ملاك نورت حياتي
البارت العشرون
طلعت اللي خبطت في اسر يارا وكانت هتقع فحضنه
نور : لا انا كده فاض بيا الكيل انا مش قادره لازم اضرب البت دي
ساره ومنه مسكوها بسرعه
نور : حاسبي انتي وهيا والله هضربكو
منه : خلاص يا نور اهدي بالله عليكي
ساره : مش هنسيبك هتقتلي البت
راحت نور وبحركه لا اراديه زقت ساره حته زقه ومسكة دراع منه لوته وراحت مشنكلاها برجليها ووقعت علي الارض
منه وساره : اااه يابنت المفتريه
راحت نور جري علي يارا راحت يارا استخبت ورا اسر
اسر : خلاص يا نور قلبك ابيض دي كانت هتقع فمسكتها
نور : كانت هتقع ها
وراحت ضربته ضربه
اسر : ااااه يابنت المفتريه قطعتيلي الخلف حسبي الله ونعم الوكيل
كل ده وامير ومراد قاعدين يتفرجو وهيفطسو علي نفسهم من الضحك
راحت نور سابتهم وخرجت
اسر : نور نور دي شكلها زعلت
امير : لا والله طب احلف كده
اسر جه يخرج يارا مسكته
يارا : ممكن اخرجلها انا
اسر : ما بلاش انتي
يارا : معلش خليني اجرب
اسر : ماشي ربنا معاكي
وراحت يارا عند نور خرجت لقتها قاعده
يارا نزلت لمستواها علي الارض
يارا : بتحبيه
نور هزت راسها بمعني اه
يارا : باين عليكي بتكرهيني
نور هزت راسها تاني بمعني اه
يارا : وانا عارفه بس ممكن احكيلك حاجه
نور هزت راسها بمعني قولي
يارا : زمان وانا صغيره كان عندي 5سنين يوم 15/2/1990 كان يوم اتنين يومها اصريت علي بابا وماما ان احنا نخرج وزعلت منهم وفعلا خرجوني علشان مزعلش خرجنا واتفسحنا وكان يوم حلو اووي بس واحنا راجعين العربيه اتقلبت بينا ماما وبابا ماتوا انا الوحيده اللي خرجت من العربيه مكنتش سليمه اووي بس جروح وخفت بس كنت صغيره اووي ومكنش ليا عمام او خلان او اي حد كنا مقطوعين من شجره وده بسبب ان بابا كان بيحب ماما واهله مرضيوش يجوزه ليها ف هربوا واتجوزو وانا اترميت في الشارع ودوني الميتم بس كانت في واحده بتعاملني وحش ف هربت بس ملقتش مكان اقعد فيه مليش حد قعدت في الشارع وكمان مكنتش فاكره مكان الميتم علشان ارجع بس فجاه لقيت 4 جم قعدو يطبطبو عليا والاربعه دول كانوا اسر وامير ومراد وماهر وساعتها عمو مصطفي اخدني رباني معاه لحد لما كبرت كنا كلنا اخوات لا احنا كنا اكتر من كده محدش يقدر يستغنا عن التاني من اليوم ده وهما عيلتي هما اللي ليا في الدنيا ولما كبرت في الثانويه جالنا كلنا طب بس طبعا باختلاف الدرجات منا دخلها انتساب ومنا دخلها انتظام كل ده علشان نبقا كلنا في كليه واحده علشان منتفرقش بس كان انا وماهر من اكبر احلامنا اننا نتوسع ونسافر لحد لما فعلا سافرنا واشتغلنا هنا وبقينا من اهم الدكاتره لعلاج الاورام وكده بقالنا 3سنين مشفناش بعض مش من حقي لما اشوف اخواتي بعد المده دي كلها حتي محضنهمش عارفه اني مش اختهم بجد بس بعتبرهم اخواتي تعرفي ان انتي اول واحده احكلها علشان اسر اخويا محبلوش انه يتظلم بسببي
نور : فهماكي ومقدره انك بتعتبريهم اخواتك بس مبقدرش اتحكم في نفسي هو شعور كده مبعرفش اتحكم فيه
يارا : فهماكي وفاهمه ان شعور الغيره مبتقدريش تتحكمي فيه ولو قدامك مين انا جربته زي زيك وعارفه هو بيعمل ايه بس انا مش عايزاكو تغيرو مني انا بزعل بحس اني عملت حاجه غلط اووي امبارح لما ساره غارت مني مصدقتش نفسي دي كانت اختي الوحيده ف بالله عليكي متزعليش من اسر بسببي ولو عايزاني ابعد انا هبعد
نور : طب هو انا ممكن اطلب منك طلب
يارا : طبعا
نور بضحكه : ممكن ننسا ام الموضوع الكئيب ده ونبدا صفحه جديده مع بعض بقا
يارا بفرحه : طبعا طبعا
نور : صحاب
يارا : صحاب ... يلا بقا ندخلهم
نور : تمام بس عايزه اعمل حاجه تساعديني
يارا : اكييد
نور : .........................................
يارا : ايوا بقا ياسطا ده احنا هنتسلي اووي يلا بقا
ودخلوا واول ما دخلوا
اسر : نور نور طب ممكن تسمعيني افهمي طيب
نور سابته وراحت وقفت جمب امير
نور : امير تعالا نجيب حاجه نشربها
امير باستغراب : ماشي
اسر : ماشي علي فين انا اللي هروح
نور بصتله كده وقالت : حد عايز حاجه
محدش رد
نور : احسن وفرتو
وخدت امير وطلعت وبعدها بشويه جت وهيا سانده علي امير اسر جري عليهم
اسر : شيل ايدك يابا
امير : خلاص ياعم تعالي اقعدي هنا علشان متتعبيش
اسر : ياحنين
نور : هات النسكافيه بتاعي
امير : خدي
نور : تسلم يا حب
امير : ولا يهمك يا مزتي
طبعا كل ده وكلهم مصدومين عاملين زي الصنم
اسر : لا والله انا كده استحملت كتير
وراح ماسك امير من قميصه واداله بالرصيه فوقع علي الارض فراح اداله شلوت في بطنه
امير : ااااه حسبي الله ونعم الوكيل
يارا بضحك : كفك امزه
نور : كفك يا قلبي
منه : ها اا والمصحف انا ما فاهمه حاجه انا حاسه اني بحلم
ساره : وانا والمصحف
نور : علشان تبقا تحضن في اي حد كويس
اسر : يعني ايه
امير بالم : والمصحف كان مقلب والبت دي هي اللي وزتني
مراد : برافو عليكي هيا دي اختي
اسر : برافو عليكي اطلع في زورك دلوقتي
ماهر : هيا عملت حاجه دي بس كانت قرصه ودن
اسر : وانتي كمان كنتي معاها
يارا : الله يعني صحبتي وطلبت مني طلب ارفض
اسر : لا ازاي اتصاحبو انتو وكله يجي علي راسي انا في الاخر
امير : الهي يارب تتشك في ايدك كده علي الضرب اللي ضربتهولي
منه : والله يابني هما الاتنين ايه حاجه استغفر الله العظيم البت مهتمتش اني صاحبتها وكسرتلي دراعي
نور : خلاص بقا يا قطتي قلبك ابيض
ماهر : قطتك ههههههههه هو ايه اللي قطتك
منه بشر : مش عاجبك
ماهر : احم احم لا عاجبني مش عاجبني ازاي يعني
امير : ههههههه جيب ورا جيب ورا
اسر : طب يلا ياست نور اخدتي انتقامك يلا بقا نروح احنا
نور بابتسامه : يلا
اسر : فرحانه انتي يلا يا بت من هنا يلا
ماهر ويارا : احم احم
اسر : يانهاري اسود اشجوني
ماهر : اقول انا ولا انتي
يارا : لا قول انتا
ماهر : قولي انتي
يارا : قول انتا
اميير : ارحموا امي بقا
ماهر : خلاص هقول بس استعدوا
يارا : 1'2'3
ماهر : مراد يقدر يخررج
ساره : بتهزر ها بتهزر صح
ماهر : لا والله بس هيحتاج رعايه اكتر
ساره : ماشي ماشي
نور: واخيرا هتخرج بقا
مراد : ايه يا جماعه محسسني اني بقالي سنه هنا هما يومين
نور : يلا بقا يا كوتش
مراد : يلا
وسنده ماهر وامير ومشيوا وركبوا
ركب ماهر ويارا وساره ومراد وبنتهم في عربيه وامير ومنه في عربيه واسر ونور في عربيه
نور اول ما ركبت راحت حطت راسها علي رجل اسر ونامت
اسر بحنان : هتنامي
نور : امممم
ونامت لحد لما وصلوا
اسر : نور نور حببتي قومي وصلنا
نور : عايزه انام
اسر: طب نطلع نامي فوق
نور مردتش عليه
اسر : امري لله بقا
وراح شال راسها من علي رجله وقام راح شالها
منه : ايه ده
امير : هييييح بقا
مراد : هيح ايه هيح ايه هتقورو علي الواد
ماهر : ماشيه معاك يا معلم
اسر : هووووش هتصحوها
يارا : وكمان خايف تصحا هيييح اتعلموا يا بهايم
ودخل نيمها علي السرير وقلعها الجزمه وغير ونام جمبها واخدها في حضنه وراحوا في نووم عميق كل ده كان الفجر اذن
وجه الصبح وكانوا بيحاولو باشد الطرق انهم يروحو يصحوهم بس مراد كان بيمنعهم وفضلوا نايمين وباليل نور صحيت لقت اسر لسه نايم بصت في الساعه لقتها 9باليل شهقت من الخضه كل ده نوم
نور : انا ازاي انام كل ده واسر لسه نايم اصحيه لا بلاش اسيبه حرام بقاله 3ايام منمش براحته ومش متنظم لا حرام هسيبه اما اروح اشوف حاجه اكلها
راحت المطبخ قعدت تدور علي اكل ملقتش قررت تعمل بس تعمل ايه انا هعمل كيكه واكلها وكبايه شاي بلبن وكده تمام بس اعملها ازاي
اما عند اسر فقلق في نومه فتح عينه ملقاش نور جمبه بص في الساعه لقاها 9 اتفاجا من نفسه وقام يدور علي نور دخل المطبخ لقا شكلها يفطس من الضحك الدقيق واقع عليها وقاعده بتعيط راح حضنها من ظهرها
اسر : حببتي بتعيط ليه
نور بطفوليه : مش عارفه اعمل الكيكه
اسر : ودي حاجه تخليكي تعيطي تعالي ياستي وانا اعلمك
نور : بتعرف
اسر : يعني علي قدي ,وراح شالها وقعدها علي الرخامه
اسر : بصي يا ستي هنحط.................................................
وقعد يشرحلها ازاي تعملها مع طبعا شويه لعب بالدقيق
اسر : وبسس كده خلصنا
نور : خلصصنا
اسر : خدي دي بقا مني ليكي
نور : مصاااصه
اسر : بس اوعديني مش هتعيطي علي اي حاجه تاني
نور : وعد مش هعيط
اسر : يلا بقا نتفرج علي فيلم كده عقبال ما الكيكه تستوي
نور : يلا
اسر : نتفرج علي ايه علي ايه في شارع الحب - الحفيد - البس علشان خارجين - توايلايت
نور : الله توايلايت الجزء الكام
اسر : كلهم
نور : خلاص نتفرج علي توايلايت
اسر : تيجي نعمل فشار
نور : يلا
وراحو يعملو فشار
اسر : هاتي الزيت
نور : خد
اسر : هاتي الغطا
نور راحت تديله غطا الحله راحت ايديها لمست ايده راحت بعدت راح شدها وقرب منها وكان خلاص راح الفشار فضل يترمي عليهم
نور : عااا اطفي النار
اسر راح طفاها
اسر : ادي اخره الرومانسيه ....تعالي نعمل غيره وامري لله
وعملو غيره بس المره دي جت سليمه
وراحو يتفرجوا علي الفيلم
اميير : الله الله بتتفرجو علي فيلم من غيري وكمان بتاكلو فشار طب كنتو نادو عليا حتي
اسر : عيل قفيل اتفو عليك
نور : بصراحه معاه حق
امير : حتي انتي ده احنا كنا شركا في المقلب ولا ايه
اسر : هات ده كده وغور امشي من هنا
امير : خد مش عايز منك حاجه عيل بخيل
.....: تؤ تؤ تؤ كده خيانه بتتفرجوا علي افلام من ورايا وكمان فشار يا خونه ياتتار يا هجسوس