بناتي حياتي الحلقه التانيه
ويبص سليم وراه يلقي بنت جميله بتبص عليهم وهي اتفاجأة لما شافت سليم وقف قدمها مع اخوها فبتسمت برقه وسليم تنح ومش مصدق ان دي اميره البنت الصغيره
( تعالو اعرفكم علي اميره هي بنت جميله وطيبه اوي وبرىئه عندها 23 سنه بيضه شعرها قصير بني وعنيها وسعه ولونها بني عيشه مع عماد اخوها وهبه مراته واولادهم بعد موت بابها ومامتها عيشين كلهم في بيت اهل اميره في شقه صغيره تعرف سليم من لما كان بيجي يذاكر مع اخوها في ثانوي وكانت هي في ابتدائي ولما وصلت لسن المراهقه كان سليم هو فارس احلامها بغمزاته طبعا ) اميره بقيت مش مصدقه ان سليم وقف قدمها وهو بقي مستغرب ان البنت القدمه هي ميرا البنت الصغيره
سليم بستغراب يبص لعماد : متقولش دي ميرا مش ممكن دا احنا عجزنا بقي علي كده
عماد بضحك : اتكلم عن نفسك ياض انا لسه شباب
اميره ببتسامه : ازيك يا سليم حمدالله علي السلامه
سليم بضحكه عاليه : لا وبقيت سليم من غير ابيه اختك كبيرت ويوم ما بتكبر تكبر عليه عجبك كده
عماد بضحك : دي كبرت عليه قبلك يابني وبقيت عمده مش عماد كمان
سليم وهو بيبص لاميره : ازيك يا ميرا وال قول يا بشمهندسه اميره
اميره ببتسامه رقيقه وكسوف : الحمد الله بخير وبعدين انا يوم ما هبقي مهندسه مش هكون كده علي استاذي
سليم ببتسامه : كبيرتي ياميرا وبقيتي عروسه وزي القمر
عماد يخبطه علي كتفه بهزار : انت هتعاكسها قدمي وال ايه ياض اتلم
اميره تكثف جدا من كلام سليم وتحس ان قلبها هيخرج من مكانه
اميره بكسوف : عن ازنكم هروح انا عشان عندي شغل ( وتبص لسليم بحب) حمدالله علي سلمتك وخلينا نشوفك يا سليم
وتمشي بسرعه من قدمهم قبل ما حد يسمع دقات قلبها
عماد : هاااا قولي جي اجازه وال رجعت مصر علي طول
سليم : لا نزل اجازه وصغيره همشي الاسبوع الجاي جيت اخد مروه اختي عشان تعيش معنا هناك فقولت اجي اشوفكم واسلم عليكم صحيح فين محمد واسلام واحمد
عماد : محمد جوه في مكتبه و اسلام عنده شغل بره واحمد لسه مجاش
سليم ببتسامه : طيب هدخل اسلم علي محمد واجيلك تاني
عماد : اعمل حسابك هتتغدا عندي النهارده
سليم يبصله وهو بيمشي : تمام بس قول لهبه عاوز سمك من بتاع زمان
عماد ببتسامه : هبلغها وهستناك نروح سوا
ونروح عند لين ورامي ال بيتمشو علي البحر ومسكين ايد بعض
لين بضحك : قولنا نسبلهم البيت ونخرج مش نسبلهم القاهره كلها ونجي السخنه
رامي ببتسامه : انا عاوز اهرب بيكي من الدنيا كلها ونروح كوكب لوحدينا( ويقف قدمها ويبعد شعرها عن عنيها) وبعدين كنت حبب نيجي عند البحر اصل انا بعشق البحر عشان زيك بظبط
لين بستغراب : انا زي البحر ا زي بقي
رامي ببتسامه يلف ايده علي وسطها ويقربها منه وهي تحط ايدها علي صدره وتبتسم ليه بحب وهو بصص لعينها ويغني ليها
رامي بيغني :انا بعشق البحر زيك يا حبيبي حنون
وساعات زيك مجنون ومهاجر ومسافر
وساعات زيك حيران وساعات زيك زعلان
وساعات مليان بالصبر انا بعشق البحر
ا ( ويبوسها برقه ويرجع يبصلها) الاغنيه دي دايما بتفكرني بيكي بحسها بتوصفك انت زي البحر و انا بعشق البحر وبغرق جوه وبدوب بين امواجه زي حالي معكي بعشقك بكل حالاتك انتي البحر والسما والارض ال بعيش عليها انتي كل حاجه ليه ياحبيبتي انت حلمي وحب طفولتي انتي امي واختي وحبيبتي ومراتي وبنتي انتي كل الناس ال ليه يالين
لين عينها تدمع وتبتسم وتحط راسها علي صدره : وانت عوض ربنا ليه يا رامي ربنا عوضني بيك عن كل العيشته انت رجعتلي ثقتي في نفسي وفي الدنيا والناس خليتني احس ان انا ممكن اعمل ايه حاجه ووصل لاي مكان وانجح فيه طول ما انا معك وجمبك ( وتبصله بحب) انا مكنتش اعرف ان ربنا بيحبني اوي كده عشان يبعتك ليه ويخليك تحبني ومتفقدش الامل ابدا اني احبك وكون ليك وتفضل مستنيني لحد ما الغشاوه تتشال من علي عنيه وشوف الحب الحقيقي ربنا يقدرني يا حبيبي وقدر اسعدك وعوضك عن اي حزن انا سببته ليك في يوم من الايام
رامي يبوس جبينها ويقعد ويقعدها جمبه علي الرمل
رامي بحب وابتسامه : انا اتمنيتك من ربنا يا لين كنت دايما بدعي ربنا انك تحبيني وتكوني ليه حتي بعد النصيب ما فرق بنا فضلتي انتي امنيتي من ربنا مكنتش عارف اتمني وال ادعي ب حاجه غير ان ربنا يكتبك من نصيبي لحد ما ربنا رضي عني و رجعك ليه وحقق امنيتي الحمد الله انتي حب حياتي يا لين بحبك من اول ما عرفت يعني ايه حب ويعني ايه مشاعر عمري ما تمنت غير اني اشوفك سعيده ومبسوطه ومحققه كل احلامك ( ويبصلها) لين انا عاوزك دايما وثقه فيه وفي حبي ليك اوعي في يوم حد او حاجه تفرق بنا عاوز اي حاجه تحسيها او تقلقك تيجي في حضني وتحكيها حتي لو في يوم زعلتي مني في اي حاجه تعالي اشكيلي انا مني وانا هحميكي حتي من نفسي اوعي في يوم تفكري تبعدي عني او تسبيني ابدا انا مليش وجود في الدنيا من غيرك يالين
لين تحط ايدها علي وشه بحب :انا عمري ما هبعد عنك او اخسرك تاني ابدا يا رامي انا ما صدقت اني لقيت الحب الحقيقي الحب ال كنت دايما بتمنا وبحلم بيه الحب الكان طول الوقت قدمي وجمبي وانا ال كنت غبيه ( وتسكت) بس يارامي انا ( وتبص علي الارض بحزن فرامي يرفع وشها تاني بايده)
رامي بقلق : بس ايه يا حبيبتي كملي
لين وهي بصه جوه عنيه : خايفه اكون بظلمك معايه خايفه مقدرش اجيب اولاد واحرمك منهم خايفه انك تندم في يوم انك اتجوزتني وضحيت بانك تكون اب وتبعد عني
رامي ياخدها في حضنه اوي : اوعي تخافي ابدا او تفكري كده يالين انا عمري ما هندم وال هبعد عنك حتي لو مش مكتوب لينا يكون لينا اولاد انا اكتفيت بيك من الدنيا انا عمري ما تخيلت ان ممكن يكون ليه اولاد من حد تاني غيرك انا لو هيبقي ليه اولاد لازم يكونه منك انتي مش من اي حد تاني و انا وثق في ربنا اوي يا حبيبتي وعارف انه زي ما رجعك ليه هيعوضك وهيدينا الطفل ال بتتمنيه ( ويحط ايده علي وشها ) انا وثق ان ربنا هيرضينا بس حتي لو ربنا مكتبش ان يكون لينا اطفال ففي اطفال كتير اوي محتاجينا و انا بحلم اكون انا وانتي جيران النبي في الجنه فعاوز نكفل انا وانتي اطفال كتير احنا الحمد الله ربنا رزقنا ومدينا رزق كبير وكتير اوي يا حبيبتي تعالي انا وانتي نمسك ايد بعض للجنه ونكفل اطفال ونعوضهم عن ال اتحرمه منه ونبقي ليهم اب وام انا طول عمري بحلم نبني فيلا كبير نجمع فيه للاطفال الايتام وانا وانتي نكون مسؤلين عنهم ونبقي ليهم اب وام ونعوضهم عن ال اتحرمه منه دا حلمي من زمان اوي من اول ما حبيتك كنت دايما بحلم اني هعمله انا وانتي سوا و هرجع واقولك برده اني وثق في ربنا اوي وعارف انه هيديك الطفل ال بتتمنيه وهيبقي عندنا اطفال كتير اوي اطفال هنكفلهم وهيبقي ولادنا واطفال منك هتجبيهم يملي بيتنا وحياتنا
لين بفرحه كبيره وابتسامه : الله يارامي دا حلم حلو اوي انا موفقه جدا ولازم نحقققه وانا ال هصمم الفيلا دي وهعملها احلي تصميم ونجيب كل الاطفال ال هيعقده معنا فيها ( وتبصله بفرحه زي الاطفال) انا هبداء في تصميمها وهتبقي احلي فيلا في الدنيا
رامي بفرحه انه اقدر يرجعلها فرحتها وانها وفقت علي مشروعه الخيري : وانا هبداء ادور علي الارض وهخلي امير يبنيها وهخلص كل الاجرات المطلوبه علي ما انتي تكوني خلصتي شغلك في دبي وتيجي تكملي تصميمها ونجيب الاطفال سوا انا وانتي
لين بحب وفرحه : انت جميل اوي يارامي وانا بحبك اووووي ياقلبي ( وتحضنه اوي بحب وفرحه)
رامي بضحك : اظن بقي استحق انك تنامي في حضني من النهارده
لين تضحك اوي وتبصله : برده لا مش قبل الجوز يا حياتي
رامي يبصله وهو بيتصنع الزعل زي الاطفال فهي تضحك اوي وتبوسه في خده
ونسيبهم في دنيتهم وسعدتهم ونرجع نشوف سليم
سليم قعد في المكتب مع محمد بيتكلمه
محمد : بس برافو عليك يا سليم حققت حلمك ونجحت
سليم ببتسامه : كفايه ال خسرته زمان يا محمد كان لازم انجح في شغلي وحقق نفسي
محمد : ربنا يوفقك وتفضل تحقق كل احلامك
سليم بتنهيده : يارب يا محمد قولي انتم عملين ايه واخبار الشغل والشركه وفين اسلام واحمد
محمد : الشركه تمام الحمد الله وبتكبر كل يوم عن القبله و اسلام عنده شغل بره واحمد في القاهره كلمني من شويه وقالي انه جي في الطريق
سليم باهتمام : في القاهره ليه
محمد : مهو نقل بيته وبقي ساكن في القاهره في الفيلا مع حماه وحماته و احنا بنفتح فرع جديد لشركه في القاهره وهو هيمسكه
سليم ببتسامه : الف مبروك حلو انكم بتوسعه الشغل ( ويبصله باهتمام) بس اول مره اعرف ان احمد ساب المنصوره ورح يعيش في القاهره ساكن فين هناك
محمد يبصله اوي : بتسال ليه يا سليم
سليم : عادي ياعم بسال مالك كده
محمد : انا فهمك يا صاحبي ومجيك في الوقت دا بعد السنين دي كلها مش صدفه بلاش ياسليم كفايه الحصل زمان وانسي وعيش حياتك وسيبها تعيش حياتها
سليم بضيق : لين ليه انا وبس يا محمد مش هتكون لغيري
محمد بستغراب : ليك ازي لين اتجوزت خلاص ياسليم سيبها تعيش حياتها وانت كمان عيش حياتك ودور علي بنت الحلال
سليم بغضب : هم انخطبه وبس ولين مستحيل هتقدر تكون مع غيري هي وفقت ينكتب كتابها عيند فيا بعد ما اتقبلنا في دبي بديقني وتغظني بس عمرها ما هتكمل الجوزه دي لانها بتحبني ومش هتقبل تكون مع غيري
محمد ينفخ بضيق : متوهمش نفسك يا سليم لين نسيتك واختارت تكمل حياتها مع حد تاني فانسي انت كمان وابعد عن حياتها كفايه الحصل زمان وكمل حياتك انت كمان واختار بنت الحلال
سليم يقوم يقف : متشغلش بالك بيا يا محمد يلا يا صاحبي انا همشي سلام
محمد وهو بيقف قدمه : طيب قعد متزعلش انت لسه جي ملحقناش نعقد سوا هتمشي تروح فين
سليم ببتسامه : مزعلتش يا محمد بس الاجازه قصيره وعندي حاجات كتير اخلصها هبقي اكلمك تاني وشوفك انت واسلام ونتقابل بره
ويمشي سليم بس وهو خارج قابل احمد داخل مكتب محمد
احمد بستغرب : سليم ! حمدالله علي السلامه انت رجعت امتي
سليم ببتسامه وهو بيسلام عليه : رجعت امبارح وحشني ياحمد وازي يوسف وسيلا
احمد : بخير الحمد الله انت اخبارك ايه ورجع علي طول وال مسافر تاني
سليم : مسافر الاسبوع الجاي عندي شغل في دبي
احمد : ربنا يوفقك طيب ما تدخل تعقد شويه ريح فين
سليم : انا هنا بقالي كتير جيت اشوفكم بس هنتقابل تاني اكيد يلا سلام ( ويمشي خطوتين ويلف ليه) اااه احمد صحيح ابقي قول للين سليم بيقولك مبروك
ويمشي واحمد يدخل مكتب محمد وهو مضايق
احمد بضيق : كان عاوز ايه دا
محمد : هو بيقول جي يسلام بس تقريبا كده كان جي عاوز يعرف عنوانك في القاهره
احمد بخضه : اوعي تكون قولتله
محمد : لا طبعا مقولتش بس شكله حطط لين لسه في دماغه ورجع عشانها
احمد بغضب : يعني ايه حطيطها في دماغه عاوز منها ايه تاني
محمد : اهدي ياحمد اكيد مش هيعمل حاجه و هو اسبوع ومسافر تاني
احمد : ما لين كمان مسافره وريحه دبي وانت بتقول حطيتها في دماغه يعني مش هيسبها في حالها بس والله لو عملها حاجه تاني او اقرب منها ما حد هيقفله غيري احنا ما صدقنا رجعت لحياتها يسبها في حالها بقي
محمد : ربنا يهديه ياحمد المهم قول ل سيلا انه هنا احسن يعرف عنونهم باي طريق تاني ويرحلهم خليها تاخد بالها
احمد يقوم يقف : انا هروح اكلمها
وفي فندق القاهر والاء بتلبس ولادها الاتنين اتفتح باب الجناح ودخل عدي
الاء بقلق : كنت فين يا عدي قلقتيني عليك
عدي يرمي نفسه علي السرير بتعب : اديني رجعت وتعبان سبيني بقي انام
الاء بضيق : يعني انت طول اليل بره وانا قلقانه عليك ومش عاوز تطمني بكلمه وال تقولي كنت فين وكمان رجع عاوز تنام طيب قوم اخرج معايه انا والولاد احنا في اجازه ولما بنرجع الكويت مش بنشوفك خالص ( وتقرب تعقد جمبه وتحط ايدها علي كتفه ) يلا قوم عاوزين نخرج معك وطلال وشوشو وصافي ويزيد مستنينا تحت قوم اجهز وننزل سوا انا وانت والولاد دول مبسوطين اوي انهم هيتفسحو وهيفرحه اوي لو خرجه معك
عدي يديها ظهره : خديهم انتي و اخرجي معهم انا هنام
الاء بغضب وصوة عالي تقوم تقف : حرام عليك يا عدي دي مش عيشه اهتم بيه انا وولادك شويه انت علي طول سيبنا لوحدينا
عدي يقوم يقف ويبصلها بغضب : صوتك ميعالش فهمه وبعدين عاوزه ايه مني انتي مش معكي فلوس وخرجه مع صحباتك وانا سيبك برحتك و لا بقولك اخرجي وال متخرجيش وسيبك تروحي تيجي علي مزاجك و زي ما انتي عاوزه عاوزه مني ايه تاني واحده غيرك تحمد ربنا جوزها سيبها براحتها تعمل الهي عاوزه ومعها فلوس بتصرف زي ما هي عاوزه لكن انتي واحده غاويه نكد وقرف
الاء بدموع :نكد! لا يا عدي انا لا غاويه نكد وال عاوزه اتخانق انا مش عاوزه كل دا انا عاوزك انت يا عدي مش عاوزه فلوس وال عاوزه اخرج ورح واجي لوحدي انا وولادي من غيرك انا عاوزه اكون معك وجمبك اقعد معك ونربي ولادنا سوا انا وانت انا مش عاوزه غيرك انت عدي
عدي بضيق : بقولك ايه انا مش عاوز وجع دماغ وسبيني انام وشوفي انتي رحه فين
ورجع ينام تاني والاء بصتله بحزن ودموع بس لقيت حد بيشد ايدها بصت ليقت ابنها حمد عنده تلات سنين
حمد بفرحه : يلا نروح ملاهي مامي
الاء تمسح دموعها وتبتسم : يلا حبيبي نادي اخوك
ومشي حمد ينادي طلال وبصت الاء علي عدي بصه اخيره كلهم حزن وألم واخدت شنطتها وولادها ونزلت لقيت الكل مستنيها تحت في الرسيبشن
شوشو : فينك الاء ايه كل التاخير دا
الاء ببتسامه حزينه : سوري اتاخرت عليكم بس علي ما جهزت الولاد
طلال : وفين عدي منزلش ليه معكم
الاء بصلته بألم : تعبان ونايم
يزيد : تعبان خير نجبله طبيب
الاء : لاااا دا بس كان سهران ولسه راجع فنام يلا احنا نخرج وهو يبقي يحصلنا لما يصحي
طلال نفخ بضيق من اخوه وبص لحمد وطلال وابتسم : يلا حبايبي عمو نروح الملاهي
الولاد كلهم نطه من الفرحه ومسكه ايد طلال وياسين ابنه ويزيد شال رودينه بنته ومشي مع طلال
صافي قربت من الاء ال عينها كلها دموع وحطت ايدها علي كتفها
صافي : الاء انتي كويسه
الاء بصتلها بحزن وابتسمت : كويسه متخافيش
شوشو قربت منها وحطت ايدها علي كتفها : متزعليش كل حاجه هتتصالح يا حبيبتي ان شاء الله
الاء ببتسامه حزينه : ان شاء الله يلا نلحق الولاد
ونروح عند رامي ولين وهم قعدين بكافيه بيتغدو
لين وهي بتبص حاوليها : الجو حلو اوي والمكان هنا جميل جدا
رامي بخبث : فعلا حلو انا بفكر نحجز اوضه ونقضي يومين هنا ( ويبوصلها ويغمزلها) يومين عسل
لين شرقت وفضلت تكح ورامي فضل يضحك وادها مايه
رامي : اهدي مالك خوفتي كده دا انا حتي جوزك يا شيخه
لين بكسوف : رامي بطل شقاوه احنا اتفقنا نتجوز كمان سنه بكتير علي ما اكون خلصت شغلي
رامي ينتهد : عارف ان احنا اتفقنا بس انا مش شايف مانع ان احنا نتجوز وتسافري انا مش ممانع وكل اسبوع ممكن انا اجيلك في الويك اند ونكون سوا
لين بهدوء : يا رامي انا عاوزه استقرار عاوزه اعيش انا وانت في بيت واحد منفترقش مش انا في بلد وانت في بلد ونتقابل في الاجازات ( وتبصله وتحس انه زعل فتحط ايدها علي ايده) رامي استحملني بس كمان السنه دي ويمكن اقل من سنه بليز حبيبي استحملني بس شويه
رامي يمسك ايدها ويبوسها : انا هستحملك العمر كله يا لين مش بس السنه دي
لين تبتسم : طب يلا ناكل عشان نكمل فسحه زي ما وعدتني
رامي بحب : حاضر حبيبتي
ويبدا رامي ياكل ولين تبصله وبتكلم نفسها جوها
لين لنفسها : انا كمان نفسي اكون معك النهارده قبل بكرا والله بس عشان اقدر اسعدك لازم نستنا شويه مش عاوزه اتعبك تاني معايه يا حبيبي وتتنهد وتبتسم وترجع تاكل
وفي بيت عماد كانت رجعت اميره بدري لما عرفت ان سليم هيتغدا معهم وكانت وقفه في المطبخ هي وهبه وكانت مبسوطه جدا وبتحضر الاكل هي كانت بتعمل الرز والسلاطه وهبه بتعمل السمك
هبه بضحك : انا مش مصدقه نفسي بقي ميرا وقفه في المطبخ وبتعمل الاكل ( وتقرب منها وتغمزلها) دا احنا نعزم سليم عندنا كل يوم بقي
اميره بكسوف : وايه دخل سليم انا بس جيت بدري وقولت اساعدك يعني اسيبك محتاسه لوحدك
هبه وهي بتضحك : عليه برده الكلام دا يا ميرا دا انا هوبه الفهمكي
اميره تبتسم : مش مصدقه انه رجع تاني يا هبه وكان وقف قدمي تعرفي قالي اني بقيت عروسه وزي القمر
هبه ببتسامه : ليه هو انتي مكنتيش تعرفي انك بقيتي عروسه وزي القمر وال هو لازم تسمعيها من سليم عشان تصدقي
اميره تتنهد بفرحه : اصلها من سليم ليها طعم تاني
هبه ببتسامه : الله الله يا ست ميرا دي القلب رجع يدق تاني بقي
اميره بفرحه : اااه يا هبه رجع يدق النهارده اول ما شفت سليم قلبي بقي بيدق اوووي اوووي ومكنتش مصدقه انه رجع وقف قدمي وال ضحكته يا هبه ياخراشي حسيت اني دوبت فيها
هبه : معقول يا اميره لسه بتحبيه دا انا قولت كان حب مراهقه ولعب عيال وانك نسيتي
اميره تتنهد : هو لما اتجوز انا قولت لازم هنساه كنت ساعتها في اولي ثانوي وتعبت اوي وقتها وهو انشغل في حياته ومراته وبطل يجي عندنا كان بيتقابل مع عماد في الشركه وبطل يجي هنا وانا بطلت اشوفه وشغلت نفسي في الدراسه وقولت لازم ابقي مهندسه زيه ومر السنين وفكرت نفسي نسيت ( وتبتسم بحب) بس النهارده عرفت اني منستوش وال عمري هنساه انا كنت بستناه انه يرجع ( وتبص لهبه بتمني) تفتكري ممكن يحبني زي ما بحبه ويكون من نصيبي
هبه ببتسامه : ربنا ينولك ال في بالك يا حبيبتي ولو كان خير ليكي ربنا يكتبهولك
اميره بفرحه : يارب يا هبه يارب انا هروح البس بقي زمانهم جين انا موطيه علي الرز متفتحيش عليه وانا هاجي اشوفه لما البس وانتي خلصي السمك بقي
هبه ببتسامه : انا خلصته اهو وهحطه في الفرن وهرح البس انا كمان
وتخرج اميره وتسيب هبه ال سرحت وكلمة نفسها
هبه لنفسها : اااه يا اميره لو سليم فعلا يتجوزك وياخدك ويسافر ساعتها عماد مش هيكون ليه حجه وهيقبل الهجره ونسافر نعيش بره بولادنا ( وتبص حاوليها بقرف) ونبيع البيت ال عمل زي علبه السردين دا ونبقي نجيب بيت كبير وال حتي فيلا في مكان نظيف ( وتبتسم بخبث) بس انا مش هسكت و هساعدك تجوزيه وتحقيقي حلمك عشان انا احقق حلمي
ونروح فيلا فؤاد وبعد ما احمد كلم سيلا وعرفها برجوع سليم وانه في المنصوره سيلا قعده مع امير واسلام وسميه ونفين في الجنينه وقالتلهم ان سليم رجع وبيسال عن لين
امير بغضب : ودا عاوز ايه منها مهو قبلها في دبي وهي رفضته ايه المرجعه تاني
سيلا بضيق : احمد بيقولي رح الشركه وحاول يعرف العنوان هنا انا خايفه يرجع يضايق لين تاني
سميه : المشكله مش انه يعرف عنوان هنا ما احنا اصلا كلنا رجعين المنصوره بكرا يعني هتشوفه اكيد
نفين : خالص منرجعش ونخلينا هنا لحد ما تسافرو تطلعه من هنا علي المطار
امير : ايوه خلينا هنا وهو صعب يوصل للعنوان دا لان محدش لسه يعرفه ( ويبص لاسلام) ايه رائيك يا اسلام
اسلام ببتسامه : انا مش فاهم انتم ايه ال مخوفكم كده من رجوعه سليم رجع او مرجعش هو ميفرقش مع لين في حاجه مهي قابلته في دبي ووجهته سليم صفحه وتقفلت من حياة لين وعمره ما هيقدر يأثر عليها تاني
سيلا : ولو حاول يضايقها
اسلام بضحك : اختك جديره توقفه عند حده متقلقيش عليها سليم مستحيل يقدر يضايق او يزعج لين ( ويرجع ظهره لورا) بس تعرفو انا ال نفسي اقبل سليم واتكلم معه
نفين بضحك عاليه : عارفه انا الحاله دي لما بتجيلك حاله الدكتور لما يستفزه مريض ويبقي عاوز يعالجه
سميه بضحك : اخوكي عاوز يعالج الناس كلها وبيجنني انا
اسلام يقرب عليها ويغمزلها : طب بزمتك هو في احلي من جناني
سميه تكسف وتضربه علي كتفه وهو يضحك اوي
سيلا بضيق : خليك معايه يا عم المسهوك انت يعني دلوقتي نخلي لين ترجع المنصوره عادي
اسلام يبصله بنص عين : مسهوك انتي شدوكي من لسانك يا بنتي وهم بيولدكي ( الكل يضحك علي كلامه)
امير : لا بجد يا اسلام يعني رائيك نرجع المنصوره عادي مافيش قلق علي لين لو شافته
اسلام : مافيش اي قلق علي لين من سليم لين اتصالحت مع نفسها ومع الماضي وهي دلوقتي بتحب رامي ومش شايفه غيره ( ويضحك) هو الخوف علي رامي ليغير ويتهور بس انا عارف ان رامي عاقل وغيرته هتبقي مقبله
ونروح دبي وطارق قعد علي مكتبه وبيتفرج علي صور رامي ولين ال اتبعت له من الجارد ال بيرقبهم
طارق : اتبسطو يومين قبل الفراق ( ويبص لصوره ولين في حضن رامي) مكنش لازم تتحديني يا بشمهندسه مش طارق ال واحده تقف قدمه وتقوله لا بس واضح ان تفرقكم مش سهل لازم يبقي فيه كذا طريق تبعد مابينكم
ويمسك التلفون ويتصل علي عامر
طارق : عامر تعال عاوزك
ويقفل ويفضل يبص علي الصور وهو بيفكر في حاجه وناوي ينفذها
ويدخل عامر عليه
عامر : تحت امرك طارق بيه
طارق والصوره في ايده : عاوز معلومات عن دكتور رامي في شغله وشوفلي لو ليه علاقه باي واحده كده او كده او لو فيه واحده في شغله حطه عينها عليه
عامر بستغراب : حاضر يا فندم بس ممكن اسال حضرتك ناوي تعمل ايه