#حكايتى مع الزمان #
#الفصل الواحد والثلاثون#
بقلم ديجا
بسم الله الرحمن الرحيم
بعتذر جدآ ليكم على التأخير كنت تعبانه مع ضغط الدراسه والدروس
نبدأ الفصل بتاعنا
فالجامعة عند سارة واقفه مع بنوته صاحبتها اسمها سهيله وبيتكلموا جايه عليهم سلمي صحبتها التانيه
سلمي :سمعتوا يا بنات آخر خبر
سهيله :خير يا موجز الانباء
ساره :ها يا مصر اليوم
سلمي بتضحك: الدكتور محمد مشى وهيجى معيد جديد بداله
سارة : يارب ما يبقى عقد زيه وبصت فى ساعتها فاضل ١٠ دقايق على المحاضرة يلا بينا على المدرج بدل ما نتطرد لو دخلنا بعده
راحوا المدرج وقعدوا جمب بعض وشويه ودخل المعيد الجديد
مؤمن فاكرين طبعآ : عرف بنفسه وبتعرف على الطلبه
سارة لنفسها :هو ولا مش هو والنبى هو المغرور بتاع المستشفى
مؤمن: الانسه السرحان عرفينا بنفسك
خبطتها سلمى عشان تنتبه
سارة بتشاور على نفسها : أنا
مؤمن:ايوة حضرتك
ساره لنفسها : ده أنت غدتت يا عم وفاقت من شرودها أنا سارة محمود
مؤمن كمل تعارف على باقى الطلبه وقالهم يعتبروه زميل ليهم مش المعيد بتاعهم ويسألوه فى اى حاجه واقفه معاهم
فالكافتريا البنات قاعدين بيتكلموا على مؤمن ووسامته وذوقه
ساره : ده مغرور أوى يعنى
سلمي : انتي ظالماه يا سو دة قمور أوى
سهيله :اه يا سو ده قمر
ساره :يلا يا مجنونه منك ليها أنا همشى عشان عندي عقيقة اختى حبيبتي باى
مشيت سارة عشان هتروح لديجا
///////////////بقلمي /ديجا ❤️❤️❤️❤️
فالكافيه عند عمرو ونور
نور :أنا بس بتكلم مع عمرو انت هنا بتعمل إيه
ده أحمد زميلى فالجامعة
عمرو :أهلا يا احمد أنا عمرو خطيب نور
احمد :بجد ده الف مبروك حصل أمتى
نور بصدمه بتبص لعمرو😳😳
عمرو:لسه من اسبوع كده قرايه فاتحه بس
احمد: طب متنساش تعزمنا عالخطوبه
عمرو :اكيد طبعا
مشى احمد ونور أخيراً اتكلمت
نور:أنت إزاى تقوله أنى خطيبتك
عمرو :تتجوزيني يا نورى
نور بكسوف قامت وقفت :عن اذنك
عمرو :نور عارف إنك اتفأجيتى فكرى براحتك ومستنى الرد
نور مشيت وهى فرحانه لأنها منجذبه ليه من وقت ما شافته
/////////بقلمي /ديجا ♥️♥️♥️
بالمنزل عند الحاج حسن الكل بيحضر للعقيقه فرشوا الجنينه بكراسى وترابيزات للأكل وحضروا كل حاجه لأستقبال الضيوف
ديجا لبست عبايه خليجي باللون الكافية الفاتح ومرصعه بفصوص ذهبي والحجاب نفس اللون والبنات دريسات تل من نفس اللون كانوا شبه الملايكه وحسن وحسين لابسين بدل بيضاء نفس الموديل وسليم لبس عبايه أوف وايت مغربى وطالع قمر فيها
سليم:ينفع تطلعي زى القمر كده اخبيكى فين بقى أنتي وبناتك القمرات دول دلوقتي
ديجا : مش أوى كده هشوف نفسى عليك
سليم حضنها: القمر يعمل اللى هو عايزة
ديجا بدلته الحضن وهى بتضحك
سليم : أنا كده ممكن ما انزلكيش وغمز لها
ديجا :أنت قليل الادب على طول كده
سليم :وأنا عارف اتلم عليكي خمس دقايق يا بترضعى يا بتغيرى مش عارف انا جايبلك بيبي سيتر على إيه ارتاحى شويه مش لازم كل حاجه تعمليها بنفسك
ديجا :لازم أنا اللى أهتم بولادى عشان يحسوا بيا يا حبيبي
الباب خبط وكانت امل
أمل :الناس وصلت وانتوا لسه هنا
ديجا :خلاص اهو أنا نازله معاكي
نزلوا مع بعض بعد ما ديجا وصت الدادات على الولاد وبدأو يستقبلوا الضيوف وقدموا الاكل والمشروبات والضيوف يقدموا الهدايا للمواليد
عمرو لديجا:كلمتها يا ديجا تفتكري هتوافق
ديجا :لو جت النهارده يبقى موافقه
حازم واقف مع دكاتره زملاءه فالمستشفى ودخل دكتور عمر جراح ومعاه أخوه مهندس الديكور مؤمن 😳😳ايوه هو
ساره واقفه فى حضن عمرو وعماله تهزر وتضحك وفجأه لقت مؤمن فى وشها
ساره شهقت:إيه اللى جاب الرزل ده هنا
عمرو : مين الرزل يا بنتى
ساره شاورت بعنيها على مؤمن
عمرو : تعرفيه عملك حاجه
ساره :يوم ولاده ديجا خبط فيا فالمستشفى كان خارج يجرى والنهارده عرفت انه المعيد الجديد
عمرو :معيد على نفسه لو عملك حاجه قوليلى ومالكيش دعوه
ساره :اخويا الشبح يا ناس
مؤمن شافها كده اضايق ومن وقت لتانى بيخطف نظرة ليها وعمرو قاعد عينه عالباب مستنى نور هتيجي ولا لأ
الأجواء كلها سعاده والكل فرحان بجد
وأهل الصعيد جم عشان يباركوا وطبعا سليم وديجا ما سلموش من كلام حسنيه اللاذع
شويه ودخل بنات المشغل ونور معاهم 😍
عمرو شافها أبتسم وراح ناحيتهم يرحب بيهم ويدخلهم لديجا اللى فرحت بوجودهم ورحبت أوى بيها
ديجا لنور:ممكن يا نور تيجي معايا جوه نجيب حاجه من جوة
نور : حاضر يا مدام خديجة
ديجا : على فكره البنات كلها بتنادينى من غير ألقاب عادى قولى خديجة بس تمام
نور:تمام
دخلوا جوه يحطوا أطباق حلويات على الصنيه
ديجا :عمرو قالى أنه كلمك فى موضوع كده وكنت عايزه اعرف فى قبول ولا لأ مش عايزاكى تتكسفى قولى بصراحة
نور :بصراحه كده حاسه بارتياح من ناحيته بس أنا فين وانتوا فين
ديجا :كلنا واحد يا حبيبتي ما فيش فرق بنا غير فالعباده فهمانى
نور:مش عارفه اقولك ايه انت متواضعه اوى وجميله
ديجا :يعنى تقبلى تنضمى لعليتنا الصغيره
نور هزت راسها بآه وديجا حضنتها وطلبت منها تصلى استخاره يومين وراه بعض وبعدين تقول ردها النهائي وخرجوا بالحلويات للضيوف
أمل :الجميل المشغول ارتاحى شويه يا قلبي
ديجا :أنا كويسه يا اموله والله الحمد لله
ساميه :عندها حق يا بنتى اقعدى شويه الناس اللى بتشتغل فالبيت كتير أهو
ديجا :حاضر يا ماما قعدت أهو
مؤمن واقف مع حازم ولمح ساره جايه عينه عليها لاحظ ده حازم
حازم :ايه ياعم عينك
مؤمن :هى تقربلك ايه
حازم :اخت مرات سليم
مؤمن أصلها طالبه عندي ومين اللى كان واقف معاها ده
حازم :ده اخوها التؤام
مؤمن بارتياح :مش شبها خالص
حازم: ايوة صح اصلهم مش مطابيقين
جم ضيوف لحازم واستأذن يرحب بيهم
مؤمن راح للمكان اللى واقفه فيه ساره
مؤمن:احم إزيك يا آنسه ساره
ساره :الحمدلله بخير
مؤمن:إحنا طلعنا معارف أهو لو احتاجتى حاجه عرفينى
ساره :تمام اكيد
وفضلوا يتكلموا كتير وساره عرفت انه خبط فيها وكان مستعجل مامته كانت فالمستشفى
انقضى اليوم بخير والكل مشى والفيلا بدأت تتنضف وأهل البيت طلعوا يرتاحوا وحسن وساميه أصروا على سيف يبات فالجناح بتاعه
وعمرو خد ساره ومامته وراحوا البيت وخد معاه نور وبنت كمان ساكنين قريب منهم عزة ركبت قدام وساره ونور وهمس زميلتها وراه
//////////////////////بقلمي ديجا❤️❤️❤️❤️
فى غرفه ديجا نيمت الولاد وجت جمب سليم ونامت لف خدها فى حضنه وفضلوا يتكلموا لحد ما ناموا
عند سيف وأمل
أمل :اليوم كان حلو ماشاء الله واوضتك حلوة أوى
سيف:عجبتك الاوضه
أمل :حلوة أوى
سيف:عقبالنا يارب بس أنا عايزك تجيبى سته فى بطن واحده مش ٣بس
أمل بضحك:دسته وأنت الصادق يلا ننام لأحسن اليوم كان متعب أوى
سيف :ننام ايه ده لسه فى كلمه هقولها فى بوقك 😳😳اقصد ودنك
نسيبهم مالناش دعوه بيهم عيب🙈🙈
عند عمرو كان نايم صحى على الفون بيرن
عمرو :السلام عليكم
....... :........
عمرو:😳😳😳😳