رواية ورده في مزبله
الفصل الثالث عشر
والفصل الرابع عشر
بقلم منه محمد
منار كانت بتتمشى فالجنينه ووصلت لتحت البلكونه وبصت لفوق وشافت ريم و
صرخت بصوت عالي : ريم لااااااااااااااااااااااااااااااااااااالكن فات الاوان وصرخه منار ولا فادتها لان لما صرخت منار كانت المايه كلها مكبوبه على راسها
منار والشياطين اتجمعت فوق راسها وصرخت وهي باصه لريم اللي واقفه فالبلكونه وتضحك بصوت عالي : ياااااااا كلبه والله لتندمي استنيني وجريت منار بسرعه لجوه طالعه فوق لريم
جريت ريم بره الغرفه وهي بتضحك وبتقول جواها ماحدش يستاهل انهي حياتي علشانه انا هعيش حياتي على كيفي ولا عمري اهتم لحد وبسرعه اتخبت بزاوية السلم ومنار صوتها يرج حيطان البيت وهي بتدور على ريم
........قصص منه محمد......
بالمول ريم ماشيه مع بنات خالها والمكياج علي وشها اشكال الوان والفساتين المزخرفه والكعب العالي علشان تطول وكلهم لابسين نفس شكل فستان ريم تقريبا
شوق وملامح وشها مش واضحه من كتر الميكب : بنات خلونا نروح نقعد في المطعم
شروق باعتراض : لا لا هنا احسن خلونا نتسوق ورانا ايه ما مليتيش من القعده فالبيت
اسماء وعيونها طلعوا من راسها : شوفوا كدا في ايه هناك يا مزاميز بصوا البنات وشافوا شله شباب ماشين مع بع
من بعيد شوي قاطعهم واحد وعاوز الرقم ،شوق ما عجبهاش الشخص زقتها اسماء واخدت الرقم وفضلت تحكي معاه وكأنه من باقيه اهلها
قصص منه محمد
فاتوا مجموعة الشباب اللي شافتهم اسماء من جنبهم وبصلوهم باحتقارمنار بعصبيه من النظره : لف عيونكم للتتفقع ان شاء الله كان واحد منهم عاوز يرد بس مسكه التاني من ايده طنشها دول حثاله وكملوا طريقهم ومنار مولعه منهم
ريم كانت باصه علي البنات ازاي مضايقين وجواها بتقول الشباب عندهم حق وضحكت في نفسها اااه لو سمعوها البنات بتقول عليهم ايه وبعد كام لفه راحوا البنات للمطعم وقعدوا يتكلموا ويضحكوا وكانهم فالبيت
****قصص منه محمد****
في نفس المطعم
بدر : عمر مش دول نفس البنات المايعين
لف عمر لوري وبص بدقه: اه والله هما
رامي كان قاعد جنب عمر وهوباصص علي البنت اللي بتضحك وتتكلم ولا هاممها حد
ايهاب ينغزه وقرصه في كتفه : وصلت لفين يا عندليب ؟؟
رامي ووهو لسه عيونه عليها : البنت اللي قدامي حاسس اني اعرفها او شوفتها قبل كدا بس مش عارف فين وعقد حواجبه وهو بيفكر
ايهاب بصلها وركز في طريقة كلامها وحاسس فعلا انه شافها من قبل : وانا كمان بس مش عارف فين شفتها وحط ايده على خده وهو بيفكر اسلوبها شبه مين مين
بعدها خرجوا البنات والشباب بيفكروا بالبنت تكون مين ؟؟؟!!!!!طبعا ريم كانت كبرت ونضجت وملامحها اتغيرت وبقت موزموزيل كبيره
********
تاني يوم فالمدرسة قاعده فالفسحه مع الجوري : يا مو مخ انشف من الحجر كان ضروري تكوني دحيحه وتبقي في اولى ثانوي وانا اكبر منك تسبقيني ومابقاتش اشوفك الا بالفسحه
ريم بندم : يا رتني سمعت كلامك ومذاكرتش بضمير ولا اتفوقت وعضت شفايفها بندم
الجوري ضربتها على راسها : غبيه ماتخليش الموقف اللي حصل يغيرك طنشي وعيشي حياتك
ريم بيأس : وده فعلا الي هعمله هعيش حياتي واطنش كل حاجه واول التطنيش الدراسه وابتسمت ابتسامه بائسه
الجوري وهي منفعله : غبيه طول عمرك غبيه ده مستقبلك ليه تضيعيه علشان موقف سخيف
بصت ريم لها بانكسار وبتعجب : موقف سخيف !!! امك بتكرهك وولا بتطيق تشوفك وتقوليلي موقف سخيف ولفت وشها عنها وهي حاسه بادموع خانقتها
سكتت الجوري مش عارفه تقول ايه فقررت احسن حل تغير مزاج ريم ضربتها على كتفها وبابتسامه : يا هطله هو انا قولتلك ؟؟
التفتت ريم للجوري وعيونها مدمعه وبنظره فيها تساؤل وبصوت حزين : لا ما قلتيلي
الجوري ربعت وبابتسامه عريضه : اتخطبت
ريم فتحت بؤها ومتفاجئه : قولي والله العظيم وبسرعة سألتها انتي عمرك 15 ازاي اهلك وافقوا
الجوري بابتسامة : لو سمحتي عمري 16 ساقطه سنه هههههه وبعدين واذا كان عمري 15 دي فيها ايه في بنات كتير بيتجوزوا اصغر من كدا عادي
ريم ونسيت حزنها وهمومها وبحسره : يا بختك ورفعت ايدها لفوق يا رب امتى اتخطب امتي
ىالجوري ضربتها على راسها : عيب انتي لسه صغيره جيل قليل ادب عندك 15 سنه وعاوزه تتخطبي وبعدين اذا حاطه عينك على عبود ما تنسيش انه اكبر منك بسنه يعني لسه هتتحنطي سنين لحد ما يجهز نفسه!
احمرو خدود ريم وقرصت الجوري : يا لطخه مين جاب سيره عبود وبعدين مين قالك اني اصلا هستناه انا هدور على واحد جاهز وبعدها سألت الجوري بتحقيق خطيبك ما لوش اخ عازب بليييييز خليه يخطبني
الجوري وهي تلعب بحواجبها : ما فيش خليكي مع عبود احسن لك
قامت ريم وهي قرفانه منها : وكسه عليكي وعلى خطيبك وعلى عبود ولوت بوزها
وقفت الجوري وهي تضحك : ههه غيوره تعرفي ما اسمحلكيش تغلطي على خطيبي قالتها بدلع
ريم وهي لاويه بوزها وتقلد الجوري : خطيبي اييي حسره عليه اااه لو خطيبك شاف شخصيتك الحقيقيه هيهج فورا
الجوري وهي تنفش ريشها : مضطره استحملك امشي امشي خلصت الفسحه
........قصص منه محمد......
رجعت من المدرسه ودخلت البيت كان هادي على غير العاده استغربت وراحت دخلت المطبخ وسألت الخدامه : فين جدتي ؟؟؟
الخدامه وقفت عن شغلها وبصت لريم : معرفش بس سمعت ان البيه الكبير عمل حادثه كبيره ويمكن يموت
ريم بلامبالاه لان خيري جدها ما كانتش بتشوفه ولا تختلط بيه كانت تختلط بس ببنات خالها وخالتها بس اما الباقي علاقتها كانت بيهم سطحيه جدا،طلعت من المطبخ وراحت للغرفه دخلتها كانت هاديه حتى البنات مش موجودين غيرت هدومها ودخلت الحمام
.....قصص منه محمد.........
في مكتب نادر
نادر وهو قاعد مع صقر بمكتبه وماسك القلم ويلعب بيه : اصابه خيري العمري خطيره ومش متوقع يطلع منها إلا برحمه رب العالمين
صقر مؤيد لكلامه : حالته حرجه جدا وبعدها سكت لثواني وسأل باستغراب : شفت البنات اللي كانوا واقفين عند باب اوضته ولوي شفايفه باستنكار،، ولا عندهم حياء ولا ادب ولبسين محزق وضيق اعوذ بالله اهلهم ما عندهمش غيره عليهم بالمره
نادر وهو يتكلم عنهم بقرف : اسألني انا عليهم حياتهم فري كل شيء عادي وفيري وعوج بوزه قرفان من السيره
صقر رفع حواجبه باستنكار : طيب ازاي سمحت لريم تعيش عندهم ورضيت
نادر بقله حيله : متفكرش اني مرتاح والله انا في قلبي نار بس اعمل ايه لو ابيع كل ولادي ما اسمحش لحد يلوي دراعي والنهارده ولا بكره اخرها ترجع عندي تاني وخاصه لما نجوزها وقتها ولا هيطلع لخيري غير لما يجي يطلبها هتكون البنت في بيت جوزها
صقر ومش عاجبه الكلام : طيب هي عندها كام سنه دلوقت ؟؟؟نادر غمض عينه وهو بيحسب : اممم تقريبا 14 سنه او 15 سنه
صقر وهو حاسس غليان بقلبه : يا برودك وامتى هتجوزها اوعي تقولي لما يبقي سنها 18
نادر هز كتافه وهو متعمد يضايق صقر ببروده العمد : مش عارف بس جايز !
ضرب صقر بايده سطح المكتب بغل ورماه نظرات ناريه لنادر وطلع
******قصص منه محمد********
كانت تتمشي مع ابن خالها وخالها محمد ماشي قدامهم ومعاهم شوق كانت باصه علي المستشفى وتفتكر لما دخلت المستشفى
كان واقف مع عمه نادر وشاور علي ريم الي مش عارف انها ريم ومعاها شوق وحكاله موقفهم بالمول وازاي هما طايشين وانه ماكانش يعرف انهم من حفيدات خيري العمري...
كانت ريم ماشيه ولا مهتمه لوجود حد وهي ماشيه حست ان صندلها فلت نزلت على الارض تزبطه اتأخرت شوي وهي بتعدله
وقفت شوق ووبصت وراها وبصوت عالي شوي : يلا يا ريم استعجلي
كانوا قريبين وسمعوا الاسم بص نادر لايهاب والعصبيه بانت على وشه : سمعت اللي سمعته
ايهاب وجواه بركان بس حاول يهدي عمه ومسكه من ايده : يمكن يا عمي تشابه اسماء وعندهم بنت غيرها اسمها ريم وبعدين دي مش شبهه ريم بنتك
مسك نادر ايد ايهاب وجز على سنانه من الغضب وبعدها راح ناحيه ريم
بعد ما كملت ريم وقفت عشان تمشي بس في حد مسك ايدها لفت وراها وبصت للشخص وع وشها علامات الاستغراب هي عرفته بس اتجاهلته وباسلوب استعلاء مسكت ايده وبعدتها عنها ومشت متجاهله الشخص وبلعت ريقها وتدعي انه ما يعرفهاش
كان واقف نادر وعيونه مركزه علي فراغها وقف جنبه ايهاب : قلت لك بلاش تتسرع يمكن انها من احفادهم وتشابه اسماء مش اكتر!
نادر بملامح جامده : انا متاكد انها هي بس المشكلة ان ما فيش شبه بينها وبين ريم الصغيره لكن لو اكتشفت انها هي قسم بالله لاطلعها من تحت ايدي الا بجنازه وضغط على سنانه بغيظ
££تاهت ملامحي اتغيرت...بين التجاعيد اللي ساكنه جوه مني....هو عمري هو سني
ولا خوفي وقت ضعفي ££
قصص منه محمد
************
ريم وهي حطه ايدها على قلبها الي بيدق بسرعه وتحمد ربنا انه ما عرفهاش لانها حطه 2 كيلو مكياج على وشها فطمس ملامحها ولو كان عرفها كانت زمانها نايمه فالمستشفى من شكله المتعصب وعيونه الحمر
...............
في اليوم التاني بعد العصر كانت قاعده في الجنينه ووتفتكر شكل نادر ما كانش متغير كتير كان جميل جدا في زي المستشفى بس اللي كان واقف وبعيد عنه نفسه اللي كان بالمول معقول يقرب لنادر(طبعا تقصد ايهاب اصل الوجوه اتغيرت ونضجت وايهاب دكتور تحت التمرين ) وحطت صوبعها في بؤها يا نهار اسسسسمر لو كان عرفني وقال لنادر عني او يمكن يكون مجرد زميل له خلاص توبه مش هحط مكياج تاني هعمل زي ما قالت الجوري لان شكلي بالمكياج يختلف 360 درجه وكدا لايمكن يعرفوني وابتسمت على ذكاءها وبعدها تفت على حالها من غباءها خلاص فين هتشوفيهم تاني دي كانت صدفه وان شاء الله ما تتكرر
قعدت جانبها شروق بغتتاته وهي بتقول : احيانا بشك انك مهبوله تتفي علي نفسك يا مخبوله
بصت ريم لشروق بغرور : ما يخصكيش ويالا غوري من هنا
شروق وقربت من ريم وهمست : قومي خلينا نروح المستشفى
بعدت عنها ريم ورفعت حاجب : الي يسمعك يقول كلك خوف على خيري
شروق بابتسامة خبيثة : ما علينا المهم نزور جدي ونطمن عليه وغمزت لريم وباستعجال يلا قومي ومسكت ايدها
ريم افتكرت نادر سحبت ايدها من شروق وتوتر : روحي الله يسهلك طريقك انا مش رايحه
شروق سمعت منار تناديها بصت لريم ورفعت كتافها : براحتك بااااااااااي
اتنهدت ريم وهي حاسه بضيق صحيح انها بتضحك وتلعب مع البنات بس حاسه حالها مطعونه ومستحيل تنسى حياتها.. شدت على قبضه ايدها بقوه وهي تردد كلمه واحده انا هعيش وانبسط واخلي نادر وساره يعرفوا انهم ولا هموني ابدا ولا هوقف حياتي علشانهم وشعار حياتي# طنش- فنش- عش- تنتعش
واخدت نفس عميق علشان تقدر تسترد قوتها وما تضعفش وبعدها قررت ترجع لغرفتها تتابع فيلم او اي شيء يسليها!!!!!
قامت من النوم على ازعاج وعياط رهيب نطت بسرعة وراحت جري وحطت ايشارب على راسها وبسرعه نزلت تحت وفهمت من كلامهم وازعاجهم ان خيري مات والظاهر فيه مشكله بين الاخوات على الميراث ضحكت جواها وهي متعجبه سبحان الله لسه ما دفنوه ووبيموتوا بعض على الميراث فعلا ما يملي عينك يا ابن ادم الا التراب دخلت الغرفه ورجعت دخلت في سبات نوم عميق!!..
*****************
دخل المكان ووجه نظره لفخري وبملامح جامده : قوم بسرعة روح جيب ريم حالا
بص فخري لساعته وبتعجب : دلوقت الساعه عشره والدنيا ليل
الجد بحزم : خيري اتوفي وعياله فيه مدابح بينهم عالميراث بسرعة يا فخري انا اتصلت بخالها محمد وما عارضش
قام فخري ويادوب بيقوم بس وقفه صوت خالد: خليك يا اخويا ما حدش يجيبها غيري
فخري عارف عصبية اخوه ولسان ريم وباعتراض بعد ما وقف : لا يا خالد مفيش لزوم تتعب نفسك انا اجيبها حالا
خالد بحزم : والله ما حد يجيبها غيري انت اخويا الكبير اقعد انت وارتاح
الجد رايه من نفس راي فخري ما كانش له مزاج يجيبها خالد بس رضخوا للامر الواقع
كان نادر قاعد وحاطط ايده تحت خده ويبصلهم وهو رافع حاجب ولا كأنها بنته ما حدش ييشاوره اضايق من اسلوبهم على الاقل هو اولى يجيبها من اخواته بس سكت ما حبش يزعل ابوه وعلامات الضيق على وشه
ايها النادر من أشد أنواع الظلم ، أن يلعب الظالم دور الضحية ويتهم المظلوم بأنه ظالم
*********قصص منه محمد**************
دخل عليها خالها محمد وهي قاعده مع البنات يلعبوا كوتشينه وبمجرد دخوله بسرعة خبو الورق ووقفوا وعلى ملامحهم التوتر
محمد طنش بمزاجه وبامر لريم : جهزي نفسك خلال ربع ساعه عمك هيكون هنا خدي حاجاتك كلها
وبعدها طلع بدون نقاش وقفت وعيونها مركزه في فراغ زواله وهي تتأمل خالها محمد دايما كدا ما عندوش اسلوب
جامد جدا حتى مع بناته قطع سرحانها البنات لما هجموا عليها يحضنوها ومش عاوزين يسبوها تمشي وبعد الفلم اللي عملوه البنات قاموا يساعدوها بتجهيز شنطتها وقفت قصاد المرايه تعدل طرحتها وهي بتقول لنفسها لو امها بتحبها كانت رفضت انها تروح لكن عضت على شفايفها بقهر وهي تفتكر مواقف امها هزت راسها بالرفض مش عاوزها تفكر فيها خلاص لازم تنساها وتمحيها من الوجود زي ما ساره محتها من حياتها اخدت نفس وبعدها بصت علي البنات كانوا مجهزين حاجاتها وعلامات الضيق ظاهره على ملامحهم ودعتهم مره تانيه وكانوا البنات متأثرين كتير ووعدتهم انها تزورهم وبعدها طلعت بره الغرفه بعد ما نادت عليها الخدامه نزلت كان البيت هادي والظاهر اغلبهم في المقابر عند جدها خيري فما كانتش مضطره تسلم او تودع حد فيهم لان علاقتها بيهم عاديه جدا ....
...........
طلعت خارج البيت وبعدها لفت وبصت للبيت واتأملته خلاص هتسيب المكان اللي عاشت فيه 6 سنين حست بالدموع تخنقها لانها هتفقد البنات اللي عاشت معاهم اجمل اللحظات ولا يمكن تنساهم حقيقي هتفقدهم وتفقد روحهم المرحه اتنهدت ومشيت كم خطوه شافت خالها محمد شاور لها تيجي راحت له بهدوء والعبره خانقها فين امها تيجي تودعها تقولها
كل اللي سمعتيه كذب هزت راسها بالرفض خلاص مستحيل تفكر فيها وولا كلمات الدنيا ممكن توصف جرحها وحزنها لان الكلمات لايمكن ترجعها لحضن امها اتنهدت بالم وهي ماشيه جنب خالها محمد .كان واقف ينتظر ريم مع انه حاول خالها انه يدخل لكنه رفض واعتذر باعذار واهميه نفخ وهو واقف مستني كأنه منتظر الاميره ديانا بقاله ساعه ملطوع وهو مستني حضرتها تشرف وشنطها من زمان بعتوها دي قاعده بتعمل ايه جوه وقف وفضل يضرب في العربيه بصوابع ايده عالخفيف وبعدها بدقايق شاف محمد جاي
ومعاه بنت متوسطه الطول لابسه فستان ضيق عالاخر وطرحه على راسها زي قلتها ونضاره كعب كوبايه بصلهم ورفع حواجبه
قرب محمد منه وبجمود : دي ريم استأذن انا معلش اخرناك
وبعدها سلم على ريم ببرود وساب المكانلفت خالد على ريم ورفع حاجب وبنظره قويه : ايه الفستان اللي لابسه ده
ريم بصت علي الفستان وبغرور : مش عجباك ؟؟
خالد بشر : مفيش داعي تلبسيه من الاصل لانه وجوده وعدمه واحد
مسكت ريم الفستان ووفضلت تفك زرايره
مسكها خالد بقوه : بتعملي ايه انتي ؟
ريم تظهر ملامح الغباء : بقلعه لانه ووجوده وعدمه واحد
خالد وهو يكتم عصبيته : غوري علي العربيه
مشت ريم للعربيه مسكها من ايدها بعد ما افتكر نادر : فين خمارك ؟
ريم ببرود : مش بلبسو وراحت للعربيه من قدام وقعدت تضحك
خالد بخبث وهو بيقول لنفسه اصلك ما تعرفيش حاجه عن البركان نادر قسمن بالله لو يشوفها بالفستان ده لا يكسر راسها انا مالي اتخانق مع المتخلفه دي لييييييه
.........قصص منه محمد.........
راح للعربيه وركب وبصلها وهي بتلعب في الكاسيت وتتذمر وبعدها بصت لخالد وهي مكشره بطريقه مضحكه: اكيد انت من اخوات نادر ماعلينا المهم مافيش اغاني يابتاع النعناع في العربيه دي
خالد فتح عيونه على وسعهم من قله ادبها : انا عمك خالد تاج راسك وبصلها بحده وانا مش بحط اغاني وقلت ادب في عربيت
ريم عوجت بوزها : طيب شغل الراديو
خالد طنشها
ريم بصوت هامس بس سمعه خالد : راجل كوباره هيجي من وراك ايه وربعت ايدها ولفت تبص من الشباك
اتغاظ خالد منها وشغل العربيه وعزم انه بكره يصبغ شعره وساق علي بيت ابوه
.......
صف العربيه ونزلت ريم بسرعة بتجري نزل خالد من العربيه ووقف يبصلها وهي بتجري فقد الامل منها وعزم 100/100 انها مخبولها وراح وراها بسرعةدخلت البيت من غير لا احم ولا دستور عطت نظره للموجودين استغربت الاشكال وبعدها بصت لجدتها نفس شكلها ما تغيرتش وقفت عصمت بعد ما شافت البنت عرفت انها ريم حست بالقهر والحقد عليها رجع من جديد بس اتفاجئت باللي جريت واتعلقت برقبتها
ريم وهي مبسوطة واتعلقت برقبة جدتها : عامله ايه يا عجوزه النار اشتقتلك امواه وباستها على خدها
الجده قرفانه ومسحت مكان البوسه : ابعدي عني ابعدي
نزلت ريم عالارض وبابتسامه اكبر : روحت ورجعت والوان الطيف لسه لزقه في وشك
قربت من جدتها
والجده تحاول تبعدها عنها وكأنها قرفانه بس ريم طنشتها وقربت منها وهمست ب كلامات في ودنها
بصت الجده لريم بكرة ووزعقت: يا قليله الحياء وبتهديد انا هوريكي يا حيوانه
ريم بعدت خطوات عن جدتها وبعدها جريت على جدها ونفس الحركه عملتها اتعلقت برقبته وباسته على خده : اشششششتقتلك يا شايب
الجد بصلها وقرب جبهته من جبهتها : شايب في عينك يا قليله الربايه وبعدها نزلها من رقبته وبهدوء خنقتيني انزلي انزلي يا مهبوله
نزلت وبعدها بصت لعمها سلطان اتمنت انها ترمي نفسها في حضنه بس في شئ منعها بس قربت وسلمت باليد بس سحبها سلطان وحضنها وباس راسها وابتسم لها بمحبه ابتسمت بهدوء بس في صوت خلاها تلف وراها ....: ريم
كانت ندي واقفه عند الباب يادوب داخله بصت ريم لندي وهي واقفه عند الباب اتمعنت النظر فيها على الرغم انها بقالها سنين ما شفتهاش بس عرفتها من عيونها ونبره الحنيه اللي دايما تلامس صوتها ما قدرتش تمنع نفسها ما وعت على نفسها إلا وهي متعلقه بندي وتحتضنها بقوه وازي ما تحضنهاش وهي كانت بمثابة الام واكتر اهتمامها لهفتها عليها معرفه كل الي ينقصها من غير ما تطلب
حضنتها ريم بقوه وحاست بمشاعر لا يمكن تقدر توصفها حضنها كان دافي بعكس حضن امها زادت باحتضانها
وصوتها خنقته الدموع وهي تهمس بصوت لندي : ليه سبتيني وما سألتيش عني ؟؟؟
كانت ريم مغطيه وشها في حضن ندي زادت ندي في احتضانها وانحنت وهمست في ودنها بصوت باكي : سامحيني يا بنتي وبغصه الظروف كانت اقوى مني وانتي عارفه ماترضيش ليا الضرر وبعدها رفعت نفسها شوي وباست خدها وبعدها خرجتها عن حضنها بهدوء وهي بصلها وقلبها متقطع على ريم
رفعت ريم راسها بهدوء ومسحت دموعها بشويش وبعدها اخدت نفس وهي بتفكر نفسها انها تنسى مصطلح اسمه دموع وحزن خلاص المصطلح ده لازم تمحيه من قاموس حياتها بعد ما اخدت نفس كانت تردد جواها شعارها -فنش- عش- تنتعش -وبعد ما اخدت نفس ابتسمت ابتسامه عريضة وهي باصه لعيون ندي : وحشتيني يا خالتي وبعدها بصت علي الموجودين بتمعن ومستغربه من الاشكال الجديده عليها وبعدها رجعت بصت تاني لندي ومسكت ايدها وهي
تلزق فيها وتبص في عيونها وبلهفه سألتها لاحظها كل الموجودين : خالتي فين عبود ؟ ليه مش موجود ؟؟؟ ولوت بوزها بطفوله
بدون من مايحس حد قرصتها ندي بكتفها علشان تنبها بأنها تسكت على امل ان مفيش حد سمع سؤالها وعطتها نظرها بمعنى اسكتي
بس ريم ببراءه فضلت تفرك مكان القرصه وكرمشت ملامحها وبصت لندي بعتاب على القرصه وبصوت مسموع للجميع : ليه قرصتيني ؟؟ وبابتسامه بريئه وهي تلتفت على الموجودين ضاربه بعرض الحيطه لبعض النظرات الناريه من بعض الموجودين وباسلوب عبيط : فين الواد عبود ليه ماجاش سلم عليا ؟ وسامي كمان فينه ؟؟؟
عصمت الي لسه واقفه وطبعا بترمي ريم بنظرات ناريه لو اخترقت ريم لحرقتها : ايه يا قليله الحيا وهي تشاور على ريم عاوزه ايه من الولد يا فاجره
الجد بعصبية بص لعصمت الواقفه جانبه وبحده وغضب من الكلمه اللي نعتت بيها ريم :رفع ايده وبتهديد اقسم بالله لو سمعت الكلمه دي تنعاد ما تلوميش الا نفسك سامعه
وبعدها بص لريم بحده وراح ناحيتها وقف ووبصلها : ورايا ع المكتب
وبعدها طلع رايح للمكتب رفعت ريم راسها لندي اللي كانت فرق الطول واضح وكأنها مترددة تلحق جدهاندي تطمنها لانه الوضع بالبيت مكهرب : روحي يا بنتي وابتسمت ابتسامه تطمنها بانت من عيونها
ردت ريم الابتسامه وهمت بالخروج بس رجعت بحماس وبابتسامه : خالتي والنبي قبل ما اطلع فينه عبود والله مشتقالو اوي العبيط
ندي بضيق من سماكة مخها اللي مش قادرة تستوعب انه سؤالها عن عبود ما يصحش شاورت على عبود اللي كان قاعد مع الشباب ووشه بقي احمر من الاحراج
لكن ريم بصت مكان ما شاورت ندي و عقدت حواجبها وهي بتدور عن عبود الصغير وبلحظه غباء منها نسيت ان عبود كبر وبعدها بصت لندي وهي عاقده حواجبها : فينه مش شيفاه كلهم كبار عبود مش معاهم
قرب نادر منها وصبره نفد ومسكها من دراعها واتكلم وهو يشد على سنانه : وقسم بالله اذا ما طلعتش حالا هطلع انا بروحك وجز علي سنانه من الغيظ وهو يتوعد وعقابك بعدين على الحركه دي امشي قدامي امشي اللي لا يباركلك وصرخ فيها امشي غمض عيونه لثواني وهو بيحاول يكتم عصبيته وشد على دراعها اكتر وكأنه بيفرغ عصبيته في دراعه
رجف ريم قلبها من الصرخه بس افتكرت الجوري ونصايحها قوت نفسها واتناست وجع دراعها اللي حسته اتفتت وابتسمت ابتسامه زادت قهر نادر : حااااااااااااااضر سيدي وحطت ايدها التانيه وهي تمثل التحيه العسكريه
وفلتت ايدها التانيه بصعوبه من نادر وجريت بسرعة باتجاه المكتب وهي بتضحك بصوت عالي لمجرد تغيظ نادر ووقفت علي باب المكتب وهي تبلع غصتهانادر والشياطين كلها اتجمعت فوق راسه كان نفسه يروح يضربها علقه موت بس في ايد مسكته من معصمه : اهدي يا نادر البنت لسه صغيره ما تحطش راسك براسها
نادر : بس يا فخري
فخري بهدوء : لا بس ولا حاجه خلاص البنت رجعت هنا وتقدر نربيها من جديد بس بشويش وسكت للثواني وبملامح جامده شاور لاخواته يحصله عالمكتب عند ابوه .......
******قصص منه محمد*********
خرجوا اعمامه وهو واقف متحنط مش قادر يستوعب عض على شفايفه من الغيظ وهو شايف ريم مش قادر يتصور ان دي خطيبته لا والمشكله جده قبل يومين اكد له بانه قريب هيكتبوا الكتاب والجواز بعد سنه غمض عيونه بقهر وقعد بتعب وهو
حاطط راسه بين ايده
ايهاب بعجز:يارب مش معترض على خلقتك بس وحشه وحشه ومافيش كلمه توصف بشاعتها وهي صغيره كان شكلها الطف من دلوقت يا رب طلعني من الورطه انا مش هممني لبسها المحزق لانه غصب عنها هتلبس عباية وطرحه كبيره انا مشكلتي في شكلها صح افتكرت مش هوافق الا بشرط اني اتجوز عليها واخطب نسرين وقتها مش هتفرق معايا اما انها تبقى في خلقتي طول حياتي ده في احلامهم مش مستعد ادمر مستقبلي او خلاص مش هتجوز طول حياتي واخليها معلقه معاي بقي
قطع سرحانه ومخططاته همسه رامي : اوعي تقول انك غيرت من عبود ؟؟
رفع راسه وبصله له بقهر وبهمس : حرام عليهم يظلموني بالجوكر دي يا رامي مش قادر اتقبلها وعض شفايفه بعجز ما حدش حاسس بالي جوايا
رامي حس بمعاناة صديقه وافتكر شكل ريم بالنضاره ووشها اسمر بقوه وقريب لدرجه السواد وفي حبوب خفيفه على وشها : ماتنساش انها فتره مراهقه يمكن تتعدل لما تكبر واعتبر نفسك انك واخدها تكفير ذنوب وكله لربك يهون
اتنهد ايهاب بقهر من رامي ومنهم كلهم: حسبي الله ونعم الوكيل
في مكان ليس بعيد بنفس المكان كانت عصمت مولعه وما خلتش شتيمه لريم الا وقالتها و نجوي تتحصر على ابنها اللي ضاع مستقبله وهيتحطم بجوازه من ريم اما سها مرات خالد كانت تزيد النار وتشحن فيهم
اما ندي ساكته ما تقدرش تعترض وساميه ساكته لانها مش بتحب تدخل في امور غيرها ..........وفي نفس المكان بس ناحيه البنات كانت الي ماسكه القعده في الكلام نسرين كونها اكبر واحده فالبنات : اللهم اعفنا واعف عنا شفتم شكلها بشع
اميره بقرف : مسكين اخويا سمعت ماما وبابا بيقولوا انه جدي حجزها لايهاب من زمان
سرين ووشها اتخطف : متأكده ؟؟ وبقت النار تلعب بقلبها وهي تقول لنفسها الغبره دي تتجوز ايهاب اااه ياني
لينا : اصلا ريم مش حلوه من لما كانت صغيره يعني ما تغيرش شكلها هي وحشه
سلمى كانت عاوزه تتكلم بس خافت يوصل الكلام لامها وتعاقبها لانها دايما تحذرها ما تتدخلش بامور ما تعنهاش
وكملوا نميمه بريم.......منه محمد
كان قاعد مع الشباب ومحروج منهم ومن نظراتهم ونغزاتهم بسبب الغبيه ريم احرجتني الحيوانه قال بتدور عليا هي فاكراني ايه لسه عبود الولد الصغير الله يقطعها هي وشكلها ده انا بقيت شحط هي وشكلها والله تقول انها جنيه وقسم بالله خفت من شكلها ده اللي ناقص كمان ابتلي بريم وعقد حواجبه وهو بيفكر معقول انها بتحبني!... ونفض الفكره من راسه حتى لو كان انا غير لينا مش هتجوز
البارت الرابع عشر
ورده في مزبله
خبطت باب المكتب بعد ما اخدت نفس وقوت نفسها دخلت بعد ما اذن لها جدها بالدخول سمت بالله ودخلت مشت خطوتين جوه المكتب وبعدها بصت علي المكان نظره
خاطفه وبعدها بصت لجدها اللي كان بصصلها بنظرات ناريه وهو قاعد على كرسي المكتب وبايده قلم يحركه يمين وشمال
شاورلها تقعد واتكلم بحزم : ما كانتيش جيتي احسن ممكن اعرف ليه التأخير يـ
قاطعه دخول عمامها اتنفست براحه قعد عمها سلطان جنبها وفي الجهة المقابله عمها فخري ونادر وعمها خالد كانت شايفه نادر بصصلها بتمعن وبعدها انقلبت نظراته كره وحقد بس طنشت والتفتت على جدها
......قصص منه محمد.......
بعد ما قعدت بص لريم بتمعن وهو رافع حاجب وهو بيقارنها بالبنت اللي كانت فالمستشفى لانه كان ناوي اذا كانت هي نفسها يقوم ويطلعها بجنازه، اتأمل ملامحها وبشرتها ما فيش شبه بينهم البنت الي كانت بالمستشفى اطول بكتير وابيض واجمل بكتير من الجوكر الي قاعده قدامه... فضل يتاملها سبحان الله ولا كأنها بنته من ناحيه الجمال حتى ولا طلعت لامها ساره فاكرها كانت شبه التلج بالبياض ،،قلب ملامحه كره لما افتكر ساره شك انها هي الي بصاله بس مش متاكد من النضاره اللي لا بسها والي يشوف النظاره يفكرها من عصر الجاهليه كانت النضاره شكلها مضحك وغريب ومش موضحه شكل العيون بعدها لفت ريم وشها لجدها بعد ما لوت بوزها لنادر
*^^^^^^^^^^^^
الجد بص لريم وبجديه بعد ما تنحنح: بالبدايه ورفع حاجبه ممكن اعرف ايه الي انتي لبساه ده
ريم وهي تصطنع البراءه وتبص لعبايتها : ده فستان وبعدها بصت لجدها وابتسمت بعباطه ما تعرفش الفستان؟؟
الجد بحزم : انا مش بضحك والعب معاكي انا بتكلم بجد انتي بتسمي ده فستان وايه فايدته اذا وصف جسمك كله وباسلوب رقيق يا بنتي اللبس الواسع ستره للبنت وحمايه ليها من الشباب الي مش بيخافوا ربنا،، البنت زي اللؤلؤة الغاليه مش كل واحد يشوفها ويلمسها لازم نخبيها عن عيون الناس سكت لثواني وبعدها كمل القر ف ده مش عاوز اشوفك لابسه وبكره روحي السوق واشتري عبايه فضفاضه وبهدوء اتفقنا
ريم كانت مقتنعه بكلام جدها من قبل ما يقوله بس في شي جواها مخليها تعترض وبنظرة لوم رفعت حاجبها و بنص عين : فينك طول السنين الي فاتت عن الؤلؤه دلوقت بس اكتشفتها وبهدوء عكس النار الي بقلبها كملت كلامها وبعدين انا مش برتاح الا اذا لبسي كلو كدا!
خالد بعنف من كلامها وواقفه ترد علي ابوه وكانها واحد من ولاده:عنك ما ارتحتي وكلام ابويا يتسمع غصب عنك مش بمزاجك فاهمه ولا تفكري انك غاليه وثمينه انتي اصلا ما تسويش تعريفه
لفت ريم لعمها خالد صحيح انه جرحها بكلامه بس طنشت وبابتسامه تغيظه وتحط رجل على رجل : اعصابك يا عم ليطق لك عرق وندخل بيك العنايه ونطلعك منها بعد عشر سنين ورفعت حواجبها ونزلتهم
وقف خالد متعصب ونفسه ياكل ريم باسنانه مسكه فخري وبحكمه وهمس له بالهداوه كل شي يتصلح مش بالزعيق ومسك ايده ورجعه مكانه
بصت ريم لجدها وبدلع تغيظ نادر وخالد : بس انا مش متعوده على الواسع والبنات فالمدرسه اذا لبست واسع هيتريقوا عليا
خالد اتفقعت مرارته خلاص من دلعها الي مش لايق عليها بنظره وبعصبيه وهو يبصلها : ان شاء الله يسخطك قرد فوق ما انتي قرده وكمان عماله تتدلعي
ويا مَن تسخَر من الناس في الصورة أو الشكل، أُذَكِّرُكَ بقول الله تعالى: ﴿ هُوَ الَّذِي يُصَوِّرُكُمْ فِي الأَرْحَامِ كَيْفَ يَشَاءُ لاَ إِلَهَ إِلاَّ هُوَ الْعَزِيزُ الْحَكِيمُ ﴾ [آل عمران: 6].
نادر اتعصب ونفخ ورجع ظهره على الاريكه و بتأييد لكلام خالد وهو يلوي بوزه : يامسيب الجاموسه عالبقر
سلطان بضيق منهم وبصلهم : استغفروا الله وصلوا عالنبي
علت اصواتهم بالذكر وبعدها بص الجد ريم : يا ريم خليهم يتمسخروا فالبدايه وبعدين يتعودوا ومين الاهم ترضي رب العالمين ولا صحابك في المدرسه
كانت ريم عاوزه ترد بس سمعت نادر يقول : انتي واحده عندك صحاب والله اشك ان عندك صحاب في المدرسه روحي شوفي وشك في المرايه مين المجنونه اللي بتصاحبك وعطاها نظرة وكانها شئ قذر
عطته ريم نظره عجز يفسر معناها ولفت على جدها اللي في نظرها حتى لو مش بيحبها بس واقف معها وفي صفها وقررت تستغله لصالحها : عارفه ان كلامك صح بس انا عشت في بيئه كل حاجه عادي وفجأة كل شئ ممنوع صعب عليا اتقبله صح ؟
الجد بمواقفه لكلامها : صح كلامك كل شئ بالتدريج
ريم بابتسامه لجدها : خلاص في اي وقت انزل للمحلات واشتري هدوم واسعه
نادر باعتراض : مالوش داعي تروحي احنا نجيب المحلات لحد عندك
الجد بحزم : نادر اظن انا الي بتكلم مع البنت وانا الي اقرر انها تروح او لاء وبعدها كمل وهو عيونه علي ريم وبلهجه لطيفه خلاص خلال اليومين تروحي وتشتري فساتين واسعه على مقاسك اتفقنا
ريم بابتسامة نصر خلت نادر وخالد يولعوا من القهر : اتفقنا
الجد بهدوء : النقطه التانية حجابك يبقي اسلامي ؟؟ احنا ما عندناش بنات شعرهم طالع من نص الحجاب شوفي اختك سلمى اصغر منك ومع ذلك ابوك غصب عليها تلبس النقاب علشان كدا من دلوقت تلتزمي عشان ولاد عمك وما تقوليش انك متعودتيش و حياتك هناك في بيت خيري انسيها لانها ولا تناسبنا فاهمه
بصت ريم نظره خاطفه لخالد ونادر كانوا بيبصولها بنظره انتصار بس لالالا مستحيل تخليهم يفرحوا بنصرتهم انتبهت لجدها وبملامح جديه : طلما بيئتهم مش تناسبكم ليه رمتني عندهم ولا كلفت نفسك تسأل عني علشان كدا ملكمش حق تنتقدوا او تعترضوا على تصرفاتي ده حصاد زرعكم فامحدش يلوموني وبعدها رخت ملامحها وبصت في الارض وبهدوء اتكلمت
كان نفسي البس واسع و حجاب طويل
نادر بعصبيه :انتي المفروض تلبس نقاب تداري سحنتك عن البشر!
ريم بتريقه : كان نفسي يا دوك البسه بس قبل فتره تعبت ورحت عالمستشفى وقالي الدكتور ان عندي ضيق بالتنفس وعشان كدا مقدرش البسه
سكت الجد وفكر بكلامها وبعدها بص لنادر الي العصبيه ظاهره على ملامحه : كذابه يا بابا ما تصدقهاش ايه يضمن لنا صدقك وبص لريم وماسك نفسه عن ضربها
رفعت ريم راسها كان امنيتها ترد على نادر بس انصدمت من الكف اللي نزل على وشها من نادر وعيونه احمرت من العصبيه وهو يشاور بايده : ما تكدبيش فاهمه والنقاب تلبسيه غصب عنك من غير لف ودوران فاهمه
كانت هتضعف لكنها افتكرت لاخر لحظه انه مصطلح البكاء مسحته من قاموسها وافتكرت شعارها ابتسمت لنادر وبعدها بصت ل جدها الي كان يشاهد الموقف مندهش : اذا مش مصدقني بكره نروح على اي مستشفى عشان تصدقوا والاوراق معاي وبابتسامه حماسيه عشان تقهر نادر اروح اجيبهم وقامت عشان تروح
بس وقفها صوت جدها الحازم : خلاص صدقتك اقعدي وشاور على نادر وعطاه نظره قويه : اخر مره ايدك تمدها عليها وخاصه بحضوري البنت مش طفله تضربها البنت بقت كبيره وقريب هتبقي عروسه مفهوم وبعدين نقاب ايه في السن ده والله انا بقيت محتار في امرك
رجع نادر مكانه قعد وهو شادد على سنانه من القهر : حاضر،،ولنفسه ابشع عروسة الله يعوضك يا ايهاب
طنش الجد اعتذاره كالعاده ووجه كلامه لريم بابتسامة : خلاص النقاب انسيه خالص وانا هاخدلك معاد بالمستشفى عشان ترجعي هناك وتتحسن صحتك وبعدها سأل وهو عاقد حواجبه صحيح ايه هو سبب ضيق النفس عندك ؟؟
راحت ريم نظرها على نادر وبعدها بصت لجدها وهي تبتسم بعباطه : اتزحلقت رجلي في البسين وغرقت لدقايق وسببت ليا ضيق بالتنفس
نادر بصوت واطي بس سمعه الموجودين : ياريتك غرقتي وموتي وخلصنا منك
بصت لنادر وحست ان حد ضربها بسكينه وطعنها اذا ابوها يتمنى لها الموت مش هتلوم ولا تعتب على الباقيين تروح فين نفسها تعرف ايه هو الذنب الي اقترفته ايه ذنبها تعيش منبوذه الكل يكرها اذا ابوها كدا اللي المفروض يدافع عنها وياخد بحقها ولا يسمح لحد يذلها او يكسرها ،،، جرحها جرح عمرها ما هتنساه طول حياتها اخدت نفس وهي حاسه بنار في جوفها وهي تتجرع المر خلااااص مش قادرة تتحمل اكتر عضت شفايفها بقهر كلامه كانت طعناتها اقوى من القلم غمضت عيونها ورفعت راسها لفوق وهي بتعض على شفايفها وبعدها نزلت راسها وحطت ايدها على بؤها تمنع شهقاتها تطلع شهقات مليانه ذل وانكسار ضيق عجز حرمان وتشتت خلاص تنعي جرحها وقلبها مش قادر يتحمل و يصبر اكتر حاسه بنفسها خلاص تبعثرت وزاد ضياعها امتى يرحل حزنها ؟!
امتى تلملم ضياعها؟!!
امتى تودع همومها واحزنها ؟!!!
شدت اكتر بايدها على بؤها وهي بتحاول تكتم شهقاتها ومجرد ما حط عمها سلطان ايده على كتفها هنا ماقدرتش تتحمل اكتر وقفت وجريت بره المكتب وشهقاتها اللي مالت المكان خلاص حست نفسها مخنوقه مش قادره تتتحمل اكتر جريت باتجاه السلم وطلعت اوضتها ودخلت بسرعة وقفلت الباب وقعدت ورى الباب على الارضية واتكورت على نفسها ودخلت بنوبه من البكاء لعلي كل همومها والضيقه تفارقها جرحوها حست كلامه نار تكويها بتحاول تنسي كل المواقف بس لحد امتي هتفضل تتحمل كل الطعنات دي مش كفايه دبحوها بجفائهم حاسه خلاص هتموت من القهر كانت نفسها النهارده تنادي كلمه بابا الكلمه الي اتحرمت منها 15 سنه
حرموها من كلمه بابا تعالت شهقاتها مش قادرة تسيطر عليهم مش قادرة فوق احتمالها كل الي مرت بيه
عضت على شفايفها من القهر لدرجه انها حاست بالدم نزل من شفايفها هنا الدم غلي في نفوخها لما افتكرت نظرتهم ليها وده اكتر شئ واجعها النبذ وكأنها شي مقرف او مرض معدي خايفين لتعديهم بيه افتكرت امها وهي تردد انها ولا تفرق عنهم بتكرهم بتكرهم كللللهم
ضاقت الدنيا بعيني .....وذبلت اوراق العمر
وانكسر قلبي بحزني .......وصَاحت امواج البحر
اندفن فرحي بحزني ........ومات من قلبي الصبر
*******قصص منه محمد**********
بعد ما طلعت ريم وشهقاتها رجع صداها بالمكان وقف الجد بعصبيه : انت ما تعرفش تمسك لسانك ؟؟؟ من يوم ورايح كلمه واحده مش عاوز اسمعك تتكلم معها مالكش فيها من يوم ورايح سمعنييييي
وضغط على اسنانه من الحزن ووطلع برا المكتب وبعده قام سلطان وعطى نادر نظره لو كانت النظره تقتل لقتلته في الحال وبعدها طلع وضرب الباب وراه بقوه ووقف يمسح دمعه نزلت من عينه ....
حط نادر راسه بين ايده واتنهد بندم ماكانش متوقع انها تتاثر ويكسر بخاطرها وعض على شفايفه بندم وهو يردد جواه يا رب حط حبها في قلبي كان حاسس بالندم ريم البكر عنده المفترض يكون لها ميزه عن اخواتها بس اتنهد بتعب ورفع راسه وسندها على الكنبه وغمض عيونه مع شعوره بالندم لكن رافض يعترف بالخطأ بيكابر بعدها وقف وطلع من المكتب ووراه خالد وفخري الي كانوا ساكتين بدون تعليق يذكر ....
........قصص منه محمد..........
كانوا الاغلب واقف قريب من المكتب مستغربين من الوضع لما سمعوا الشهقات العاليه خرجوا من المكان بفزع بس شافوا ضل ريم وهي في اخر السلم وهي بتجري وبعدها بدقايق خرج الجد ووشه متهجم وولا كلمهم وخرج من البيت وبعده سلطان الي رزع الباب بقوه نط البعض منها واستغربوا من عصبيته وما حدش عارف ايه الي حصل
عصمت بفرحه : اكيد الحيوانه اكلت ضرب يعدلها ويعدل دلعها
سها وهي مبسوطه : اكيد يا حماتي والدليل صوت بكاها اكيد اكلت علقه سقع تعدلها
خرج نادر ووشه اسود وبعده خالد وفخري والكل ساكت ما حدش اتكلم وخرجوا من البيت والكل على وششهم علامات استفهام ما حدش عارف ولا فاهم حاجه
نزل طفل من السلم وهو بيجري : ماما البنت اللي فوق بتعيط
سها بتشكيك : وانت ايه الي عرفك ؟؟
الطفل وكأنه اذاعه اخبار : اصل مرات عمي ندي بتخبط علي الباب علشان تفتح بس ما فتحتش بس صوت العياط طالع منها
عصمت بشماته : خليها تستاهل
وبعدها بدقايق نزلت ندي بهدوء ولما وصلت سألتها عصمت بتحقيق : مالها بنت ساره بتعيط ليه
بصت ندي لعصمت وهي بتحاول تعدل صوتها علشان ما يعرفوش انها كانت بتبكي : ما عرفش رفضت تفتح الباب وعشان تقفل اي حوار لكلام تاني التفتت على اولادها : يالا عالبيت وبعدها استأذنت وطلعت من البيت وحاسه حالها مخنوقه على ريم بس مفيش بايدها شئ اتنهدت بتعب وهي مطنشه اسئله اولادها
لوت عصمت بوزها بعد ما طلعت ندي : والله الوليه دي ما فرسني غير طيبتها وحساسيتها الزايده قلبها رهيف
ورجعت الصالون شافت البنات واقفين عند باب الصالون عاوزين يعرفوا في ايه نهرتهم الجده وبسرعة دخلوا جوه الاوضه بعد التهزيئه .....
مسك رامي ايد ايهاب وشاور لعمر وبدر يحصلوه وطلعوا للجنينه وعند الباب شافوا صقر داخل
صقر بابتسامة : اخباركم يا شباب
رامي بابتسامة : اهلا اهلا كملت لما شفتك كنت فين يا حلو ؟؟
صقر : لا والله ورفع حاجبه يا رزلتك يعني قدامك واقف راجع للبيت اكيد كنت في الشغل
عمر : تعال اقعد معنا ؟؟
صقر وهو يتثاوب : تعبان ونفسي اخد دش واناااااااااام وارتاح من قرف المستشفى
بدر يغري صقر : انت حر بس فاتتك احداث خطيره
صقر بتشكيك : واو احداث خطيره حلاوتك يا خطير انت بس ايه هي الاحداث الخطيره ؟؟
عمر بهزار رخم : كان نفسنا نقولك بلاش تدخل جوه لان الوضع متكهرب بلاش لتضربك الكهرباء وتموت هههههههه وضرب كفه بكف بدر
صقر عقد حواجبه : يا سخافتكم انتم الاتنين يعني دخلناكم جامعه بالواسطه علشان تبقوا بني ادمين وفي الاخر تقال ورخمين
بدر يستخف دمه : والله انا زدت كيلو بعد الجامعه
عمر وهو يضحك : ههههه وانا كمان زاد وزني بالجامعه 2كيلو
صقر كور ايده كأنه هيضربهم : زاد وزنكم من المواد الي شايلنها
بدر وعمر سكتوا وحسوا وكئن سطل مايه نزل فوق راسهم وانكب عليهم
رامي بابتسامه راكزه : الحمد لله انك سكتهم واذا تعبان روح ووبلاش ترد عليهم ما فيش حاجه بس ريم جات
صقر بفرحه : طيب في حد جوه ؟؟
ايهاب بهدوء وهو متكتف : ما فيش غير الحريم
صقر باستغراب : و الباقي فين ؟؟؟
بدر بابتسامة : ماهي دي الاخبار الخطيره الي كنا هنقولك عنها تعال تعال ومسك ايده تعال عالمقر السري خلينا نقولك ايه الي حصل احداث من الاخر
انطاع صقر ومشي معاهم للمقر قعدوا طبعا صقر بيحب يسمع الاخبار من بدر وعمر يدوله الخبر بالتفصيل مش زي رامي وايهاب الي يا دوب تطلع الكلمه منهم بالضلين وكل شئ عندهم يحكوه باختصار
بدر بدء يحكي من اول ما جات ريم بالتفصيل حتى شكلها وصفه وكان وهو بيوصف يبص لايهاب نظرات خاطفه خايف منه يقوم يدوس علي بطنه بيوصف خطيبته بس ايهاب ولا حتي علق لانه كان سارح بخياله ولاسمع حاجه من كلام بدر
صقر وهو عاقد حواجبه : طيب هي مخبوله عقلها فيه حاجه وهي بقوه عين عاوزه تشوف عبود
عمر : ده الي جالك خدي الاتقل وبعدها دخلوا عمامي معها عالمكتب وبعد وقت سمعنا صوت عياط وشهقات لما طلعنا كانت ريم اخر السلم وبعدها طلع جدي وبعده عمامي متعصبين وما حدش اتكلم معنا وطلعو من البيت كله
صقربتفكير : امممم يمكن حصل خلاف ولا حاجه
وعمر وهو مش مقتنع : طيب ليه عمامي طلعوا متعصبين ؟؟؟
صقر بستياء: يمكن اتعصبوا من لسانها الطويل
رامي : يمكن جدي فاتحها بموضوع خطبتها لايهاب
لما ايهاب سمع كلمه خطبه صحى من سرحانه
صقر بضيق : يمكن احتمال كبير بس حرام البنت صغيره
ايهاب بقهر : حرام صغيرة وانا مش حرام يبلوني بيها ااه انت ما شفتش شكلها وعض على شفايفه بقهر
صقر بهدوء : عمر الجمال ما كان كل حاجه الاهم الاخلاق والادب
ايهاب بص لصقر بغيظ : اهه انت قولتها بعضمه لسانك اهم حاجه الاخلاق فين الاخلاق لابسه فستان هيتفرتك من كتر ما هو ضيق ...فين الادب لسانها اطول منها ولا بتخلي لا كبير ولا صغير إلا ترد له بدل الكلمه عشره وفوق كل ده وحشششه وحط ايده على راسه وبألم مش قادر استحمل راسي هتنفجر من كتر التفكير
سكت صقر لانه مش لقي شئ يواسي ايهاب بيه !
بصلهم ايهاب بقهر وانفعل عليهم : كله بسببكم حطيتوها برقبتي وبلتوني بيها وبعدها قام وساب المكان وهو حاسس الدنيا ضاقت بيه
صقر اتنهد بزعل : ربنا ييسر الاحوال واستأذن وروح للبيت
مرت الليله بسلام
&&&&&&&&&&&
الصبح عند ريم
صحيت الصبح ولقت نفسها نايمه عند الباب ولسه زي ماهي لابسه هدومها والطرحه على راسها اتحاملت على نفسها ووقفت بتعب وومشت بخطوات بطيئة متعبه للمرايه بصت علي نفسها اتخضت اول ما شفت شكلها اتسرعت بس افتكرت انها حطت ميكب للتنكر امبارح قبل ما تيجي هنا عباره عن كريم اساس للتسمير وحطت فوقه بلاشر بني غامق واستغربت من نفسها ولبست نضاره ومالبستش كعب عالي علشان تبعد شكوك نادر عنها وما يعرفهاش بس دلوقت خلااااص ولا عادت تفرق معها ولا مش عاجبه يشرب من المحيط هي دي حياتها ...رماها ولا سأل عنها وجاي يحاسبها خلاص بعد امبارح قلبها مات وموتت معاه الاحساس ما بقاش يفرق معها وهتقهرهم ببتسامتها المستفزه وشدت قبضه ايدها بقهر وندم ازاي ما مسكتش نفسها قدامهم عن العياط ..اتنهدت بألم وبعدها دخلت الحمام واخدت دش
تريح فيه اعصابها وشافت شنطت هدومها على الارض قربت منها بشويش وفتحتها بملل واحتارت تلبس ايه لكنها بالاخير قررت تلبس برمودا سوده مع بلوزه حمرا ... لبستهم وبعدها بدأت تمشط شعرها بعد ما مشطته سرحته بشكل طفولي جدا وخاصه انها ماحطتش ميكب واللي يشوفها يفكر عمرها 10 سنين قربت من الس رير ورميت نفسها عليه بتعب وهي مستلقيه على بطنها قررت انها مش هتطلع النهارده برا وفي
نفس الوقت خايفه هو مش خوف بس هي مش بتحب حد يتهمها بشئ هي ما عملته يعني الشباب بالمول هما نفسهم الموجودين تحت اذا شافوها وافتكروها انها اللي كانت بالمول اكيد هيلبسوها تهم
مالهاش اساس غمضت عيونها وهي محتاره ترجع تحط من كريم الاساس المسمر اففففففف والله محتاره بس الجوري وبنات خالها قالولها انها بالمكياج مش هي نفسها ريم حاليا فرق شاسع ومستحيل حد يصدق انها نفس الشخصيه وغرقت بالنوم من غير ما تحس وهي محتاره كانت حاسه في صوت خبط علي الباب بس دخلت مع احلمها ووبقت بعالم الاحلام .....
........................
عدوا 6 ايام على وجود ريم في بيت جدها ولا خرجت من اوضتها كانت الخدامه تحضر كل وجبه في وقتها سألتها
عن جدها قالت لها مسافر وسألتها امتى بيرجع قالتها ما تعرفش قعدت على tv تتابع فيلم من بعد
ما راحت عند خالها اتغير تفكيرها حتي افلام الكرتون وقفت عن متابعتها كله افلام ومسلسلات <
وعدا اليوم عليها ممل كالعاده حتى المدرسه اجازه ومابقاتش تروح
خلاص قرفت من الحياه ولا عادت تهمها الدراسة رجعت للتلفزيون وفاتت ساعات على نفس القاعده
بالليل سمعت صوت الخدامه جايبه عشاء بس طلبت منها ترجعه ما كانش ليها نفس للاكل رجعت مكانها تتابع بصمت واستغربت حتى
ندي بعد اليوم اياه ولا رجعت بس اتوقعت عندها ظروف يمكن جدها او عصمت مانعوها لانها
افتكرت انها قالتلها اكيد ما ترضليش الضرر يالا على كل حال ربنا يوفقها ونامت وهي بتدعلها ......
صحيت على دقات الباب قامت مفزوعه وبسرعة وقفت وراي الباب.
سألت مين من غير ما تفتح الباب ردت الخدامه وهي بتبلغها ان جدها طالبها وطالب كمان تلبس
هدوم واسعه وطرحه وتنزل تحت استغربت وكانت عاوزه تطنش بس اترجعت وقررت تنزل!!!!