رواية فاتنة زادتني عشقا
الفصل الرابع عشر 14
بقلم صابرين علاء
وخرجنا من الاوضه وروحنا على مكتب فهد
ووقفنا احنا الاتنين زي اللخمه
قولت،،،،، فهد انة عايزه اقولك على حاجه مهمه،،،،،، وارجوك اسمعني
فهد اتعدل ف قعدته ومراد بدأ
يبصلي والاتنين قدامنا مستعدين
استعداد تام انهم يسمعونا
قولتله،،،،،، فهد الكلام اللي هاقوله دا ممكن يكون بالنسبالك صدمه،،،،، بس
لازم تعرف كل حاجه لان دي الحقيقة،،،، مش كل اللي بيضحك ف وشك بيكون صديقك ومش كل اللي
يبكيك بيكون عدوك،،،،، اوقات كتير بتكون معكوسه لان زي مابيقول المثل يابختي من بكان وبكى عليا ولا ضحكتي وضحك الناس عليا
مراد قالي جرا ايه يافاتن انتي مالك قلبتيها قعدت مصطبه وبقيتي تقولي امثال كدا،،،، متدخلي ف الموضوع عالطول،،،،،،،
فهد قال،،، استنى انت يامراد كملي يافاتن عايزه تقولي ايه،،،،،
كنت لسه هتكلم التلفون رن وطلع حسام اخويا بيتصل،،،،،،
خوفت عليه ورديت بسرعه قولت الو
رد عليا واحد غريب،،،،،
قالي،،،،، حضرتك تقربي للرقم دا،،،،،،
اتخضيت وقولتله ايوا في ايه حسام ماله،،،،،
قالي انا اسف بس في بلطجه اتلمو عليه وضربوه وهو دلوقتي ف المستشفى،،،،، واداني العنوان،،،،،
قولت اخويا،،،، حسام،،،،،
شذى هي كمان اتخضت وقالت،،،،
ماله حسام يافاتن ايه اللي حصل
قولتلها على اللي حصل وكلنا روحنا المستشفى وكانت الصدمه
دخلنا عند حسام لاقينا نهال هناك وقاعده جمبه،،،،،،
وقالت،،،،، انا شوفته بالصدفه وانا معديه ولاقيت بلطجيه ملمومين عليه
روحت نزلت بسرعه انا والسواق ولحقناه،،،،،، بس متقلقوش هو كويس
الدكتور قال،،،،، كسر رجل بس مش اكتر،،،،،،
وقالت بشر،،،، الحمد لله انها جت على قد كدا يافاتن محدش عارف مين دول اللي عملو فيه كدا ولا
ناويين يعملو ايه تاني،،،،،،
قالتها بتهديد واضح ليا انا وشذى
وبعدين كملت،،،،، بس متقلوش احنا لحقناه ف الوقت المناسب،،،،
الا بالحق مين دول يافاتن انتو ليكو اعداء،،،،،،
مهتمتش لكلامها وبصيت ل حسام
قولتله،،،، حبيبي طمني عليك انت كويس فيك حاجت حاسس بأي وجع
حسام قال متقلقيش يا فوفا انا كويس شويه كدمات بس
مراد قال،،،، هم مين دول يا حسام انت تعرفهم،،،،،
فهد قال قولنا بس على اوصافهم
وانا هانسفهم من على وش الارض
قولت ل فهد،،،،، احنا مالناش اعداء
يا فهد واخويا طول عمره ف حاله
لا بيحب يإذى حد ولا يجي على حد
شذى قالت،،،،، ايوا اخويا حسام مافيش اطيب منه،،،،، بس اللي عمل فيه كدا منه لله حسبي الله ونعم الوكيل
قالتها وهي بتبص على نهال،،،،،
نهال قامت وقفت وقالت. ،،،،،
طيب انا عملت اللي عليا هاروح بقى اخلص شويه حاجات واروح عالبيت
عالطول،،،،،
وبصتلي وقالت،،،،،، خدي بالك من حسام اخوكي يا فاتن دا غلبان وانتو مالكوش غيره ولا اب ولا ام
يالا،،،،،ربنا يجازي اللي كان السبب عن اذنكم باحبايبي،،،،،،
خرجت من عندهم وهي مبتسمه
والشر خارج من عنيها،،،،،
______________________
نهال بعدها راحت علشان تقابل زين
قالتله،،،،،،، كله تمام قرصه ودن
عمرهم ماهيقدرو ينسوها،،،،، علشان
يفكرو الف مره قبل ما يدخلو بيت
العقارب،،،،،
وعلى رأي المثل اللي يدخل جحر
التعابين يتحمل قرصها ،،،،،،
زين قالها،،، بس انتي عرفتي منين انهم شافو الصوره،،،،
نهال قالت.،،، مشكلتي اني عاطفيه زياده عن اللزوم،،،،،، مكنتش قادره اخلص من صوري وصوركم وانتو صغيرين،،،،،، العاطفه اللي عندي اقوى
المهم لما خرجت ومشيت بعربيتي
كنت نسيت الخاتم السوليتير بتاعي
لاني كنت عاوزه اوريه لواحده من صحباتي ومن حسن حظي اني ارجع والاقيهم الاتنين قاعدين ف اوضتي
وعمالين يفتشو،،،،، سبتهم براحتهم
لاني لو كنت طبيت عليهم ساعتها
كان ممكن يفضحوني قدام فهد ومراد
فكرت وقولت ف نفسي اسيبهم براحتهم وابقى انا كمان براحتي
وحبيت اهددهم واخوفهم ب حسام
علشان دا نقطه ضعفهم،،،،،
وهم بكدا هيخافو مني ومش هيقدرو يقولو حاجه عني،،،،،،
زين قال،،،،، لا لا لا دا انتي طلعتي حدوته يا امي ايه الدماغ دي
وانا بقول انا جايب الصياعه واللف
والدوران دا منين،،،،، دا انتي بجد.
طلعتي دماغ
جه ف اللحظه دي داووود طب وابوك يالا مش دماغ ولا ايه
زين ضحك وقال طبعا دماغ واحلى دماغ كمان،،،،،
نهال قالت طبعا احلى دماغ وهو مين اللي وضع الخطه من البدايه،،،،،
مش انت،،،،،، بصراحه كانت خطه متخرش الميه،،،،،،،،
فكره دخولي البيت بالطريقه دي
ف حد زاتها واوو
زين قال ااااه طب انا كنت صغير ومعرفش ايه اللي حصل،،،،
وراح وباس ايد امه وقالها
ممكن اميرتي الجميله تحكيلي ايه
اللي حصل،،،،،،
نهال ابتسمت وقالت،،،،،
من حوالي 20 سنه كنتو لسه صغيرين،،،،، وفارس الجبالي كان راجل
غني جدا ورجل اعمال محصلش
وديما كان بيضارب ابوك ف السوق
انا ف البدايه مكنتش اعرفه بس
لما عرفته افتكرته كويس لانه كان زميلي ف الكليه،،، المهم هو بقى مكنش يعرف اني مرات داوود الحريري،،،،، ف قررت ادخل بيته
ومن تحت ل تحت ابعد وافرق بينه وبين مراته،،،،
بس فارس كان بيحبها اوي وحبهم
مكنش من السهل انه يبوظ
بس بعد محاولات كتيره قدرت افرق بينهم وف يوم ماكانو هايطلقو
فعلا رجعو لبعض من تاني ودي ف حد ذاتها كانت كارثه بالنسبالي،،،،
مستحملتش كل دا وروحت قتلتها
ودفنتها ف الجنينه،،،، وبعدها اطلقت من ابوك واتجوزته بس بقى لو لا
الغبي اللي ظهر ف حياتي وكان شايف طريقه قتلي ل زهره مرات فارس وبقى عمال يساومني وياخد مني فلوس مالهاش اول من اخر
روحت قتلته هو كمان،،،،،
زين قال،،،، ولو مكنتش موده اخت فهد شافتك كان الموضوع خلص بس انا عارفك يا امي وعارف روحك الطاهره الجميله،،،، اللي خلتك تخلصي من موده هي كمان،،،،،،
بس في هنا شؤال بقا انتو بتعملو كل دا ليه،،،،،
داوود ضحك وقال،،،،، هتفضل طول عمرك غبي يازين،،،، بس احترما ل ذكاء السؤال احنا هانجاوبك
فارس عنده ثروه كبيره جدا غير فلوسه اللي ف مصر ـ،،،،
نهال قالت،،،،،، محدش كان يعرف حاجه عن الثروه دي حتى فارس نفسه ميعرفش دا كان ورث من ابوه الجبالي
لانه كان شغال مع مافيا و انا اللي استلمت الجواب وقريته
وبعدها قررت اني اروح بنفسي اشوف الموضوع اصله ايه وعرفت ان لازم
يكون معايا توكيل من المالك علشان اقدر اخد الفلوس،،،، فارس مات بعد حادثه موده بنته واللي استلم كل حاجه هو فهد لانه الابن الاكبر وفارس كان موصي بكدا،،،،،
وانا دلوقتي بسعي بكل جهدي علشان اخلي فهد يعملي توكيل واروح اخد الثروه دي،،،،،،،
زين قال يااااه يا امي،،،،، بقالك سنين طويله اوي بتجري ورا الفلوس
حلم بالنسبالك ضيعتي علشانه اجمل سنين شبابك وعمرك،،،،، سبتي اولادك وبقيتي ام لعيال تانيه،،،،،، شبعو من حبك وعطفك عليهم،،،،، ونستينا احنا
نسيتي ان كان ليكي اولاد ليهم
حق عليكي،،،،، ليهم حب وحنان محتاجينه
نهال قالت متقلقش يازين،،،، بكرا
لما اوصل لهدفي كل دا هيبقى ليك ومن حقك انت واختك وهانعيش كلنا سوا ونبعد عن الكل،،،،،،،،
زين قال لما بقى،،،،، انتي طريقك لسه طويل اوي،،،،،
نهال قالت،،، كله هايجي،،،،، وحياتك كله جاي بس انت اصبر،،،،،،
بليل عند فهد الكل جه واتعشو
نهال بإستفزاز،،،، اومال فين حسام
يا حببتي،،،،،، مش شايفاه يعني
هو نايم ف اوضته ولا ايه،،،،،
قولتلها،،،، يهمك اوي تعرفي هو فين
؟؟؟!؛
شذى قالت،،،،، علشان تإذيه تاني ياحيه،،،،،
مراد قال،،،، شذى انتي بتقولي ايه
انتي اتجننتي ازاي تكلمي امي كدا
شذى قالت دي مش امك يا مراد
دي مرات ابوك،،،،،، ومرات الاب عمرعا ماتبقى ام،،،،،،
فهد قال،،،، دي مش مجرد ام دي ربيتنا وعمرها ماحسستنا انها مرات
ابونا،،،،، انا مش فاهم انتو بتتكلمو كدا على اساس ايه،،،،،،
قومت من مكاني وقولت . ،،،،، بص يافهد،،،،،، سواء كنت بتحبني او لا،،،،، سواء هتصدقني او لا انا لازم اقولك عالحقيقه،،،،،
فهد،،،،، نهال هي السبب ف قتل اختك ودمارها،،،،،،
شذى قالت،،،، ايوا يافهد وعرفنا كمان
انها تبقى مرات داوود الحريري وام
زين،،،،، وعندها خطه اقوى من كدا علشان تخلص منك وتاخد كل حاجه
قولتله،،،،، هو دا الكلام اللي كنا عاوزين نقولهولك النهارده الصبح
بس هي سبقتنا واذت حسام،،،،،
هددتنا بيه واحنا مقدرناش نتكلم
بس قدرنا نبعده علشان ميكونش في اي خطر عليه منها،،،،،،
فهد قال،،،،، خلاص،،، خلصتو كلامكم
مراد قال،،،،،، انتو ليه بقا عملتو المسرحيه دي،،،، انتو فاكرينا هنصدقكم مثلا،،،،،
نهال بدأت تبكي وحطت اديها على قلبها ومثلت انها بتقع
فهد ومراد ل حقوها واتلمو حواليها
وبدأت تقول،،،،، فهد،،،،،مراد،،،،ولادي حبايبي اللي ضيعت سنين عمري وشبابي عليهم انا اسفه ياحبايبي اذا كنت هعمل مشاكل مع مراتتكم
فهد قال. ،،،، انتي بتعتذري على ايه
يا امي انا مش فاهم،،،،،مين قالك
اننا صدقناهم اصلا،،،،،،،
مراد قال،،،،،،، انا مش عارف هم جايبين الكلام دا منين،،،، شذى طول عمرها بتحب الصدق،،،،، بكل وقاحه جايه تكدب دلوقتي،،،،،،،
شذى قالت لا انا مش كدابه يامراد ومعايا الدليل ومستعده اوريهولك
قولتلها،،، ايوا ياشذى هاتي الكارت اللي لاقتيه ف اوضه موده وشغلي
حالا ووريهوله،،،،،،
شذى بالفعل جابت الكارت وشغلته
بس مع الاسف طلع فاضي ومافهوش اي فيديو
قولت،،،،، اي دا،،،، الفيديو راح فين
شذى قالت،،،،، كان في فيديو هنا
وكانت نهال بتتكلم فيه،،،،، اي دا
راح فين
فهد قال،،،، بس،،،،، لحد هنا وبس
مش هسمحلكم تقولو ف حق امي
كلمه واحده تانيه،،،،،، انتو ليه جايين
مبلكمش اسبوع وجايين ترمونا بإتهامات باطله،،،،،،، بتحاواو تعملو ايه
انتو ياعيله الحريري
شذى بصت ل مراد وقالتله،،،،
مراد،،،،، انت بتحبني صح،،،، وبتثق فيا ودا شئ اكيد مش كدا ياحبيبي
مراد صدقني انا بقولك على الصراحه
الست دي عدو ليكم مش حبيبب
صدقني،،،،،،،
نهال ف نفسها،،،،، ايوا كدا ياشذى
ابذلي مجهود اكتر واكتر،،،، ومش هتقدرى تعملي حاجه،،،،، ودول ولادي
انا اللي ربيتهم
بقت نهال بتبصلي وعنيها بتلمع
كانت حاسه بالفرحه والانتصار،،،،
فهد اتعصب وقال،،،،، امشو من قدامي انتو الاتنين حالا،،،،،، مش عايز اشوف حد منكم،،،،،،
شذى قالت،،،، لا مش هنمشي ومش هنسبكم على عماكم كدا،،،،،،
فهد زعق وقال مرااااااااد مشي مراتك
مراد خد شذى ومشي من المكان
البيدج الاصليه الكاتبه صابرين علاء.
بصيت ل فهد وقولتله،،،،،، فعلا هي
حيه وعماله تسمك اكتر واكتر وانت مش حاسس بمفعول السم دا،،،،،،
وخليك كدا على عماك لحد ماتفوق
على كارثه حصلتلك
فهد قالي،،،،،، انتي مالك بينا انتي
شاغلك نفسك بحياتنا ليه،،،،،،
اذا كان في عدو هنا فبيكون انتي
انا شوفتك بعيني وانتي ف حضنه
ومبتسمه وفرحانه،،،،،،،
قولتله.،،،،، اكيد دا ملعوب منها
هي اللي بتلعب من تحت الترابيزه
هي دي سبب المشاكل اللي ف حياتكم كلها يافهد
فهد شال نهال وطلعها على اوضتها
وباس دماغها ومشي
مصمم انه يعاملها زي امه من بعد كل اللي سمعه منا،،،،،،
فضلنا انا وشذى قاعدين ف البيت من بعد اللي حصل واحنا ف نظرات
تهديد وتوعد كبير من نهال
طول الوقت خايفين منها احسن تإذينا او تسمنا،،،،،، ودا مش بعيد عليها لانها مجرمه،،،،،،،،،
وف يوم كنت ماشيه جنب حمام السباحه اللي ف الجنينه
ولاقيت حمامه مربوطه وعاوزه تطير ومش قادره،،،،،،
قربت منها ومسكتها وقولتلها مالك ياجميله ايه
اللي رابطك كدا،،،،،، بقولك ايه تعالي معايا
نقعد على الترابيزه على رواق ونفك الرباط دا براحتنا
ولفيت علشان اروح اقعد على الترابيزه اللي ف الجنينه
بس اتشنكلت وكنت هقع ف البسين
ف لحظه الحمامه وقعت مني
وقبل ما اقع فهد مسكني وشدني ل حضنه كانت لحظه جميله جدا
كنت باصه ف عيونه والشمس كانت
مابينا،،،،،،
وفجأه بصيت بالصدمه على الحمامه لاقتها متكهربه،،،،،،،،
كانت الصدمه كبيره اوي،،،،،،،
قولت،،،،، اي دا،،،،، الحمامه اتكهربت وماتت،،،،،
يعني لو كنت انا اللي وقعت كان زماني ميته بادلها،،،،،،،،
فهد قالي،،،، انتي ايه اللي جابك هنا
كان في تصليح ف البسين والراجل نبه على الكل محدش يقرب منه
قولتله لا يافهد البسين دا متكهرب قصد،،،،،،
صدقني انا اللي كنت مقصوده باللي حصل دا،،،،،،
فهد قالي بلاش بقا خرافات وكلام
فاضي مالهوش اساس من الصحه
بلاش تحسسيني اني في اعداء لينا
هنا ف البيت لان الكلام دا مش صح
قولتله لا يافهد مش هي دي الحقيقه
فهد قالي الحقيقه قدامي اهي واضحه زي
الشمس انتي واحده مستهتره ومهمله ف حق نفسك
فوقي يافاتن وانتبهي لكل خطوه بتخطيها،،،،،
فاتن انا مسافر النهارده،،،،، علشان خاطري خدي بالك من نفسك
انا مش عايز اكون مشغول عليكي
قولتله،،، مسافر فين يافهد وسايبني
البيدج الاصليه الكاتبه صابرين علاء
فهد قالي سفريه مهمه جدا من بعدها
هرجع فاهم كل حاجه،،،،،،،
والامور كلها هتوضح قدامي
فاتن،،،،،، خدي بالك من نفسك
معرفش فهد كان بيوصيني على نفسي ليه،،،،،، انا خوفت عليه جدا
محستش بنفسي غير وانا بحضنه
حضنته بكل مشاعري بكل احاسيسي بكل معاني الحب والجمال
مكنتش عايزه ابعد عنه بس هو
سابني ومشي،،،،،،،،
في نفس اليوم بليل كنت قاعده مع
شذى ف المطبخ وسرحانه ف اللي حصل
شذى قالتلي،،،،، اييييه روحتي فين يابنتي،،،،، انتي من دلوقتي
كدا هتقعدي سرحانه،،،،، مش مستحمله غياب فهد عنك ولا ايه
قولتلها،،،،، ومين سمعك ياشذى
فهد بيوحشني كل دقيقه وكل ثانيه
بتمنى من كل قلبي ان نهال تتكشف
قدامه،،،،،، وكل حاجه تخلص وتنتهي
نهال دي مش سهله ابدا.،،،،، انا بقيت
اخاف منها،،،،،، انا مش عارفه ازاي قدرت تخدعهم كل السنين دي
ولا قدرت تخدعهم تاني بدمعتين نزلتهم،،،
شذى قالت عندك حق يافاتن انا
بقيت اخاف على مراد اوي منها
بقيت خايفه تحطله حاجه ف الاكل
ولا الهدوووم
المهم انا مش عاوزاكي تقلقي ان شاء
الله هندعبس انا وانتي وراها تاني
بصي انا هاصبلك كوبايه لبن يمكن
تهديكي شويه وانا كمان هاصب واحده ليا
شذى صبت فعلا كوبايتين لبن ولسه كانت هاتشرب راح مراد اتصل بيها
قالتلي شوفتي اهو حبيبي مراد اتصل اهو،،،،، هو النهارده سهران ف الشركه
عنده شغل مهم ودا طبعا لان فهد
مسافر،،،، عالعموم انا هاروح اكلمه ف اوضتي
قولتلها استني خدي اللبن اللي اتصب دا ولا هانرميه،،،، زمان كنتي
بخوفك احسن تبوري ومتلاقيش حد يتجوزك لكن دلوقتي بقا هاهددك بإيه،،،
قالتلي ههههههههه قوليلي مش هاتخلفي ههههه
قولت ف نفسي ههههه مجنونه
وفجأه القط سوني بتاع نهال جه
وفضل ينونو ويبص على اللبن
قولتله،،،،، اي دا يا سوني،،،، انت جعان ولا ايه
جبت طبق وصبيت فيه لبن للقط
وسوني كان شكله جعان جدا وشرب
اللبن كله
قولتله بالهنا والشفا ياسوني
وروحت التلاجه وصبيت ل نفسي كوبايه لبن تانيه ولما لفيت
لاقيت سوني مطلع ريم ابيض من بؤقه وميت قدامي
ف لحظه الكوبايه وقعت من ايدي
وقولت،،،،،، شذى،،،،، اختي
🌹 🌹🌹🌹🌹🌹🌹🌹🌹🌹🌹🌹