#حكايتى مع الزمان#
#الفصل الثلاثون#
بقلم ديجا
بسم الله الرحمن الرحيم
ديجا بتصرخ من الوجع وسليم مش عارف يتصرف ازاي رن على مامته تيجى عنده الجناح
وديجا نازل منها ميه كتير غرقت الأرض ومش قادرة تقف شالها سليم ونزل يجرى بيها عالسلم قابل مامته وباباه وحازم وروزا
حازم: تعالى بسرعه على عربيتى خليك معاها ورا وركبت معاهم روزا وحسن وسامية ركبوا مع السواق وراحوا عالمستشفى اللى فتحها حازم وفالطريق حازم كلم المستشفى يجهزوا لاستقبال ديجا
سليم: دكتوره يا حازم ها مش دكتور
حازم: يا عم أحنا فى أيه وإنت فى أيه
ديجا بوجع وعياط:يارب يارب
سليم: معلش ياحبيبتي استحملى خلاص قربنا أهو وحضنها جامد
ديجا: أنا خايفه اوى احضنى كمان
سليم: أنا جنبك ماتخافيش ربنا كريم
ديجا: ايوة ربنا كريم أوى ورحيم بعباده
روزا: أن شاءالله خير ما تقلقيش التوتر مش كويس على شانك
واخيرا وصلوا المستشفى شالها سليم ودخل يجرى بيها على جوه ووراه باباه ومامته وصلوا فنفس الوقت حازم سبق وقابلهم بالترولى وخدوها على غرفه الاستقبال للفحص
الدكتوره ليان : مدام خديجه هو حضرتك معملتيش إجهاض
دكتورة سمر : مش وقته يا ليان وعملت الفحص لازم تولد حالا جهزوا العمليات بسرعه
الممرضه1: حالآ يا دكتوره
سمر للمرضه 2: جهزيها عشان ننقلها للعمليات
الممرضه 2:حاضر يادكتوره وبدأت تغير لديجا ملابسها بملابس العمليات
ديجا: من فضلك قولى لسليم جوزى يجيب هدوم للبيبي لأنى محضرتش شنطه
الممرضه 2:حاضر يا مدام احضرك واقولهم ما تقلقيش
ديجا:عماله تستغفر وتدعى ربنا ودموعها نازله
دخل سليم: ليها حبيبتي عامله ايه أن شاءالله هتبقى كويسه ومش مهم حاجه تانيه
ديجا:خليك جنبى يا سليم ما تسبنيش
سليم: حاضر أنا جنبك أهو
ليان : من فضلك يا أستاذ ما ينفعش لازم تطلع برة المدام هتخلص المحلول وتدخل العمليات
سليم: سيبينى معاها لحد ما المحلول يخلص
ليان: من فضلك يا أستاذ بره عشان نشوف شغلنا
سليم بأنفعال: شغل ايه يا أم شغل أنا ممكن ارفدك أصلا
ليان بخوف : أنا أسفه ما اقصدش
سليم: اتفضلى بره وابعتيلى دكتوره غيرك
ليان خرجت وبعتت سمر تتابع معاهم
سمر : مدام خديجه ما تقلقيش الحالة مستقره وأن شاء الله خير يلا ندخل العمليات من فضلك
ديجا: حاضر يلا ممكن سليم يدخل معايا
سمر وطت على ديجا: هو متوتر أوى زى ما أنت شايفه ينفع ناخده معانا ويتوتر اكتر
ديجا: أكيد لا خلاص يلا بينا
سمر: ما تقلقش يا استاذ سليم مش هنتأخر عليك أن شاءالله
دخلوا اوضه العمليات ووقف سليم وحازم وحسن وسامية وجه سيف وأمل بعد ما اتصل بيهم حازم وجه عمرو مع عزة وسارة والكل واقف بيدعى لها بالسلامه وبعد مرور نصف ساعة خرجت الممرضه والدكتورة سمر وفى أيدها ورقه :لازم حضرتك توقع أنك موافق أنها تولد قيصرى لأن الحاله متعسره
سليم:مسك الورقة ومضى أهم حاجة هى عشان لو جرالها حاجه مش هرحم حد اتفضلى
دخلوا تانى
عزة: مالها بنتى ياسليم
سليم:اطمنى ياحبيبتي هى بخير بس هتولد قيصرى ادعيلها
مشى سليم وسابهم وراح يصلى ويدعلها وبعد مرور وقت خرجت الممرضه وشايله ولد تبارك الله وقالت:عايزين طقمين تانى للولاد اللى جوه
الجميع 😳😳😳:ولاد جوه ولاده مين
الممرضه: أصل مدام خديجه كانت حامل فى ٣تؤام 😀😀ولدين وبنت زى القمر
ساميه قامت بفرحه اديتها باقى الهدوم اللى حازم جابها وخدت الولد منها
عزة : بسم الله ماشاء الله زى القمر
روزا : اه ياطنط ده كيوت خالص ده كده غيرت وهعملها قريب
حسن خدوه من ساميه وشاله وكبر فى ودنه خرجت الممرضه1ومعاها البنوته وخرجت الممرضه 2ومعاها الولد التانى وخدوهم عشان يودهم الحضانه تحت الملاحظه بعد ما أكد دكتور الاطفال أنهم بصحه جيده
جه سليم ووقف مصدوم😳😳😳
سليم: خديجه فين هى عامله ايه عايز اطمن عليها...فالوقت ده خرجت الدكتورة ليان
ليان: المدام بخير اطمن هى هتفوق وهننقلها اوضتها والولاد بخير حاله غريبه جدا السونار كان مبين شكل الجنين غريب جداً اتاريه ٣ أجنه ولدين فى كيس والبنت فى كيس تانى مدام خديجه عندها شفافيه عالية كنا هنندم لو كنا عملنا أجهاض
عزة : بس دول مولدين بدرى ولاد سبعه
ليان: متقلقيش الولاد حالتهم كويسه وزنهم كمان كويس
ساميه: طب ليه دخلوا حضانه
ليان : تحت الملاحظه عشان نطمن أحنا حتى اللى بيتولد فالتاسع بندخله حضانه ذياده اطمئنان
سارة : ممكن نشوفها امتى
ليان : زمانها فاقت وهندخله اوضتها عن اذنكم
بعد شويه خرجت ديجا لاوضتها بعد ما فاقت
سمر: تقدروا تشوفوها بس الاوضه مش هتستوعب العدد ده كله ممكن اتنين اتنين يدخلوا
سليم: أنا هدخل الأول بعد اذنكم مستناش رد ودخل ليها وقفل الباب
ديجا بأبتسامه: تعالى ياحبيبى أنا كويسه
سليم :بجد يا قلبي حاسه بأيه وقرب عليه حضنها
ديجا صرخت بوجع: براحه ياسليم حاسب الجرح
سليم: حقك عليا أنا أسف اجيب الدكتوره
ديجا: لأ أنا كويسه خلاص شوفت الولاد
سليم: لأ مقدرتش قبل ما اطمن عليكي هنسميهم أيه
ديجا: هنسمى الولاد حسن وحسين
سليم: والبنت ملاك عشان نبقى عندنا مليكه وملك وملاك
ديجا بفرحه أنه حتى بعد ما ربنا رزقه ب٣ولاد منسيش بناتها: كلامك اوامر يا ابوالعيال
سليم:بس تعالى هنا أنت كنت عارفه أنك حامل فى ٣
ديجا: اكيد لا طبعا على يدك أنا مكنتش بعمل سونار بعد كلام دكتورة ليان
سليم: الحمد لله أننا مسمعناش كلامها
ديجا:ربنا رحيم بعباده وأحنا رضينا بقضاءه مهما كانت النتيجة أنا كنت راضيه
الباب خبط وكانت الممرضه
الممرضه: أنا اسفه بس معاد العلاج
وحطت العلاج فى الكانيولا
سليم:هى مش هتاكل ولا أيه
الممرضه : لا مش دلوقتى مسموح بس بمشروبات سخنه وعصائر
الكل دخل اطمن على ديجا وسليم طلب منهم إنهم يروحوا وهو هيبات معاها
سيف: أنا هوصلهم وارجع اقعد معاك
سليم: لا يا عم روح مع مراتك
أمل: خلاص أنا هفضل معاها
سليم: لا خدى جوزك وروحى
ساميه: لازم حد يفضل معاك يا بنى
سارة: أنا اللى هبات معاها عشان لو احتاجت حاجه بعد اذنك يا سليم
سليم: خلاص تمام خليكي معانا
ديجا المفروض تقوم تتمشى ساعدها سليم وكانت موجوعه آوى لدرجه أنها بكت
سليم:عشان خاطري ما تبكيش ياريت اقدر أشيل عنك الوجع
ديجا: كفاية أنك جنبى أنا هبقى كويسه ممكن اشوف الولاد
سليم : ارتاحى واخليهم يجيبوهم
الممرضه: أحنا هنجبهم واحد واحد عشا ترضعيهم اتفضلى ارتاحى
سارة : شايله حسن وعماله تحضن وتبوس فيه
ديجا: خلاص يا سوسو هتاكليه
سارة: نفسى والله الطعم ده حبيب خالتوا
سليم: سيبى الواد يا سارة
سارة: ماشى يا عم أهو هنيمه وأروح أجيب نسكافيه اجبلك معايا
سليم: لأ خليكي هجيب أكل لينا واجيب النسكافيه
الممرضه جابت حسين لديجا رضع وجابت ملاك
وبعدين خدتهم تانى للحضانه وديجا نامت من التعب خرجت سارة تتمشى على ما سليم يرجع خبطت فى شاب طويل بعضلات عيونه زرقه وشعره بنى فاتح بشرته بيضاء
سارة: مش تخلى بالك
مؤمن : أنا أسف يا آنسه عن أذنك
سارة : ماله ده وبعدين انا مالى
تانى يوم ديجا وولادها روحوا البيت والكل فى استقبالهم حسن أمر بدبح عجلين ووزع على عمال المصانع والموظفين وديجا طلبت من أمل تقبض البنات شهر مكافأة الكل فرحان عدى اسبوعين على ولادة ديجا وسليم جنبها مش بيسبها بيأكلها بأيده ويساعدها فى التغير للولاد وطول الوقت شايل ملاك وبيغنلها😀😀
وقرروا يعملوا عقيقه للولاد ويعزموا الموظفين وكل حبايبهم
///////////////بقلمي/ديجا❤️❤️❤️❤️❤️
فى المشغل عند ديجا عمرو جه يعزم البنات على عقيقه ولاد ديجا
عمرو لنور: ممكن نتقابل ونتكلم كلمتين مع بعض بعد اذنك
نور: ليه خير فى حاجه
عمرو: كل خير أن شاءالله ممكن
نور ابتسمت: ممكن بس هى ربع ساعة
عمرو: تمام اشوفك كمان ساعه فى كافية ..... جمب المشغل باى
بعد ساعه فالكافيه جت نور وقعدت مع عمرو واتكلم عن نفسه
......: نور بتعملى أيه هنا
نور: أنا بس.....