CMP: AIE: رواية ورده في مزبله الفصل السادس والعشرون
أخر الاخبار

رواية ورده في مزبله الفصل السادس والعشرون


 رواية ورده في مزبله

 الفصل السادس والعشرون 
بقلم  منه محمد


 
بالمكتب قاعدين الحاضرين وبعدها بدقايق دخل امير المكتب وكان





 الهدوء سيد الموقف
قعد امير بهدوء جنب ابوه خالد وبص لجده اللي كان باصص في الورق الي قدامه
اتنهد الجد وبعدها



رفع راسه بهدوء ووزع نظره بين الموجودين واتكلم بهدوء وهو يحدد نظره على الاربعه : ممكن اعرف ايه هو سبب السخافه اللي عملتوها مع الراجل
بدر بنرفزه : لو كان راجل كان طلق ريم ومش يشتكيلك زي الحريم كان واجهنا بس طلع جبان!
قاطعه الجد بعصبية : انت اسكت ولما اسمحلك تتكلم وقتها تتكلم وبحزم من امتى المرجله دي ...المرجله يا بقر بالفعل لكن تفكيرك تفكير عيال
بصله نادر بحده ازاي يلفظ اسم بنته بالسهوله دي وقدامه كتم غيظه وبص لابوه يشوف ايه اخره المهزله دي
الجد بحده لرامي : ممكن تتكلم وتقولي سبب السخافه دي
رامي بص ل اعمامه وبعدها بص لجده بعد ما اخد نفس وهو يرتب الكلام : الصراحه انا بعترف اننا غلطنا يوم ماهددنا زياد المفروض كنا فكرنا بطريقة تانيه انه يطلق ريـ....
قاطعه نادر بعصبيه وعيونه طالع منها الشرار : وانت مالك بيها عشان تطلقها وايه دخلك ببنتي (وبحزم) انا ساكت احترام لابويا لكن اذا حشرتم نفسكم ببنتي لتندموا وعطاهم نظره قويه
ايهاب وقف بعصبيه : ايه قولك بقي ياعمي والله العظيم ما هيتجوزها وعلى جثتي
وقف نادر وهو ثاير : انت ماتدخلش فاهم (ورفع صوباعه بتهديد )









وقف صقر وفرق بينهم قعد نادر وعطي الشباب نظرات ناريه
الجد بعصبية للشباب : اعتقد اني قبل ما يكتب عليها سألتكم وشاورتكم اذا حد منكم عاوزها كلكم رفضتم (وصرخ فيهم)ودلوقت لما عقدت عاوزين تطلقوا البنت
خفف الجد عصبيته وبحزم ادوني سبب واحد لسخافتكم دي يلااااااااا
ايهاب ببرود : بنت عمنا ما تطلعش للغريب ولاد عمي اولى بيها
عمر بجديه : طلقها من زياد وانا مستعد اكتب عليها
بدر بتحدي : انكتم انت لانها من نصيبي انا
وقف عمر بعصبيه وضرب بدر بوكس على وشه
حط بدر ايده مكان البوكس وحسس علي دم خفيف من انفه وجن جنونه وهجم على عمر وهو يصرخ : والله ما هتتجوزها يا حيوان
بعدوهم عن بعض وقعد كل واحد بجهه وكل واحد يبص للتاني نظرات كره
بصلهم فخري وكأنه عرف سبب المشكلة بينهم بصلهم باحتقار : بتضربوا بعض بسبب بنت من شهرين مش بتكلموا بعض علشان بنت وهز راسه ومش عاجبه حالهم
خالد بعصبيه : انتم الاتنين ولا بتحترمه حد على الاقل احترموا ابوها قاعدين تتخانقوا علشان بنته
قاطعه صقر بعصبية : انتو عندكم دم تتضربوا بعض علي بنت متجوزه (ورفع حاجب باستنكار وهو يردد ) متجوزه متجوزه متجوزه (وزعق ) فاهمين يعني ايه متجوزه يا جحش انت وهو
الجد بهدوء : على كل حال خليها حلقه في ودانكم انتم الاتنين حرمتكم تتجوزه من ريم وبعصبيه وقسم بالله طول ما انا على قيد الحياه والله ما يتجوزها واحد منكم انتو الي رفضتو ريم ودلوقت عاوزنها(وبحزم )يالا قدامي انتم الاربعه على بيت زياد وتعتذروله
وقفوا الاربعه وبصوت واحد وعصبيه : مستحيل
وقف الجد بعصبية اكبر : من امتى كلمتي بقولها مرتين ؟؟ ولا خلاص كبرتم وبقت شورتكم من دماغكم
ارخى ملامحه شوي : خلاص اكسروا كلمتي يا عيال
رامي بغيظ : جدي بلاش تفسر الكلام على كيفك احنا مش قصدنا نكسر كلمتك بس صعبه نروح نعتذر له








الجد كشر : ما شاء الله دلوقت عرفت اني مش بفهم الكلام وبفسره على كيفي بس اعذرنا يا حضرة المهندس انت والدكتور الي معاك
ايهاب ما يهون عليه زعل جده : جدي مش قصدنا كدا
الجد وقف بحزم : انا طالع واعتبروني اذا وصلت للعربيه وانتو الاربعة ما جيتوا اعتبروا البيت ده متحرم عليكم تدخلوه وانت يا ايهاب اعتبر خطبتك من نسرين ملغيه وانت يا رامي انسى تتم خطوبتك على سميه
(وانتم الاتنين شاور على بدر وعمر) ممنوع تدخلوا البيت ولا حتى بيت واحد من عيالي وحتى مصروف لو مليم واحد مش هتشوفوه وطلع بدون ما يسمع رد فعلهم
ضرب ايهاب بوكس بكف ايده من القهر
فخري : يا ولاد انتم اخطئتم واتحملوا نتايج طيشكم شايفين ابويا جاد ما تضيعوش مستقبلكم (عم فخفخينا ياريت تهوينا)
رامي بغضب : عاجبك يا عمي جدي عاوز يذلنا قدام زياد والله مش عارف ايه الي عجبه فيه
امير بستعجال : عارفين مش وقت كرامه خالص بسرعة الحقوا جدي قبل ما يوصل العربيه بسرعه
خالد بصلهم بغل وطلع من المكتب ولحقه نادر بعد ما عطى الشباب نظره ناريه
صقر بهدوء : تستاهلوا الي جالكم و..
قاطعه ايهاب بعصبية : حط لسانك جوه بؤك وشاور للشباب حصلوني قبل ما يوصل جدي لعربيته
طلعوا الشباب وهما بيبرطموا
اطلق صقر ضحكه عاليه على شكل الشباب
امير بابتسامة : ايه رايك نروح معاهم ونصورهم فيديو وهما بيعتذروا








نط صقر بخبث : والله انت داهيه يالا قدامي
طلع امير وصقر وهما يتهامسوا ويضحكوا
*************قصص منه محمد*******
قاعده على الارض وسانده راسها على الجدار وهي تفتكر لما اتغدت اليوم في بيت ابوها غمضت عيونها وهي تراجع الاحداث ... . . ..

بعد ما طلب منها ابوها تحصلو وقفت لثواني وبعدها قررت تشوفه عاوز ايه
طلع نادر السلم وتبعته بهدوء وصلوا لواحده من الغرف ...دخل وطلب مها تدخل وراه دخلت بهدوء والقت نظره على الغرفه وهي تتأملها غرفه بنات وحلوه   ومنظمه
قاطع تأملها نادر : اقعدي يا ريم
قعدت مكان ما شاورلها على طرف السرير
وقعد هو قصادها على كرسي سكت لثواني وبعدها بصلها : اسمعي يا ريم متقوليش عاجبتك حياتك دي
ريم : ساكته
كمل كلامه : اسمعي من دلوقت هتعيشي هنا عندي مع اخواتك وحاولي تتأقلمي معاهم ومش عاوز اسمع اعتراض
ريم ببرود : وجدي وافق ؟؟
نادر وهو يكتم غيظه : ما حدش له دخل (وقف وبصلها )من اليوم مرواح لبيت ابويا ممنوع الا بإذني وموبيل مفيش ومدرسه مش هحرمك منها بس هتذاكري هنا في البيت وانا مستعد اجيب لك مدرسات للبيت لوقت ما تشفي تلبسي النقاب تاني
اما طول ما انتي كدا حتى جنينه البيت مش مسمحولك تطلعيها الا بحضوري
مفهوم
كانت هتتكلم بس شاورلها بحزم
بعدين نتفاهم بالموضوع وطلع من الغرفه وقفل الباب بالمفتاح بصت علي باب الغرفه وهي مش مصدقه رجعت للسجن برجليها
معقول خطه من ساميه ونادر عشان يحبسوني هنا وارجع اعيش نفس سجن الطفوله ... افتكرت الغرفه الي عاشت فيها سنيين من طفولتها اشتقت لها
فاكره وهي صغيرة طلبت منها ساميه تنقلها لغرفه تانيه اكبر بس وقتها عاندت ورفضت بصت للغرفه لون جدرانها نهدي وستايرها مدموجه بالموف والابيض وفيها كنب مقارب للون الغرفه وفيها حمام السرير حجمه نص سرير غرفتها في بيت جدها احلى واكبر فات وقت وهي قاعده وملت متعرفش ازاي لما كانت صغيرة ازاي كنت تمضي الوقت لوحدها حتي من غير العاب ولا tv ولا اي شئ يسليها قررت تنام وبعدها تشوف هتقدر تعمل ايه رمت نفسها على السرير وهي بتفكر في كلام نادر
كلامه منطقي المفروض تعيش هنا بس من غير سجن
من غير ظلم ...ودخلت عالم الاحلام خلال دقايق !!!!
*************قصص منه محمد******
مش عارفه ولا فاكره هي نامت قد ايه من الوقت بس صحيت على ازعاج بالغرفه
فتحت عيونها بشويش وهي تفرك فيهم وبعدها بصت بالغرفه شافت نادر ناقل كل لوازمها هنا
اتنهدت يعني ما فيش مفر من السجن بصت لحاجتها
وسألته بهدوء : فين اللاب توب
نادر بصلها : انسي شيء اسمه لاب مفهوم
انقهرت كل شيء ممنوع ونفخت بصوت عالي افففف
بصلها بتهديد : مش تنفخي ...زيك زي اخواتك فاهمه










قهرها بس في شيء مقيدها اما تقل ادبها لكن المدرسه الاسبوع الي فات فهمتهم بقصص عن عقوق الوالدين مع ان امها وابوها ما عطوهاش حقوقها عشان تبرهم
بس مهما كان رضاهم من رضى رب العالمين <- ريم من النوع اللي تأثر عليها القصص وتردعها وتستقبل امور الخير بسرعه بالرغم ان التزامها صفر بس لو لقت بيئه توعيها ما كانش بقي حالها كدا
نرجع للاحداث
بصتله بهدوء وما حبيتش تجادله خافت من نفسها تفقد اعصابها وتبقي عاقه ففضلت السكوت
بصلها وملامحه جامده بيحاول يخفي شعوره بيها : يالا رتبي حاجتك وهبقي ارجعلك بعدين نكمل تفاهم
طلع من غير ما يسمع منها كلمه واحده وقفل الباب بالمفتاح .........
كسلت ترتب الغرفه ورمت نفسها على السرير
وبدون ما تحس غفيت
بعد مرور وقت صحيت على صرخه نادر وماسك ايدها بسرعه البسي هكلمك اخلصي
ريم بصتله بغباء مش فاهمه حاجه وقفلها وناولها عبايه كبيره وبعجله : بسرعة البسي بسرعة
اتوترت وبسرعه لبست وحطت الطرحه على راسها وهي مش فاهمه حاجه والنوم لسه بعيونها
مسكها من ايدها وسحبها برا الغرفه وهو شبه بيجري وهي زي الهطله منظرها يضحك من سحبته وعشان متقعش بتجري معاه لان العبايه كبيره وطويله جدا
دخلها العربيه وحركها بسرعه جنونيه كانت بصاله وهي خايفه وعلى راسها علامات استفهام ؟؟؟؟؟؟
بعد ما بعدوا عن البيت خفف السرعه
سألته بهدوء وهي خايفه : فيه ايه ؟؟!!
طنشها وبعدها وقف على جنب الطريق ونزل وبعد شوي عن العربيه كانت واقفه وهي شيفاه والظاهر انه بيفكر وبعد ربع ساعه رجع وحرك العربيه وطول الطريق كانت ساكته وهو متكلمش و ملامحه جامده
واخيرا وقف عند واحد من المولات وبهدوء : انزلي يا ريم
نزلت وهي مستغربه ......!!!!
دخلوا المول وبعدها راحوا للمطاعم واختار طربيزه وقعدواو بهدوء فضل ساكت لعدة دقايق بعدها بصلها بنظرات عجزت تفسر معناها : عاجبك وضعك طالعه من غير نقاب (نهار اسود حد يموت الغبي ده تعبانه يا عم الزفت)
ريم :..........مش هرد لو رديت هضربه
طلب لهم عصير بعد ما سألها تشرب ايه؟؟
بعد ما وصل العصير شرب منه شوي وبصلها : تعرفي ابويا حلف يمين ما تعيشي غير عنده ورفض انك تعيشي معايا
ريم:........
بصلها بغضب : اكيد مبسوطة لانك هترتاحي مني وساميه تتطلق
رفعت حاجب مستغربه وبهدوء : ليه انت طلقتها ؟ وانا ايه علاقتي بالموضوع ؟؟!!!!
رد بدون نفس : حكايه طويله .... تعرفي كنت عاوزك ترجعي تعيشي عندي واربيك من اول وجديد
ريم بصتله بقهر بس ردت بهدوء : ليه تربيني ؟؟ شايفني بلف من شارع لشارع ؟؟
ضحك باستهزاء : بتعتبري نفسك متربيه وانتي عايشه عند غاده وساره وأشكالهم وعوج بوزه باشمئزاز
ريم بغيظ : طلاما مش عاجبينك ليه ترميني عندهم ؟؟؟
بصلها بنظرات مش مفهومه : حاجه متعرفيش عنها احسنلك بلاش تسألي عليها فاهمه
المهم نرجع لموضوعنا عارفه يا ريم كنت بلحظات قبل شوي عاوز اقتلك واوجع قلب ابويا عليكي
اتفاجئت بكلامه معقول حقده ده منها ابتسمت عكس الجروح اللي بقلبها : ياريت كنت عملتها وريحتني من الحياه دي ...تعرف وقتها هكون شاكره ليك ومستعده اكتب وصيه اني انا الي قتلت نفسي عشان ماتدخلش السجن بس اهم شيء اتخلص من الحياه القاسيه دي
بصتله بحماس وهي تبتسم من الالم الي جواها : ها ايه رايك حالا اكتب لك الوصيه وانت تنفذ
نادر بملامح جامده : ياااه للدرجه كاره حياتك ؟؟؟
جاوبته بألم : اكتر مما تتصور بكره حياتي
رد بهدوء : مهما تعرضتي لضغوط المفروض تكوني اقوى من كدا







سكت لثواني وبعدها سألها بتردد :اظن بتكرهيني اكتر واحد على وجه الارض صح ؟؟
بصتله وابتسمت : اممممم تقدر تقول انت وساره اكتر شخصين بكرهم على وجه الارض
اتفاجئ بكلامها : بتكرهي امك ؟؟؟
اعترضت : لو سمحت انا ما ليش ام ولا اب اسمها ساره
رفع حاجب مستغرب : كنت دايما تعيطي وعاوزه امك ودلوقت بقيتي تكرهيها واكتر شخص على قلبك غريبه انتي يا ريم
ابتسمت : ليه تستغرب ؟؟ دي الحقيقه
رد بهدوء : مستحيل توهمي نفسك بالكره لساره بس بالحقيقه بتحسي نفسك تحني لها وعاوزه تشوفيها مع اني مش عارف ايه هو سبب كرهك ليها
كلامه صحيح على الرغم انها بتكره ساره الا انه احيانا تشتاق لها !!!
ريم بهدوء : حرمتوني من كل حاجه بدون ذنب وعاوزني الاقيكم بالاحضان
ضحكت باستهزاء : لو فيه مشاعر اكبر من الكره كنت وصفتكم فيها انت وساره
كان ساكت وهو بيشرب العصير بعدها بصلها : ماتتغريش اوي مشاعر متبادله ماتفكريش دلوقت هموت عليك ومقدرش اعيش من غيرك
بصتله : طيب انا بكرهكم لاسباب كتيره واهمها حرمتوني اعيش زي اي طفله بالدنيا انت ليه بتكرهني ؟؟؟
بصلها : لانك نقطه سوداء في حياتي وبتفكريني بأحقر وانجس ناس على وجه الارض وما ضمنش انك تحملي دمهم وصفاتهم الخبيثه
ابتسمت رغم الالم : عارف ساره بتكرهني لنفس السبب وابتسمت بألم سبحان الله ازاي تكرهوني لنفس السبب وبدون ذنب ..مع اني معرفش سبب الخلاف بين العايلتين ولا عارفه سبب الطلاق وبالرغم من اختلافكم ومشاكلكم الا انكم اتفقتم على شئ واحد انكم كلكم تكرهوني
سكت وماردش عليها وسرح بعدها بصلها وابتسم : صحيح مقولتلكيش فرحك بعد اسبوعين
بصتله بدون اهتمام : قصدك بعد تلات سنين !!
ضحك بهدوء : يا هبله بقولك بعد اسبوعين ابويا النهارده اتصل بزياد وبلغوه الجواز بعد اسبوعين
ريم بصتله وهي مش مصدقه
بصلها بجديه : ريم صدقيني انت لسه صغيره فكري كويس واذا غيرتي رايك انا مستعد اخلي الفرح يتاجل بعد تلات سنين
مسكت ايده بلهفة : لا ربنا يخليك لا خاليه بعد اسبوعين احسن
اتنهد : اسمعيني خلاص دلوقت لما نرجع اخد حاجاتك وارجعها لبيت ابويا مع اني كنت عاوزك تعيشي عندي بس خلاص انسي وحتى انسي انه عندك اب
ضحكت بتريقه : امتى كان عندي اب علشان انساه ؟؟!!
احتدت ملامحه وشد على اسنانه : ريم
ابتسمت وما علقتش
وقف وبأمر : يالا قومي
بصتله وهي قاعده وبعدها وقفت مسك ايدها واتجه لمحلات الذهب
بصتله باستغراب
جاوبها بدون ما تساله : هشتريلك هدية الجواز وبعدها ابتسم على ملامح وشها المتفاجئ
بعد ما اختار لها الهدية وطلعو من المحل ركبوا العربيه







ركبت وبصتله بهدوء : متفكرش بهديتك هتقدر تمحي الكره اللي بقلبي ناحيتك
بصلها ورفع حاجب : ومين قالك اني عطيتك الهديه علشان تحبيني
ضحك باستهزاء : عمرك ما همتيني الا انه اسمك بإسمي فقط
ردت بإبتسامه : عارفه وبعدها لفت وشها للشباك وهي تبلع وجعها !!!!

قطع افكارها دخول لطيفه وهي بتزعق
بصتلها بعد ما اتخضت ووقفت واتجهت للطيفه وبهدوء : لطيفه ابو فخفخ فين ؟؟
اتخصرت لطيفه : والله لاقول لجدي انك بتقولي عنه كدا
مسكتها من ودنها وشدتها :حلي عن نفوخي
وقفلت باب الغرفه بالمفتاح عشان ماتدخلش مرة تانية وتزعجها
كانت سمعها بره تتوعد ليها بس طنشتها وقعدت على السرير وفتحت اللاب وقعدت تتصفح بعض مواقع الازياء ........
****************قصص منه محمد*******
وصل الشباب عند الجد اللي كان قاعد على كرسي بالجنينه لما شافهم وقف : يالا قدامي
رامي برجاء : كفايه يا جدي هترض تذلنا قدامه كفايه و مستعدين نعمل اي حاجه بس الا الإعتذار
بص الجد للشباب اللي هزوا راسهم بالموافقه
حك لحيته وبجديه : مستعدين تنفذوا اي طلب اطلبه منكم
ردوا الشباب بصوت واحد : موافقين
الجد بحزم : ومش تتراجعوا عاوز كلمة رجاله
ايهاب : جدي احنا رجاله وعند كلمتنا ومش هنتراجع
ابتسم الجد بانتصار : الي عاوزه منكم ما تتعرضوش لزياد ولو بكلمه واحده انتم في حالكم وهو في حاله وعطاهم نظره تحدي
انقهروا الشباب واتكلم ايهاب وهو هيفرقع : امرك هنفذ طلبك
وبعدها انسحبوا الاربعه بغضب خارج البيت
اتنفس الجد براحه انه انهى مشكله زياد واحفاده
بعدها مشي والباقي دخل جوه البيت
امير وهو يضحك : هههههههه مناظرهم توجع القلب هههه هههههه
صقر وهو يحط ايده على كتف امير : خساره كان نفسي جدي يصمم على رايه ويروحوا يعتذروا واصورهم ههههه وامسكها عليهم زله
امير : تعرف ...
قاطعته عند باب الصاله بنته لطيفه وهي بتجري وبتعيط
انجن جنونه قرب منها : مالك ليه بتعيطي ؟؟
شاورت علي ودنها
صقر لما شاف ودنها عرف انها ريم وبسرعة شال لطيفه وهو يبتسم : خلاص انا هدبحلك احمد لانه ضربك الحيوان
لطيفه وهي تبكي وتدلع : لا مش
قاطعها صقر : تعالي انا هخدك اشتري لك شكولاته
ورفعها وطلع قبل ما تقول لطيفه ان ريم ضربتها ما حبش تحصل مشكله بين ريم واخوه خالد لانه اكتر من مره خالد نبه على ريم ما تضربش لطيفه
راح امير لاخوه احمد وضربه ليه يضرب بنته واحمد بيعيط ويحلف انه ما ضربهاش
خالد اتنرفز علي امير ليه يضرب اخوه الصغير
زعل امير وطلع من البيت متعصب 






*************************
كملت تصفح على النت وقررت تروح لجدها بجناحه طلعت من غرفتها وراحت لجناح جدها دقت الباب بهدوء
وبعد دقايق فتح لها الجد واستغرب وجودها وبهدوء : عاوزه حاجه يا ريم
ريم باحراج : اممم عاوزه اكلمك بموضوع
جدها وهو يتثاوب بعدما بص في ساعته : الوقت اتأخر ايه رايك بكره تبلغيني بيه
ابتسمت ريم : مش هاخد من وقتك بس غيرخمس دقايق
فتح الجد الباب وشاورلها بالدخول
دخلت ريم بهدوء وقعدت : ام فخفخ فينها ؟؟
قعد جدها قصادها : مش هتسيبك بقي من حركاتك دي يا ريم
وبصلها بجديه المهم ايه هو الموضوع الخطير الي ما يتأجلش ؟؟
ريم بابتسامة : قول موافق
ابتسم الجد : حسب الطلب
ريم برجى : قول بس موافق
الجد اتثاوب : طيب موافق
ابتسمت ريم :عاوزه اروح عند بنات خالي اقعد الاسبوعين عندهم قبل الفرح
احتدت ملامح الجد : لا مستحيل
بصتله برجى : انت قلت موافق
سكت دقايق : امممم طيب اسبوعين كتير
ردت ريم : طيب اسبوع وسبلت عيونها
الجد بهدوء : خلاص تقعدي معاهم يومين
قاطعته ريم : لا جدي قليل عاوزه اسبوع
الجد بحزم : تلاته ايام او اكنسل الروحه كلها
لوت ريم بوزها بقهر : طيب خلاص موافقة 3 ايام بكره الصبح اروح
الجد : خلاص بكره اوصلك بنفسي بس ما تقوليش لحد وخاصه خالد ونادر تعرفي عصبيتهم
هزت ريم راسها واستأذنت وطلعت من الجناح تجهز شنطتها
********قصص منه محمد*****
بالصاله كانت عصمت وسها ونسرين وروان قاعدين مع زوجه امير ونازلين كلام عليها وهي مش فاهمه طبعا اي حاجه!!!!
عصمت : تعرفي يا سها صحيح ان المخلوقه دي بيضه بس ما فيهاش شى يجذب
سها بصت لكاترين : عندك حق يا خالتي معرفش امير ابني متعلق بيها علي ايه شايفه نفسها علينا وبتكلمنا من سقف مناخيرها الكافره
نسرين تكلم مرات امير بالاجنبي< بس انا بكتب لكم الترجمه
نسرينة: لماذا لا تذهبين للنوم ؟؟
بصتلها زوجة امير بغرور : اذا كنت متضايقه من وجودي فغادري انت
عصمت بصت لنسرين : الملعونه بتقولك ايه ؟؟
نسرين لوت بوزها : بقولها غوري على اوضتك بتقولي اذا مضايقه مني ماتغوري انت من هنا شوفتي يا جده بتطردني بقوه عين
بصتلهم كاترين بغرور وحقد وهي مش فاهمه
فجأة دخلت ريم الصالون بعد ما جهزت هدومها
وبصوت عالي وهي تكرر حرف الراء : مرررررررحبا
لوت عصمت بوزها : انت ما نمتيش لدلوقت
قربت ريم من جدتها وباستها باسلوب ينرفز : امواااح ما اقدرش انام من غير ما اشوفك يا ام فخفخ
مسحت عصمت خدها وهي قرفانه
بصت ريم ووشاورت علي مرات امير: مين دي ؟؟
سها بدون نفس : مرات امير ابني
ابتسمت ريم وهي تهز راسها : ام لطيفه ومصعب ؟؟
عصمت : ايوه
قربت ريم منها وهي تبتسم : اخبارك يا حلوه ؟؟
روان بغرور : مش عربيه دي اجنبيه ومش هتفهم انتي بتقولي ايه (وبحده)ايش عرفك انتي بلغتهم
قاطعتها ريم : طه روحي انخمدي طه احسن لك وعطتها نظرة اشمئزاز
وبعدها بصت لمرات امير وابتسمت ومدت ايدها وسلمت
عصمت : ابعدي عنها يا ريم يمكن تعديك وتتقلبي كافره زيها
اتفاجئت ريم : مش مسلمه ؟؟
سها ببرود : بقا لنا 8 سنين نقنع فيها الكافره ومن غير فايده وبصت (لكاترين باشمئزاز )
بصت ريم لكاترين وهي حاسه بالحزن مش قادرة تستوعب ان دي كافره... مستحيل تفرط في الفرصه وتضيعها منها لازم تقدم شئ للاسلام
ابتسمت لكاترين وقعدت جانبها وسألتها بالانجليزي : كيف حالك
قاطعتها نسرين وروان بضحكة استهزاء : هههه حافظه الجمله دي في المدرسه وجايه تسمعيها هنا
بصتلهم ريم بغرور وبعدها التفتت على مرات امير وابتسمت و بالانجليزي : سخيفات اليس كذلك ؟؟
روان بغيظ : ما حدش سخيف غيرك
طنشتها ريم ومسكت ايد كاترين وهي تبتسم : ما رايك ان تاتين معي لغرفتي نجلس براحتنا بعيد عن الازعاج
ابتسمت كاترين لريم : حسنا
عصمت بقهر : شوفي الكافره من لما جت وهي ماده البوز ودلوقت تبتسم مع القرده
ردت ريم وهي تتدلع وتسبل عيونها : ام فخفخ كل الحلاوه دي وتقولي قرده
روان بغيره : يقطع حلاوتك انت والاشكيف اللي جنبك لايقين على بعض لانكم من فصيله القرود
طنشتها ريم وهي تبتسم وتحرك حواجبها بستفزاز
وطلعت من الصاله وراحت لغرفتها فتحت ريم الباب وبصت لكاترين بابتسامة : مرحبا بك في غرفتي







كاترين بابتسامة: شكرا لك
قعدت ريم وزوجه امير على حافة السرير
ريم وهي مصممة انها ما تضيعش الفرصه من ايدها لكن فالبداية لازم تتعرف شوي عليها
ريم : ما اسمك ؟؟
زوجه امير بابتسامة : كاترين وانتي ؟؟
ريم : اسمي ريم كم عمرك ؟؟
كاترين :26 سنه وبابتسامه وانت ؟؟
ريم :15 وعلي وشك البدء في١٦عام
كاترين : واو انت صغيره كما توقعت
ابتسمت ريم وبدأت تحكي معها وتتعرف عليها وعلى حياتها بالخارج من خلال حوارها عرفت ان علاقتها باهل امير سيئه وان اطفالها مش متعلقين بيها لان دايما اهل امير بيبعدوهم عنها لانها مش مسلمه وبيخافوا على الاولاد منها وهي عند فيهم رفضت دخول الاسلام من تعاملهم الجاف معاها
اتعاطفت ريم معها وحست بالغضب من بيت عمها ازاي نفروها من الاسلام بسبب تصرفاتهم المغروره






واستغلت ريم الثغره دي ودخلت منها وبدات تفهمها ان بيت عمها ولا يمثلوا الاسلام وكل الناس تخطئ طبعا ما عطتهاش ادله من القران او السنه لانها اصلا لا تؤمن بالقران ازاي تعطيها دليل منه بل استغلت تقنعها بالعقل والتفكير بهذا الكون وبعد نقاش طويل وبكاء ريم خايفه على كاترين تموت وهي كافره
اتاثرت كاترين بكلامها وخاصه انها مقتنعه بس عند باهل امير رفضت الاسلام
ريم من بين دموعها : خائفه ان يقبض الله روحك قبل ان تدخلين الاسلام
مسحت كاترين دموع ريم وعيونها مليانه دموع : لم اعلم ان هناك مسلمون رائعون مثلك يا ريم لا انكر اني مقتنعه بالدخول لكن عنادي وترددي هما السبب في عدم دخولي الاسلام بالرغم من محاولات امير في اقناعي لكنك استطعتي ان تقنعيني شكرا لك
ريم بابتسامة وحماس : هيا لنردد الشهاده معا
هزت كاترين راسها بابتسامه وسعاده
ريم : اشهد
كاترين : اشهد
ريم : ان
كاترين : ان
ريم : لا
كاترين : لا
ريم : إله الا الله
كاترين : إله إلا الله
ريم : وان محمدا
كاترين :وان محمدا
ريم : رسول الله
كاترين : رسول الله
حضنت ريم كاترين وهي تبكي : الحمد لله الحمد لله
وقفت كاترين بفرحه : سأذهب اخبر امير بهذا الخبر لقد انتظر هذه اللحظه لمده طويله
ابتسمت ريم وهي تمسح دموعها
غادرت كاترين الغرفه وهي بقمه سعادتها
قفلت ريم الباب بالمفتاح وهي تردد :الحمد لله ان ربي قدرني اقدم حاجه للاسلام الحمد لله
************قصص منه محمد******
نزلت كاترين للصاله وهي تبتسم شافت امير قاعد وقفت بابتسامة : امير لدي خبر سيفرحك
امير ببرود : ما هو ؟؟
عصمت بصالهم نظرات تضحك : المخفيه دي بتقول ايه خايفه تكون بتشتم علينا وانت ساكت لها !!
كاترين ما اهتمتش لكلام الجده لانها مش بتفهمه بصت لامير : لقد اسلمت
امير وهو مش مصدق : قولي قسم
كاترين معتاده على الكلمه دي من امير ضحكت : قسم







وقف امير بابتسامة : الحمد لله الحمد لله ضربها على راسها بالخفيف : ما الذي غير رايك ؟؟
ردت بابتسامة : فتاه هنا اسمها ريم اقنعتني ورددت الشهاده وراءها
سها بابتسامة : الحمد طلع من ورى الريم فايده
عصمت : تعرفي انا مش فاهمه اي بطيخ !!
سها : البت مرات امير اسلمت والقرده اللي فوق هي اللي اقنعتها
عصمت بابتسامة : الحمد لله على نعمة الإسلام بس القرده ريم ما قعدتش معها ساعتين ازاي اقنعتها
امير بص لامه : البنت دي تطلب مكافأة على الانجاز ده والله تستاهل مش زي اخواتي نفروها من الاسلام
عصمت : بلاش تغتر شوفها الاول ام لسان طويل
قاطعها دخول خالد وبلغوه بالخبر وفرح وحمد الله انها اسلمت
واتعجب من ريم : الحمد لله على الاقل طلع من وراها ام لسانين شيء مفيد
عصمت : صدقت يا ابو امير اتاوبت الجده الوقت اتاخر اروح انام
سها وقفت : صحيح اتاخر الوقت الساعه 2.30 فين رامي
خالد وهو طالع : بالملحق مع ولاد عمه عاوزين يناموا هناك
سها هزت راسها وطلع الكل وكل واحد على جناحه .........
...........................
قاعد رامي وايهاب وصقر جنب بعض
صقر وهو يبص لبدر وعمر : شوفوا انا حاسس انهم انهبلوا
كان بدر وعمر بيتهامسوا ويضحكوا
رامي : الحمد لله انهم رجعوا زي الاول وانتهى خلافهم بعد ما فقدوا الامل من جدي
ايهاب سند راسه على الجدار : قلت لك هيرجعوا زي الاول
رامي : متغاظ هفرقع مش قادر استوعب لو جدي صمم اننا نروح نعتذر ازاي كان هيكون منظرنا
ايهاب بعصبية : عارف يمكن وقتها ارتكب جريمه بزياد الكلب






ابتسم صقر في نفسه اه لو يعرفوا ان جدهم اتصل بزياد علشان يعتذرولو بس رفض زياد انهم يعتذرولو وحلف يمين علشان كدا جده لغي انهم يروحلو
..............
صحيت ريم الصبح وهي تتاوب وافتكرت وقفت بسرعة ومسكت الموبيل وضربت على جدها بعد دقايق فتح الخط
ريم بحماس : فينك ؟؟ امتى نروح ؟؟
الجد بهدوء : اسمع دلوقت مش مناسب بعد ربع او نص ساعه اتصل بيك وتكون جاهز!
عرفت ريم ان واحد من اعمامها موجود علشان كدا بيتكلم معها بصيغة المذكر فاضطرت توافق : اوكي مستنياك
دخلت للحمام عشان تجهز نفسها لبيت جدها سالم
****************
استأذن خالد علشان يطلع يشوف عياله بالملحق ويصحيهم لصلاة الجمعه انتهز الجد الفرصة واتصل على ريم بعد ما راحت الجده للمطبخ
راح لعربيته بهدوء وقعد يستني ريم وبعد دقايق كانت قاعده بالعربيه وهي تنهج من التعب ....وبعدها بصت لجدها وابتسمت ...رد لها الجد الابتسامه وحرك العربيه
ريم بهدوء : امممم بفكر اجهز لفرحي مع بنات خالي
الجد بهدوء : ريم نصيحتي ليكي ابعدي عن بنات خالك ومتفكريش اني عاوز اتحكم فيك وافرض شخصيتي عليك لا بالعكس انا عاوز مصلحتك
ريم بهدوء : بس هما طيبين معايا
الجد من غير ما يبصلها : انا حذرتك واوعي تنسي انهم مش من توبنا ،،وزياد لو عرف انك رايحه لهم ما مفتكرش يقبل لان عايله خيري معروفه كل حاجه عندهم فري
ريم : لالا متقولش لزياد لانها هتكون اخر مره
رد جدها : اصلا وافقت لانها هتكون اخر مره وما حبيتش ارفض طلب ليكي يا عروسه وابتسم
ريم بابتسامة : شكرا






مسك الجد ايدها بجديه : ريم انا واثق فيك انتبهي للبسك ماشي يا بابا
قاطعته ريم بابتسامة : ان شاء الله امممم حد عرف عن طلعتنا ؟؟
الجد بهدوء : لا ما حدش عرف لما توصلي واطمن عليك وقتها هقولهم تعرفي نادر وخالد ما حبيتش اكسر بخاطرك قبل ما تمشي لما ارجع هقولهم ووقتها ما يقدروش يعملوا حاجه
بصت ريم لجدها بامتنان : تشكر يا ابو فخفخ
***********************
عصمت بالصاله قاعده لوحدها دخل خالد
بص في الصاله وقعد : امال بابا فين ؟؟
عصمت بهدوء : والله معرفش رجعت ما لقيته وسألت الشغاله بتقوللي خرج انت ما شفتوش ؟؟
خالد مسك الموبيل : لا ما شفتوش دلوقت اتصل عليه
اتصل خالد على الجد وبعد عده رنات فتح الخط
خالد بهدوء : الو ......بابا انت فينك........طيب مع السلامه
بصت عصمت وبايدها فنجان القهوة : فينه ؟؟
خالدوهو يعدل قعدته : بيقول قريب دلوقت يوصل
دخل امير وبعده نادر وقعدوا معاهم
وبعد عدة دقايق دخل الجد وقال السلام وقعد بهدوء
خالد: بابا روحت فين ؟؟
الجد بدون مبالاة : وصلت ريم لبيت جدها
خالد وملامحه احتدت : نعم كأني سمعت غلط فين وديتها ؟؟
الجد وهو يشرب القهوة : بقيت مش بتسمع يا خالد بقولك بعت ريم لبيت جدها تقعد هناك 3 ايام قبل فرحها







خالد بقهر : يابابا
قاطعه الجد بحزم : ولا كلمه اسمع البنت عندي وابعتها واجيبها ما حدش له دخل واللي عنده كلام يحطه في بطنه وبص لنادر وخالد بحزم
نادر اللي احمر وشه من العصبيه بس كتمها بص للكل بنرفزه وغضب وطلع من البيت زعلان
عصمت : عجبك اهو نادر طلع زعلان
الجد بلامبالاه : اللي يزعل بيرضي وبص لامير وانت طيارتك الساعه كام؟؟
امير بهدوء : بعد العصر ان شاء الله
عصمت : امتى تستقر هنا امتى ؟؟
خالد بغضب : خليه عند الشقر احسن من وشوشنا عنده
ابتسم امير : انتو اغلى من الدنيا كلها عندي
عصمت : وفرح اخوك برضه مش هتحضره (وبعدها افتكرت أمر
بصت للجد )طيب انت بَعت ريم عند بيت جدها وفي خطوبه رامي مين بقي الي يجهزني ؟؟؟
الجد ببرود : اعتقد اني قلت 3 ايام هتقعدهم و خطوبه رامي يوم الخميس والاتنين ريم هتكون هنا بإذن الله
امير : طيب ليه ما تروحيش على الكوافير احسن لك ؟!!
دخلت سها وفي ايدها صنينه حلويات : اسكت البنت دي فنانه مكياج والله لو تشوف جدتك ما تعرفها تقول واحده بالتلاتين
الجده عطتها نظره : ام امير
ضحك الكل على شكل الجده الا خالد اللي كان شادد على قبضه ايده من الغيظ .....
بص امير لجده وبفرحه : صحيح يا جدي انا مش قولتلك ان كاترين اسلمت وبدأ يقوله والجد مبسوط على الاخر وهو يحمد الله على الخبر ده
****************
دخلت ريم بيت جدها وكان البيت هادي دخلت الرسبشن وهي محروجه شوي وكان جدها وجدتها قاعدين يشربوا قهوه سلمت عليهم وهي محروجه
وطنشت نظرات الاستغراب واستأذنت منهم تطلع تكمل نومها فوق....!!!!!







طلعت لغرفة البنات وفتحتها بشويش وشافت البنات نايمين ابتسمت بشوق للبنات من زمان ما قعدتش معاهم وانبسطت رمت الشوز والطرحه على الارض ورمت نفسها على سريرها القديم
ودخلت بعالم الاحلام ..........
بعد مرور ساعات صحيت ريم مفزوعه من الميه اللي مغرقه وشها بصت حواليها والبنات واقفين يتفرجوا عليها
ريم صرخت : وعز جلاله الله لتندموا يا حيوانات ومسحت الميه عن وشها
ضحكوا البنات وهجموا عليها يسلموا واصواتهم العاليه ترج المكان
قطعت عليهم الشغاله : يالا الغداء جاهز
وقفوا البنات ومسكت ريم الطرحه والشوز ولبستهم
شروق : ليه لبستي الطرحه ؟؟
ريم بدون اهتمام : اكيد ولاد خالي تحت
منار : ليه فستانك واسع مش حلو وعوجت بؤها
ريم بابتسامة : عجبني انا
شوق بنغزه : عجبك والا غصب عنك لبستيه ؟؟
اضايقت ريم من كلامها وخاصة انه صحيح
طنشت : يالا ننزل
سكتوا البنات ونزلوا تحت
دخلوا صاله الاكل وكان الكل موجود سلمت عليهم ريم بهدوء ....اتفاجئ اغلبهم بوجودها بس ماحدش علق بعد الغداء انتقلوا لغرفه الليفنج الكبيره
دخلت ساره واتفاجئت بوجود ريم
بصتلها ريم وافتكرت عقوق الوالدين وقفت وسلمت على ساره ببرود ورجعت مكانها تتكلم مع البنات وتضحك قاطعها سؤال غاده : غريبه انك زورتينا ازاي وافقوا انك تيجي ؟؟
ردت ريم بابتسامة : طلبت من جدي ازوركم واقعد عندكم كام يوم قبل الفرح
جدتها بهدوء : فرح مين ؟؟
ريم بابتسامة : فرحي هتجوز بعد اسبوعين
الكل بصولها باستغراب
ساره بغضب بنتها تتجوز وهي اخر من يعلم : انتي من كل عقلك وافقتي تتجوزي اكيد ابوك جوزك عشان يرتاح منك
شوق بغيره : طيب من ولاد عمك ؟؟
ريم بهدوء : لا ابن صديق جدي اسمه زياد
وقف جدها مذبهل : زياد (وبصلها باستصغار وطلع )






جدتها بغيره : يعني زياد خاطبك بس ما سمعتش انه خطب وعطت ريم نظرة تشكيك
ردت ريم بهدوء : كتابنا من شهرين تقريبا
ساره بقهر : من شهرين واحنا اخر من يعلم
غادة وهي رافعه حاجب : يمكن خايفه حد يخطفه منها وعشان كدا ما عرفتش حد
ريم بهدوء وهي مطنشه نظراتهم : لا مش كدا بس ارقامكم مش عندي وانتم مش بتسالوا عني
وبعدها بصت ريم للبنات وطلبت منهم يطلعوا للغرفه
طلعوا البنات للغرفه
ساره بجنون : شفتي الحقير مجوز البنت بدون علمي نفسي اقهره الحقير
غاده بخبث : عندي خطه تخليه يولع ويموت مقهور
ساره : ماتقوليش نقنع ريم ترفض الجواز
قاطعتها غاده : لا يا غبيه حتى لو ريم طلبت تلغيه هما اصلا مش هيسمعولها من الاساس....انتي سيبك انا هرسم خطه سقع تقهر نادر وتكفيه ع بوزه










الجده وقفت : سيبي افكارك الخبيثه يا غاده مالك ومال الناس
*****************************
في غرفه البنات
شروق : ايه رايك يا ريم اليوم نروح للمول وتشتري لوازم الفرح ...!
ابتسمت ريم بهدوء : اوكي ما عنديش مانع
وقعدوا البنات كالعاده ضحك ولعب وانبساط بعد المغرب جهزوا البنات للخروجه!!!!
شوق رفعت حاجب : ريم ايه البس ده ؟؟ عاوزه تفضحينا في المنطقه؟؟
منار :فعلا انا اعترض اللي يشوفك يفكرك الشغاله ب الفستان ده حتي مكياج ما حطيتيش !!
ريم بهدوء : خطيبي يزعل اذا لبست لبس ضيق او حطيت مكياج كدا احسن
قعدت شروق : انا مش هروح بقي ياريم عاوزه تفضحينا شوفي لبسك ولا كأنك ست عجوزه
كانت ريم بصراع داخلي قعدوا البنات يقنعوها بكلامهم حست نفسها لانت ،،بس افتكرت كلام جدها وهو يوصيها على لباسها مستحيل تخذله وهو اكيد زعل اولاده علشان تيجي هنا
بصت للبنات وقعدت على السرير بهدوء : خلاص طلاما شكلي يكسف ويفضح مش رايحه ورمت الطرحه بعصبيه علي الارض
حاولوا البنات يقنعوها لكنها عاندت اضطروا البنات يروحوا وامرهم لله وطلعوا عالمول كانت تشتري وهي مبسوطه وبنات خالها مشغولين بالترقيم مع الشباب وبنفس الوقت يختاروا معها بعض القطع الداخليه ......
كانت تقضي ريم وقتها مع بنات خالها بالضحك وطبعا مش بتروح المدرسه ولا حتى شافت ساره ولما تكون ساره موجوده ما تنزلش بما ان امها مش عاوزه تشوفها خلاص ما فيش داعي للاحراج
اليوم الاتنين وجد ريم مافاتش ياخدها وزعلت انها ما اخدتش الموبيل معاها من السربعه نسيته في غرفتها مش عارفه ازاي تقدر تتواصل مع جدها
وهي مش حافظه رقم حد من اهل ابوها
وقفت عند الشباك وشافت امها وسالت نفسها عن سبب الطلاق بين امها وابوها مع ان امها جميله جدا واحلى من ساميه !!
= ليه ابوها طلق امها ؟؟؟
=وياتري ايه الخلاف اللي يخلي العائلتين في حقد على بعض كدا !!
= كان نفسها تعيش بين ام واب متفاهمين !!
= ياتري ايه هو الماضي الاسود اللي بيقول عنه ابوها ؟؟!!
= طب ازاي اتعرف ابوها على امها واتجوزوا؟؟
= اذا كانت جدتها عصمت تكره ساره طيب هي ايه ذنبها ؟؟






= ليه يحطوها وسط الخلافات ويحملوها الغلطه دي؟؟
= ليه ليه كانت ريم تسأل نفسها ويرجع صدى
سؤالها على نفسها لان للاسف ما فيش اجابه عندها اااااااااا
***************
مرت الايام وريم مش مرتاحه صحيح بتضحك ومبسوطه مع البنات وكل يوم تطلع تتفسح بس في امور مكدره نفسيتها ....تَدخل البنات بلبسها خنقها واكتر من مره طلبت منهم ما يدخلوش .....ومع ذلك كل ما يخرجوا يفتحوا نفس الاسطوانه....نظرات اهل جدها ليها وكأنهم بيسألوها بنظراتهم امتى ترجعي
الجفوه اللي بينها وبين امها بقت اكبر والحواجز اقوى
قعدت ريم على السرير وهي مضايقه اخدت نفس وهي بتقول لنفسها
اليوم السبت وجدها ما جاش خدها ولا حتى سأل عنها
غريبه ياتري ايه الي حصل ليهم ؟؟؟؟
والمدرسه ولا يوم راحت لو راحت كانت سألت بنات عمها محتاره وفي نفس الوقت خايفه فينهم لا حس ولا خبر ؟؟؟؟؟؟؟؟؟
شبكت ايدها ببعض بتوتر وهي خايفه حاسه اعصابها فلتت من التفكير وقفت وفضلت تروح وتيجي بالغرفه متوتره بتحاول تطرد فكره انهم خلاص مش عاوزنها
= معقول جدي مش عاوزني !!!
= ورماني مره تانيه هنا !!
وقفت وحطت ايدها على راسها والفرح !!
= النهارده السبت ما بقاش عليه الا خمس ايام
شهقت وحطت ايدها على بؤها من الفكره اللي جاتلها وقعدت على الارض بانكسار
= اكيد ما فيش جواز كدبوا عليا
حاولت تبعد الفكره من راسها وهي تردد
= انا طلبت منه اجي هنا وجدي رفض بس انا اصريت عليه اجي هنا
نفضت راسها خلاص مش قادرة عقلها مشوش
نزلت دمعه من عيونها مسحتها بسرعة ورفعت راسها وبصت للسقف
عضت على شفايفها بقهر ازاي نسيت الموبيل وشتمت غبائها اللي من السربعه نسيت تلفونها
حاسه انى محبطه وفى الحياة متخبطه . . .جو قلبى عذاب وجراح ....مش مهم الجرح دا . . . مش مهم افضل كدا






مسحت على وشها بقهر وطردت الشيطان من راسها وقررت تنزل تحت تضيع وقت لوقت مايرجعوا البنات من المدرسه لبست ونزلت بهدوء بس وقفت منصعقه من اللي سمعته
****

 🌹 🌹🌹🌹🌹🌹🌹🌹🌹🌹🌹🌹

🍁🍁🍁🍁مرحبا بكم ضيوفنا الكرام 
هنا نقدم لكم كل ما. هوا حصري. وجديد.
اترك ١٠ تعليقات. ليصلك. الفصل. الجديد فور. نشره.عندنا. ستجد. كل.
 ما. هوا. جديد. حصري ورومانسى. وشيق. فقط ابحث من جوجل  باسم مدوانة كرنفال الروايات واسم الروايه    وايضاء  اشتركو على قناتنا     

   علي التليجرام من هنا

ليصلك اشعار بكل ما هوه جديد من اللينك الظاهر امامك

  🌹🌹🌹🌹🌹🌹🌹🌹🌹🌹🌹🌹🌹


تعليقات



حجم الخط
+
16
-
تباعد السطور
+
2
-