رواية فارس احلامي
بقلم رانيا محمود
الفصل السادس
نهله كانت سمعه ا الكلام فارس و بتبكي على الحب الكبير اللي بيضيع وكانت هتموت على صديقه
عمرها
بعد ما فارس مشى ...
نهله :_..عنده حق على فكره لازم تفوقي
ساندي ...:-..اااانا
نهله مقاطعه ..:_..بطلي بقى كفايه اللي انتي عملتيه في نفسك كفايه يااما حذرتك بس على رأي فارس مش وقت لا لوم ولا عتاب نفوق ونجيب حقنا وبعدين نتكلم
ساندي ...:-.وعاوزاني اعمل ايه دلوقتي
نهله:_ بكره الصبح تكلمي فارس علشان نشوف هو ناوي على ايه وبعد كده كل حاجه هتبان في وقتها
..تاني يوم لم تنتظر نهله استيقاظ ساندي واتصلت هي بفارس وطلبت منه أنه يأتي وهم بإنتظاره
فارس قرر انه يروح . ومافيش في دماغه أي شئ غير أنه لازم يقف جنب ساندي وبس .
.وصل فارس الفيلا ونهله عرضت عليه الفطار بس رفض لكن نهله قالت له:_فارس انا هحضر الفطار معلش افطر مع ساندي لأنها من امبارح مكلتش وتقريبا رافضه الاكل
فارس :_طيب يا نهله حضري الفطار.. هي ساندي فين
نهله :_ساندي في الجنينه هناك
فارس :_صباح الخير يا ساندي
ساندي كانت سعيده جدا لما شافت فارس لكن فرحتها انطفت لما شافت في عنيه نظره الحزن بدل لمعه الحب اللي دايما كانت بتشوفها
ساندي :صباح الخير
فارس '_مالك كنتي بتبتسمي واول ما شوفتيني ابتسامتك اختفت
ساندي :_ابتسامتي اختفت لما اختفت لمعه عينيك
فارس :_"لمعه عينيا ايه اللي انتي بتقوليه ده
ساندي :_ايوه لمعه عينيك كنت دايما بشوفها كنت بشوف حب ولهفه كل ده. اختفي (واخدت نفس طويل وكأنها بتدور علي الهوا وبنحاول تبعد عنيها عن فارس)
كل حاجه حلوة اختفت وانا السبب
فارس :_وبعدين ناويه علي ايه
ساندي :_"معرفش انا تحت امرك شوف انت عاوز تعمل ايه وانا انفذ فورا من غير تفكير. قولي اعمل ايه حتي لو عاوزني اموت نفسى قدامك حالا انا مستعده لأي حاجه (ساندي بتتكلم وهي بتبكي ومنفعله وكانها بتدور على طوق نجاه من فارس)
فارس :_انا حاليا عاوز حاجه واحده منك
ساندي :_انا تحت امرك
فارس :_يلا بينا نفطر
ساندي :_ايه؟!
فارس :_ايوه انا جعان... يا نهله فين الفطار ولا دي عزومه مركبيه
نهله :_اتفضلوا الفطار جاهز
ساندي تنظر إلى فارس بخيله امل :_لا اتفضلوا انا مش جعانه
جلس فارس أمام ساندي وتحدث إليها بنبره صوت قويه
فارس :_اقسم بالله يا ساندي لو فضلتي بمنظر الاستسلام ده لقتلك انا وبايديا دول وبدم بارد فاهمه ولا لأ (...وكان بيتكلم بصوت عالي مخبي وراه حزن والم لايحتمل)
ساندي عدلت نفسها ونزلت رجليها على الأرض بدل وضع النوم على الكنبه قعدت بشكل مستقيم ورفعت وشها لفوق كأنها استمدت القوه من كلامه أو لأنها خايفه فعلا من تهديده حتى نهله اتخضت وعملت زي صاحبتها
فارس :_انا رايح افطر 5 دقايق تغسلي وشك وتيجي ورايا علشان بعد الفطار فيه كلام كتير عاوزين نتكلم فيه
اتجه فارس ناحيه السفره
نهله تلتفت لساني. :_مالك يا ساندي جري ايه مش ده فارس اللي كنت هتموتي امبارح وتشوفيها ما هو قدامك ليه مش عاوزه تفطري معاه
ساندي :_لاني كنت متوقعه منه انه يخدني في حضنه كنت متخيله ان حبي في قلبه لسه موجود
نهله :_انتي بتستهبلي. انت عاوزه من واحد مطعون في قلبه وفي مشاعره
ومن مين! من حبيبته انه ينسي او حتي يعمل نفسه ناسى.؟ اقسم بالله انتي بجد انسانه يا هبله يا متخلفه
بقولك ايه تعالي نفطر لحسن اتأخرنا عليه
بعد الفطار :
(فارس:_بصي ياساندي انا عوزك تقوليلي كل حاجه بالتفصيل الممل كل التفاصيل
ساندي وهي بتفتكر اليوم ده ابتدت تتكلم لكن القلق والخوف كان واضح في
صوتها ومعالمها.. فارس وبشكل تلقائي مس اديها وكأنه بيطمنها بوجوده
ساندي بصتله بحب حقيقي وندم مؤلم وابتدت تحكي
فارس كان بسمعها بحرص شديد وفهم منها أن اسامه بعد ما كان هيموت علشان يتجوزها وبيخاف عليها جدا فجأه اتحول وأنه ابتدى يطلب منها بشكل صريح أنه ينام. معاها وأنه بعد اللي عمله معاها في الفندق محتفظ بفيديو بالحصل علشان لما يحتاجها يقدر يجبها تاني وهي تخاف ترفض لتتفضح
ساندي خلصت كلامها واخدت نفسها
ساندي :_انا مش عارفه هو عمل كده ليه ماكنش كده خالص معايا بالعكس بين يوم وليله اتبدل حاله
فارس ماتكلمش و قام من مكانه وسبهم ومشي من غير ما يعلق عقله شغال وكان بيحاول يجمع خيوط الحكايه علشان يحط خطه يقدر من خلالها يفهم ليه اسامه عمل كده مع ساندي وأول حاجه قرر يبدأ فيها انه لازم يراقب اسامه بشكل مستمر
نهله :_مالك يا ساندي هو انا كل ما اسيبك ولو دقيقه الاقيك سرحانه وفي دنيا تانيه
ساندي '_اسبوع بحاله وفارس مختفي حتي مش بيرد علي التليفون وحتي ماما سميره كانت قلقانه عليه وبعتتلي علي الواتس اب بتقولي انه مش بيرد عليها بالتليفون لكن بيطمنها رسايل بس
نهله' :_طيب كويس طالما بيطمنهم يبقي كويس الحمد لله
انشالله يظهر ونفهم منه عمل كده ليه... ساندي بقولك ماتبعتيله رساله بصوتك تطمني عليه
ساندي :_لا بلاش انا قررت مزعجهوش تاني.. لازم انسي فارس حرام عليا. انا انتهيت مش عاوزه غير انه يبعد عني ويعيش حياه افضل.. انا بالنسبه له خلاص بقيت ماضي قذر
(وتنهار من البكاء لدرجه ان نهله خافت عليها وحاولت تهديها)
نهله :_هوني على نفسك شويه بلاش الكلام ده وبعدين انتي معملتيش حاجه بمزاجك.. انتي اتغدر بيكي.. ارجوكي اهدي
ساندي :_"لايا نهله منضحكش علي بعض انتي يااما قولتيلي متبعيش الحب والاهتمام الحقيقي علشان شويه ورق ملون. فاكره كلامك. وانا كابرت وعندت بس للأسف ماكنتش عارفه اني بعاند نفسي وبخسرها. واديني اهو ولا حافظت علي الحب ولا حتي رجعت الفلوس... آآآآآآه ياقلبي.. انا ضيعت نفسي ودمرتها.. انا عاوزه اموت اموت يا نهله (وتسقط ساندي مغمي عليها من شده البكاء)
ساندي بتفتح عنيها وبتلاقي فارس قاعد جنبها علي السرير وبيمسح حبات العرق من علي جبهتها والدكتوره ونهله موجودين
فارس :_حمدالله على السلامه يا ساندي
نهله :_حبيبتي انتي كويسه
ساندي :_هو فيه ايه.. اه يا دماغي انا دماغي تقيله كده ليه
الدكتوره :_ارتاحي يا ساندي انتي دلوقتي احسن ومتتحركيش كتير علشان المحاليل
ساندي تنظر لفارس نظر حب وكأنه تستنجد بيه :_فارس انا فيا ايه. وايه اللي حصل
فارس يمسك اناملها ويقبلها بحب وبوجع حقيقي :_متخافيش يا ساندي.. نهله اتصلت بيا وقالتلي انك وقعتي واغمى عليكي وقولتلها تتصل بالدكتوره وانا هاجي بسرعه. والحمدالله انتي دلوقتي احسن
الدكتوره :_انتي فعلا احسن بس لو ماخلتيش بالك علي نفسك اكتر من كده انا مضطره ادخلك المستشفى.. لان المره دي جالك انهيار عصبي حاد وكمان مؤشراتك الحيويه في انخفاض انتي بتأذي نفسك
ساندي بحزن عميق في عنيها :_انا فعلا مش عاوزه اعيش انا بكره نفسي (ولسه هتعيط)
فارس اخدها في حضنه :_لا يا ساندي مافيش بكاء تاني كفايه ِ.... . اهدي شويه
ساندي :_انت اتاخرت عليا اوي يا فارس
فارس :_معلش كان لازم فيه حاجه كنت لازم اعملها
ساندي :هي ايه
فارس :_استني بس لما الدكتوره تخلص تركيب المحلول ده وناكل كده وانا هحكيلك كل حاجه
ساندي :_ارجوك يا فارس مش عاوزه اكل احكيلي دلوقتى
فارس :_وبعدين بقي كفايه عناد وبطلي عصبيه مش هتخسري حاجه لو استنينا شويه
بعد شويه
نهله :_خلاص يا فارس عشر دقايق والغدا بيجهز ايه رايك تطلع تصحي ساندي وتخليها تنزل تاكل معانا وتقعد بقي تحكي لنا سر اختفائك اسبوع بحاله... دي كانت هتتجنن عليك
فارس بتنهيده :_عارف انها تعبت وانا مش موجود.. والله يا نهله انا كمان بتعب لما مش بشوفها قدامي
نهله :_فارس ممكن أسألك سؤال.. هو انت لسه بتحب ساندي
فارس بحسره ومراره شديده في كلامه :_الحب لوحده مش كفايه
نهله :_اااه خلاص فهمتك المهم دلوقتي اتفضل اطلع صحيها ويلا انا هجهز السفره
بعد الغدا
ساندي :_فارس انت مش ناوي تحكيلي
فارس :_لا طبعا هحكيلك علي فكره انا كنت في الطريق ليكي ونهله بتكلمني وتقولي انك تعبتي
ساندي بإبتسامه :_يعني انت كنت فعلا جاي يا فارس
فارس بيطبطب على ايديها :_ايوه يا ساندي انا كنت جاي علشان فيه حاجه لازم تعرفيها.. بصي يا ستي انا الأسبوع اللي فات مش بعمل حاجه غير أنه أراقب أسامه باستمرار
كان لازم اجمع معلومات كفايه عنه علشان اقدر احكم سيطرتي عليه وافهم منه هو عمل كده ليه
بس لاحظت حاجه ان اسامه مش بيتصرف تصرفات شخص مستهتر وبتاع بنات فيه حاجه متغيره كان خروجه من بيته لشركه والده أو مشاوير شغل بردوا حتى أنه مش بيسهر زي ما كان معاكي.. (ساندي. تنظر بخجل الي الارض. فارس يكمل كلامه)
المهم حسيت وكأن فيه سر وكان لازم افهم وقررت أني اروحله فيلاته ....وفعلا رحت وقابلني اسامه وكان باين عليه القلق وكأنه حاسس بحاجه بس كان بيحاول يتماسك قدامي
(فلاش بالك)
اسامه باقتضاب ...أهلا وسهلا يا استاذ
فارس :_..أهلا أنت ماتعرفنيش وأنا هدخل في الموضوع على طول((ساندي عبد الحميد خليل))
اسامه اتخض وارتبك وفارس لاحظ ده
ولسه اسامه هيتكلم فارس قطعه .:_...انا ابن عمتها وعرفت كل اللي حصل انا هنا علشان اجيب حق بنت خالي يعني اختي وإلا اقسم بالله لادفنك مكانك ومافيش حد من الحرس بتوعك هيقدر يمنعني( وكان صوته وطريقه كلامه كفيل يخلي الدم اللي في عروق اسامه تهرب منه
اسامه بخوف وارتباك :-انت عاوز ايه انا مش فاهم
فارس ..:=..اولا عاوز الفيديو اللي انت صورته لساندي واي نسخ عندك وبعدين والأهم انا عاوز افهم ساندي قالتلي انكم متفقين علي الجواز وهي موافقه غيرت رأيك ليه انا عاوز افهم اللي انت كنت عاوزه كنت هتخده بالحلال فيه ايه حصل
اسامه قعد وأتكلم بكسره ...انا مصورتهاش
فارس :_..نعم أنت هتصطعبط
أسامة :_بعد ما مشيت ساندي انا فضلت في غرفه الفندق ببكي مش مصدق اللي انا عملته .انا ليه عملت كده ما كان كفايه اقطع علاقتي بيها انا فعلا ماحبتس ساندي الحب الافلاطوني انا بس كنت مشدود ليها عادي بس
مايوصلش لكده انا عمري ما ارغمت بنت عليا مش لدرجه الاغتصاب حقيقي انا ذي كتير من الشباب ليا نزواتي بس بردوا مش بالطريقه دي كان بيكون
بالاتفاق بينا.. تعرف ان بعد نزلت من الاوضه فكرت اجري الحقها .واصلح كل حاجه حتى لو هتجوزها رغم اعتراض بابا وحتى غصب عنها علشان احاول اصلح أي حاجه وارضى ضميري واحساس
الذنب اللي مسيطر عليا بس كنت خايف من بابا ومن كل حاجه .الوقت اللي فات كنت بحاول انسي كنت بغرق نفسي في الشغل بس مش عارف امحي احساسي بالذنب و تأنيب الضمير اللي هي موتني ليل ونهار
فارس لاقي قدامه شاب منهار تماما كان بيبكي.. وفارس ماعرفش يعمل ايه هو ده الشخص اللي كان جاي علشان يموته ده شخص ضعيف وخايف زي ساندي بالظبط .
فارس بنبره صوت قويه:_ والفيديو
اسامه :_..انا قولتلك ما صورتش اساسا ما ينفعش اعمل كده انا قولتلها أي كلام علشان خفت لحسن تتكلم وتعملي مشاكل ..
اسامه :_.باشمهندس فارس انا مستعد لأي حاجه ارجوك شوف اللي يرضيكم وأنا هعمله
فارس .:_.طيب والدك
اسامه .:_هعمل اللي يرضى ضميري غصب عن أي حد
فارس .:_انا عاوز اعرف انت ليه غيرت رأيك في فكره الجواز أنتم كنتم متفقين
اسامه :_ بابا لما عرف اني عاوز اتجوز ساندي رفض بشده
فارس :_ليه؟؟
اسامه :_لان تاريخ والدها غير مشرف قال لي ان هو يعرف كويس قوي الاستاذ عبد الحميد و انه راجل مختلس كان السبب
في ان والدي يخسر فلوسه بس فتره من الاوقات ولدي قدر تاني يقف على رجليه يعني وبصراحه ابو ساندى سرق فلوس والدي
فارس قام من مكانه وصرخ في وشه وقاله :..والدك ده أكثر شخص
قذر في الدنيا هو اللي دمر خالي عبدالحميد هو اللي خلا المليونير عبد الحميد خليل المختار يموت مفلس
مافيش معاه حتى حق علاجه؟ أنا بقي هقولك علي اللعبه القذره اللي ابوك عملها علي خالي اللي المفروض انه صديقه للأسف يا أسامه ابوك غدر بصاحبه ودمره
وكان اسامه بيسمع وهو في حاله ذهول ونكران للي بيسمعه
فارس :_.ودلوقتي يا أسامه بيه ايه رأيك
اسامه جمع نفسه واعصابه ووقف قدام فارس وقاله .:_بالنسبه لموضوع ساندي انا موافق على اللي تتفقوا عليه
أما بالنسبه للموضوع الثاني انا عاوز وقت علشان اعرف اذا كان كلامك صح ولا لأ ولو صح انا لازم ارجع
الحق لأصحابه وسواء الكلام صح أو غلط انا ملتزم لموضوع ساندي
فارس :-..يعني هتعمل ايه
اسامه ...هتجوز ساندي