رواية العاصي
الفصل الرابع الخامس والسادس
بقلم كنزي حمزه
الفصل الرابع
عاصي:عقدتك ليه بس يا فرج
حسنه:تصدق يا سي عاصي انا هاقول لستي فاطنه ترجعني البلد مخصوص عشان اخلص من الاسم ده
عاصي:هههههههه اخص عليكي يا فرج واهون عليكي تسيبيني وتمشي
حسنه:بص انا هاروح اجيب بقيت الاكل احسن
خرج والده من الغرفه علي صوت ضحكاته:
صباح الخير علي نيم الكل علي زعبيبه وصاحي هو مفرفش
عاصي:هههههه صباح النور يا حج تعالي افطر معايا
فضالي : لاء مش عايز افطر دلوقتي اعمليلي قهوه يابت يا حسنه
حسنه من المطبخ:حاضر يا عم الحج
عاصي:قهوه عالصبح كده مش بعاده يعني ماتفطرش
فاضلي:لاء ماليش نفس وانت هتنزل الوكالة ولا هاتروح المكتب
عاصي:لاء هاخد حمزه ونروح نبص علي العماره آللي بنبنيها عشان صاحبها هايقبالنا هناك
فضالي: طب والراجل تاجر الغله ده نسيت امبارح اسألك عملت معاه ايه لما كلمته
عاصي: اه ما احنا ملاحقناش نتكلم هوكان عايز يغلي علينا نقلة الرز اللي هايوردها المره دي الضعف بسبب غلو النقل فأنا قولتلو خلاص انا هاجي انقله من عندك
فضالي:هاتروح البحيره تنقل ه انت يا عاصي دا هايبقي تعب عليك
عاصي:معلش يابا الراجل ده اصلا كل شويه يغلي علينا احنا هناخد منه المحصول بتاعه بس المره دي بس عشان واخد عربون وبعد كده مش هنتعامل معاه
فضالي:طب ما يرجع العربون وخلاص ونشوف غيره
عاصي:يابا الناس كلها باعت ومش هنلاقي حد لسه مباعش محصوله عشان خلاص الرز قرب يتجمع من الارض
اومال امي فين
فضالي:هاه بينها لسه نايمه
عاصي:باينها ليه هي مش بايته في اوضتكو ولا ايه
فضالي:لاء باتت في اوضتك القديمه وقبل ماتسألني ليه هاقولك عشان انا عايز كده
عاصي:دا كان معاها حق بقي يا ابا
فضالي: كان معها حق في ايه هي بخت السم في ودانك انت كمان من نحيتي ولا ايه
ترك عاصي قطعة العيش من يده بغضب وهتف في ابيه بنبره شبه عاليه: سم ايه اللي هتبخه
امي مش حيه ياابا عشان تبخ السم ركز كده وفوق من اللي انت فيه ده من امبارح شوف مين اللي شيالك طول عمرها ومعاك في المره قبل الحلوه ومشافتش منك غير كل قسوه وكره
طول عمري بسأل نفسي ليه بتعاملها كده بس بقولك ايه انا لو حد جيه علي امي هاجي عالكل
وفجأه تلقي صفعه علي وجهه من ابيه: انت فاكر ياض اني عشان بكبر منك قدام الكل هاتكبر عليا انا دانا افعصك تحت جزمتي
حسك عينك ترفع صوتك ده عليا تاني واذا كان علي كرهي ليها ابقي اسألها انا بكرها ليه وهي قبلت عيشتها معايا رغم كرهي ليها ليه
دلف حمزه اثناء هذا الحوار المشتعل وقف كحاجز بينهم حتي لا يتطور الشجار الي اكثر من ذلك بينما فتحت هي باب الغرفه ووقفت تنظر لهم بكل خوف ان يتحدث والده بأي كلمه تخص الماضي
عاصي: انت بتضربني ياابا طب انا مش هسألها انا بسألك انت
فضالي:مش هقولك غير كلمه واحده بلاش تنبش في الماضي لأنك لو عرفته هتكرها اكتر مانا بكرها يا ابن فاطنه
ثم تركهم واتجه الي باب الخروج ونزل الي الوكاله
ادار عاصي وجهه الي امه وهتف: ابويا يقصد ايه بالكلام ده يااما
لم تجيبه ودلفت الي الغرفه مره ثانيه واغلقت الباب خلفها
كاد ان يذهب خلفها ويفتح هذا الباب ويدخل اليها
الا ان يد حمزه الممسكه به جيدا اعاقته ووقف بجسده كله امامه ثم هتف:عشان خاطري يا عاصي هدي اللعب شويه وسيبها تهدي وابوك كمان يكون هدي ولما نرجع نبقي نتكلم بهدوء
لم يتكلم واستدار مع اخيه الي الخارج نزل الي سيارته هو اخيه بينما توقف حين تركه وذهب لكي يفتح لابيه باب الوكاله ويخرج البضائع امامه مثل كل يوم
لم يستدير او ينظر اليهم ولكن ابيه هتف
فضالي:روح لاخوك ياحمزه كفايه كده
دلوقتي هانده للواد حمص يجي يساعدني روح انت عشان ماتتأخروش
حمزه: ليه كده يابابا دانت طول عمرك واخده صاحبك وعمرك ما مديت ايدك علي حد فينا
فضالي : مش وقته يا حمزه روح دلوقتي وبعدين هانبقي نتكلم
كاد حمزه ان يرد عليه الا انه خرج سريعا من الوكاله حين هتف اخيه بصوت مرتفع
عاصي: يلا يا حمززززززه والا هاتخليك النهارده كمان
حمزه:حاضر جاي اهو
ركب بجانب اخيه وقاد الثاني السياره بسرعه رهيبه
وقف هو خارج الوكاله ينظر اليهم الي ان اختفت السياره من امامه رفع رأسه للاعلي باتجاه شرفة منزله وجدها واقفه تبكي بشده نظر اليها بأذدراء ثم دلف الي وكالته وجلس علي مقعده خلف المكتب واضع رأسه بين كفيه
مر الوقت ببطيء علي ناس وسريع علي ناس بينما كان الوضع مختلف في بيت الحاجه توحه
كانت البناتان نأماتان حتي وقت الظهيره بينما استيقظت روقيه باكر مثل عادتها وفطرت هي ووالدتها ثم جلست تحتسي معها الشاي
هتفت توحه:البنات لسه نايمين ياروقيه
روقيه:ايوه يا ماما هو كان في حد بيزعق الصبح بدري ولا انا بيتهيألي
توحه:لاء ده كان فضالي وابنه صوتهم كان عالي بس معرفش ليه
المهم مافيش اخبار عن المخفي اخو جوزك ده
روقيه:لسه ياماما انتي مستعجله علي ايه تلاقيه لسه معرفش ان احنا رجعنا مصر اصلا
توحه:ربنا يبعد عنيه عنكم
روقيه:يا رب
غمزه:صباح الخير
روقيه :صباح النور
توحه:صباح الفل عالست العرايس بس لو تبطلي لماضه شويه
غمزه: هو انا عملت حاجه يا نانا والله داانا طيبه خالص ومش بحب المشاكل حتي
توحه:تعرفي يا بت ياغمزه انك طبعك قريب من طبع العاصي
روقيه: حرام عليكي يا ماما ده عصبي ومش بيتفاهم خالص
توحه :بس طيب وتكسبيه بكلمه
هههههه طيب ايه بس نانا دا حتي اسمه مش بيدل غير علي الشر هتفت بها غزل القادمه من غرفتهم
توحه :العاصي لاء دا الاسم ده لوحده ليه حكايه اقعدو اما احكيلكو
جلست غمزه وغزل بجانب جدتهم وبدءت تحكي لهم
توحه:العاصي لما اتولد كانت ولادته صعبه اوي امه قعدت يومين تعابنه في ولادته ولما جيه الدنيا رفض يرضع منها ابوه جابله كذا واحده علي اساس يرضع من اي حد رفض نهاءي وحتي اللبن الصناعي مش كان بيرضي ياخده لكنه ماكنش بيعيط زي باقي العيال اللي في سنه ودوه للدكاتره وكلهم قالو انو طبيعي ومافيش حاجه تمنعه من الرضاعه
قعد٣ ايام علي كده عايش علي المحاليل امه وابوه قالو خلاص هايموت وابوه مارديش يسميه ولا حتي يطلع ليه شهادة ميلاد وفي اليوم التالت من ولادته كان ابوه قاعد قدام الوكاله هو وجده دخل الشارع راجل سوداني
ماسك في ايده ناقه( انثي الجمل) الراجل جيه جنب الوكاله وقعد يأكل الجمل ويحلب اللبن منها
نده عليه ابو عبد الرحمن وقاله يقعد يشرب معاهم الشاي وحكاله علي حفيده
الراجل السوداني قاله طب ماتجرب تشربه لبن الجمال
عبد الرحمن خاف علي ابنه وقاله احسن يبقي تقيل عليه والواد مايستحملش
الراجل قاله جرب هويعني ابنك كان راضي بحاجه تانيه ابنك شكله من صغره عنيد وشديد وهايبقي راجل مافيش حد يقدر عليه
طلع عبد الرحمن واخده ونزل بيه
والراجل اول ماشافه قاله
يا هلا بالعاصي اللي جاي الدنيا بيعاند في الكل
جاب الراجل اللبن وفضاه في كوب وبقي يسقيه بالمعلقه وهو يشرب منه وقبل اللبن
فرح ابوه وجده واصرو ان الراجل هو اللي يسميه
وفعلا الراجل سماه العاصي وفضل سايب الجمل ليه هنا سنه عشان يرضع من لبنه ويكبر عليه واتصاحب مع عبد الرحمن وابوه وكان في بينهم تجاره في العطاره والحبوب والحاجات دي لحد فتره مش بعيده
غمزه: ياه يا نانا داانتو عاملينو بطل من صغره بقي
توحه: بكره لما تعرفوه كويس انتو كمان هاتقولو عليه كده
خرجت غزل الي الشرفه ورأت الطفل زين وهو خارج من المنزل متجه الي جده وهتفت
غزل: زين يازين
زين:نعم عايسه حاجه
غزل:صباح الخير تعالي العب معايا
زين:انتي بتلعبي كوله انا هالعب كوله (كره) مع اصحابي
غزل:كده يازين تعالي ونلعب بلاي ستيشن مع بعض
زين :طيب يا غسل هاقول لجدو عسان مايزعلس مني
دلف زين الي جده داخل الوكاله
زين:جدو يا جدو
فضالي:ايه يا زين مالك نازل زعلان كده
زين:تيتا فاطمه كانت بتتخانق مع حسنه وصحيت من النوم علي صوتهم ولما جيت اكلمها زعقتلي وكانت هاتضلبني بس حسنه خرجتني من قدمها عسان انزل بسلعه(بسرعه)
فضالي:اه بطلع اللي فيها في اي حد طب معلش انت فطرت ولا ملحقتش بقي بعد ده كله
زين :لاءه انا عايز لبن يا جدو
فضالي:حاضر يا حبيبي اقعد وانا هاجبلك فطار ولبن
زين:غسل كانت عايزاني اطلع العب معاها ممكن اطلع بعد ما افطل
فضالي:مين يابني غسل دي
زين:غسل دي اللي عند تيتا توحه
فضالي:لاء بلاش احسن ابوك يجي يعمل مشكله
زين: طب هاتصل بيه علي الموبايل وقوله
فضالي:مش هايردي بلاش عشان هو كان متعصب الصبح بلاش عشان مايزعلش منك
زين :يووووه بقي حاضل طب هاتلي بقي افطل يلا
فضالي:هههههه طب انده للواد حمص من القهوه يلا
وقفت غزل تنتظره في الشرفه وخرجت لها اختها وقفت بجانبها
غمزه: واقفه كده ليه ياغزل
غزل:ببص علي زين ولد جميل اوي يا غمزه
غمزه: مين زين اه ابن البطل عاصي ههههههه بس فعلا ولد امور اوي تلقيه شبه مامته بقلمي/كنزي حمزه
مش شكل بابه خالص
غزل:اه فعلا بس احنا مش شوفنا مامته ولا جدته يمكن يكون شبهم استني هانده عليه تاني
غزل:زين انت مش هاتيجي ولا ايه
زين: جدو قالي مش هاينفع وكمان بابي
نزل متعصب وزعلان ومس هاينفع اتصل بيه
غزل:طب انت عايز تيجي تلعب معايا لوعايز انا ممكن انزل استأذن جدو بنفسي
زين:انا عايس بس هافطل مع جدو الاول سويه كده ونفذي الخطه بقي
غمزه وغزل:ههههههههههه
غمزه:والله انت واد سكر خلاص افطر وهي هاتنزل تقول لجدو
زين:ماسي وانتي كمان هاتبقي ثحبتي وتلعبي معانا
غمزه:وانا موافقه جدا
مر وقت ما يقرب من ساعه ثم اتجهت غزل الي اسفل في اتجاه الوكاله
دخلت بين النساء التي تشتري اشياءها من المواد الغذائية وهي تراه يجلس ويلعب في هاتفه علي مكتب جده غمزت له بعينيها واعتدل هو في جلسته يترقب ما يحدث
ثم هتفت
غزل: صباح الخير يا عمو عبد الرحمن
فضالي: اهلا صباح النور يا ست البنات عايزه حاجه يا انسه غزل
غزل: هو في الحقيقه انا كنت عايزه زين يجي يقعد معايا انا وغمزه شويه ولما قولتله قالي جدو مش راضي فانا نزلت استأذنك أخده ومش هيتأخر
فضالي:ايوه بس يعني ابوه لو جيه مالقهوش هايضايق انو عمل كده من وراه وهايزعل منه قوي
جري زين علي جده واحتضنه من قدمه وهتف
اول ما هيتصل بيا هاقوله والنبي ياجدو عسان خاطلي وافق
فضالي: طيب طيب خلاص بس ساعه واحده وتنزل علي طول
زين:حاضل ياحبيبي ثم امسك بيد غزل واتجهو الي خارج الوكاله
ثم صعدو الي منزلهاودلفو اليه
غمزه:اهلا اهلا يا جميل
زين: اسيك انا اسمي سين
غمزه: اه عارفه انت مش تعرف اسمي انا اسمي غمزه
زين:غمسه ياعني اسمك كده 😉
غمزه: ههههههه بالظبط اسمي كده ايه رأيك بقي
زين ده حلو اوي تعالي نتصول انا وانتي علي موبايلي عسان اوليها لبابي اصل بابي بيحب البنات الحلوه
غمزه: لا والله طب ايه رأيك نتصور بي موبايلي انا ومش نخلي بابي يشوفها
زين: هههه ماسي وهاغيظو بقي واقوله انا اتصولت مع غمسه الحلوه وانت لاءه
غزل: ههههه ياعني هي حلوه وهاتصور معاها وانا لاءه كده برضو دانا صاحبتك قبلها حتي
زين وهو يقترب منها بصوت واطي:لاء انتي احلي منها بس عسان تاخد علينا كده وتلعب معانا وكده
غمزه:ههههههه اه دا انت بتوقعنا احنا الاتنين بقي يا نمس انت شكلك مش سهل خالص
طالع لبابك ولا ايه
زين:بابي عاصي حلو اوي وطيب اوي وبيجبلي كل حاجه حلوه وحمسه كمان وجدو
بس تيتا فاطمه لاء
توحه:اهلا انت هنا يا زين
زين:ايوه يا تيتا جيت العب مع البنات الحلوين اللي عندك دول
توحه:طب مش تيجي تسلم عليا
زين:مانا كنت جاي اسلم عليكي عسان اخد السيكولاته بتاعتي من عندك
توحه: تعالي يا حبيبي يا نوارة الشارع كله انت
جلس زين معهم الي ماقرب منتصف النهار يلعب ويمرح وحبوه البنات جدا وهو كمان حبهم لحد ماسمع صوت سيارة ابيه ترك البلاي استيشن و اختبيء بجانب غمزه وجلس صامت
غزل:الله مالك يازين قعدت كده ليه يلا امسك دراع البلاي ستيشن عشان تلعب
زين: لاء مس عايس بابي جيه وانا خايف
غمزه:خايف ليه هو مش هايعمل ليك حاجه انت مستأذن من جدك
زين:لاء كان لازم اقوله هو عسان بيخاف عليا
احسن حد يخطفني
غمزه:بس يا حبيبي جدك عارف انت فين
اما عند عاصي وقف بجانب السياره هو واخيه بعد ان نزلو منها وركنها في مكانها
وهتف
عاصي:ادخل يا حمزه هات زين من الوكاله
حمزه:ليه هو انت مش هاتدخل معايا ولا ايه
عاصي :لاء انا تعبان وعايز اطلع ارتاح شويه هاتلي الواد انا نزلت الصبح من غير ما اشوفه
حمزه:تعبان ولا مش عايز تدخل لابوك ايه يا عاصي هاتتخاصم مع ابوك ولا ايه
عاصي:حمزه اسر في الكلام وادخل يلا هاته
حمزه: ماشي هاروح اجيبه اهو
ثم دلف الي الوكاله وغاب فيها وقت قصير ثم خرج من غيره
عاصي:ايه هو نايم فوق ولا ايه
حمزه:ها لاء ثواني بس وانا هاجيبه ليك حالا كاد ان يذهب لكن اوقفه صوت اخيه
عاصي :تجيبه منين استني هنا هو الواد فين
حمزه:بص ابوك قالي ان غزل نزلت الصبح وقعدت تتحايل عليه عشان تاخده عندهم ومقدرش يقولها لاءه
عاصي: نعم يعني ابني عندهم دلوقتي دا يومه مش هايعدي النهارده علي خير ثم امسك هاتفه واتصل علي رقم ابنه
امسك الصغير الهاتف الذي ظهرت علي شاشته صورة والده واجاب بخوف
زين:ااالو يا بابي
عاصي: انت بتعمل ايه عندك يا حيوان انزل حالا من عندك يلااااا
زين:حااضل يا بابي ثم بكي بخوف ودموع كثيره
غمزه:يا حبيبي ماتخفش اوي كده هواكيد مش هيعمل ليك حاجه اعملي حاجه يانانا
توحه :ماتخفش يا زين هو ابوك قفل التليفون
زين:ايوه يا تيتا خليني انزل عسان مس يزعل مني
توحه:لاء انت مش هاتنزل انا هانده ليه يطلع انا اصلا عايزه
وقفت توحه في الشرفه وهتفت
توحه: عاصي واد يا عاصي
عاصي لحمزه يييي مش هانخلص بقي: نعم ياستي
توحه:اطلع انا عايزك
عاصي: معلش يا ستي انا جاي تعبان من الشغل ومش هاقدر اطلع خلي الواد بس ينزل
توحه:طب معلش تعالي بس اشرب الشاي معايا وبعدين انزل علي طول تعالي يا حمزه اطلع انت كمان
عاصي: ماشي يا ستي طالعين اهو و بصوت واطي
قدامي يا خويا ماحنا شكلنا وقعنا في العيله دي
صعدو الي اعلي هما الاثنان ودق عاصي الباب فتحت الخادمه لوزه ثم دلفو الي الداخل
وعندما رأي اباه خبيء وجهه من نظرات ابيه في عنق غمزه التي كانت تحمله وتحتضنه بشده احب منظره ولكنه هتف به بعنف
عاصي: زين تعالي هنا
غمزه:ايه بتزعق فيه كده ليه الولد معملش حاجه غلط
عاصي:بصي يا بنت الناس انا ماوجهتش ليكي كلام انا بكلم ابني ماتنزل يلا تعالي هنا بقولك
غمزه: والله لو مش بطلت زعيق ماهاخليك تاخده وهاخليه معايا وابقي خلي مامته بقي تيجي تاخده
عاصي :نعم مامته و انتي كنتي تعرفي مامته.
.العاصي
الفصل الخامس
غمزه:عادي يعني نتعرف
كاد ان يرد الا ان صوت جدتها اوقفه
توحه: هوانت علي طول عصبي كده ادخل قلتلك اشرب الشاي معايا انت وحمزه
دلفو الي غرفة الضيوف وجلسو معها هي ورقيه التي جلبت لهم الشاي ثم دلفت غزل وغمزه التي مازلت تحمل الصغير ولم تتركه
حمزه:تعالي يا زين ماتخفش ابوك خلاص مش هايعملك حاجه
توحه:هو يقدر يعمله حاجه اي ياعاصي هو مكنتش بتطلع تلعب هنا وانت صغير يعني ماتسيبه يلعب براحته دا البنات حبوه خالص
عاصي: لا والله يا ستي كل الحكايه اني ماشفتوش من امبارح كان نايم في حضن جده وانا نزلت بدري قبل مايصحي
زين:بعد ان جري عليه وحمله عاصي علي قدمه:يعني خلاث مس زعلان مني.طب تعالي نلعب بلاي ستيثن 4عندهم ده حلو اوي اناغلبت غمسه ٤/١ وغلبت غسل كمان
عاصي:هههههه دول مالهمش في الكوره بقي
غمزه بعد تاهت في ضحكته اللي زادته جمال
انا كنت عايزه اقولكsooryيا حمزه علي الكلام اللي قولته امبارح
حمزه:محصلش حاجه انا من ساعة ما شوفتكو وانا اعتبرتكو اخواتي
روقيه:ده الي انا كنت منتظراه منكم
عاصي:بصي حضرتك انا قلتلك امبارح انكم فوق راسنا ومش هانخلي اي حد يمسكو بس كمان لازم تسمعو كلامنا ونعرف انتو بتروحو فين وكده
غمزه:طب مانكتبلك خط سيرنا احسن ولا اقولك احنا كل ما نيجي نخرج نقدم لك طلب😕
عاصي:انا ماوجهتش ليكي كلام اصلا انا كلامي لولدتك واختك انتي مالكيش كلام معايا. 😈
انتفضت غمزه من مكانها منزعجه مماتفوه به😯
توحه:معلش يا عاصي هي نرفوزه شويه بس انا عارفه ان الكلام ده انت مش هاتعمل بيه
عاصي:خلينا في الجد بقي واحكولي كل حاجه عن الناس دول مين هما وعايزين ايه بالظبط
حكت له روقيه كل شيء عن اخو زوجها وابناءه
روقيه:بس يا سيدي هو طول عمره بيستغل عثمان عشان كده مكانش بيردي يخلينا نيجي هنا ولما
مات الله يرحمه لقيته بيتصل بيا مش عشان يعازيني ولا حتي عشان يسألني ليه دفنت اخوه هناك لكن قالي كلمه لحد دلوقتي بترن في وداني
( اذا كنتي خليتيه يكتب كل حاجه بأسمك انتي وبناتك فأنتي هاتبقي ملكي وبناتك هايبقو ملك ولادي يعني من الاخر انتو هاتبقو من ضمن الورث اللي هاورثه من عثمان)
ثم بكت وظهر علي وجهها الخوف
عاصي: مش عايزك تخافي من حد علي نفسك او علي بناتك ابن ال ...... لو فكر يجي هنا مش هايلاقي غيري في و شه انتو بس اول ما يتصل بيكو تقوللي علطول ومافيش واحده فيكو تخرج من غير ماتقولي و عشان نبقي علي نور انا مش بحب اعيد كلامي مرتين
توحه :بس الكليه هاتبداء والبنات كانو عايزين ينقلو اوراقهم
عاصي:خلاص حمزه هايتولي موضوع النقل ده ويروح هو يقدملهم تمام كده
توحه:ربنا يحفظك ويحميك يا حبيبي.
عاصي:يلا احنا هاننزل بقي وده رقمي لوعوزتو حاجه اتصلو عليا الله اومال زين فين
غزل:دخل عند غمزه لما لقاها زعلانه
عاصي في سره حنين اوي يا خويا: 😕طب معلش ممكن تناديه عشان نمشي
غزل:حاضر ثم دلفت اليهم واحضرت ذلك الطفل الذي ينظر الي ابيه بكل غضب
رفعه عمه علي كتفه واردف :يلا بينا يااستاذ انت ناوي تبات هنا ولا ايه
عاصي: سلامو عليكو
الكل وعليك السلام
اخذ ابنه من علي كتف عمه الذي توجه الي الوكاله بينما صعد هو الي شقته دون ان ينظر الي والده او حتي يدلف الي والدته في شقتها
دخلو الي الشقه وهتف في ابنه
عاصي:تعالي ياض هنا انا مش قايل مية مره ماتروحش في حته من غير ماتقولي اومال انا جايب ليك الموبايل ليه
زين بغضب 😡: مس هاقول ليك علي حاجه تاني
عاصي: ودا من ايه بقي ان شاء الله المفروض مين اللي يزعل من التاني
زين:انا سعلان منك اوي يابابي عسان سعلت غمسه وخليتها تعيط جوه في الاوضه بتاعتها
عاصي: ياسلام بتزعل من ابوك عشان حتة بت لسه عارفها النهارده وكمان كل شويه تطول لسانها عليا
زين:لاء هي حلوه وثحبتي وانا بحبها يابابي دي كمان اتصولت معايا علي الموبايل صول كتيل اوي
عاصي:😎 صحيح طب مش هاتوريني ولا ايه
زين:هي صولتنا بالموبايل بتاعها هي عسان انا قولتلها انك بتحب البنات الحلوه
قالتي يبقي نتصول بومبايلي ومس نخليك تسوفهم بقي
عاصي: 😔اخص وانت تقولها كده ليه ياحمار انا علمتك كده هههههه
يلا يا سيدي تعالي نشوف التلاجه اللي جوه دي فيها ايه
عشان انا جعان وعايز ارتاح شويه
زين: لاء انا كلت مع غمسه وغسل وهانزل عند جدو العب بالعجله بتاعتي
بابي هو انا ممكن ابقي اطلع بعد كده عند غمسه عسان خاطلي هي حلوه يابابي
عاصي:ياه انت حبيتها اوي كده
زين:ايوه هو انا ممكن اقولها يا مامي
عاصي:زين هي عرفت ان مامتك مش موجوده
زين: لاءه هي مس سألتني بس انا بحبها وعايز اقولها يا مامي
تنهد حزنا علي كلام هذا الطفل الذي حرم من تلك الكلمه التي تحمل كل معاني الحنان وهتف
عاصي : طب اصبر شويه ومش تقولها كده واوعي تقولها ان مامتك مش هنا فاهم
زين بعدم فهم:ماسي انا هانزل العب بقي ثم نزل الي الاسفل
بينما دلف هو الي غرفته
شلح قميصه وتسطح علي الفراش يفكر في تلك اللعينه المتمرده الي ان غاص ي نوم عميق
اما عندهافي غرفتها
غزل: 😢خلاص ياغمزه بصي انتي احسن حاجه تعمليها انك مش تتعاملي معاه خالص او حتي تكلميه
غمزه:😬 ودا ايه دا كمان اللي افكر اكلمه حته واحد جاهل بلطجي
روقيه:😟عيب ياغزل الراجل بيساعدنا مش عايزين نتخانق كل شويه معاه
غمزه:يا مامي هو انا كلمته دا هو اللي أهاني و زعقلي قدامكو كلكو
توحه: بيرد ليكي اهانتك ليه وبعدين خلاص بعد كده حمزه هو اللي هايخلص ليكو كل حاجه وعاصي مش هايطلع هنا
غزل: والله حمزه ده غير اخوه خالص طيب كده ومالوش دعوه لا بخناق ولا مشاكل ولا حاجه
توحه :هههههه حمزه الساهي ده زي اخوه وابوه بالظبط بس عشان الصغيرديما بيسمع كلامهم وماشي في طوع اخوه منين ما يروح
//////////////////////////////////////////////////////////////////
اما في الوكاله
حمزه:عامل ايه يا بابا
فضالي:انا كويس ياحمزه اومال اخوك فين
حمزه:طلع قال عايز يرتاح شويه
فضالي:😟 يرتاح ولا مش عايز يكلمني
حمزه: معلش سيبه لما يهدي شويه وبعدين ابقو اتراضو سوي
فضالي: 😕طيب اطلع ارتاح انت كمان عشان في نقلة دقيق جايه كمان ساعتين وابقي صحيه عشان ينزل يحاسب الراجل ويشوف الناس اللي هايشيلو الدقيق يخزنوه معاكو
حمزه:😥لاء انا لو نمت مش هاتصحوني ولا بالطبل البلدي هاطلع اغير هدومي دي وانزل ولما يجو هابقي اطلع اصحيه تاني
زين :حمسه تعالي طلع ليا العجله بتاعتي
حمزه:😦يا بني انت ايه اللي نزلك تاني مش كنت طلعت مع ابوك
زين:هو نام وانا مس كنت عايس انام فاقولت له اني هانزل
فضالي:خلاص طلع ليه العجله يلعب شويه قدامي هنا بس اول ما عربية الدقيق تيجي هاتطلع علي طول يا زين ماشي
زين: حاضر يا جدو
احضر له عمه دراجته ثم صعد الي منزلهم ودلف الي شقة والدته وجدها جالسه علي الاريكه فهتف
حمزه:ايه الجميل سرحان في ايه كده
فاطمه:ها حمزه انت جيت اخوك معاك
حمزه:مالك ياماما خايفه كده ليه من عاصي
فاطمه:لاء مش خايفه ولا حاجه اومال هو فين
حمزه:ده طلع قبلي هو معادش عليكي ولا ايه
فاطمه:لاء معادش عليا تلاقيه لسه زعلان من اللي حصل الصبح
حمزه: 😕ايوه هو ايه بقي اللي حصل الصبح ده وايه الكلام اللي ابويا قاله ليه ده انتي مخبيه عننا حاجه مش نعرفها صحيح
فاطمه: 😰 ها حاجة ايه انت كمان اللي هاخبيها قوم قوم عشان تتغدي وابقي خد الغدا طلعه لاخوك معاك
حمزه:اخد الغدا اطلعه ماشي مانا محدش بيعملي حساب في البيت ده
فاطمه: اسكت يا حمزه وسيبني في اللي انا فيه بت يا حسنه حضري الغدا لحمزه
يا بت
حسنه من الداخل :حاضر
حمزه:طب مانا عايز اعرف ايه اللي انتي فيه ده
فاطمه:😨يوه انا هاقوم ادخل جوه بدل مانت ناصبلي محكمه كده
ثم اتجهت الي غرفتها واغلقت الباب من خلفها
وسط نظراته المندهشه
هتفت حسنه من خلفه :الغدا اهو يا حمزه عايز حاجه تاني😨
حمزه:😈يخرب بيتك خضتيني روحي اعملي صينيه لعاصي وانا هاطلعها بعد ماكل واعمليلي شاي بقلمي/كنزي حمزه
////////////////////////////////////
مر الوقت ونزل حمزه الي الوكاله بعد ان صعد بالاكل الي اخيه الغافي وغير ملابسه الي بنطلون قطني شبابي وعليه تشيرت قطني خفيف وقف امام الوكاله وعينه علي شرفة الحجه توحه ينتظر حوريته التي خطفت عينيه بعيناها الي ان سمع صوت سيارة كبيره محمله بعض اجولة الدقيق هتف حمزه في زين
حمزه: زين عربية البضاعه جات هات العجله بقي واطلع صحي ابوك قوله انزل عشان تتحاسب مع التاجر ونخزن البضاعه
زين:حاضل بس هانزل معاه تاني
ثم صعد الي والده فتح الباب بالمفتاح الذي بالباب من الخارج ثم دلف اليه صعد بجانبه علي الفراش وهتف
زين:بابي يا بابي انت قوم بقي
عاصي:😴😴امممم في ايه يلا عايز ايه
زين:قوم عسان علابية الدقيق
جات وجدو وحمسه عايزينك تحت
عاصي:طيب هي الساعه كام دلوقتي
زين:هو انا يعني بعلف في الساعه ماتسوفها في الموبايل
عاصي:طيب يا لمض هاته ثم سمع صوت اخيه يهتف من الاسفل خرج الي الشرفه بصدره العاري وشعره النازل علي عينيه واثر النوم علي وجهه رد علي اخيه ولم يري تلك العيون التي تعلقت به بينما تركه ولده واتجه الي الاسفل
حمزه:عاصي يا عاصي
عاصي: خلاص يابني انت صحيت وربنا
حمزه: هههههه طب يلا انزل عشان الراجل مستعجل
عاصي:طب خلي السواق يلف ضهر العربيه للمخزن عشان يدخلو الدقيق علطول
حمزه :حاضر ثم ذهب الي السائق
بينما رفع الاخر عينه ليجد متمردته تقف امامه في شرفتها تنظر الي عضلات صدره وزراعيه
تبسم لها وهتف بصوت خفيض
عاصي: علي فكره عيب كده بطلي بحلقه فيا شويه 😉
نظرت له نظرة اندهاش 😦ودلفت الي الداخل بسرعه واغلقت الزجاج خلفها بأنزعاج ولكنه ضحك ضحكه روجليه جزابه بصوت مرتفع😂
ثم دلف الي الداخل لبس تيشرت بيتي مريح ونزل الي الاسفل وجد امامه زين علي باب المنزل
عاصي:مالك ياض زعلان ليه كده
زين:حمسه قالي اطلع عسان العلابيه الكبيله وانا مس عايز اطلع عند تيتا فاطمه
عاصي وقد فهم ما ينتويه هذا الطفل الشقي 😕
اومال عايز تروح فين بسلامتك يعني
زين:بابي خليني اطلع عند غمسه وغسل عسان خاطلي يا بابي
عاصي: عيب كده يا زين انت كده هاتضيق الناس منك
زين: طب بص انا هالوح ولو لقيتهم متضيقين مني هاجي ليك علطول
عاصي :ماشي نص ساعه بس لحد ما نزل الحاجه والعربيه تمشي وتنزل مش عايز انده عليك او اطلع اجيبك من فوق وهانبه عليك تاني لو غمزه ولا اي حد سألك عن مامتك ماتقولش انها مش موجوده ماشي
زين:ماسي يا بابي
ثم ادخله الي منزل الحجه توحه واتجه هو الي خارج الوكاله
لم يتحدث والده ولكنه وقف امام سيارة البضاعه ينظر
الي العمال وهم يحملو اجولة الدقيق خرج له التاجر وهتف
التاجر:يا عم طب تعالي سلم عليا وبعدين اطمن علي بضاعتك
عاصي:هههههه واحشني والله يا حاج عامل ايه خلينا نقعد بره هنا بدل الحر جوه الوكاله واذي صحتك كده
ثم هتف الي حمص صبي القهوه ان يأتي له بالكراسي وجلسو خارج الوكاله يتناقشو في حساب البضائع تحت نظر والده الذي تفهم انه لا يريد الحديث معه
امازين فقد دلف اليهم وسط ترحابهم به
توحه: واد يازين اوعي تكون جيت من ورا ابوك
زين: لاء يا تيتا دانا اتحيلت عليه كتيل و قولتله اني بحب العب مع غمسه وغسل هو وافق اني اطلع عسان العلبية الكبيله جات وهو بيخاف عليا
غمزه:ههههه واخيرا بابك عمل حاجه كويسه ايه رايك نكمل لعب بقي انا وانت وغزل
زين: لاءه تعالو نبص علي بابي وهو بيسيل السوال الكبيل
ثم دلفو الي الشرفه ثلاثتهم لتهيم غزل في حمزه الذي يقف اسفل العربه ويحمل مع العمال الاجوله الكبيره ويدخل بها الي المخزن
غمزه:ايه ياعم ده ما بابك قاعد اهو مش بيعمل حاجه وعمك هو اللي بيشيل مع العمال
زين: بابي بيخلص الحساب عسان هو اللي ماسك حساب كل حاجه ودلوقتي هايطلع حمسه علي العلبيه عسان يلتاح ويقف هو مكانه ويسيل السوال علي كتفه
غزل : يا سلام وانت عرفت بقي منين كل الكلام ده
زين:هما كل مله بيعملو ده وجدو هو اللي قالي لما سألته
وفجأه وجدو حمزه قفز علي السياره من الخلف ونزل العامل الاخر الي اسفل وهتف عاصي القادم اليهم وهويصقف بيده:
ماتخلص يابني انت وهو ولا هانفضل لبكره في ام النقله دي ولا ايه ثم قذف بسيجارته تحت قدمه واطفأها واسند له اخيه الجوال علي ظهره ودخل به الي المخزن وكأنه لا يحمل شيء
وقفت هي منبهره به وبقوته التي احبتهاوزين ينظر اليه بكل الحب تحت نظرات والدته التي كانت تقف خلف شباك الغرفه
المغلق وهي تراقب ضحك الصغير مع هاتان الفتاتان
ولكنها تعهدت في قرارة نفسها ان تلقن ذلك الصغير درسا لن ينساه حتي لا يذهب اليهم مره ثانيه
اما عند عاصي بعد ان انزل الحموله بالكامل هو اخيه وبعض العمال
جلس مره ثانيه مع التاجر امام الوكاله
ولكنه غضب جدا من حديثه مع والده
التاجر:الا قولي يا حاج فضاليي: مين البنات اللي زي القمر اللي زين واقف معاهم دول
كاد ان يرد فضالي لكن قاطعه رد عاصي
عاصي: وانت يهمك في ايه بقي مين دول انت جاي تبيع بضاعتك ولا تخطب
التاجر:هههههه يا سيدي ماتتحمقش اوي كده مش يمكن نخطب بالمره اصل بصراحه البت ام عيون خضر دي 😈 قاطعه هو بنبره شبه عاليه
عاصي:كلمه زياده وربنا ماهبقي علي عشره ولا علي تجاره وانت تيجي هنا تقعد بأدبك وماتبوصش علي بلكونات الناس انت فاهم وبعدين انت مش متجوز يا راجل يا ....انت
التاجر :بس بس ايه ياعم انت قطر بعدين عادي يعني مانا ممكن اتجوز تاني هو انا فقير
عاصي: طب يا خويا اتجوز بعيد عن حتتنا وعن البيت ده بالذات ده خط احمر والبنات اللي فيه مخطبوين ليا انا واخويا فهمت ولا نقول تاني😈😈
اندهش والده مما تفوه به امام التاجر ولكن حمزه فرح جدا من كلام اخيه😂
التاجر: لاء طلما كده يبقي معاك حق تزعل الف مبروك ليك انت واخوك هتف عاصي😅
عاصي: 😕اه الله يبارك فيك ثم رفع رأسه للاعلي بتجاه شرفتهم وهتف بغضب
ادخلو جوه يلا 😈
دخلو الفتاتان سريعا برعب😱😱 من نظراته لهم وسط ضحكات الطفل عليهم😂
روقيه:ايه مالكم مرعوبين كده ليه وانت مالك بتضحك اوي كده ليه😕
غمزه:لللا 😨دا واحد مش طبيعي شوفتي بص لينا ازاي وزعق لينا ازاي يا غزل
غزل: 😰اه شوفت ده عنيه احمرت فجأه يامامي وكان بيطلع منها شرار
روقيه:😦 انتو بتكلمو عن مين انا مش فاهمه حاجه
زين:بيتكلمو عن بابي يا تيتا اصلو زعق ليهم
وقالهم ادخلو جو😊
روقيه:ليه انتو عملتو حاجه تاني ولا ايه
غزل وغمزه:لاء والله يا مامي😢
هتفت لوزه: يا ستي تلاقيه شاف حد من الرجاله بص عليهم ولا حاجه اصل احنا مافيش عندنا هنا ان البنات توقف في البلكونه عادي كده وخصوصا الادوار القريبه للشارع
غمزه: يعني اي هيبقي لاخروج ولاحتي نقف في البلكونه شويه دا ايه الخنقه دي
توحه:طب ماتزعلوش بت يا لوزه انتي من بكره الصبح تطلعي تنضفي السطح وتعملي ليهم قاعده حلوه كده😃
لوزه: عيني ليهم ياستي حاضر😄
غزل:الله دي فكره حلوه اوي ان كمان هاطلع اساعدك يالوزه
💜💜💜💜💜💜💜💜💜💜💜💜💜💜💜💜
.العاصي
الفصل السادس:
مر يومان وانشغلت الفتاتان في ترتيب سطح المنزل ورتبوه بشكل جميل وعملو فيه قعده للجلوس ومكان وضعو فيه مزهريات ومشاتل جميلة بقت جلستهم وقت فراغهم كلها فوق السطح بس اللي استغربو منه هو عدم حضور زين اليهم في هذين اليومين 😕
فلاش باك
خرج زين من منزلهم بعد ان اتصل عليه والده لينزل اليه بعد ان ذهبت السياره وتأخر الوقت
عاصي:يلا بينا بقي نطلع عشان اغير هدومي دي وانت كمان تاكل وترتاح شويه
زين:ماسي يابابي يلا بينا
حمله فوق كتفيه الي شقة والده ثم انزله
عاصي:ادخل عند ستك اتشطف وغير هدومك وكل وابقي اطلع ليا علطول
دلف الصغير الي الداخل ولا يعرف ما ينتظره 😡
زين:يا حسنه تعالي هاتيلي اكل انا جعان
حسنه:انت جيت امتي يا زين تعالي اما اشطفك الاول واغيرالك وبعدين ابقي كل😅
خرجت فاطمه غاضبه من ذلك الطفل وهتفت:خد هنا يا واد انت 😈
انت ايه اللي بيوديك عند توحه ثم امسكته من اذنه وشدت عليها بقسوه عارف لو شوفتك روحت هناك تاني هاعمل فيك ايه
هاحرقك بالكبريت انت سامع هاحرقك علي رجلك اللي بتروح بيها دي عندهم وبدأت تضرب فيه بكل قسوه واياك تطلع تقول لعاصي حاجه من اللي قولتهالك دي هاموتك من الضرب انت سامع😈😈
بدء الطفل يبكي من قسوتها وضربها له ويصرخ بشده😭😭
هتفت حسنه:ياستي حرام عليكي دا عايل مايعرفش حاجه هو عمل ايه بس😟
فاطمه:اخرسي يا بت انتي واكتمي خالص ويلا خدي الواد ده من قدامي بدل ما اموته في ايدي😬
حسنه:يا حول الله ياربي تعالي يابني معلش 😣
ثم اخذته من بين ايديها
باك
لم يذهب اليهم طول اليومين خوفا من هذه التي تدعي جدته ولم يلاحظ والده هذا بسبب تأخيره في مكتب المقاولات تبعه
جلست غمزه وغزل فوق سطح البيت ينظرو الي الشارع ويتحدثون
غمزه:بصي يا غزل سطح البيت بتاع زين
عامل ازاي دول عاملين فيه ركن ملاكمه وبيت للكلب 🐕وقعده حلوه اوي🌱🌹🍀
غزل: حلوه اوي اه بس يه الوحش اللي عندهم ده معقول دا كلب دا انا وانا بعيد كده خايفه منه
غمزه: مش ملاحظه ان زين من ساعة ماكان عندنا مجاش 😕
غزل: مع انه بينزل يلعب كل يوم ويقف يبص علينا لكن حاسه زعلان من حاجه 😦
غمزه:يمكن مستر هولاكو هو اللي منعه يجي عندنا😡
صعدت اليهم لوزه تهتف:الحقي يا انسه غمزه
غمزه:في ايه يا لوزه ايه اللي حصل
لوزه:ست روقيه جالها تليفون من شويه لقناها عامله تزعق و قفلت التليفون بقلمي/كنزي حمزه
نزلو الي الاسفل بسرعه ودلفو الي الداخل
غزل: في ايه مامي بتعيطي ليه مين اللي كان بيكلمك😦
روقيه: هايكون مين غير الزفت سالم عرف اننا نزلنا مصر وبيهددني انه هايجي بكره ياخدكو😥
توحه:اتصلي بعاصي وقوليله خليه يشوف هايعمل ايه😠
روقيه:ايوه باتصل بيه اهو استنو بس اما اشوف هايقولي ايه
عاصي عبر الهاتف: الو ازيك يا حاجه روقيه
روقيه: عاصي الحقني سالم عرف ان احنا نزلنا مصر وبيقول ها يجي ياخد مني بناتي بكره😨
عاصي: طب اهدي بس كده بتعيطي ليه ماتخفيش بصي انا كلها نص ساعه وهكون عندك ماشي سلام😟
روقيه:طيب يا ابني مستنياك سلام😢
وبعد اقل من نصف ساعه نزل من سيارتهم امام بيتهم
وصعد اليهم هو اخيه ودق. الباب
فتحت له لوزه وهتفت: اتفضل يا سي عاصي اتفضل ياسي حمزه
عاصي:سلامو عليكو اومال فين سيتي توحه يا لوزه
توحه:تعالو ياعاصي انا هنا
دخلو اليها ولأول مره يري دموع متمردته التي كانت تجلس علي مقعد بزاوية الغرفه في صمت😰 التفت الي والدتها الباكيه ايضا هي واختهاوتحدث اليها
عاصي:ممكن اعرف انتو ليه عاملين كده في نفسكو ماحنا عارفين انه هايجي في اي وقت😵
بكو امامهم بصوت مرتفع😭😭😭
حمزه بعد ان اعتصر قلبه علي صغيرته:ممكن تبطلو عياط عشان نعرف
نتكلم هو قالكو ايه باظبط خلاكو تخافو كده
روقيه: قالي حمدلله علي سلامتك انتي والبنات وفرتي عليا المشوار لهناك ويا ريت تخلي البنات يحضرو نفسهم عشان انا هاجي اخدهم معايا الصعيد بكره ثم ازدادت في البكاء مره ثانيه😭
حمزه: ولا يقدر يعمل حاجه زي كده بناتك متهيألي عدو ال١٨ سنه مش كده ولا ايه يعني مش قصر وانتي الوصيه عليهم
روقيه:ايوه غمزه عندها ٢٠وغزل١٩ بس انا خايفه يخدهم بحجة انهم بنات واحنا هنا لوحدنا ومافيش راجل في البيت
عاصي بعد ان عصبه جدا بكاء متمردته الصامته حتي الان هتف بصوت مرتفع: اعلي ما في خيله يركبه انا قلتلك قبل كده البيت ده في حمايتي واللي هايفكر يلمس واحده فيهم هاقطعلو ايده😈
غمزه بمنتهي الهدوء وعبراتها تسري علي وجنتيها: انا شايفاك بتتكلم بس لكن ماشفتش يعني حاجه تثبت كلامك ده ولا عرفتنا هاتحمينا ازاي 😕😢
عاصي: احسنلك تفضلي ساكته وتخليكي في اللي انتي فيه بدل مابتنطقي كلام زي السم كده😠
غمزه:اه المفروض احط ايدي علي خدي لحد مايجي عمي وياخدني عشان اشوف حضرتك هاتعمل ايه مامي انا هابلغ البوليس😰😟
عاصي:اوك انتي بالذات انا قلتلك اني ماليش دعوه بيكي ولو عايزه تبلغي البوليس بلغي 😈
روقيه بخوف:لاءه يا عاصي الا غمزه انت ماتعرفش ياسر ابنه اللي عايز يجوزو ليها ده ايه😥😢
حمزه:خلاص ياحجه روقيه خلينا بس نعرف هنتصرف ازاي وهنعمل ايه لما يجو يا عاصي عاصي.!!!
لم يجيبو عاصي الجالس امامها عينه في عيناها 😢تلك المتمرده تتحداه ودموعها تقطع قلبه بسكين حاد😢
حمزه:ايه انت روحت فين بتفكر في ايه يا عاصي
عاصي:خلاص يا حمزه بصو هو طبعا لما هايجي بكره محدش هايقدر يمنعو انه يجي يشوف بنات اخوه فانتو هتقابلوهم ومتخافوش ابويا هايكون معاكو في المقابله دي ولحد مانعرف ناوياه ايه وانا وحمزه هانكون تحت مستنينه
وعايزو بس يتعرض لحد من البيت ده
يلا بينا ياحمزه
ذهبت خلفه روقيه المرعوبه جدا علي بناتها بيكاء وهتفت لعاصي:طب وغمزه هاتسيبهم يخدوها ياسر ابن سالم ده واد صايع بيتاجر في المخدرات وشراني انا خايفه علي بنتي منه
😢
لم يجبها بل نظر الي متمردته الباكيه داخل الغرفه ثم تركها وذهب هتف حمزه😟
حمزه: ماتخفيش هو طلاما قال هايحمي كل اللي في البيت يبقي هايحميكو كلكو ثم نزل خلف اخيه
خرجو من المنزل وقف هو اسند ظهره علي سيارته وامسك هاتفه بيده يقلب في اسماء اصدقاءه وهتف في اخيه
عاصي:حمزه ادخل لأبوك الوكاله شكله هايتجنن ويعرف في ايه وقله انه لازم يكون موجود معاهم بكره بصفته كبير الحته وانا هلم الشباب واتصل بخالد باشا (ظابط قسم الجامليه وصديق عاصي من ايام ثانوي) عشان لو حصل قلق يكون في الصوره😤
حمزه:ماشي اعمل انت اتصالتك وانا هانده للواد حمص يجيب الكراسي هنا قدام الوكالة
وهاطلع اجيب عنتر اربطه علي باب البيت ثم ذهب الي والده وحكي له كل ما حدث 😞
فضالي :طب مش كنتو نديتو عليا اطلع ليهم معاكو ولا البيه بقي هو الكبير وهو اللي بيقولي اعمل ايه ومعملش ايه دلوقتي 😠
حمزه:يا بابا احنا كنا راجعين ولقينا الست بتتصل بينا وبتعيط جامد مكناش نعرف انها مش قالتلك حاجه وطلعنا ليها علطول وعاصي بيلم الشباب دلوقتي
فضالي:ماشي يا حمزه اما اشوف اخرة زعله ده ايه
تركهم زين الذي كان يجلس في هدوء بجانب جده وخرج الي والده الجالس علي كرسي امام البيت يتحدث عبر الهاتف
اخذه عاصي بين احضانه وهويتحدث : بقولك ايه يا خالد مافيش حاجه اسمها هاتشوف انا بقولك تعالي عشان ارسيك علي الحوار من اوله ماتجيش بعد كده بقي تقولي بتعمل قلق وتسألني في حاجه..........................
خلاص ماشي هاستناك ثم اغلق معه الهاتف ونظر ال زين الذي كان يجلس علي قدمه في هدوء تام😕
عاصي:ايه يا استاذ زين مالك بألك كام يوم شكلك مش عاجبني ليه وباجي القيك نمت بدري هو انت مابقيتش تروح عند غمزه وغزل ولا ايه. 😕
زين:لاء يا بابي مش بقيت اطلع عندهم انا بنزل عند جدو اقعد معاه بس😢
عاصي :ليه ياحبيبي هي غمزه زعلتك ولا حاجه مش انت كنت بتحبها وعايز تقولهايا مامي😦
زين بدموع في عينه: ايوه يا بابي ولسه بحبها اوي بس مش هاينفع اروح عندها تاني 😢
عاصي:ليه يا حبيبي قولي لوحد خوفك ولا زعلك قولي وانا هاتصرف
زين:اصل اصل يا بابي لو قولتلك هاتحلقني بالكبليت وتضلبني تاني😰
عاصي:ايه انت بتقول ايه هي مين دي اللي هتضربك وتحرقك قولي وماتخفش من حد😈
رفع الطفل رأسه بعفويه للاعلي وجدها تنظر له من شرفه منزلهم نظره ارعبته خبيء وجهه في صدر اباه وفهم هو ان والدته هي من فعلت هذا بطفله الصغير غضب وهتف في ابنه
عاصي:ليه ماقولتليش من ساعة ما ضربتك😈
زين ببكاء:يابابي هاتضلبني تاني هي قالتي هاتحلقني لو قولتلك. 😭
عاصي:طب بص انت هاتطلع دلوقتي عند غمزه وتقعد تلعب معاها ولو عايز تبات معاها ياسيدي كمان بات انا مش عايز اشوفك زعلان كده تاني فاهم وكمان هي زعلانه فوق فانا عايزك لما تطلع تصلاحها وتخليها تلعب معاك وانا هابعت ليكو شوية شيكولاتات وحاجات حلوه اتفقنا يازين
زين:بس يا بابي انت لما تلوح الشغل تيتا فاطمه ها
قطع والده كلامه وهتف
عاصي:ماتخفش يا حبيبي انا هاطلع اكلمها دلوقتي وأقولها تسيبك براحتك وانك تروح زي مانت عايز يلا بقي تعالي اطلعك قبل صحابي ما يجو ثم ادخله الي مدخل البيت وانتظر حتي صعد اليهم واتجه بعد ذلك في اتجاه والدته
صعد درج بيته بغضب جم ودلف الي داخل الشقه ثم هتف فيها
😡😡😡😡😡😡😡😡😡😡😡😡😡😡😡😡
عاصي:انا عايز اعرف سبب واحد يخليكي تكرهي الواد ده كده بتضربيه وتهدديه بالحرق كمان كل ده عشان غيرانه انو بيروح عندهم 😈
فاطمه:غيرانه ايه وزفت ايه دا واد كداب شوف مين اللي مسلطه يحكي القصه دي ليك عشان يقلبك علي امك بزياده
😩
عاصي بصوت مرتفع: مين بقي قصدك ابويا وهيألف القصه ليه اذا كنا متخانقين اصلا وضاربني بالقلم عشان دفعت عنك ووقفت قدامه لاول مره في حايتي وايه بقي السر اللي انتو الاتنين مخابينو عليا اظن لو عايز يقلبني عليكي كان من باب اولي قالهولي😈
فاطمه:سر ايه وزفت ايه انت جاي تحاسبني وتقف قدامي عشان حته عايل من يوم ما جبته هنا وانا مش طيقاه
عاصي:ليه مش طيقاه ليه عملك ايه حرام عليكي يا شيخه بقي قولتلك مليون مره قبل كده لوحد زعله تاني لا هاتشفوه ولا تشوفني هاخده وامشي من هنا خالص انتي فاهمه😡
ثم تركها ونزل الي الاسفل مره ثانيه
وعند حمزه وفضالي
فضالي:ايه ده هو اخوك بيزعق فوق ليه صوته عالي قوي كده ليه
حمزه: مش عارف الواد زين قاله ايه خلاه اتعفرت كده دانا حتي شوفته بيطلعه عند ستي توحه وبعدها طلع هو عند امي
فضالي : اهو نزل اهو روح شوفه ماله وهديه شويه قبل اصحابكو مايجو
وعند زين دلف اليهم وهو سيعد بحضوره لها
فتحت لوزه له الباب وهتفت:اهلا اهلا يا نوارة الحته انت مش بقيت تيجي ليه
زين:انا جيت اهو فين غمسه وغسل يا لوسه😁
لوزه:جوه يا حبيبي ادخل تعالي اوديك ليهم
توحه: تعالي زين اخيرا طلعت انت ماكنتش بتطلع ليه 😊
زين: انا جيت يا تيتا بابي قالي اطلع عسان غمسه وغسل زعلانين وانا جيت اسوفهم والعب معاهم😂
توحه طب ادخل ليهم هما قاعدين في الاوضه جوه مع مامتهم
فتح الباب بيده الصغيره وهتف بأبتسامه:انا جيت ههههههه ضحك ضحكه طفوليه جزبتهم اليه وهتفت غزل😂😂
غزل:يا حبيبي تعالي يازين دا انت وحشتنا خالص😄
غمزه:انا زعلانه منك اوي كده يا زين مش تيجي تقعد معايا😊
زين :ما هو بابي اول ماعلف انك زعلانه قالي اطلع اقعد معاكي عسان مس تعيطي دا زعلان علسانك خالث😐
غزل:يا سلام يا سلام طب ما انا كمان كنت بعيط مش زعلان عشاني ولا ايه ومامي كمان كانت بتعيط😕
زين:لاء هو يعني زعلان علسانكو كلكو ثم هتف في اذن غمزه بس هو زعلان علسانك انتي بث انا عالف بث مس تقولي ليهم 😊
فرحت غمزه من كلام هذا الطفل الذي احبته جداثم رفع صوته
دا كمان نزل عنتل من علي السطح وهايجيب صحابه كلهم تحت وكمان كلم عمو خالد صاحبه الصابط عسان يجي ياخد الناس الوحسه تعالو نسوفهم وهما قاعدين تحت من البلكونه
غمزه: لاء يا عم علي ايه لا يزعق فينا تاني قدام الناس 😕
غزل:طب اقولك تعالو نطلع فوق السطح ونشوفهم من فوق
زين:استنو طيب ده بينو نسي ولا اي انا هاكلمه الاول
غمزه:نسي ايه يا زين
زين: استني ياغمسه اهو بابي لد اهو ايوه يا بابي فين الثنطه بتاعت الحلويات والسيكولاته
.عاصي:حاضر يا حبيبي معلش انشغلت شويه بس بعت الواد حمص يجيبلك الحاجه وهيطلعها ليك اهو
زين:بابي هو انت سعلان ولا ايه
عاصي:لاء يا حبيبي مش زعلان ولا حاجه قولي هما لسه بيعيطو
زين: لاءه هههههه هما اول ماسفوني فلحو اوي 😊ثم هتف بصوت واطي وهو ينظر اليها وغمسه كمان فلحت اوي لما علفت انك طلعتني علسان هي سعلانه وقولتلها انك هاتجيب ليها سيكولاته
عاصي باندهاش:انت قولتلها ايه يخرب بيت ابوك ولا ماتزودش كلام من عندك واقفل ياض ههههه.😂
حمزه :سبحان مغير الاحوال دا انت كنت لسه بوزك شبرين ايه اللي حصل زعلك وايه اللي حصل فرحك😕
عاصي: تصدق ان في الحالتين زين هو السبب😅
///////////////////////////////////////////////////////////////
صعدو ثلاثتهم الي سطح البيت واتجهو الي السور وقفت غمزه وهي تحمل بين يدها زين ينظرون الي الشارع وبجوارهم غزل وجدو شباب كثيرين يجلسون بجوار عاصي وحمزه ومنهم يسلمون علي فضالي قبل الاتجاه لهم
ثم جاءت سيارة شرطه ونزل منها شخص تقريبا بسن عاصي اتجه الي فضالي الذي اخذه بين احضانه واشتد في ذلك بينما هتف حمزه
وخلفه الشباب
حمزه:رئيس جمهورية الجمالي ه وصل وصل وصل😂😂😂
وقف خالد وكأنه يحيهم ويرفع يديه بجانب رأسه ووقفو جميعهم يبادلوه التحيه الا عاصي الجالس يراقب متمردته
الي ان وصل خالد اليه وقف عاصي واحتضنه فهم الاثنان بمثابة اخوه ويحبو بعض كثيرا
جلسو جميعا حول عاصي الذي بدء يحكي لهم الوضع بالكامل هتف خالد
خالد:بص يا عاصي هو طبعا قانونا مالوش اي حق ياخدهم من والدتهم انما انت زي ما بتقول هما صعايده وهو هايلعب. علي الحته دي ان طبعا دول بنات ومش معاهم راجل وفي سن خطر 😟
عاصي:انا عارف كل ده عشان كده ابويا هيبقي قاعد عندهم في القعده دي بحكم انه كبير الحته وانهم تحت حمايته😡
سامح صديقه تكلم:ماشي هيحضر معاهم بس بصفته كبير الحته دي مش مقنعه شويه هو لاخالهم ولا عمهم يا عاصي لازم يكون في حاجه اقوي من كده شويه ترد الراجل ده 😕
حمزه:حاجه زي ايه يعني نجوز ابويا لأمهم😕
هههههههههههههههه
ضحك الجميع عليه لكن خالد ارتسم علي ملامحه الجد وهتف
خالد:انتو مش بتقولو انهم مش قصر
عاصي:ايوه مش صغيرين اوي يعني واحده ٢٠ والتانيه١٩
خالد: حلوين!!! 😊
عاصي: بصوت مرتفع اظبط ياخالد بدل مااسيب عليك عنتر وربنا😈
خالد:اهدي ياعم بدل مااضربهولك بالنار😂
انا اقصدي لو حلوين اتجوزهم انتو وساعتها ماحدش يبقي ليه كلمه عليهم غيركو😀
عاصي:يعني انت عايزيني اطلع اقول لامهم اناهافرض نفسي علي بنتك واتجوزها عشان احميها من عمها طب وانا فرقت ايه عنه😬