رواية قمر مشوه بقلم ايه عطيه
الفصل الاول
بقلم ايه عطيه
نبدا
في إحدي المناطق الشعبيه في مدينه الاسكندريه
بداخل شقه صغيره بالدور الثاني مكونه من غرفتين و صاله متوسطه الحجم
كانت تجلس و هي تبكي و تدعو الله ان يريح بالها و يربط علي قلبها بالصبر
صعد هو الي منزله و اخرج المفتاح الخاص بالمنزل و وضعه في مكانه المخصص ثم فتح الباب و دخل في هدوئ كا عادته و جدها تجلس علي الاريكه اسفل النافذه و تنظر من النافذه للاعلي و دموعها تهبط بغزاره علي وجنتيها
استغفر ربه في نفسه و تقدم باتجاهها
هو /السلام عليكم
هي و قد انتبهت له فامسحت دموعها بظهر يديها
هي /و عليكم السلام
هو /هو انتي مش هتبطلي العاده دي كل لما ارجع القيكي قاعده كدا و بتعيطي
هي /اعمل ايه غصب عني و الله
هو /طب دورى علي حاجه تشغلك احسن من العياط دا
هي /حاجه؟ حاجه ذي ايه يعني
هو /امممممممممممممم اشتغلي
هي /ايه؟ اشتغل في السن دا قول كلام يعقل يا فاضل
فاضل /هو دا كلام العقل
هي /عقل ايه في اللي انت بتقوله و مين هيرضي يشغل واحده في سني
فاضل /و مين قال انك هتشتغلي عند حد
نظرت له في استغراب
فاضل/انا مرضاش ليكي البهدله يا عفاف
عفاف /امال قصدق ايه فهمني
فاضل/هقولك.... انتي مش دايما بتعملي هدوم ليكي و احيانا ليا علي الماكنه دي
قال هذا و هو يشير بيده علي ركن يوجد به ماكينه الخياطه علي المنضده الخاصه بها
عفاف /اه و بعدين
فاضل /تشتغلي عليها..... هتعرفي كام واحده من جيرنا دول ان لو حد عايز يعمل حاجه انتي موجوده و هما هيجيبو الباقي
عفاف /و الله فكره اهو بدل ما انا قاعده طول النهار كدا
فاضل /شوفتي بقه يا ستي... و انا عليا اجبلك ماكنه جديده بدل دي تساعدك في الشغل و تبقي اسرع و احسن
عفاف /بس الماكنه الجديده غاليه قوي
فاضل /الغالي يرخصلك........ و بعدين انا هسال عليها و نشوف معانا كام و نقسط الباقي
عفاف /طب بدل القسط خد السلسه ي بعها
فاضل /اما نشوف الماكنه الاول بكام
عفاف /علي خيره الله
👀👀👀👀👀👀👀👀👀
و بالفعل ذهب فاضل لشراء الماكينه بعد بيع الحليه الذهبيه و بدأت العمل عليها
و قد علم الاهالي من هذه المنطقه بعمل عفاف و اصبح لها شهره في المنطقه و المناطق المجاورهو فاضل كان يساعدها احيانا باتباع لها لوازم الخياطه و احيانا كان يجلس مكانها علي الماكينه
و بعد مرور عامين كاملين في العمل و أدخار الاموال
قرر فاضل و عفاف بالذهاب الي بيت الله و أداء فريضه الحج
و في يوما اتفقا سويا علي الذهاب لانهاء الاوراق المطلوبه للسفر و اثناء القيام بالاجرأت الازمه
عفاف /لسه كتير يا فاضل انا تعبت خالص
فاضل /قربنا نخلص خلاص اخر حاجه و...........
و لم يكمل حجيثه حيث وجدها تتمسك بذراعه بقوه قبل ان تقع و لحق فاضل بها و اسندها الي اقرب مقعد و اجلسها عليه
فاضل /مالك يا عفاف في ايه
ردت عليه بصوت واهن و ضعيف
عفاف/مش عارفه فاجئه حسيت ان الدنيا بتلف بيا
فاضل /طب استني هنا هجبلك كيس عصير و اجي علي طول
و ذهب و احضر لها المشروب و عاد اليها مره اخري
فاضل /اشربي دا يلا و هتبقي كويسه
عفاف /حاضر
و تناولت منه المشروب و بعد استعاده قوتها قامت لانهاء الاجراءات و قبل الذهاب الي المنزل
فاضل /الحمد لله خالصنا.... تعالي بقه قبل ما نروح نروح المستشفي نطمن عليكي علشان الدوخه دي... دي مش اول مره تحصل
عفاف /ملوش لازمه نروح في حته
فاضل /لا لازم يلا قومي
و ذهبو الي المستشفي للاطمئنان علي صحتها و تم الكشف عليها و كانت المفاجئه و الصدمه و الدهشه جميهم معا علي ملامح كلايهما و نظرو الي بعضهم البعض و لم يتحدثو باي كلمه
وصفت لها الطبيبه الدواء المطلوب و التعليمات اللازمه للحفاظ علي صحتها
و خرج فاضل و عفاف خارج غرفه الطبيبه و منها خارج المستشفي و وصلو الي المنزل و لم يتحدث ايا منهم و كانو في حاله صدمه ام دهشه لا يعلمو ما يشعرون به اهو فرح ام حزن
بعد وصولهم المنزل
فاضل :هو كلام الدكتوره دا صح
عفاف /مش عارفه انا مش مصدقه نفسي
فاضل /بقولك ايه متفرحيش احنا لازم نروح لدكتوره تانيه متعلقيش نفسك بامل كداب
عفاف/طب سبني احلم شويه
فاضل/قومي يا عفاف بلاش تعشمي نفسك علي الفاضي و بعد كدا تفوقي علي كابوس بكرا نروح نكشف عند حج تاني
عفاف /ربنا يسهل
و ذهب الي غرفتهم للنوم من ارهاق اليوم بالخارج
اما في صباح اليوم التالي قامت عفاف من النوم وذهبت لااداء فريضتها و تحضير الافطار كا عادتها كل يوم
و بعد وقت قليل استيقظ فاضل و ادا فريضته هو الاخر و جلسو سويا علي المائده لتناول الطعام
فاضل /انا هستاذن بدري انهارده من الدكان و هاجي علشان نروح للدكتوره
عفاف /مش لازم انهارده يا فاضل
فاضل /لا انا عايز اطمن عليكي
عفاف /اللي تشوفه
و بعد الانتهاء من الافطار ذهب فاضل لتبديل ملابسه و هبط للاسفل للذهاب الي عمله
فهو يعمل في محل عطاره كبير
اما عفاف قامت لتنظيف المنزل و اعداد طعام الغداء و انهاء بعض ملابس سكان المنطقه لاقتراب موعد تسليمها
عادا فاضل في تمام الساعه الخامسه و النصف
فاضل /يلا يا عفاف علشان نلحق
عفاف /ما بلاش النهارده
فاضل /انا اصلا عديت علي دكتوره و حجزت عندها قبل ما اجي علي هنا
عفاف /ماشي هقوم البس اهو
و بعد وقت كانو قد وصلو امام غرفه الطبيبه و دخلو اليها
فاضل /السلام عليكم
الطبيبه/و عليكم السلام... اتفضلو اقعدو
جلس كلا من فاضل و عفاف امام بعضهما البعض
الدكتوره /خير بتشتكي من ايه يا مدام
فاضل /انا هقول لحضرتك
نظرت له الطبيبه
فاضل /عفاف مراتي احنا متجوزين من تسعتاشر سنه و ربنا مرزقناش باطفال حازلنا كتير و دورنا اكتر بس من غير فايده لحد ما خلاص فاقدنا الامل...........
بس عفاف بقالها يومين مش مظبوطه و دايما تعبانه هبطانه دايخه و ساعات بترجع و قولنا يمكن يكون دور برد...... لحد امبارح كنا بنخلص شويه حاجات و داخت مني فاجئه و كانت هتقع علي الارض و اما روحنا المستشفي و الدكتوره كشفت عليها قالت لها انها........... حامل
الدكتوره/طب اتفضلي يا مدام علي السرير
عفاف /حاضر
و قامت معها و ذهبت نحو الفراش الخاص بالكشف و بدات الطبيبه بفحصها.
و بعد الانتهاء ذهبت الطبيبه مره اخري الي مقعدها
و ذهبت عفاف ايضا الي مقعدها بعد ظبط ملابسها
فاضل /ها يا دكتوره طمنيني.
الدكتوره /المدام فعلا حامل
الاتنين في دهشه
فاضل /ايه
عفاف /ايه
الدكتوره/انتي فعلا حامل يا مدام
عفاف /حامل و في سني دا ازاي
الدكتوره /عادي يا مدام
فاضل /طب مفيش خطر عليها
الدكتوره /هي كل حاجه قدامي تمام و مفيش مشاكل هكتب لها علي شويه ادويه و ترتاح تماما علشان ميحصلش مشاكل
فاضل /حاضر
و عادو مره اخري الي المنزل و جلسو علي الاريكه اللتي هي اسفل النافذه
عفاف/انا مش مصدقه نفسي يا فاضل بعد العمر دا كله بعد ما دوخنا علي الدكاتره ربنا يكرمنا من غير ما نلف و لا ندور يا ما انت كريم يارب الحمد لله و الشكر لله احمدك و اشكر فضلك يا الله
ثم انتبهت الي فاضل اللذي لم يتحدث بكلمه واحده
عفاف/ مالك يا فاضل منتقطش كلمه من ساعه ما خرجنا من عند الدكتوره
فاضل /..................
عفاف/انت هتفضل ساكت كدا ما ترد عليا
فاضل/ارد اقول ايه
عفاف /اي حاجه يا فاضل قول اي حاجه
فاضل /...................
عفاف /هو انت مش فرحان يا فاضل
فاضل /انا خايف يا عفاف
عفاف /خايف من ايه
فاضل /خايف اموت و مقدرش اربي اللي جي
عفاف /بعد الشر عنك و بعدين انت هتكون احن عليه من ربه
فاضل/و الله ما انا عارف
عفاف/سبها لله و استغفر ربك و متخليش خوفك يضيع فرحتنا
فاضل/استغفر الله العظيم يارب..... المهم دلوقتي انتي توقفي شغل الفتره اللي جايه علشان متتعبيش
عفاف /حاضر متقلقش انت عليا
فاضل /و ان مقلقتش عليكي هقلق علي مين
عفاف /ربنا يخليك ليا يا فاضل
فاضل /و يباركلي فيكي
عفاف /بقول ايه
فاضل /ايه
عفاف/ايه رايك نعرف ال........
فاضل/اوعي تكملي يا عفاف اوعي احنا ما صدقنا بعدنا عنهم
عفاف/مش يمكن اللي في بطني دا هو اللي يجمعنا تاني معاهم و يقربنا تاني منهم
فاضل /و احنا مش عايزين القرب دا كفايه قوي اللي حصل مش عايزين ننبش في الماضي تاني
عفاف/اللي تشوفه يا فاضل
فاضل /بقولك ايه احنا مش هنتغدا و لا ايه
عفاف /لا الاكل جاهز يدوب يسخن و اغرف علي طول علي ما تغير هدومك
فاضل /ماشي بس براحه علي نفسك
عفاف /ماشي
و عدا اليوم عليهم
و علم اهالي المنطقه بحمل عفاف و فرحو لها بشده و قامت بعض نساء المنطقه بمساعدتها في اعمال المنزل و اعدادا الطعام
و مر التسعه اشهر هكذا من مساعده فاضل لها و بعض نساء المنطقه
الي ان جاء اليوم الموعود يوم وضع عفاف الطفل اللذي طالما حلمو به و تمنوه كثيرا و عندما ارادا الله رزقهم به
في داخل احدي المستشفيات امام غرفه العمليات كان فاضل يدعو الله في نفسه ان يرزقه الله بطفل معافي و ان تقوم زوجته بخير و كان بجانبه احدي رجال المنطقه هو و زوجته للوقف مع فاضل و عفاف فهم علي علاقه وتيده مع الجيران و لهم سمعه طيبه بينهم
و بعد وقت ليس بكثير خرجت الممرضه من غرفه العمليات و هي تحمل طفل علي يديها و ذهبت باتجاه فاضل
الممرضه/اتفضل حضرتك بنت زي القمر
حملها فاضل و عيونه قد اغرقها الدموع و عندما حملها بدات دموعه تهبط منه دون شعور و نظر الي وجه الطفله
فلم تكذب الممرضه عندما قالت قمر هي فعلا تشبه القمر في سماه بل اجمل بكثير
احتضنها و هو يبكي و يشكر الله علي عطائه و بعد وقت هدئ البكاء و لم تهدئ عيناه من ظرف الدموع و بدا في التكبير في اذن الطفله و عند الانتهاء وجد غرفه العمليات تفتح مره اخري
ذهب الي جارته هى و زوجها و اعطها الطفله ليذهب هو الي زوجته ليطمئن عليها
و عندما حملت هذه السيده الطفله
الجاره /بسم الله ما شاء الله...... تبارك الخلاق فيما خلق......... الله و اكبر ربنا يحرسك من العين
زوجها و هو ينظر الي الي الطفله
زوج الجاره/اللهم صلي علي النبي
دي ايه في الجمال ربنا يحفظها
ثم ذهبو خلف فاضل الي غرفه عفاف
بداخل غرفه عفاف
فاضل /الف حمد لله علي سلامتك
عفاف/الله يسلمك... انا جبت ايه
فاضل/جبتي بنت زي القمر شبهك كدا
عفاف/بجد و النبي
فاضل /ايوة
طرق الباب في هذا الوقت
فاضل /ادخل
زوج الجاره /حمد لله علي السلامه
فاضل /الله يسلمك كتر خيرك تعبينك معانا من الصبح
الجاره /الف مليون مبروك يا ست عفاف ربنا يتم نفاسك علي خير
عفاف /الله يسلمك تسلمي يارب
الجاره/خدي يا اختي سمي و شيلي
عفاف /بسم الله الرحمن الرحيم
و عندما حملتها و نظرت اليها بدات في البكاء ليس بكاء حزن بل بكاء الفرحه شكرت ربها هي الاخر علي عطائه
الجاره /بلاش عياط بقه العياط وحش علشانك و علشانها
عفاف/و النبي انا مش مصدقه نفسي اخيرا ربنا كرمني يا ما انت كريم يارب
الجاره /ربنا يبارك لكي فيها
زوج الجاره/هتسموها ايه يا حج فاضل
فاضل /عفاف هي اللي هتسميها..... ها يا عفاف
عفاف/هسميها قمر علشان هي قمر ربنا يطرح فيها البركه
الجاره/اسم جميل يا ام قمر
زوج الجاره /طب نستاذن احنا بقه و هنجلكم بكرا الصبح
فاضل/كتر خيرك ي اخويا و متتعبش نفسك
الجاره/لا تعب و لا حاجه يا ابو قمر دا احنا نخدم ست عفاف بعنينا
فاضل /تسلم عنيكم
زوج الجاره/يلا سلام عليكم
فاضل / و عليكم السلام
عفاف /مش اان الاوان بقه نعرفهم يمكن الميه ترجع لمجريها
فاضل /تاني يا عفاف هنعيده
عفاف /اسمعني يا فاضل انا كبرنا و مش صغيرين و محدش ضامن عمره خالي البت تعرف ان ليها اهل و اهلها يعرفوها علشان لو جرلنا حاجه
فاضل/لو جرلنا حاجه هيبقي ليها رب اسمه كريم مش هنكون احن عليها منه
عفاف/مقلناش حاجه بس الامر ميسلمش بردو
فاضل/................
عفاف/علشان خاطرى يا فاضل محاوله اخيره يمكن ربنا يجعلها سبب في رحعنا في وسطهم تاني
فاضل /اللي فيه الخير يقدمه ربنا
اما يجي وقتها يحلها الحلال
عفاف/ربنا يخليك لينا يا فاضل و منتحرمش منك ابدا
فاضل /و يخليكم ليا
و في اليوم التالي خرجت عفاف من المستشفي و معها فاضل و عادو الي المنزل
و بعد وقت من الراحه اخذت المبركات تنهال عليهم و تهنئهم بمولدهم
و عدت الايام عليهم بدون اي جديد غير ابتسامتهم اللتي كل يوم تزيد وتعلو
و بعد مرور عامين عليهم في فرحه و سعاده و هنا
عاد فاضل من عمله
فاضل /السلام عليكم
عفاف/و عليكم السلام
قمر /بببببببب
فاضل /قلب بابا تعالي يا عمرى
و حملها فاضل و جلس بجوار عفاف علي الاريكه
عفاف/عاملت ايه لسه بردو
فاضل /دا زي ما تكون الارض انشقت و بلعتهم
عفاف/يعني هيكونو راحو فين
فاضل /و الله ما انا عارف بقالي سنتين دايخ عليهم و محدش عارف عنهم حاجه
عفاف /ربنا يعترنا فيهم
فاضل /يارب
عفاف/خالي بالك من قمر هقوم اجهز الغدا
فاضل /ماشي
و بعد تناول الغداء جلسو سويا امام التلفاز حتي جاء موعد العشاء و ذهبو بعدها الي النوم
و ظلت الايام تمر عليهم هكذا و كل يوم تكبر قمر يوم و تزداد جمالا علي جمال
و كل ما كانت تكبر كل ما كان الخوف يزداد في قلب عفاف و فاضل اكثر فا اكثر
و بعد مرور عشر سنوات و اصبحت قمر فتاه جميله مكتمله الانوثه من يراها لا يصدق ان هذه مازالت طفله لم يتعدي عمرها الثالثه عشر
و من شده جمالها بدات الاهالي بطلبها للزواج من ابنائهم و لكنها مازلت صغيره و بدا الشباب في تلك المنطقه و بعض المناطق يتبعونها
حتي طلبت من والدها بان يصتحبها هو الي المدرسه حتي لا تتعرض لمضيقات بعض الشباب و بالفعل بدا فاضل في اتباعها لانه ايضا يخاف عليها بشده
و في يوم من الايام في منزل فاضل في المساء بعد ذهاب قمر الي النوم
عفاف/مالك يا فاضل
فاضل /مش عرف خايف علي قمر قوي
عفاف/هو حصل حاجه انا معرفهاش
فاضل /هو انتي مش شايفه بنتك جميله ازاي و العين عليها
عفاف/ربنا يحفظها
فاضل /يارب بس بردو قلقان
عفاف/مخبيش عليك انا كمان قلقانه بس من ساعه ما انت ابتديت توديها و تجبها من المدرسه و انا اطمنت شويه
فاضل/ربنا يسترها علينا. يلا خالينا ننام
عفاف/تصبح علي خير
و ظل كلا منهم شارد في افكاره الي ان غلبهم النوم
و بعد ذلك اليوم بيومين عادا فاضل من العمل في وقت باكر
فاضل/السلام عليكم
عفاف/و عليكم السلام خير يا اخويا مالك في حاجه انت تعبان و لا حاجه
فاضل/اهدي يا عفاف انا كويس اديني فرصه اتكلم
عفاف/انا سكت اهو اتكلم يلا
فاضل /عرفت مكانهم
عفاف/بجد و النبي و هو انت كنت لسه بتدور
فاضل /انا وعدتك اني هدور عليهم لغايه ما القيهم
عفاف/و لقتهم فين
و قبل ان يتحدث فاضل خرجت قمر من غرفتها
قمر /هما ايه دول اللي لقتهم يا بابا
توتر فاضل و عفاف
عفاف/جماعه اصحاب ابوكي كان بيدور عليهم من زمان و اخيرا لقاهم
قمر /اممممممممممم
فاضل /ايه يا عفاف هو لسه كتير علي الغدا
عفاف/لا خالص حالا يكون الاكل خلص
فاضل /طب يلا و انا قاعد مع قمر شويه...... و انتي بقه يا ست قمر عامله ايه في مذكرتك
قمر /كله تمام فاضل شهر علي الامتحنات
فاضل /ربنا معاكي انا عايز مجموع ثانويه عامه و انتي حاطه رحل علي رجل و منها لكليه الهندسه مش عايز اقل من كدا
قمر/بس انا نفسي ابقي دكتوره
فاضل /انا مش هغصب عليكي بس انا كان نفسي من زمان اجيب ولد و يبقي مهندس اد الدنيا
قمر /و انا احسن من الولد يا سي بابا و هدخل هندسه علشان خاطرك
فاضل/ربنا يبارك لي فيكي يا بنتي
عفاف/يلا الاكل
و ذهب فاضل و قمر الي المائده و بعد تناول الطعام
فاضل /انا رايح مشوار يا عفاف و احتمال اتاخر شويه متقلقيش عليا و متستننيش علي العشاء
عفاف/رايح فين
فاضل /اشوف الجماعه صحابي
فهمت عفاف ما يرمي عليه
عفاف/ربنا يوفقك
و خرج فاضل من المنزل و ذهبت قمر الي غرفتها لتستكمل درستها و جلست عفاف علي الاريكه اسفل النافذه تدعو الله ان يوفقه فيما هو ذاهب اليه و مر الوقت بطيئ عليها حتي جاء منتصف الليل و لم يصل فاضل تمكن الخوف و القلق منها حتي اذان الفحر قامت و توضئت و ادت فرضها و جلست تدعو الله حتي عاد فاضل و علامات الارهاق علي وجه
راته عفاف فذهبت اليه سريعا و قامت بخلع حذائه عنه و ذهبت و جلبت له كوب ماء و بعد ذلك احضرت له بعض الاطعه و تناول هو في صمت و بعد الانتهاء
فاضل /انا تعبان دلوقت و عايز انا و الصبح هحكيلك كل حاجه
عفاف/برحتك يا فاضل ادخل يا اخويا خد دش و نام علي طول
و فعل هذا و ذهب الي الفراش و نام علي الفور من الارهاق و ظلت هي تفكر
ماذا حدث و اين كان فاضل كل هذا الوقت فلتتركه يرتاح حتي الصباح و في الصباح ستعرفه منه ماذا
حدث و ذهبت هي الاخري للنوم و استيقظت علي صوت المنبه فاقامت و ذهبت الي غرفه ابنتها لكي توقظها
عفاف/قمر قمر قمر يلا قومي علشان المدرسه
قمر /حاضر يا ماما
و قامت قمر و توضئت و ادت فرضها و ارتدت ملابسها و ذهبت لكي تفطر
قمر /امال بابا فين هو مجاش من امبارح
عفاف /لا جيه بس جي متاهر فاهسيبه يرتاح شويه و انتي روحي المدرسه انهارده لوحدك معلشي بقه
قمر /عادي يا ماما مفيش مشكله يلا سلام
عفاف/مع السلامه يا حببتي
خرجت قمر و ذهبت عفاف لاحضار الافطار الي زوجها و وضعته علي صنيه و ذهبت به باتحاه الغرفه الخاصه بهم و وضعته علي منضده صغيره بالغرفه و ذهبت لتوقظ فاضل
عفاف/فاضل فاضل
فاضل/امممممممممط
عفاف/يلا قوم الساعه بقت سبعه و نص
تحرك فاضل علي الفراش قليلا و بعد وقت اعتدل و هو يستند بظهره علي الفراش
عفاف/يلا انا جهزت لك الفطار
و احضرت الطعام و وضعته امامه و بدا في تناول الطعام و بعد الانتهاء ذهبت بالصنيه الي المطبخ و اخضرت كوبا من الشاي و عادت اليه مره اخري
عفاف/اتفضل
اخذ منها فاضل الكوب
عفاف/ها عاملت ايه انا من امبارح و انا هتجن
فاضل /مفيش فايده زي ما هما و انا قولتلك بلاش لمن انتي اصريتي و انا عاملت كدا علشان خطرك
عفاف/يعني حصل ايه
فاضل /كل دا و مفهمتيش انا اطرت من عندهم و هددوني انهم هيعرفو يوصلولي و هيخلصو علينا كلنا حتي قمر اللي قولنا ممكن تحنن قلبهم علينا بس حصل العكس
عفاف/و بعدين
فاضل /و لا قبلين احنا لازم نمشي من هنا فورا و نختفي و خصوصا بنتك
عفاف/يعني ايه
فاضل /انا اخدت صوره لقمر معايا قولت يمكن تحنن قلبهم بس حصل العكس و حلفو ليقتلوها
عفاف /ما مصبتي السودا ياني كان مستخبيلي فين دا كله
فاضل /انا كان قلبي حاسس و مرضتش ازعلك بس النصيب بقه
عفاف /ياريتك كنت زعلتني ياريتك كنت زعلتني
فاضل /اهدي يا عفاف و كله هيتحل
عفاف /هيتحل ازاي بس
فاضل/سبيني بس ارتاح شويه و بعدين هنشوف مكان تاني نروح فيه هنبعد عن البلد دي خالص
عفاف/يارب استرها معانا يارب يارب استرها معانا يارب
و خرجت من الغرفه و ظلت تردد هذه الدعوه حتي عادت ابنتها من المدرسه
قمر /سلام عليكم
عفاف/و عليكم السلام
قمر /مالك يا ماما في ايه شملك مش طبيعي
عفاف/مفيش حاجه روحي غيري هدومك يلا علي ما اصحي بابا و نتغدا سوا
ذهبت قمر لتفعل ما قالت عليه و لدتها و ذهبت عفاف لتوقظ زوجها و بعد وقت علا صوتها بالصياح و العويل
سمعت قمر هذا الصياح ذهبت علي الفور الي غرفه و لديها و اخذت تصيح
هي الاخري و بعد وقت اجتمع اهالي النطقه من نساء و رجال في منزل عفاف و فاضل و علمو بالفاجعه و هي.............