رواية عشق الاسد
الفصل الثاني والعشرون
بقلم امل نبيل
فى صباح اليوم التالى إستيقظ أسد لينظر بحب لتلك القابعة بين أحضانه وأخذ يتأمل ملامحها البريئة .
وبعد مرور بضع دقائق حسنا لا يعلم كم مر من الوقت وهو يتأمل حبيبته ومعشوقته سمع صوت تخبيط عالباب او الأصح هبد عالباب مما أدى إلى استيقاظ عشق .
عشق بنوم:ايه ده مين اللي بيخبط بالطريقة دى.
أسد:انا هروح أشوف مين.
أسد قام لبس التيشيرت بتاعه وراح فتح الباب لقا ملاك قدامه.
ملاك بإبتسامة بلهاء:صباح الخير .
أسد:خير يا بت.
ملاك:لاء كنت جاية أصحى عشق علشان الجامعة.
أسد بص ليها بصة غضب.
أسد:انتى هبلة يا بت انتى ولا بتستهبلى.
ملاك: مش هرد عليك وعيب على فكرة تشتم أختك الصغيرة.
أسد:غورى يا بت من وشى.
ملاك:لاء مش همشى وادخل صحى عشق والبس هدومك وروح شغلك وخليها هيا كمان تروح جمعتها.
أسد قفل الباب فى وش ملاك وراح لعشق وملاك فضلت تخبط عالباب.
عشق:دى ملاك صح.
أسد:اه هيا هوا فى حد أهبل هنا غيرها.
عشق بضحك:معاك حق مافيش أهبل منها.
أسد:سيبك بقا من الهبلة دى مالك بتبقى زى القمر وانتى صاحية كده ليه.
واقترب منها وإحتضنها.
عشق زقته بعيد عنها.
عشق:بس بقا يا أسد.
أسد شدها تانى فى حضنه وقبل وجنتيها.
أسد:تعالى بس أقولك كلمة سر .
عشق:بس يا أسد بقا.
أسد بضحك:فى حاجة لى الدرس انتى لسه مفهمتهاش تعالى أفهمهالك .
__________
فى فيلة عمر استيقظت لورين وذهبت إلى غرفة سام.
وجدت لورين سام نائم فقامت بإيقاظه.
لورين: سام....سام....يا سام.
سام بنوم:نعم.
لورين:قوم يا صحبى عيزاك فى خدمة.
سام بنوم: أنا عايز انام سيبينى دلوقتى.
لورين:قوم بس هقولك على حاجة حلوة والله.
اعتدل سام وجلس على السرير.
لورين:بص يا بطل عيزاك تقوم تغسل وشك وتصحصح كده وتروح عند عمر وتخبط عليه وتصحيه من النوم.
سام:لاء مش عايز.
لورين :مش عايز ايه.
سام:مش هروح واعمل زى ما انتى عايزه .
لورين:علشان خاطرى يا سام.
سام:لاء وروحى اطلعى بره وسيبينى اكمل نومى.
لورين: انت بتطردنى يلا ده مهزأ صحيح ده انت بتتكلم معايا كإنك بتكلم واحده مهزأة من الشارع مش بتكلم عمتك.
سام :كويس انك عارفة اطلعى بره.
لورين:ما تحترم نفسك شوية وراعى انى أكبر منك.
سام:والمفروض انك تراعى كده و متهزئيش نفسك اكتر من كده.
لورين:ابو شكلك عيل بارد.
ثم قامت بحدف الوسادة عليه وخرجت سريعا من الأوضة.
____________
ا
ستيقظت سليم من نومه ليجد أن تسنيم ليست بجانبه.
خرج سليم من الاوضة وسمع صوت فى المطبخ.
سليم راح المطبخ لقا تسنيم لابسة التيشيرت بتاعه و
بتجهز الفطار .
سليم راح حضنها وتسنيم اتخضت.
تسنيم: خضتنى يا سليم.
سليم: سلامتك من الخضة يا قلب سليم.
تسنيم: طيب ينفع تسيبنى بقا علشان أعرف أجهزلك الفطار.
سليم:ما انا فطارى قدامى أهو.
تسنيم:اوعى بس كده وروح خد دش وعلى ما تخلص هكون جهزت الفطار.
سليم:ماشى يا قلبى.
__________
فى الجامعة كانت تجلس كلا من سيلين وملاك ولورين وميرنا على الطاولة.
لورين: خلينا إحنا زى خيبتها كده.
ملاك: مالك يا لورين من ساعة ما جيتى وانتى شايلة طاجن ستك وقاعدة.
لورين: ناس اتجوزت وارتاحت واحنا لسه سناجل يا ملاك ينفع كده.
سيلين: اتكلمى عن نفسك يا ماما انا مش سنجل.
ميرنا: السنجلة جنتلة.
ملاك: الجملة دى جحة مش أكتر.
لورين: ما تساعدينى يا سيلين يا حبيبتى وتكسبى فيا ثواب.
سيلين بعدم فهم: اساعدك ازاى .
لورين: عارفة كامل ابن عمتك .
سيلين: لاء لسه هتعرف عليه.
لورين: انا مبهزرش.
سيلين: بس أنا بهزر ايه عارفة كامل ابن عمتك دى أكيد يعنى عرفاه.
لورين: المهم انا بحبه.
سيلين: نعم .
لورين: زى ما سمعتى.
سيلين: واعمل ايه انا بقا ده غير انك ما قلتيش قبل كده يعنى.
ملاك: الواطية بتحب من غيرنا.
لورين: عيزاكى تعرفينا على بعض كده يعنى.
سيلين: اشطا متقلقيش اعتبرى الموضوع خلص خلاص.
ميرنا: طيب إيه.
ملاك: ايه .
ميرنا: معندكيش أخ تانى كده تظبطينى معاه.
ملاك بضحك: ياريت.
سيلين: يعنى انتى مافيش من كده ولا كده يا ميرنا.
ميرنا: منين يا حسرة هوا أنا لاقية حد.
ملاك: إن شاء الله ربنا هيبعتلك ابن الحلال.
ميرنا: يارب يا اختى يارب.
____________
فى قسم الشرطة كانت كلا من رغد وسعيد يجلسون برفقة أحد ما مرتدى قناع .
سعيد: انتى هتخرجينا امتى.
.......: متقلقوش قريب أوى هتطلعو من هنا.
رغد: قلتى كده المرة اللى فاتت ومافيش حاجة جديدة حصلت.
........: الأدلة اللى معاهم قوية ومش سهل انكم تخرجوا.
سعيد: متعرفيش عملوا ايه مع سلمى.
........: لاء معرفش ايه اللى حصل ليها.
رغد: يا مسهل واطلع من هنا علشان انتقم.
سعيد : كان يوم أسود يوم ما خدعنا البوص ويوم ما فهد مسك علينا الورق ده.
رغد :بس اللى مجننى ازاى البوص مافيش حاجه ضده.
........:ده البوص معنى كده ان مافيش حاجه هتكون ضده.
رغد: حاولى انك تخرجينا من هنا فى أسرع وقت ممكن.
........:انا بعمل كل اللى بقدر عليه.
سعيد: عايزك تمشى كل حاجة زى الأول.
.......:متقلقش همشى أنا دلوقتى و هجيلكم تانى.
سعيد: مش عايزك تيجى هنا تانى انا عايز المره الجايه الاقى نفسى بره عايز نطلع من هنا.
........:ماشى سلام.
_______________
كانت جميرى تجلس بجانب ميشيل وأمامها كان يقف مايكل.
جميرى: ايه يا مايكل خير فى ايه.
مايكل:كل خير أنا كنت عايز.....انا....عايز.
ميشيل: مايكل انجز قول عايز ايه انا متعودتش منك عالخوف والجبن ده.
مايكل: بصراحة كده أنا بحب ميرنا.
ضحكا جميرى وميشيل معا بصخب لينظر لهم مايكل بتعجب.
مايكل: بتضحكو كده ليه.
جميرى: ما احنا عارفين انك بتحبها.
ميشيل: احنا عارفين انك بتحبها من وانتو صغيرين جدا.
مايكل: هوا أنا كنت مفضوح اوى كده .
جميرى بضحك: ايوة.
مايكل: طيب انا كنت عايز أطلب إيديها منكم.
ميشيل: مش نعرف رأيها الأول مش جايز تكون حبت حد غيرك.
خاف مايكل كثيرا من تخيله أن طفلته ومعشوقته قد تحب أحد أخر .
مايكل: ميرنا استحالة تكون لحد غيرى.
ميشيل: سيبنى افتح الكلام معاها وأشوف رأيها.
مايكل: ماشى يا عمى بس لازم تخلى بالك انى مش هقبل بأى رد لازم ردها يكون بالموافقة.
ثم ذهب مايكل لتضحك جميرى بقوة.
ميشيل: بتضحكى على إيه.
جميرى: مايكل فكرنى بيك لما كنت جاى تتقدملى كان نفس أسلوبك وطريقتك في الكلام بالظبط.
ميشيل: بس ساعتها كانت أيام حلوة.
جميرى: ليه منرجعش تانى.
ميشيل: مبقاش ينفع نرجع تانى.
جميرى: بس....
ميشيل: اقفلى عالموضوع ده يا جميرى مش عايزه يتفتح تانى لانه لو اتعرف هيبقا بعديه دمار.
_________
جلست عشق برفقة أسد يتناولا الطعام الذى أحرضته لهم الخادمة.
كانت عشق تأكل بنهم شديد .
أسد بسخرية :براحة يا عشق مافيش حد بيجرى وراكى يا حبيبتى.
عشق :جعانة أوى يا أسد جعانه أوى.
أسد: واضح يا حبيبتى إنك ما أكلتيش بقالك قرن.
عشق: اتريق اتريق .
أسد: يابنتى براحة محدش بيجرى وراكى والله.
عشق: ملكش دعوة انت انا جعانه و مش هاكل غير بالطريقة دى كل انت وملكش دعوة بيا.
أسد :اكل إيه هوا إنتى خليتى حاجة علشان أكلها.
أشارت عشق بيدها على جميع أصناف الطعام التى أمامها وقالت بتعجب.
عشق بتعجب: بقا كل الأكل ده ومش مكفيك يا جدع حرام عليك.
أسد: انا واحد مفترى بقا هتقولى إيه.
رن هاتف أسد وكان المتصل تيم.
أجاب أسد قائلا.
أسد: صباحية مباركة يا عريس.
تيم :......
أسد :حصل امتى الكلام ده.
تيم :.........
أسد :ماشى انا جاى مسافة السكة.
أغلق أسد الهاتف.
عشق: خير يا أسد فى إيه.
أسد: مافيش يا روحى.
ثم ذهب وأبدل ثيابه.
عشق: طيب قلى فى إيه أو رايح فين.
أسد :متقلقيش مش هتأخر فى مشوار مهم لازم أروحه ومش هتأخر.
عشق :ماشى يا أسد خلى بالك من نفسك.
أسد :لا إله الا الله.
عشق: محمد رسول الله.
ذهب أسد وظلت عشق فى غرفتها.
________
عادت ملاك من الجامعة وذهبت لتغير ثيابها و بينما كانت تغير ملابسها سمعت صوت طرقات على الباب.
ملاك:ادخل.
دخلت عشق وجلست على السرير ثم قالت بمرح .
عشق بمرح: اخبارك ايه يا عم صالح .
ملاك: تمام يا كبير انت أخبارك ايه.
عشق: الحمد لله يسطا.
ملاك: اليوم كان وحش من غيركم يا عيال والله.
عشق: علشان تعرفى بس ان وجودى ليه معنى.
ملاك: عارفة اللى غايظنى ايه يا عشق انك واخده مقلب جامد فى نفسك.
عشق: الله مش انتى اللى لسه قايلة ان اليوم كان وحش من غيرى.
ملاك: قلت من غيركم مش من غيرك.
عشق: المهم ما علينا.
ملاك: اه هاتى اللى عندك.
عشق: عايزة أكل اندومى.
ملاك: انسى.
عشق :انسى ايه.
ملاك :طول ما انتى قاعدة فى البيت هنا استحالة إنك تعرفى تاكلى اندومى.
عشق: ليه.
ملاك:امى يا سكر مانعة الإندومى ده يدخل هنا.
عشق: يسطا كلميها كده وهيا هترضى .
ملاك: بدل ما أكلمها انا كلميها انتى على الأقل هيا ممكن تتكسف منك وتقبل ان الإندومى يدخل البيت.
عشق :اشطا هنزل أقولها وانتى غيرى هدومك وانزلى بسرعة.
ملاك :اشطا.
خرجت عشق من اوضة ملاك ونزلت تحت للمكان اللى سمر قاعدة فيه.
عشق : ازيك يا ماما.
سمر: كويسة يا حبيبتى تعالى اقعدى جنبى.
جلست عشق بجانبها.
سمر: طمنينى يا حبيبتى عاملة ايه انتى وأسد.
سمعوا صوت ملاك من وراهم.
ملاك: هما لحقوا يا ماما دول لسه متجوزين امبارح.
سمر: انتى مالك انتى محدش قالك اتكلمى.
عشق: كويسين يا ماما الحمد لله.
سمر: لو أسد زعلك او قالك حاجة تعالى قوليلى على طول.
عشق: حاضر.
ملاك بهمس :قوليلها.
عشق بهمس مماثل: مش عارفة.
لاحظت سمر ذلك.
سمر: قولى يا عشق عايزة ايه.
عشق: اممممم لاء مش عايزة حاجة.
سمر: قولى يا عشق عايزة ايه.
ملاك :بصراحة كده يا ماما عشق عايزة تاكل اندومى.
سمر: ما تقولى يا حبيبتى وأنا أبعت حد يجيب اندومى و يعملهولك.
نظرت ملاك إلى والدتها ببلاهة.
عشق بضحك على شكل ملاك.
عشق: اقفلى بقك علشان الدبان.
ملاك: ايه يا ....ايه...انتى يا...
سمر :جمعى الكلام الاول وابقى اتكلمى.
ملاك: انتى وافقتى انها تجيب اندومى كده عادى.
سمر: اه وفيها ايه.
ملاك: لاء ده فيها كتير فيها إنى كنت بتحايل عليكى علشان تخلينى أجيبه ومكنتيش بترضى.
سمر: مالكيش دعوة بقا أنا مقدرش ارفض طلب لعشق.
عشق :حبيبتى.
ملاك: على فكرة يا ماما انا إللى بنتك دى حيالة مرات ابنك مش أكتر يعنى المفروض تكونو أعداء.
سمر: عشق بنتى مش مرات ابنى.
عشق قامت من مكانها وحضنت سمر.
ملاك: لما تخلصوا فيلم العشق الممحون ده قولولى.
عشق: وانتى مالك غيرانه كده ليه.
ملاك: اغير من مين اغير منك انتى ليه انشاء الله.
عشق: وماتغرييش منى ليه يا حبيبتى كان ناقصنى إيد ولا رجل ولا كنت كاتعه وانا معرفش.
ملاك :ابقى اسألى نفسك ياختى وانتى تعرفى.
عشق: لاء بسألك انتى علشان تعرفينى.
سمر بزعيق: يخربيتكم ودانى ايه فى ايه .
ملاك ببراءة: هوا انا اتكلمت يا ماما.
سمر: لاء يا حبيبة امك انتى ملاك نازل من السما.
ملاك: شوفتى بقا.
عشق: قومى يا بت قدامى خلينا نروح نجيب اندومى يلا.
ملاك: يلا.
__________
كان كلا من تيم وأسد يقفان في إحدى الملاهى الليلية يبحثون بأعينهم عن صديقهم ليجدوه يجلس وبجانبه فتاة ترتدى ملابس فاضحة.
اقترب كلا من تيم وأسد من ذلك القابع في أحضان تلك الفتاة.
أسد: محمد قوم معايا يلا.
محمد بسكر:ايه ..ده ...أسد.
قام أسد بمد يده وسحب محمد .
محمد:انت....ايه...اللى ...جابك هنا.
أسد:انت االلى بتعمل ايه وايه المنظر اللى انت فيه.
سحب أسد محمد خلفه وخرج من الملهى الليلى.
محمد: انتم...... مالكم .....متعصبين...... كده ليه .
أسد :انت اهبل يا بنى انت مش شايف منظرك عامل ازاى.
محمد: ماله منظرى.... ما انا حلو اهو........ وكل البنات هتموت عليا.
أسد: انت بتقول ايه .
محمد بزعيق وسكر : اختك... الوحيدة .....الإنسانة الوحيدة اللي أنا.... حبيتها هيا بس اللى كرهانى.
تيم: محمد اهدى بس كده وخلينا نروح.
محمد :اهدى ليه.
تيم:خلونا نروح دلوقتى.
محمد بعدم وعى: ليه هيا تحبه هوا وانا لاء...ليه تختاره هوا وانا لاء.
أسد: اهدى بس يا محمد وقلى مين قالك كده.
محمد :هيا بنفسها ...هيا قالتلى انها بتكرهنى.
أسد: خلاص يا محمد خلاص يا أسد الناس بدأت تبص علينا.
محمد:بس عارف يا تيم انا لحد دلوقتي مش عارف أكرها مش عارف اكرها لانى حبيتها .
اقترب أسد من محمد وقام بكلمه في وجه.
رجع محمد إلى الخلف بسبب اللكمة.
محمد: انت عملت ايه.
أسد:اتنيل اهدى بقا واحكيلى ايه اللى حصل بينك وبين ملاك.
محمد :هحكى واقول ايه.
أسد:اتنيل احكى اللى حصل علشان افهم فى إيه.
محمد : النهاردة روحت لملاك الجامعة وكانت واقفة مع الزفت اللى اسمه سامر ده وبتضحك وانا ادايقت وروحت شدتها من إيديها وقلتلها ايه اللى انتى بتعمليه ده قالتلى وانت مالك قالتلى انا كرهتك ومش طيقاك قالتلى انها فرحانه ومبسوطة وهيا بعيد عنى.
قام أسد بلكمه مرة أخرى.
أسد: وانت طبعا ما صدقت تعمل فيها دور الضحية وجيت على طول على أم الزفت المكان ده صح.
قام محمد برد اللكمه له .
محمد بعصبية: عايزنى اعمل ايه ....ها قلى عايزنى اعمل ايه .
توجه أسد للكمه مرة أخرى ولكن تدخل تيم هذة المرة بينهم.
تيم :ما خلاص بقا انت وهوا.
نظر تيم لهؤلاء الناس الذين ينظرون إليهم.
تيم: يلا انت وهوا روحو اركبوا العربية ولينا بيت نتكلم فيه أكيد مش هنتكلم في الشارع كده.
أسد ومحمد وتيم ركبو العربية وكان تيم اللى سايق واتجه لفيلته .
__________
كانت تجلس فى غرفتها تضع السماعات في أذنها وتستمع إلى الموسيقى الأجنبية الهادئة والحزينة كانت تنظر أمامها فى اللاشئ لا أعلم فيما كانت تفكر ولكن نزلت دمعة من عيناها وأخذت تنساب على خدها قامت ميرنا بمسح دمعتها على الفور و مسكت تليفونها وأخذت تبحث عن أغانى صاخبة وبدأت في الرقص عليها بجنون كانت لا تعلم ما الذى تفعله ولكن الأهم من ذلك أن تنسى كل ما كانت تفكر به.
مرت ثوانى ودقائق وساعات لا تعلم كم مر من الوقت وهى ترقص ولكنها توقفت عن الرقص حينما سمعت صوت دقات عالية على غرفتها.
اوقفت ميرنا الموسيقى و ذهبت لترى من الطارق.
فتحت ميرنا باب الأوضة ولاقت جميرى قدامها.
ميرنا: ادخلى يا جيمى.
جميرى: ساعة علشان تفتحى الباب.
ميرنا وهى تجلس على السرير : عادى.
جميرى: كنت عايزة اتكلم معاكى فى موضوع.
ميرنا: اتكلمى .
جلست جميرى بجانبها على السرير و مسكت يدها.
جميرى: انتى طبعا عارفة أنا بحبك قد ايه.
ميرنا: ايوة عارفة.
جميرى: وأكيد عارفة انى عمرى ما هختار ليكى حاجة وحشة.
ميرنا :عارفة.
جميرى: مايكل بيحبك وعايز يتجوزك.
انتفضت ميرنا من مكانة.
ميرنا: استحالة انى اتجوزه.
جميرى باستغراب: ليه يا ميرنا.
ميرنا: استحالة انى اتجوزه وخلاص.
جميرى: ايه السبب .
ميرنا :مافيش سبب .
جميرى: ازاى ده.
ميرنا: قوليله انى عمرى ما هحبه او هفكر انى اتجوزه.
ثم التقطت الجاكت الخاص بها و أخذت تليفونها وطلعت من الأوضة بل من الفيلا بأكملها وركبت عربيتها وانطلقت بها إلى المجهول.....
__________
تيم وصل الفيلا بتاعته هوا وأسد ومحمد.
تيم نزل من العربية واسد ومحمد نزلوا وراه.
تيم دخل قبلهم وهما كانو وراه.
كانت ماريهان قلقانه على تيم جدا لانه طلع من غير ما يقولها رايح فين بعد ما جاتله مكالمة.
ماريهان أول ما شافت تيم اطمنت و جريت عليه.
ماريهان: انت كويس.
تيم بإبتسامة: انا كويس متقلقيش.
لاحظت ماريهان كلا من أسد ومحمد.
ماريهان: اتفضلوا.
تيم: والنبى يا ماريهان قولى لحد من الخدم يجهز أكل وكمان حد يجيب قطن ومعقم.
ماريهان: حاضر.
ذهبت ماريهان لتفعل ما قاله تيم لها بينما جلس الثلاث شباب على الكنبة.
تيم: اتفضلوا بقا اضربو بعض يلا.
محمد: خلاص خلصنا بس الغبى ده إيده كانت تقبله حبيتين.
نظر له أسد ببرود.
أسد: علشان يبقا عندك مخ بعد كده وتعرف تفكر مش تتصرف بتهور.
محمد: انتو عرفتو مكانى منين.
أسد: تيم اتصل عليا وقلى.
تيم: وانا واحد صاحبى عارفك وشافك هناك فى المنظر اللى كنت فيه واتصل عليا وقلى.
محمد:تمام
جائت ماريهان وهى تحمل في يدها القطن والمعقم.
ماريهان: اتفضل يا تيم وشوية والأكل هيكون جاهز.
أسد: لاء انا همشى.
تيم وهو يضع بعض من المعقم على وجه محمد: ما تخليك قاعد يا بنى شوية وبعدين الأكل بيجهز اهو.
أسد: مره تانية بقا.
محمد: انا همشى أنا كمان سلام.
ماريهان: ابقا سلملى على عشق وملاك.
أسد: حاضر.
ذهب كلا من أسد ومحمد.
ماريهان :كنت فين يا تيم قلقت عليك.
قام تيم بتقبيل جبهتها وإحتضنها.
تيم :كنت في مشوار ضرورى يا قلبى.
ماريهان: ماشى يا حبيبى.
__________
كانت كلا من ملاك وعشق يأكلان الاندومى بنهم شديد.
ملاك: تصدقى ان وجودك هنا يا بت يا عشق مصلحة ليا .
عشق: ليه.
ملاك: علشان هجيب اندومى براحتى من غير ما أمى تزعقلى و هقولها ان انتى اللى جيباه.
عشق: مصلحجية حقيرة .
ملاك: بتعلم منك يا بنتى.
عشق: طيب انجزى كلى يلا.
ملاك: اشطا.
____________
ذهبت ميرنا بسيارتها إلى مكان أشبه بالصحراء حيث لم يتواجد أحد فى هذا المكان نظرت ميرنا حولها لتتأكد من عدم وجود أحد ثم أخذت تصرخ بصوت عالي استمر صراخها لمدة دقائق لتسقط في الأخر أرضا وتبدأ فى البكاء .
ميرنا ببكاء: وقت ما كنت محتجالك وبحبك سبتنى وبعدت عنى دلوقتى عايز تتجوزنى.
أخذ يعلو صوت بكائها.
ميرنا: مش هسمحلك انك تدخل حياتى تانى يا مايكل مش هسمحلك تكسر قلبى تانى بخيانتك ليا.
ظلت ميرنا تبكى وتصرخ وبعد أن انتهت جففت دموعها ومسحت وجهها و ذهبت لتركب سيارتها مرة أخرى وتعود الى منزلها.
_________
فى اليوم التالى كانت تجلس على إحدى الطاولات برفقة صديقتها نهى تنظر إلى كلا من ملاك وميرنا وسيلين ولورين بحقد.
نهى بتساؤل: مالك بتبصى عليهم كده ليه .
سوزى : مافيش .
نهى: بس نظراتك ليهم مش مريحانى.
سوزى: ليه انشاء الله.
نهى: مش عارفة حاسه ان فى حاجة انتى مخبياها عليا.
سوزى: وهخبى ايه عليكى يعنى.
نهى: انا معرفش.
سوزى :يبقا متتكلميش انا مش ناقصة دوشة وصداع.
جاء سامر وجلس بجانب ملاك.
سامر: صباح الخير يا بنات.
البنات: صباح الخير.
سامر: اخبارك ايه يا ملاك .
ملاك: انا تمام انت عامل ايه.
سامر: ديما يارب.
ملاك: مش عيزاك تزعل من الموقف اللى حصل امبارح.
سامر :لاء مش زعلان .
ملاك :تمام .
سامر :ايه رأيك نتغدا مع بعض النهاردة بعد الجامعة.
ملاك :مافيش مشكلة هستناك ونتغدا سوا.
كانت سوزى تنظر إليهم بحقد وتفكر بأن ذلك السامر كان يستخدمها فقط كأداة لمساعدته في لعبته والوصول إلى ملاك.
سوزى: بقولك ايه يا نهى.
نهى: خير يا سوزى.
سوزى: هوا انتى لسه ليكى تواصل مع ماريهان.
نهى :لاء ده انا حتى سمعت ان فرحها كان اول امبارح ومعزمتش حد من صحابنا ولا عزمتنى.
سوزى: امممم قلتيلى.
نهى :بتفكرى في مش مرتاحة للنغمة دى.
سوزى: لاء ولا حاجة خالص.
نهى: اومال كنتى بتسألى على ماريهان ليه.
سوزى :أبدا كنت بطمن عليها مش أكتر ولا هوا حرام انى أطمن عليها وأسأل عليها ده مهما كان كانت صحبتنا فى يوم من الأيام بردو.
نهى :هعمل نفسى مصدقاكى.
أخذت سوزى تفكر في فكرة جديدة لتفرق بين سامر وملاك و ترجع محمد إليها ولكن ذلك لن يتم إلا عن طريق ماريهان لهذا يجب عليها التقرب منها من جديد واخذت تفكر في طريقة لتقترب من ماريهان لتلمع عيناها بخبث.
جاء جاسر وجلس بجانب سيلين.
جاسر: مال القمر زعلان ليه .
سيلين: مافيش.
جاسر: على أساس أن انا مش عارفك لما بتكونى زعلانه.
سيلين: الامتحانات قربت وانا الحمد لله حاسه نفسى هشيل المواد كلها.
لورين: يا فقر اتفاقلى خير.
سيلين: هوا هييجى منين الخير طول ما انا متلمية عليكم يا ختى.
لورين :وهوا أنا اللى كنت منعتك من المذاكرة.
سيلين: لاء .
لورين: كنت ضربتك على إيدك وقولت ليكى متذاكريش.
سيلين: لاء.
قامت لورين بحدف زجاجة المياة عليها.
لورين: ولما هوا لاء لاء بتقولى هييجى منين خير وأنا متلمية عليكم ليه محسسانى إنك مصاحبة شياطين.
تدخلت ملاك قائلة :خلاص يا شبحة منك ليها.
سيلين: المفروض انكم تشجعونى انى اذاكر وتدعمونى.
ملاك :حاضر يا حبيبتى بس كدة بصى بقا يا سيلين احنا لو دعمناكى يا حبيبتى هتكرهى اليوم اللى طلبتى دعمنا وتشجيعك فيه على المذاكرة.
لورين: بالظبط كده.
ملاك: انا أكبر مثال قدامك اهو ولا ذاكرت ولا اتنيلت ده انا حتى من كتر التفاؤل اللى عندى انى هسقط ببقا عايزة اقول للدكتور هات بطانية معاك لان الدرجة هتكون تحت الصفر.
سيلين بغباء :وانتى ايه اللى عرفك بدرجة الحرارة انتى متابعة ارصاد جوية يا بت من ورايا .
ملاك: ربنا يكون فى عونك يا جاسر يا ابن خالتى ويصبرك على ما بلاك بصى يا حبيبتى أنا مش بتكلم على درجة الجو انا بتكلم عن درجتى ودرجتك ودرجات الدفعة فى الإمتحان.
جاسر بضحك: ارتحتى كده لما دعموكى والله كفاية عليكى دعم ملاك بس دى لوحدها قنبلة تفاؤل.
سيلين بضحك: انت هتقولى.
سامر: طيب يا ملاك همشى أنا علشان عندى محاضرة دلوقتى سلام.
ملاك: اوك سلام.
جاسر: مش عارف ايه اللى عجبك فى الواد ده.
ملاك بغيظ: وانت مالك.
جاسر: ربنا يسامحك.
ملاك :ربنا يقوى إيمانك يا شيخ جاسر.
جاسر: طيب اخلع انا علشان المحاضرة بتاعتى.
لورين: استنى والنبى يا كابتن خودنى معاك ينوبك فيا ثواب.
جاسر: قومى يا ختى.
جاسر ولورين مشيو.
ملاك بضحك: الواد هيطير منك يا بت يا سيلين.
سيلين: بس يا شر.
ملاك: مش هرد عليكي.
سيلين: علشان متعرفيش اصلا.
نظرت ملاك إلى ميرنا الجالسة بهدوء عكس طبيعتها.
ملاك: مالك يا شبح مش معانا ليه.
ميرنا بتنهيد: مافيش.
سيلين: مش عادتك يعنى انك تفضلى ساكتة كده.
ميرنا: مافيش حاجة ملاقتش داعى لكلامى او بالأصح مافيش موضوع يخصنى علشان اتكلم فيه.
ملاك :لاء انتى مش طبيعية النهاردة مالك يا بنتى فى ايه.
ميرنا: مافيش انا هقوم اجيب حاجة اشربها اجيبلكم معايا.
ملاك:لاء.
سيلين:لاء مش عايزة.
ميرنا مشيت.
ملاك: انا حاسه ان ميرنا فيها حاجة.
سيلين :مش عارفة مالها.
___________
كانت تجلس بأحضان زوجها تستمتع بمشاهدة بعض الأفلام الكرتونية.
ماريا: انت عارف يا عمر .
عمر: ايه يا قلب عمر.
ماريا: انا اكتشفت حاجة مهمة أوى.
عمر: اكتشفتى ايه.
ماريا :اكتشفت ان فى فيلم Frozen بتاع الاختين آنا وإلسا ان أهلهم الملك والملكة اختفو في البحر وهما رايحين يحضروا فرح أميرة فى مملكة تانية الملك والملكة سفينتهم اختفت في البحر مع ابنهم الصغير ...
أما الأميرة إللى كانو رايحين يحضروا فرحها حبت لص اسمه يوجين بعد ما انقذها من سجنها فى البرج الطويل وطبعا الأميرة دى كانت روبانزل...
بس للأسف السفينة موصلتش و غرقت فى المكان اللى حصلت فيه أحداث فيلم حورية البحر اللى راحت تكتشف سفينة البشر الغرقانه .
طبعا بقا كلنا فكرنا ان الملك والملكة ماتو بس لاء المؤلف بقا ذكى وعمل ايه قال انهم نجو فى البداية بمركب صغير وراحوا لجزيرة مجهولة.
بس للأسف الحيوانات هجموا عليهم واكلوهم بس طفلهم نجا...عارف بقا طفلهم ده يبقا مين يبقا طرزان اللى حبيبته جين واكتشفت كمان ان جين تبقى حفيدة بطلة الجميلة والوحش واللى اثبتلى كلامى لما لاقيت جين لابسة الفستان بس مع تعديلات بسيطة.
نظر لها عمر بصدمة.
عمر: ماريا يا حبيبتى ايه اللى انتى بتقوليه ده.
ماريا :مالك يا عمر فى ايه.
عمر: ايه الهبد اللى انتى هبدتيه دلوقتى ده .
ماريا: أنفع فى التأليف صح.
عمر: انتى عارفة يا حبيبتى لو حد من مؤلفين القصص دى وصلهم الكلام اللى قلتيه ده هينتحروا.
ارتفع صوت رنين هاتف عمر ليمسكه بيده ويجب.
عمر :الو يا فندم.
.........:.........
عمر :بس يا فندم انا واخد اجازة علشان فرحى وكده.
...........:........
عمر:ماشى يا فندم .
.........:........
عمر: لاء يا فندم مش هتأخر.
........:......
عمر: مع السلامة يا فندم.
أغلق عمر الهاتف ونظر إلى ماريا التى تنظر له باستفهام.
ماريا: فى إيه يا عمر.
عمر: فى مهمة جديدة وعايزينى أطلعها.
ماريا: لاء يا عمر انا هخاف عليك.
عمر بضحك: هتخافى عليا من ايه يا هبلة انتى.
ماريا: خايفة يحصلك حاجة.
عمر: يا بنتى هيا دى اول مرة اروح مهمات يعنى وغير كده أنا مش هتأخر كلها يومين ولا تلاتة.
ماريا: يومين ولا تلاتة ايه بس يا عمر.
عمر: متقلقيش يا ماريا أنا هقوم أظبط حاجتى علشان همشى بعد ساعة.
ماريا :ماشى.
لا تعلم ماريا لماذا شعرت بأن هناك شئ خطير لزوجها وحبيبها و لكنها نفت هذا الشعور سريعا .
__________
كان محمد يتابع بعض من المرضى ليخطر فى باله شئ وهو أن يذهب لملاك ويعتذر منها ويطلب منها ان تسامحه واراد ان يقتل سوزى على ما فعلته ليبتسم ويحمل هاتفه ومفاتيح سيارته ويذهب إلى سيارته ويركبها وينطلق بها إلى طريقه.
وصل محمد إلى الجامعة وكان على وشك النزول من السيارة ليجد ملاك تركب برفقة سامر فى سيارته وانطلقا بها.
شعر محمد بالغضب الشديد وقرر أن يذهب خلفهم وتبعهم بسيارته.
ليجدهم بعد دقائق يقفو امام مطعم ويترجلوا من السيارة ويدخلو إلى هذا المطعم.
ملاك دخلت المطعم هيا وسامر وطلبوا الأكل وبعد كده محمد دخل وراهم وراح قعد على طربيزة بعيدة عنهم بشوية وكانت ملاك وسامر بيضحكو مع بعض ويهزروا وبعد ما الأكل إيجا و أكلوا خدو بعضهم وطلعو من المطعم وملاك كانت عايزة تاكل أيس كريم وسامر راح جاب ليهم هما الاتنين.
سامر: ايه رأيك يا ملاك نتمشى شوية.
ملاك: تمام مافيش مشكلة خلينا نتمشى.
ذهب محمد خلفهم ليجدهم بعد مرور ما يقارب الربع ساعة توقفوا في مكان ما يطل على البحر.
سامر: انتى عارفة يا ملاك أنا بحب البحر اوى .
ملاك: ومين مبيحبش البحر أنا كمان بحب البحر بس على قد ما بحبه على قد ما بخاف منه.
سامر :ليه.
ملاك: البحر هادى وجميل بس اول ما بتقوم عاصفة بيتحول لوحش خطير وحش ممكن ياخد منا أغلى الناس البحر ده شبه الدنيا بالظبط البحر واحد بس السمك أنواع والوان والدنيا واحده بس ناسها مختلفة هتلاقى فى الدنيا ناس طيبة وجدعة وفى نفس الدنيا بردو هتلاقى ناس خاينة و جشعة.
سامر :يااه ده انتى عميقة اوى.
ملاك: مش عميقة ولا حاجة .
جائت ملاك لتعود للخلف ولكن رجليها التوت وكانت هتقع بس سامر مد إيده ومسكها قبل ما تقع واتقبلت عنيهم في نظرة طويلة.
لم يتحمل محمد رؤيتهم هكذا ليقترب منهم ويبعد سامر عن ملاك ويقوم بلكمه لكمة قوية في وجهه اطاحته أرضا.
ملاك: ايه اللى انت بتعمله ده انت مجنون.
محمد مسك سامر من لياقة القميص بتاعه.
محمد :واقسم بالله لو قربت منها تانى لكون قتلك.
سامر: عايز أشوف.
تدخلت ملاك قائلة: اوعى كده.
محمد: عايز تشوف هعمل فيك ايه.
ملاك: تعالى يا سامر خلينا نمشى.
قام محمد بسحبها من ذراعها وجذبها بعيدا عن سامر.
محمد بتهديد: عايز اشوفك قريب منها تانى.
ثم شدها وذهب إلى سيارته.
محمد :اركبى.
ملاك :مش راكبة.
محمد :اركبى.
ملاك بعناد: لاء مش راكبة.
محمد بعصبية: قلتليكى اركبى.
خافت ملاك كثيرا فهذه اول مرة يتعصب محمد للدرجة دى.
ملاك ركبت العربية وهيا خايفة ومحمد ركب هوا كمان وكان بيسوق بسرعة جنونية.
ملاك بخوف: خفف السرعة شوية وقلى إحنا رايحين فين.
محمد لم يرد عليها وتابع قيادته بسرعة أكبر وبعد دقائق توقف محمد امام .......