رواية عشق الاسد
الفصل العشرون
بقلم امل نبيل
كانت كل واحده من البنات قاعدة بتكلم فى حبيبها الا ماريهان.
وفجأة تليفونها رن برقم غريب.
ماريهان برقة:الو.
......:الو استاذة ماريهان.
ماريهان:ايوة انا مين معايا.
......:إحنا لاقينا جثة واحده مرمية على طريق مهجور وكان فى تليفون مرمى جنبها احنا قدرنا اننا نفتح التليفون ولاقينا ارقام كتير رنينا على تلت ارقام محدش رد ورنينا على رقمك ده .
ماريهان:لحظة بس كده جثة مين أنا مش فاهمه حاجه.
المتصل:يستحسن حضرتك تيجى بنفسك وتشوفى .
ماريهان:اجى فين انا معرفش انت بتتكلم عن إيه .
المتصل:العنوان اهو******** ياريت تيجى حضرتك وتشوفى الجثة دى اذا كنتى تعرفيها ولا لاء.
ماريهان: انا مش عارفه انت بتتكلم عن إيه.
المتصل:ياريت تيجى فى اسرع وقت سلام.
ماريهان:الو...... الو ......الو .
عشق:فى ايه يا ماريهان.
ماريهان: فى واحد اتصل عليا وبيقولى انه لقا جثة ورقمى كان على تليفونها ومش عارفة إيه ده وبيقولى تعالى علشان تشوفى انتى تعرفيها ولا لاء.
ماريا:طيب هتعملى ايه.
ماريهان: مش عارفة.
عشق:انا من رأيى إنك تروحى وتشوفى.
سيلين:بس مش هينفع انها تروح لوحدها.
ماريا:مش يمكن حد بيهزر مش أكتر.
عشق:معتقدش ان فى حد ممكن انه يهزر الهزار الرخم ده.
ماريهان: يعنى اروح.
ماريا:انا بصراحة شايفة انك متروحيش.
عشق:انا هروح معاكى قومى يلا.
ماريا:مش هينفع تروحو لوحدكم وبصراحة انا شايفة ان فى حاجة غريبة فى الموضوع.
سيلين:استنو هاجى معاكو.
ماريا:هما طالعين رحلة يا سيلين يا جماعة فككو من الحوار ده اكيد حد بيهزر او حاجة.
سيلين:طيب ممكن مايكونش هزار هتعملى ايه بقا.
ماريهان:يلا نروح.
ماريا:خودونى معاكو طيب .
سيلين:ماهى مش رحلة.
ماريا:بطلو بقا ويلا.
نزلوا كلهم من العمارة وقابلو سماح .
سماح:خير يا بنات رايحين فين فى الوقت المتأخر ده .
عشق:رايحين مشوار كده وراجعين.
سماح:فى الوقت ده.
ماريا:عادى يعنى ماله الوقت.
سماح وهى بتلوى شفايفها : مالوش بس اوعو تتأخروا بره أحسن يجرالكوا حاجة من اللى واحد بيسمع عنها اليومين دول.
عشق:ماتخافيش.
ماريهان:عن إذنك بقا علشان منتأخرش.
ويمشو البنات نزلو من العمارة وركبوا عربية ماريهان وراحو العنوان اللى اتبعت لماريهان .
البنات وصلو المكان وكان فى منطقة مهجورة ومافيش حد موجود والمكان كان شكله يخوف اوى مكنش فى غير بيت كبير مهجور ومضلم .
عشق: بنات المكان ده شكله يخوف اوى خلينا نرجع تانى.
ماريهان بخوف: نرجع ايه بس يا عشق يعنى بعد ما جينا المسافة دى كلها هنرجع .
ماريا بخوف:جماعة انا من رأيى فعلا اننا نرجع لان شكل المكان ده ميطمنش و كمان مافيش حد هنا.
سيلين:طيب خلينا ندخل البيت ده نشوف فى ايه.
عشق بخوف:ندخل ايه يا سيلين ده شبه بيت الاشباح والعفاريت يا ستى.
ماريهان :طيب بصوا إحنا هندخل نشوف فى ايه وانشاء الله مش هيحصل حاجة يلا.
ماريا:انا خايفة يا جدعان اوى.
عشق:طيب نوروا كشافات التليفونات علشان نشوف.
ماريهان: اشطا تمام.
سيلين:مين هتدخل الأول.
ماريهان:مش انا.
عشق:ولا انا.
ماريا:اومال انا يعنى.
سيلين:خلاص اهدوا انا هدخل الأول.
عشق:طيب شغلى الكشاف بتاع تليفونك علشان تشوفى.
ماريا: بقولك ايه يا ماريهان ما تتصلى على الرقم اللى رن عليكى ده .
ماريهان:حاولت لما كنا جايين في العربية بس التليفون كان مقفول واكيد لو اتفتح كان هيجيلى رسالة.
ماريا:خلاص طيب ادخلو يلا.
سيلين دخلت الأول وبعد كده البنات دخلو وراها.
البنات دخلو البيت المهجور وكانو خايفين اوى وماسكين فى إيد بعض وبيبصو حواليهم في كل مكان فضلو ماشيين فى البيت لحد ما وصلوا لنص البيت.
ماريهان:جماعة يلا نرجع انا خايفة.
ماريا بخوف:ما أنا قلتلكو كده عملتو فيها السبع رجالة فى بعض.
سيلين:وطوا صوتكم ده وخلونا نروح هناك كده نشوف فى ايه ورا الباب او الأوضة دى.
عشق :لاء يما انا اخاف افرض كان فى عفاريت او مصاص دماء او يكون في مستذئب محبوس جوه و ينط عليا ويعضنى.
ماريا:يارب صبرنى على البلوة دى.
سيلين: بطلى بقا انتى وهيا وخلونا نروح نشوف فى ايه.
ماريا:يا جدعان خلونا نرجع أحسن أنا مش مطمنة.
سيلين كانت لسه هتتكلم شافت فار راحت مصوتة.
سيلين:اااااااه ااااااه فااااااااار .
ماريا:ااااه يا ماما.
عشق:ااااه حاسبى يا ماريهان.
ماريهان: بس متصوتوش أحسن يكون فى عفاريت ولا حاجة وتتلبسو.
عشق:خلونا نرجع تانى يلا .
ماريهان: ماشى يلا بس كل اللى عايزة أعرفه مين اللي اتصل عليا و قلى الكلام ده وليه خلانا نيجى هنا.
.....:اصلك وحشتى ابوكى وأمك يا ماريهان فكنا عايزين نشوفك.
_________
ملاك كانت نازلة من على السلم وكانت فى قمة اناقتها لاقت محمد و عزت وسمر وحنان ومجدى قاعدين مع بعض.
ملاك سلمت على حنان واتجاهلت محمد تماما .
ملاك:ازيك يا طنط حنان.
حنان: ايه طنط دى يا ملاك احنا مش قلنا هنخليها ماما ولا ايه يا عروسة ابنى.
ملاك بسخرية:عروسة ابنك الكلام ده كان زمان يا طنط.
محمد: واى اللى هيمنعه دلوقتى.
ملاك:اصلى مبحبش أعيش مع خاينين.
عزت:ملاك عيب اللى بتقوليه ده.
ملاك:عيب ليه مش دى الحقيقة.
محمد:انتى عارفة ومتأكدة ان عمرى ما هعمل حاجه زى دى يا ملاك ولا هيجى عليا يوم وافكر فيه انى اخونك.
ملاك:ده كان زمان الكلام ده .
محمد :قصدك ايه.
ملاك:قصدى ان خلاص مبقاش فى حاجة بينا وياريت تتفضل بره ومتورنيش وشك ده تانى.
سمر:ملاك عيب كده احترمى نفسك.
ملاك:انا محترمة اهو يا ماما ولا انتى شايفة حاجة غير كده .
عزت:لاء ده انتى ذودتيها اوى المره دى.
ملاك:انا اسفة يا بابا بس حبيت انى اقولك ان فى واحد زميلى متقدملى وانا بصراحة موافقة عليه.
محمد ببرود:ماشى يا ملاك ألف مبروك عن إذنك يلا يا ماما.
ملاك:إذنك معاك وياريت متورنيش وشك تانى بقا تشاو.
محمد مشى هوا وامه وعزت زعق لملاك.
عزت :انتى ايه اللى عملتيه ده.
ملاك:عملت ايه هوا انا عملت حاجة غلط.
عزت بعصبية:لاء ده انتى اتجننتى بقا .
ورفع ايده وضربها بالقلم.
ملاك كانت فى حالة من الصدمة لإن دى كانت أول مرة أبوها يزعقلها او يمد ايده عليها.
سمر :ايه اللى عملته ده يا عزت.
عزت:ماهو دلعنا ده هوا اللى خلاها تعمل كده وتتكلم معانا بالأسلوب ده .
ملاك بدموع:خلصت كده ولا فى حاجة ده تانى، وبعدين هوا فين الدلع ده انا مش شيفاه.
سمر خدتها فى حضنها.
سمر:اهدى يا حبيبتى ابوكى مكانش يقصد.
ملاك بعدت عنها.
ملاك:انتو ليه بتعاملونى كده ها ليه ،
ليه ديما شايفينى ان انا الوحشة،
ليه ديما شايفينى ان انا الظالمة مش المظلومة.
عزت:انتى بتقولى ايه.
ملاك بإنهيار :بقول الحقيقة بقول الحقيقة اللى كتماها جوايا من زمان ليه بتعاملونى على إنى مش بنتكم ليه ديما شايفين ان أسد هوا الشاطر هوا الناجح وشايفينى انا الفاشلة ليه ديما شايفينه هوا العاقل وانا الهبلة ليه ديما اى حاجه تحصلى تجيبو اللوم كله عليا مع انى بكون مظلومة ليه ديما مفكرين ان انا فاشلة ومش هقدر اعمل اى حاجه ليه مفكرنى انى لسه صغيرة ومش بعرف أخد قراراتى كلكم متعاطفين مع محمد ومعتبرينى انا الظالمة مع انه هوا اللى خانى مش انا.
عزت:وايه كمان يا ست ملاك قولى فى ايه تانى.
ملاك بدموع وسخرية:وهوا انتو كنتو اهتميتو بالأول علشان اقول التانى.
وسابتهم وطلعت تجرى على اوضتها.
________
فى صباح اليوم التالى
كانت مستلقية على سريرها تفكر في ما حدث بالأمس وما قاله أسد لها لتزفر بضيق.
بينما لم يختلف الحال عند ماريهان فكل ما تتذكر ما حدث بالأمس وما قاله تيم له وكيف قام بمعاملتها
تشعر بالغضب يستولي عليها من جديد وهي تفكر كيف سمح لنفسه بان يقبلها أمام الجميع ويخبرها بأنها ملكا له هو فقط.
خرجت ماريهان من غرفتها وجلست فى الصالة وبعد دقائق خرجت عشق هى أيضا وجلست بجانبها.
عشق:ايه اللى مقعدك كده.
ماريهان بضيق:مافيش.
عشق:مدايقة من اللى حصل امبارح.
ماريهان:وهيا دى حاجة تدايق.
عشق:معلش انتى أقوى من كده.
ماريهان:أقوى من ايه،عيزانى اعمل ايه لما الاقى واحد بيقولى انتى ملكى وبتاعتى انا بس وجهزى نفسك علشان فرحنا بكره.
عشق:اومال انا اعمل ايه بقا فى اللى بيقولى فرحنا وكتب الكتاب بكره بردو .
ماريا خرجت من اوضتها.
ماريا:مالكم مبوزين كده ليه.
ماريهان:لاء احنا كووول اهو ومافيش حاجة خالص.
ماريا:امممم مدايقين من الموضوع إياه.
عشق:فى غيره.
ماريا:بصراحة انتو اللى غلطانين.
عشق:غلطانين ليه.
ماريا:فضلت اقولكم يلا نمشى وانتو اللى مردتوش تمشو وغير كده لو كان حصلكم حاجة امبارح ممكن تقولولى كنتو هتعملو اى بقا.
ماريهان:يوووه بقا.
عشق:بس دى مش طريقة بردو يا ماريا انتى ما شفتيش عملونا ازاى.
سرحت كلا منهم فى ما حدث بالأمس.
Flash back
ماريهان: ماشى يلا بس كل اللى عايزة أعرفه مين اللي اتصل عليا و قلى الكلام ده وليه خلانا نيجى هنا.
.....:اصلك وحشتى ابوكى وأمك يا ماريهان فكنا عايزين نشوفك.
نظرت جميع الفتيات خلفهم واتسعت أعينهم من الصدمة .
رغد: إزيك يا عشق انتى وملاك.
ماريهان بهمس للفتيات: ارجعو لورا براحة وافتحوا الباب من غير ما حد يحس واجروا ماشى.
ماريا:هنرجع ازاى أكيد هياخدو بالهم.
عشق:اعملوا نفسكم خايفين وارجعوا لورا.
سيلين: ماشى يلا.
سعيد: مكنتوش متوقعين إنكم تشوفونا تانى صح.
ماريهان وهى ترجع للخلف: انتم عايزين إيه.
رغد:عايزين كل خير.
ماريا مدت إيديها وفتحت الباب ولسه هتطلع تجرى لاقت نفسها خبطت فى حاجة صلبة.
ماريا:اه يا إبن الهبلة هوا ده وقت تيجى فيه.
رغد:كنتى بتفكرى فى إيه يا ماريا عايزة تهربى.
سيلين بهمس:هيموتوكى يا سيلين يا صغيرة على الموت.
ماريا بهمس :يا صغيرة على الموت يا لوزة.
سعيد: بس بصراحة نورتونا النهاردة يا بنات.
رغد: ليكى وحشة يا عشق والله.
عشق بخوف:انتو عايزين ايه مننا.
سعيد: كل خير انشاء الله.
رغد:سيد
سيد: نعم يا هانم.
رغد:خد البنات دول وديهم للرجالة يتسلو بيهم شوية .
سعيد شاور على ماريهان وقال :سيب دى هنا.
سيد:تحت أمرك يا باشا.
ماريا بردح :بقولك ايه اوعى تكون فاكر انك هتخوفنا بشوية التيران اللى معاك دول .
عشق:يخربيتك بتعملى ايه.
ماريا: استنى انتى بس هما مفكرين نفسهم هيخوفونا لاء يبقو ميعرفونيش كويس بقا.
سعيد شاور لواحد من رجالته و الراجل سمع الكلام
و راح مسك ماريا من قفاها.
ماريا بخوف: ايه يا كابتن صلى على النبى محمد كده بس ده انا كنت بقول ال opinion بتاعى مش أكتر.
سعيد: خدها وخليها تقول ال opinion بتاعها براحتها بقا.
الراجل بخبث:تحت أمرك يا باشا.
رغد: وانت يا سيد اعمل اللى قلتلك عليه.
سيد:تحت أمرك يا هانم.
وفى اقل من ثانية كان رجال سعيد كلهم مرميين فى الأرض غرقانين فى دمهم.
رغد بصدمة :ايه ده يا سعيد.
سعيد بذهول: انا معرفش.
ماريهان وعشق وماريا وسيلين خافو جدا من بشاعة المنظر اللى قدامهم وحضنو بعض وفضلو يصوتو.
رغد بخوف:ايه اللى بيحصل ده.
سعيد بعصبية: انتو يا بهايم يا اللى بره ايه اللى بيحصل ده.
.......:ليك وحشة يا سعيد والله.
كلهم بصو على الإتجاه اللى جاى منه الصوت لقو أسد وتيم وعمر وسليم وبعض من رجال الشرطة و حراس أسد وتيم.
عمر قرب من ماريا وأخدها في حضنه وفضل يهديها .
وعشق اول ما شافت أسد جريت عليه وهو حضنها.
وسليم حضن سيلين.
سليم :ما تخافيش يا حبيبة اخوكى انا معاكى اهو .
سعيد:انتو ازاى قدرتو توصلو لمكانى هنا.
سليم:شوف شغلك معاه يا عمر.
عمر طلع ماريا من حضنه وشاور للظباط اللى معاه انهم يقبضوا عليه.
أسد: وهوا انت فاكر انك هربت بمزاجك يا سعيد.
سعيد:تقصد ايه.
تيم:قصده ان إحنا كنا عارفين كل خطوة بتعملها من ساعة ما هربت.
عمر بأمر لعساكره: خدوهم يلا .
سليم قرب من سعيد وقاله بهمس:صحيح الورق اللى انت قتلت أبويا علشانه بقا موجود دلوقتى مع الحكومة وبتمنى انك تقضى وقت لطيف فى المأبد.
سعيد:اه يا ولاد الك** انا مش هسيبكم وزى ما قتلت امك وابوك هقتلكم انتو كمان.
عمر:خدوهم يلا.
رغد:طيب يا أسد انا ده انا عمتك أسد بالله عليك خليهم يسيبونى.
أسد:مش بإيدى يا...يا عمتى.
العساكر وباقى الظباط اخدو سعيد ورغد واللى فاضلين من رجالة سعيد ومشيو.
تيم راح وشد ماريهان من دراعها.
تيم بعصبية: وانتى مافيكيش مخ تفكرى اى حد يتصل عليكى ويقولك تعالى تروحى على طول.
سليم:اهدى يا تيم.
تيم: اهدى ايه يا سليم لو كان حصلها حاجة كنت هعمل ايه أنا دلوقتى.
ماريهان بعصبية:انت مالك بتزعقلى كده ليه انت كنت ابويا ولا اخويا علشان تزعقلى كده.
لم يستمع تيم إلى كلمة اخرى منها ليلتقط شفتيها في قبلة عميقة رغم اعتراضها ليخبرها بمدى عشقه لها فى هذه القبلة .
خجلت عشق كثيرا مما ترى ودفنت نفسها داخل أحضان أسد .
عمر:جرا إيه يا عم تيم ما تحترم نفسك شوية وراعى ان فى ناس حواليك.
بعد تيم عن ماريهان وهو يلهث وسند جبهته على جبهتها وقال: أظن إنتى عرفتى أنا أبقالك إيه دلوقتى.
ماريهان زقته وبعدت عنه.
ماريهان بخجل: انت قليل الأدب.
تيم بخبث :هوا إنتى لسه شوفتى قلة ادب .
أسد:جهزى نفسك يا عشق علشان فرحنا هيبقا بعد بكره.
عشق بصدمة:انت بتقول ايه.
أسد:اللى سمعتيه فرحنا وكتب الكتاب بعد بكره.
تيم:وكتب كتابنا هيبقى بعد بكره احنا كمان يا ماريهان .
ماريهان: ايه مين.
تيم:انا وانتى.
ماريهان :يبقا بتحلم.
تيم :انتى ملكى انا وبتاعتى انا انتى فاهمه.
سليم:ألف مبروك عن إذنكم يلا يا سيلين.
أسد وتيم:الله يبارك فيك.
سليم :اه صحيح يا عمر ما تنساش تطلع سيد هوا كان بيساعدنا .
عمر:ما تقلقش يا سليم.
أسد:سليم استنانى بكره في فيلة تيم عايزك فى حاجة مهمه.
سليم :ان شاء الله.
مشى سليم وسيلين.
تيم:عايزه ليه يا أسد.
اسد:أظن ان إيجا الوقت اللى نقوله فيه الحقيقة يا تيم.
عمر:أحسن حاجة هتعملها يا أسد.
تيم:عملت ايه فى موضوع محمد صح.
أسد:محمد ده موضوعه كبير اوى ولازم افضاله.
عشق:انتو بتقولو ايه.
أسد:ما تخديش في بالك يلا خلينا نمشى.
Flash back end
ماريا:انتو عارفين ايه اللى مدايقنى في الموضوع ده كله.
ماريهان:ايه.
ماريا:ان انا لسه مجهزتش الفستان.
عشق:غورى يا بت من هنا.
ماريا :تصدقى ان انا غلطانة انى بفكر هحضر فرحك بإيه.
ماريهان: قومى يا بت انتى وهيا علشان نغور عالجامعة وصحوا القتيلة اللى جوه دى.
ماريا:ماشى انا هصحيها.
عشق:انا هقوم أجهز الفطار علشان نفطر الأول.
_________
استيقظت من نومها وذهبت لتغسل وجهها وارتداء ملابسها وبعد أن إنتهت وقفت أمام المرآة لتضع بعض الزينة وبعد أن إنتهت قالت.
ملاك:خليكى قوية يا ملاك ومتسمحيش لحد انه يكسرك You are a strong girl.
ثم خرجت من غرفتها ونزلت إلى الأسفل لتجد والديها يجلسان على مائدة الطعام.
سمر:تعالى يا ملاك افطرى.
ملاك بلا مبالاة: ماليش نفس عن إذنك.
سمر: أسد فرحه بكره هتروحى تجيبى فستانك امتى.
ملاك:شكرا بجد انكم عزمتونى على فرح أخويا بس للأسف مش فاضية انى اجى زى ما انتم شايفين عن إذنكم.
ثم خرجت من الفيلا وركبت سيارتها وانطلقت في طريقها.
__________
كانت تنام فى غرفتها بطريقتها الفوضوية المعتادة ليدخل والدها عليها ونظر لها بأسى على طريقة نومها تلك ليقترب منها ويرفع الغطاء من على الأرض ويضعه على السرير.
رائد: تسنيم....يا تسنيم.....تسنيم.....اصحى يلا يا سيمو.
تسنيم بنوم:ايه يا بابا.
رائد:يلا يا حبيبتى قومى يلا علشان الجامعة بتاعتك.
تسنيم بنوم:مش رايحة النهاردة يا بابا سيبنى أنام.
رائد:قومى يا كسولة علشان جامعتك.
اعتدلت تسنيم وجلست على السرير.
تسنيم:يعنى لازم أروح يا بابا الجامعة النهاردة.
رائد:أيوة طبعا لازم تروحى.
تسنيم بنوم: طيب ينفع انام عشر دقايق بس.
رائد:ولا دقيقة واحده حتى قومى يلا إنجزى.
تسنيم: حاضر هقوم أهو.
رائد: انا هروح الشركة الفطار جاهز تحت.
تسنيم:ماشى يا بابا.
رائد:سلام.
___________
جهزت عشق الفطار وجلسوا جميعا على مائدة الطعام ليتناولو الطعام ويذهبو.
وفجأة رن تليفون عشق وكان المتصل أسد.
عشق:الو يا أسد.
أسد:انزلى انا مستنيكى تحت وخلى ماريهان تنزل معاكى.
عشق:ليه.
أسد:علشان تروحو تختارو الفساتين بتاعتكو.
عشق: يا أسد والنبى أجل الفرح شوية.
أسد:هيا خلاص كده يلا يا عشق.
عشق:اووووف حاضر.
أسد:ما تتأخريش.
عشق:ماشى سلام .
وأغلقت المكالمة.
عشق:ماريهان يلا علشان نروح نجيب الفساتين بتاعتنا ونختارها.
ماريهان: مين اللي قلك كده.
عشق:أسد لسه مكلمنى وقايلى.
ماريا:امممم يعنى انتو كمان مش هتروحوا الجامعة.
عشق:ايه ده هيا سيلين مش رايحة ولا ايه.
سيلين:لاء انا هروح.
ماريا:انا اللى مش هروح علشان عمر كلمنى و هنروح انا وهوا علشان أجيب فستان ويجيب بدلة ليه.
سيلين:يعنى هروح الجامعة لوحدى.
ماريا:معلش بقا.
سيلين:اشطا انا همشى بقا .
ماريهان: اشطا.
سيلين نزلت تحت ولاقت أسد وتيم وسليم وعمر أخوها واقفين تحت وكل واحد واقف قدام عربيته.
سيلين سلمت على أسد وتيم وعمر وراحت لسليم.
سيلين:سليم بتعمل ايه هنا.
سليم:مستنيكى علشان نروح نشترى فستان ليكى يا قمرى .
تسنيم من السيارة:لما هيا قمرك انا أبقى إيه.
سيلين:ايه ده انتى بتعملى ايه هنا.
تسنيم: اخوكى يا ستى إيجا وقف قدام الفيلا بتاعتى وكلم ابويا وقاله انه بيحبنى وقرر ان خطوبتنا تكون بعد يومين وابويا وافق وطلع عارف انى بحبه أصلا.
سيلين:ايوة و ده ايه علاقته بردو بوجودك هنا دلوقتى.
تسنيم:ماهو قال لأبويا ان فرح أسد بكره وانه هياخدنى معاكى علشان نشترى الفساتين سوا.
سيلين:اشطا.
سليم:طيب يلا نمشى.
سيلين:يلا.
أسد:ما تنساش معادنا عند تيم النهاردة بالليل يا سليم.
سليم ببرود: هكون موجود.
وركب عربيته هوا وسيلين ومشيو.
____________
كانت تجلس بمفردها فاليوم جميع أصدقائها لن يأتو كانت سارحة فى ذكرياتها.
إقترب سامر منها وجلس بجانبها.
سامر: ملاكى بتعمل ايه.
ملاك:سامر انت جيت امتى.
سامر:لسه جاى دلوقتى بتفكرى فى إيه كده.
ملاك:مافيش.
سامر:اومال ايه.
ملاك:سامر انت لسه بتحبنى.
سامر: اه يا ملاك.
ملاك:يبقا تيجى تتقدملى النهاردة .
سامر بفرحة: ملاك انتى بتتكلمى جد.
ملاك بثبات:ايوة بتكلم جد.
سامر: انا مش مصدق نفسي.
ملاك:همشى علشان عندى محاضرة دلوقتى سلام.
وقامت من مكانها ومشيت.
بينما إقتربت سوزى من سامر وجلست مكان ملاك.
سوزى بغل: شكلك كده نولت مرادك.
سامر: عايزة ايه يا سوزى انجزى.
سوزى:اظن انك وعدتنى ان محمد هيكون ليا بعد ما تاخد ملاك.
سامر:والمطلوب دلوقتى.
سوزى:انت بتستهبل ولا ايه.
سامر شد سوزى من شعرها وقال بفحيح يشبه فحيح الأفاعى :لما تتكلمى معايا صوتك يوطى فاهمة.
ثم ترك شعرها.
سوزى:افتكر ان انت اللى بدأت يا سامر واستحمل بقا اللى هيجرالك وهقول لملاك على كل حاجة.
سامر:ما تقولى ساعتها هتضيعى كل حاجة بإيدك ومش انا اللى هتأذى انتى اللى هتتأذى.
سوزى:قصدك ايه.
سامر:قصدى ان صورك انتى ومحمد هتبقا ترند على الفيسبوك وحديث الناس.
سوزى:واطى.
سامر:ما بلاش تتكلمى انتى على الوطينة يا قمر يلا بقا سلام علشان متعكرليش مزاجى.
وسابها ومشى.
سوزى:اه يا واطى والله لأوريك.
ثم أخرجت هاتفها وضغطت على عدة ارقام ولكن لم تأتيها الإجابه لهذا وضعت هاتفها فى شنطتها و أخذت تفكر فيما تفعله.
__________
كانت حائرة ولا تعرف ماذا تختار فجميع الفساتين رائعة وألوانها غاية في الجمال .
ماريا:يا عمر اختار معايا الفساتين كلها جميلة أوى.
عمر:ايه رأيك في الفستان اللى باللون الاسود.
ماريا: يعنى أخده.
عمر:انا بقولك ايه رأيك مش تاخديه.
ماريا:ما كلهم حلوين بصراحة ومش عارفة أختار ايه.
عمر:اختارى اللى باللون الاسود او الأزرق.
ماريا: هاخد الأزرق هيبقى حلو أوى عليا.
عمر: طيب جربية .
ماريا: تمام اختارلك بدلة على ما أجربه.
عمر:تمام بسرعة.
ماريا:حاضر.
دخلت ماريا غرفة تبديل الملابس وبعد عشر دقايق خرجت من الغرفة.
عمر:ايه ده ما جربتيش الفستان ليه.
ماريا: جربته.
عمر:فين ده.
ماريا: ما انا جربته وشوفته وطلع حلو.
عمر:ما انا عايز أشوفه.
ماريا:لاء هتشوفه بكره.
عمر :ما تبقيش باردة بقا يا ماريا وانجزى.
ماريا: لاء بكره هتشوفه عليا.
عمر:عارفة يا ماريا لو طلع ضيق او قصير او فى حته شفافة هولع فيكى.
ماريا:لاء ما تخافش مافيش حاجه من دى .
عمر:اما نشوف.
ماريا:انت اختارت بدلتك ولا لسه.
عمر:اختارت السودا.
ماريا:اممم .
عمر:ايه.
ماريا:طيب جربها وشوفها.
عمر: ماشى.
دخل عمر غرفة تبديل الملابس وبعد دقائق خرج وكان ايه فى الجمال.
ماريا:لاء بلاش يا عمر البدلة دى.
عمر :ليه.
ماريا: مطلعاك حلو بزيادة وأنا مش وخداك علشان تتشقط منى.
عمر:يا هبلة.
ماريا: ما انت حبيب الهبلة.
عمر :نصيبى بقا.
ماريا: طيب يلا شوف بدلة تانية غير دى.
عمر:لاء مش هاخد إلا دى.
__________
عشق وأسد وصلوا اتليه كبير جدا ومن أشهر الأماكن لتصميم الأزياء.
عشق:ها يا أسد هختار انهى فستان.
أسد:امممم عندى فكره.
عشق:ايه هيا.
أسد:انتى اختاريلى بدلة وانا اختارلك فستان ومنشوفهومش غير بكره.
عشق:وانا موافقة.
_________
فى نهاية اليوم كل واحد روح لبيته الا أسد وسليم وعمر ومحمد اللى اتجهو لفيلة تيم.
أسد وعمر ومحمد وصلوا الأول قبل سليم وفضلوا قاعدين مستنيينه.
عمر:هوا سليم اتأخر كده ليه.
محمد:ممكن ميجيش.
أسد:سليم اكيد جاى.
عمر:وانت ايه اللى مخليك واثق اوى كده انه هييجى.
أسد:سليم عمره ما قال كلمة و رجع عنها وهوا ادانى كلمة بأنه جاى يبقا اكيد جاى.
محمد:انت متأكد من اللى بتعمله ده يا أسد أنا أول ما اتصلت عليا وقلتلى إنك قررت تقوله على الحقيقة أنا مصدقتش انك هتعمل كده.
أسد:بتهيألى كفاية كده وكفاية عداوة بينا على حاجة إحنا مالناش دخل بيها أصلا.
عمر:إحنا كلنا كنا ضحية اللعبة القذ*رة دى.
أسد:وده الوقت اللى تنتهى فيه اللعبة دى يا عمر.
تيم: راجع نفسك يا صحبى وفكر في ردة فعل سليم لما يعرف بالموضوع ده.
أسد:اللى هيعمله دلوقتى هيبقا أحسن بكتير من االلى هيعمله بعدين يا تيم.
_________
عشق: ايوة يا ميرنا بكره فرحى.
ميرنا:ازاى ده حصل.
عشق:ده حصل حاجات كتير اوى انتى متعرفيش بيها .
ميرنا:احكيلى بسرعة.
عشق:لاء مش هينفع عالتليفون لازم تجيلى.
ميرنا: هجيلك دلوقتى سلام.
عشق:سلام ماتتأخريش .
ميرنا: متقلقيش مسافة السكة.
وقفلو المكالمة.
ماريهان: إيه قالتلك جايه ولا ايه.
ماريا: انتى مش سمعاها يا أغبى خلق الله بتقولها ماتتأخريش يبقا معناه جاية.
سيلين:بقولك إيه يا عشق ما تتصلى على لورين وتسنيم وملاك خليهم ييجو.
عشق: تصدقى فكره حلوة والله لعملها.
سيلين: علشان تعرفى بس ان انا كل أفكارى حلوة.
ماريهان:هتاخد مقلب جامد فى نفسها بقا.
سيلين:مش هرد عليكي.
ماريهان: علشان متعرفيش اصلا تردى عليا.
ماريا: ما خلاص يا حبيبتى منك ليها وانتى يا عشق اتصلى على العيال وانا هقوم أشغل أغانى وخلونا نفرح ده إحنا عندنا فرح بكره.
سيلين: شغلى أغنية موديل باريس او ياسبايسى.
ماريهان:قديمة اوى.
سيلين:مالكيش دعوة.
ماريهان: مش هرد عليكي.
سيلين:أحسن بردو.
__________
كان يجلس مع اخوه فى الصالون وكان الهدوء هو سيد المكان.
كمال: فريد هيا امك بتروح فين اليومين دول.
فريد:إذا كان انت متعرفش عايزنى أنا اللى أعرف.
كمال:انا شاكك فى هدوئها ده.
فريد:شاكك ليه يعنى.
كمال:اصلى رجعت الفيلا والشركة وكل حاجة لعيال خالك سيلين وسليم وهيا معترضتش ولا زعقت ولا اى حاجه اتعاملت مع الموضوع بهدوء تام.
فريد:مش عارف والله.
كمال: حاسس ان فى حاجة غريبة هتحصل.
فريد:طيب هسيبك انا بقا مع أفكارك وأمشى علشان خارج مع أصحابى.
كمال:روح ياخويا اخرج انت كده كل شوية مع صحابك ومافيش منك منفعة.
فريد: ما بلاش اسطوانة كل يوم دى.
كمال:غور يلا شوف انت رايح فين .
فريد مشى وكمال مسك تليفونه وفضل يقلب فيه شوية وشاف صورة ل لورين وشاف كمية الكومنتات اللى كانت على الصورة دى وادايق جدا من كمية الغزل اللى الشباب كانو بيتغزلو بيه فى لورين.
كمال:يوووه وانا مالى ادايقت كده ليه ،لاء انا هدخل أقولها تمسح الصور بتاعتها اللى على الفيس كله،طيب وانا مالى متنزل صور ولا متنزلش أنا مالى،......لاء يا كمال انت فيك حاجة مش طبيعية وليه اول ما شوفت صورتها قلبك دق كده فجأة.
____________
عند أسد كان مستنى سليم لحد ما سمع صوت احتكاك إطارات السيارات بالأرض.
محمد:وصل؟.
تيم:ايوة وصل.
سليم دخل الفيلا وأول ما دخل وشافهم كلهم استغرب، واستغرب أكتر لما لاقاهم متجمعين كلهم وفى نفس الوقت اللى أسد عايزه فيه،وهوا أصلا ميعرفش ايه الموضوع اللى اسد عايزه فيه وليه قاله يجيله رغم المشاكل والعداوة اللى بينهم.
سليم:خير يا أسد.
أسد:طبعا انت مستغرب ليه انا جبتك هنا وفى الوقت ده وليه كلنا متجمعين كده.
سليم:طلعت ذكى وبتفهم .
محمد: إحنا عايزينك فى موضوع مهم اوى يا سليم.
سليم: خير ولا مش خير،اصل بصراحة انا عارفك مبيجيش من وراك غير الشر والمصايب.
أسد:انا عايزك النهاردة علشان ننهى الماضى سوا ونرجع صحاب فى الحاضر والمستقبل زى زمان.
سليم: باللى عملتوه زمان استحالة نرجع صحاب تانى عن إذنكم.
ولف في اتجاه الباب لاقا عمر بيقول: بس اللى هنقوله ده مهم اوى ولازم تسمعه.
سليم بسخرية:اسمع ايه.
أسد :تيم هاتها بس بسرعة.
سليم: يجيب مين.
أسد:متشغلش بالك هتعرف كل حاجة دلوقتى.
تيم مشى وراح يجيب الحاجة اللى أسد قله عليها.
__________
عند عشق
البنات كلهم وصلوا وكانو قاعدين بيرقصو وفجأة ماريا سمعت صوت المطر وراحت وقفت في البلكونه .
ماريا: الحقو يا عيال الجو بيمطر.
ميرنا:بجد .
وطلعت تجرى وكلهم طلعوا وقفو في البلكونه.
ماريا:وشكو تحس أول ما جيتو المطرة بطلت.
عشق:ايه ده .
ماريهان:حظنا فقر.
تسنيم: انا عايزة ألعب تحت المطر.
عشق:يا مطرة مطرى وأجبلك عيش طرى وأقولك يلا قومى علشان تفطرى.
ملاك: شوفو الهبلة اللى بتغنى للمطر دى .
عشق:شكرا يا مهزءة.
ملاك:العفو.
تسنيم: لاء بجد انا لو ملعبتش تحت المطر هتشل.
عشق:يلا نطلع عالسطح وأول ما المطر ينزل نلعب.
سيلين:فكره يلا.
ماريهان: خلصا يلا نطلع.
طلعت ملاك وعشق وتسنيم وميرنا وسيلين وماريهان وماريا من البيت.
وسماح قبلتهم قدام الباب.
سماح: ألف مبروك يا بنات.
عشق:الله يبارك فيكى يا سماح.
ماريهان: الله يبارك فيكى يا سوسو.
سماح: لو احتاجتو اى حاجه قوليلى انتو زى اخواتى الصغيرين.
عشق: ربنا يخليكى يا حبيبتى.
سماح: عن إذنكم بقا.
ودخلت وقفلت الباب وراها.
عشق:سماح طلعت طيبة على فكره.
ماريا:معاكى حق.
تسنيم:يلا يا قمر نطلع نلعب تحت المطر.
ماريا:ايوة يلا.
وطلعو قعدوا على السطح ومافيش مطرة خالص نزلت.
ماريا:ملاك تليفونك بيرن.
ملاك: ايه ده هوا صامت.
ملاك مسكت تليفونها وكان المتصل سامر .
ملاك: ايوة يا سامر.
سامر:ايوة يا ملاك انا جايلك.
ملاك:تمام يا سامر.
وقفلت السكة.
ماريا:مالك يا بت زعلتى كده ليه.
ملاك:لاء مزعلتش ولا حاجة.
ماريهان:اومال ايه وشك قلب كده ليه .
ملاك:سامر جاى يتقدملى .
عشق:سامر اللى فى الجامعة.
ملاك: ايوة انا لازم امشى .
سيلين:وجاى ليه مش انتى رفضتيه.
ملاك:ما أنا اللى قلتله ييجى علشان يتقدملى .
عشق:انتى بتستهبلى يا ملاك.
ماريا: ملاك انتى مش عارفة انتى بتعملى ايه كده انتى بتدمرى نفسك وهتأذى سامر معاكى.
تسنيم: مش فى وقت غضب وزعل تبوظى الدنيا يا ملاك .
ملاك: هوا الموضوع خلص على كده وهوا هيتقدملى وانا موافقة لازم امشى سلام بقا.
ومشيت.
تسنيم:مافيش مطر ولا حاجة يا أختى خلينا ننزل.
ماريا: ما نبنا بس غير إننا طلعنا عالفاضى.
سيلين: هيا لورين قالتلك ايه لما كلمتيها يا عشق.
عشق:قالت إنها مش هتعرف تيجى.
ماريا :طيب يلا خلونا ننزل تحت علشان الجو ابتدأ يسقع وهناخد برد.
ماريهان:يلا.
_________
أسد كان مستنى تيم ييجى وسليم كان عايز يعرف ايه الموضوع المهم اللى خلاهم متجمعين كلهم وايه الحاجة االلى تيم راح علشان يجيبها .
وبعد فترة تيم دخل من باب الفيلا وكان فى حد معاه بس الشخص ده وشه مكانشى باين بسبب القماشة السودا.
تيم قرب منهم وشال القماشة السودا وسليم اول ما شاف الشخص ده اتصدم.
سليم بصدمة:ازاى ده ايه اللى بيحصل انتى متى.
أسد: اهدى وأنا هفهمك كل حاجة.
سليم بزعيق :هتفهمنى ايه وازاى دي عايشة دى ماتت ايوة انتم قتلتوها.
محمد: اهدى يا سليم و هنفهمك.
سليم:هتفهمونى ايه.
أسد: ما إنت لو سكت هتفهم كل حاجة.
سليم :اتفضل قول.
أسد :مبدئيا كده دى تبقى سلمى سعيد العامرى.
سليم بصدمة :ايه.
أسد:....