ملاك نورت حياتي
البارت الرابع عشر
ساره : مررراد انا جيت ايه ده في ايه مالكوا ايه ده اسر انتا بتعيط
اسر : لا مافيش
ساره : لا بتعيط وايه ده وانتا كمان ياامير بتعيط هو فيه ايه حد يقولي
اسر باصطناع التماسك : مافيش اي حاجه احنا بس كنا زعلانين علشان
مراد مقاطعا له بسرعه : في مريض كان عجوز وطيب اوووي بس عنده ورم في المخ وحالته متاخره جدا واهله منهارين جدا
ساره : ياعيني تلاقيهم مش قادرين دلوقتي
مراد : اه يعيني مش قادرين يستحملو ومنهارين ولا هو كمان مصدق
ساره : ياعيني اكيد صدمه ليهم كلهم احساس وحش اووي يارب ماتوعدني بيه
امير بدموع : مش عارف هيعيشوا من غيره ازاي ده كان حياتهم اخوهم وابوهم وصاحبهم وكل حاجه
اسر بدموع : ولا مراته ياعيني هيجرالها حاجه لو عرفت دي متقدرش تعيش من غيره ده حبيب عمرها ولا اخته اخته مينفعش تعرف لو عرفت تموت فيها ده الوحيد اللي كان واقف معاها ولا صحابه ياررررب عنهم
ساره باستغراب : انتو تعرفوهم اووي كده
مراد : هاا لا متاخديش في بالك قوليلي كنتي جايه ليه
ساره وقد رجعت لها الفرحه تاني : جيت اديك ده
مراد بقلق : ايه ده
ساره : افتح وشوف
مراد فتح عرف انها حامل نسي كل وجعه ومرضه وهمه من ايه اللي هيحصلها لو مات ولا نور نسي كل حاجه وحشه في حياته ومبقاش في دماغه غير انه هيبقا اب
مراد بفرحه : دي دي بتاعتك انتي
ساره هزت راسها بفرحه
مراد مصدقش شالها وقعد يلف بيها ويقولها : بحببببك
عكس امير واسر لما شافوا التحاليل شالو الهم اكتر واكتر واسر مقدرش يمسك نفسه وعييط
ساره بقلق : اسر في ايه
مراد : اكيد اتاثر لما عرف انك هتبقي ام
اسر وهو بيحاول يداري زعله : طفلتي هنبقا ام دلوقتي يعني خلاص مش هتبقي اختي الدلوعه وطفلتي
ساره وهيا تحضنه : لاطبعا انا هفضل كده علي طول
اسر بحزن : ياررب تفضلي فرحانه كده علي طول
ساره : طالما انتو معايا هفضل مبسوطه علي طول
وفجاه بدا مراد يدوخ ويفرك في راسه
ساره : مالك يا حبيبي انتا كويس
اسر : ااه ده تلاقيه ارهاق روحي انتي دلوقتي واحنا هنخلص شغل ونيجي
ساره بصدمه : شغل امشي وتكمل شغل وكانت بتبص لمراد بصه كانها بتقوله ازاي تسيبني امشي لوحدي وتكمل شغل مع اني لسه قايلالك اني حامل هل ده دليل انك مش فرحان اووي
مراد بتعب : لا يا حببتي خليكي هنا بس خمس دقايق هروح اشوف مريض وهاجي بسرعه
ساره بفرحه : ماشي
وخرجوا هما التلاته واول ما خرجوا جري مراد علي مكتب امير ودخل الحمام وكانت المفجاه انه بيكح بيطلع دم
اسر : ايييه ده
امير برعشه : انتا كويس
مراد بتعب وصداع : اه بس عندي صداع جامد جدا هيموتني
اسر : امير افتح الدلفه هات ********
امير جاب الدواء ومراد اخده وبقا احسن
مراد : يلا انا همشي بقا ساره زمانها كتير مستنياني
امير : لا مش هتخرج انتا تعبان
اسر : ايوا ماينفعش تتعب نفسك اكتر من كده
مراد : مقدرش لازم اروحلها
اسر : انا هروح اقولها انك عندك مرضي كتير ومينفعش تسيبهم
مراد : ماينفعش يا اسر انتا مشوفتش نظرتها لما قولتلها امشي كانت عامله ازاي هيا حست اني مش فرحان بابننا انا ممكن استحمل عادي بس مشوفش في عينيها نظره الزعل دي ابدا سلام بقا
وراح مراد لساره واخدها خرجها وكل ده وهو مصدع ومش قادر بس بيحاول يظهر انه كويس
مراد : فرحانه ياحببتي
ساره : ومكنش فرحانه وانا كل حاجه كنت بتمناها معايا دلوقتي
مراد : ساره توعديني اني لو حصلي حاجه تكملي حياتك ومتوقفيهاش عندي مش عايزك تضعفي
ساره بقلق : هو فيه ايه يا مراد
مراد بحنان : مافيش اي حاجه بس عايزك توعديني علشان ابقا مطمن
ساره : لا مش هوعدك لانك هتفضل معايا وهفضل احبك كل يوم عن اللي قبليه و هنربي ابننا سوا
مراد في سره : عنيده وعمرك ماهتوعديني بس بحبك
وروحوا البيت وعدت الايام وشهور وكل يوم حاله مراد بتسوء اكتر و بدا العلاج الكيماوي وده خلاه معظم الوقت نايم وساره هرمونات الحمل ماثره معاها وشايفه انه بطل يحبها وبقت بتشوفه كتير بياخد ادويه وبتسال نفسها دي ايه وكل يوم نور بتحب اسر اكتر ايوا هيا اعترفت لنفسها انها بتحبه ومتقدرش تعيش من غيره بس شايفه انه بقا بيقضي طول اليوم في الشغل وبيرجع تعبان جدا وطول الوقت شكله زعلان بس عمرها ما طلبت منه انهم يقعدوا يتكلموا او يخرجوا ورفض برغم تعبه اما امير بقا فا بقت حالته صعبه ومنه هيا الوحيده اللي بتخفف عنه الزعل والخوف ده لحد ما في يوم كانت فيه بدات حاله مراد تتحسن كل يوم عن التاني وهو كان طاير من الفرحه فراح قالها انا بحبك وهيا كمان اعترفتله وبدأوا احلي قصه حب بيساندوا بعض يشيلوا هموم بعض وبيحسو ببعض حتي من غير ما يتكلموا هو ده الحب الحقيقي مش الحب اللي تقعدي تقوليله مشاكلك وهو مطنش اساسا وفي الاخر يقولك معلش تصدق من غيرك مكنتش عارفه هعمل ايه انتا متعرفش معلش دي خففت عني الهم قد ايه مش ده الحب الحب اللي لما تحكيله همومك يحاول بكل الطرق يخفف عنك همك ويدور معاك علي حل مش اللي يقعد يتفرج عليك وانتا بتتعذب المهم (معلش اسف علي الرغي الكتير ده عارف اني فصلتكو اسف ) لحد ما في يوم ساره دخلت البيت وفضلت تنادي عليهم كلهم اتجمعوا بيحسبوها بتولد فهي في الشهر 8
ايمان : في ايه يابنتي
مراد : انتي كويسه
مصطفي : في ايه يابنتي قلقتينا عليكي
ساره : تقولهم انتا ولا اقولهم انا
مراد : علي ايه مش فاهم
ساره : علي ده
ورمت مجموعه ادويه قدامهم علي الارض نزل مراد ووطي يشوفهم لاقاهم ادويته
ساره : ها اقول انا
مراد بحنان : ساره انا خفت عليكي مكنتش اقدر اقولك
ساره : لا والله ما انتا هتقولهالي ازاي وباي وش
مراد: ساره انتي بتتكلمي علي ايه
ساره بعياط : بتكلم عن اللي انتا خبيته علينا طول الشهور اللي فاتت ومفكرتش حتي في ابننا وانا اللي فكرت انك بطلت تحبني جبت العيب علي نفسي بس صحيح هتقولي هتقولي انك........ ..