رواية العاصي
الفصل الحادي عشر
والثاني عشر
بقلم كنزي حمزه
خرج الطبيب اليهم حتي يخبرهم بما اصابها
جري عليه حمزه ومن خلفه عاصي
حمزه: خير يا دكتور امي فيها ايه
الطبيب:للاسف يا جماعه الجلطه اتمكنت منها ومقدرناش اننا نلحقها لانها عدي عليها ٢٤ ساعه فاهتسيب اثر
عاصي:ايوا هاتسيب اثر ازي يعني ماتتكلم علطول يادكتور
الطبيب: انا اسف بس الجلطه اتسببت ليها في شلل في جميع اطرفها وكمان فقدت النطق
وقع هذا الخبر عليهم كمن وقعت عليه قنبله جلس فضالي علي المقعد وهتف
فضالي:( اللهم اجرنا في بلأنا انت ارحم الرحمين )
انا السبب يا عاصي انا السبب يا حمزه
نظر له عاصي نظره جعلته يصمت
وهتف:اسكت ياابا انا مش ناقص انت كمان يجرالك حاجه
وضعت غمزه يدها علي كتف فضالي:معلش يا عمو اكيد ده امتحان من ربنا عشان يختبر قوة ايمانا بيه ان شاء الله ربنا هايشفيها
فضالي:يا رب يا بنتي يا رب
بينما جلس حمزه علي ارض المشفي البارد ووضع رأسه بين راحتي يديه يخبيء بهم عبراته التي ابت ان تصمد وعرفت طريقها للسيرعلي وجنتيه
جرت غزل اليه وبيدها الطفل زين الذي ارتمي بين احضان عمه
زين:مس تعيط يا حمسه تيتا هتبقي حلوه
احتضنه حمزه بيديه وهتف.. ان شاء الله يا حبيبي هتبقي كويسه
غزل بدموع من اجله:حمزه ماتعملش كده في نفسك عشان خاطري ان شاء الله انطي هاتبقي كويسه وتخف وتقوم بالسلامه
وضع يده الاخري علي كتفها واجلسها بجانبه وهتف :يا رب يا غزل يارب
هتف عاصي في الطبيب: ممكن تقولي الوضع هيبقي عامل اذاي دلوقتي يعني هي حالاتها هاتفضل كده ولا ليها علاج ولا ايه بالظبط 😡
الطبيب:حضرتك ممكن تهدي شويه علي فكره عصبيتك دي مش هاتفيد بحاجه خالص.
غمزه:اهدي يا عاصي الدكتور مالوش ذنب تتعصب عليه كده
لم ينطق اسمها ولكنه اجتذبها من يدها اليه ونظر لها نظره لم تصمتها فقط بل ارعبتها من داخلها
الطبيب:طيب علي العموم هي هتفضل هنا تحت الملاحظه في العنايه المركزه لغاية الحاله ما تستقروللاسف يا جماعه هانمنع عنها الزياره
هتفت روقيه الجالسه بجانب والدتها
روقيه: طب يا دكتور انا ممكن ابات معاها ماهو مش معقول هانسيبها كلنا ونمشي
ليندهش فضالي وابناءه مما تفوهت
الطبيب: اسف يا مدام بس مافيش حد بيبات في العنايه وحتي لو فضلتو واقفين مش هاينفع حد يدخل ليها
هتف عاصي :خلاص روحو كلكو وأنا هافضل قاعد هنا معاها ولو جدت اي حاجه هاتصل بيكو لينصاعو كلهم لكلامه ويذهبو في سيارة حمزه الا غمزه التي رجعت اليه مره ثانيه
جلس علي المقعد بجانب الغرفه يسند رأسه علي الحاءط البارد من خلفه مغلق عيونه
جلست هي بجواره دون ان تتحدث اخذت يده بين راحة يدها الصغيره فلما لا تمسكها وهي الان زوجته
فتح عيناه وجدها تنظر له لأول مره بكل حب 😍
عاصي:ايه اللي رجعك ماروحتيش معاهم ليه
غمزه:ماحبتش اسيبك لوحدك حسيت انك محتاجني جانبك
نظرلها مده ليست بقصيره في صمت تام فقط لغة العيون هي من تتحدث ثم تأتي بعد ذلك الكلمات فهتف اخيرا
عاصي:هتصدقيني لو قولتلك اني فعلا محتاجك جدا يا غمزه يمكن عصبيتي هي اللي مش بتخليني اتكلم كتير اومش بعرف اعبر عن اللي جويا حتي امي عمري ما قولتلها او حتي بينت ليها قد ايه بحبها بس انا مش وحش برضو انا بني ادم
اول مره احس اني خايف قوي كده ايوه خايف من الموت احسن يخدها مني اول مره اتمني انها تصحي عشان اكلامها كده
غمزه بدموع:ماتقولش كده يا عاصي هاتقوم بالسلامه ان شاء الله بس انت ادعيلها يا حبيبي
عاصي: غمزه خليكي جانبي علطول واستحمليني حتي لو اتعصبت عليكي بس معلش استحمليني لحد الازمه دي ما تعدي وامي تقوم منها ثم اجتذبها الي احضانه واغلق عليها بيده جيدا وكأنه يستمد منها القوه
خجلت هي جدا بعد ان فجأها بأحتضانه لها😊احمرت وجنتها جدا و وهمست بخجل طب سيبني يا عاصي ماينفعش كده انا جانبك ومش هاسيبك
عاصي بعد ان تركها : تعرفي اول مره احس ان في حد قريب مني كده اقدر اتكلم ماعاه بحريتي
غمزه: متهيألي ان انا مش حد انا مراتك مش كده ولا ايه
عاصي:ياه ياغمزه دي الكلمه دي حلوه قوي وهي طالعه منك
احنت رأسها للاسفل من شدة خجلها لم يريد ان يزيد خجلها
فهتف :كفايه كسوف عشان خدودك احمرت خالص ومش هاعرف الاقي حاجه اخبيهم بيها من عيون الناس
غمزه:طب اسكت انت بقي عشان كل ما بتتكلم بتكسفني زياده
نظر اليها بحب في صمت ثم تركها واتجه الي لوح الزجاج الحاجز بينه وبين والدته الناءمه علي الفراش
تركته فتره ليست بقصيره ينظر اليهاثم اتجهت اليه
وهتفت:هاتقوم بالسلامه ان شاء الله
عاصي:يا رب
غمزه:هو انا كنت عايزه اسألك علي حاجه
عاصي:اسألي
غمزه:هو في حاجه زعلت مامتك منك
عاصي وهو ضامم حاجبيه:ليه بتقولي كده
غمزه:عشان الكلام اللي قالته ليك امبارح واحنا طالعين هي ماكنتش مرحبه بينا
عاصي:لاء طبعا هي بس بتفكر زي اي ست عايشه في الاحياء الشعبيه يعني بصت لحتة انكو بنات وعيب تطلعو شقه شباب عذاب لوحدوك وما فكرتش في الخناقه واننا كنا تحت وكده
غمزه:طب قولي بصراحه انتو قولتو ليها علي موضوع جوزنا ده وهي وافقت
بدء يفكر في كلامها وازي يقولها ان والدته ماعرفتش اصلا انهم اتكتب كتابهم فقرر انو يكذب عليها
عاصي:اه طبعا وكانت فرحانه كمان بس هي بقالها كام يوم مش مظبوطه واحنا مكناش حاسين انها تعبانه اوي كده
غمزه:طب ليه امبارح بعد الخناقه كنت مضايق مع اني كنت شايفك في الشارع مبسوط علي الاخر
عاصي 😬:ايه دا انتي بتستجوبيني ولا احسنهاوكيل نيابه انا مش متعود علي كده علي فكره ولازم تعودي نفسك في حاجات
ادام مش عايز اتكلم فيها يبقي خلاص تقفلي باب
المناقشه وماتحوليش تتكلمي معايه وانا متعصب ولا تقفي قدامي زي ماحصل امبارح كده تسيبني لحد مااهدي لوحدي
غمزه: يا سلام بس علي فكره بقي انا مش بحب كده انا ليا شخصيتي و
عاصي😈: غمزه مش وقت عنادك ده خالص انتي ناسيه احنا فين ولا ايه
لم تتحدث وتركته وذهبت الي المقعد وجلست مره ثانيه في صمت تام 😥
وقف هو ينظر الي امه ثم حضر اليه الطبيب وهتف من خلفه
الطبيب: بعد اذنك يا استاذ تاخد الانسه وتمشو العنايه مافيش فيها بيات وكده هاتأذوو الممرضين
عاصي:انا بس كنت عايز اطمن علي ولدتي
الطبيب:اطمن حضرتك هي واخده مسكن ومش هتفوق قبل بكره الصبح والمحلول اللي متركب لها فيها حقن تدوب الجلطه وعلي بكره تكون دابت وخير ان شاء الله
عاصي:طيب يادكتور متشكرجدا
تركه الطبيب وذهب ثم نظر اليها رأي الدموع تلمع في عيونها لم يريد ان يحزنها هكذا😢
😢 فلماذا البكاء يا من اجبرتي قلبي ان يفتح بابه اليكي😢
توجه اليها وهتف
عاصي:يلا
نظرت هي له ولم تتكلم فقط امسكت هاتفها في يدها ووقفت
كادت ان تتحرك لكنه امسك يدها ارادت ان تجذب يدها من بين يده ولكنه نظر لها نظره ارعبتها منه فهتهت
غمزه:ماتخاوفنيش منك سيب ايدي
عاصي 😠:لاء مش هاسيبها امبارح لما قولتيها سيبتك عشان مكانش في حاجه تربطني بيكي لكن النهارده انتي بقيتي مراتي يعني لو روحت بيكي دلوقتي علي بيتي محدش يقدر يلومني ولا يقولي انت بتعمل ايه
غمزه:😣 وانت كده تبقي فرقت ايه عن ابن عمي يا بشمهندس
عاصي😡:يلا يا غمزه وماتزوديش في الكلام اكتر من كده عشان بجد مش عايز اتعصب عليكي
خرجو من المستشفى وهو قابض علي يدها يكاد يكسرها في يده زجها داخل سيارته جلست علي المقعد الامامي
اقترب هو منها حتي يحكم عليها حزام الامان ولكنه كان قاصد الاقتراب منها حتي يثبت لها انها اصبحت ملكه هو فهتفت
غمزه:ابعد عني انا مش بحب اربط الحزام ده حتي وانا سايقه
رفع يده لي وجنتها قاصد ان يدخل خصلاتها المتمرده مثلها داخل حجابها
توترت هي من لمسته ونظرته لها
تركها بعد ان اربكها جدا واحكم عليها هذا الحزام
وهتف:انسي سواقتك خالص عشن من النهارده مش هتركبي عربيه غير معايا ثم اغلق الباب واتجه الي مقعده خلف عجلة القياده
ادار المحرك وبدءت السياره في التحرك الي ان خرجو من جراچ المستشفى فبدأت السياره ان تسرع حبه حبه الي ان بدأت تزيد جدا وبدأت هي في الخوف تمسكت بزراعه وهتفت
غمزه:انت مجنون كده هاتموتنا
لم يلتفت اليها ولكنه زاد في سرعة السياره اكثر احتضنت هي زراعه وهتفت
غمزه:خلاص يا عاصي كفايه
زاد في السرعه اكثر
بدأت هي في البكاء وهتفت😭
غمزه:خلاص انا اسفه يا عاصي كفايه لوبتحبني بجد عشان خاطري كفايه بقلمي /كنزي حمزه
بدء في ابطاء سرعته وفك حزام الامان من حولها ورفع يده جذبها الي احضانه وبدأ يملس بيده علي جسدها حتي تهديء من خوفها الي ان اوقف السياره
وهتف وهي داخل احضانه
عاصي: انتي مراتي فاهمه ياعني ايه مراتي يعني بقيتي حته مني حسك عينك اسمعك بتقولي الكلمه دي تاني او تشبهيني بحد تاني فاهمه ردي عليا فاهمه
غمزه بدموع:فاهمه خلاص ماتزعقش
ابتسم هو علي كلام متمردته وادار محرك السياره مره تانيه كادت ان تبتعد ولكنه رفض ابتعادها عنه الي ان وصلو الي البيت
وصلو الي المنزل افلتت يده من حولها وترجلت من السياره متجهه الي بيتها وعبراتها علي وجنتها
وقفت امام الباب عندما رأته مغلق لم تلتفت اليه فقط ظلت واقفه منتظره ماسيفعله
وبمنتهي الهدوء ركن سيارته في مكانها ثم ترجل منها واغلقها واتجه اليها اجتذب القفل وفتحه بالمفتاح الذي معه كاد ان يدخل ولكنها سبقته لم تعلم ما ينتظرها من الداخل
دلفت هي الي مدخل البيت وجدت هذا الوحش ينزل سريعا من علي الدرج قاصد الهجوم عليها
كادت ان تصرخ ولكنه اجتذبها بين احضانه واوقف الكلب بعيدا عنها واغلق الباب بقدمه
بكت بصوت مرتفع وهي بين احضانه وهتف.
عاصي: ششششش خلاص ماتخفيش دا عنتر اهدي خلاص لازم تاخدي عليه
غمزه بدموع: اخد عليه ايه انا بخاف منه جدا😢
عاصي:بصي هو لما شافنا قعد ازي خلاص هو عرفك مش هايعملك حاجه حتي لو شافك لوحدك بدء يمسح عبراتها بأبهامه وينظر الي خضراوتها بعينيه نظر اليها لتسحره
وتجذبه لها
ثم همس 💞 بحبگ💕
اخفضت عينهابخجل سريعا ثم هتفت
غمزه:سيبني عايزه اطلع عند مامي
عاصي:بس مش هو ده الرد اللي مستنيه علي كلامي😉
غمزه:😌
عاصي:طب خلاص مش لازم تقوليها دلوقتي
اطلعي يلا ومش عايزك تخافي من حاجه ومش عايز اي حاجه حصلت بينا اوهاتحصل حد يعرف بيها مش عايز حد يدخل فينا يا غمزه ثم امسك هاتفها منهاوقال
عاصي:البسورد كام
غمزه:ليه
عاصي:عشان اسجلك رقمي وابعت اد لأميلي من عندك ولا بلاش
فتحت له الهاتف وسجل رقمه ثم رن علي هاتفه ليظهر رقامها امامه وبعت اد له من اميلها علي الفيس بوك
ثم هتف: يلا بقي اطلعي عشان ترتاحي وانا كمان هاطلع ارتاح
صعدت الي شقتها ولكنها قبل ان تدخل وجدته صاعد خلفها ولكنه تخطاها واتجه الي سطح البيت فهتفت
غمزه: انت رايح فين دلوقتي
عاصي :ادخلي يا غمزه انا هاطمن علي باب السطح لايكون حمزه نسي يقفله وانزل اقفل الباب من تحت.
لم تدخل ووقفت تنتظره الي ان نزل مره تانيه
هتفت:ها لاقيته قافله كويس
عاصي:اه مقفول انتي بقي ماسمعتيش الكلام ودخلتي ليه
غمزه:عادي قولت اطمن انا كمان انه مقفول
عاصي:يعني خايفه ليكون الباب مفتوح ومش خايفه عليا
غمزه:اخاف عليك ايه ياعم ده كفايه بس تبص لأي حد بعنيك المرعبه دي
عاصي:الله يخرب بيت لسانك ادخلي يلا بدل ما اتجنن واخدك معايا ادخلي
غمزه:ههههههه 😂😂
تركها ونزل الي الاسفل ولكنه لم يرحل حتي فتحو لها الباب ودلفت الي داخل شقتهم
ثم اغلق هو الاخر باب المنزل واتجه الي بيته دلف الي شقة ابيه ورأه جالسا حزينا وبجانبه حمزه وينام علي قدمه زين ..
فضالي:انت جيت يا عاصي امك عامله ايه
عاصي: زي ماهي ياابا مافيش جديد والدكتور قالي اقعدتي ملهاش لازمه واني مش هاقدر ادخل ليها فاجبت غمزه وجيت والصبح بقي نروح ليها
فضالي:وروحت مراتك ولا سيبتها تطلع لوحدها
عاصي:لاء اطمن ما سيبتهاش الا لما دخلت شقتهم وقفلت الباب تاني عليهم
فضالي:انا السبب في اللي حصل لأمكم ده كان لازم افضل ساكت ومقولش حاجه هيااتكسرت ومقدرتش تستحمل انكو تكرهوها كنت قاسي اوي عليها
حمزه:خلاص يابابا اللي حصل حصل وانت ماكنتش تقصد دا كله تدبير ربنا اننا نعرف بالحصل
عاصي:ياابا ماتحملش نفسك الذنب ربنا اكيد ليه في كده حكمه مش يمكن بمرضها ده بيغفرليها ذنبها المهم دلوقتي انت لازم تسامحها وما يكنش في قلبك ليها اي كره
فضالي:والله يابني مسامحها ويعلم ربنا اني مش بكرهها واتقيت ربنا فيها دي بنت عمي قبل اي حاجه يعني لحمي وعمري ما فكرت أاذيها ذي هي ما اذيتني😢
عاصي: خلاص ياابا ان شاء الله ربنا هايشيفها المهم لما تفوق تحسسها انت بده
فضالي : بس هي تقوم بالسلامه وانا والله هاقولها اني عمري ماكرهتها
الفصل الثاني عشر
رواية / العاصي
💚💚💚💚💚💚💚💚💚💚💚💚💚💚💚💜
مر يومان ومازلت فاطمه في المستشفي ولكنها نقلت من غرفة العنايه الي غرفه عاديه بعد ان استقر وضعها وذابت الجلطه ولكنها تركتها غير قادره علي الحركه والكلام ذهب اليها فضالي وابناءه وزوجتهم وايضا اخذ حسنه معه حت يتركها لتبيت معها الي ان يأذن لها الطبيب بالخروج
فضالي:معلش يا ولاد ممكن تخلوني ادخلها انا الاول لوحدي
عاصي:طبا يا حج اتفضل
دلف اليها واغلق الباب من خلفه وجدها متيقظه دامعة العينين علي ما وصلت اليه فهتف:حمدلله علي سلامتك يافاطنه.
نظرت اليه باسف والدموع تغرق عيناها.
فضالي:حقك عليا يا بنت عمي والله ماكنت اقصد احسسك بالزعل يا ريت كان اتقطع لساني ومانطقتش بكلمه
اكثرت الدموع في عيناها تريد ان تصرخ بشده ابعد كل ما فعلته به يعتذر لها
احتضنها بين يديه واغلق عليها بشده وهتف
فضالي:كفايه يا فاطنه عشان خاطري ماتقطعيش قلبي عليكي ده ربنا كرمه واسع اوي وان شاء الله هايشفيكي وتقومي بالسلامه
ادعيله و انتي محنتك دي يقف جنبك ويساعدك وكلنا هانبقي حواليكي انا وعاصي ومراته وحمزه و مراته كمان دول كلهم واقفين بره وعايزين يدخلو ليكي
نظرت اليه بحب بمعني ان يدخلهم اليها
فضالي: يعني انت عايزني ادخلهم حاضر هادخلهم ليكي اهو
ثم فتح الباب واذن اليهم بأن يدخلو ودخلو عليها جميعا وجري الصغير اليها وهتف بحب
زين:تيتا حبيبتي رفعه والده بجانبهاواحتضانها بيده الصغيره وهتف وحستيني معلس مس تسعلي انتي هتبقي حلوه تاني بقلمي/كنزي حمزه
اندهشت هي من معاملة هذا الصغير ادمعت عينها بل بكت من اجله ابعد كل هذه القسوه تلقي منه كل هذا الحب
انزله عاصي وجلس بجانبها علي الفراش وامسك يدها وبدء يقبلها والدموع متحجره في عينه وهتف:حمدلله علي سلامتك ياماما ماتخفيش ان شاء الله ربنا هايوقف معانا ويشفيكي
جلس حمزه علي جانب الفراش من الجهه الاخري وامسك بكف يدها الثاني وبدء في تقبيله هوالاخر وهتف بمرح والدموع تلمع في عينه :طبعا ربنا هايشفيها دي بطه حبيبتنا كلنا اومال يعني هانتحرم من المحشي والبط بتاعك ولا ايه شدي حيلك بقي عشان تعمليلي ورق عنب يا بطتي ثم احتضنها جيدا وابت الدموع ان تصمد
نظرت اليهم بابتسامه وهي داخل احضان ولدها
ثم نظرت الي عاصي بمعني ان يقربهم اليها
تفهم هو عليها وهتف تعالي يا غمزه تعالي يا غزل اقتربو اليهم وامسك هو يد غمزه وهتف
عاصي:ان كتبت كتابي علي غمزه بقت مراتي وغزل بقت مرات حمزه شدي حيلك وخفي بسرعه عشان توضبي الشقق بتعاتنا ونعمل الفرح
جلست غمزه مكان زوجها وهتفت
غمزه:حمدلله علي سلامتك انطي ان شاء الله هاتبقي كويسه وتقومي بالسلامه
لم تتفهم هي معني تلك الكلمه نظرت الي عاصي بعدم فهم
عاصي:غمزه امي مش هتفهم انطي دي قوليلها يا ماما احسن
نظرت هي اليه ثم عاودت النظر لها وهتفت: بس كده حمد لله علي سلامتك يا ماما انا من النهارده بقي عندي اتنين ماما
جذبت غزل حمزه من جانبها وجلست مكانه ثم امسكت يدها وهتفت:وسع كده شويه يا اخ ماهي بقت مامتي انا كمان مش كده ولا ايه يا مامتي بصي بقي يا ستي انا غزل مرات الاخ اللي واقف هناك ده مش عارفه اذي بس اهو حصل انا وانتي هنبقي اصحاب اكيد دانا رغايه واعجبك قوي في النميمه ههههههههههه
ضحك الكل عل هذه المشاكسه الصغيره وفرحت هي بهم ونظرت اليهم بكل حب ثم نظرت الي باب الغرفه وجدت تلك الفتاه الصغيره ذات الخمسة عشر عام تقف لوحدها تبكي من اجلها نظرت الي فضالي ثم اليها مره ثانيه فهتف
فضالي:تعالي يا حسنه قربي واقفه لوحدك ليه
جرت تلك الفتاه عليها وارتمت عليدها تقبلها وهتفت بدموع
حسنه:حمدلله علي سلامتك يا ستي الحجه ان شالله كنت انا وانتي لاء
نظرت فاطمه لها بكل حب فتلك الفتاه هي من ربتها علي يدها ولم تلقي منها غير كل قسوه
هتف عاصي:كفايه عياط بقي يافرج في راجل بيعيط يا اخي
نظرت له بكل غل وهتفت شايفه يا ستي مافيش فايده فيه برضو اذي طب اعمل فيه ايه بقي تصدقي انا هاحطله شطه في الاكل بتاعه كله بعد كده هههههههههه
ضحك الجميع علي تفكير تلك الفتاه وفرحت هي من اجل ابناءها وتمنت ان يصفح عنها الله ما فعلته من ذنب ويغفر لها هتفت غمزه وهي تجلس بجانبها
غمزه:مامي ونانا كانو عايزين يجولك ان النهارده لما عرفو انك فوقتي هما جولك قبل كده بس عاصي قالهم ان الاحسن يستنو لما ترجعي البيت
نظرت هي الي فضالي ثم نظرت اليها بابتسامة شكر لها وترحيب بهم
استغرب هو تلك البسمه التي لمحها علي واجهها تمني من الله ان يزيل تلك الكراهيه لها من قلب زوجته من اجل سعاده ابنأه فقط لا غير حضر الطبيب في وجود الكل وهتف
الطبيب: عال عال ده حنا بقينا كويسين خالص حمدلله علي السلامه يا ست الكل
عاصي:طمنا يا دكتور صحتها عامله ايه
الطبيب: الحمد لله علي كل حال هي صحتها طبعا اتحسنت عن الاول كتير وبالعلاج والحاله النفسيه هاتبقي احسن اهم حاجه الحاله النفسيه ليها مش عايز اي حاجه تزعلها تاني
غمزه بمرح وهي تنظر اليها:لاء من الناحيه دي بقي اطمن اوي يا دكتور احنا مش هانخليها تبطل ضحكثم اتجهت بعينها الي الطبيب ولكنها تقابلت بعينيه التي نظرت لها نظره تعلمها جيدا اسكتتها وارعبتها في نفس الوقت
الطبيب وهو ينظر الي عيونها الساحره: اكيد طبعا قومي يا حاجه وشدي حيلك كده حد يبقي عنده بنات حلوين كده ويحب الرقده دي
نظر اليه عاصي وكاد ان يفتك به فهذا الحقير يغازل زوجته رغم كبر سنه وهتف :دي مراتي مش بنتها
نظر الطبيب اليه وهتف بمرح وقد تفهم غيرته:وماله يا سيدي ربنا يخليهالك ماهي
مرات ابنها تبقي بنتها برضو مش كده ولا ايه يا حجه يلا شدي حيلك كده عشان هاكتبلك علي خروج بكره ان شاء الله استأذنكو انا بقي ثم ذهب من الغرفه
جلسو معها وقت ليس بقصير وتعالت ضحاكتهم وهي مبتسمه وفرحه جدا بهم هتفت
غمزه:ايه رأيك يا ماما انا عامله حسابي ابات معاكي النهارده والصبح عاصي يجي ياخدنا ونروح سوي
نظرت لها نظرة خوف وهزت رأسها بمعني لا
غزل:بس يا حبيبتي تباتي فين هي اصلا مش عايزكي انتي انا اللي هبات معاها مش كده ياماما
هزت رأسها للمره الثانيه بمعني لا
فهتف فضالي:لا انتي ولا هي انا وحسنه اللي هنبات معاها والصبح يبقي واحد من الاساتذه دول يجي ياخدنا
ابتسمت له بحب ووافقت جدا علي ماتفوه به .
عاصي طب مش تقولي كده احنا ممكن ناخد حسنه معانا علي فكره ههههههههه
ضحك الجميع ثم ذهبو وتركوهم اخذ حمزه غزل في سيارته
واخذ هو ابنه وغمزه في سيارته متجاهين للرجوع وفي الطريق اتصل عليه سامح
سامح:ايوه يا عاصي انتو فين
عاصي: في ايه يا سامح احنا كنا في المستشفي عند امي وراجعين
سامح :هي مراتك ومرات اخوك في بتهم
عاصي بعد ان اشار لحمزه بأن يتوقف:مراتي ومرات اخويا معانا ماانت عارف اننا مش بنسيبهم بالنهار في البيت لوحدهم انطق في ايه
سامح اصلي لسه شايف ولاد عمها دول طالعين بيتهم من غير الراجل الكبير وانا راجع من الشغل فالميت العيال وقاد قدام البيت تحاسبا لأي حاجه
عاصي:خد بالك يا سامح العيال دي ماتنزلش ومعاهم حماتي انت فاهم وانا مسافة السكه وجاي وامنو لي البيت عشان اعرفهم ادخلهم يلاسلام ثم اغلق معه وجاء حمزه اليه واخبره بما ينتظرهم
حمزه:طب اتصل بخالد وعرفه ممكن يوصلها قبلنا
عاصي:ماشي هاتصل بيه بس انت ماتدخلش من شارعنا ادخل من الشارع اللي ورانا وقف قدام البيت اللي في ضهر بيتنا هانطلع البنات من هناك يلا بسرعه
جري حمزه الي سيارته مره اخري وهتفت غزل
غزل :في ايه يا حمزه عاصي ماله
حمزه:مافيش حاجه يا غزل ماتخفيش يا حبيبتي
غزل:ماخفش اذاي اومال انت سايق بسرعه كده ليه هو في حاجه حصلت عند مامي يا حمزه
حمزه: بصي يا غزل ولاد عمك جم هناك واحنا هنقف ليهم انا مش عايزك تخافي مش هايحصل حاجه ذي المره اللي فاتت
بدأت هي في البكاء بشده من كثرة الخوف أحاطها بذراعه واحتضناها وهتف
حمزه: كده برضو يا غزل مش انا قولتلك اوعي تخافي طول ماانتي معايا انتي مش واثقه فيا ولا ايه
غزل ببكاء:انا خايفه علي مامي اوي يا حمزه مامي رقيقه اوي ومش هاتقدر تقف قدامهم لوحدها
حمزه: ماتخفيش يا حبيبتي اصلا الشباب واقفين كلهم قدام البيت ومافيش حد هايقدر ينزلها من بيتها غصب عنها
اماعند عاصي بدأت في البكاء بصوت مرتفع
وهي تسمعه يتحدث عبر الهاتف مع صديقه الظابط خالد
عاصي:يا خالد بقولك هما عند حماتي دلوقتي افرض خادوها معاهم غصب عنها عشان يجبرونا نظهر البنات
........... يعني سامح كلمك طيب خلاص انا كمان قربت اوصل هاطلعهم بس عندي في البيت وهاتلقيني قدامك علي طول ماشي سلام
نظر اليها وجدها تبكي جذبها اليه واحتضانها وهتف وهو يقبل رأسها:انتي بتعيطي ليه دلوقتي هو انتي مش لسه سامعه خالد وهو بيقولي انو قرب يوصل قبلنا واحنا كمان قربنا نوصل اهو ماتخفيش بقي
غمزه:انا خايفه عليهم قوي يا عاصي مامي ممكن يجري ليها حاجه هي ولا نانا.
عاصي:يا ستي ماتبقيش جبانه اوي كده دا اللي يحاول يلمسهم بس هاضربو بالنار
غمزه:لاء اوعي تعمل كده انت هاتخوفني عليك انت كمان ولا ايه
عاصي: ايوه بقي كده طب تصدقي ان هادخل الخناقه دي بقلب جامد قوي عشان حبيبي خايف عليا
بدأت في البكاء مره ثانيه فهتف زين الباكي ايضا من اجلهاوهو يطبطب علي ظهرها من
الخلف
زين:مس تعيطي يا مامي بابي هايضلبهم كلهم مس تخافي.
وقف بسيارته في الشارع الخلفي وصعدو الي سطح المنزل الملتصق خلف منزله وجد حمزه ينتظره هو غزل
ثم نط حمزه الي بيته ورفع عاصي الصغير بين يديه والقي به الي اخيه الذي تلقفه بين ذراعيه واوقفه بجانبه ثم اجتذب سلم خشبي واسنده بجانب الحائط هتف عاصي
عاصي:يلا غزل عدي ماتخفيش
غزل:لا لا انا مش هاعرف اعمل كده انا بخاف يا عاصي
عاصي:ماهو ياتعدي ياهشيليك ذي زين واحدفك لحمزه يلا يا بنتي عدي قولتلك ماتخفيش ثم امسك يدها وعدها السور وامسكها حتي وضعت قدمها علي اول درجه من السلم هتف حمزه
حمزه:انزلي ياغزل ماتخفيش يا حبيبتي انا ماسك السلم كويس
نزلت وهي مرعوبه جدا الي ان وصلت اليه فأمسكها بين زراعيه وانزلها علي سطح بيته وهتف
حمزه :حمد لله علي السلامه انتي كنتي بتعدي من علي البرج ولا ايه ههههههه
اما عندها هي نظر اليها ببنيته وقبل ان يتكلم هتفت هي
غمزه:ماتحاولش عشان مش هايحصل انا مش هاعرف اعمل كده حتي لو حاولت تحدفني ذي ماقولت لغزل هاتلاقيني وقعت زي الدبشه انا عارفه نفسي ممكن استانكو هنا علي فكره عادي جدا لحد ماتخلصو الخناقه براحتكو اتفضل انت ماتعطلش نفسك
ابتسم هو ابتسامه ماكره فتلك اللعينه لم تعطيه اي اختيار اخر وبلمحة بصر اجتذبها اليه ثم رفعها علي كتفه اصبحت رأسها متدليه خلف ظهره وقدمها امامه ثم صعد فوق سور البيت وبداء ينزل علي السلم وهو يهتف
عاصي: اثبتي بقي هاتوقعينا احنا الاتنين الي ان وصلو الي اسفل وسط ضحكتهم عليها
غمزه:بتضحكو علي ايه وانت هاتفضل شيلني ذي شوال الدقيق كده كتير نزلني بقولك
عاصي بأندهاش: شوال دقيق طب والله مانا منزلك الا تحت في الشقه يلا حمزه ههههههههههه بدأت تتمرد عليه وهي بهذا المنظر وتلكمه بيدها في ظهره
غمزه:نزلني يا عاصي بقولك دي مش عمايل انسان محترم
عاصي:لسانك ده هاقطعهولك بس اما اخلص اللي ورايا واتهدي واسكتي بقي
غمزه:والله لوريك فتح باب شقته ودلفو جميعا وسط ضحكات حمزه وغزل وكركره الصغيرعليهم ولكنه رفض انزالها الي في غرفته دلف الي ها ثم اغلق الباب خلفه وهتف
عاصي: انا مش محترم مش عيب يا حبيبتي تشتمى جوزك ثم انزلها علي الفراش وتقابلت بنيته بخضروتها فتلاشت الكلمات من بين اسنانها وبدت كمن يتعلم الكلام
غمزه: اااان ت ب تبص لي كده ليه
لم يتفوه ولكنه امسك رأسها من الخلف قاصد ان يقربها منه ولأول مره يتذوق شهد كرزيتها اخذها في قبله طويله ثم ابتعد عنها
عاصي: كل ما هاطولي لسانك عليا هيكون ده عقابك واعرفي انك لوعاملتيها تاني هاعرف ان دي مطالبه صريحه عشان اعاقبك يا حبيبة العاصي
احنت رأسها للاسفل وهتفت:انت قليل الادب
عاصي:هههههه لحقتي تطلبي بسرعه كده ثم امسكها مره ثانيه قاصد تقبيلها ولكنها هتفت بصوت خفيض
غمزه:عاصي
عاصي:هممممم
غمزه:مامي انت نسيتها
عاصي وهو يضع جبينه فوق جبهتها: انتي نستيني الدنيا كلها ثم خطف قبله رقيقه من علي شفتيها وابتعد عنها قائلا ماتتحركيش من هنا رجعلك تاني
رأته يجذب سلاح ناري كبير ويعمره بالطلقات فارتعبت منه وهتفت.
غزل :ايه ده بلاش يا حمزه عشان خاطري
حمزه:ماتخفيش يا حبيبتي ده مترخص وكمان الطلق ده مش حقيقي
غزل: برضو بلاش انا خايفه عليك
حمزه:بجد ياغزل خايفه عليا طب ليه خايفه عليا ليه
غزل بعد ان اختفي صوتها نظرا لقربه لها وعينها تنظر الي الارض:عشان عشان انت حمزه
هتف الصغير:ما تيلا بقي يا حمسه الخناقه هاتخلث وانتو لسه هنا
حمزه:الله يخرب بيت ابوك يا شيخ انت بتعمل ايه هنا يا عايل يا فصيل امشي يلا روح لابوك
جري الصغير من امامه وسط ضحكاتها والتفت لها مره
ثانيه: كنا بنقول ايه بقي
غزل: كنا بنقول مامي مش هاتروح تجيبها ولا ايه
حمزه:علي فكره بقي انتي كدابه الكلام مكانش كده خالص شبكت يدها خلف ظهرها ثم
ضحكت هي ضحكه رنانه تاه هوفيها وهتف
صبرني يارب يلا يا عاصي خرج من الغرفه وجده يقف ينتظره بالخارج
عاصي:علي فكره انا هنا بقالي عشر دقايق من ساعة ماخرجت الواد مفزوع هههههههه
القي له السلاح وهتف:طب يلا يا خويا ماهو عايل غتت زي ابوه بعد كده اما تروح في حته تاخده معاك مش تسيبه ليا انا
ضحك الاخر ضحكته الجزابه ثم همس في اذن اخيه:مالك بس يا ميزو هو الواد قطع عليك ولا ايه هههههه
حمزه:انزل من قدامي ياعاصي بدل مااديك بالبوكس في وشك
رفع يداه الاثنان امامه باستسلام وهتف بضحك :اهدي ياعم الشراني خلاص يلا بينا بقي ثم خرجو من الشقه واغلقو الباب خلفهم ونزلو الي الاسفل بهدوء تام خرجو من البيت حتي لا يلفتو النظر لهم واغلقو الباب خلفهم وجدو اصدقاءهم يقفون امام باب البيت
فهتف عاصي لسامح: هما لسه فوق
سامح:ايوه وموقفين جوز العملاقه دول عالباب قال يعني هايحوشنا بس احنا ماردناش نتعامل لحد ماتيجو
حمزه:هوخالد لسه مجاش
سامح:لاء لسه
عاصي :طب يلا بينا
ذهبو في اتجاه بيت توحه ومن خلفهم الشباب
عاصي:وسع كده يا اخ انت وهو مالكم واقفين كده ليه
رجل1:رايحين فين اتكل علي الله يا حبيبي انت وهومن هنا يلا
حمزه:طالعين بيتنا يا جدع وسع كده انت وهو
رجل 2:محدش هايدخل ولا يخرج من هنا الا لما الباشا بتعنا ينزل من فوق
عاصي:باشا علي نفسه بقولك وسع من سكتي لفلأك نصين وانت واقف ذي اللطخ كده
بدأت الاصوات ترتفع والمشاجره تزيد فوجيء بنفس السياره ينزل منها عدد من الرجال وتلتها سياره اخري ولكنهم تعاملو معهم بكل شجاعه الي ان وصل خالد بسيارات الشرطه وبداء هو الاخر التعامل معهم