ملاك نورت حياتي
البارت الخامس والسادس
مراد : ساارره ممكن اتكلم معاكي شويه
ساره هزت راسها بالنفي
مراد : ساره والله انا اسف انا كنت متعصب وماخدتش بالي انا بقول ايه طب انتي كنتي عايزاني اعمل ايه وانا بشوف مراتي رايحه تحضن واحد وانا واقف وعماله تقوله وحشتني وانا كيس جوافه واقف
ساره بعياط : كنت تفكر ان زي اخوها مثلا
مراد : بس هو مش اخوكي ومحلل ليكي
ساره : انتا عايز تفهمني انك غرت مثلا
مراد : وليه لا
ساره : الغيره دي بتبقا بسبب الحب
مراد : وليه متفكريش اني بحبك مثلا
ساره : هتحبني امتي وفين وازاي ده احنا لسه متعرفين امبارح وبقدرة قادر اتجوزنا حبتني امتي بس اقولك انتا فعلا غرت بس مغرتش عليا غرت علي رجولتك رجولتك مسمحتلكش ان مراتك تحضن واحد قدامك لا الناس يتكلموا عنك ازاي هيقولو عليك مش راجل مثلا لا لا ازاي انا لازم ارجع ثقتي في نفسي واني راجل اعمل ايه ياتري اروح ازعق في البت اللي انا متجوزها غصب دي وابين لها انها غيره وبكده اكون رجعت هبتي كراجل والله انتا اسؤء من جدي ماترد ولا هترد تقول ايه ما انت عارف اني بتكلم صح
مراد : انا اسف
ساره بصوت عالي: اصرفها منين ها اصرفها منين مراد اخرج بره بدل ما تضيع كل تعبك والزعيق اللي زعقته فيا بدل ما تخسر كرامتك فعلا
مراد : هتقولي ايه اكتر من كده
ساره : لا انا لو عايزه ههزأك هنا وهخليك مش راجل بجد
مراد : ساره متستفزنيش
ساره : لا كرامتك نقحت عليك لا لا اقولك زعقلي تاني ولا اقولك اضربني المره دي علشان تثبت رجولتك اكتر
خرج مراد وسابها قبل متستفزه اكتر من كده ويتهور
"الصبح "
اسر : صباح الخير
نور : صباح النور
اسر : منوره انتي صاحبة نور
منه : ده نورك بس باين اني مشهوره اووي
اسر : لا ولا مشهوره ولا حاجه بس انا سمعتها بتكلمك
منه : ايه الكسفه دي
اسر : ههههههههه لا ولا كسفه ولا حاجه مكنش قصدي والله
منه : ما انا عارفه بهزر بس
نور : احنا مش هننزل بقا
اسر : يلا
امير : صباح الخير للعريس اللي مش مشرفنا
اسر وهو يكتم بوق امير : اخرس
نور : هو يقصد ايه
اسر : لا لا ولا حاجه اقعدو انتو
امير : اه قطعت نفسي يا عم
اسر : المره الجايه هخنقك
امير : خلاص يا عم اومال فين الواد مراد
اسر : معرفش تلاقيه لسه نايم
امير : مش بعادته يلا خلينا نقعد مع المزه الجديده الا صحيح مقولتليش مين دي
اسر : دي صاحبة نور ها صاحبة نور يعني مش عايزين مشاكل
امير : عيب عليك يا زميكي
اسر : امشي ياض يابيئه من هنا
مراد اتفاجا لقي ساره خارجه ولابسه وحاطه مكياج بتحاول تغطى عنيها الحمرا من العياط
ساره : يلا نخرج علشان ميشكوش في حاجه ومتخافش مش هقول لاسر علشان ثقته فيك متضعش
مراد : مش هتسامحيني
ساره سابته وخرجت
امير : ده ايه القمر ده
اكتفت ساره بالابتسامه
امير : ايه يابني كل ده نوم
مراد بصله وسكت
امير : في ايه يا جدعان هو انا هو محد يرد عليا
اسر : ايه يابني افصل شويه انتا مبتسكتش
امير : ازيك ياسرسور وحشاني معرفناش نقعد مع بعض امبارح تعالي اقعدي جمبي
ساره : لا خليني انا كده احسن
امير باستغراب : زي ما انتي عايزه
اسر : هو في ايه
مراد : مفيش
اسر : ماشي يا مراد هعديها المره دي
نور : اسر انا عايزه اخرج
اسر باستغراب : ماشي يلا
نور : بسهوله كده
اسر : مش انتي عايزه تخرجي يلا .. مش جاي ياض انتا
امير : لا مش عايز
نور : مش هتيجي يا قطتي
منه : هاجي طبعا
امير : لا طالما قطتها جايه يبقا انا جاي
منه : نعم
اسر : لا ولا حاجه هو ميقصدش
امير : يلا يا عم الخروج معاكو احسن من القعده مع ثنائي بوز الاخس دول
اسر : هعههههههههه طب يلا
وبعد ما مشيوا قامت ساره علشان تمشي مسكها مراد فجاءه
مراد : انا اسف مش هتسامحيني بقا والله انا كنت متعصب غلطه ومش هتتكرر تاني انا اسف
ساره : موافقه بس بشرط
مراد : اللي انتي عاوزاه
ساره : عايزه شوكلاتات كتير
مراد : ها
ساره : بهزر عايزاك تثق فيا انا اه لسه صغيره بس انا عارفه معني الجواز وعارفه اني طالما اتجوزت يبقا لازم احافظ علي كرامة وشرف اللي انا اتجوزته وانا مستحيل اجرح كرامتك ولا اهينك في حاجه بس انا مكنتش شايفه اني غلط فا خلي عندك ثقه فيا شويه
مراد : حاضر
ساره : يلا قوم بقا عايزه اقعد لوحدى
مراد : حاضر
ساره : علي فكره مش حلو وانتا بتسمع الكلام
مراد مسك الشلته اللي علي الارض ورماها عليها
مراد : كده احسن صح
ساره : ههههههه ماشي يا عم
ساره : هو انا ليه سامحته ما كان ممكن امشي واسيبه بس امشي واسيبه ايه لا مش هينفع بعدين اهي مشكله وعدت يعني مكونش لا لا مستحيل هحبه امتي يعني بس الحب ملهوش وقت لا بس ماينفعش ماينفعش ليه ماهو جوزي اووووف انا تعبت
اسر : من ايه يا جميل
ساره بارتباك : لا مش من حاجه
اسر : طب ايه كان فيكي ايه انتي ومراد
ساره : ولا اي حاجه ....اومال فين نور
اسر : نور مع امير ومنه بيشترو حاجه
ساره : هو انتا بتثق في نور لدرجه انك تخليها تمشي مع واحد
اسر : مش حكايه ثقه لان منه معاهم بس لولا كده كنت مستحيل اسيبهم لوحدهم ده انا كنت خربت الدنيا
ساره : ليه هو انتا مش بتثق فيها
اسر : يابنتي مش حكايه ثقه اصل مينفعش مراتي تمشي مع راجل وانا موجود يعني انا مش مالي عنيها او هيا مش معتبراني موجود للدرجه دي
ساره بفرحه : ماشي
امير : انتا يا عم خد مراتك عايزه تشتري المحل كله
اسر : تعالي انتي هنا وسيبك منه انا هجبلك كل حاجه
نور راحت قعدت جمب اسر وطلعت لسانها لامير
امير : ضحكوا عليك ياصاحبي وجوزوك طفله
ساره : وانا جبتلي ايه يا ميرو
امير : مجبتلكيش حاجه انا اساسا زعلان منك
ساره : ما خلاص بقا يا ميرو
امير : تؤ تؤ
راحت وبدات ساره واسر يزغزغوه
امير : اااه اه هههه خلاص والله مش زعلان
ساره : ها فين بقا شوكلاتي
امير : خدي يا ستي
منه : انا عايزه انام
نور : وانا اكتر
اسر : طب يلا احنا هنمشي نروح ننام بقا
امير : طب انتا ومراتك هتروحو تناموا البنت الغلبانه دي هتروح تعمل معاكوا ايه بالظبط
اسر : هيا مش صاحبه نور وجايه ضيفه عندنا يبقا هتبات فين
امير : اه صح
اسر : امير امير روح نام انتا بتخرف
ساره : هو انا حاسه اني بشبه عليكي
منه : مش عارفه بس انا مش فاكره اني شوفتك قبل كده
ساره : هو انتي في مدرسه ***********
منه : اه عرفتي منين
ساره : لا مش معقوله معلش هو انتي اسمك منه ايه
منه : منه سيد
ساره : ايييه مستحيل انتي منه سيد عااااا نور اسر نور هيا نور محمد
اسر : هو حد قال غير كده
ساره : نور ومنه معايا في المدرسه نور كانت الاولي السنه اللي فاتت علي المدرسه ومنه التانيه
اسر : لا والله
ساره : ازاي يعني نور محمد بجلاله قدرها مرات اخويا هيييه ده انا امشي في المدرسه رافعه راسي لفوق
اسر : كل ده علشان طلعت الاولي
ساره : انت مش فاهم نور اسمها بيتقال في المدرسه كله بيخاف كل المدرسين بيعملولها الف حساب والمدراء كمان محدش بيقدر يعترض علي كلامها ده وفي بنتين علي طول ماشين وراها زي حراسها كده ده انا مره سمعت ان في بنت ضايقتها وعلت صوتها عليها علقتها في باسكت كره السله وسابتها ومشيت
اسر وامير : ههههههههههههه يعيني
ساره : بس ازاي انا من ساعه ما شوفتك وانتي طيبه وبريئه مبتعمليش اي حاجه
منه : نور في المدرسه حاجه وبرا المدرسه حاجه تاني خااااالص
نور : انتو فتحتوها سيره عليا ولا ايه يا جدعان
اسر : ده انا طلعت متجوز قائدة عصابه لا وليكي حراس كمان
نور : عادي
امير : يا جدعان انا مش مصدق ان دي شريره اسر : ايه ده ما تلم نفسك ياض انتا
امير : طب ايدك طاه
نور : مش هنروح ننام ولا ايه
اسر : يلا
منه : يلا قبل ما نتفضح اكتر من كده
امير : وانا كمان تصبحي علي خير
ساره : وانتا من اهله
اما عند نور واسر
نور : احم اسر ممكن اسالك سؤال
اسر : طبعا
نور : هو انتا بتدايق اني لسه ماخدتش عليك وكده او اني مش ليك الزوجه اللي بتتمناها
اسر : تعرفي انا كنت مستني السؤال ده قد ايه
نور : ليه
اسر : علشان يوم ما تساليني السؤال ده هتكوني اخدتي عليا خلاص وجتلك الجرأه انك تساليني السؤال ده وعلي العموم انا مش بدايق خالص لان ماينفعش حد يدخل حياه حد مره واحده كده ويستنا من اللي قدامه انه يبقا واخد عليه وبيحبه وكل حاجه لان ده شي مش طبيعي انك تحبي حد وتتعاملي معاه بتلقائيه غير لما تكوني شوفتي قبل كده معاملته عامله ازاي واخلاقه وكل حاجه بعدين انتي خلاص بدأتي تتعودي عليا اهو مش صح
نور : يعني
اسر : ايه رائيك نبقا صحاب ومانتكسفش من بعض في حاجه
نور : موافقه
اسر : صحاب
نور : صحاب بس انتا ازاي بتعاملني كده مع اني لسه داخله حياتك بردو
اسر : لا انتي داخله حياتي من زمان
نور : يعني ايه مش فاهمه
اسر : مش لازم تفهمي نامي يانور
نور : تصبح علي خير
اسر : وانتي من اهله
الصبح صحيوا علي صوت تخبيط جامد علي الباب جريت نور فتحت لقت منه وافقه قدامها ومعاها ظرف
نور : في ايه يابنتي ايه الرزع ده
منه : ده جايلك
نور : ده ايه
منه : ظرف افتحيه بسرعه