رواية عشق الاسد
الفصل التاسع عشر
بقلم🖊امل نبيل
أسد روح الفيلا بعد ما وصل عشق وميرنا البيت وإطمن عليهم لقا محمد وابوه وامه بيزعقو وصوتهم عالى.
محمد:والله ما أعرف حاجة عن الصور دى .
عزت بزعيق :اومال مين اللي يعرف يعنى.
محمد:والله انا معرفش حاجة وعمرى مهعمل حاجة زى كدة فى ملاك لإن ملاك دى تبقا روحى ومحدش اكيد هيقبل انه يأذى نفسه.
أسد دخل ومكانشى فاهم حاجة.
أسد:خير يا بابا صوتكم عالى كده ليه.
عزت:تعالى شوف صحبك عمل ايه.
اسد:فى ايه يا محمد ايه اللى حصل.
محمد:والله يا اسد معرف حاجة عن الصور دى.
أسد بعدم فهم: صور ايه.
عزت:اتفضل شوف الصور دى لاقتها مبعوتالى على التليفون النهاردة.
أسد اخد التليفون من ابوه واتصدم من الوضع اللى كان محمد هوا وسوزى فيه.
أسد ببرود:تقدر تفهمنى ايه ده يا استاذ.
محمد:والله العظيم ما اعرف.
سمر:اومال مين اللي يعرف.
محمد:انا مش عارف الصور دى ايجت ازاى كل اللى فاكره ان هيا اتصلت عليا وقالتلى الحقنى يا محمد فى حد بيسرق البيت وانا فى البيت لوحدى انا طبعا اتسغربت انها كلمتنى انا بس مكنش فى وقت للتفكير وروحتلها واول ما دخلت الشقة بتاعتها فى حد خبطنى على راسى بعدها مادرتش بأى حاجة تانية غير لما فوقت ولما فوقت لاقيت هدومها متقطعة وانا يعنى مكنتش لابس هدومى كلها بس اتصدمت من الموقف ده ولبست التيشيرت بتاعى ونزلت من الشقة على طول بس معرفش بقا الصور دى ايجت امتى ولا اتاخدت ازاى .
اسد ببرود:اومال مين اللي يعرف لما انت متعرفش يا محمد.
محمد :حتى انت كمان يا اسد مصدق انى ممكن اعمل حاجة زى كدة.
ملاك من وراهم:وميصدقش ليه ما الصور فى ايده اهى.....
______
عند ماريا وسيلين.
كانو قاعدين قلقانين على عشق وماريهان والجرس رن.
ماريا :انا هروح افتح يمكن يكونو هما.
وقامت من مكانها وراحت تفتح الباب واول ما فتحت الباب اتصدمت من منظر عشق.
ماريا: عشق انتى ايه اللى عمل فيكى كده و...
لم تكمل كلامها بسبب ظهور ميرنا خلف عشق.
ماريا بغباء وصدمة:ايه يا ،ايه يابا .
ماريهان زقتها ودخلت.
ماريهان:الحكاية مش ناقصة غباء وصدمة.
سيلين طلعت تشوف مين اتصدمت هيا كمان.
ميرنا بهمس لعشق:بقولك ايه تعالى ندخل علشان الإتنين دول اغبية وهيفضلو متنحين التتنيحة السودا دى لحد بكره.
عشق بضحك:انتى عرفتى انتى كمان انهم اغبية
عشق وميرنا دخلو هما كمان وماريا وسيلين لسه واقفين زى ما هما.
عشق:هما الإتنين دول هيفضلو كده.
ماريهان:سيبك منهم خشى غيرى هدومك وانتى كمان يا ميرنا وانا هدخل اغير هدومى ونبقا نفهمهم بعدين .
ماريا وهيا لسه بصدمتها: هوا ايه اللى بيحصل ده معلش علشان مش فاهمه هوا انتو عملتو من عشق نسخة3D .
ماريهان: الغباء بقا بزيادة مع العيال دى اوى.
سيلين:انا عايزة افهم ايه اللى بيحصل وحصل انا حاسة انى حمارة فى وسطكم.
عشق بضحك:انتى لسه واخده بالك.
سيلين: واخده بالي من ايه.
ماريهان بضحك: انك حمارة.
*بوووم لو جدعة رديها يا سيلين 😂😂*
ميرنا:طيب انا هدخل اغير هدومى.
ماريا: واللهى محد متحرك من مكانه غير لما افهم ايه اللى بيحصل.
عشق:تعالى يا اغبى خلق الله افهمك .
وحكت عشق لماريهان كل حاجة حصلت من ساعة ما اتخطفت .
ماريا بصدمة:يالهوى كل ده حصل واحنا منعرفش.
سيلين:يعنى اللى كانت عايشة معانا كل المدة دى اختك التوأم مش انتى.
عشق:بالظبط كده فهمتو بقا.
ماريا: اه فهمت بس اخر حاجة كان ممكن انى اتوقعها ان رغد هيا اللى تعمل كده وان ماريهان تبقا بنتها وياعينى تسنيم لما تعرف ايه اللى هيحصلها .
عشق :مش عارفة بصراحة ولا لما ابو تسنيم يعرف ايه اللى هيحصله ده كان بيحبها اوى.
ميرنا: خلاص بقا يا بنات ،نقوم بقا يا ماريا ولا ...
ماريا: لاء ده انتى تعملى كل حاجة انتى عيزاها براحتك و محدش هيتكلم معاكى ربع كلمه حتى.
ماريهان: جبتى ورا كده ليه يا ماريا.
ماريا: يا ست بتقولك مافيا وسلاح وبلا ازرق عيزانى اتكلم معاها تقوم مديانى طلقة فى دماغى.
سيلين: احم احم طيب قومى يا ميرنا يا حبيبتى غيرى هدومك وخودى شاور وانا هقوم اجهزلك لقمة.
عشق:على فكره انا اللى كنت مخطوفة مش هيا.
ميرنا: والله يا جماعة اكتر حاجة بحبها هيا حب الناس فيا وخوفهم عليا.
عشق:قصدك كره الناس ليكى وخوفهم منك.
ميرنا بتحذير :عشق.
عشق:بلا عشق بلا بتاع وبعدين عيب لما تكلمى اختك الكبيرة بالأسلوب ده .
ميرنا:اختى الكبيرة مين انتى هتستهبلى هوا حد فينا يعرف مين اللي اتولدت الأول.
عشق:الله اعلى واعلم بس جايز اكون انا الأكبر.
ميرنا:وجايز اكون انا بردو الأكبر.
ماريهان:خلاص يا ماما منك ليها وقومو يلا.
ماريا :وانا وسيلين هنقوم نجيب الأكل.
وقامت وخبطت عشق فى كتفها.
ماريا:كفارة يا شبح.
عشق: ماريا ياحبيبتى انا مش طالعة من السجن ولا حاجة.
سيلين: قومى يا اختى يلا غيرى هدومك لحد ما ن..
فى الوقت ده رن تليفون ماريا.
ماريا: طيب روحى يا سيلين هاتى انتى الأكل.
ماريهان: عمر اللى بيتصل.
ماريا:ايوة.
عشق:عمر مين.
ماريا:اسكتى يا بت يا عشق مش انا اتخبطت قصدى اتخطبت.
عشق :ومين المجنون اللى ريضى بيكى .
ماريا:ده انتى فاتك حاجات كتير اوى ومنهم شيماااء شبشب .
عشق:مين شيماء شبشب دى.
ماريا /سيلين :شيمااااء.
ماريهان: قومى يا عشق وسيبكى من ولاد الهبلة دول.
ماريا:الله يسامحك.
سيلين:روحى ردى على الواد قبل ما يقفل.
ماريا: ياختاااى قال يقفل قااال اما ألحق ارد عليه.
__________
محمد: أنا مش عارف انتو مصدقين ازاى انى ممكن اعمل حاجة زى كدة.
ملاك: سواء عملت ولا معملتش دى حاجة متخصناش ومالناش دعوة بيك اعمل اللى انت عايز تعمله ومافيش داعى انك تبرر لينا أفعالك.
محمد:انتى بتقولى ايه يا ملاك.
ملاك: ده اللى عندى وياريت تتفضل من غير مطرود.
عزت:ملاك عيب اللى بتقوليه ده.
محمد:ماشى يا ملاك بس افتكرى انك انتى اللى مصدقتيش كلامى ،وشكرا ليك يا صاحب عمرى انك وقفت جنبى.
قال اخر كلامه بسخرية.
وسابهم ومشى.
ملاك اول ما محمد ما مشى طلعت تجرى على السلم وطلعت اوضتها ودخلت وقفلت الباب وراها وفضلت تعيط فى اوضتها.
بينما فى الأسفل.
عزت:انا مش عارف ايه اللى بيحصل ده.
سمر:انا لا يمكن اصدق ان محمد ممكن يعمل حاجة زى كدة بس الصور دى انا مش عارفه اقول ايه.
اسد:محمد عمره ما يعمل كده واكيد فى حاجة غلط في الموضوع.
عزت:وانت كنت فين يا أسد قالولى انك سبت الشركة و اخدت معاك حراس ومشيت.
أسد: كنت برجع عشق.
سمر بعدم فهم: بترجع عشق ازاى.
اسد: عشق كانت مخطوفة.
عزت :ازاى ده واتخطفت امتى.
أسد حكى كل حاجة لأبوه.
عزت بصدمة:معقولة رغد تعمل كده.
اسد:انا كنت عارف من زمان بس مكانشى عندى دليل.
سمر:يعنى رغد عندها ينت تانية غير تسنيم من راجل تانى.
عزت:انا لا يمكن اصدق ان رغد تعمل كده.
اسد:للاسف عملت.
سمر:وهيا فين دلوقتى.
اسد:هربت للأسف.
سمر:ربنا يكون في عونك يا رائد انت وتسنيم لما تعرفو .
اسد:ما هما عرفو.
عزت:عرفو منين.
اسد:تسنيم اتصلت عليا علشان كانت قلقانه عليها فبتسأل لو نعرف حاجة عنها قلتلها.
سمر:يا حبيبتى يا بنتى انا لازم اروحلها.
اسد:هتروحى فين دلوقتى يا ماما خليكى بكره.
سمر:لاء يا اسد مينفعش لازم اكون معاها دلوقتى وكمان عشق عايزة اطمن عليها.
عزت:اسد معاه حق خليكى بكره.
اسد: انا هطلع انام تصبحو على خير.
سمر:وانت من اهل الخير.
________
عند ملاك فى الأوضة كانت قاعدة بتعيط ومقهورة من اللى حصل .
ملاك بعياط:ليه يا محمد ليه عملت فيا كده ليه ليه،
ده انا حبيتك ووثقت فيك ليه تخونى بالطريقة دى،.ليه بعد ما حبيتك وسلمتك قلبى تعمل فيا كده ،انا لازم انساك يا محمد واعيش حياتي لازم انساك وانسى كل ذكرياتك الحلوة والوحشة.
ومسحت دموعها وقامت من مكانها وراحت فتحت الدولاب وطلعت ألبوم الصور بتاعهم ومسكته قطعته كله ورميته فى سلة الزبالة.
ملاك بثبات:حكايتك معايا انتهت يا محمد كده.
_________
سليم كان قاعد كل شوية يرن علي تسنيم بس هيا مكانتشى بترد عليه وكان خايف عليها اوى وقلقان عليها بعد ما عرف باللى حصل.
________
تسنيم كانت فى حالة صدمة و فضلت فى اوضتها .
ورائد كان زيها بردو وخصوصا لما عرف ان رغد خانته رغد اللى كان بيحبها وكان ببعمل اى حاجه تخليها مبسوطة وسعيدة.
___________
محمد رجع فيلته وقال لأمه وأبوه على اللى حصل.
حنان: ايه اللى انت بتقوله ده.
محمد:ده اللي حصل.
مجدى:يعنى ايه يعنى خلاص كده الخطوبة باظت.
محمد:انا مش هسكت ومش هسيب ملاك لإن ملاك دى بتاعتى انا وبس
حنان:وانت هتعمل ايه يعنى.
محمد: انا هتصرف مع سوزى واشوفها جابت الصور دى منين.
__________
عشق وهي تجلس على الركنة:ياااه الواحد بقاله فترة مانضفش يا عيال.
ماريا: معلش يا اختشى كويس انك رجعتى بالسلامة.
عشق:الله ايه حكاية شيماء اللى كله مشغل اغنيتها دى .
سيلين: استنى والله لسمعك المهرجان بتاع شيماء.
وراحت جابت الفون وشغلت المهرجان.
عشق سمعت المهرجان وكانت هتموت من الضحك.
عشق: يالهوى عليك يا سوستة ايه ده.
ماريهان: والنبى ده منظر واحده كانت مخطوفة ولسه راجعة.
عشق بضحك:انتى شايفة كده .
ميرنا بضحك: لاء خالص .
ماريهان:والنبى اللى يشوفك وانتى كنتى ماسكة المسدس النهاردة مايشوفك دلوقتى.
ميرنا: انا كنت الأول معنديش اخت و كان ابويا او اللى المفروض انه كان ابويا ديما فى شغله مكنش عندى صحاب وجميرى يعتبر هيا الوحيدة اللي كانت بتقضى معظم وقتها معايا كنت بتمنى انه يكون عندى اخت تقف جنبى وقت زعلى وتهون عليا حياتى مكانشى عندى اخت وقت تعبى و ضعفى تقوينى مكانشى عندى حد يقولى متخافيش من الدنيا طول ما انا جنبك وفى ضهرك مكانشى عندى حد يقولى لاقيتك زعلانه فجبتلك الهدية دى علشان تفرحك مكانشى عندى حد لما اعيط وازعل اجرى عليه واحضنه واحس فى حضنه بالأمان مكانشى عندى حد حتى فى المدرسة كنت لوحدى كان كله مع بعض معادا انا كنت انا الوحيدة اللي لوحدى .
عشق حضنت ميرنا.
عشق:انا بقيت معاكى دلوقتى يا حبيبة اختك .
ميرنا:أنا أول ما جيت هنا وشوفت معاملتهم مع بعض استغربت اوى بس بعد كده خت عليهم وبقيت بتعامل معاهم عادى ودى كانت اول مرة احس ان عندى صحاب بس للأسف كانو بيتعاملو معايا على إنى عشق مش ميرنا.
سيلين:خلاص يا اختشى متزعليش مننا بس واللهى انتى عسل.
ماريا: متزعليش يا حبيبتى احنا معاكى اهو.
ماريهان: وبكره هيجي اللى ينور وشك ده ويبقا معاكى على طول.
عشق:ولو مجاش في ماسك زبادى بالخيار بيعمل نفس النتيجة بردو وبيفتح الوش ويخليه زى الورد.
سيلين بضحك:يخربيتك .
ميرنا:تصدقى انك عيلة باردة يا عشق.
عشق: عيب يا بت انا أختك الكبيرة.
ماريا:هوا انتى ليه مقتنعة انك الكبيرة يا عشق.
عشق:هوا كده .
ماريهان: ابو برودك.
عشق:صح يا بت يا ماريهان هيا ايه حكايتك مع الواد المز اللى كان موجود النهاردة ده.
ماريهان: مافيش حاجه.
عشق:وحياة امك ده إحنا دفنيينه سوا .
ماريهان: بقولكم ايه انا هقوم انام علشان اصحى بدرى علشان الجامعة.
عشق بضحك:بتتهربى يا جميل .
ماريا:طيب يلا تصبحوا على خير انتو كمان.
وينامو.
________
لورين كانت قاعدة فى جنينه الفيلا وماسكة تليفونها.
لورين:يعنى ابن الحلوة اللى قبل الاد ده مش يدخل يسأل حتى مين اللي باعت ليه اد ولا قبله وخلاص كده ،طيب اعمل ايه انا دلوقتى ولا أبدأ كلام معاه ازاى.
سكتت شوية وبعد كده قالت.
لورين:لاقتها لاقتها ايوة انزل بوست على الفيس ولو شافه واو علق او اتفاعل حتى ادخل اقوله انت مين اصلى شفتك متفاعل على البوست بتاعى ،
الله عليكى وعلى تفكيرك يا بت يا لورين بس هتنزلى ايه هتنزلى ايه.
فكرت شوية وبعد كده نطقت من مكانها
وقالت: ايوة هيا دى .
سام من البلكونة:هيا إيه دى.
لورين بخضة: بسم الله الرحمن الرحيم عفريت.
سام بضحك:لاء ده انا.
لورين:ولا انت بتطلعلى منين وبعدين ايه اللى مصحيك لحد دلوقتي روح نام او اتخمد او اعمل اى حاجه.
سام: لاقيتك صاحية قلت اما افضل اتأمل القمر.
لورين بخجل:ميرسى والله يا حبيبى ده انت اللى علشان عيونك حلوة شايفنى قمر.
سام: لاء انا مش قصدى القمر انتى انا قصدى القمر اللى فى السما اصل لو مكانشى في حد صاحى مكنتش هفضل لوحدى واقف في البلكونة.
لورين: اه يا حيوان غور ياض من هنا.
سام :دلوقتى حيوان مش كنت حبيبك من شوية .
لورين:غور ياض.
سام:هغور لوحدى ولا هتيجى معايا.
لورين:لاء خليك انت انا اللى هغور.
وسابت الجنينه ودخلت جوه الفيلا.
سام:انا مش عارف هيا معصبة نفسها ليه هوا حد كلمها دى .
*معلش يا سام يا حبيبى بنتنا هبلة شوية 😂😂*
لورين طلعت اوضتها .
لورين: والله يا سام يا بن روز لوريك بكره،المهم خلينى اكتب البوست اللي نسيت نصه ده ،هوا كان ايه والنبى،اه افتكرت ،
*بلااش تيجي ع بنت بتحبگ بجدد 🤦♀بلااش تكلم غيرها🌝خليگ معاهاا لان ال بتحبگ بجدد بتبقاا مستعدهه تعمل ايي حاجهه عشاان ترضيگ 🖤ساعات بتشوفهاا ضعيفه قدامگ.... بتگون ضعيفه عشاان بتحبگ🙂مش ضعييفهه خووف منگ✋.....بلااش تگسر قلبهاا وتوجعهاا ونت عارف انهاا ملهااش غيرگ 😞انت بنسبالهاا بتگون گل حاجهه...سندد..ضهرر...اخوهااا ..صحابهاا..كل حاجهه ف حياتهاا🙂✨بتبقاا واخد جزء من حياتهااا 🤦♀بلاااش تجرحهاا وتيجي عليهااا بزيادهه ....🙂🤝"♥*
.
لورين بعد ما شيرت البوست فضلت ماسكة التليفون ومستنيه اى حاجه تتبعت.
وفى الاخر مافيش حاجه اتبعتت وطفت النور ونامت.
__________
وينامو جميع ابطالنا منهم الفرحانين ومنهم الزعلانين ومنهم المصدومين ومنهم المكسورين على امل انهم يصحوا مجبورين الخاطر وفرحانين.
_________
فى صباح اليوم التالى
ملاك صحيت وقررت انها تبدأ من جديد ومتخليش اللى محمد عملو معاها ده يأثر على حياتها.
لبست ملاك تيشيرت اسود وبنطلون جينز تلجى وكوتش اسود وفردت شعرها الاسود على ضهرها وحطت مكياج خفيف وكانت شبه الحوريات واخدت شنطتها ونزلت لاقت امها وابوها قاعدين.
سمر اول ما شافت ملاك استغربت لانها كانت مفكرة انها زعلانه فى اوضتها.
سمر:رايحة فين يا ملاك .
ملاك بإبتسامة: رايحة الجامعة يا ماما.
عزت:بلاش تروحى النهاردة يا ملاك.
ملاك :ليه يا بابا .
سمر: يا حبيبتى انتى اكيد زعلانه ونفسيتك تعبانه من اللى حصل.
ملاك بضحك وسخرية:مين دى اللى زعلانه يا ماما انا كوول اهو ومافيش حاجة ومش واحد خاين زى ده اللى هزعل عليه.
سمر:ياااه معقولة انتى مش زعلانه.
ملاك:انتى شايفة حاجة غير كده.
سمر: طيب يا حبيبتى روحى وخلى بالك من نفسك.
ملاك: Ok Bye.
وطلعت ركبت عربيتها ومشيت.
سمر: انا خايفة اوى من برود بنتك ده عزت.
عزت:انشاء الله كل حاجة هتبقا تمام.
سمر:يارب همشى أنا بقا علشان اروح لتسنيم.
عزت:ربنا يكون في عونها انا لايمكن انى اصدق ان رغد تعمل كده.
سمر:انا هروح ليها بقا سلام .
_______
لورين صحيت على صوت مسج من تليفونها وبعد ما صحيت قامت غسلت وشها و مسكت تليفونها لاقت كمال علق لها على البوست بتاعها.
لورين بصدمة:ده علق عالبوست وقلى كلام جميل من انسانه اجمل ،هوا بجد ده ولا ايه طيب ارد عليه اقوله ايه.
....:مالك بتكلمى نفسك ليه يا اختى.
لورين بصت وراها لاقت عمر اخوها واقف ليها على الباب.
لورين :احم لاء ولا حاجة.
عمر:طيب خلصتى ولا لسه.
لورين:لسه ليه.
عمر:اصل انا اللى هوصلك الجامعة النهاردة.
لورين بإستغراب: ليه.
عمر:اصلى هروح هناك علشان عايز ماريا فى حاجة وقلت اخدك بالمرة وانا رايح.
لورين: طيب ثوانى هغير هدومى و اجيلك.
عمر: هستناكى تحت.
لورين:اشى.
عمر:ايه ياختى.
لورين:اشى .
عمر:تطلع ايه اشى دى كمان .
لورين:ماشى يا عمر .
عمر:ما انا مافهمتش بردو يعنى ايه.
لورين: يعنى ماشى.
عمر:طيب انجزى وخلصى بسرعة.
لورين:حاضر .
__________
عند سليم.
سليم صحى من النوم غير هدومه وراح لتسنيم لانه كان قلقان عليها جدا.
وهوا في الطريق اتصل عليه منير المساعد بتاعه وقاله ان كمال عايزه فى حاجة مهمه فإضطر انه يرجع من طريقه ويتجه إلى شركته .
________
عند طبعا بطلتنا كانت نايمة رجليها في حته وايدها فى حته نومه غريبة الشكل😂😂
وسبحان الله اختها تطلع زيها هيا كمان😂😂.
ماريا دخلت عليهم الاوضة وفضلت شوية تفكر وابتسمت بعدها بخبث وراحت المطبخ وكانت ماريهان وسيلين بيجهزو الفطار.
ماريهان: صحيتى عشق وميرنا يا ماريا.
ماريا:هروح اصحيهم بس هوا فى تلج في الفريزر .
سيلين: اه ليه.
ماريا بخبث:بسأل بس .
ماريهان: مش مستريحالك يا كبير.
ماريا ببراءة:لاء ده انا طيبة خالص ومتقلقيش منى
ماريهان بضحك : ما انا عارفة طيابتك دى اوى.
ماريا اخدت التلج وطلعت من المطبخ وراحت اوضة عشق تانى ولاقت عشق وميرنا لسه نايمين اتسحبت جوه الاوضة براحة من غير ما تعمل اى صوت لحد ما وصلت للسرير وحطت التلج فى قفاهم هما الإتنين لتبدأ بقا رقصة الهنود الحمر والتمارين الصباحية وتنطيط بقا فى كل الأوضة.
عشق:ااااح اااح والله يا ماريا لوريكى.
ميرنا: يا بنت الهبلة التلج ساقع اوى.
ماريا كانت ميتة من الضحك حرفيا على شكلهم .
ماريا بضحك: هوا ايه ده اللى ساقع ما ده الطبيعى ان التلج يكون ساقع اومال عيزاه يكون ايه سخن مثلا.
عشق:اقسم بالله يا بنت الهبلة لوريكى بس اطلع التلج ده من قفايا.
ميرنا وعشق بعد ما طلعو التلج فضلو يجرو ورا ماريا اللى طلعت تجرى و راحت اوضتها وقفلت عليها.
عشق :افتحى يا ماريا.
ماريا بضحك: لاء مش هفتح.
ميرنا: افتحى يا بت.
ايجت ماريهان وسيلين على صوتهم.
ماريهان:فى ايه يا بنات.
عشق:بنت الهبلة اللى جوه دى حطت تلج في قفانا وإحنا نايمين.
سيلين بضحك: دى واحده هبلة سيبك منها.
ماريا فتحت الباب وقالت:مين دى اللى هبلة يا ماما .
عشق اول ما ماريا فتحت الباب شدتها من دراعها وطلعتها بره الأوضة .
عشق:اعمل ايه فيكى بقا.
ماريا:المسامح كريم والله.
ميرنا:يالهوى على الإيمان يا ناس.
ماريهان:يا جماعة دى ماريا سيبوكو منها.
عشق:معاكى حق مش هتكلم مع واحده هبلة زيها.
ماريا شدت دراعها من ايد عشق .
ماريا بردح :مين دى اللى هبلة يا ماااماااا منك ليهاااا هوا انا علشان بسكت بس هتسوقو بقا فى الهبل.
ميرنا: نو كومنت.
عشق:سيبك من الهبلة دى.
ماريا:تشكرى يا صحبة تشكرى يا قلب امك.
عشق:العفو يا حب.
ماريهان:يلا يا حلوة منك ليها الفطار جهز.
ماريا:شايفة يا بت يا عشق ماما ماريهان بتحبنا قد ايه و بتخاف علينا ازاى.
ماريهان: بت بطلى تريقة علشان ماموتكيش.
عشق:متعصبيش نفسك يا ماما.
ماريهان:تصدقو انكم كلكم حلاليف.
ميرنا:انتى بتجمعى ليه طيب دلوقتى هوا انا ولا البت سيلين اتكلمنا.
عشق:مش اختك اتكلمت يبقا كأنك اتكلمتى.
ميرنا:والله .
عشق: والله.
سيلين:سيبوكم من شغل الأطفال ده وتعالو يلا علشان نفطر ونغور عالجامعة.
وبعد ما فطرو وغيروا هدومهم نزلو تحت العمارة وركبو عربية ماريهان اللى تيم بعتهالها مع رجالته.
ومشيو عالجامعة.
__________
رائد مانامش طبعا طول الليل وطلع علشان يشوف تسنيم واول ما فتح باب الاوضة كان متوقع انه يلاقيها زعلانه ومصدومة وكل الكلام ده بس بالعكس لاقاها غير كده خالص لاقاها هادية ومبتسمة.
رائد: صباح الخير يا تسنيم.
تسنيم:صباح الخير يا بابا.
رائد:انتى لابسة كده ورايحة على فين.
تسنيم:لابسة علشان اروح الكلية بتاعتى .
رائد: بس...
تسنيم: انت لسه مالبستش ليه انت مش هتروح الشركة ولا ايه.
رائد:تسنيم انتى مش زعلانه.
تسنيم ببرود: وازعل من ايه.
رائد:مش زعلانه من اللى حصل او اى حاجه.
تسنيم:اللى رمت بنتها وخانت جوزها والله اعلم عملت ايه فى بنتها التانية *تقصد ماريهان* متستحقش انى ازعل عليها.
رائد :بس دى مهما كان امك يا تسنيم.
تسنيم بسخرية:امى اه صح هيا امى بس عمرها محسستنى ان انا ليا ام كانت أم بالإسم بس مش أكتر علشان كده مش عايزة اسمع عنها حاجة تانى او اى كلمة تانية او حتى اسمها انا امى ماتت .
رائد: ماشى يا تسنيم.
تسنيم:روح يلا بقا علشان تلبس هدومك و ننزل نفطر وبعد كده توصلنى فى طريقك للشركة.
رائد:ماشى يا حبيبتى.
مشى رائد راح اوضته وبعد شوية تسنيم نزلت تحت وهوا نزل بعدها وقعدو على السفرة علشان يفطرو.
وبعد ما تسنيم خلصت اكل قامت .
رائد:كملى اكلك.
تسنيم:انا الحمد لله شبعت.
فى الوقت ده دخلت الخدامة.
الخدامة:تسنيم هانم سمر هانم مستنية حضرتك فى الصالون.
تسنيم:طيب انا جايه.
وراحت تسنيم لاقت سمر مستنياها .
سمر :ازيك يا تسنيم.
تسنيم بإبتسامة: تمام يا سمر يا عسل انتى اخبارك ايه.
سمر:تمام الحمد لله.
تسنيم:كنت لسه بفكر إنى اجيلكم النهاردة.
سمر:انا جيت اطمن عليكي قلت إنك أكيد زعلانه ومصدومة من اللى حصل.
تسنيم:لاء خالص انا كوول اهو ومافيش حاجة ومش زعلانه خالص من اللى رغد عملته.
سمر:بس اكيد هتزعلى سواء دلوقتى او بعدين.
تسنيم:بس اكيد مش دى اللى هزعل عليها.
سمر:انا عمتا جيت اطمن عليكى فهمشى انا .
تسنيم: تسلمى والله كان نفسي اقعد معاكى والله بس انا عندى جامعة وكده بس هحاول أكيد انى اجى اقعد معاكو شوية.
سمر: وانا هستناكى يا حبيبتى وتمشى.
__________
فى الجامعة كانت ملاك قاعدة وماريا وسيلين وماريهان وعشق وميرنا قربو عليها ملاك اول ما شافت ميرنا وعشق اتصدمت.
ملاك بصدمة:ايه يا ...يا...ايه ده .
ماريا: فهموا الأخت الهبلة دى ايه اللى ده.
ماريهان فهمت كل حاجة لملاك اللى كانت مصدومة وهيا بتسمع اللى ماريهان بتقوله.
ملاك:معقولة عمتى عملت كده .
عشق:انا كانت اخر حاجة اتوقعها ان ام تسنيم تعمل كده.
ماريا:يا ترى تسنيم عاملة ايه دلوقتى.
ملاك:عادى تسنيم قوية وهتتحمل بس انا مش عارفة انا مالى مستغربة من اللى عمتى عملته ليه مافى غيرها كتير بيعملو كده.
عشق:خلاص سيبوكو من الموضوع ده فين البت لورين وانتى يا ملاك عاملة ايه مع محمد وايه الدنيا قولولى على كل حاجة حصلت وانا مش موجودة.
ملاك:انا ومحمد خلاص.
ماريا:يعنى ايه.
ملاك:يعنى حكايتنا انتهت خلاص انا ومحمد سيبنا بعض.
سيلين:انتى بتهزرى.
ماريهان: ايه اللى انتى بتقوليه ده.
ملاك:والله ده اللى حصل.
عشق:وانتى بالسهولة دى سيبتيه.
ملاك:عيزانى اعمل ايه يعنى.
عشق: قبل كل حاجة قوليلى ايه سبب المشكلة اللى حصلت او اللى خلاكى فكرتى التفكير الاهبل ده انتى وهوا وسبتو بعض.
ملاك:اممم يعنى........ مش عايزة افتكر.
عشق:لاء قولى.
سيلين: قولى علشان نشوف اللى انتم عملتوه ده صح ولا غلط.
ملاك: يا جماعة فككو بقا من الحوار ده.
ميرنا: عمتا براحتك بس عيزاكى تعرفى ان اى حاجه حصلت اكيد هوا مش قاصدها.
ملاك:مش قاصدها صح لما يروح يخونى مع واحده تانية يبقا مش قاصد لما صوره تجيلى وهوا في حضن واحده تانية يبقا مش قاصد لما يكدب عليا والدليل قدامه يبقا مش قاصد بردو.
ماريهان: لحظة بس كده صور ايه.
ملاك:متصور وهوا في حضن واحده تانية.
ماريهان: لحظة انتى بتتكلمى عن محمد.
ملاك: اه هوا فى غيره.
ماريهان: عايزة نصيحتى انا كنت مخطوبة قبلك لمحمد وعمره ما عمل حاجة مش كويسة وانا مصدقش انه يعمل حاجة زى كدة.
ملاك:لاء عمل وخانى مع صحبتك.
ماريهان:صحبتى مين.
ملاك:سوزى.
ماريهان: استحالة طبعا محمد يبص لسوزى وغير كده من ايام ما انا كنت مخطوبة لمحمد سوزى كانت حاطة عينها عليه فأكيد دى خطة او حاجة هيا عملاها بس مصدقش ان محمد يعمل كده.
عشق: ماريهان معاها حق ده غير انه بيحبك يا ملاك واكيد مش هيعمل حاجة زى كدة علشان يخسرك.
ملاك بدموع: انا مش عارفه اعمل ايه.
ماريا: اهدى واتكلمى معاه براحة وافهمى منه الحوار كله كده.
ملاك: إن شاء الله
لورين إيجت فى الوقت ده عليهم.
لورين اول ما شافت ميرنا وعشق قالت.
لورين بصدمة :ايه الفيلم المدبلج ده .
ماريا:والله ما ناقصة هبلك انتى كمان.
لورين: لاء بجد ايه ده ولا ايه اللى بيحصل ده ازاى فى اتنين عشق.
ماريا:هما هيبقوا يفهموكى بعدين بس قوليلى عمر فين.
لورين:عمر جاتله مكالمة ومشى.
ماريا: اه يا ابن ال بقا يقولى انا جايلك علشان عايزك فى حاجة مهمه وفى الاخر ما يجيش.
لورين:فهمونى بس ايه ده.
ميرنا بصت لماريهان.
ميرنا:اتفضلى يا اختى احكى الحكاية تانى.
ماريهان:بصى يا لورين دى اخت عشق التوأم وعشق كانت مخطوفة من يوم ما العربية مشيت بيها واللى كانت عايشة معانا كل المدة دى اختها التوأم وبصى حصل حاجات كتير اوى هبقا احكيلك عليها بعدين.
لورين: تمام.
ويقضو شوية وقت مع بعض وكل واحده راحت المحاضرة بتاعتها
________
محمد كان قاعد مش طايق نفسه ولا طايق حد وبيفكر مين اللي صور الصور دى وكان بيحاول انه يفتكر اى حاجه بس ما إفتكرش.
وبعد كده الباب بتاع مكتبه خبط .
محمد:ادخل.
دخلت السكرتيرة بتاعته.
السكرتيرة: فى واحده بره عايزة حضرتك يا دكتور.
محمد: اسمها ايه.
السكرتيرة: مقالتشى اسمها .
محمد: دخليها .
السكرتيرة: حاضر.
السكرتيرة طلعت وبعد دقيقة دخلت سوزى محمد اول ما شافها اتجنن وقام بسرعة من مكانه ومسكها من شعرها.
محمد بعصبية:انتى ليكى عين يا وس** انك تيجى هنا.
سوزى بوجع:اه ااااه حرام عليك اوعى.
محمد:ايه اللى عملتيه ده يا زبا** وايه الصور دى يا روح امك .
سوزى:انا معملتش حاجة اوعى كده.
محمد:هتستعبطى يا روح امك.
سوزى:ااااااه اوعى كده والصور اللى بتتكلم عليها دى كان لازم ملاك تشوفها علشان تبقا عارفة باللى حصل بينا.
محمد:انتى هتستعبطى يا روح امك.
سوزى:اوعى كده طيب سيب شعرى.
محمد زقها على المكتب وهيا اتخبطت فى راسها
محمد :بره يا زبا** ومش عايز اشوف وشك هنا تانى.
سوزى طلعت تجرى من المكتب ومحمد قعد على الكرسى وحط راسه بين ايديه.
محمد:يارب يارب انا مش عارف اعمل ايه
________
عند البنات خلصوا الجامعة وكانو واقفين قدام البوابة.
عشق:انتو هتروحوا.
ماريا:اه اومال هنعمل ايه.
عشق:بقولكم ايه يا عيال انا عايزة اكل قصب.
ماريا: تصدقى يا بت وانا كمان.
لورين :يلا يا عيال نروح نجيب قصب.
ماريا وهى تشاور على أحد ما :بت يا عشق مش اللى هناك ده مستر ذكى.
عشق:اه يا بت هوا.
ماريا: تعالى نروح نسلم عليه.
عشق:لاء يا ستى انا هتكسف.
ماريا:تتكسفى من ايه.
عشق: يا ستى إحنا لابسين بناطيل وبشعرنا وانتى عارفة ان المستر مش بيحب يشوف حد بشعره او لابس بنطلون .
ماريا:خلاص يا عشق هوا كده كده مشى.
ماريهان: طب ايه يا حبيبتى انتى وهيا هتجيبو قصب منين.
ماريا: بصو يا عيال الشياكة دى.
ميرنا:اوبا دول صروخ ارض جو.
ماريهان :يااه لو كل واحد من اللى انتو مخطوبين ليهم ييجو يشوفوكو وانتو بتعاكسو الولاد كده.
سيلين:الحمد لله انا واقفة محترمة ومتكلمتش.
عشق:بس يا بابا انتى وهما وخلونا في موضوعنا هنجيب قصب منين.
ماريا:ده إحنا بقا قدامنا محل حلويات كامل فى حاجات تهبل وعيزانا نبص للقصب اخس عليكى يا عشق.
لورين: اوبا بقا لما التسجيل اللى بسجله ده يوصل لعمر يا لهوى على اللى هيعمله.
ماريا:تسجيل ايه.
لورين رفعت تليفونها.
لورين :ما انا سجلت ليكى يا قمر.
ماريا: لاء بطلى هبل هزار بقا وامسحى.
لورين:مين قالك انى بهزر.
ملاك:طيب انا همشى أنا بقا يا شباب سلام.
ماريا:احنا بنات مش شباب.
ملاك :اسفة يا اخت سلام يا بنات.
البنات:سلام.
ماريا :هاتى التسجيل بقا يا لورين او امسحيه.
لورين:لا يمكن.
عشق: ده انتو باردين اوى انا همشى.
ميرنا :طيب انا هروح بقا لجميرى
عشق: ايه ده انتى مش هتفضلى معايا.
ميرنا :هروح ليها وهجيبك بكره ان شاء الله.
عشق حضنت ميرنا جامد.
عشق:هتوحشينى.
ميرنا:وانتى كمان هتوحشينى.
ويمشو بعد كده وكل واحده تروح بيتها.
________
فى المساء .
كانت كل واحده من البنات قاعدة بتكلم فى حبيبها الا ماريهان.
وفجأة تليفونها رن برقم غريب.
ماريهان برقة:الو.
......:الو استاذة ماريهان.
ماريهان:ايوة انا مين معايا.
......:إحنا لاقينا جثة واحده مرمية على طريق مهجور وكان فى تليفون مرمى جنبها احنا قدرنا اننا نفتح التليفون ولاقينا ارقام كتير رنينا على تلت ارقام محدش رد ورنينا على رقمك ده .
ماريهان:لحظة بس كده جثة مين أنا مش فاهمه حاجه.
المتصل:يستحسن حضرتك تيجى بنفسك وتشوفى .
ماريهان:اجى فين انا معرفش انت بتتكلم عن إيه .
المتصل:العنوان اهو******** ياريت تيجى حضرتك وتشوفى الجثة دى اذا كنتى تعرفيها ولا لاء.
ماريهان: انا مش عارفه انت بتتكلم عن إيه.
المتصل:ياريت تيجى فى اسرع وقت سلام.
ماريهان:الو...... الو ......الو .
عشق:فى ايه يا ماريهان.
ماريهان: فى واحد اتصل عليا وبيقولى انه لقا جثة ورقمى كان على تليفونها ومش عارفة إيه ده وبيقولى تعالى علشان تشوفى انتى تعرفيها ولا لاء.
ماريا:طيب هتعملى ايه.
ماريهان: مش عارفة.
عشق:انا من رأيى إنك تروحى وتشوفى.
سيلين:بس مش هينفع انها تروح لوحدها.
ماريا:مش يمكن حد بيهزر مش أكتر.
عشق:معتقدش ان فى حد ممكن انه يهزر الهزار الرخم ده.
ماريهان: يعنى اروح.
ماريا:انا بصراحة شايفة انك متروحيش.
عشق:انا هروح معاكى قومى يلا.
ماريا:مش هينفع تروحو لوحدكم وبصراحة انا شايفة ان فى حاجة غريبة فى الموضوع.
سيلين:استنو هاجى معاكو.
ماريا:هما طالعين رحلة يا سيلين يا جماعة فككو من الحوار ده اكيد حد بيهزر او حاجة.
سيلين:طيب ممكن مايكونش هزار هتعملى ايه بقا.
ماريهان:يلا نروح.
ماريا:خودونى معاكو طيب .
سيلين:ماهى مش رحلة.
ماريا:بطلو بقا ويلا.
نزلوا كلهم من العمارة وقابلو سماح .
سماح:خير يا بنات رايحين فين فى الوقت المتأخر ده .
عشق:رايحين مشوار كده وراجعين.
سماح:فى الوقت ده.
ماريا:عادى يعنى ماله الوقت.
سماح وهى بتلوى شفايفها : مالوش بس اوعو تتأخروا بره أحسن يجرالكوا حاجة من اللى واحد بيسمع عنها اليومين دول.
عشق:ماتخافيش.
ماريهان:عن إذنك بقا علشان منتأخرش.
ويمشو البنات نزلو من العمارة وركبوا عربية
ماريهان وراحو العنوان اللى اتبعت لماريهان و.......
صلوا على رسول الله صلى الله عليه وسلم