(( رواية شيماء والغرام ))
بقلم اسلام محمد
((الفصل الاول ))
الابطال :
اسلام : يبلغ من العمر٢٢عام، يدرس في كلية تجارة، وسيم للغاية ويجعل البنات من جماله تلتفت حوله، وليس لديه اخوات والده والدته توفوا وهو في عمره السادس؛واكمل تعليمه وهو يعيش مع عمه وابن عمه (محمد) وهو بنفس عمره.
اسلام كان شخص ذكي وخفيف الدم ولديه علاقات مع البنات كثيرة جدا.
محمد : يبلغ من العمر ٢٢عام، يحافظ علي لياقته البدنية و قمحاوي اللون، من اسرة متوسطة يعيش مع والده ووالدته واسلام ابن عمه وهم اصحاب جدا واكثر من الأخوات، وهو في كلية آداب قسم علم نفس، مرتبط ب(مي) معه في نفس القسم بيحبوا بعض منذ ثلاث سنوات.
شيماء : عمرها ٢١ لكن في نفس سنة الدراسة، هي في كلية حقوق، تعيش مع خالها و زوجته وبنات خالها، وهو كان شديد المعاملة وكان دائما يميز بناته عنها ويعاملها بقسوة، وكانت تعمل في مكتبة بعد الكلية فهي شخصية تبلغ من الجمال كثيرا وعيونها عسلي وكان طولها مع جسمها متناسق جدا فهي بنت تعشق الهزار وتتميز بخفة الدم و لدغة في حرف الراء وليس لديها اصدقاء سوا مي
مي : يبلغ عمرها ٢٢عام، قصيرة وجميلة وتعيش مع والدها والدتها واخت تبلغ من العمر ١٣سنة، و مستواها فوق المتوسط وهي في كلية آداب قسم علم نفس، ومرتبطة ب(محمد) منذ ثلاث سنوات، و لها اصدقاء وتتميز انها اجتماعية وتحب العلاقات فهي بنت طيبة وذكية.
وسوف نتعرف علي باقي الاشخاص من خلال أحداث الرواية
((وفي الساعة السابعة صباحا وفي منزل عم اسلام يستيقظ اسلام ويدخل الحمام ويأخذ شاور ثم يقف امام المرايا لكي يُكمل ملابسه، ثم يستيقظ محمد ويجد اسلام مستيفظ مبكرا ويقول محمد ))
محمد : اي دا في اي اسلام صاحي بدري
اسلام : هههه ياعم قول صباح الخير الاول
محمد : صباح الخير
اسلام : صباح النور
محمد : اي رايح فين كدا وكمان لابس القميص بتاعي الجديد
اسلام : ياعم وفيها اي مش انا وانت واحد وبعدين ما انت كل يوم بتلبس من هدومي علشان تنزل تقابل البرنسيسة بتاعتك
محمد : طبعا هو انا ليا غيرها
اسلام : يابني انا هموت واعرف انت ازاي بقالك ٣سنين مع بنت واحدة اي مزهقتش لازم تغير
محمد : ازهق اي يا بني يا بني واغير اي انت فاكرها كيلو اوطة
اسلام : لا ياحبيبي مش اوطة دي فاكهة ولازم متحرمش نفسك من الفاكهة دي
محمد : مسيرك يجي اليوم اللي اشوفك فيه واقع والبت مدوخة امك
اسلام : ههههه لا لا مستحيل انا اسيب الفاكهة دي كلها واروح لصنف واحد ليه عبيط
محمد : بكرة نشوف المهم رايح فين
اسلام : رايح اقابل بنت حلوة اووي
محمد : بنت اي دي اللي تصحلها الساعة ٧الصبح
اسلام : لا ما انا مفهمها إني نشيط وواحد مش بيسيب فرض ههههه
محمد : طب ماشي يا عم النشيط اقلع القميص علشان رايح الجامعة والبس حاجة تانية
اسلام : بقا في اخ يقلع اخوه القميص طب والله لو قولت لي مي هتقولك وفيها اي خليه يلبسه براحته
محمد : المفروض بعد الكلمتين دول اسكت صح؟!
اسلام : دا المفروض يعني تخلي عندك دم
محمد : ماشي يا سيدي حاضر سكت
اسلام : جدع شوفلي بقا معاك خمسين جنيه
محمد : ههههه مفيش الكلام دا انا مفلس
اسلام : يلا بقا انا رايح مشوار خلي عندك دم
محمد : والله ممعايا غير ٥٠جنيه ونازل النهاردة انا ومي رايحين مشوار
اسلام : ماشي ياعم المهم سلملي عليها وقولها إني زعلان منها علشان بقالها كتير مش بتسأل عليا
محمد : طب ما تيجي معانا
اسلام : فين اروح المكتبة اقرأ كتابين ولا اروح جمعيه رسالة ههههه
محمد : ياعم لا بجد تعالي انا خارج انا ومي النهاردة رايحين مشوار مع واحدة صاحبتها
اسلام : اي التوهان دا لا مش جاي، ولا اقولك..
محمد : اي
اسلام : هي صحبتها حلوة؟!
محمد : لا كله الا دي انت لو قربت منها مي هتقتلني انا وانت
اسلام : ليه ياعم ملكة ههه
محمد : لا صاحبتها الانتيم
(( ويفتح الباب والد محمد ويقول ))
والد محمد : صباح الخير
اسلام : صباح النور ياعمي
محمد : صباح الخير يا بابا
والد محمد : اي صاحين بدري ليه
محمد : عندي محاضرة الساعة ٩
اسلام : وانا عندي محاضرة الساعة ٨
محمد : محاضرة عن الاخلاق الحميدة
والد محمد : اخلاق حميدة اي دا في تجارة
اسلام : لا ياعمي دا محمد بيحب بهزر دا انا عندي محاضرة محاسبة والمحاضرة دي مهمة جدا
محمد : اها فعلا هو من ناحية محاسبة فا هو بيحسبها
والد محمد : ماشي ربنا معاكم
محمد : فين يابابا مصروف الشهر
والد محمد : بليل بأذن الله تاخدوه
محمد : ماشي يابابا
اسلام : ربنا يخليك ياعمي معلش انا عارف اني متقل عليك
والد محمد : اي يا وااد الهبل دا، انا قولت طول ما انتوا في التعليم مسئولين مني بعد ما تخلصوا كل واحد يشوف مستقبله، وبعدين انت زيك زي محمد بالظبط
اسلام : عارف ياعمي ربنا يخليك
والد محمد : انا هروح بقا البس علشان اروح الشغل ربنا معاكم
((ثم خرج والد محمد وذهب اسلام اللي الجامعة ثم نهض محمد لكي يرتدي ملابسه ويذهب الي الجامعة ))
((استيقظت مي وارتدت ملابسها ثم جاءت لها شيماء لكي يذهبوا الي الجامعة، ودقت شيماء الجرس حتي ذهبت اخت مي وفتحت لها الباب ))
مي : صباح الخير يا بوسي
بوسي : صباح النور يا طنط
شيماء : فين مي
بوسي : جوا بتلبس اتفضلي
((ثم دخلت شيماء غرفت مي وجدتها تضع الميكب ))
شيماء : الله الله ميكب دا شكله فك الحبل وخلاكي تحطي ميكب
مي : ام لسان طويل جت
شيماء : دا انا كيوت
مي : طبعا انتي هتقوليلي
شيماء : يلا علشان المحاضرة هنتاخر
مي : طب شكلي حلو ؟!
شيماء : قمر يا اختي بس تفتكري محمد هيعجبه
مي : اهدي بقا علشان هو اصلا هينكد عليا
شيماء : مدام هينكد عليكي بتحطي ميكب ليه
مي : مش عارفة بس بقيت احس ان شكلي وحش وخايفه يبص لي واحدة تانية
شيماء : محمد يبص لي واحدة تانية ههههه، دا انا ابص لي واحدة تانية ومحمد لا، يا بنتي دا محمد دا فصيلة نادرة دا بيتكسف يبص ليكي
مي : طبعا حبيبي انا وبعدين متتريقيش عليه
شيماء : هو انا اقدر يلا بقا هنتاخر
مي : يلا
(( وذهبت شيماء ومي الي الجامعة ثم ذهبت شيماء لي محاضرة القانون وذهبت مي لكي تقابل محمد ورنت علي محمد لكي تعرف اين يكون ))
مي : الو
محمد : صباح الخير يا قلبي
مي : صباح الخير ياحبيبي،فينك
محمد : انا عشر دقائق وابقا في الجامعة وانتي فين
مي : عند المكتبة مستنياك
محمد : ومروحتيش علي المحاضرة ليه ؟!
مي : الدكاترة اعتذروا
محمد : خلاص ماشي عشر دقائق واكون عندك
مي : ماشي مستنياك
محمد : في امان الله
مي : في رعاية الله
((بعد مرور عشر دقائق وصل محمد اللي المكتبة و وجد مي تجلس امام المكتبة ))
محمد : اي اللي انتي عملاه في وشك دا
مي : ماله يا حبيبي وحش
محمد : زي الزفت انتي عارفة إني مش بحب كدا ومحرج عليكي كذا مرة انك تحطي زفت ميكب حصل ولا لا
مي *بخوف* : اها حصل
محمد : طب روحي الحمام تمسحي اللي عملاه في وشك علشان منكدش عليكي علي الصبح
مي : حاضر بس متزعلش
محمد : طب يلا روحي
مي : حاضر
((ثم ذهبت مي اللي الحمام لكي تمسح الميكب ثم عادت واعتذرت لي محمد وبعد ذلك صعدوا الي المكتبه وجلسوا ليقرأوا الكتب حتي انتهت شيماء من المحاضرات واتصلت علي مي وذهبت لهم وجلست ))
شيماء : اوووف دكتور غلس معندوش دم
مي : في اي
شيماء : رغاي مش عايز يخلص
محمد : يابنتي انتي اللي مش طايقة نفسك هطيقي الدكاترة ازاي
شيماء : ما هما اللي عالم باردة اعملهم اي
محمد : هههه معلش، استحمليهم
شيماء : اي دا مي بصيلي كدا
((ثم نظرت ليها مي وقالت ))
مي : في اي
شيماء : دا انتي مسحتي الميكب ههههه وربنا كنت عارفة، جدع يا محمد راجل ياض انا قولتلك هينكد عليكي مسمعتيش الكلام
محمد : نعمل اي ناس مش بتيجي غير بالعين الحمره، وبعدين هي غبية هي اصلا زي القمر مش محتاجة ميكب
شيماء : دا عبيطة دا عملت كدا علشان خايفة لتبص لي واحدة تانية
((محمد ينظر إلى مي ويقول ))
محمد : غبية انا عيوني متقدرش تروح لي حد تاني غيرها هي مالية عيني
((مي تنظر لي محمد بكسوف وتقول ))
مي : يعني انت شايفني حلوة
محمد : زي القمر
شيماء : طب امشي انا وابعتلكم اتنين لمون وشجرة، ما تنجز ياعم انت وهي عايزين نروح ناكل
محمد : يابنتي يخربيت لسانك اهدي شوية انا مش فاهم امك ازاي استحملتك في بطنها ٩شهور
شيماء : هههه لا ما انا بنت ٧
محمد : حتي امك مستحملتكيش هههههه
((ثم بعد ذلك ذهب شيماء ومي ومحمد الي مطعم لكي يتناولوا الطعام وذهبه الي المطعم وجلسوا وبعد قليل يدخل عليهم اسلام ومعه بنت في غاية الجمال وعلي وجهها براءة الاطفال ثم تقول مي ))
مي : محمد هو مش دا اسلام ابن عمك
محمد : اها هو
مي : ومين البنت اللي معاه دي
محمد : واحدة هو اسلام بيتهد ابدا
مي : طب ما تناديه نغلس عليه شوية
محمد : ماشي بس اعملي حسابك البنت دي هو مفهمها إن هو محترم وبيعرف ربنا
مي : عادي عادي هو جديد عليه التمثيل ههههه
محمد : اسلام اسلام
((ثم ينظر اسلام ويلتفت يجد محمد ))
نهي : مين دا يا اسلام اللي بينادي عليك
اسلام : دا محمد ابن عمي ثواني هسلم عليه
نهي : اتفضل
محمد : يا محاسن الصدف الشيخ اسلام بنفسه في المطعم
اسلام : وحيات ابوك اهدا انا من الصبح قالب علي الشيخ الشعراوي
محمد : عيب عليك
اسلام : مي ازيك عاملة اي والله وحشاني جدا
مي : الحمد لله وانت والله، بس الباشا ميفتكرش إن ليه اخت يسال عليها مش فاضي من البنات اللي معاه
اسلام : انا، دا انا غلبان
مي : طبعا طبعا
((وينظر اسلام ويجد شيماء ثم يميل علي محمد ومي ويقول ))
اسلام : مين النكدية اللي معاكم دي
محمد : هشششش اعرفك ياسيدي شيماء صحبت مي الروح بي الروح
اسلام : اهلا وسهلا
شيماء *بتناكة* : اهلا
اسلام "بصوت واطي " : اي ياعم التناكة دي
محمد : بقوللك اي متجيب البنت دي واقعد معانا
اسلام : بس محدش يبوظ حاجة
محمد : عيب عليك
اسلام : يبقا ربنا يستر ثواني
((ذهب اسلام الي نهي وقال لها ))
اسلام : بقولك تعالي اعرفك عليهم ونقعد معاهم شوية
نهي : تمام ماشي
((ذهب اسلام ونهي وقدم نهي ))
اسلام "يشير إلي محمد " : دا محمد ابن عمي وفي مكان اخويا بالظبط
نهي : اهلا وسهلا
محمد : اهلا بيكي
اسلام "يشير إلي مي " : ودي بقا اختي وحبيبت محمد في مقام خطيبته
نهي : اهلا وسهلا
مي : اهلا بيكي يا قلبي، والله بجد انا فرحت إن اسلام ارتبط مصدقتش نفسي، اصل اسلام من النوع اللي يعرف ربنا اووي وملهوش في المشي ولا كدا ولا كدا
نهي : اها طبعا، ياريت فعلا الرجاله كلها تكون زي اسلام
شيماء بصوت واطي : كانت البلد باظت
نهي : افندم
شيماء : لا سلامتك
محمد : اتفضلوا اقعدوا
((ثم جلسوا يتحدثوا وطلبوا الطعام، وكانت مي و محمد يتحدثون عن اسلام واحترامه ويمدحون فيه، ونهي كانت في قمة السعادة بما تسمعه عن اسلام من اخلاق عاليه وإخلاص، ثم بعد وقت من الحديث والكلام دخل المطعم دنيا وصديقتها وهي كانت تبلغ من العمر ٣٢عام وذهبت البنت الي اسلام وقالت ))
دنيا : اسلام
((ثم يلتفت اسلام لي الخلف ويجد دنيا ويتوتر ويقول ))
اسلام : نعم
دنيا : ازيك يا سمسم عامل اي
اسلام : الحمد لله يا استاذة دنيا
دنيا : استاذة اي!!؟ انت وحشني اووي بقاللك كتير مش بتجيلي البيت انا زعلانة منك
((ثم تسمع نهي الحديث وتبكي ثم تنهض وانصرفت عن المكان ثم يقول اسلام ))
اسلام : الله يخربيتك بيت اي،، اوعي
((اسلام يجري مسرعا نحو نهي ومحمد ومي وشيماء يضحكوا ))