رواية اليتيمه
الفصل السادس
بقلم حنين الماضي
في ڤيلا حسام ....
استيقظت ساره بعد ما حدث أمس ...ولكن ما تعجب له حسام أنها هادئه صامته .. .وكان يتوقع أن تصرخ وتثور كأول مره ....
ولكن ظلو الاثنين ينظرون لبعض في صمت
حسام يتعجب
وساره كأنها في عالم اخر ..
وفجأه قام حسام وبدل ملابسه وترك الغرفه دون اي كلمه ولكن كان يكتم غضبه ولا يعلم ماسبب شعوره بكل ذالك الغضب ...
أما ساره فقد كان عقلها متوقف تماما عن التفكير ...لا تفكر في شئ...لا تتذكر شئ...كل ما تشعر به هو انكسار وحزن عميق ...حتي وجع جسدها لا تشعر به.....
حسام : صباح الخير يا ماما ...
فردوس : صباح الخير ...
جلس حسام ولاحظت فردوس ما يبدو علي وجهه من غضب والطريقة التي كان يدخن بها السجائر أيضا ......لم ترد أن تسأله ...لأنها تعلم جيدا أن هذه الحاله بسبب ساره وأنه حدث شئ بينهم ....
في نفس الوقت دخلت شهيره ...
شهيره : صباح الخير ...
حسام لم يرد ...
فردوس : صباح النور ...
شهيره : رامي اتصل بيا وهو جاي دلوقتي عشان يوصلني للبيوتي سنتر ....
فردوس : تمام ...
جلست شهيره بجوار فردوس ولاحظت أيضا حالة حسام .....
شهيره تهمس ل فردوس
- هو حسام ماله يا ماما ...
فردوس : مش عارفه ..بس اكيد بسبب اللي فوق دي ....
شهيره : ربنا يكون ف عونها ....
رامي : صباح الخير يا جماعه
فردوس وشهيره : صباح الخير
رامي لشهيره
- يله بينا عشان نلحق معادنا احنا يا شوشو ....بعد إذنك طبعا يا طنط...
فردوس : اه طبعا يا رامي ...بس مش هتفطروا الاول ...
رامي : لا انا عازم شوشو علي الفطار بره ...
فردوس : ماشي ....
شهيره : تمام يا ماما انا هخلص علي 7 باليل زي م انتي عارفه وبعد كدا هنروح ع الڤوتو سيشن. .....
فردوس : تمام ...احنا هنكون هنا مع المعازيم ....وحسام وخالد ورامي ..هيكون معاكي طبعا ....
مني : وانا كمان هجيلك علي هناك زي م اتفقنا ....صباح الخير يا جماعه
حسام : مني !!
مني : صباح الخير يا حبيبي ...وحشتني اوي .....
حسام : صباح الخير
فردوس : حمدالله علي السلامه ...
مني : الله يسلمك يا طنط ...السواق جبني ...وبابا هيجي علي ميعاد الحفله بليل .....
فردوس : تمام ...
رامي يهمس ل شهيره
- شكلها لسه معرفتش ان حسام اتجوز
شهيره : لا ويله بينا قبل م الدنيا تولع ....
رامي : ربنا يعدي اليوم دا علي خير ....
شهيره : يارب ...ربنا يستر ...
رامي : طيب هنمشي احنا بقا عشان نلحق وقتنا ....
فردوس : تمام ....ولو في اي حاجه ..اتصلوا بيا ....
شهيره : تمام يا ماما ....سلام .....
جلست مني بجوار حسام
- مالك يا حسام ...
حسام : مفيش ...
مني : مفيش ازاي شكلك مش تمام خالص ...
حسام : يووووه قولتلك مفيش .....
فردوس : خلاص بقا ي مني ...تلقيه مشغول بس عشان النهارده انتي عارفه . ..في ناس مهمين جيين الفرح النهارده ...واكيد حسام عايز كل حاجه علي اكمل وجه ....
مني : إن شاء الله كل حاجه هتكون تمام ....
قام حسام واقفا مكانه بغضب
- لا مش تمام ...
قامت مني وفردوس أيضا ...
فردوس : حسااام ...مش وقته ...
مني : هو اي اللي مش وقته ...هو في ايه ....فيه اي يا حسام ...انا حاسه انه في حاجه مش طبيعيه ....
********************************************
في مستشفي زين ....
عمر : انت ملكش دعوه بالحسابات ولا اي فلوس داخله أو خارجه من المستشفي ...
يوسف : اهدي يا زين ...اكيد الخناق مش هو الحل للموضوع دا ...
زين : ازايي يعني ...انا بقولك في تلاعب في حسابات المستشفي وفي حاجات غريبه اصلا بتحصل بقالها فتره وانا مش فاهمها ...
عمر : يوووووه ...مش عارف انت شاغل بالك ليه ...خليك ف شغلك يا عم ...لما تلاقي تقصير ف اللي يخصك ابقي اتكلم ...
زين : اسمع يا عمر ....المستشفي دي مش بتعتك لوحدك ....بتاعتنا كلنا ....وابويا الله يرحمه تعب فيها كتير ...وانا مش ممكن مهما حصل اضيع تعب ابويا ابدا ....وانا كلامي مش معاك اصلا ....كلامي مع عمي لما يرجع من المؤتمر ف امريكا ...
عمر : يوووه انت حر بقا اعمل اللي تعمله ...
زين : تمام ...خلصت ...
ثم خرج زين من مكتب ابن عمه عمر وهو في غاية العصبيه وخرج خلفه يوسف ....وذهب زين الي مكتبه ...وجلس بغضب ممزوج بحزن علي كرسيه ...
يوسف : روق بقا ...واستني لما عمك يرجع من امريكا وابقي اتكلم معاه ...
زين : عمر هيودينا كلنا ف ستين داهيه ...ومش هيرتاح غير لما يبقي خراب المستشفي دي علي ايده ...وانا مهما حصل مش ممكن اسكت علي كدا ابدا .....
يوسف : عندك حق وانا معاك .....
***********************************************
حسام : انا هقولك ف ايه ....انا اتجوزت .............
جلست مني مكانها بصدمه كبيره
- ايه ؟!!!!!
حسام : اتجوزت ....بصراحه كدا عايزه اخلف عايز يبقالي اولاد ...وانتي مش بتخلفي ...اعمل ايه ...واظن أن دا من حقي ....
مني : حقك !! وانا . ..مفكرتش فيا .....انا طول عمري عيشه معاك ف عذاب وتجاهل وإهمال ...واقول عادي ...اكيد شغله معصبه أو عنده مشاكل . ..كل زوجين بيحصل بينهم كدا واكتر ...واستحمل واسكت .....وانت ....انت ف الأخر تتجوز عليا ....ليه ...قصرت معاك ف ايه .....
فردوس : اهدي يا مني ...ومتنسيش ان حسام راجل زي اي راجل ...نفسه يخلف ويكون ليه اولاد ...اومال كل دا هيروح لمين ....
مني : موضوع الخلفه دا مش بإيدي ....وتفتكر يا حسام لو انت اللي مكاني ....لو انت اللي مش بتخلف كنت هعمل زيك ..
حسام : مش مشكلتي ...انا معملتش حاجه غلط ...انا اتجوزت ....عايزه تكملي علي كدا براحتك ...مش عايزه بردو براحتك ....
مني : عندك حق ...انت اصلا عمرك م حبيتني ...انا اللي كنت عايشه ف وهم ...كنت فاكره انك ممكن تتغير وتحبني ....بس انت فعلا طلعت مش بتحب غير نفسك وبس ....ليه مقولتليش ....ليه أديت لنفسك الحريه ...ومنعتها مني ....
حسام : انا حر .....
مني : طيب كنت استني لما ارجع ...كنت قولي علي الاقل واديني حرية الاختيار ...اني اكمل او لا ......مش تخطط وتنفذ وكل دا وانا عند بابا معرفش حاجه ...ولما ارجع بيتي ولجوزي القي متجوز .....ليه عملت فيا كدا ليه ...حرام عليك عمري ما هسمحك ابدا ....
حسام : انتي حره ...واللي عندي قولته ....
جلست مني في مكانها مصدومه حزينه ....وقلبها يشتعل نارا
نعم ...من حقه أن يتزوج . ..ولكن ليست بهذه الطريقة ...كان يجب أن يخبرها اولا ....هو بفعلته تلك أوضح لها انها لا تهمه في شئ ولا تعني له شئ بل كانت شئ عاديا في حياته مثل أي شئ من اشيائه .....وقلبها يشتعل أكثر واكثر .....قررت في نفسها أن تطلب الطلاق ...ولكن لابد أن انتقم منه اولا .....والأهم كانت تريد أن تعرف من هي التي تزوجها حسام ....
مني : كل يوم كان ناس تبعتلي رسايل وبنات تتصل بيا ....جوزك بيخونك ...جوزك هيتجوز عليكي ...ويبعتولي عناوين ويقولولي روحي شوفي جوزك وهو بيخونك ...وانا اكدب نفسي واكدبهم ...وقول لا دول اكيد ناس اعداء ليه عايزين يعملوا مشاكل وخلاص .....كان باين من معملتك ليا ....وبردو كدبت نفسي ....عديت كتير واستحملت اكتر ....اتاريني كنت بكدب علي نفسي كنت معيشه نفسي ف وهم ..... والحقيقه هي اللي قدامي دلوقت .....اكيد طبعا اتجوزت واحده من البنات دي ...صح ؟؟ ايوا فعلا هما دول اللي شبهك ....هما دول اللي ينفعولك ....وبكره تدوق من نفس الكاس اللي دوقتني منه....
حسام : ريحي نفسك ...مش من البنات دي ...البنات دي للعلب والتسليه وبس
مني : كمان !! اومال اتجوزت مين يا حسام ...
حسام : ساره
مني بصدمه اكبر
- ساره !!!!!! ازاي دا حصل ...اكيد انت غصبت عليها ...ساره عمرها م تعمل كدا ابدا
حسام : وعمرها ليه هي كانت تتمني واحد زيي ...
ساره : للاسف يا حسام باشا هي دي الحقيقه ساره عمرها م تبص ل فلوسك ابدا ...اكيد انت غصبت عليها ...
حسام : ملكيش دعوه ....واخر كلام هقولهولك .....عجبك العيشه كدا اهلا وسهلا مش عجبك ف ستين داهيه ....
ثم تركهم حسام وخرج .....
وكان العمال في حديقة الڤيلا يقومون بالتجهيزات
خرج حسام ووقف ف الحديقه ...يتابع العمال ....
_اي رأيك يا حسام بيه ف التحضيرات لو عندك اي ملاحظه ممكن تتفضل اقولها طبعا ...أو راي حضرتك ف الالوان والورد والإضاءة ...الكوشه ...وشكل الكراسي ...والديكور ....
حسام : انتي مين ؟
نيهال : انا نيهال كريم مصممة ديكورات افراح ....
حسام : تمام ...كله تمام ....
فردوس : اسمعي يا مني ..الاحسن ليكي ...أن تسكتي وتقبلي بالأمر الواقع ....لو عايزه تكملي مع حسام ...لازم تتقبلي جوازه من ساره ....
مني : عندك حق .....
قالتها مني وهو غير مقتنعه ولكن علمت أن أي جدال أو كلام ليس منه فائده ...ولكن كل م كان يشغل بالك ...أن انتقم من حسام علي م فعله بها ......
ذهبت مني لغرفتها ...واعتقدت فردوس أنها رضيت بالأمر الواقع لان ليس أمامها سوي ذالك .....
ومضي الوقت وامتلاء البيت بالضيوف ....واقتربت الساعه ع السابعه ....واقترب موعود وصول شهيره ورامي .....
وبعد فتره من الوقت ...وصل رامي وشهيره وبدء الحفل ......
وكان حسام وفردوس وخالد مشغولون بالضيوف وب حفل الزفاف ....
كانت مني جالسه بين الضيوف وتمثل بأنها بخير ...حتي اقتنع حسام وفردوس أنها قبلت بالأمر الواقع ...أو أنها لا تريد أية مشاكل اليوم .....
وبينما كان حسام ملتهي ومشغول بالضيوف .....استنهزت مني الفرصه ....وصعدت سريعا لغرفة ساره ......
دخلت مني ...وعندما رأت ساره في حالتها تلك يملأئها الحزن والانكسار والدموع تنهمر علي وجهها المتورم وملابسها التي ترتديها الممزقه ...وجسدها المليئ بالكدمات والعلامات الزرقاء ....والجروح أيضا .....علمت كيف تزوجها حسام....
فجلست مني علي طرف الفراش تنظر الي الأرض بحزن ودموع علي حالها وحال تلك المسكينه ...والكره يملاء قلبها ل حسام .....
مني : مش عارفه اقولك ايه ... ..يمكن انا وانتي حظنا زي بعض .....قدرنا قرر يجمعنا بإنسان اناني مغرور مش بيحب غير نفسه....انا ضيعت عمري وحياتي معاه ....وانتي زي المحكومين عليهم بالاعدام ......انا عارفه انك ملقتيش اللي يساعدك ...وان الحيوان اللي اسمه حسام عارف دا كويس واستغل ضعفك وضعف عمك وطمع فيكي ....خصوصا اني عارفه هو كان بعاملك ازاي ...وكام مره جيتي اشتكيتي ليا منه....وانك بتكرهيه ...عشان كدا مصدقتش انك وافقتي علي الجواز منه...وشكلك دا ...اكدلي كلامي ....
ساره : وبعدين ......
مني : قصدك ايه ...
ساره : قصدي أن انا وانتي عارفين كل حاجه ....بس لانا هقدر اساعدك ولا انتي هتقدري تساعديني ...دا قدرنا ....حسام بالنسبالي كره وموت ....يعني الكره والموت قدري ....قدري أن أعيش طول عمري كره نفسي وجسمي وكل اللي حواليا حتي انتي ...كنت بحبك زي اختي ....بس دلوقتي ...بكرهك عشان فيكي ريحة حسام .....قدري أن أعيش ميته وانا علي قيد الحياه ...لاني عايشه معاه .....مقدرش اعمل حاجه ....مش عشاني ...عشان عمي ...
مني : لا ياساره لا ....صحيح ممكن يكون حظنا شبه بعض ...والقدر جمعنا انا وانتي بحسام ....بس انا مش هسيبك تضيعي زي م انا ضعت ....ولازم اشوف حسام قلبه محروق عليكي ....مش عشان بيحبك ...دا واحد مبيعرفش يحب غير نفسه .....بس عشان ضيعتي منه..روحتي من بين ايده...
ساره : مش فاهمه ...تقصدي ايه ..
مني : انا ههربك ...هاسعدك تخلصي من حسام ...وتهربي من حياته...
ساره : لا ...مش هينفع ...هيعرف يلاقيني ...وانتي مش هيسيبك لو عرف انك ساعدتني علي الهرب ....ممكن يقتلك ...ويقتل عمي ...وبردو هيلاقيني ....مش هينفع
مني : اسكتي ...فكري ف نفسك ...وعمك انا مش هسيبه ...وحسام آخره هيطلقني وهيطردني ....وانتي لازم تهربي ...بعيد ....اهربي ...يا ساره ...انقذي نفسك من حسام ..ومن الجحيم اللي هيعيشك فيه طول عمرك ....وصدقيني لو سألني عمك هيقولك نفس الكلام اللي بقولهولك ....اسمعي ...دي الفرصه الوحيده ...كلهم مشغولين ف الفرح ....دي فرصتك يا ساره ....تعالي معايا ههربك من الباب اللي وري ...
قامت ساره بسرعه مع مني ...وخرجوا من الغرفه وذهبوا للسلم الخلفي ....سلم الخدم ...وهبطوا الي الاسفل ....ووصلوا الي الباب الخلفي ....ولكن وجدوا اخد الحراس علي الباب ....
مني : متقلقيش ...انا هتصرف ...
خرجت مني من الباب ..وتخبت ساره خلف الباب ...
الحارس : في حاجه يا هانم
مني : ااه ....يوسف باشا ....كنت عايزه يوسف باشا ضروري ..متعرفش هو فين
الحارس : لا بس اكيد هيكون ف الفرح ..الناحيه التانيه ...
مني : مش هناك ...افتكرتوا بيتكلم ف الفون هنا ....طيب ممكن تدورلي عليه ...
الحارس : طيب هروح اشوفه ف الفرح ....
مني : وانا هستناكو هنا ...
الحارس : تحت امرك يا فندم ....
ذهب الحارس ...
مني : اخرجي يا ساره ...اهربي ...متخليش حد يشوفك ...
ساره ؛ انا خايفه ...
مني تمسك علي يد ساره بقوه ...
_انقذي حياتك يا ساره ...اوعي تستسلمي ...اوعي ...اهربي ..
اهربي ...بعيد ......