رواية / العاصي
الفصل الأول والثاني
بقلم كنزي حمزه
💚💚💚💚💚💚💚💚💚💚💚💚💚💚💚💚
تعريف الابطال
الحج عبدالرحمن فضالي /الاب
اللقب :الحج فضالي
العمر:55سنه
صاحب وكاله لبيع المواد الغذائية في حي الجماليه
.
الزوجه:فاطمه عبد العزيز
السن:50سنه
ربة منزل وبنت عمه وطول عمرها عارفه ان جوزها مش بيحبها
.
الابن الكبير:عاصي فضالي
السن:27سنه
الشكل: اظن الصوره مش محتاجه وصف
خريج كلية هندسه قسم معمار ولديه مكتب للمقاولات ولكنه يعمل بيديه في وكالة ابوه من صغره
.
الابن الاصغر:حمزه فضالي
السن :23سنه
الشكل:اسمر والعيون بنيه والشعر اسمر ومفلفل وأسر ياسين ف نفسه كده
تخرج من كلية تجاره ويعمل مع اخيه في المكتب والوكاله
زين العاصي
السن :5سنوات
ابيض والشعر بني ناعم جدا والعيون زيتونيه
ودا بقي حكايته حكايه
///////////////////////////////////////
.
الجده:الحاجه توحيده
ولقبها ستي توحه
السن:70سنه
الابنه:روقيه السعدني
السن:45سنه
ولكنها مازلت تحتفظ بجمالها الهاديء والذي ورثته منها بناتها
الحب الاول للحج فاضالي في شبابه بس اهلها رفضوه وفضلو عليه مهندس بترول بيشتغل بره
تزوجت وهي عمرها عشرون عاما وسافرت مع زوجها الي الامارات
.
الحفيده الكبري:غمزه عثمان التوني
السن:20سنه
الشكل:بيضاء طويله العيون خضراء مشعبه بالعسلي زي مامتها زات عنق طويل والشعر اسمر وطويل
تدرس في كلية ألسن في الامارات
.
الحفيده الصغري:غزل عثمان التوني
السن:19سنه
الشكل:بيضاء طويله ايضا شعرها اسمر طويل والعيون سمراء
انهت دراسة الثانويه وهتقدم اورقها للدراسه الجامعيه
💜💜💜💜💜💜💜💜💜💜💜💜💜💜💜💜
الفصل الاول:
امام وكالة الحاج فضالي يلعب زين بالكره مع اصحابه هتف به حمزه
حمزه:زين ماتروحش بعيد عن قدام الوكاله انا مش ناقص صداع مع ابوك
زين:الله يا حمسه مانا بالعب هنا اهو قدامك
حمزه:بسخريه (حمسه) الله يرحم ايام ماكنت بتنطق بالانجليزي يابن عاصي😅خرج ابوه من داخل الوكاله
الحج فضالي:واد يا حمزه هوصوت القراءن العالي داه جاي من بيت الحجه توحه ولا انا مش واخد بالي
حمزه:اه ياابا من عندهم بين ستي توحه ودعت ولا ايه هههههههه
الحاج فضالي:تف من بوؤك يا واد دي بركتنا
حمزه:ياعم كلنا رايحين هو احنا هانخلل فيها
الحاج فضالي:طب اسكت بقي يا بوز الاخص اما نفهم في ايه وخلي بالك من زين احسن يبعد عن الوكاله مش نقاصين خناق مع عاصي علي الصبح
حمص صبي القهوه جاي بيجري عليهم بينده
حمص:حاج فضالي يا عم الحاج
حمزه:في ايه ياض يا حمص مالك جاي بتجري كده ليه
حمص:ستي توحه ندهت ليا وقالتلي اقولك انها عايزك ضروري ياعم الحاج
حمزه:ههههههه ايه طلعت زي الفل اها ياا با وعايزك تطلع ليها كمان
الحاج فضالي:اسكت بقي يا حمزه شويه اومال ايه صوت القرأن اللي عندها ده يا واد يا حمص
حمص: مش عارف الكلام ده صح ولا لاء يا عم الحاج بس البت لوزه الشغاله بتاعتها قالتلي ان بنتها اللي بره دي جوزها باين مات وتقريبا كده راجعه هنا تاني هي وولادها
الحاج فضالي: روقيه ثم صمت
حمزه: ايه روحت فين ياابا يا حاج ياحااااااج
الحاج فضالي:ها مافيش انا هاروح اشوفها عايزه ايه وانت خلي بالك من الوكاله ومن بن اخوك مش ناقصين يجي يتخانق مع حد عشانه تاني
ثم ذهب في اتجاه بيتها اللي هو قصاد بيتهم بالظبط
دق باب شقتها واتفتح الباب
الحاج فضالي:سلامو عليكم
لوزه الشغالة :وعليكم السلام اتفضل يا عم الحاج
فضالي: اومال فين الحجه توحه يا لوزه
لوزه: ستي توحه قاعده مستنياك جوه
اتاه صوتها من الداخل
توحه: انا هنا يافضالي تعالى ياعبد الرحمن
فضالي:هههه انتي الوحيده اللي بتندهيني بأسمي يا اما توحه خير عايزاني في ايه
توحه: اقعد بس وانا هاقولك علي كل حاجه
فضالي: اديني قعدت اهو اومال انتو لابسين اسود ليه و مشغالين القرأن من الصبح
توحه: اصل جوز روقيه مات في الغربه وادفن هناك وهي راجعه ياعين امها هي وبناتها
فضالي :اه البقاء لله طب وانتي عايزني في ايه
توحه: عايزك تحميها من اخوه هي والبنتين
روقيه جوزها كان مبسوط وساب ليها هي وبناتها ثروه كويسه بس عشان عارف ان اخوه شراني وطماع كتب كل حاجه بأسم البنتين واسمها بالتساوي لما اشتد عليه المرض قالها لما اموت ادفنيني هنا وابقي ارجعي علي اهلك
واقطعي علاقتك بأهلي نهاءي
فضالي: طب وفين المشكله بقي
توحه:المشكله ان اخوه تاني يوم ما مات وعرف انها دفنتو ماتخنقش عشانو ولا قال رجعيه يدفن وسط اهله لاء دا قالها انا اولي بيكي وولادي اولي ببنات اخويا ومش هاسيب لحمي ولا فلوس اخويا للغرب فانا طالبه منك الحمايه احسن يتعرض ليها هو ولا وولاده دانت كبير الحته انت واسم النبي حارصه وصاينه العاصي ابنك
فضالي: ياه يا اما توحه جايه بعد ٢٠ سنه تقوليلي احميها فاكره لما كنت جاي انا وابويا عشان اتقدم ليها وعم السعدني قالي انت لا هتقدر تعيشها زي ماهي عايشها ولا هتعرف تحميها بنتي متعلمه وانت حيالله معاك اعداديه يبقي.تسيبها للي يستهالها
توحه: انت لسه فاكر مانا عارفه انك كنت بتحبها يا عبدالرحمن وانت عارف انا وقفت ضده عشانك ازاي بس ده النصيب بقي انت كبرت وبقي عندك راجلين الدنيا كلها بتحلف بيهم وهي كمان كبرت وبقي عندها بنتين وطالبين حمايتك دلوقتي
فضالي:عيني يااما توحه واطمني البيت ده محدش يقدر يقرب منه
بس قوليلي هي راجعه امتي
توحه: النهارده هاتيجي بالليل اصلهم جاين عن طريق البحر وزمانهم وصلو المينا
فضالي: خلاص اطمني علي بنتك وبناتها والبيت ده كله بقي تحت حمايتي انا وابني ومافيش نمله هتهوب ناحيته
توحه:تسلملي يا عبدو يا بني كنت عارفه انك هاتجبر بخاطري
فضالي:يلا انا هاقوم انا بقي عايزه حاجه تاني ناقصك حاجه من خزين البيت ابعت اجيبها ليكي من الوكاله
توحه:لا يا حبيبي انشالله مانحرمش منك ابدا يابني مع السلامه
فضالي:طب سلامو عليكم
ثم نزل الي الوكاله وهو كله شوق لرؤيتها كيف اصبحت بعد هذه المده الطويله والتي لم يراها مره واحده فيها اتجه الي داخل الوكاله مره ثانيه تحت نظرات ابنه الصغير الذي كان يلعب الكره مع ابن اخيه امامها
حمزه:كفايه بقي كده يا عم زين وتعالي اما نشوف جدك ماله
زين:طيب هو بابي اتأخل كده ليه النهالده
حمزه:تلقيه عنده شغل كتير دا هاينفوخني عشان مارحتش ليه النهارده
زين:هههههههههه اه هايجي يديك بوكس في وشك تاني
حمزه:ياعم انسي بقي وتعالي نشوف جدك
مالك يا ابا نازل من عند ستي توحه مش شايف قدامك كده ليه
فضالي:ها مافيش يا حمزه هو اخوك لسه مجاش
حمزه:لاء يا ابا لسه هو في ايه
فضالي: يووه قولتلك لما يجي اخوك هاحكيلكو انتو الاتنين مره واحده انا هاطلع استريح فوق شويه وانت يازين تعالي اطلع معايا خلي ستك تغيرلك هدومك اللي وسختها دي يلا
زين:ماسي يا جدو يلا بينا
صعد فضالي والطفل زين الي بيتهم ودخل الي شقتهم
فضالي:بت يا حسنه انتي يابت
حسنه وهي فتاه بسيطه محدودة الجمال جاءت بها فاطمه زوجة فضالي من البلد (القريه التي يقيم بها اهلها) منذ صغرهاحتي تعاونها في شغل البيت
حسنه:نعمين يا عم الحج
فضالي:خدي زين شطفيه وغيري ليه هدومه قبل ابوه ما يجي واكليه يلا
بقلمي/كنزي حمزه
حسنه:حاضر اجبليك انت كمان الغدا
فضالي:انتي اللي هاتجبيه اومال ستك فاطنه فين
حسنه:طلعت تروق شقة سي عاصي وحمزه
وقالتلي اخلص انا هناعقبال هي ماتنزل
فضالي:وماتلعطيش انتي تروقيها ليه وهي كانت قعدت هنا
حسنه:يووه ما انت عارف يا عم الحاج انها مش بتردي تخليني اطلع شقتهم
فضالي:طب يلا اعملي اللي قولتلك عليه وانا هادخل اريح شويه عقبال ما يجي عاصي ونتغدي سوي
زين:جدو انا عايز انام جانبك
فضالي:طب اتشطف وكل وابقي ادخل نام جانبي زي ماانت عاوز يلا روح مع حسنه
دخل الحاج فضالي الي غرفته ثم خلع جلبابه ولبس جلباب بيتي وتمدد
علي الفراش يفكر في حبيبته التي اشتاق لرؤيتاها واليوم سوف تظهر امامه الي ان ذهب في نوم عميق
دخلت فاطمه الشقه وهتفت
فاطمه:بت ياحسنه انتي يا بت
حسنه:نعم يا ستي انا هنا اهو
فاطمه:خدي القمصان بتاعت عاصي وحمزه دي شغلي عليهم الغساله كل يوم يقلعو ويرمو وانا اطلع الم وراهم لما زهقت كل مره اقولهم اللي يقلع حاجه ينزلها ليا هنا مافيش فايده هو محدش منهم جيه ولا ايه
حسنه:عم الحاج طلع هو زين ودخل نام وانا شطفت زين واكلته ودخل هو كمان نام جنب جده
فاطمه:نام جنب جده طيب ياختي تعالي اما نشوف ورانا ايه عقبال مايصحي هو جده
وفي تمام الساعه الثامنه مساءً دخلت الشارع سياره خليجيه بيضاء تسوقها فتاه في اول العشرينات وبجانبها امراءه في العقد الرابع من عمرها وبالخلف تجلس فتاه تقاربها في العمر
وتوقفت اسفل منزل الحجه توحيده ثم نزلو منها الثلاثه وكانو يرتدون عباءات خليجيه سمراءامام نظرات حمزه المترقبه والشارع كله
وقفت المراءه تنظر بحب الي الشارع والبيت ثم التفتت ووقفت امام الوكاله تنظر لها نظرات غير مفهومه بالنسبه لحمزه الذي هتف
حمزه: لمؤخذه يا حجه ماينفعش تركنو هنا
نظرت له الفتاه التي كانت تسوق وهتفت
الفتاه: وليه بقي ان شاء الله مش هاينفع نركن هنا
حمزه:عشان ده مكان عربيتنا ومحدش بيركن فيه
هتفت الفتاه الثانيه: اشترتوه يعني ولا ايه وبعدين عيب اوي تعامل ضيوف عندكو بالطريقه دي
لم يتكلم حمزه حين رأي تلك الصغيره بعيناها التي كانت كامغنتيس اجتذبه بشده افاق علي صوت السيده التي هتفت
انت مين
حمزه:انا مين دا ايه انا حمزه فضالي هو في حد في الجماليه كلها ميعرفش ولاد الحاج عبدرحمن فضالي
روقيه:انت ابن عبد الرحمن طب يا سيدي ماتزعلش ابقي اقوله ان اللي ركن مكانك روقيه وبناتها
ثم تركته واتجهت الي بيتها
تكلم هو بصوت منخفض
حمزه:ايه روقيه وبناتها يعني هاتخوفيني بشوقك بقي لما يجي العاصي ربنا يستر وميسوهاش بالارض بعد ما يهرسها تحت الjeep بتاعته هههههههههه
دخلت روقيه علي والدتها وارتمت في احضانها وبعد السلامات بين الجده والاحفاد
جلسو يتحدثون
روقيه: يا ماما سالم اخو عثمان ده شراني وولاده زيه دا بيهددني كل شويه في التليفون انو لا هايسبني ولا هايسيب بناتي وبيقولي اني اول ما هانزل مصر هايجي يخدهم مني
توحه: ليه هي الدنيا سيابه ولا فاكرهم قصر بناتك بلغوا سن الرشد وما يقدرش يغصبهم علي حاجه
روقيه:هو بيعمل كل ده عشان عثمان الله يرحمه كتبلهم كل حاجه قبل ما يموت وسجلها وحرمه هو وولاده من الميراث اللي كان عايز يشفطه
توحه:ماتخافيش ولا هايقدر يهوب ناحيتنا دا احنا في حماية ربنا ومن بعده فضالي وابنه العاصي واذا بغمزه تهتف
غمزه:ايه اسمه ايه يا نانا
توحه:هههههه العاصي دا بقي أسم علي مسمي العند كله والمشاكل كلها
عربية مين اللي مركونه هنا دي ياشارع سو ومالكوش حاكم انا قايل مليون مره محدش يركن هنا
توحه:هههههههههه اهو هو ده العاصي
💜💜💜💜💜💜💜💜💜💜💜💜💜💜💜
. الفصل الثاني
واقف في الشارع فاتح حقيبة سيارته ومطلع منها عصي غليظه طويله(شومه)
الحاجه توحه:اهو جيه اهو تعالو اما نشوفه بيتخانق مع مين النهارده ومين اللي امه داعيه عليه وركن عربيته مكانه دخلو الي شرفة بيتهم صرخت غمزه
غمزه:عربيتي يا مامي الحقي ده هايكسرها ثم اخذت مفاتيح سيارتها ونزلت تجري لتنقذها من براثن هذا العاصي
عاصي: وقف يلوح بعصاه وهو يصيح بصوت مرتفع انا عايز اعرف فين صاحب العربيه دي لو راجل ينزل يوريني نفسه
وقفت امام باب المنزل بكل خوف منه ولكنها اصطنعت الشجاعه
غمزه: انا صاحبة العربيه انت ايه الدوشه اللي انت عاملها دي
التفتت اليها وهو في قمة غضبه ثم هتف
العاصي: انتي ايه انتي بنت مين يا شاطره روحي هاتيلي حد كبير اكلمه
غمزه: هو ايه اللي حد كبير ده وانا مش عاجباك ولا ايه قولتلك انا صاحبة العربيه وانا اللي ركنتها هنا
عاصي:تمام وانتي بقي اللي هاتتحملي اللي هايحصل فيها دلوقتي
غمزه بعناد:ولا تقدر تعمل حاجه ولو فكرت بس انك تلمسها هاعملك محضر في قسم الشرطه انا واحده راكنه عربيتي تحت بيتنا وانت مالكش اي حق في اللي بتعمله دا
بكل عصبيه رفع العصي قاصد ان يهشم بها زجاج السياره ولكن يد اباه منعته وامسكتها من الخلف قبل ان تسقط
عاصي:سيب يا ابا اما اشوف حتة العايله اللي جايه تهددني دي هاتعملي ايه
فضالي:استني بس يا عاصي هاتعمل عقلك بعقل عايله صغيره هتفت توحه من الاعلي
توحه: واد يا عاصي اوعي تعمل ليها حاجه دي حفيدتي يا واد
رفع فضالي رأسه الي الاعلي بعفويه ليراها تقف بجانب والدتها تسمر مكانه للحظات ثم هتف
فضالي:خلاص يا عاصي تعالي معايا دلوقتي
عاصي:ماشي ياستي عشان خاطرك انتي بس انا هاسكت بس ابقي عرفي المحروسه مين هو العاصي
غمزه:حصلنا الرعب يا مستر هولاكو ثم جرت من امامه بأقصي سرعه قبل ان يفتك بها
صعدت الي الاعلي لتلقي باحضان والدتها هتفت بها
روقيه: ايه اللي انتي عملتيه ده انا كنت فكراكي نازله تنقلي العربية تقومي تتخانقي معاه
غمزه:ماهو اللي استفزني وقالي يا عايله
توحه:لاء يا غمزه ده بالذات ماينفعش توقفي قصاده ده الشارع كله بيهابه وبيحترمه ومحدش يقدر يوقف ادامه كده وانتو من ساعة مادخلتو الشارع بقيتو في حمايتو
ال وانتي جايه تعاديه
هتفت غزل اخت غمزه
غزل:اشمعني هو يعني يا نانا طب ما اخوه قابلنا واحنا طالعين ومش عمل زيه كده ولا هو دا بلطجي يعني ولا ايه
توحه:قطع لسان اللي يقول علي العاصي كده دا سيد الرجاله
اما عند فضالي داخل الوكالة قص عليه كل ما قالته له الحاجه توحه
فضالي: عرفت بقي ياسيدي مين دول
عاصي:ولما هما حالتهم نيله كده مش كانو يعرفوها مين اللي طالبين منه الحمايه ويخلوها تحط واطي شويه ياابا دي كانت بتكلمني وكأنها بنت وزير
حمزه:ههههههه بس بصراحه يا عاصي ليها حق بعيونها الخضر دول وجمالها ده تتكبر كده علي خلق الله
عاصي:حمززززززه لم نفسك انت اصلا لسه دورك جاي وهاطلع كل اللي فيا عليك النهارده
حمزه:الله وانا مالي ياعم ماابوك هو اللي قالي
اقعد معاه في الوكاله هو كل حاجه تطلعها عليا انا ولا ايه
عاصي:طب غور يالا من هنا بدل ما أقوم لك وربنا وفين زين انا مش شايفه يعني من ساعة ما جيت
فضالي:ماتقلقش عليه هونايم فوق
عاصي : غريبه يعني نام بدري النهارده
فضالي: اصله طلع معايا العصر واتغدي ونام جانبي شويه دلوقتي تلاقيه هايصحي وينزل
اما يلاقي عربيتك واقفه
المهم قولي موافق علي موضوع روقيه وبناتها ولاايه
عاصي:خلاص يابا هو انت مش اديت ستي توحه كلمه يبقي خلاص بس البت دي مالهاش عندي حمايه طلاما هي جامده اوي كده وبتعرف تحمي نفسها يبقي تكمل مع نفسها بقي
دخل زين الي الوكاله يجري عليه:بابي انت اتأخرت كده ليه
عاصي:اهلا زينو حبيبي معلش اتأخرت عشان كان عندي شغل
زين : طب يلا بقي انا عايز شاي بلبن من القهوه وتعالي نقعد بره
عاصي:ماشي بس هاعدل العربيه وانت هات الكراسي ومع عمك وقول للواد حمص يجبلي الشيشه والقهوه ويجبلك انت الشاي بلبن بتاعك
جري زين الي القهوه ولكنه توقف حين رأها تخرج من بيت الجده توحه تلبس بنطلون قصير وبدي بنصف كم عليه يصل الي اسفل خصرها بقليل توقف امامها وهتف
زين:انتي مين. بقلمي/كنزي حمزه
غزل:اهلا يا جميل وانت بقي تبقي مين
زين :انا زين العاصي بابي اللي واقف جوه الوتاله ده
غزل:اهلا وسهلا وانا غزل نانا بتاعتي اللي ساكنه في البيت ده
التفت حمزه اليهم ليجد ابن ا خيه يقف مع تلك الفتاه التي سرقت تفكيره بعيناها ليغضب برؤيتها بهذا المنظرونزولها ليلا لوحدها
حمزه بغضب وهو يقترب: زين انت بتعمل ايه عندك وانتي ايه اللي منزلك دلوقتي ورايحه فين بالبس ده
زين: دي اسماها غسل يا حمسه دي هاتبقي ثحبتي
غزل:اااانا كنت عايزه اروح اجيب حاجات من السوبر ماركت
حمزه:بصي يابنت الناس احنا هنا فالحته ماعندناش بنات بتنزل باليل ومعندناش بنات بتنزل بالبس ده من اصله اتفضلي علي بيتكو واكتب اللي انتي عايزاه في ورقه وهابعت ليكي حد يجبو ليكي
غزل بخوف :حاضر حاضر ثم جرت من امامه
زين:كده يا حمسه خوفت ثحبتي
حمزه: قولتلي اسماها ايه صاحبتك يا زين
زين:قولتلك اسمها غسل
حمزه:😕غسل ايه ياض في بنت اسمها غسل
عاصي:غزل يا قفل مش بيقولك يا حمسه ههههههه
حمزه: هههههههههه غزل بس تصدق اسم علي مسمي البت جميله هي واختها
عاصي:مش عارف انت شايف اختها حلوه كده ازاي مع اني مأخدتش بالي خالص منها وهي قدامي
حمزه وهو يضربه بخفه علي كتفه:يا عم هو انت بتاخد بالك من حد خالص غير زين
عاصي:بتمد ايدك علي مين ياواطي ولوي له زراعه خلف ظهره وسط ضحكاتهم هم الاثنان
وهم لا يعلمو ان عيون هتان الفتاتان تراقبهم من اعلي
ولكن الفتاتان لم يعلمو ان هناك عيون كارهه لهم ولوالدتهم ايضا تراقبهم من شرفة شقتها
فاطمه وهي تكلم نفسها بصوت واطي:ايه اللي رجعك تاني يا روقيه جايه بعد السنين دي كلها تصحي الحب القديم لا والنبي مايحصل وكويس انكو وقعتو مع العاصي بس انا برده مش هاسكت لازم اعرف انتي ايه اللي رجعك
فاطمه:بت يا حسنه انتي يا بت
حسنه:نعم يا ستي
فاطمه:انزلي اندهيلي عاصي من تحت اجري
حسنه: لاء والنبي يا ستي ده هايفضل يقولي يا فرج في الشارع قدام الناس اقولك اطلبيه علي المحمول
فاطمه:امشي يابت اعملي اللي قولتلك عليه
ال محمول ال
حسنه:يوه بقي اديني راحه اهو
وعند غزل وغمزه كتبت غزل الورقه ثم انتظرت هذا الذي يبعته حمزه ليجلب لها طلابتها
ودق الباب وفتحت لوزه
لوزه:عايز ايه يا حمص
حمص:مش عارف سي حمزه قالي اطلع عندكو واشوف طلبتكو ايه عشان اجيبها ليكو
جاءت غزل من خلفها:طيب خد الورقه دي والفلوس دي وهاتلي الحجات دي من السوبر ماركت
حمص :انتي تأمري ياست البنات دقيقتين بالظبط والحجات هاتكون عندك
ثم نزل الي اسفل وجد حمزه ينتظره في مدخل البيت
حمزه:عارف لو كنت دخلت هاعمل فيك ايه
حمص:وربنا ياسي حمزه مادخلت دي ادتني الورقه والفلوس علي الباب
حمزه :وبتاخد منها فلوس ليه ياحمار هات وريني عايزه ايه
نظر الي الورقه وجد طلبتها عباره عن بسكوتات وشيكولاتات وبيبسي وشيبسهات
ضحك هو على تلك الطفلة ثم اعطاه الورقه مره ثانيه واخذ منه مالها واعطاه مال من جيبه وهتف فيه
حمزه:خد وروح بسرعه هات الحاجه وانا مستنيك هنا يلا
ذهب حمص وجلب الطلبات ورجع له هتف
حمزه:جدع ياض خد بقي الباقي ليك
وخد الفلوس دي رجعها ليها تاني اقولك استني ثم كتب في ورقه رقم هاتفه وتب تحتيه (كل ما تعوزي حاجه اطلبيني بس هابعتلك اللي يجبلك اللي انتي عايزاه)
ثم لف فيها فلوسها ووضعها داخل ال حقيبه البلاستيكيه وهتف
حمزه:يلا اطلع بقي وركز اديها هي الشنطه سامع
حمص:حاضر
صعد اليها وتوجه الاخر خارج المنزل ليجلس مع اخيه امام الوكاله هتف عاصي
عاصي: وهو يمسك بلي الشيشه في يده ايه يا نحنوح وديت الطلبات للمدام ولا ايه
حمزه : هههههه يا ريت يا عاصي البت خطفت قلبي من ساعة ما عيني جات وشوفتها
نظرعاصي للاعلي ليراها تجلس في الشرفه بجانب اختها يضحكون رأها هو وكأنه يراها لأول مره ببسمتها التي اشرقت وجهها اكثر واكثر ليفيق علي هذا الصوت
حسنه:يا سي عاصي يا سي عاصي هو نام يا حمزه وهو قاعد ولا ايه ضحك حمزه علي تلك البلهاء وهتف عاصي
عاصي:الله يخرب بيتك يا فرج عايزه ايه ياعملي الاسود في الدنيا
حسنه:طب وربنا حرام عليك اللي بتعمله فيا ده في البيت فرج وفي الشارع فرج انا اسمي حسنه وربنا
عاصي:وهو يضع يده علي عنقها :يا فرج يا بنتي انا كده بصحح اوضاع غلط طب انا راضي زمتك ده وش فيه حاجه تدل علي الحسن عشان يظلمو الاسم ويسموكي بيه
حسنه:ها😰انا مش فاهمه حاجه من اللي انت بتقوله ده
ليضحك الصغير الواقف بجوار ابيه علي تلك البلهاء
عاصي: مش فاهمه الواد الصغير فهم وانتي مش فاهمه انطقي وقولي عايزه ايه يا فرج واخلصي وايه اصلا اللي نزلك دلوقتي
حسنه:ستي فاطمه عاوزك ضروري طب وربنا قولتلها تطلبك عالمحمول زعقتلي وقالتلي انزل اجيبك بنفسي
ضحك حمزه عليها ثم هتف
حمزه: ههههههههه شوفت بنفسي دي يا عاصي سيادة الوزير فرج نازله بنفسها تجيبك ثم هتف فضالي
فضالي:اطلعي يا حسنه علي فوق وهو هايجي وراكي يلا
حسنه:حاضر ياعم الحج
عاصي:ايه هو في ايه يا حاج
فضالي: اكيد هاتعملك جلسة استجواب
عاصي:ههههه ماشي اما اطلع اشوفها عامله اكل ايه.
ثم صعد اليها وهو يحمل ولده علي كتفيه ودخل به الي الشقه ثم الي الشرفة التي تجلس فيها هتفت هي
فاطمه تعالي يا عاصي يابني مش تطلع تاكل لقمه الاول وتغير هدومك وبعدين تقعد في الشارع زي ماانت عاوز روح يا زين قول لحسنه تجيب لابوك صينية العشا
زين:حاضل يا تيتا
عاصي :عامله ايه يا اما
فاطمه:نحمدو يا حبيبي اما انا النهارده عامله لك محشي ورق عنب وبط انما ايه يستهلو بوؤك
عاصي:الله الله طب يلا هاتي بسرعه الا انا جعان
فاطمه :طب اقعد والبت هاتجبلك الاكل
الا قولي صحيح مين البت السافله اللي كانت واقفه ترد عليك وقاعدين عند الحاجه توحه دول
عاصي: انا عارف يا اما اهي بلاوي وبتتحدف علينا بيقولو بنتها واحفادها
فاطمه: ايه روقيه بقي ليها بنتين كبار او كده
عاصي:هي اسمها روقيه
طب وبناتها ماتعرفيش عنهم حاجه لينقلب السحر علي الساحر وبدل ما هي تسأله بقي هو اللي بيسألها
وهو يقف امام سور الشرفه ويحني جزعه امامه وينظر الي تلك المتمرده التي تجلس في الشرفه التي امامه
فاطمه: ماعرفش عنهم حاجه كل اللي اعرفه ان أبوك من اكتر من عشرين سنه من قبل ما يتجوزني بكتير كان بيحبها واهلها رفضوه وجوزوها وسافرت مع جوزها ومجاتش هنا زياره ولا مره ديما كانت بتبعت لأمها تروح ليها بس ابوك عمره ما نسيها دا كان ساعات بيغلط في اسمي وينده لي بأسمها
التمس عاصي نبرة الحزن التي غلفت صوت والدته وتدراك امر غيرتها من تلك المرأه
وهتف
عاصي: بس خلاص بقي انتو كبرتو عالحب والحاجات دي مش كده ولا إيه يا فطوم
فاطمه: ابوك لو طال يرجع الماضي كله عشان ميسبهاش هايرجعه انت لازم تعرف هما جاين ليه
جلس عاصي يأكل الطعام الذي امامه
ثم هتف
عاصي: ال يا خبر بفلوس بكره يبقي ببلاش
مش يمكن وحشتها مصر قالت تيجي زياره وترجع تاني
زين وهو يصعد علي قدمه وينظر الي الشارع
عندهم بنت حلوه بقت ثحبتي يا تيتا واسمها غسل
فاطمه:انت لحقت تتصاحب عليهم يا واد يبقي انت اللي هاتجبلينا الاخبار
عاصي بعدم رضا مما قالته امه: اما متعوديش الواد علي نقل الكلام وانت يا لمض اقعد كل وانت ساكت
زين:يووووه بقي يعني بلاث اتلم يايعني
عاصي:لاء يا يا لمض بلاش ويلا كل كويس
وقف حمزه في الشارع اسفل الشرفه يحدثه
حمزه:عاصي انزل كلم ابوك عايزك
رفع الاخير نظره اليها ليجدها تتضع الهاتف علي اذنها تتحدث مع احد ما وبجورها اختها
ثم نظر الي اخيه وعلي صوته حتي يلفت انتباها
عاصي: يا بني في ايه دا انا لسه طالع مش هاعرف اكل لقمه كمان ولا ايه
رفع حمزه رأسه والتفت ليري ما ينظر اليه اخيه ثم استدار اليه وهتف
ياعم انا مالي انزل عشان تكلم تاجر الغله الراجل عايز يرفع السعر تاني
عاصي: نعم ليه هو اتفاق........... انا نازل قول لابوك يقفل معاه
حمزه:ماشي بس هاتلي طبق محشي معاك وانت نازل هههههههه
نزل عاصي الي اسفل وبيده طبق الاكل لأخيه وباليد الاخري يمسك يد زين
تحت نظرات تلك المتمرده
وقفت غمزه مع غزل يتحدثون سويا علي هؤلاء الشبان اللذان اقتحموا حياتهم من لحظة حضورهم الي هذا البيت
غزل:الحقي ياغمزه دا بعاتلي الحجات كلها ورجع معها الفلوس
غمزه:ليه ان شاء الله هايصرف علينا ولا ايه لازم نرجعله الفلوس يأما ياخد الحاجه انزلي قوليله كده
غزل:لاءياختي انا مش هاقدر اعمل كده احسن يزعقلي تاني ويقولي معندناش بنات تزل الشارع باليل لوحدها
غمزه:طب ايه هاتعملي ايه ماهو ماينفعش يجيب الحاجه ومش ياخد فلوسها
غزل: استني استني هي ايه الورقه دي
بصي