رواية #حكايتى مع الزمان#
#الفصل التاسع عشر#
بقلم ديجا
بسم الله الرحمن الرحيم
وقفنا عند سليم اللى وقف مكانه من اللى شافه ؟؟
سليم اول لما دخل عند ديجا كانت واقفه بضهرها وأول لما لفت وشها اتصدم من جمالها القليل من الميك أب حلاها آوى كده الكحل الفحمى ظهر جمال عينها وطول رموشها وكثافتها وخدودها وحمرتهم من الكسوف اكتر من أحمر الخدود
سليم قرب عليها وقالها: إنت مين فين مراتى
ديجا ضحكت بخجل :بجد حلوة
سليم:حلوة آوى آوى لدرجه أنى عايز اخبيكى ومحدش يشوفك غيرى
سيف : بتقولوا ايه كل ده يلا العربيات تحت مستنيه
سليم:قاطع اللحظات الحلوة ماشى ليك يوم
سليم مسك ايدها وعزة وسارة وأمل فضلوا يزغرطوا وهما نازلين وراها ..نزلت ديجا لقت زفه عربيات
تحفه وعربيتها هى وسليم مكشوفه وحازم اللى سايق وجمبه البنات وحازم خد أمل وساره وعزة وعمرو وأصحاب سيف وسليم بعربياتهم وصحاب عمرو بموتسكيلات ديجا وسليم قعدوا لفوق بحيث يكونوا باينين ولفوا بيها المنطقة كلها وراحوا عند
شقتها ووقفوا يهيصوا هناك وكان مستنيهم خالد ومراته وهيام وحنان وراحوا معاهم بعربيه خالد
///////////////بقلمي/ديجا❤️❤️❤️❤️❤️
فى الفيلا الجنينه خلاص اتجهزت حوالين البسين بلالين وأنوار وورد
حسنيه اخت الحاج حسن: إبنك ده زى القرع يمد لبرة فيها أيه لو كان خد من أهله ..واكملت بشماته وعشان نمردته دى ربنا مكرمهوش بخلفه
أختها سناء : أيه الكلام اللى هتجوليه ده دى حاجة بتاعه ربنا إنت أكده حديتك ماسخ على طول أيه زوقى اللى هتجوليه يا شيخه
ساميه: سيبها يا سناء ربنا يهديها
حسنيه:ليه عاد اتجنيت إياك
جاى حسن عليهم :فى أيه صوتكم عالى ليه
سناء: ابدا يا خوى ما انت خابر حسنيه وحديتها كيف الدبش
حسن:طب يلا العرسان على وصول
مديحة اخت ساميه جايه عليهم : تعالى يا أم سليم كلمى اخواتك
راحت ساميه معاها واهو تخلص من لسان حسنيه
مديحة: مالك يا أم سليم شكلك مضايج ليه
ساميه : تصورى أن حسنيه شمتانه فى ابنى عشان مش بيخلف كل ده عشان مرديش يتجوز واحدة من بناتها
مديحة: واه اتجنت عاد ولا إيه دة كيف ولادها ..روقى عاد أن شاءالله ربنا يكرمه
ساميه: يارب ..راحوا قعدوا فى وسط. اخواتها منيره ومحمد وسراج..وشويه وسمعوا صوت العربيات داخل من مدخل الفيلا وخرج من الجراچ عربيه سندريلا متزينه بالورود والانوار
سليم:تعالى يا سندريلا اركبى هنا لغاية الجنينه جوه
ديجا بأنبهار : ده كتير آوى يا سليم. كفاية الزفه الحلوة دى
سليم: اميرتى وملاكى مفيش حاجه كتير عليها
ديجا اتكسفت من كلامه وشها أحمر آوى
سليم :بلاش تتكسفى آوى كده لاحسن بدل لما ندخل الجنينه نتطلع الجناح
ديجا : قليل الأدب آوى
سليم: بتقولى حاجه يا اميرتى
ديجا: لأ لأ ابدا يلا بينا
طلعت العربيه وفضلوا يتصورا شويه وكانوا فرحانين والفرحه باينه على وشوش الكل
جات جيداء بس من غير هاشم خطيبها وقربت من سليم وحضنته😳😳😳: مبروك يا سولى
وبتمثل انها بتمسح دمعه من عنيها🤔🤔
سليم بعدها من غير ما يبادلها الحضن :الله يبارك فيكي عقبالك ومسك أيد ديجا وراح قعد عالكوشه
اللى عاملينها جمب البسين بس ديجا باين على وشها الضيق من اللى حصل لاحظت ساميه وقربت عليها حضنتها : ده جوزك وحقك إنت مش عايزاكى تخافى أبنى بيحبك أنت
ديجا ابتسمت لها بأمتنان :ربنا يخليكي ليا
سراج جه : مبروك ياولد الغاليه مبروك يا عروستنا ما شاءالله زى الجمر مش كيف السلعوة اللى هناك دى
سليم بضحك😀😀:الله يبارك فيك يا خال
محمد : مبروك ياولد ربنا يتمملك بخير
سليم :الله يبارك فى حضرتك
حسنيه : مبروك يا أبن ساميه المرة دى العروسه بعيالها حلو والله مبروك يا عروسه
ديجا: الله يبارك فى حضرتك ..مين دى يا سليم
سليم بضيق : عمتى يا ديجا
سناء : أيه الجمر ده جمرين جاعدين عالكوشه ماشاءالله
سليم بحب : الله يبارك فيكي يا عمتى
منيرة ومديحه: مبروك يا ولاد عجبال عوضكم بأذن الله
ديجا وسليم: تسلموا يارب
سيف مسك المكيروفون : احممم بمناسبة أن الكل متجمع فا أنا عامل.ليكم مفاجأة وطفى النور ووجهه النور على أمل اللى قاعده مع اهلها وأهل ديجا على الطرابيزة وراح لعندها وفى ايده خاتم تقبلى تتجوزينى 🙈🙈 الشباب قعد يصفر والكل صفق ليهم
أمل بخجل بصت لوالدها وأخوها هزوا رأسهم بايوة: وخدت الخاتم اديته لمامتها تلبسهولها وقالت موافقه..سيف لما ديجا بلغته بموافقه أمل راح كلم ابوها وأخوها وهما وافقوا بعد ما سئلوا عليه وطلب منهم ميجبوش سيرة لأمل عشان يفاجأها ..خلصت
الحفله على خير وطبعاً ساميه ما سلمتش من كلام حسنيه اللى متغاظه أن سليم اتجوز لتانى مرة ومتكونش من بناتها
خالد وحنان وهيام وسماح راحوا سلموا على ديجا وباركولها وقالوليها أنهم هيفضلوا على تواصل وأنهم فرحانين ليها أنها اتجوزت الكل راح لبيته ما عدا اهل الصعيد راحوا يباتوا فى الملحق اللى جمب الفيلا
ساميه خدت البنات وورتهم اوضتهم اللى فالجناح
بتاع ديجا اوضه كبيره بسريرين وحمام ملحق بيها ومليانه لعب كتير زى ما وعدهم سليم.. وسليم خد ديجا لاوضتهم وهى عبارة ريسبشن ومطبخ بار صغير وحمام وغرفه النوم ببلكونه واسعه ودريسنج رووم وركن فى ٢كرسى وترابيزة والمفاجأة أنها لقت ركن الصلاة مصمم على شكل مسجد وده اكتر حاجه
فرحتها ولقت شموع وورد مزين الغرفه قرب عليها سليم: ها عجبتك اوضتك
ديجا: ماشاءالله تحفه وحلو آوى الركن ده كأنه مسجد صغير شكرا يا سليم
سليم مسك أيدها وباسها وده وترها آوى : ممكن متقوليش شكراً تانى ده واجبى أنى اسعدك وبس ماشى
ديجا بتحاول تسحب أيدها من سليم بس بدون فائدة: حاضر ممكن بقى تسيب أيدى عشان اروح اتوضى واصلى
سليم : نتوضى ونصلى تمام
ديجا : تمام وجريت من قدامه دخلت الحمام
غيرت ولبست كاش طويل بتلتين كم ولمه شعرها ديل حصان واصل لآخر ضهرها وفى ايديها الاسدال : اتفضل ادخل
سليم: مش هتأخر عليكى ..دخل اتوضى ولبس تيشيرت بطيخى بنص كم وبنطلون اسود رياضى وخرج لقاها بتصلى وقف لما سلمت وصلى بيها هو وكان صوته حلو آوى وهو بيقرأ
انتهوا من صلاتهم وقعد جنبها مسك أيديها وفضل يسبح على صوابعها وبعدين حط ايده على رأسها وفضل يدعى وبعدين قالها : تعالى نأكل وعايز أتكلم معاكى شويه
ديجا: حاضر قامت حضرت الأكل اللى كان جاهز على التحضير بس وجابت عصير وقعدوا عالطرابيزة قصاد بعض بدأ سليم ياكل بس هى مش بتاكل
سليم: أنت مش بتكلى ليه مكسوفه منى
ديجا: لا ابدا بس أنا أكل بالليل بيتعبنى
سليم: بس كده غلط اكيد ما اكلتيش من بدرى
ديجا :هشرب عصير أهو وكده تمام
سليم: طب خدى دى من أيدى
ديجا: دى بس عشان بجد بتعب آوى
خدت حته من الحمام من أيد سليم وبدأت تفصص ليه وهو يأكل
سليم: ديجا أنا هدخل فالكلام على طول مش هلف وادور تمام
ديجا: تمام اتفضل
سليم: ديجا انا حابب اكمل حياتى معاكي مش زى ما بابا قال فترة وكده انا بجد حبيتك وحبيت البنات كأنهم منى والله وعايزك تصدقينى ممكن تدينى فرصه نبدأ مع بعض
ديجا : حست بصدق كلامه .. طيب وجيداء انت مش بتفكر ترجع لها
سليم:بقولك حبيتك تقوليلى جيداء ده أسمه كلام
ديجا بتنهيدة : خلاص موافقه وامرى لله
سليم : هغسل ايدى وجايلك
قامت ديجا لمت الأطباق وسليم خرج من الحمام وراح وراها المطبخ حضنها من ضهرها وهى عالحوض: يبنفع عروسه حلوة كده تغسل مواعين وكمان قاعده مع عريسها بالاسدال
ديجا بتوتر : خلاص خلصت وبعدين معاك بقى أبعد عشان اعدى .. عدت من سليم اللى راح وراها وبيضحك على تصرفاتها وهى خجلانه
سليم: خلاص انا مش هاجى جمبك يلا نام عشان أنا تعبان
ديجا : طيب تمام يلا
سليم : أيه ده هتنامى كده
ديجا بعدم فهم : ليه يعني
سليم: يعنى حاجه تكون مريحه ماما محضرالك حاجه فى الدريسنج روم تصبحى على خير
ديجا : دخلت لقت قميص نوم طويل بحملات عريضه ابيض تحفه وعليه روب من نفس اللى بعد تفكير طويل لبسته وهى محرجه آوى بعد ما ظنت أن سليم نام😂😂خرجت على طراطيف صوابعها
ونامت على طرف السرير بعيد عنه فجأه خطفها فى حضنه ودفن رأسه فى رقبتها وقالها بعد كده ماتنميش إلا هنا فحضنى مفهوم
ديجا هزت رأسها بالموافقه مش قادرة ترد من الكسوف وفضلوا يتكلموا كتير لحد لما ديجا فكت وارتاحت فى حضن سليم 😀😀 وبقت زوجته قولا وفعلا 🙈🙈🙈 ناموا وبعد شويه سليم فونه رن برقم جيداء مردتش اول مرة وقبل مايعمله صامت رن مرة تانيه
ديجا بنعاس :مين يا حبيبي
سليم: حد مش مهم وبعدين قوليلى كده قولتى ايه تانى ...وقبل ماترد الفون رن تانى
ديجا : شوف مين لتكون حاجه مهمه
سليم: لا مش مهمه قولى بقى وجه يقرب الفون رن تانى..الوو فى أيه عايزة أيه ايوه أناحادثه وهى فين دلوقتى طب سلام هتصرف
ديجا: خير يا سليم فى أيه
سليم: دى ممرضه من مستشفى .... بتقولي أن جيداء عامله حادثه وعندهم وده اخر رقم هى رنه عليه قبل الحادثه
ديجا : طب ايه نروحلها
سليم: لأ أنا هكلم حازم أو سيف يروحلها وهكلم مامتها ..رن سليم عليهم ولا رقم مفتوح
ديجا: طب وبعدين هتعمل ايه
سليم: أنا هروحلها لو مش هتضايقى طبعاً
ديجا : لا طبعا مش هضايق لو تحب اجى معاك
سليم: لا ياحبيبتي خليكي أنا هطمن عليها واجى على طول مش هتأخر دخل خد شاور ولبس بسرعه وخد مفاتيحه ونزل بعد باس راسها واديها بعد ما وعدها أنه مش هيتأخر عليها مر ساعات وسليم لسه مجاش ولا أتصل ديجا قعدت تصلى القيام والفجر اذن وبترن على سليم فونه مغلق وده قلق ديجا آوى
صلت فرضها وقرأت اذكارها ووردها ونامت مكانها.وصحيت على صوت رسائل على فونها جريت تفتحاها لاقيت؟؟؟؟