ملاك نورت حياتي
البارت السابع
اسر : في ايه
نور : مش عارفه
منه : يابنتي افتحي الظرف بس اوعديني تهدي
نور فتحت الظرف ومابنش عليها اي اثار الغضب او الحزن او اي حاجه كانت بارده جدا اسر : في ايه الظرف
نور : انذار رفض
اسر : اييه ليه
نور : غياب
اسر : اه الحمد لله
منه : مين اللي ممكن يعملها
نور : مش مهم انا عايزه اخرج مش انهارده اخر يوم وهنرجع
اسر : ماشي يلا روحو اجهزو وانا هكلم الباقي يجهزو
نور بفرحه : ماشيي
اما عند ساره ومراد فعلاقتهم اتحسنت جدا بس برضو مافيش مانع من شويه خناقات
مراد : سرسور
ساره : متقولش سرسور دي بتدايقني
مراد : سرسور سرسور سرسور
ساره : ااااه بقولك بتدايقني
مراد : مالك بس يا سرسور
ساره : يبني اسكت احسنلك
مراد : طب متقوليلي مالك ياسرسور
وقامت ساره وقعدوا يجرو في الاوضه
ساره : اقف احسنلك
مراد : مش هقف يا سرسور
ساره : اااااه رجلي اااه
مراد بخضه : مالك مالها رجلك
ساره بتمثيل العياط : اهئ اهئ وجعاني اهئ اهئ
جري عليها مراد وكان رايح يشلها وقعته علي الارض
مراد : اااااه ضهري اتكسر يخربيتك بتضحكي عليا طب والله ما انا سايبك
وقاموا وقعدو يجرو ورا بعض لحد ما قطعهم اتصال اسر
مراد وهو يرد علي المكالمه : المرادي رحمك مني المره الجايه محدش هيرحمك
اسر : يرحمها من ايه
مراد : انتا مالك حاجه بين راجل ومراته بتتحشر ليه
اسر : ماشي ياعم الله يسهلو ...بقولك ايه مش هنخرج بقا ولا ايه ده احنا راجعين بكره
مراد : ماشي تمام هنجهز ونيجي
اسر : ماشي سلام
مراد : يلا قومي البسي خارجين
ساره : هييييه
مراد : طفله والله
اما عند امير فكان قاعد زهقان لحد لما اسر رن عليه
امير : الو
اسر : ايه ياض يلا قوم انزل خارجين
امير : مش عايز
اسر : ليه
امير : زهقاااان وملان
اسر : واللي زهقان بيقعد في البيت
امير : يعم مش قادر اخرج
اسر : البس وتعالا بس مش يمكن نطلعلك بمصلحه من الليله دي
امير : اوووف يخربيت زنك خلاص جاي سلام
اسر : سلام
نور : انا جهزت
اسر : وانا كمان يلا
نور : ومنه
اسر : روحي ناديها ويلا
نور : ماشي
منه : لا خلاص انا جيت
وقف اسر مبهور ولاحظت نور واتدايقت اووي
نور : ايه اللي انتي لابساه ده هو احنا رايحين فرح
منه بهمس : ياشيخه اتنيلي وانتي شبه البرص الجعان كده
نور بغضب : بقا كده ماااشي ... مش هنمشي ولا ايه
اسر : هاا اه يلا
اما عند مراد فا خرجت ساره
مراد : اووووف دي باينلها ليله حمرااا
ساره : بتقول ايه
مراد : بقول ايه الجمال ده
ساره : ميرسي
مراد : طب يلا يا قمر بقا
ساره : يلا
اول لما امير شاف منه فضل مبحلق نص ساعه
اسر : انتا يابني بقالي ساعه بكلمك
امير : هااا اسكت بقا خليني اعرف اتامل جمال صنع الله
اسر : هههههههههههه جمال صنع الله بردو ياشيخ حرام عليك
امير : انا اللي حرام عليا مش حرام اللي هما بيعملوه فينا ده
اسر : اه والله حرام بس نعمل ايه قسمه ونصيب
امير : ههههههه قسمه ونصيب ياشيخ روح اتلهي بمراتك اللي شبه الغفير دي
اسر : ماتلم نفسك ياض بدل مااكسرك
امير : ياعم روح لمراتك دي وسيبني مع المزه الا صح بقولك هسالك سؤال وتجاوبني بصراحه
اسر باهتمام : اسال
امير بضحك : عمرك ماشكيت انها واحد صحبك
اسر : امييير
امير بضحك : خلاص يا عم
وجم مراد وساره واسر شاف ساره عامله ازاي
اسر لنفسه : اشمعني هيا هو انا مش من حقي اتمتع شويه دي حرماني من كل حاجه
وصوته بان : اااه يابا ياما هصبر لحد امتي
مراد : كتيييير
اسر : ايه هو انا بفكر بصوت
مراد : لا هيا اخر حته بس
اسر : الحمد لله اي ده انت عرفت ازاي انها اخر حته
مراد : يا عم بقالك ساعه سرحان
اسر : بتحسر علي بختي
امير : ها بقا هنعمل ايه
مراد : احنا نروح نفطر الاول بعدين نشوف هنعمل ايه
كلهم : ماشي
وهما بيفطروا راحت منه وقعت علي نور العصير
نور : عااااااا
منه باصطناع الدهشه : ايه ده انا اسفه معلش مكنش قصدي
نور : خلاص مش مهم
منه : بجد مكنش قصدي
نور : خلاص يا منه انا هروح اغير
اسر : خدي المفاتيح
نور : ماشي
منه : استني هاجي معاكي
ساره : ليه يعني صغيره
منه : ملكيش فيه يا رخمه
ساره : ماشي يا ستي ربنا يسامحك
وعند نور في الاوضه نور كانت بتطلع بنطلون جينز وسويت شيرت
منه : ايه ده ايه ده يابنتي هو انتي مابتحرميش
نور : احرم ايه
منه : يابنتي البسي فستان حاجه كده حلوه مش القرف اللي انتي مطلعاه
نور : انا عاجبني القرف ده
منه : يا بنتي انتي ماشفتيش الراجل عينه كانت هتطلع عليا ازاي
نور بتحاول تداري عصبيتها : اعمله ايه يعني منه : يابت انتي عايزه تفهميني انك مش هتولعي مني ونفسك تموتيني
نور : اوووف هو ده اللي عندي ده اذا كان عاجبه
منه : يابنتي اتهدي بقا حرام تحرمي الراجل من كل حاجه كده كده هيبص بره صدقيني بعدين في وحده تقعد مع جوزها بالبس ده ده انا اشك انه بقا بيعتبرك واحد صحبه
نور : اوووف خلاص طلعي حاجه
وبعد عناء طويل من منه انها تقنع نور بالفساتين خلصت نور وطلعتلهم واسر فضل واقف مكانه مش مصدق ان دي نور
امير : اووبااااا
مراد : اوباااااا
امير : ايييه المزه دي انا اسف يا صاحبي دي مش غفير ده انا اللي غفير كده اسر اسر انتا يابني
اسر فاتح بقه ومش بيتحرك
امير : الواد مات من الصدمه يا اسر اسر
اسر : هيا دي مراتي دي دي نور
ساره : ااااه
اسر : يعني دي نور مراتي مش واحده غيرها
ساره : ايوه يابني مالك مستغرب كده ليه
وجت منه ونور .
اسر بتوهان : انتي نور
نور بضحك : اومال هكون مين يعني
اسر : يابركه دعاكي ياما
امير : لا كده ياجماعه كتير علينا احنا بني ادمين
ساره بتالم : ااااه اه
مراد : مالك يا ساره
ساره : ااه بطني ااااااه لا خلاص مش قادره ااااه
مراد : ساره ساره مالللك
ساره بعياط : ااااه بطني هتموتني اااااه
مراد : اعمل ايييه
اسر : انت لسه هتسأل يلا علي المستشفي
مراد شالها وجري بيها ركبها العربيه وكان بيسوق بطريقه جنونيه
وفي المستشفي
مراد : ها يا دكتور مالها فيها ايه هيا كويسه
الدكتور : انا اسف ...............