رواية فارس احلامي الفصل الثالث والرابع بقلم رانيا محمود

رانيا محمود 

الفصل الثالث والرابع 

بعد كلام فارس عن أحوال الأرض وأنهم كمان هيضطروا يشتغلوا في

 الأرض والبيت بنفسهم والاستغناء عن بعض العمال. كانت ساندي بتفكر في كل شي. الماضي اللي

 جزء منه كان جميل بوجود والدها والجزء المحزن هي افتقدها والدتها. والحاضر الغريب والغامض واللي

 بقي لا يحتمل لان سندها الوحيد راح الي الأبد. ايوه كانت مش بتسمع كلام باباها كتير ودايما صراع الاجيال كان بينهم دايما لكن كانت عارفه انه سند 

حقيقي موجود في حياتها

كمان المستقبل المرعب بمجرد التفكير فيه

قاطع شرودها فارس كان واقف جنبها وهي كانت في عالمها مش حاسه بوجوده

فارس :_انا جبتلك كاكاو سخن انا عارف انك بتحبيه

ساندي :_فارس انت هنا من امتي

فارس '_من شويه

ساندي بتمد ايديها وبتاخد منه الكاكاو:_يعني شويه قد ايه

فارس :_شويه اكدتلي فيها انك سرحانة من بدري وتقريبا انا عارف انتي سرحانة في ايه

ساندي :_هههههههه طيب بفكر في ايه يا ناصح

فارس اخد من ايديها مج الكاكاو وحاطه علي الترابيزه جنبه ومسك

 ايديها وحطها علي وشه وبصلها في عنيها وكأنه تاه عن الدنيا :_بتفكري في اللي فات من حياتك والحاضر اللي انتي عايشة وبكره اللي مش عارفه هيكون شكله ايه

ساندي وهي مستغربه جدا فارس اول مره يكون قريب منها كده واول مره بتحس بالدفا من القرب منه وقدرت تقرأ عنيه وفهمت ان فارس بيحبها والحب والعشق كانوا بينين اوي في عنيه. بس ساندي كانت مستغربه هدؤ فارس وكلامه فقالتله

ساندي ...انت بتحبني يا فارس

فارس نزل ايده من علي وشها واخد نفس جامد اوي وقال 

فارس :_...من واحنا صغيرين من ساعت ما اتولدتي وانتى بيبي في اللفه كنت بشوف لمعه في عينك ليا وكنتي تضحكي ليا .انا كنت أول حد تعيطي في حضنه يوم وفاه والدتك .حتى لما كبرتي وبقيتي تبعدي عني وعن أهل والدك كلهم حبك ما نقص جوايا كان كل يوم بيزيد عارفه ساعت لما ضربتك بالقلم كان حب ماكنتش عاوزك تكوني ضعيفه كنت عامل زى الدكتور اللي بيدي علاج بالصدمه علشان المريض يفوق 

كان بيكلمها وهو مديها ظهره علشان متشوف دموعه وكانت هي مصدومه وبتفكر في كل الكلام ده بس مش عارفه ترد ...وفاجاه بعد صمت مش طويل تماسك وبصلها بسرعه ومسكها من كتفها وهي مخضوضه 

فارس..:_...الدور عليكي تجوبي انتي بقى على سؤالي بتحبيني تقبلي تكوني مراتي أم عيالي 

اتخضت بجد ما عرفتش ترد سابته وجريت وهو سابها تمشي فضل قاعد في

 الجنينه يفكر طلعت اوضتها بصت من البلكونه لاقيته قاعد ساكت مابصش على بلكونتها زي ما كان بيعمل 

الصبح نزلت تفطر كان موجود بس مش بيبوص عليها قضى يومه عادي في  الشغل وهي كمان فضل الوضع كده يومين لحد اليوم الثالث جات جنبه وهو واقف بيسرح شعر ساندي المهره 

ساندي :_انت هتفضل كده كتير ..

فارس .:_.. وانتى عاوزه مني ايه .(كلمها من غير ما يبصلها وده غاظها جدا راحتله وبصتله

ساندي :_هو ايه انت عاوز ايه انت مخاصمني 

فارس .:-لا ابدا انا منتظر ردك على طلبي وسايبلك الوقت 

ساندي بحزن غريب طالع من جواها.:_..طيب لو قلت.. لا 

فارس غمض عينه واخد نفس عميق:_...دي حريتك وهحترم كلامك واعتبر الموضوع انتهى 

ساندي .:_طيب هتعمل ايه معايا 

فارس ...هعمل ايه انتى بنت خالي يعني جزء من عائلتي وهتفضلي اختي ما فيش حاجه هتتغير 

بصتله ساندي وقالت .:_انا عاوزه اسافر أمريكا اشتغل وابني مستقبلي 

فارس ..:_يعني انتي مش لاقيه نفسك غير هناك 

ساندي ..:_.انت عارف انى عاوزه ده من بعد وفاه بابا انا عاوزه ابيع الأرض

 واخد فلوسها .انا راسلت شركه في نيويورك وعاوزه اسافر في أسرع وقت .(مشيت من قبل ما يرد عليها 

**********************

 عليا اخت فارس وجمال ابن عمها قصه حب جميله كل يوم بيكبروا مع بعض قدام بعض والحب ما بينهم بيكبر وفي يوم جمال راح لفارس وقاله

جمال :_فارس ممكن اخد من وقتك دقايق

فارس :_ايه جمال بيستاذن قبل ما يتكلم جديده والله 😂

جمال :_بطل رخامه بقى بجد عاوز اتكلم معاك فى حاجه مهمه

فارس :_مهمه اوي ولا تتاجل

جمال :_لا ماينفعش مهمه اوي

فارس :_اتفضل انا سمعك

جمال :_باختصار شديد انا عاوز اتجوز عليا

فارس :_طب ما انا عارف

جمال :_نعم ّ!!

فارس :_اللي يحب يبان في عنيه

جمال :_صح عندك حق طيب انت ايه رايك

فارس :_موافق... يلا روح لعليا وروحوا لماما وشوفوا هتعملوا الخطوبه امتي

 وبالفعل اتفقوا على ميعاد الخطوبه وعملوا خطوبتهم بشكل بسيط جدا والكل كان فرحان ساندي كانت بتحاول تبص على فارس لكنه كان متجاهلها تماما وهو عارف انها بتبص عليه ما كانش عارف هو فعلا رفضاه ولا عاوزاه بس بتكابر 

بعد أسبوع من الخطوبه كان عيد ميلاد ساندي .فارس حب يفاجأ ساندي راح لوالدته وقالها:_صباحك ورد وفل وياسمين يا ست الكل

سميره :_صباح الخير يا فارس.. خير عاوز ايه

فارس 😂:_ليه بس كده هو انا عملت حاجه

سميره :_شغل البكش ده مش عليا يا فارس انا ماما ومربيك وعارفه الدخله دي كويس اوي

فارس :_لا والله يا امي انتي المره دي ظالماني انا مش عاوز حاجه ليه

سميره :_اماال لمين

فارس :_النهارده عيد ميلاد ساندي

سميره :_ما انا عارفه

فارس :_بجد انا كنت فاكرك متعرفيش

سميره :_ساندي بنتي ومافيش ام ماتعرفش عيد ميلاد بنتها

وانا وخالتك هنروح المطبخ نعملها احلي تورته

فارس :_ربنا يخليكي ليا يا احلي واجمل سميره في الدنيا... انا كمان كنت عاوز اعملها حافله صغيره ونفرحها ونفرح احنا كمان بصراحه من ساعه خطوبه عليا وجمال وانا حبيت الحفلات الجو بتاع الضحك ده بيوحشني. مش بزمتك كده أفضل

سميره :_ياااسلاااام بقى كل ده علشان عيد ميلاد ساندي

طيب يا سيدي ربنا يهني سعيد بسعيده عن اذنك عندي شغل كتير علشان الحفله

فارس من جواه بيدعي ان حفله النهارده تعجب ساندي وممكن تغير رأيها ومتسافرش

سميره  جهزت كل حاجه وحاولت.. عليا ونيره أنها تخلى ساندي طول اليوم بره بيت المزرعه شغلوها في الأرض ورجعت البيت بالليل كانت المفاجاه

 ..ساندي بجد فرحت جدا وحاست ان الدنيا مش وحشه اوي ذي ماهي

 متصوره... بس دورت على فارس ما كنش ماوجود ما حضرش  علشان كانت مشاعره هتفضحه  كفايه أنه يعملها حاجه تفرحها وده أهم حاجه عنده

 .بعد الحفله ما خلصت روح على البيت خبط على اوضتها وحط هديتها على الأرض فتحت الباب وهي عارفه أنه فارس بس ملاقيتش حد اخدت الهديه كانت سلسله مكتوب عليها اسمها

فارس بص عليه من ورا الباب وهمس وهو بيقول.. :_كل سنه وانتي طيبه يا حبيبتي

اما ساندي وكأنها سمعاه فقالت في سرها :_وانت طيب يا اجمل حاجه حصلت ليا 

بعد يومين نهله صديقه ساندي جات من أمريكا ما كانتش عارفه باللي حصل لساندي واتوصلت معاها تاني وطلبت من ساندي أنها تنزل القاهره علشان يتقابلوا وكمان ساندي تغير جو .رحبت ساندي جدا لأنها بجد كانت عاوزه تبعد عن فارس والمزرعه طلبت من فارس وهو وافق لأنه حاسس أنها عاوزه تخرج بره كل حاجه شويه 

فارس وصل ساندي لحد فيلا نهله نهله ...كده يا ساندي ازاي كل ده يحصلك وما تكلمنيش كنت تحكي لي وأنا ابعتلك تجيلي أمريكا 

ساندي ...ملحوقه عاوزه اسافر 

نهله ...نخلص الاورق و اول طياره ونطير بيها انا وانتى وكمان شغلك موجود في شركه خالي ومكانك محجوز فيها من دلوقتي 

ساندي فرحت وحضنت صحبتها وأول مره تحس بالأمان بس فضلت تفكر في فارس مش عارفه ليه صورته مش بتفارق خيالها 

نهله بتشوف صحبتها ديما سرحانه وماسكه سلسله مكتوب عليها اسمها دي هديه فارس ليها 

نهله:_ خير ايه اللي واكل عقلك 

ساندي ...ماتخديش في بالك 

نهله:_ ازاي من ساعت ما جيتي وانتى سرحانه وبتلعبي في السلسلة ايه حب ولا ايه ههههه

ساندي ...:-والله انتي فايقه ورايقه 

نهله :_...على بابا يا قطه وايه حكايه فارس آبن عمتك ده كلي شويه يتصل بيكي وانتى مش بتردي ولما يزهق يتصل على

 البيت هيموت ويطمن عليكي كل شويه يسأل هي ساندي اكلت كويس طيب أخبارها ايه دلوقتي طيب هتسفروا ولا هي تراجعت عن قرارها ههههه ده واقع باين عليه 

ساندي بحزن .:_..انا ماستهلش قلب زي فارس ...ولمعت عنيها بالدموع

نهله ...:_لا عندك نعمل اثنين كابيتشينو وتحكيلي كل حاجه بالتفاصيل على فكره انا بموت فى التفاصيل مش بحب الكروته وضربتها بالمخده وضحكوا هما الاثنين ...وبعد وقت طويل 

ساندي .:_... بس يا ستي وده كل اللي حصل بالتفصيل الملل 

نهله وقد تغيرت تعابير وجهها .:_..حرام عليكي يا ساندي في حد يلاقي الحب ده ويديه ضهره يا بنتي فكري لحسن بجد تندمي مش هتلاقي الحب والحنان ده فارس من نوع مش

 موجود صدقيني بلا أمريكا بلا شغل بلا هبل دا لو انا لقيت إنسان زيه اقسم بالله لسيب العالم كله واقعد تحت رجليه البني آدم ده راجل بمعنى الكلمه بجد فكري 

ساندي بعصبيه:_ هو انتي معايا ولا معاه 

نهله :_...انا مع الحق 

ساندي مقاطعا :_خلاص يا ست المحاميه انا تعبت وعاوزه انام اطلعي يلا وطفي النور ....بس طبعا مانمتش وفضل كلام نهله يخبط جوه دماغها لحد ما راحت في النوم 

تاني يوم ..

نهله .....ساندي اصحى كفايه المغرب هتدن 

ساندي ...طيب وانا مالى عاوزه ايه 

نهله ...اصحى يلا اجهزي في حفله جامده عملها شريف زملنا فكراه 

ساندي ....بلاش مش عاوزه اشوف الاشكال دي مافيش حد فيهم فكر يسأل عليا في ازمتي 

نهله ...ما يمكن ماكانوش عارفين زي حالاتي يالا بقى خلاص انسى احنا نروح ننبسط شويه ونرجع يالا ارجوكي 

ساندي وفقت لأنها فعلا زهقانه وعاوزه تخرج 

في الحفله اتبسطت وافتكرت إيام زمان وهي قررت ولا تعاتب ولا تسأل وفعلا هي جايه تنبسط وبس 

أصحابها عرفوها على شاب جديد اسمه

(اسامه عيسى المصري )لما ساندي سمعت الاسم ده رن في دماغها (عيسى المصري)الراجل اللي كان السبب الوحيد في اللي حصلها في حياتها استرجعت كل شريط احزنها قدام

 عنيها في لحظه وفضلت طول الحفله تفكر وحتى بعد ما روحت مع نهله كانت عاوزه تعمل حاجه تطفي النار اللي جواها