرح بساعات،،،،،،،،،،
زين اتصل بيا وقالي،،،،،، مبروك يافاتن
الف الف مبروك ياحببتي،،،، بس مش كان واجب تعزمينا،،،،،، دا احنا بردو اهلك وعمر الدم ما يبقى ميه، ـ،،،،،،
قولتله،،،،،، واهو بقى ميه،،،، واحنا مش
عايزين نعرفكم وانتو اللي قطعتو الصله دي مش احنا،،،،،، ماعلينا انت بتتصل
ليه دلوقتي وعايز ايه،،،،،
قالي انا عايز اشوفك،،،،، واتكلم معاكي
ضروري،،،،،،،
قولتله،،،، الله يخربيتك تشوفني ايه
انت عايز ايه تاني مني مش كفايه كل اللي عملته معانا،،،،، عايز ايه تاني ماتسبنا ف حالنا بقى،،،،،،
قالي،،،،، لا ياحببتي متقوليش كدا انا
مقدرش انساكي ابدا،،،،، انا بس عايز اشوفك واباركلك بنفسي على جواز شذى
واقدملك كمان هديه الفرح،،،،،
قولتله،،،،،، زين انت بتحلم،،،، انا اكيد مش هاقابلك ولو السما نزلت على الارض وحل عنا بقى يا اخي انت معندكش دم
قالي،،،،، حلو اوي الموشح دا،،،،، بس انا بقى مش لسه هاخد وادي معاكي ف الكلام انا هاجبلك الخلاصه ف طاسه،،،،،،، انا لو ماجيتيش قابلتيني دلوقتي ف المكان
اللي هاقولك عليه انا هاقتل جوز اختك
واهو قدامي اهو،،،،،، حتى افتحي نت دلوقتي،،،، هاويكي بث مباشر خمس نحوم
قولتله لا،،،،، لا يازين ارجوك،،،، اوعى تإذي
مراد،،،،، حرام عليك دا عريس بنت عمك ،،،،،، حاضر
حاضر انا جايه اقابلك
قالي خلاص،،،،،،،، تعاليلي ف اللوكيشن
الي هاقولك عليه دا دلوقتي،،،،،، يالا سلام،،،،،
قفل معايا وبص ل نهال وضحك كانت
قاعده جمبه ف العربيه وقالتله
برافو عليك ياحبيبي طول عمرك ولد
بصحيح،،،،، انا عايزه تنفذ اللي اتفقنا عليه
بالحرف،،،،،، مفهوم،،،،،،
زين قالها مفهوم،،،،،،، مفهوم ياست الكل
______________________________
في نفس الوقت بس ف مكان تاني كان
فهد مع العمال ف مكان تحت الانشاء وبيقولهم،،،،،،
انا عاوزكم تركزو معايا اوي المكان دا هيكون مهم جدا للسياحه بالذات ف القاهرة لان موقعه متميز،،،،، وانا قبل كدا اتفقت مع المهندسين يصممو قاعه العرس
بحيث تكون ف مدخل المبني ودا حصل
فعلا ف انا عاوز اكد عليكم ان المكان هنا هيكون بروفاشنال وانا اهم حاجه عندي الدقه ف نظام الشغل والاهم هو الاستلام ف المواعيد المحدده
اتفقنا ياشباب،،،،،،،
كلهم قالو فصوت واحد احنا تحت امرك يافهد بيه،،،،،،، وانسرفو بعدها. ،،،،،
فضل فهد واقف سرحان وبيبص عالمكان
وبيتخيل ان لما المكان دا يخلص يكون هو وفاتن اول عريس وعروسه يتعمل فرحهم
ف القاعه دي،،،،،، واول شهر عسل ويكون المكان بالكامل محجوز ليهم،،،،،، ويقول ف نفسه،،،،،،،، النهارده انا هاعترفلك ب حبي
يافاتن،،،،،، وهعيش معاكي لأبد ومافيش حاجه هاتفرقنا عن بعض ابدا ياحببتي
ورفع سماعه تلفونه واتصل بيها
قالها،،،،، ايه يافاتن انتي فين كدا،،،،،،،،
انا يادوب قولتلك وصلي الملفات على المكتب وروحي على فاتن علشان تشوفي اذا كان ناقصها حاجه،،،،،،،،
قولتله بإرتباك،،،،،،،، انا وصلت الملفات يافهد عايز ايه تاني ماتسبني ف حالي بقا
فهد استغرب وقالي،،،،، في ايه يافاتن
انتي بتكلميني كدا ليه،،،،،
قولتله،،،، انا اسفه يافهد بس اصلي ملخومه اوي دلوقتي ودماغي مش فيا
افتكرت ناس كان لازم اعزمهم ونسيت ف
لو سمحت هاخلص واكلمك،،،،،،،،،
فهد استغرب من طريقه كلامي بس قال ف نفسه
اكيد فاتن دلوقتي حاسه انها ام العروسه
علشان في مليون حاجه ف دماغها بس انا لازم اضيع كل القلق اللي هي عايشه فيه دا
وهعمل فقره ف الفرح واقدملها خاتم الخطوبه وانسيها فيها كل القلق دا ،،،،،
انتي بس اصبري حببتي
بعدها بشويه انا كنت ف مكان كان باين عليه لسه تحت الانشاء كان في عمال
راحين جايين بس مش كتير
زين مره واحده كان ف وشي مسكني من ايدي ودخلني على جوه،،،،،،،،
قالي،،،،،،، ازيك يابنت عمي عامله ايه؟؟!!
قالها بمسكنه مصطنعه وانا طبعا مصدقتوش،،،،،،، قولتله اخلص يازين
عايز ايه،،،،،،، وبتهددني ب عريس اختي
ليه،،،،،، هو انت مش ناوي تسبنا ف حالنا بقى،،،،،، ورثنا وسبناهولكم تشبعو بيه
وقولنا ربنا هو الكريم مبينساش حد من عباده،،،،،، ها،،،، عايزين ايه تاني
مستكترين الفرحه علينا ليه،،،،،،
زين بمسكنه،،،،، انا قررت ارجعلكم ورثكم
يافاتن،،،،،،
بصتله بإستغراب راح كمل وقالي،،،
ايوا ،،،،، مستغربه ليه دا حقكم،،،،، انا اكتشفت ان كل مانبت من سحت فالنار اولى به،،،،،، الشيخ قالها ف صلاه الجمعه
وانتي،،،،،،،، انتي يافاتن قولتيهالي قبل كدا
قولتيلي ان اللي بياكل مال اليتيم بيكون
كأنه واكل نار ف بطنه،،،،،،،،،
وانا اتحرقت من النار دي يافاتن،،،،،
اتحرقت بيها كتيير اوي،،،،،، انا خلاص
قرررت ان اتوب واديكي حقك انتي واختك
وماليش دعوه بأبويا،،،،، دا حتى لو وصلت اني ادفعه من جيبي هاعملها،،،،،،،
بس اهم حاجه تكوني راضيه ومسامحه
قولتله،،،،، ياسلام،،،، ودا ايه العقل دا كله
اللي نزل عليك فجأه نار وسُحت والشيخ
قالها ف الصلاه،،،،،، يخربيتك دا انا قربت
اصدقك،،،،،،،، ياترى ايه الملعوب الجديد
اللي بتلعبه من ورايا،،،،،،،،، ما انت اكيد
في بعد دا كله حاجه،،،،،،،
زين قالي ولو اي حاجه يابنت عمي انا عايزك بس تسامحيني،،،،،، انتي خلاص
ربنا اخدلك حقك وابتلاني بمرض خطير
وكلها كام يوم واموت،،،،، الدكاتره قالو قدامي بالكتير شهر،،،،،،،
انا عايزك تسامحيني،،،،،،،
وقرب مني وراح حض ني فجأه وبدأ يبكي
معرفش ليه ساعتها مزقتهوش ومبعدتوش عني،،،،،، ايه اللي خلاني اسيبه ف حض ني
زين فضل ماسك فيا وعمال يبكي ويقولي
سامحيني يافاتن سامحيني،،،،،،
وطبعا كان بيبكي بكاء التماسيح
مكنتش اعرف ان وقتها فهد شايفنا وشايف كل اللي حصل،،،،، وكان شايفه وهو
بيحضني وانا مع الاسف مبعدتهوش عني
فهد الدم غلي ف عروقه واتحول لإنسان تاني،،،،،،، بعد ماكنت خلاص قربت اشيل
الوحش اللي جواه كان مع الاسف الصدمه
عليه كانت كبيره واثرت فيه بالسلب