رواية ورده في مزبله
الفصل الثاني والعشرون
والثالث والعشرون
بقلم منة محمد
صحت الصبح وهي تتالم وافتكرت امبارح لما
صحت وغيرت هدومها كان جسمها خرايط وكل الالوان الي تعجبكم
معلمه فيه!!قامت بشويش وواتحمدت الله ان اليوم عطله ما فيش مدرسه راحت للمرايه تشوف
نفسها بصت لنفسها كانت لابسه بيجاما لونها زهري ومرسوم عليها صوره دبدوب وشورت البيجاما لحد الركبه بصت
لدراعتها كانت اشكال والوان حتى رقبتها ما سلمتش منهم اتحسست مكان الضربه على رقبتها لونها بنفسجي بلعت غصتها وعيونها لمعت من الدموع
خلاص قرفت من الحياه نفسها تموت وتخلص منهم كلهم ايدهم معلمه علي جسمها حتي نادر برضه مفوتش الفرصه واخدت منه كام علقه!
مسكت شعرها ورفعته بالتوكه مالهاش خلق تمشطه وراحت لجنب الس رير وقعدت على الارض وسندت راسها على الجدار
وبصت في انحاء الغرفه بضياع وبعدها نزلت نظرها للارض وسرحت بعالمها الحرمان .
*******قصص من محمد ********
نروح عند الجد الي حاسس انه هيموت من الذنب
دخل غرفة ريم كان السرير فاضي شفها نايمه على الارض قرب منها وقعد على الارض
وانصدم من الضربات المعلمه بجسمها رفع راسها بايده وانصدم من العلامات اللي برقبتها
اتنهد بندم ازاي ما تحكمش في اعصابه بص في عيونها كانت حزينه و تلمع بالدموع
مسح على راسها وبهدوء وصوت نادم : سامحيني يا بنتي فقدت اعصابي
لفت عنه وشها بدون ماتتكلم مسك ايدها بشويش : يهون عليكي تزعلي من الشايب
ما ردتش عليه اتنهد بألم : يا ريت ايدي انكسرت قبل ما امدها عليكي صدقيني ساعة غضب
كانت ساكته ولافه وشها للناحيه التانية وما تكلمتش سكوتها موته بيحب يشوف البسمه على وشها
مستحيل يقبل بالبسمه تنطفي من محياها : انا اسف شوفي انا سليمان بعتذرلك وبابتسامه تعرفي ولا واحد من ولادي او احفادي ضربته واعتذرت له الا انتي سكت لثواني طيب كلميني واي حاجه ترضيكي انا مستعد اجيبهولك بس ارضي وفكي التكشيره
تعب معها مطنشاه عالاخير قلبه وجعه عليها وحس انه اهان بنت يتيمه مع ان امها وابوها عايشين بس ولا مره حسسوها بالابوه والامومه حتى امها بقالها شهرين ولا مره طلبت تزورها طلبت تزور بنات خالها اما امها ولا بتجيب سيرتها
متاكد زي ما عاملها نادر عاملتها ساره بس ايه ذنبها اليتيمه دي
بصلها وهي صاده وشها عنه وقلبه محروق عليها
سبحانه طول عمره قاسي لكن ريم مش عارف ليه اتجاهها بيحسها شفقه بقلبه ويحزن عليها
اتنهد بقله حيله : دلوقت هسيبك لوحدك بس اتاكدي انك مش هترتاحي مني الا لما ترضي عني فاهمه
بصتله وهي علي نفس الحاله كأنه بيكلم الجدار ولا عبرته استغفر ربه وطلع من الغرفه وهو خلقه ضيق عليها ........
*********قصص من محمد ***********
بعد العصر
عصمت لسها : اسكتي اسكتي عمك راح وراضاها بس قال ولا اتكلمت معاه ولو بحرف ساكته ورافضه تكلم حد حتى الغداء رفضته ورجع زي ماهو
نجوي ببرود : اخرها ترجع وتاكل لما تجوع
عصمت للكل :فين البنات ؟؟؟
سها : في بيت نادر متجمعين هناك
عصمت وهي مش عارفه تقعد : نجوي اطلعي حاولي مع ريم تنزل وتقعد معنا الحيوانه دي مش عارفه اقعد من غيرها
نجوي : والله عندك حق يا خالتي كلامها وحركاتها بتحلي القعده مع اني مش بطقها بس بحب قعدتها (منافقه)
سها بضحكه : هههههه واقسم بالله كلامها نفس كلام الحريم وتعليقاتها من الاخر
لفت عصمت على ساميه : روحي شوفيها خليها تيجي تكمل حكايه ام سعيد ما كملتهاش وانا هموت واعرف باقي الي حصل
وقفت ساميه : طيب
*****قصص من محمد******
دخلت الغرفه بعد ما دقت الباب وما حدش رد علي كانت قاعده على السرير بصتلها وبعدها لفت وشها وفضلت تبص من الشباك
ترددت تقولها ايه لان ما فيش علاقه بيني وبينها : ءءء ريم جدتك بتقولك تعالي اقعدي تحت فالصال
ريم ولا ردت عليها ساميه كررت الطلب مرة تانية ولا حياه لمن تنادي ساكته ولا اتكلمت بحرف واحد قررت ساميه تسيبها على راحتها وطلعت من الغرفه بهدوء وهي مقهورة من نادر سايب بنته الي نفسه يفرد عضلاته يفردها عليها ..حرام والله حرام دخلت الصالة بضيق
سالتها عصمت : ناديتيها ؟؟
ساميه قعدت مضيقه: والله حرام يا حماتي البنت كبرت ومخطوبه مينفعش يضربوها كدا جسمها كله الوان وسكتت من الحزن
عصمت بلامبالاه : خليها يمكن تتعدل وتبقي بني ادمه
سها : ما حدش بيموت من الضرب وعشان تغير الموضوع ايه اخبار ندي
نجوي : هتفضل عند اهلها لبعد الولاده وضعها تعبان وبنتها مغلباها بتقول اخواتها بيساعدوها فيها
نجوي : ربك يقومها بالسلامه
..........قصص منه محمد..........
بعد الغروب شدت على بطنها بايدها وحست بالجوع بس نفسها مسدوده للاكل وقفت وطلعت البلكونه ....كان الجو خيالي وفيه نسمه بارده ترد الروح للجسم بصت للسماء كاسيها اللون الاحمر وكان فيها بعض غيوم متفرقه وبعديها بصت للاشجار في الجنينه كانت تتمايل من الهوا الخفيف وكانها تتراقص
ضمت ايدها لصدرها والهوا يلاعب شعرها الطويل وجيبتها القصيره تتحرك يمين وشمال بخفيف اخدت نفس ومتعرفش ليه جات امها على بالها
مشتاق لها ومشتاق لكلمه ماما ومشتاق انها تشوفها رغم كل الي حصل وسمعته منها ...هتفضل برضه تحبها برغم الجفي تتمني ترجع لحضنها وترمي كل همومها عليها
افتكرت لهفتها عليها لما كانت بتزور بيت جدها تجري من اوضتها بسرعه وتنزل عندها بس تتحرج دايما لانها. كانت تنشغل مع خالاتها
وبلعت غصتها لما تيجي تسالها اي سؤال تطنشها ولا كأنها بتكلمها
وهي متأكده انها سمعتها بس عملت نفسها مشغوله بالكلام مع خالتها غاده
ريم فضلت واقفه تتاملها وهي مستنيه رد علي سؤالها
وبنفس الوقت جه ابنها وسألها سابت خالتها وجاوبته وهي بتضحك وبعدها ضمته وباسته على خده وهي مبسوطة
كانت بصلها وقلبها ينفطر ..........انا استحق الحنان والاهتمام اكتر من ابنها .......انا المفروض تقعدي معايا وتسألني عن حالي طول المده الي عشتها عند جدي سالم (سالم ابو امها) كنت مستنيه امي تسألني عن حالي
تسألني ازاي حياتي عند نادر
تسألني عن مدرستي
تسألني اذا ناقصني حاجه
تسألني تسألني تسألني تسألني
واجاوبها عن حالي واقول لها حياتي من غيرك وبعيد عنك عذاب
كنت مستنيه تسألني ازاي قضيت 5 سنين عند نادر
كنت اتمنى اجاوبها واعرفها عن السجن اللي كنت بعيشه اعرفها الظلم وقسوة نادر
كنت اتمنى احكلها عن طفولتي المحرومه
كنت اتمنى احكلها عن دار الايتام
كنت اتمنى احكلها عن اول يوم فالمدرسة
كنت اتمنى احكلها استهزاء البنات عليا لان ما عنديش ام ترتبني
كنت اتمنى احكلها عن كل شئ ينقصني زي باقي البنات
واطلع معها ونتسوق وتشتري لي احلى الفساتين
كنت اتمنى احكلها عن عمتي هند وطيبتها وعن هديتها الي عطتهالي
كنت اتمنى احكلها عن ندي مرات عمي وروعتها
وامور كتيره كنت مستنيه الفرصة عشان اقولها بس هي ولا ادتني الفرصه طول الوقت تهرب مني
عضت على شفتها بألم ولما افتكرت كانوا مره قاعدين كلهم وبيخططوا لحفله عيد ميلاد شروق وكانو مندمجين في التخطيط
بس لفت نظرها لما خالتها غاده سألت ساره : ابنك المقرود ده امتى عيد ميلاده وشاورت على اخوها
ردت ساره بابتسامه وهي بتبوس ابنها وفرحانه بيه : ربنا يحفظه عيد ميلاده ..../......./...وهيكون يوم الاثنين
ردت غاده بابتسامة : لالالا الظاهر انك حاسبه كام شهر بقى وكام يوم وكام ساعة
ردت ساره وهي بتحضن ابنها : فاضل شهرين و6 ايام
سألتها غاده : وريم امتي عيد ميلادها
بصت ريم لامها وهي منتظره بشغف تسمع منها تاريخ ميلادها وتحس فعلا انها مهمه عندها عالاقل بمعرفه تاريخ ميلادها
ريم ......انا راضيه بالاهتمام القليل راضيه بس انصعقت لما سمعت الجواب وكأني زجاج واتحطم لقطع صغيرة
ساره لخالتها وبتفكير : كأنه ....../....../.....
بصراحه كانت صدمه ل ريم تاريخ ميلادها غلط غلط غلط!!!!!!
رفعت نظرها للسماء وهي الذكرى دي تالمها ومع ذلك حطت لها عذر يمكن ذاكرتها ضعيفة وتنسى وهزت كتفها بحزن وهي تردد يمكن ..يمكن
اخدت نفس وذكرياتهت تحوم لليوم اللي غرقت فيه غمضت عيونها ووافتكرته بألم
اتفقت مع البنات تطلع للجنينه ونقعد فيها كان الوقت بعد العصر طلعنا وقعدنا وحضرنا كل لوازم القاعده وكنا بنضحك ومبسوطين ونعلق على بعض
شروق وهي بتضحك : ههههههه بنات تخيلو شكل ريم وهي عروسه هههههههه
شوق وهي تكمل : ههههه اظن كدا مش هنلاقي فستان زفاف على حجمها
منار وعيونها نازل منها الدموع من كتر الضحك : هههههه خلاص روحي على قسم الاطفال عندهم فساتين ههههههه حاجه من الاخر
شروق وهي تاخد نفس من كثر الضحك : هههههه وتخيلوا العريس طولها ههههههه نقول له يروح على قسم الاطفال ههههههههههه
ريم : هيييي رخمين اوي اصلا وسكتت وفتحت عيونها على وسعهم
وشاورت للبنات بخوف لما شافت اخوها الصغير قريب من البسين
وقفوا البنات بخوف وبعدها جريوا قبل ما يقع بالميه
بنفس الوقت شافته ساره وخالاتها وجريوا زيهم عشان يمسكوه قبل ما يسقط في البسين بس لما قربوا منه مدت شروق ايدها تمسكه بس بلحظه اتزحلق وغرق في قلب الميه
بنفس الوقت وصلت امها وجن جنونها لما شافت ابنها بيغرق وبدون قصد بعدت ريم بايدها عن طريقها بستعجال عشان تلحق ابنها!!!
دفعتها بقوه عن طريقها وبسبب الدفع وقعت ريم في البسين وما كنتش بتعرف السباحه حاولت ترفع راسها لخارج الميه عشان تاخد نفس بس شافت امها وهي حاسه بانها خلاص روحها بتنسحب منها حاولت وحاولت تطلع راسها لفوق وشربت ميه كتير وبدأت تحرك ايدها زي المجنونه
نزلت امها للميه وبصتها وانتظرت تساعدها
بس انشغلت بانقاذ ابنها وطلعت من البسين وهي شيلاه وبعدت عن الحمام
للحظه كانت ريم هتستسلم للغرق خلاص مش قادره تقاوم اكتر من كدا ارتخى جسمها وغرقت بالفعل لتحت القاع ...
ولما البنات استوعبوا الموقف نزلت بسرعة شوق ومنار وطلعوها من المايه بعد ما فقدت الوعي تماما
كانت امها تصرخ باسم ابنها ما صرختش باسمها وكأنه ما فيش في الدنيا غير اولادها وانا وانا يا امي فين موقعي من حياتك فين موقعي من حياتك يا امي وفضلت تردد بيت شعر بالم وتساءلت
هل الخبز هو أب والمياه هي أم.
غمضت عيوني بألم
هل الأم تحب برقة، والأب يحب بحكمة.
مسحت دمعه تسلسلت من عينها لما سمعت خبطه خفيفه على الباب قطعت عليها خلوتها بنفسها
سمعت خطوات قربت من اتجاها بس ريم ولا اتحركت من مكانها فضلت واقفه وضامه ايدها لصدرها
بعدها استقرت الخطوات جنبها وسمعت صوت دافي قريب من ودنها : الجو ما شاء الله روعه
ماردتش ولا اتحركت ولا طلع منها اي حركه وكأنها متجمده سوى شعرها اللي بيطير وجيبتها اللي بيحركهم الهوا وكأن الهوا بيلاعب شعرها وجيبتها ومشفق عليها
لما مالقاش منها جواب حط ايده على كتفها برفق وبحنان وبلهجه تصرخ بالندم : لسه زعلانه ؟؟ طيب انا جاي ارضيكي اطلبي وانا انفذ قلتي ايه؟؟؟
ما رديتش عليه
لفها على جهتها وهو ماسك كتافها بايده الاتنين : ايه يرضيكي يا بنتي ؟؟
وكأنه بكلمة بنتي فجرت كل طاقه التحمل عندها
بعدت ايده عنها بعنف ودموعها غصب عنها نزلوا وبألم ردت : انا مش بنتك ,, مش بنتك لو انا بنتك ماكانتش ضربتني كدا كنت رفضت المتوحش يضربني
دايما اسمعكم كلكم تشتموني وتحتقروني وتضربوني لاني ماليش قيمه عندكم ماليش احترام ضربتوني وكأنكم نفسكم تنتقموا مني روحوا على بيت سالم وانتقموا منه انا ما ليش ذنب في حاجه
وشاورت على جهة الشارع : روح على سالم وانتقم منه (وبضعف) انا ماليش دخل فيكم كلو يحط غله وانتقامه فيا قولي ايه هو ذنبي عارف ايه هو ذنبي اني ماليش ام ولا اب يحموني ويدافعوا عني .....ويوم ما قررت اخد حقي بنفسي وادافع عن نفسي ضربتوني حرمتوني اعيش زي اي طفله بين امها وابوها حرمتوني اعيش طفولتي زي باقي الاطفال ....حرمتوني افتخر واذكر اسم بابا او ماما قدام البنات ....حرمتوني اعيش جو الاسره واحس بالامان .....حرمتوني من كل شيء اتمنيته في حياتي وعاوزين دلوقت .......تحرموني ادافع عن نفسي عاوزين البنات يهينوني واسكتلهم لاني ما عنديش ام او اب ياخدوا حقي من البنات ويدافعوا عني
بعدها خففت نبره صوتها وبصتلو بعيون دامعه مكسوره مذلوله : فين اروح ؟؟؟ ما حدش طايقني ؟؟ ما حدش بيحبني ؟؟ انتحر وخلاص ارتاح وترتاحوا مني...!
وقعدت على الارض وحطت ايدها على بؤها تكتم صوت شهقاتها المكسوره الضعيفه : ابويا بيكرهني مش عاوز يشوفني وفوق ده كله متبري مني بدون ذنب وامي مش عاوزاني وبدون ذنب اقترفته الا اني غلطه غلطه
اذا امي وابويا كدا متبرين مني وحاقدين عليا وبيكرهوني لاني بفكرهم ببعض ماليش اعتب على حد اذا كرهني
وبعدها بصت لجدها بابتسامة ألم : متخافش مش زعلانه منك
قعد الجد على الارض وحضنها بقوه وبصوت مهزوز : ما عاش الي يذلك وانا نفسي بيشم الهوى يا ريت يا بنتي ايدي انكسرت قبل ما امدها عليكي
وخرجها من حضنه وابتسم على الخفيف ومسح دموعها : انتي بنتي غصب عن الكل انت بنتي اللي ربنا رزقني بيها بعد العمر ده كله ومستحيل افرط فيكي وبعدين انا بعاملك زي بناتي اسألي هيفاء وهند عن الضرب الي نالوه مني انتي ولا شي على الاقل انتي انا برضيكي اما هند وهيفاء كانوا يجوا هما الي يراضوني وانا ادلل عليهم
وبعدها وقفها وهو يبتسم : يالا اغسلي وشك وجهزي نفسك بعد العشا عازمك بمطعم على احلى عشاء ويا ويلك اسمع اعتراض اتفقنا
بصتلو ودموعها لسه بعيونها متعرفش ليه رضيت عليه ابتسمت وهزت راسها وبصوت مبحوح : حاضر ...بس متفكرش اني رضيت بسرعة انا طبعي كدا اذا زعلت ارضى بسرعة
قرب الجد منها وضمها: ايوه كدا خلي الابتسامه على وشك كدا احلى بكتير
ابتسمت بخجل
كمل كلامه : بعدين ما تقوليش لحد عن الخروجه دي...دي سر بيني وبينك اوكي
هزت راسها بالموافقة وبعدها باسها على راسها وطلع
....قصص من محمد.......
ياريم انتي وجع بقلبي داريته أو اسم في قصه اوموضوع حكيته
انتي السكوت، انتي النغم
انتي الوجود، انتي العدم
انتي صفحة جوا كتاب، انتي حالة إكتئاب
انتي ضلمة وسط النور، انتي وردة بأرض بور
انتي حبيسة و حرة
انتي حلوة بس مرة
انتي أحلى ما في الفكرة
انتي الأمل اللي في بكرا
انتي ضحكة ضحكتها
انتي نغمة سمعتها
انتي الماضي و انتي الندم
انتي الراحة و انتي الآلم....انتي سيرة كل يوم، انتي حكاية موجوده في الكون
*********قصص من محمد************
بعد العشا جهزت نفسها وبصت لنفسها فالمرايه واخدت نفس وهي محتاره من تصرفات جدها احيانا يكون قاسي معها واحيانا طيب بس هي صدقته وحسته بيعاملها زي بنته ....صحيح انه امبارح ضربها ابشع انواع الضرب بس مش هتلومه كل اب بيعمل كدا في بنته لو المدرسه اتصلت بيه وبلغته عن بطولات بنته الي تكسف اكيد يعني هيضربها ويتعصب ويزعل منها وبما انها تحت رعايته فمن حقه اذا غلطت يعاقبها بس الي زعلها وضايقها عمها خالد الي حاشر نفسه في كل مصيبه هو مالوش دخل في حياتها ومالوش يمد ايده عليها بما ان جدها موجود هو ملوش يدخل وريم ندمت انها ضربت البنت بالشكل ده ..كان لازم تتبع اسلوب تاني تاخد بيه حقها منها مش كدا وكانها خريجة سجون لحظه غضب بسببها فقدت اعصابها فقدت صديقاتها واتنقلت لمدرسه تانيه زفت ع نفسها
وبعدها طلعت من الغرفه راحت ناحيه السلم وكالعاده ما تقدرش تقاوم التزحلق
خلعت صندلها ومسكته في ايدها ونزلت تتزحلق على الدرابزين ولما قربت توصل للارضيه نطت باحترافيه
سمعت صوت تصفيق رفعت راسها كان صقر يبتسم : ما شاء الله فاتحين سيرك هنا
طنشته وقعدت على الدرجه الاولى تلبس الصندل
بصلها وغمزلها بهزار : لا لا يهون عليكي تقاطعي الصقر بحاله لانه طردك من عربيته لا لا ما اقدرش على بعدك انا
ريم بنص عين وبعدها رجعت تعدل الصندل
صقر بصلها وفصل ضحك: ههههههه تعرفي يا ريم انك هههههههه تحفه وانتي زعلانه ههههههههه
وقفت وشخطت فيه : نفسي افهم شخصيتك المتناقضه احيانا تضحك معايا وتهزر وكاني واحد من صحابك واحيانا بصتك كئنك عاوز تنقض عليا وتسمعني كلام رخم وبايخ ممكن اعرف ايه سبب التناقض وكتفت ايدها
بصلها وهو يبتسم : امممم سؤال وجيه وحتي تعرفوا الاجابه تابعونا بالحلقه القادمه هههههههه
ريم بغضب : متاكد انك مش شارب ؟؟
بصلها وهو بيضحك : سالب ولا موجب هههههههه
غظها يتريق عليها طنشته وطلعت وهي سمعاه بينادي عليها وبيسالها رايحه فين؟؟؟
********قصص منه محمد***********
كان جدها بالعربيه مستنيها.. فتحت الباب قدام وركبت بعد ما قالت السلام بصوت هامس
وبعدها حرك جدها العربيه بهدوء ......
دخلو المطعم واختار جدها طربيزه بعيده شوي عن الناس
قعدو بهدوء جدها بصلها وهو يبتسم : يالا الاميره تحب تتعشا ايه؟؟
ابتسمت بخجل : الي انت عاوزه اي حاجه
رد عليها : ايه رايك في الكبسه ؟؟
ريم باستغراب : كبسه !!!
الجد غمزلها بشقاوه : انتو البنات تحبوا الاكلات الخفيفه والاكلات دي مش بتعجبكم تخافوا يخرب البرستيج
ابتسمت : لا عادي خلاص اطلب كبسه (فته لحمه ورز بالتوم والصلصه)
رد جدها وهو يسند ظهره على الكرسي : اذا مش عاوزه كبسه خلاص عادي اختاري واجبه تانيه وسيبك مني لاني لو عليا هيبقي فطاري وغداي وعشاي كبسه
ردت بهدوء : لا عادي خلاص اطلب كبسه ما عنديش مشكله
طلب جدها الكبسه وامور ثانويه وبعدها التفت لريم : هاه مبسوطه يا بنتي ؟؟
هزت راسها بالموافقة
اتنهد وهو يسند راسه على ايده : تعرفي كان نفسي اخدك معايا لما اسافر بعد يومين تغيري جو وتتعدل نفسيتك شوي
رفعت حاجب : طيب فين المشكلة ؟؟؟
ضربها على راسها بخفه : ناسيه المدرسه ؟؟؟
لوت بوزي : عادي اخد اجازه مش هياثر يعني !!
رجع جدها سند ظهره على الكرسي : ما شاء الله عليكي والاصفار الي تعبتي لحد ما حصلتي عليهم حرام يروح تعبك على الفاضي (بصلها) افتكرت انا اتصلت بمديره المدرسة الجديده وشرحتلها عن وضعك وعن مرضك وقالت مش مشكله تعيد الامتحان الاول عندهم وبعدين متنسيش ان امتحانات الشهر التاني على الابواب يعني جدولك فل لما ينتهي الفصل هخدك معايا وتختاري المكان اللي نفسك تسافري له اتفقنا
هزت راسها وهي مقهورة من المدرسه ضيعت عليها السفريه
بصلها الجد وسألها سؤال ما توقعته صعقته بالجواب واتناقشت معاه في الموضوع
وهما بيتناقشوا وصل الاكل وبعد ما مشي
الجرسون بصلها وابتسم : شرطك ووافقت عليه بس المقابل تذاكري وتجيبي درجات ترفع الراس ودلوقت اتعشي وبعدها اطلبي اي طلب مني وانا انفذه بس استعجلي وقت الدلال محدود
ابتسمت وافتكرت وحبت تستغله لصالحها : اممم جدي عاوزه خط نت
بصلها بشك : هتعملي بيه ايه ؟؟
ريم : يعني كل البنات الي بعمري عندهم لاب توب ومشتركين في النت الا انا حتى بنات عمي عندهم
رد بتفكير : بس اخواتك ما عندهمش !!
ردت بابتسامة : انت جاوبت اخواتي بنات نادر اما انا بنتك وبعدين انت قلتلي اطلبي وانا انفذ
اتنهد : طيب اعتبريه وصلك ولاب توب كمان ها عاوزه حاجه تاني
لعبت بالملعقه وهي بتحركها : اممم موبيل
بصلها وكانه مش عاجبه : بس انتي لسه صغيرة على الموبيل وقبل ما تقولي بنات عمي عندهم اقول لك ما حدش عنده الا نسرين واميره لانهم في اخر مرحله بالثانويه
ريم باعتراض : بس انا كبيره انا في اولى ثانوي
ضحك جدها: هههههه فكرتيني يوم المكتب وانا بسألك أي صف تقوليلي اولى ثانوي وقتها رفعتي الضغط عندي
ردت بزعل : بتضحك وانت كسرت عضم وشي من الكفوف مشكلتكم ما عندكمش حل وسط كله ضرب مفيش شتيمه
ضحك الجد : ههههه ما تقوليش عاوزه عنه رضاوه الحكايه دي كانت قديمه وراحت لحالها
ريم وهي لاويه بوزها :اااه زعلانه وعاوزه رضاوه موبيل
ابتسم جدها : طماعه اوكي خلاص اعتبري الموبيل وصلك
قامت من مكانها وباسته على راسه : شكرا
قعدت ريم وقالت لنفسها...انا مبسوطه على االاخر وانا بتخيل شكل بنات عمي لما يشوفوا معاي التلفون وكمان عمي خالد خليه يتفقع < عارفه اني كارثه
رجعت مكانها وبصلها جدها بحزم : بس من دلوقت بقولك لو اسمع خبر انك بتكلمي زياد مش هسحب منك الموبيل لا ده انا هكسره فوق نفوخك مفهوم ومستحيل اراضيكي وقتها
ابتسمت : اوكي اتفقنا وبحماس امتى تجيبهولي
ابتسم جدهاعلي حماسها : كملي عشاكي وبعدها اشتريهولك
كملت عشاها بسرعه وهي متحمسه للموبيل حست نفسها تقوم تطير وهي شايفه جدها بياكل ببطئ
وقفت بسرعة لما وقف جدها بس بصلها باستغراب : رايحه فين ؟
ابتسمت باحراج : اروح معاك علشان الموبيل
جدها شاور لها تقعد: اقعدي وخليكي تقيله استني هنا اغسل ايدي واجيلك مش هتاخر
حست بالكسفه وقعدت على الكرسي باحراج
بعدها رجع جدها واتجولوا بالسوق واشترلها موبيل من احدث الانواع واخترته لونه بناتي وبعدها اشترلها خط للموبيل وخط نت وبعدها اشترلها لاب توب ...كانت ماشيه وفعلا طايره من الفرحه ونفسها تطير وتحلق في السما
نسيت كل احزانها عارفه انها مش طفله بس هي ريم زي الاطفال تبكي اذا حد عطاها هديه تنسي الدموع ..وهي حاليا فرحتها زيهم كانت كبيره حاول جدها يقنعنها تشتري هدوم او اي شي نقصها بس رفضت اصلها مستعجله نفسها ترجع عالبيت وتمسك الموبيل في ايدها
رجعو على البيت وهي في قمه سعادتها
*********قصص من محمد********
قاعد ويهز رجله بتوتر وبنرفزه: يا برود اعصابك بتقول انها طلعت ومش عارف مع مين وقاعد تنكت مع الفريق
رد صقر ببرود وغيره مخفيه :تغور في ستين داهيه عاوزني ادور عليها فالشوارع
خالد بغضب : خلاص اسكت مش عاوز اسمع صوتك وبص في ساعته حتى ابويا اتأخر فين راح برن عليه ويديني مشغول
وبعدها بص لنادر : وانت بنتك الوقت اتأخر وما رجعتش ولسه قاعد مكانك
صقر ببرود يغيظ : يمكن مواعده زياد وبعدها بص للشباب كل شئ جايز
صرخ خالد :يا بني اخرس خالص انا مش طايق اسمع صوتك فاهم
وبعدها بص علي امه المشغوله مع الجوز الثلاثي بأمور مهمه ربنا يستر من تجمعهم
خالد لعصمت : عاجبك حكايه ابنك
عصمت : والله يا بني مش عارفه اقول ايه
وبعدها رجعت تكمل كلام مع الجوز الثلاثي الظاهر حكايتهم خطيره وما تتحملش التأجيل حتى انها مش مهتمه لامر ريم
رامي بهمس لايهاب : تفتكر راحت فين ؟؟ عارف لو عرفت انها مع زياد والله لكسرها بايدي
ايهاب بص للبعيد : يمكن متستبعدش عنها وماتنساش وقفتها مع زياد ضدنا المره الي فاتت
رامي شاور بحواجبه على بدر وعمر : لحد امتي هيفضلوا على الحاله دي مش بيكلموا بعض
ايهاب بدون اهتمام : متخافش بكره يرجعوا لبعض مستحيل تنقطع العلاقه على طول المهم عندي ان ريم تتطلق من الزفت بس مش لاقي طريقه اطلقها منه
وجدي رافض فكره الطلاق والحيوانه لازقه فيه وكأنه سحرلها وعض على شفته بغيظ
رامي بهدوء: انا معاك بطلاقها بس خايف من الاثم والحرام ولو اطول اعمل حاجه للحقير عشان يطلقها والله اعملها النهارده قبل بكره
فجأة دخل المكان الجد وقال السلام بصوت جهوري شوي
ردوا الموجودين السلام وبعدها وقف خالد عشان يبلغ الجد بس سكت
لما شاف ريم داخله الصالون وبصوت ناعم رمت السلام
ايهاب نغز لرامي : ما كانتش حلوه كدا وهي صغيره
رامي : الظاهر الشمس كانت محمصاها ،، وبعدها عطاه نظره تهديد هبلغ السلطات عليك وشاور بحاجبه على جهة نسرين
ايها ب ابتسم : لا الله يكرمك وبعدين مجرد راي شوف شوف الثالثه دول اكلوها بعيونهم وشاور بحواجبه على بدر وعمر وعبود
بصلهم رامي : حتى سامي بس تعرف بحس انهم يتمنوا انهم يخطبوها عند في بعض
هز ايهاب راسه : يمكن كل شيء جايز
خالد بص لريم الي قاعده: كنتي فين بدون استئذان
بصتله ريم وبابتسامه تفرس : كنت مع جدي عزمني على العشا واشترى لي لاب توب وخط نت وكمان اشترى لي ورفعت ايدها وهي ماسكه موبيل
وبابتسامه تقهره : حلو صح ؟؟؟
بصلها الجد وابتسم وهو عارف قصدها
وقف نادر بعصبية : لهنا وكفايه مهزله وبص لابوه سحبت البنت مني وقلت انك عاوز تربيها عندك ورفضت انها تسافر معايا ومع ذلك ما اعترضتش..جوزتها
ولا اخدت راي ومع ذلك ولا اعترضت ..منعتها تلبس النقاب ولا سمعت مني اعتراض واخرتها تشتري لها موبيل اسمح لي يايابا رجاء اسحبه منها من غير مشاكل
بصت ريم لنادر باستغراب وهي بتقول لنفسها معقول كان صادق معايا و رجع ياخدني علشان اسافر معاه بس جدي منعه ليه ؟؟؟
وقف الجد بعصبية : اولا رفضت انها تسافر لاني عرفتك السبب اكتر من مره ايه يضمن لي انك ما تضربهاش والبنت تهرب هنلاقيها فين هناك في بلاد الغرب قول لي فين هنلاقيها ...ثانيا جوزتها وعمرها 15 سنه وكتير بنات بتتجوز في العمر ده مش زيك لما كان عمرها 8 او 7 سنين كنت هتجوزها لعزام صاحبك !!!
الكل بص لنادر باستغراب وعلامات الدهشة على وشوشهم
كمل الجد متجاهل نظرات الاستغراب
ومنعتها تتنقب لانك عارف وضعها الصحي اكتر مني
اما الموبيل فريم بنتي وانا حر بنفسي اشتري لها الي نفسها فيه وبعدها عطا لنادر نظره قويه
نادر بهدوء وهو يحاول يظبط اعصابه : طيب خليها ترجع تعيش عندي انت شايف البيت كله شباب عندي تاخد راحتها اكتر
رد الجد بحزم : اظن طلبت مني االطلب ده اكتر من مره وقلت لك ريم مش هتطلع من بيتي الا لبيت جوزها وياريت ما ترجعش تفتح الموضوع مره تانيه
ورجع الجد مكانه وقعد بهدوء
نادر قعد مكانه وهو حاسس انه مقيد جدا من ابوه اتنهد بقهر وعجز
كان خالد هيعترض وده بس سكت لما سمع كلام ابوه اذا نادر ما سمح له يتدخل اكيد مش هيسمح له كمان يتدخل
وعض على شفايفه بقهر وبص لريم الي بتلعب بالموبيل وكأنها بتغيظ بيه شد على اسنانه بقهر وهو يتمنى يقوم يضربها
البارت٢٣
ورده في مزبله
عند البنات بعد ماغظتهم الكارثه المتحركه ريمو
روان بغل : اااااااااااه انا اكبر منها ورافضين يجيبو لي موبيل
نسرين لريم بحقد: شوفوا بتلعب فيه علشان تحرق دمنا وتكدنا ربنا ياخدها
اميره وارتفع عندها الضغط : ليه يعني جدي يميزها عننا كدا يعني تفرق ايه عننا ولا كمان مشتري لها لاب توب و انا ما عنديش الا لما ادخل تالته ثانوي واضطر استخدم لاب ايهاب
سلمى عوجت بوزها : انتم على الاقل عندكم اما احنا ممنوع نستخدمه نهائي
روان بقهر : عمي نادر وبابا نسخه واحده بالعقليه والتحجر افففف بعكس عمي فخري وعمي سلطان تحسوهم في عندهم مصطلح اسمه تفاهم ومواكبه للعصر
نسرين : لو يسمعك بابا يا عصريه
اميره شاورت بعيونها : شوفه المخفيه ريم ازاي مندمجه بالكلام مع الحريم ما عرفش ازاي بتستحمل كلام الحريم فلانه اطلقت وعلانه اتجوزت
نسرين: لا والمشكله جدتي وحريم عمامي بينبسطوا معها وامي بتقول والله القعده مع ريم احسن من القعده معاكم والله مشاعارفه ايه الي عجبهم في الكلام معها
اميره تغمز لنسرين وبصوت هامس : سيبك منها قوليلي ايهاب ما اتصلش بيكي النهارده
نسرين بصوت هامس : لا ما اتصلش بس بعت رسالة
اميره بهمس : خليني اقرأها
نسرين خايفه حد يسمع وبصوت هامس : بعدين بعدين
وبعدها رجعوا يكملوا كلامهم مع البنات!!!!
*********
عصمت ضحكت بشويش : يقطع شرك يا ريم طيب وما قالتلكيش البنت ايه الي حصل معها بعد ما جوزها ضربها وطردها
ريم : لا والله ما قالتليش البنت لان حصلت المشكله فالمدرسه وما قعدتش معها
سها: شفتي يا خالتي طول وقتها تقول انا وانا ونافشه ريشها وفالاخر طلع جوزها ضاربها وطاردها كمان
ريم للجوز الثلاثي : ع فكره انتو ضحكتوا عليا وعدتوني بلاب توب وما ج..
قاطعتها سها : انتي الي مش عجبك قاعده تتشرطي عاوزه النوع الفلاني وما عرفش ايه انا وعدتك ب لاب وانتي ما حددتيش نوعه وبعدين يا طماعه لسه عمي مشتري لك واحد
ابتسمت ريم : ومين قال لك اني عاوزاكي تجيبيلي لاب توب دلوقت امممممممم خلاص فستان فرحي تشتريه على حسابك انتي وخالتي نجوي ومن دلوقت بقولكم انا هختار التصميم اتفقنا
نجوي : بعد تلات سنين فكرينا هههههه
سها بتحقيق : ازاي اقنعتي عمي يشتري لك موبيل ؟؟
عصمت بغضب وكأنها افتكرت : وكمان عازمها على العشاء وانا بقالي قرن متجوزني ولا مره عزمني على مطعم او ع عربيه ع الرصيف
سبلت ريم عيونها بدلع وهي تبتسم : لان ما عندكيش اسلوب بالكلام والدلع زي
نجوي بقرف : لا يا شيخه بقولك ايه تعرفي تطيري
ردت ريم بابتسامة : اذا مكياج مش بتعرفوا تحطوا علي وششكم عاوزني تتعزموا علي مطعم سوفاج
ساميه :بالحق افتكرت اتعلمتي الرقص الحلو ده منين ياريم
عصمت : اعوذ بالله من الرقص ربنا ما يبلينا
ريم لعصمت : قولي انك غيرانه لانك ما بتعرفيش ترقصي زي وبدلع اصلا انا كدا ما رقصتش كويس لان حفلتكم تخنق ومش حاطين اغاني عدله
شهقت عصمت وحطت ايدها على صدرها وبصوت عالي نست نفسها : ولما حفلتنا مش عجباكي ورقصتي كدا امال ازاي كنتي هترقصي يامزغوده لو كانت الاغاني عجبتك
بصوا الكل لجهتهم
بصت ريم للموجودين باحراج ولون وشها بقي عده الوان وبعدها بصت لجدتها بمعنى عجبك فضحتينا
وبعدها همست ريم : صدقوني مش هعلمكم الرقص على اصوله ولوت ريم بوزها شبرين
نجوي : ومين قالك عاوزين نتعلم ؟؟!!
ريم رفعت حاجب وبدأت تلعب في دماغهم ان حتماً ولابد يرقصو
نسبها تلعب في راس الحريم
صقر قاعد عند شله الانس ومبسوط فجأة سمعوا صوت ضحك عالي
كل الي موجودين بصوا جهة الحريم كانوا بيضحكوا ومش قادرين من كتر الضحك
والجده حاطه ايدها على بؤها من كتر الضحك ودموعها نزلت من عيونها
وريم تبصلهم بابتسامة جميله وجذابه
عطى الرجاله الحريم نظره سكتتهم إلا عصمت فضلت تضرب على فخدها من كتر الضحك
الجد بحزم : وبعدين
ردت عصمت وهي فاصله ضحك : ههههههه مش ههههه قادرة هههههههه يقطع ههههههه سنينك يا ريم ههههههههه
ودخلت بنوبه ضحك والحريم رجعوا يضحكوا من جديد بقوه
اتعصب الجد وزعق فيهم : قوموا اطلعوا برااااااا ولا واحده تبقى هنا
وقفوا الحريم وهما مش قادرين يوقفو من كتر الضحك والجده تتمايل بمشيتها من كتر الضحك
وصوتهم برا المكان بيقولوا ريم
وقفت ريم تطلع بهدوء بس ناداها الجد بحزم : ريم تعالي هنا
قربت ريم لجدها : نعم
الجد بحزم : انتي قلتي لهم ايه لحد ما ضحكوا كدا
بصت ريم للموجودين والكل متنحين وهيموتو يعرفوا ايه سبب الضحك
رجعت بصت لجدها وبابتسامه : كلام حريم
خالد بعصبيه : انتي يا طفله ايه الي عرفك بكلام الحريم وفضل يقلدها باستهزاء كلام حريم
بصت ريم لخالد و حطت ايدها على خصرها : ليه شايفني راجل له شنب في وشه مترين ؟؟
صقر بغل منها : لا شايف عيل مضيع رضعته
ضحكوا الشباب بصوت عالي اوي
سكتتهم صرخت الجد : ولا نفس عيب دي بنت عمكم وتحترموها غصب عنكم وبعدها بص لخالد : وانت ما تتكلمش مره تانيه بالاسلوب ده مع ريم البنت كبيره ومخطوبه
وبعدها بص لريم : انا بقي عاوز اسمع كلام الحريم يالا سمعينا خلينا نضحك
قربت منه وهمست في ودنه وحكتله
وقبل ما تكملها ضحك جدها
وهو يبصلها: ههههه انتي داهيه ههههه خلاص روحي ههههههه
ريم : بس استني انا لسه مش كملتلك الحكايه
شاور لها الجد: هههه خلاص مش عاوز اسمع اتقلي يا بنت هههههه يالا اطلعي بسرعه
طلعت ريم والكل بص للجد وعنده الفضول يعرف الحكايه
صقر : ايه يا جدي بتضحك لييه؟؟؟
الجد زاد في الضحك وما قدرش يرد من كتر الضحك
خالد والفضول دبحه : ايه الي بيضحك اوي كدا ؟؟
الجد وهو بيضحك : كلام حريم ههههههههه خلاص انسوا الحكايه هههههههه
سكت الجميع وهما مضايقين هيموتوا يعرفوا الكلام والفضول اشتغل
*******قصص من محمد *******
بعد العصر كان قاعد على مكتبه ومن شهر ونص عقله مشوش رمي الكتاب الي على مكتبه على الارض بقهر ومش متخيل انها خلاص طارت منه وكتبت على غيره...حط ايده علي راسه وهو بيكرر غبي غبي
ليه رفضت لما سألني جدي ليه رفضت
ضرب ايده في الحيطه :كله بسبب غروري وكبريائي
ما سمحليش غروري ارضى اخطب بنت طلب جدي مني اني اتجوزها كنت مخطط اني انا بنفسي اخطب ريم من جدي بس خلاص كل شيء بقي سراب
حلم الطفوله طار من صغري وانا بخطط اني اخطبها
ااااااااااااااااه يا بالحسره الي في قلبي ااااااه
شد على ايده بقوه ووهو مقهور من غروره وكبريايئه الي حطم حلم حياته
ياتري مين ده؟؟؟؟؟؟؟؟؟؟!!!!!! مع الأحداث هنوضح
.................
في صاله واسعه جدرانها محجره باللون البني والبيج والكنب اوف وايت وعلى الجدار بالزاويه ساعه كبيره على شكل قلبين حب مندمجات ببعض القلب الاول فيه xxxxب الساعه والقلب التاني منظر من ورد كان قاعد فالصاله ومتربع على الكنبه و يطقطق على اللاب ومنسجم
دخلت امه بهدوء وحطت فنجان القهوة على الطربيزه
وبضجر قعدت قصاده
بصلها وابتسم : ماله القمر زعلان ؟؟
بصت لابنها: انت اخرتك هاتجلطني ببرودك
بص لامه وابتسم من يوم الخناقه وهي تفتح معاه موضوع الطلاق ما ملتش : يا امي يا حبيبتي البنت مالهاش دخل بولاد عمها
صفيه بضيق : وعاجبك انها تكلمني من طرف مناخيرها ولا لبسها البايخ
ابتسم على امه نفس الكلام تعيده كل يوم : يا امي ياريت ما تحكميش على البنت من اول مره يمكن كانت تعبانه واكيد ما كانتش تعرفك يعني لو كانت تعرفك كانت استقبلتك احلى استقبال واذا كان بقي علي لباسها انا مش هحكم على البنت لان يمكن بيئتها ما ساعدتهاش على الالتزام
وجدها قالي انها لسه صغيره وكمان عندها مشكله ومع الايام تنحل
وبعدين انا حسيت ان البنت فيها خير كونها في الحفله لبست جاكت طويل فوق الفستان ومسحت المكياج قدام اولاد عمها والبنت الظاهرانها مطيعه لاني بس طلبت منها تقف معايا ومن غير اعتراض سمعت كلامي
رفعت صفيه حاجبها : بتدافع عنها كدا وانت لسه متجوزتهاش اهلا امال لما تتجوزها اكيد هتبعنا كلنا علشان ست الحسن والجمال
اخد زياد نفس ومش عارف ازاي يقنع امه واخيرا جتله فكره : اسمعي يا ست الكل ايه رايك بكره تزوريهم واذا استقبلتك استقبال ما عجبكيش انا مستعد اطلقها لان الي متشلش اهلي جوه عيونها انا مش عاوزها ها موافقه؟؟
صفيه امه بتفكير : موافقه ومتخافش وتقول اني هكدب عليك هقولك الصدق
ابتسم زياد : خلاص اتفقنا واخد فنجان القهوة وشربه بهدوء !!!!!
**********
في اليوم الثاني ( يوم جمعه )
بعد الغداء كانت ريم تتابع فلم سمعت خبط على الباب وبصوت كله ملل : مين
فتحت لطيفه الباب : انا تعالي العبي معنا
ريم بصتلها وبعدها التفتت على tv : مش عاوزه دلوقت بعد العصر تعالي
برطمت لطيفه وطلعت تبلغ الاولاد
ورجعت ريم تتابع الفلم كانت حياتها فارغه روحيا ما فيش اي صله بينها وبين ربها
كملت ريم متابعة الفليم دون ان تدرك ان الله يراقبها ومطلع عليها
وبعد انتهائه راحت فتحت للاب توب ودخلت النت تتصفح بشكل عام بعض المواقع المهتمه بالازياء
بعد وقت دخل عليها احمد بلهفه : يالا اذن العصر تعالي العبي معنا
ريم مركزه علي الشاشه : بتلعبوا ايه ياموكوس؟؟؟؟
احمد بحماس دخل الغرفه : الغميضه يالا تعالي
ريم بصتله ونفخت وهي بتقفل اللاب : طيب جايه
وبسرعه جري احمد يبلغ الاولاد
طلعت من الغرفه تلعب معاهم وبدأ اللعب ودخلت ريم حماس باللعبه
وبعد مرور وقت باللعبه كانت لطيفه تلحقها عشان تمسكها
كانت تجري في الصاله الي قدام غرفتها كانت بتجري بحماس
والحيوانه لطيفه سريعه جدا ومن كتر الحماس من غير وعي راحت للسلم واتزحلقت على الدرابزين ولطيفه نزلت علي السلم جري تلحق ريم لكن ريم وصلت قبلها لتحت بسرعه وبعدها جريت علي المطبخ وهي خلاص تعبت مش قادره تتحمل الجري اكتر من كدا استخبت تحت طربيزه بالمطبخ
ترتاح شوي وتريح جسمها كانت تتنفس بسرعة وقلبها يدق بسرعه
وبعد خمس دقايق دخلت لطيفه المطبخ كانت مرتاحه شوي ونفسها رجع طبيعي تقريبا سابت لطيفه تحوس لحد ما عطتها ضهرها وبسرعه طلعت من المطبخ تجري وتصوت بحماس ودخلت الصالون ووصلت لنص الغرفه وهي بتبص وراها وتصوت بعدها بصت قدامها وانصدمت لما شافت عندهم ضيوف وللاسف مش اي ضيوف كانت لابسه بلوزه باكمام طويله لونها اسوده ماسكه على جسمها وبنطلون ازرق استرتش ضيق وشعرها هنا المشكله عملاه قرون وحاطه توك لونها ابيض
كانت واقفة ومتحنطه دخلت لطيفه من وراها وهي بتضحك ومسكتها وصرخت : مسكتك مسكتك
بصتلها عصمت وبحده : ريم لطيفه
ريم كانت عاوزه ترقص زي الهنود وتقول طار العريس طار العريس
نهار اسود عليا وعلي حظي ....وداعا إلى اللقاء يا عريس الغفلة <فيس يبكي😭
بس لااااااااااا مستحيل استسلم واطير العريس من ايدي
اخدت نفس وبابتسامه : اهلا والله بخالتي ام زياد وانا بقول البيت منور
وقربت منها وباستها على راسها وقعدت قصادها ووفضلت ترحب بيها
وبعدها بصت للطيفه : خلاص روحي عند العيال
وبعدها بصت لصفيه وهي تبتسم : تعرفي اطفال صغيرين وجدي يا عيني مش بيخليهم يطلعو يلعبوا برا فحبيت افرحهم والعب معاهم حتي عشان اكون قريبه منهم لبست وعملت كدا بنفسي وابتسمت بغباء
عصمت وهي قاعده نفسها الارض تنشق وتبلعها من الفضيحه وبصتلها بحده
ابتسمت صفيه مجامله : اخبارك يا ريم ؟؟
ريم ببتسامه: بخير الحمد لله
صفيه : اسفين زرناكم من غير معاد
ريم بدلع: لا عادي يا خالتي البيت بيتكم وفي اي وقت تشرفينا
دخلت الخدامه ومعها العصير وقفت بسرعة عشان تظهر قدامها انها عاقله واخدت من الخدامه صينيه العصير
صفيه :خلاص متتعبيش نفسك
قدمت لها العصير : تعبك راحه يا خالتي انا اخدمك بعيوني وبنفسها كانت تقول كله علشان عريس الغفلة
وبعدها قدمت لجدتها وهي تهمس لها علشان تغير هدومها طنشتها لان خلاص شافتها وانتهى الأمر
وحطت صينيه العصير وقعدت مكانها
صفيه: واخبار دراستك ؟؟
ابتسمت : الحمد لله
دخلت سها وقفت وريم رحبت بيها : اهلا اهلا بمرات الغالي تعالي اقعدي اعرفك على خالتي ام زياد
سها مستغربه من ادب ريم بمعنى من امتى الاحترام بس ماشي
قربت وسلمت على ام زياد وبعدها قعدت
ودخلوا مع بعض كلام مع ان عصمت وسها اخدين موقف منها علشان المشكلة اللي حصلت
****
وبعد مرور ساعه استأذنت صفيه كانت ريم هتموت وتطلع معها لحد الباب بس عصمت حشرت نفسها وطلعت معها
انقهرت وقعدت على الكنبه بغضب سها بصتلها
وهي رافعه حاجبها : مبسوطه من وضعك
ريم عقدت حواجبها : قصدك ايه ؟؟؟
سها بتأكيد : ان ما وصلتك ورقة الطلاق النهارده قبل بكره ابقي قابليني مفكره ان صفيه هتسكت ابنها يتجوز عيله روحي يا ماما بصي علي روحك في مرايا انا مش بهينك بس بقول الحقيقه لان مفيش ام ترضي علي ابنها يتجوز طفله زيك
وبعدها وقفت وطلعت من الغرفه من غير ما تنتظر منها جواب
دب الرعب بقلبها معقول تخلي ابنها يطلقني ربنا يبتليها بالجرب اذا عملت كدا لانه حرام عليها انا ماليش ذنب
حست الدنيا قفلت في وشها وبسرعه طلعت من الغرفه وطلعت السلم وهي ناسيه وجود اولاد عمها بالطابق الاول وصلت السلم وما انتبهت على الشخص الي شافها وصد وشه بسرعه للناحيه التانيه
دخلت غرفتها وهي تندب حظها
****************
ركبت صفيه مع زياد وبعدها حرك العربيه كانت امه
ساكته واستغرب سكوتها
سألها بهدوء : كانت الزياره خير ان شاء الله انبسطي
بس اتفاجئ بدموع امه
وقف العربيه والتفت لامه : ليه بتعيطي يا امي ؟؟ ايه الي حصل ؟؟ حد آذاك بكلمه ؟؟
مسحت صفيه دموعها وبعدها اتنهدت : حرام عليهم
بصلها باستفهام وهو عاقد حواجبه
نزلت دمعه من خدها : ولا حاجه يا حبيبي تتم جوازك من البنت شكلها طيوبه وعلى نياتها والابتسامه مش بتفارق وشها وان شاء الله تسعدك
بص زياد لامه وحس في شي مخبياه عنه بس ما حبش يضغط عليها هز راسه وبعدها حرك العربيه وهو بيفكر ليه امه بتبكي !!!!
*****قصص منه محمد*****
رمت نفسها على السرير وهي خايفه حتى ما طلعتش من غرفتها وقفله الباب على نفسها وحتى رفضت تتعشى اخدت نفس وخلاص راسها انفجرت من كتر التفكير
ووصلت لقرار نهائي اكيد في اي لحظه هتوصلها ورقه الطلاق
**
دخلت غرفتها غيرت هدومها وبعدها بدقايق دخلوا بناتها عندها وطلبوا منها تحكلهم عن الزياره
صفيه بصتلهم بحزن ودموعها لمعو بعيونها : اه يا عيال لو شفتوها تكسر الخاطر ما تصدقوش انها نفسها الي شفناها بالحفله دي طفله صغيرة تصدقوا ما تفرقوها عن أصغر حفيده عندهم مش عارفه ازاي جوزوها
قاطعتها سوسن : بس فالحفله كان شكلها عادي!!!طيب ازاي استقبلتك ؟؟ و كانت لابسه ايه؟؟
ردت صفيه : اصلا ماكانتش تعرف عن وجودي قاعده تلعب مع العيال وهم يجروا و راها دخلت الصالون واتفاجئت بوجودي لابسه بنطلون وبلوزه ورابطه شعرها قرون
ضحكوا بناتها وهما مستغربين علي قرون
اتنهدت صفيه : والله ما تفرقوها عن العيال الي كانت بتلعب معاهم
سألت نوفه : طيب حلوه من غير مكياج ؟؟
ردت صفيه : تبارك الرحمن زي اللعبه وخدودها يجننوا لونهم وردي طبيعي وشعرها سبحان الخالق لونه يجنن معرفش اذا كان مصبوغ او طبيعي
بس سبحان الله الحلو ما يكملش البنت قصيره جدا ومش تناسب زياد من ناحية الطول فرق كبير يعني اللي يشوفها يفتكرها بنته مش مراته
ردت بنتها سوسن : الطول يمكن تطول وده شئ من عند ربنا
صفيه : ان شاء الله ربنا يسمع منك والله توجع القلب تصدقوا انها عايشه عند جدها
سألت نوفه : وابوها عايش صح ؟؟
صفيه : ابوها وامها عايشين بس راميينها و جدها التزم بتربيتها،،والله بحس ان قلبي متقطع عليها لو تشوفوا عند رقبتها شفت لون احمر خفيف الظاهر انه مكان ضرب (وبحرص) انتبهوا ما تجبوش سيره لزياد مش ناقصنا مشاكل
حرصت صفيه بناتها ما يعرفوش زياد بحاجه وكملت لهم كلامها عن الزياره وجمال ريم
***
****
صحيت ريم الصبح ونفسيتها زفت وعقلها مشغول وهي بتفكر جهزت نفسها وقبل ما تطلع بصت علي نفسها ووشها شاحب طنشت وورفضت تفطر كانت نفسها مسدوده ونزلت السلم بهدوء
كان ايهاب ورامي واقفين فالصاله طنشت ريم وجودهم ونزلت السلم بهدوء وهي سرحانه بعقلها مش عارفه هتعمل ايه اذا فعلا طلقها زياد اكيد طبعا الجوز الثلاثي هيشمتوا فيها وخصوصا خالد عضت علي شفايفها اكيد هيتشفي فيها ويتمسخر عليها اتملت عيونها بالدموع خلاص مش قادرة تستوعب فكرة الطلاق
عدا على كتب كتابها شهر ونص وتطلق نفضت راسها بالرفض عشان تبعد الفكره من راسها بس نطت علي صرخه صقر رفعت نظرها لقت نفسها في نص السلم واقفه تبص لصقر بعباء بمعني ليييه يصرخ
صقر وهو عاقد حواجبه : انتي يا مخبوله بقالك خمس دقايق واقفه في نص السلم وبكلمك وانتي في عالم تاني
بصتله ريم وكان ايهاب ورامي واقفين جنبه وبعدها نزلت راسها ونزلت بهدوء وما اتكلمتش بحرف
بصلها صقر باستغراب من الهدوء والسرحان والدموع اللي بعيونها
فاتت من جنبهم بهدوء وما تكلمتش بكلمه وكأن كل هموم العالم فوق راسها
رامي بص لصقر : مالها النهارده يعني ساكته كل يوم تلاقيها صوتها يرج البيت بالازعاج
صقر وهو يبتسم : يمكن ناسيه رضعتها
وبعدها طلع يركب عربيته عشان يوصل البنات للمدرسه قبل ما يروح شغله
*
وصلت ريم لعربيه صقر كانوا البنات متجمعين قدامها وقفت بعيد شوي عنهم كانوا بيبصولها ويتهامسوا
طنشت نظراتهم وهمساتهم سمعت صوت صقر قريب منهم وهو باصص للبنات : ابعدوا عن العربيه لتخربوها والله انا مش عارف انا مستفيد ايه منكم كأني سواق عندكم
نسرين : واحلى سواق فالعالم
صقر بصلها وضيق عيونه : اضحوا عليا بكام كلمه يلا يله اركبوا من غير كلام كتير
راح صقر وفتح بابه وقبل ما يدخل بص علي ريم اللي كانت واقفه بعيد عن البنات ابتسم لها وهو حاسس بحزنها وفيه شئ شاغل بالها : يالا شرفي والا عاوزه عزومه يا اميره
دخلوا البنات من غير تعليق وبعدها قربت ريم بهدوء وما ردتش على صقر
وركبت من الخلف وجنبها لينا
بعدها حرك صقر وطول الطريق يبص علي ريم من المرايه ومحتار ياتري مالها وايه الي فيها مخليها كئيبه كدا
طول الطريق وريم باصه من الشباك وكأن كل احزان العالم فوق راسها
وبعد مرور وقت وقف صقر ولف وشه على البنات : يالا شرفوا يا سحالي
روان فتحت عيونها : احنا سحالي؟؟؟
صقر وهو يبتسم : اااه كلكم سحالي باستثناء القمر الي قاعد وراي و زعلان
بصو البنات كانت ريم باصه من الشباك وعلامات الحزن على وشها
ما عجبهمش البنات الكلام ونزلوا ووهما بيبرطموا
حركت ريم نفسها عشان تنزل وقبل ما تنزل مسك صقر ايدها وبجديه : ايه الي مضايقك ؟؟؟
بصتله ريم ونزلت دمعه من عيونها مسحتها بايدها التانيه وبعدها نفضت ايدها من صقر وبصوت مبحوح : ولا حاجه
وبعدها نزلت بهدوء ودخلت المدرسة .....
استغرب صقر حالتها ياتري ايه الي مخليها تعيط وصمم النهارده يعرف ايه هو سبب بكائها
حرك العربيه وبعدها طلع علي المستشفى !!!!!
**قصص منه محمد
دخلت المدرسة ببرود ما كانتش مهتمه انها مش عارفه حد لان عقلها كان مشغول بامور تانيه
وبعدين هي اتعودت دي المره التالته تدخل مدرسه جديده عليها لوحدها
بصت علي البنات في اختلاف كبير بين البنات في المدرسه دي ومدرستها القديمه من ناحيه المظهر
سألت واحده من البنات عن الاداره وبعدها راحت للاداره بثقه وما اهتمت لبنات عمها واخواتها الي سابوها ولا واحده ارشدتها
كان اغلب البنات يبصولها لانها جديده بالمدرسة
دخلت الاداره بثقة وسألت عن فصلها وبلغتها المديره تراجعهم علشان الاختبارات
كان يومها عادي بالمدرسة وما خلصتش من فضول البنات
بالفسحه كانت ماشيه مع بنت من صفهم صاحبتها بس لدلوقت ما تعرفش الا اسمها
قاطعتهم بنت طويله ونحيفه وبشرتها ناعمه وباستفسار : انتي ريم بنت عم نسرين
ريم باستغراب : ايوه
نوفه بابتسامة : يعني انتي خطيبة اخويا زياد
ريم لما سمعت اسم زياد حست ان الزمن وقف
استوعبت الموقف بعد ثواني وبعدها ردت ريم بغباء : مين زياد ؟؟؟
ضربتها نوفه على راسها بخفه : لا انتي عقلك ضارب امبارح امي كانت عندكم نسيتي
حكت راسها باحراج : اه صحيح افتكرت
قاطعتها ليان صديقتها الجديده : لا لا مش مصدقه انتي مخطوبه
نوفه اتخصرت للبنت : يعني مش عاجبك خطيبه اخويا ؟؟
ليان باحراج : لا مش قصدي ما شاء الله عليها بس لسه صغيره
كانت ريم باصه لنوفه والافكار تلف بعقلها وهي بتقول في سرها معقول اخوها بعتها علشان تقولي موضوع الطلاق
نوفه بابتسامة : امبارح ماما فضلت تمدح وتقول ما شاء الله هاديه ومش زي الحفله خالص كنتي مغرورة
كانت ريم مش مصدقه مدحتها يعني ما قالتش لابنها يطلقها اخدت ريم نفس بارتياح وبعدها ابتسمت : لا لا يوم الحفله انسيه كنت تعبانه ومضايقه اصلا وما كنتش اعرفكم
خلصت الفسحه
نوفه بابتسامة : يالا حصل خير اشوفك مره تانية
وبعدها استأذنت وراحت لفصلها
وريم اتنفست براحه وحالها انقلب 360 درجه كان نفسها تقوم ترقص وتغني من الفرحه
**
بعد انتهاء اليوم المدرسي كانت مبسوطة على الاخر
واتأكدت ان زياد مش هيطلقها
والبنات الي في فصلها الحمد لله نوعا ما طيوبات
طبعا طلعت قبل بنات عمها واتعمدت توصل لعربيه صقر قبلهم
وصلت العربيه قبلهم وفتحت الباب الامامي وقعدت بثقه والابتسامة العريضه مرسومه على وشها
بصلها صقر وهو رافع حاجب : لا حول الله انتي ملبوسه الصبح اشوفك قالبه البوز ودلوقت مبسوطه على الاخر سبحان من غير الاحوال
اتنهدت براحه وشخطت فيه : اسكت اسكت فلم رعب كنت عايشه فيه من امبارح للنهارده وحياتك لحد الفسحه الحمد لله اختفى الرعب
رد صقر وهو يتريق : طؤ طؤ طؤ ده طلع فيلم رعب شوف ازاي احكيلي عنه والاهم بطوله مين؟؟
شافت ريم البنات قربوا من العربيه : خلاص انسى المهم انه راح الرعب وحاليا ارتحت تصدق لسه ما اكلتش من امبارح من ساعه ما اتغديت
صقر فتح بؤه : كله بسبب الفيلم
قبل ما ترد عليه فتحت نسرين الباب وبامر : يالا انزلي يا انسه ده مكاني
ريم بغرور : لما قعدت ما شفتش اسمك مكتوب عليه وبعدين انا جيت قبلك
نسرين وهي تكتم غيظها : بقولك انزلي
لفت ريم وشها لصقر وبصتله بمعنى اتكلم انت
اتنهد صقر بقرف : وبعدين يعني ؟؟ خلاص يا نسرين ارجعي وراه ومن يوم وجاي اللي توصل الاول هي اللي تركب قدام يالله خلصوني انا علي اخري وواصله معايا من الحر اففففف
قفلت نسرين الباب بعنف ورجعت لوري وهي تشتم فيهم
اما ريم كانت مبسوطه على الاخر لانها قهرتها
نسرين: بقي القزمه دي بتتأمر وتقعد قدام اصلا الي يشوف العربيه من قدام يفكر مفيش حد قاعد علي الكرسي ميعرفش ان فيه قزم قاعد عليه
لفت لها ريم وحركت حواجبها : القزم الي مش عاجبكي احلى منك بمليون مره ياسحليه
اصلا احمدي ربنا كل يوم تتخطبي بس جدي ماكانش بيوافق العريس يشوفك الشوفه الشرعيه عارفه ليه لان لو العريس شافك كان هج مسكين كانت جاتله سكته قلبيه من وشك الي يجيب القرف ويخليكي عاوز ه ترجعي
نسرين بقهر : اخرسي ياقزمه بقالك لسان كمان
روان بكره : على الاقل نسرين ابوها مربيها وعايشه في بيته مش زي بعض ناس ابوها راميها ومتبري منها
ريم حست بالغصه من كلامها بس مستحيل تخليهم يتشفوا فيها بصتلهم بغرور : وايه الفايده اعيش مع اب ويأكلني ويشربني بس مش بيثق فيا لو ابوكي واثق فيكي ما يشتريلك تلفون
روان بعصبية : اخرسي يا حيوانه
صقر اتقهر منهم ع ريم وصوت فيهم : بسسسسسسس وقسم بالله اذا سمعت نفس واحد كمان لحدفكم كلكم من العربيه مفهوم
سكت الكل وعم المكان الصمت
في مكان بعيد
كان البيت كله حزن فبعد موت جوزها جون اضطرت ترحل للمدينه هي واطفالها الصغار استأجرت بيت صغير
جدا وحتى تكسب قوت يومها اضطرت للبيع على
عربه بعض الاكسسوارات واطفالها يبيعوا الورود