(رواية شيماء والغرام ))
بقلم اسلام محمد
(( الفصل الثالث))
((وعندما رجع اسلام الي البيت اتصل بسارة هاتفيآ وظل يتحدثه حتي دخل ابو سارة علي سارة الغرفة وهي تتحدث مع اسلام وقال ))
ابو سارة : بتكلمي مين ياسارة
سارة : دي دي دي واحدة صحبتي يابابا
ابو سارة : طب وريني بتكلمي مين
سارة : يا بابا واحدة صحبتي
ابو سارة : الو
اسلام : (في عقله يا نهار اسود (لازم اتصرف وهنا يتصنع اسلام صوت البنت ويقول ))الو
ابو سارة : مين معايا
اسلام : انت اللي مين انا صاحبت سارة انت اللي مين
ابو سارة : انا ابو سارة كنت بس بشوفها بتكلم مع مين
اسلام : طب بعد اذنك يا عمو اديني سارة
ابو سارة : اتفضلي
((ابو سارة يعطيها التلفون ويخرج من الغرفة وسارة تقول ))
سارة : الو
اسلام : ((بصوت البنت )) إلو يا سارة كدا تديني بباكي
وهنا سارة تضحك ضحك هستيري وتقول ))
يخربيتك دا انا صدقتك انت من امتا وانت بتعرف تعمل كدا
اسلام : ههههه لا من زمان وبعدين كنت بعملها كتير مع محمد ابن عمي واقعد اغلس عليه كدا بس الواد الصراحة كان محترم
سارة : لا يا اسلام انت حقيقي طلعت مشكلة حقيقي انت مش سهل
اسلام : لا والله خالص دا انا غلبان
سارة : واضح واضح
اسلام : يلا بقا يا قلبي روحي نامي علشان تصحي بدري علشان عندك جامعة
سارة : ماشي يا حبيبي وانت هتنام ولا هتقعد شوية
اسلام : لا يا حبيبتي لازم انام طبعا علشان يبقي صوتك اخر حاجة سمعتها حتي كمان هنام علي صورتك علشان تبقا اخر حاجة شافتها عنيا
سارة : يا قلبي دا انا اللي اول مرة انام وانا مبسوطة علشان هنام علي صوتك ومطمنة اللي انت معايا
اسلام : علطول يا قلبي
سارة : يارب يا سمسم
اسلام : تصبحي علي خير يا قلبي
سارة : وانت من اهله ياروحي باي
اسلام : باي
((ويقفل اسلام ويخرج الي الصالة ويجد عمه جالس هو ومرات عمه ومحمد ))
اسلام : اي دا انتوا منمتوش
والد محمد : ياااه يعني انت لما دخلت ما شفتناش
اسلام : لا والله انا دخلت بسرعة اغير هدومي مخدتش بالي خالص
والدة محمد : اي اللي واخد عقلك
اسلام : لا والله يا مرات عمي مفيش حاجة هيكون اي يعني
والد محمد : اكيد الكورس اللي انت كنت فيه دوش دماغك
اسلام : كورس اي
محمد : ايوا ياعم كورس المحاسبة اللي انت كنت فيه انت دماغك فين
اسلام : اها الكورس والله فعلا يا مرات عمي الكورس دا صعب جدا والواحد بيتعبله جدا عقبال ما نفهمه ونخليه ياخد علينا
والد محمد : كورس مين اللي ياخد عليكم
محمد : ما هي لازم يابابا الدكتوت ياخد عليهم ويفهمهم علشان يعرف يوصلهم المعلومة
اسلام : ايوا هو كدا بالظبط انا هدخل انام بقا تصبحو علي خير
محمد : خدني معاك علشان اعرف عملت اي في الكورس
اسلام : هههه تعالي
((ودخل اسلام ومحمد الغرفة وجلسه ))
اسلام : يا بني مش تفهمني انك هتقولهم اني في الكورس
محمد : والله ما عارف بقا دا اللي جيه في دماغي علشان عارف لو قولتله اللي انت مع صحابك هيفضل يسال صحاب مين والصحابة مش بتجيب الخير ومش بيجي من وراها غير الصياعة فقولت كورس
اسلام : لا حلوة تسلم ياعم
محمد : قولي بقا عملت اي
اسلام : في اي
محمد : يغمز لي اسلام ويقول، في الكورس اللي كنت فيه
اسلام : ههههه انما اى حتة كورس جامد بجد وحنين كدا و رومانسي ودمه خفيف وطيب وغلبان وقمر
محمد : اي دا يعني نويت تحب
اسلام : لا طبعا يا بني انا اللي زي دول ما ينفعوش معايا انا عايز واحدة كدا ميكنش فيه منها اتنين تكون عاملة زيّ
محمد : يا نهار اسود زيك لا دي مش هتلاقيها
اسلام : خلاص يبقا مش هحب
محمد : خليك كدا خليك اوعا بقا علشان انام
اسلام : تعالي ياعم
(( وذهبه الي النوم حتي استيقظ محمد علي صوت هاتف اسلام وكانت الساعة ٧صباحا ))
محمد : يا اسلام قوم يا بني يا اسلام تلفونك بيرن
اسلام : اي عايز اي
محمد : تلفونك بيرن
اسلام : مين
محمد : البطة
اسلام : سيبها ترن ياعم سبني انام
محمد : تاني يخربيتك وكمان مسميها البطة دا انت مش سالك
اسلام : سبني انام بقا
((ونام محمد حتي استيقظ علي الساعة ٩,٣٠ ونهض وارتدي ملابسه حتي يجد تلفون اسلام يرن وينادي علي اسلام ))
محمد : ياعم قوم تلفونك مش مبطل زن البطة مش مبطلة بكبكا
اسلام : خلاص قومت
اسلام : الو
سارة : اي ياروحي كل دا نوم
اسلام : معلش يا قلبي كنت نعسان
سارة : صباح الخير يا قلبي
اسلام : صباح النور ياروحي اومال انت فين كدا
سارة : في الجامعة ما احنا عندنا المحاضرات النهاردة من الساعة ٨,٣٠وكنت برن علشان اصحيك
اسلام : لا ما انا ناوي اجي علي المحاضرة التالتة
سارة : ماشي يا حبيبي هتلاقيني في الجامعة
اسلام : ماشي اول لما اوصل هكلمك
سارة : ماشي انا هقفل بقا علشان المحاضرة هتبداء باي
اسلام : باي
محمد : دي مش تقولها باي دي تقولها بكبباك ههههه
اسلام : هههه يا خفة وبعدين انت صاحي متاخر ليه
محمد : لا ياعم مش متاخر ولا حاجة انا عندي محاضراتي الساعة ١١
اسلام : الله يسهلوا ياعم ناس يتحضر وبتجيب جيد جدا
محمد : ياعم اسكت بس دا انت بقالك تلت سنين مفتحتش كتاب وجبت سنة جيد وسنة امتياز والترم دا جيد جدا مرتفع
اسلام : ما انت فكرني غبي زيك انا اول لما الامتحانات تقرب واعرف مين اللي معايا في اللجنة اشوف الدحيحة وارتبط بيها وتغششني بس كدا مش محتاجة يعني
محمد : ياما نفسي اصحي في يوم الائيك صاحي من الساعة ٦ وماسك الكتاب ومستني البت اللي ترن عليك وتخليك تذاكر وتبث لي حياتك ومستقبلك
اسلام : يا لهووي اي الدعوات دي لا ياعم شكرا
محمد : طب انا نازل
اسلام : مع السلامة
((ونهض اسلام وارتده ملابسه وذهب الي الكلية وتقابل مع سارة وحضر اخر محاضرتين بينما في الجانب الآخر كان محمد مع شيماء ومي وتقابله بي الصدفة ))
اسلام : اهلا اهلا بالطلبة اللي بيذاكره
مي : ياعم نذاكر اي دا احنا مش عارفين حاجة
اسلام : يهود الدفعة قاعد قدامي
محمد : معرفتناش
اسلام : اعرفك يا سارة دي مي حبيبت اسلام وقريب جدا هتكون خطيبته
سارة : اهلا وسهلا
مي : اهلا بيكي يا قمر
اسلام : ودا محمد طبعا انتي عارفاه
سارة : اهلا وسهلا اسلام حكالي عليك كتير
محمد : اهلا بيكي اسلام دا اخويا انت فعلا عرفتي تختاري الراجل الصح
سارة : بتشاور علي شيماء
اسلام : لا دي معرفهاش دي صحبتهم تقريبا هي دي صحبتكم ولا اي بالظبط
سارة : هههههه اها صحبتنا شيماء
((وهنا شيماء تنظر بغيظ وتقول ))
شيماء : بعد اذنكم هروح اجيب حاجة اشربها علشان الحر هنا حر ويخنق
محمد ومي : يضحكوا
سارة : مالها دي
محمد : لا ملكيش دعوة بيها دي هي كدا هههه
مي : بس فعلا يا اسلام ذوقك حلو جدا وسارة فعلا شكلها قمر
اسلام : علشان تعرفي اخوكي طول عمره ذوقه حلو
مي : لاكن المرة دي ذوقك حلو فعلا
سارة : ربنا يخليكي يا قلبي انتي اللي جميلة اوووي فعلا يابخت محمد بيكي
اسلام : طب يلا بقا نمشي علشان منتاخرش
سارة : يلا
اسلام : يلا مع السلامة
محمد : الله يسلمك
((وغادر اسلام وسارة وجلس مي ومحمد بينما شيماء كانت لم تاتي ))
مي : قولي اسلام بيحبها بجد ولا زيها زي غيرها
محمد : بجد هو دا يعرف بجد دا عليه ربنا طبعا اي كلام
مي : لا بس والله فعلا البت متستهلش شكلها طيبة فعلا
محمد : دا مينفعش معاه الطيب دا عايز حرباية
مي : طب بس علشان الحرباية جية ومش هتسكت هههه
محمد : هههههههه
شيماء : مشيوا يا ساتر دا كان دمهم تقيل بشكل قال اي صحبتكم دي علي اساس اللي انا مش ماسحة بي كرامته الارض قبل كدا
مي ومحمد : بيضحكه ضحك هستيري
شيماء : لا ولا هي بتشاور عليا وتشاور ليه اللي عايزة قطع في ايدها دي
مي : حرام عليكي دا البت غلبانة
شيماء : وهو دا ينفع معاه الغلبانة دا عايز تعبانة
محمد : طب استهدي بالله يا تعبانة قصدي يا شيماء ههههه
مي : هههههه
شيماء : خفة انت وهي
محمد : ما احنا عارفين
شيماء : طب انا عندي محاضرة هطلع احضرها واجي تكون انتوا وحاول المائة او رحته في حتة هخلص واكلمكم
مي : اشطا
((ثم تغادر شيماء وتذهب الي المحاضرة ))
محمد : مي
مي : نعم
محمد : بحبك
مي : بكسوف وانا كمان بحبك اووي يا محمد
محمد : بتحبيني بس
مي : اها بس بس بجد ربنا يخليك ليا انا عمري في حياتي ما هلاقي زيك انت فرصة بتيجي في العمر مرة واحدة مستحيل تتكرر تاني
محمد : طب وياترا الكلام دا علشان اسلام ولا علشان اي
مي : والله علشان اللي يشوفه إن فعلا اسلام حاجة وانت حاجة تانية انت عمرك ما زهقت مني ولا اتخليت عني رغم اللي بعمله فيك لاكن دايما بتشوفني حلوة ومش بيهون عليك تسبني زعلانة
محمد : هو انا اقدر اشوفك زعلانة دا انتي روحي انا اصلا مينفعش اشوفك غير حلوة انتي روحي بجد يعني لو شوفتك وحشة فا انا هشوف روحي وحشة هشوفي حياتي كلها وحشة انت ست البنات بجد انا عمر عيني ما جت علي بنت تانية غيرك علشان انا مش عايز اشوف غيرك انا حقيقي مقدرش اتخيل حياتي وانتى بعيده عني
مي : ربنا ما يحرمني منك يا قلبي
محمد : ولامنك يارب، تعالي بقا نروح المكتبة علشان نجهز البحث اللي قال عليه الدكتور
مي : فكرة طب يلا
((وفعل راح محمد ومي المكتبة وشيماء خلصت وكلمتهم وتقابله وروحه وفات اسبوع واسلام كل يوم بيشوف سارة وبيتعامل معاها ببردو وبيقابل محمد ومي وشيماء وكل شوية يحاول يضايق وينرفز شيماء بأى موقف وفي يوم صحي اسلام علي تلفون سارة وكان محمد ومي في المحاضرة وشيماء كانت في المحاضرة ))
اسلام : إلو يا قلبي
سارة : الو يا اسلام عامل اي
اسلام : اسلام ؟! الحمد لله انتي عاملة اي
سارة : مش كويسة
اسلام : ليه بس كدا ماللك
سارة : انت فين بس
اسلام : انا في البيت
سارة : طب انا في الجامعة عايزك تنزلي
اسلام : خير في اي
سارة : عايزاك في حاجة مهمة ومينفعش الكلام في التلفون
اسلام : خلاص ماشي حاضر هلبس واجيلك
سارة : ماشي انا في الكفتريا مستنياك
اسلام : اشطا باي
((وبالفعل قفل اسلام مع سارة وذهب ارتده ملابسه وذهب الي الجامعة وذهب الي الكفتريا ودخل ووجد سارة جالسة ودخل وجلس وقال ))
اسلام : اي يا حبيبتي ماللك فيكي اي
سارة : في مشكلة يا اسلام
اسلام : طب في اي طيب قلقتيني احكيلي في اي
سارة : بابا دخل عليا امبارح وقال إن ابن زميله في الشغل طلب ايدي منه وجي يوم الخميس علشان يتقدملي
اسلام : طب وانتي رديتي قولتي اي
سارة : قولت لا لاكن بابا مصمم عليه وبيقول إن عريس مناسب واقعدي معاه
اسلام : طب وانتي ناوية تعملي اي
سارة : انا اللي هعمل اومال انا مكلماك ليه
اسلام : يعني عايزاني اعمل اي
سارة : تروح تتقدملي وتطلب ايدي من بابا
اسلام : ياااه بالسهولة كدا يعني ادخل اقوله انا ولا يشتغل ولسة بدرس ومعنديش شقة ولا حيلتي اجيب حاجة واقوله انا جاي اتقدم لي بنتك
سارة : يعني هتسبني كدا اضيع منك
اسلام : بصي يا سارة كل شي قسمة ونصيب وانا معنديش استعداد إن اتقدم دلوقتي
سارة : فعلا انت عندك حق انا اللي غلطانة علشان وثقت في واحد زيك
اسلام :بت انتي لمي لسانك وبعدين ياما متثقيش فيا تاني يلا مع السلامة
سارة : انت مستحيل تكون انسان بعد ما وثقت فيك وحبيتك تبعني كدا علي العموم شكرا
سلام
اسلام : سلام سلام المركب اللي تودي مترجعش
((وفي الجانب الآخر تخرج شيماء من المحاضرة وتجد نور يقف في انتظارها امام المدرج ))
نور : العمر ٢٣سنة كان مرتبط بي شيماء وكان الحب الاول لاكنهم سابه بعض بعد ما اكتشفت شيماء إنه هو كان بيكدب عليها وبيكلم عليها بنات وبيشرب مخدرات
(( وتقف شيماء عندما تري نور ثم بعد ذلك تمشي وترن علي مي لاكنها لم ترد وبعد ذالك ترن محمد لم يرد وكل ذلك ونور يمشي وراء شيماء ويحاول إن يكلمها ))
نور : شيماء يا بت يا شيماء اقفي عايز اتكلم معاكي كدا مش هينفع
((وتمشي شيماء وتذهب الي الكفتريا وهي تصعد السلم كان اسلام يقف حتي يشتري قهوة وينظر يجد الموقف الذي يحدث بين شيماء ونور ))
نور : يا شيماء اقفي الناس بتتفرج علينا
شيماء : نعم عايز اي انت جي ورايا ليه
نور : عايز اتكلم معاكي
شيماء : احنا مفيش بينا كلام اصلا
نور : انا حبيبك يا قلبي ازاي بس
شيماء : ولا حبيبة ولا زفت ولو ممشتش من هنا هصوت والم عليك الناس وانت عارفني
نور : طب اهون عليكي يا شوشو دا انا قلبك
وهنا شيماء تزعق وتقول وجع في قلبك يا بعيد
((وهنا ياتي اسلام بعد ان اشتري القهوة وكانه ماشي بالصدفة ثم يخبط في نور وتقع القهوة علي قميص نور الابيض ))
اسلام : لموخذة
نور : مش تفتح يا متخلف
اسلام : متخلف ؟! قولتلك لموخذة
نور : طب غور من هنا بقا.
اسلام : لا دا انت اللي هتغور من هنا لاما شايف فرد الامن اللي هناك دا اقوله اللي انت في جيبك اليمين مطوة وبعدين انت اصلا مش في الجامعة من هنا وهيخدوك علي القسم وهيعرفه اللي انت بتتعطا وبعدين يا حلو يا عسل انت يا سكر انا النقيب اسلام وراح مطلع كارنيه ودخل بسرعة في جيبه
نور : انا متاسف ياباشا متاسف
اسلام : طب اتكل علي الله من هنا بقا علشان مخدكش علي القسم ولو شوفتك جيت ناحية الجامعة تاني او ناحية حد من الجامعة وينظر الي شيماء هتزعل
نور : لا ياباشا تحت امرك
((وينصرف نور وكان شيماء طول الحديث واقفة مبهورة ومبتسمة ))
اسلام : طبعا انا عارف ان هو ميخصنيش وان اي اللي دخلني اصلا وانا مالي عن اذنك سلامو عليكم
(( ويذهب اسلام ويجلس علي الطرابيزة وشيماء واقفة بتضحك ضحكة خفيفة حتي رنت عليها مي وهنا ترد سارة ))
شيماء : انت فين برن عليكم مش بترده ليه
مي : كنا في المحاضرة يا بنتي ومسمعناش التلفون
شيماء : طب انا في الكفتريا اجيلكم
مي : لا خليكي احنا اللي جين علشان دماغنا مصدعه وعايزين قهوة
شيماء : ماشي انا مستنياكم
(( ثم دخلت بعد ذلك شيماء الي الكفتريا وذهبت ناحية اسلام ويجدها اسلام واقفة ))
اسلام : اي هو انا مقولتش التهزيق اللي انتي كونتي هتقليه مظبوط جاية تكملي
شيماء : تبتسم لا خالص انا جاية اقوللك ان متشكرك علي اللي عملتي معايا
اسلام : ياااه دا فيها شكر مش تهزيق لا كدا بقا نعدل الياقة
شيماء : تبتسم ((خلاص انا بس بشكرك علشان فعلا هو كان مضايقني وانت وقفته فعلا عند حده ))
اسلام : اولا انا مكنش ينفع اشوفك في الموقف دا وقف ساكت رغم ان كنت واثق إن هتهزق بس يلا اهو كله بثوابه
شيماء : علي العموم متشكره وبعتذر ليك علي الطريقة اللي كنت بتعامل معاك بيها
اسلام : يا نهار اسود شكر واعتذار في يوم واحد دا شكلها القيامة هتقوم بجد ولا اي
شيماء : ههههه
((وهنا ياتي محمد ومي ويجده اسلام وشيماء واقفين بيضحكه ))
محمد : الحقي بس مين واقفين مع بعض
مي : دا اسلام وشيماء لا وبيضحكه كمان هو في اي؟ اي اللي حصل دا من عجائب الدنيا السبع
محمد : تعالي نشوف اي اللي يحصل
مي : تعالي