((رواية شيماء الغرام ))
بقلم اسلام محمد
(( الفصل الرابع ))
((وبعد ما اسلام دافع عن شيماء لي المرة التانية وذهبت شيماء له لكي تشكره وتعتذر له عما حدث منها وفي الجانب الآخر جاء مي ومحمد ولاحظ شيماء واسلام وهما في الكفتريا يضحكان ويتحدثون مع بعض ثم قال محمد ))
محمد : الحقي بس مين واقفين مع بعض
مي : دا اسلام وشيماء لا وبيضحكه كمان هو في اي؟
اي اللي حصل دا من عجائب الدنيا السبع
محمد : تعالي نشوف اي اللي يحصل
مي : تعالي
شيماء : بس انت فعلا طلع دمك خفيف اووي
محمد : لا دا بيقول نكت عسل دا
شيماء : محمد
مي : لا ومي كمان
اسلام : اي ياعم دخلت المخابرين دي
شيماء: مش عارفين دول عاملين زي ظباط امن الدولة
اسلام : عندك حق حتي الشاويش مي موجودة اهي والعسكري محمد ههههه
شيماء : هههههههه
مي : اي دا دا سبحان الله في اي
محمد : لا اهدي بس كدا علشان انا هتجنن انت ياض انت وهي اي اللي حصلكم
اسلام : يا بني في اي مش فاهم والله
محمد : هي مش دي اللي مش كنت طايق تسمع سيرتها امبارح
مي : لا والهانم كانت بتقول عليه دمهم تقيل
محمد : اي بقا اللي لم الشامي علي المغربي
مي : ايوا حد بقا يفهمني
شيماء : مفيش نور جيه هنا
مي : نور ودا اي اللي جابه
شيماء : جي وكان عايز يتكلم معايا وكان بيضايقني لحد ما اسلام جيه وعمل معاه الواجب
محمد : يا بني انت مبتحرمش مش لسة عامل انت الموقف دا ومسحت بكرامتك الارض
شيماء : في اي يا عم انت ما تخليك محضر خير
محمد : علي العموم كويس إن انتوا بقيتوا بطيقه بعض
شيماء : لا اطيق مين انا اصلا مش بطيقه انا بس جيت اشكره وخلاص
اسلام : يادي الليلة السودة، حوشها ياعم من قدامي
شيماء : هههههه
مي : مقولتليش يا محمد هي فين سارة
اسلام : لا تعيشي انتي بقا انتي لسة فاكرة
مي : اي اللي حصل بس دي عسولة
اسلام : بتقولي إن هي جايلها عريس وعايزاني اروح اتقدم
محمد : تتقدم طب انت يا بني مفهمتهاش علي ظروفك ليه
اسلام : قولتلها بس هي بقا قعدت تظيط
شيماء : بص هو انا مليش دعوة بس فعلا مدام بتحبك المفروض كانت استنتك وخصوصا إن هي عارفة إن انت لسة مش مستعد دلوقتي وكانت وقفت قدام العريس دا ورفضته دا رائي، اللي ملهوش لازمة
اسلام : ((ينظر لي شيماء نظرة مبهجة )) لا طبعا ازاي رايك ليه لازمة طبعا وكلامك صح جدا بس فعلا صعب الواحد يلاقي بنت كدا تحارب علشانه زي ما هو بيحارب علشانها
شيماء : لا مدام هي بتحبه لازم تحارب معاه وإلا دا ميبقاش اسمع حب مينفعش تسيبه يقف في وش المدفع لي وحده، ولو هو كمان ينفع يسبها واقفة لي وحدها لازم الاتنين يكونه ايد واحدة لحد ما يجمعهم بيت واحد
اسلام : والله مفيش حد دلوقتي بيمشي بالكلام دا
((ومحمد ومي واقفين ينظرون إلي اسلام وشيماء بنظرة تعجب؟…! ))
شيماء : فعلا، علشانه كدا مش بيبقا حب صادق
اسلام : الحب الصادق موجود بس مع الانسان اللي يستاهل بجد
مي : واي كمان يا فلاسفة عصركم قوله وسمعونا كمان وكمان
شيماء : هههه في اي انتوا مالكم عاملين كدا ليه
محمد : دا النهاردة القيامة
اسلام : ليه بس ياعم
شيماء : المهم انا جعانة وعايزة اكل
محمد : يخربيت كرشك دا اللي هيوديكي في داهية انتي علطول جعانة كدا مش بتشبعي
شيماء : خلاص سبوني كدا من غير اكل لحد ما اموت
اسلام : في اي ياعم ما تاكل زي ما هي عايزة هي بتاخد من اكلك وبعدين دا وخاسة ووشها اصفر
مي : اها يعيني وهفتانة قول كمان وسمعني
اسلام : طب يلا نروح ناكل
محمد : لا اله الا الله
مي : محمد رسول الله
((وبيضربه كف علي كف محمد ومي ))
اسلام : ههههه
شيماء : هههههه
(( وراحه فعلا عند المطعم اللي في الجامعة ومحمد ومي مسكه منيو وشيماء مسكت واحد واسلام مسك واحد ))
محمد : هتاكله اي
اسلام : معرفش شوف انتوا هتاكلوا اي
محمد : انا ومي هناكل سوري
اسلام : وانتي يا شيماء
شيماء : انا عامل فراخ علشان اكلها كدا واكل القرقوشة والكبدة ااااه هاتولي فراخ
اسلام : ههههه في اي هي بتتغزل في الاكل ليه
مي : لا خد علي كدا دي تبعني انا علشان حتة فرخة
اسلام : هههههه طب بالف هناء
محمد : وانت بقا ياباشا هتاكل اي
مي : هياكل فراخ طبعا
اسلام : ههههههههههه
محمد : بتهزر اوعا تقول هتاكل فراخ
اسلام : اها ياعم هو حرام
محمد : صلاة النبي احسن هههه
(( وراحو فعلا جابو الاكل وقعدو كلو بعد كدا روحه كلهم ومحمد كان قاعد بيتكلم مع مى في التلفون وهو في البلكونة واسلام كان قاعد في الاوضة ثم يدخل عليه اسلام البلكونة ))
اسلام : يا احلي ابن عم في الدنيا
محمد : ثواني يا قلبي نعم يا باشا
اسلام : تعالي اعزمك علي كوباية قهوة
محمد : نعم تعزمني دا من امتا
اسلام : هو انا عندي كام ابن عم علشان اعزمه
مي ((في التلفون )) : محمد مش هنزل وهينام علشان الجامعة وبعدين انا مش بامن علي محمد وهو معاك
اسلام : بتقول اي دي
((فتح محمد الميكرفون وقالت الكلام تاني ))
اسلام : ليه بس كدا يا ميمو دا انتي اختي الغالية
مي : هو في اي هو اسلام المزاج رايق معاه كدا ليه
اسلام : مش عندي اخ اسمه محمد واخت اسمها مي لازم يكون مزاجي رايق
محمد : يا مثبتني
مي : لا وانا اتثبت الصراحة روح انزل معاه ياعم علشان المود بتاعه ميبوظش
محمد : علشان خاطري بس يا قلبي
مي : تسلم ياروح قلبي
اسلام : ما تنجز ياعم انت وهي بقا وبطل محن
محمد : محن طب مش نازل
اسلام : لا خلاص يا عسل يلا
محمد : انا هقفل ياروحي وهنزل
مي : ماشي يا حبيبي متتاخرش علشان عندنا محاضرة مهمة بكرة
محمد : عيوني يا قلبي
مي: تصبح على خير
محمد : وانتي من اهلى يارب باي
مي : باي
اسلام : يلا بقا ياعم
((ونزل محمد واسلام وقعده علي الكافيه ))
اسلام : اي ياباشا تشرب اي بقا
محمد : في اي يا بني انا مستعجبلك النهاردة مالك انت سخن
اسلام : والله زي الفل
محمد : طب هات قهوة
((وطلبه اتنين قهوة وجت القهوة ومحمد جالس يمسك التلفون اسلام قال ))
اسلام : بقوللك اي يا حمادة
محمد : خير
اسلام : ما تحكيلي شوية عن شيماء
محمد : اهااااا قول كدا بقا وانا اقول الواد المزاج رايق وتعالي اعزمك ويا حمادة ويا اخويا وياباشا قولت وراها مصلحة
اسلام : ياعم ولا مصلحة ولا حاجة انا بس عايز اعرف هي اي بس
محمد : ماشي يا سيدي حاضر عايز تعرف اي عنها
اسلام : كل حاجة يعني بتحب اي وبتكره اي ارتبط قبل كدا ولا لا كل حاجة عنها
محمد. : بص ياعم شيماء بتعشق الاكل جدا وبتعشق العب وحاجات الاطفال يعني ممكن تيجي تلاقيها بتاكل مصاصة هي طفلة جدا
اسلام : شيماء دي عاقلة
محمد : لا دا دور هي بتتصنعه بس لاكن هي في الحقيقة طفلة
اسلام : ماشي كمل
محمد : ارتبط قبل كدا ب نور دا اللي انت اتكلمت معاه الصبح كانت بتحبه جدا بس هو كان بيطنشها والهانم كانت ايداله صوابعها العشرة شمع وهو في الاخر خانها وطلع بيتسلا بيها زي ما انت بتعمل كدا مع البنات
اسلام : ياعم سيبك مني انا وكمل
محمد : شيماء ابوها وامها متوافين من وهي صغيرة وعايشة مع خالها بس حرفيا بتتعامل معامله اوحش مما تتخيل يعني شيماء دي بتروح تمسح وتغسل وتعمل كل حاجة رغم ان معاها بنات خالها لاكن محدش فيهم بيعمل حاجة ومش بتلاقي منهم تقدير ولا حتي شكر بالعكس بتلاقي شتيمة وتهزيق عالي
اسلام : يا حرااام اي كل دا
محمد : يا حنين المهم هي بتشتغل من وهي في ثانوية عاملة خالها لما لقاها عايزه تكمل تعليم قالها اطلعي اشتغلى واصرفي علي نفسك لحد دلوقتي، هي بتشتغل لاكن الفترة دي سابت الشغل لما خالها تعب وزاد عليه المرض تقريبا قال يعمل لي آخرته وقعدها من الشغل وبقا بيديها اللي هي عايزاه هي بنت جدعة وطيبة فوق مما تتخيل وسهل جدا تصالح بكلمتين مبتحبش تسمع كلام حد ودائما شايفه إن هي صح ومبتغلطش وبتمشي بدماغها وعندية جدا وعليها برود يجبلك سكتة قلبية زيك كدا بالظبط بس يا سيدي هي دي شيماء عايز تعرف حاجة تانية
اسلام : لا حبيبي تسلم
محمد : قولي بقا انا حكتلك عايز تعرف ليه
اسلام : لا ياعم مفيش حاجة كل الحكاية آن حستها غامضة شوية فا كنت حابب اعرفها اكتر
محمد : علي بابا يلا علي العموم لو بتفكر ترتبط بي شيماء دا مستحيل ولا انا هسمحلك ولا مي ولا حتي هي وهتلاقيها بعدت عنك
اسلام : ارتباط اي ياعم بس ليه كدا يعني
محمد : اولا انت الصراحة محدشي يأمنك على حاجه كل يوم تلعب علي بنت شكل وشيماء مش زي اي بنت وبعدين هي خارجة من تجربة عسل فبلاش تبقا انت كمان شوف حد تاني
اسلام : ياعم ولا تاني ولا تالت انا كنت عايز اعرف حاجة خلاص مفيش قصة ارتباط ولا الكلام دا
محمد : كويس يلا بقا علشان نروح ننام كفاية كدا
اسلام : يلا
محمد. : حاسب ولا خلاص احاسب انا
اسلام : لا عيب عليك انا قولتلك عندي
((وذهب اسلام لكي يحاسب ثم صعده الي النوم ثم جاءه الساعة السادسة ونصف واستيقظ اسلام ودخل الحمام ثم خرج اخد يختار ملابسه، ثم يستيقظ محمد ويجد اسلام امام الدولاب ))
محمد : اي دا اسلام صاحي بدري ودي مين بقا المركز دي اللي مفهما انك نشيط
اسلام : ياعم قول صباح الخير الاول
محمد. : صباح النور رايح فين كدا
اسلام : رايح الجامعة عندي محاضرات
محمد. : نعم بقا استاذ اسلام كبير الكسل والتزويغ يصحي بدري علشان محاضرة انا قولتلك إن القيامة خلاص هتقوم
اسلام : طب قوم بدل ما السندريلا اللي تخليك تقوم هههه
محمد. : دي قلبي قومت طبعا
((ثم نهض محمد وارتدي ملابسه وذهب هو ومحمد الي الجامعة وكانت مي تنتظر محمد ومعاها شيماء وذهب محمد ومعه اسلام الي مي ))
مي : اي دا اسلام مين العسل بتاع النهاردة دي اللي مفهمها اللي انت نشيط وصاحب بدري
محمد : جبت حاجة من عندي
اسلام : والله ما فيه حد انا صاحي عندي محاضرة
مي : انها من العجائب يا ولدي
اسلام : ياست اسكتي بس
ازيك يا شيماء
شيماء : الحمد لله انت عامل اي
اسلام : الحمد لله
محمد : طب يلا فيه محاضرة
((ثم ذهبه كل منهم الي المحاضرة حتي خرج محمد ومي واسلام يرن علي محمد ويذهب له ))
محمد : اي خلصت
اسلام : اها يا جدع موضوع إن الواحد يحضر المحاضرات دا خنقة
محمد : معلش بكرة تتعود
مي : رن يا محمد علي شيماء
محمد : مش معايا رصيد
مي : اووف ولا انا طب رن انت يا اسلام
اسلام : انا ؟! مش معايا رقمها
مي : طب اكتب عندك
اسلام : ((بفرحة )) قولي
((وهنا اسلام يكتب الرقم ويتصل علي شيماء ويعطي التلفون الي مي ))
مي : الو
شيماء : ايوا مين
مي : انا مي يا بنتي
شيماء : اومال دا رقم مين
مي : دا رقم اسلام علشان ولا انا ولا محمد معانا رصيد
شيماء : شاطرين ياعالم يا خايبة
مي : انتي فين
شيماء : انا خلصت بقالي ساعة عند مدرج ٦
مي : اومال مرنتيش عليا ليه
شيماء : مكنش معايا رصيد
مي : شاطرة يا خايبة ههههه طيب احنا جينلك
شيماء : هههه طيب
((ثم ذهبه وجلسه يتحدثه قليلا ثم ذهب كل شخص الي بيته
.......
بعد مرور شهر بعد ما كان يتحدث اسلام مع شيماء كل يوم هاتفيا وكان ينتظم في محضراته وبعد عن كل البنات التي كان يعرفهم في يوم ومحمد واسلام ذاهبان الي الكلية وعندما وصله ذهب محمد واسلام الي مي وشيماء لاكن شيماء لم تاتي ))
محمد : اي يا قلبي
مي : اي يا حبيبي اتاخرت ليه
محمد : الموصلات بس
اسلام : اومال فين شيماء
مي : مش جاية النهاردة
اسلام : ازاي دا ليه دا كانت قيلالي إن هي جاية
مي : بتقول خالها تعب وبنات خالتها راحه الجامعة ولازم تقعد معاه
اسلام : ((بحزن )) تمام انا رايح المحاصرة
محمد : خلاص اشطا
اسلام : هتخلصه امتا
محمد : النهاردة هنخلص الساعة ١٢
اسلام : ماشي تخلصه وتستونوني في الكفتريا علشان عايزكم
مي : في حاجة ولا اي
اسلام : لما اجيلكم
((وذهب اسلام واتصل علي شيماء ))
اسلام : إلو
شيماء: الو
اسلام : اي يا بنتي عاملة اي
شيماء : الحمد لله كويسة انت عامل اي
اسلام : بخير مجتيش النهاردة ليه
شيماء : خالي تعبان وكان لازم اقعد جمبه علشان مفيش حد
اسلام : الف سلامة عليه انا استغربت علشان قولتيلي انكِ جاية علي العموم الحمد لله انكٍ كويسة
شيماء : ربنا يخليك تسلم
اسلام : خلي بالك من نفسك
شيماء : حاضر وانت كمان خلي بالك من نفسك
اسلام : حاضر باي
شيماء : باي
((وذهب اسلام الي المحاضرة حتي انتهي من الحاضرات وذهب الي الكفتريا ووجد محمد ومي جالسين ثم جلس ))
اسلام : اووف
مي : في اي
اسلام : محاضرة خانقة الدكاترة مش بتخلص
محمد : معلش دوق شوية، المهم عايزنا في اي بقا
اسلام : بصه اهم حاجة انا هتكلم محدش يتريق ولا يهزر وتاخده الموضوع جد ومش عايز كلام كتير عايزكم تقوليلي اعمل اي
مي : اي دا جد ومن امتا اسلام بيتكلم جد
محمد : لا وكمان نقوله يعمل اي هو انت يا بني من امتا بتاخد راي حد
مي : اه والله غريبة فعلا
اسلام : طب خلصته انا عايزكم تسموعني فعلا علشان انا مش عارف اعمل اي
محمد : طب اتكلم وقول عايز اي
مي : سمعينك
اسلام : بصه انا بقالي فترة متغير يمكن انتوا ملاحظين دا بصحي بدري ومش بكلم بنات لا وكمان بحضر وبذاكر وبعدت عن كل حاجة وحشة كنت بعملها
محمد : اها وشوية شوية هتبقا امام جامع
اسلام : يا بني متعصبنيش
مي : اهداء يا محمد فعلا يا اسلام دي حقيقة واحنا ملاحظين دا بس دا كل ليه
اسلام : بصو انا الصراحة بحب وبحب اووي كمان ومعرفش انا تتعلق ازاي كدا واتخطف كدا ازاي من يوم وليلة وحرفيا لو عدا يوم من غير ما اسمع صوتها انا ممكن يحصلي حاجة بقيت مش عايز حاجة غير ان اشوفها واتكلم معاها عمري ما كنت اعرف طعم الحب غير لما اتعملت معاها وحبتها
مي : اي دا كله اهدا بس
محمد : مين دي وازاي وانا معرفش
اسلام : دي واحدة انتوا عارفنها كويس جدا وملكوش صحاب غيرها ولا هي ليها صحاب غيركم
محمد : لا متقولش مستحيل
مي : اوعاا تقول شيماء
اسلام : اها شيماء اسمعوني اخلص كلامي
محمد : لا سمعينك قول يا روميو
اسلام : انا قبل كدا اتكلمت معاك فاكر لما قولتلك احكيلي عن شيماء
محمد : اها
اسلام : في الوقت دا محمد خوفني فعلا من اني اخد خطوة علشان قالي ان انتي وهو مش هتقبله بكدا ولما سالته قالي علشان طريقتي اللي كنت بتعامل بيها وانا دلوقتي اتغيرت اتغيرت علشان اكون كويس قدامها وعلشان بعد ما عرفتها فعلا هي تستاهل إن الواحد يتغير علشانها
مي : الصراحة انت لو كنت قولت الكلام دا الاول انا كنت رفضت فعلا وزعلت منك وخصوصا انا كنت عارفة تاريخك اللي يشرف بلد
محمد : مي معاها حق انت فعلا دلوقتي بقيت واحد ودلوقتي غير الاول
اسلام : يعني تفتكره لو اعترفتلها بحبي هتوافق
مي : ههههههههههه
اسلام : في اي
محمد : لا طبعا شوية كدا شيماء مش بالسهولة اللي انت فاكرها دي دي اصعب من كدا بكتير
اسلام : اممم انتوا شايفين كدا
مي : الصراحة اها
اسلام : خلاص ماشي المهم متترفش حاجة
مي ومحمد : اتفقنا