#حكايتى مع الزمان#
#الفصل التاسع والعشرون#
بقلم ديجا
بسم الله الرحمن الرحيم
فى قاعه الفرح فجاءه النور انطفى والكل بدأ يتسأل اللى حصل فجاءه دايرة نور خافت بتتوجهه على باب القاعه وبتشتغل أغنيه مهرجانات وبيدخل مجموعة شباب لابسين چاكت بدله وشورت 😳😳😳
وكانوا اصحاب سيف فى الشرطه مجانين 😂😂😂وشدوه يرقص معاهم
سيف: يا ولاد المجانين ده أنا فكرت حد جاى يختالنى
سليم: مش هتبطلوا حركاتكم دى رعبتوا الناس
الكل ضحك على عمايلهم المرحه اللى عملت أجواء للفرح
ديجا: مبروك يا أمل ربنا يتمملك بخير ويعينك على جنان جوزك
أمل: الله يبارك فيكي ياحبيبتي أحلى حاجة أنه مجنون عشان نغير الروتين الزوجى😂😂بس قوليلي مالك كده حاسه انك تعبانه زعلانه فى أيه
ديجا: ابدا يا حبيبتي إرهاق بس مش اكتر
عدت الليلةعلى خير والكل فرحان
///////////////بقلمي/ديجا❤️❤️❤️❤️❤️
فالمنزل عند حسن وسامية الضيوف بعد الفرح دخلوا الملحق يرتاحوا عشان يسافروا بكرة
فالغرفه عند حسن وسامية
حسن: حاسس أن سليم وخديجه فيهم حاجه بقالهم كام يوم
ساميه: ايوة وأنا كمان شكلهم متخانقين مش بطبيعتهم من كام يوم كده
حسن: محاولتيش تعرفى فى أيه
ساميه: سألت ديجا وقالتلى أنها مرهقه بس قلبي بيقولى فى حاجه
حسن : ربنا يصلح لهم الحال
عند ديجا وسليم فالغرفه
سليم دخل ياخد دش ولبس شورت قطن وعليه تيشيرت قطن
لقى ديجا قاعده على كرسي التسريحه بتسرح شعرها وسرحانه ودمعه نازله من عينها
سليم قرب منها : مالك ياحبيبتي فى أيه
ديجا: سليم أنا مش هعمل إجهاض مش هقدر
سليم: ممكن تهدى ونتكلم بالعقل دلوقتى أنت هتعملى كده عشان البيبى عنده مشكله مش هتنزليه بدون سبب وأن شاء الله ربنا يعوضنا بغيره سليم معافى
ديجا: أنا بقالى أربع ليالي بصلى الاستخاره وكل الرؤى بتقول أن اسيبه عشان خاطري ما تضغطش عليا وخلينى محتفظه بيه
سليم بقله حيله: ماشى يا ديجا لما نشوف اخرتها فى عندك ده
ديجا:صدقنى مش عند ولا حاجه وأن شاء الله خير اطمن
سليم: امرى لله يلا نام لأحسن أنا تعبان أوى
وخدها فحضنه ودفن رأسه فى رقبتها ليستنشق رائحتها التى اصبح يدمنها ولا يستطيع النوم إلا بجوارها مثل الأطفال
فى نفس المنزل فى غرفه آخرى
حازم:الفرح كان حلو أوى وصحاب سيف قلبوا الفرح ده أنا قولت فى عصابة اقتحمت الفرح
روزا: هههههههههههه أيوة صح دول خلونى عايزة اعيد فرحى من جديد
حازم حضنها من ضهرها: طب ومالوا نعيد الفرح أيه رأيك ياجميل..رن هاتف روزا
حازم: مين الرخم اللى بيرن فى اللحظات الحلوة دى
روزا: دكتور ليان اللى ديجا كشفت عندها
أهلا ليان عامله ايه
ليان: .. ......
روزا: هما ماقالوش حاجة بس هكلمها وبكرة هرد عليكى سلام
حازم: خير فى أيه حصل حاجه
روزا: ديجا جنينها مشوه والمفروض تعمل إجهاض ورافضه وليان كلمتنى اقنعها
حازم: عشان كده شكلهم مضايق من يوم الكشف وأكيد متكلموش عشان ميزعلوش ماما وبابا قبل فرح سيف
روزا :ايوه اكيد يلا نام والصبح هتكلم معاها
////////////بقلمي/ديجا❤️❤️❤️❤️❤️
عند العرسان دخلوا شقتهم
سيف: نورتى مملكتك يا ملكه قلبي
أمل بكسوف:احم ده نورك
سيف : مكسوفه ليه ده أنا زى جوزك يعني
أمل بضحك:زى جوزى ماشى
سيف:تعالى افرجك الشقه وقوليلى أيه رأيك فى زوقى
أمل: أكيد حلو يا حبيبي مش اخترتنى
سيف ضحك بصوت عالى وبانت غمازاته: تبا لتواضعك يا حبيبتي تعالى يلا
لفوا الشقه وعجبت أمل قوى وأخيرا وصلوا لاوضه النوم
سيف:دى بقى أحلى حاجة فالشقه اوضه النوم
أمل بكسوف: أنت قليل الأدب على فكرة
سيف: إنت فهمتى أيه أنا اقصد عشان بنام ونرتاح من تعب طول اليوم وأنا اللى فكرك مؤدبه (بصوت اللمبي)😂😂
أمل: والله هحاول اصدقك
دخلوا وانبهرت أمل لما لقت ورد وشموع حاجة كده منتهى الرومانسية زى ما كانت بتتمنى واكتر عينها دمعت من الفرحة
سيف : هسيبك تغيرى براحتك وتتوضى عشان نصلى سوا
أمل: حاضر ..دخلت غرفة الملابس وبتحاول تفتح السوسته ومش عارفه رايحه جايه ومش عارفه تتصرف أزاى وبعد مرور ربع ساعه خبط سيف وسمحت ليه بالدخول ولقاها لسه بفستانها
سيف: أيه ده أنت لسه ما غيرتيش بضيعى وقتنا كده هههههههههههه
أمل: سيف من فضلك عيب كده غمض عينك وافتحلى السوسته اطلع بره
سيف: عيب كده واطلع بره فى نفس الجمله كده كتشيير أوى عليا لفى يا ختى وغمضت أهو فتحلها السوسته وخرج سابها برااحتها غيرت وخرجت لابسه إسدال الصلاة
أمل: أنا جاهزة للصلاة
سيف صلى بيها وقعد يدعى أن ربنا يبارك حياتهم مع بعض ويرزقهم الذرية الصالحة
سيف : أمل حبيبتي مش عايزك تخافى منى عايزك تطمنى طول ما أنا جانبك ماشى
أمل:اكتفت بهز راسها بالموافقه
سيف : طب يلا نأكل عشان ننام ورانا سفر الصبح بدري
أمل: هناكل ونام
سيف: امممم غمز ليها وقالها لوعايزة حاجه تاني تمام
أمل:قليل الأدب وقامت تجرى من قدامه
سيف : قام جرى وراها انا بقى هوريكى قله الأدب....ونسيبهم عرسان ومالناش دعوة 😉
أسدل الليل ستاره على كل أبطالنا وفى صباح يوم جديد
ديجا صحيت قبل الفجر كعادتها صلت وقاعده تقرأ قرآن صحى سليم عشان يصلى الفجر
صلى وانتهى من صلاته رجع لقى ديجا لسه بتصلى قعد جمبها لحد ما خلصت باس راسها وقالها عقبال لما نصلى فالحرم
ديجا: يارب ياريت يا حبيبي
سليم: أن شاءالله اولدى بالسلامه ونروح كلنا أيه رأيك
ديجا بفرحه : بتتكلم جد
سليم:جد جدا كمان
ديجا حست بحركه البيبى فى بطنها حطت ايديها على بطنها وابتسمت بتلقائية سليم هات ايديك بسرعه وحطت أيده على بطنها وهو كمان حس بالحركة وقلبه دق أوى
سليم: بجد احساس حلو أوى
ديجا: أوى أوى وعينها دمعت عارف يا سليم حاسه وكانى أول مرة أحمل مش عارفه ليه يمكن عشان منك
ضمها سليم لحضنه أحلى حاجة أنه هيكون منك أنتى ياحبيبتي
ديجا: أنا جعانه هقوم اعمل ساندوتش وقهوة اعملك معايا
سليم: بلاش قهوة يا حبيبتي خليه لبن أحسن
ديجا: حاضر يا بابى وباست خده وقامت جهزت ساندوتشات ليها ولسليم
فطروا سوا وناموا شويه عشان كل واحد ينزل يشوف شغله
////////((بقلمي/ديجا❤️❤️❤️❤️
فى مشغل ديجا البنات شغالين
نور : صباح الخير يا بنات
احدى البنات: صباح النور يا نور
نور : اخبار الشغل أيه عشان هنسلم النهارده
دخل عمرو المشغل وسأل عن ديجا
نور: مدام خديجه لسه مجتش قدامها ١٠ دقائق لسه مكلمانى
عمرو: طب تمام أنا هستنى فى مكتبها
نور : تمام تحب تشرب حاجه
عمرو: ممكن نسكافيه
وصلت ديجا بعد ما سلمت على ضيوف الصعيد قبل ما يسافروا دخلت لقت عمرو
ديجا: حبيبي عامل ايه وحضنته
عمرو: أنت اللى عامله ايه واخبار النونو أيه
ديجا: الحمد لله
عمرو: كنت جايبلك حسابات المطعم راجعيها ونسبتك اتحولت على حسابك
ديجا: خلاص يا حبيبي مش إنت راجعتها
الباب خبط ودخلت نور بالنسكافيه وقهوه لديچا حطتها وخرجت وعمرو عينه معاها
ديجا: غض بصرك يا استاذ أيه الحكايه
عمرو: مش عارف يا خوخه من يوم ما دخلت المطعم تسأل على شغل حسيت أنها دخلت قلبي خطفتنى كده
ديجا: اممم قولتلى بقى عالعموم أسأل عليها كويس لو تمام نروح نخطبها ولا أنت ايه رأيك أنا شايفه أنها بنت كويسه فكرتنى بنفسى
عمرو : خلاص تمام هسأل عليها وابلغك اخر التطورات هطير أنا عالمطعم سلميلي عالبنات وسليم
وبعد مرور شهرين رفضت ديجا تجهض ورفضت حتى تروح تعمل متابعه مع اى دكتوره
بالليل والكل نايم
ديجا بوجع : سليم الحقنى الحقنى
سليم: أيه فى أيه
ديجا : تعبانه أوى ودينى المستشفى
سليم: هجبلك دكتوره حالا أنت لسه فالسابع
ديجا: عشان كده بقولك ودينى المستشفى
وفجأة............