رواية العنيدة
الفصل العاشر
والحادي عشر
بقلم #هدير_بدر
هناء : يعني انا برن عليك وحضرتك هنا بتتصرمح مع دي
زين اتعصب ولسه هايرد
حور : الحلوة اللي طلتها زي الزفت مين
هناء : انا طلتي زي الزفت شكلك اصلا جايه من الشوارع
حور : لا بقا دا انتي محتاجه تتربي
زين : اهدي ياحور
حور : وسع يلا من وشي
حور جات تقوم حسيت بدوخه بس شدت علي نفسها وقامت
راحت تجاه هناء وجابتها من شعرها
حور بعصبيه : انا هاوريكي بتاعت الشوارع دي هاتعمل فيكي اي
هناء : وسعي يامجنونه
الحقني يازين
زين : مش غلطي اتحملى
حور فضلت تشدها من شعرها
هناء بتدافع عن نفسها قامت ضرباها في دراعها
زين جري
حور : ااااه
زين : انتي بخير
حور : دراعي
زين قومها براحه
هناء : انت يابابا مين البت دي انت ناسي اني خطيبتك
حور الكلمه وجعتها
زين : اقسم بالله ياهناء
ان ماروحتي ولسه هايكمل
هناء : اسيبك مع دي انت اتجننت
حور : اطلعوا برة انتو الاتنين انا نقصاكم خد الحلوفه دي وبرا يالا
زين كتم ضحكته بالعافيه
هناء : انا حلوفه يا شحاته يابتاعت الشوارع
حور : وربي ماسيباكي بقا انتي اللي جبتيه لنفسك
واستقوت علي نفسها وقامت مسكتها من شعرها رمتها في الارض وقعدت عليها انا تربيه شوارع انا هاعرفك تربيت الشوارع دي هاتعمل فيكي اي
زين في نفسه : ياعيني كانت اميره والله هناء
هناء : الحقوووووني انتي ماتعرفيش انا بنت مين
حور : لا ماحصليش الشرف يادلوعه بابي وعضتها
هناء : زييييين الحقني شيل دي من عليا
ابراهيم دخل
ابراهيم : في اي اي اللي بيحصل هنا
وشد حور
حور قامت كانت تعبانه وجالها نزيف تاني بس ماحطيتشي في دماغها
حور : سيبني يابابا لو سمحت اربيها
ابراهيم: حصل اي
هناء : بنتك ضربتني وعضتني شوف عملت اي في شعري
ابراهيم : انا ربيتك علي كدا ياحور
بس بنتي ماتعملشي كدا من دماغها اكيد
حور ابتسمت بانتصار وأكملت برقه : بتقول عليا يابابي تربيه شوارع بنتك بقيت تربيه شوارع اهئ اهئ
ابراهيم : انا بنتي تربيه شوارع والأستاذ زين واقف
زين : والله هي خدت حقها
حور : انت ربتني اني اسيب حقي يابابي بزمتك
ابراهيم غمزلها وزين ضحك : لا ياحبيبتي
هناء اتعصبت : يعني بنتك عملت فية دا كله وانت ساكت انا هاسجنكم
زين : هناااااء ماتعليش صوتك دا اللواء ابراهيم
هناء اتصدمت : احم طاب استاذن انا وطارت
ابراهيم : انتي بخير ياحبيبتي
حور كانت قوتها بدأت تنهار : ايوا ياحبيبي
اعملى ورق الخروج ماما وحشتني اوي
زين لاحظ ان حور بتضغط علي نفسها
ابراهيم: هاكلملك الدكتور بس لو في اي خطر انا مش هاوافق بيه وسابها وخرج
حور كانت تعبت وماعدتشي متحمله
حور : اااااه
زين جري عليها: مالك طمنيني
حور : ايدي اااااه وبطني بتتقطع حاسه في حد بيقطعها ماتقولشي لبابا ارجوك انا عايزه اخرج
زين : اسكتي خالص ومسك ايدها وسندها وقعدها علي السرير
حطلها الكالونه
حور : هات حبوب ***** بسرعه علشان النزيف مايزدشي
زين اتصدم انها عارفه في حاجات الطب
حور : اخلص
زين جري ونزل جابلها فعلا
حور خدتها وبالفعل بدأت تتحسن
زين : بقيتي احسن
حور: ايوا
.......
ابراهيم: عايز اطمن علي حاله بنتي
الدكتور: والله يابراهيم باشا انا مش هاكدب عليك بنت حضرتك مش هاتخلف علشان بعد اللي حصلها دا اثر غلي الخلفه تماما فا ياريت ماتبلغهاش علشان نفسيتها احنا حطنالها ان احتمال تخلف بس للاسف هي مش هاتقدر
ابراهيم زعل اوي : خير كله خير طاب ينفع اطلعها
الدكتور : بكرة بس لازم ماتقومشي من السرير نهائي ولا اي حركه علشان النزيف مايحصلشي تاني
ابراهيم : تمام
وخرج
ابراهيم: دايما يابنتي لازم تعاني كدا ربنا يبعتلك ابن الحلال اللي يصونك يارب
يارب صبرها وعوضها انت عارف اللي مريت بيه ومسح دمعته اللي نزلت
ودخل لحور
حور : اي يابابا هامشي امتي
ابراهيم: بكرة ياحبيبتي علشان ممنوع الحركه واياكي تقومي تاني مفهوم
حور : حاضر
طاب قلت لماما اي
ابراهيم : قلتلها انك مع صاحبتك نيفين ماتقلقيش
حور : نفسي نيفين تيجي
ابراهيم: انتي عارفه انها في جامعتها ياحبيبتي وهاتنزل قريب ماتزعليش
حور : توصل بالسلامه يارب
ابراهيم: زين قوم يابني علشان انت تعبت خالص وبقالك حوالي تلت ايام اهو برا بيتك
زين : لا ياعمي
حور: روح شوف خطيبتك.ياخويا
زين : استغفر الله مش هاتحرك
زين كان وشه باين عليه الإرهاق فعلا
ابراهيم: روح غير علي الاقل وارتاح ساعتين وتعالي وبدون نقاش يالا
زين قام روح بيته
.........
بسنت صحيت لاقيت بطنها مقلوبه
وجسمها تاعبها
قامت جري رجعت
غسلت وشها
بسنت : انا مالي كدا انهارده اووووف اما ارن علي ليلي
بسنت : ايوا ياليلي انا مش قادره خالص وبطني مقلوبه من الصبح وحاسه بخمول في جسمي مش قادره
ليلي : ياخبر انا جيالك يارب مايبقا الي في بالي وقفلت معاها
ليلي راحت لبسنت
ليلي : ازيك ياطنط
هنيه بصيت علي لبس ليلي
ليلي كانت لابسه فستان قبل الركبه ومبين جسمها اكتر ماخافي منه
هنيه : ازيك ياختي نعم
ليلي : انا طالعه لبسنت باااي
وطلعت لبسنت
هنيه : انا لازم ابعد بنتي عن الشله دي مش عايزه حد يشمت فيا
ليلي : خدي دة شوفي النتيجه كدا .
بسنت : يانهار اسود لا مش معقول حامل استحاله
ليلي : نطمن
بسنت خدت فعلا
والنتيجه طلعت ..
البارت ال 11 من روايه #العنيده
بسنت اتصدمت : اي النتيجه إيجابي ولطمت اعمل اي طلعت جري لصاحبتها
ووريتها الشريط
ليلي: هانعمل اي في المصيبه دي
بسنت : مش عارفه مش عارفه اعمل اي ربنا يستر ربنا يستر
ورنت علي أحمد
بسنت : الحقني في مصيبه لازم نتقابل في ***
احمد بملل : اخلصي
مش فاضي في اي
بسنت : بقولك مصيبه
احمد: تمام الساعه اتنين وقفل معاها
بسنت : انا اقوم البس واروح اقابله
ليلي: تمام اخدك في طريقي
بسنت : تمام وجهزت
.........
زين روح خد شاور وكل تفكيره في حور
زين : اووووف أقف بقا انا ليه عمال افكر فيها ليييييه
خلص وجهز جاي ينام
لا مش اقدر انام هاروح اطمن عليها
لسه هايخرج لقي هناء ادام الباب
..
ابراهيم قعد جنب حور
ابراهيم : حاسه باي وجع
حور: لا ياحبيبي احنا لازم نمشي بقا
ابراهيم: معلشي يابنتي استحملي اليوم دا
حور : طاب قوم امشي وانا بخير صدقني
ابراهيم : لا مش بخير وبعدين احكيلي مين دول اللي خطفوكي وانا انسفهم
حور افتكرت ودمعه نزلت منها
وبعدين مسحتها
........
زين : نعم عايزه اي
هناء بدلع : كدة ياحبيبي تسيب واحده زي دي تضربني
زين : والله انتي اللي غلطي
هناء بضيق : يعني تضربني ادامك
زين : قلتلك ميت مره انتي غلطي واتفضلي بقا علشان عندي مشوار
هناء : مشوار والا مستشفي
زين : اظن مالكيش في والزمي حدودك
هناء : شكلك ناسي اني خطيبتك
زين : بالاسم ياماما ماتنسيش انتي خطيبتي لي لكن في الحقيقه مش خطيبتي
هناء : اي اللي بتقوله دا
زين : زي ماسمعتي وابعدي عن حياتي انا عامل كدا علشان ابويا مش اكتر
هناء : لا بقولك اي انا خطيبتك غصب عنك
زين : لا ياهانم مش خطيبتي انتي ابوكي استغل ابويا في شغلي علشان اخطبك علشان انانيتك فاكره أما أنا نجحت في
اختبارت الشرطه وانتي اعجبتي بيا خليتي ابوكي يوقف قبولى علي جوازي منك مش اكتر وابويا دا كان حلمه فا خلاني اوافق غصب عني
فا ياشاطره ابعدي عن حياتي واه ماتنسيش بقا مركزي اي دلوقتي فا دبلتك اهي ماعنتوش لازمني
هناء : صدقني هاندمك
زين : اعملى مابدالك ماعدشي فارق معايا ماشي يابيضه اللي ليا ماتو ماعدشي عندي نقطه ضعف
هناء : لا عندك سلام يا ياحضره الظابط
زين : صدقيني انا اللي هاندمك حسابكم تقل اوي معايا
زين قعد افتكر اللي حصل لأهله وازاى كانت حياته معاهم وحياته بعد ما ماتو
زين : ربنا يرحمكم ياحبايبي صدقوني هاجيب حقكم وقريب اوي
بس اعرف اجيب دليل عليهم ومسح دمعته وقام
......
حور : بلاش دلوقتي
ابراهيم : ليه يابنتي
حور : عادي مش حابه احكي دلوقتي صدقني في الوقت المناسب هاحكيلك انت مش واثق فيا
ابراهيم : لا ازاى ماثقشي فيكي هاسيبك علي راحتك
لقوا زين دخل
حور : انت جيت لي
ابراهيم : اي يابني انت لحقت
زين كان قلبه واجعه علشان الماضي رجع تاني
حور استغربت سكوته
ابراهيم : زين يا ابني
زين : هه
ابراهيم : مالك يابني
زين : لا لا مافيش حاجه انا جيت اطمن علي حور بس
ابراهيم حس انه فيه حاجه
لقي تليفونه بيرن حمد ربنا
ابراهيم : نهال بترن
حور : روح يابابا انت عارف انها مش بتعرف تقعد لوحدها صدقني انا بخير ولو في حاجه هارن عليك
ابراهيم: عينك عليها يابني
زين : ماشي ياعمي
وقعد جنب حور
حور حسيت انه زعلان
حور: احم ممكن تقولى مالك
زين : هه لا مافيش
حور : صدقني ماينفعشي تكتم كله في قلبك عرفني مالك
زين اتنفس جامد : صدقيني هاحكيلك بس مش هاينفع دلوقتي
حور : تمام اي وقت حابب تحكي فيه انا موجوده
زين : تسلمي يارب المهم عايزين نوصل للناس اللي اذوكي
حور : ان شاءالله نوصلهم
.......
بسنت قابلت احمد
احمد : في اي
بسنت : انا في مصيبه
احمد : قولى في اي
بسنت : انا حامل
احمد : نعم حامل من مين
بسنت بصدمه : اي من مين دي
احمد : وانا اعرف منين
بسنت : منك
احمد ضحك : مني انا
بسنت : امال من مين
احمد : لا ياحلوه مش مني روحي شوفي من مين
بسنت بصدمه : اييييه