رواية حارستي الجزء الثاني
الفصل الثاني عشر
بقلم شوشا عبداللاه
فى بيت فوزى تستيقظ حور من نومها وتنهض وهيا تتثاوب
ثم تضع اشارب على شعرها وترتب سريرها وتحاول أن تيقظ بطه ولاكن ترفض
حور :بطه انتى يابت قومى الشمس طلعت
بطه بنوم :بس ونبى ياحور سبينى انام شويه
حور:يابت قومى حضرى الفطار انهارده الجمعه ده يومك
بطه :بلاش نفطر اقولك حاجه احسن صوموا النهارده
حور:فيه حد بيصوم الجمعه طيب قومى يا حلتها قومى
بطه تضع المخدره على وجهها وتنام
حور بغيظ:تستغفر الله العظيم اللهم انى لا اسالك رد القضاء
ولاكنى اسالك اللطف فيه ده إلى هياخدك أمه داعيه عليه الله يعينه مقدما
ثم تذهب المطبخ لتعد الفطار ثم تضعه على الطبليه وتذهب
لتطرق باب غرفه مازن لتوقظه
حور بتهديد :مازن اصحى يا مازن الفطار جاهز ولو خلص
والله مهعملك تانى وبراحتك
مازن بنوم:لا أنا جاى اهو ثم ينهض مسرعا من على فراشه
ويخرج وهو يتثاوب
مازن:يعنى هو الواحد مش هيعرف يرتاح فى البيت ده كل
يوم جمعه نفس الموال مش بيتغير هو هو
تضحك حور عليه :طيب روح اقعد وستنا لما بابا وماما اصحيهم
مازن بزهق:وكمان مصحيانى اول واحد طيب كنتى صحيتى
البيت وانا اخر واحد مش ليه هساناهم لما يصحوا وخصوصا
البت بطه هتصحى على الظهر
تذهب حور إلى غرفه أبويها وتطرق الباب وعنده برقه
حور:ماما بابا اصحوا الفطار جاهز ثم تطرق الباب مره اخرى
مامااااا
روح تستيقظ من النوم :حاضر يا روح جايين اهو
تذهب حور وتجلس بجوار اخوها
روح تيقظ فوزى من نومه :فوزى قوم يافوزى الفطار جاهز
والعيال مستنيننا
فوزى :أنا قومت اهو صباح الخير يا روحى
روح بابتسامه :صباح النور يا حبيبى
حور تطرق الباب :يلا ياماما انتى وبابا مش وقت غرام وحب دلوقتى
تضحك روح :البت حفظتنا يلا قوم
تنهض روح وفوزى ويخرجوا ثم يوجهوا لغسل وجههم
ويجلسوا جميعا لتناول الإفطار
بطه وهيا تمضغ الطعام : بابا أنا عاوزه فلوس اجيب مذكرات
وفلوس الدروس
فوزى :طيب قولى صباح الخير الاول مش عاوزه عاوزه
بطه :معلش صباح الخير يا سيدى هات بقى الفلوس
فوزى:لما ربنا يفرجها أن شاء الله اهو الشعر قرب يبداء وهقبض واديكى
بطه بضجر:أنا لسه هستنى لأول الشهر احنا لسه عشرين
الشهر يعنى قاعد عشر ايام
روح تنظر له بقوه :خلاص بابا قال هيديكى تبقى تخرسى
وتقولى تسلم يابابا
بطه تهمس:استغفر الله العظيم هو الواحد مبيعرفش يتكلم
في البيت ده ابدا
مازن :أنا مش عارف دروس ايه دى مانا دخلت هندسه من
غير دروس ولا نيله ولا مذاكرات كمان كله من كتاب الوزاره
بطه :طيب ما كل الطلاب كده مش أنا بس
مازن :ياختى بلا وكسه جيل مهبب خايب على عينه مش
حمل اى مجهود
بطه :,هاهاهاها انتوا إلى جيل كويس قوى
ينهض فوزى ويقوم لتقف حور وتجلب له المنشفه والصابونه
والمياه لغسل يديه
فوزى:ربنا يسعدك يا حور يارب ويديكى واد الحلال إلى
يحبك ويريح قلبك قادر ياكريم
حور مبتسمه :ودا الحلال ايه قول أول الشهاده الاول
فوزى:الشهاده وواد الحلال برضوا
بطه :وانا يا أبا الحج مانا بنتك برضوا
فوزى:تكملى علامك فى الاول وبعدين نبقى نشوف حكايه واد الحلال ده
بطه : والله على أساس أن حور اتخرجت ااه ياعيله ظالمه
حتى الدعاء بتنحازوا بحور وربنا مانا واكله وتمشى ثم ترجع
تاخذ طبق الفول ورغفين عيش ولا اقولكم الاكل ملهوش
دخل بيكوا وتمشى مره اخرى وتدخل غرفتها وهيا تاكل
فوزى بأعين متسعه من تصرفات ابنته :وربنا البنت دى
مجنونه على الاخر
روح تمصمص شفتيها :والله عندك حق نروح نحجزلها فى
العباسيه بس ياريت يرضوا بيها
يضحك مازن:هههههه وربنا تخلى الدكاتره يتجننوا هما كمان
ينهض فوزى: يلا يا مازن علشان نلحق الصلاه من اولها
ينهض مازن مسرعا: حاضر يا بابا هغسل ايدى وجاى
تدخل حور إلى الغرفه لتجد بطه تبداء فى مذاكره دروسها
حور تحتضنها من الخلف :اختى حبيبتى عامله ايه
بطه بزعل مصتنع :عامله بانيه تاكلى معيا
تضحك حور : انتى زعلانه بقى وانا ميهنش عليه زعلك
خدى ياستى المئه جنيه دى هاتى الا انتى عوزاه
تنهض بطه بفرحه لتحتضنها:شكرا شكر شكر يا اجمل واحن
اخت فى الدنيا ثم تقبلها بقوه
حور مبتسمه :أنا ميهنش عليه زعلك ابدا وتاتى مره لما
تعوزى حاجه تيجى تقوليلي بلاش بابا انتى عارفه ظروفه ده
ساعات المرتب مش بيكفى الآخر الشهر
بطه :أنا عارفه والله بس المذكرات والملخصات دى مهمه
حور :عارفه والله يا حبيبتى بس برضوا لازم نعزر بعض
سيدنا النبى قال ايه التمس لاخيك سبعين عزر
بطه :عليه افضل الصلاه والسلام
حور :بلاش مذاكره دلوقتى الظهر قرب يخطب ابقى ذاكر بعد
الخطبه ما تخلص
بطه :ماشى يا ستى حور وهو كذالك
تذهب حور لترتدى ملابسها وهيا واختها بطه ليذهبوا إلى
الجامع ليصلوا جماعه
روح :يلا يابنات علشان نلحق الخطبه
حور:احنا خلصنا ياماما يلا بينا
تذهب حور و روح وبطه سويا إلى الجامع الكبير بالبلده جامع
عمر بن الخطاب فهو الجامع الرئيسى
****************"""***********
فى الطريق حيث يمشى قاسم وليل ليصلوا إلى الجامع
ليل :مش كنا رحنا اى جامع قريب لازم يعنى ياخالى الجامع
الرئيسى مش كلها بيوت ربنا
قاسم:كل ماكان الجامع ابعد كل ما زادت حسناتك
يصل قاسم وليل إلى الجامع ويجدوه مزدحم بشده ليدخلوا
بصعوبه ينظر قاسم ليبحث عن مكان ليجلسوا بيه ليجد
مكان شبه خالى يجلس به رجل وشاب يحمل نفس ملامحه
قاسم يلا تعالى نقعد هنا قبل منلاقيش مكان يذهب قاسم
وليل اليه ويجلسوا
قاسم للرجل وهو فوزى :السلام عليكم أنا قاسم
فوزى بابتسامه :وعليكم السلام اخوك فى الله فوزى
وده ابنى مازن هو ده ابنك
قاسم بابتسامه عاديه :لا ده ابن اختى وزى ابنى تمام
فوزى : ابن اختك ابنك كله واحد ربنا يباركلكم فيه انت ربنا رزقك عيال
قاسم بحزن عميق :لا ربنا ماردش
فوزى بحزن:متزعلش اكيد ربنا رايدلك الخير
قاسم : الحمد لله على كل حاجه
ياتى الشيخ ويصلوا ركعتين ثم يأذن الموذن ويبداء الشيخ
فى إلقاء الخطبه وهيا عن الصبر والتحمل
بعد انتهاء الخطبه يقف الشيخ ليصلى ركعتين ويصلى وراه
المصليين ثم ينتهوا ويبداء المصليين فى التسبيح والتكبير والاستغفار
يرن هاتف ليل ليستاذن من خاله ويخرج فى نفس التوقيت
تخرج حور من باب المخصص للحريم وهيا تتحدث فى
الهاتف وتبعد قليلا لكى لا تزعج أحد
ليل :الو ايوا يازفت فينك
حور :السلام عليكم اخبارك مجتيش ليه الجامع فضلت ادور عليكى
يتحدث ليل فى الهاتف وهو يمشى وهو ينظر فى الارض
ليل :يعنى لازم اجى الجامعه بكر مفيش مفر
حور:ماشى يا قلبى بكر أن شاء الله نتقابل
ليل :خلاص يا فت فهمت بس اقولك ايه هيا محاضره
الدكتور ده وهمشى مش عاوز شلل أنا
حور:مع السلامه ياقلبى
ليل :سلام سلام
يمشى ليل لينصدم فى شخص ما
ليل بانزعاج :مش تحااا هو انتى
ترفع حور وجهها بحنق :هو انت
ليل وحور فى نفس التوقيت :انتى بتعمل ايه هنا انت بتعمل ايه هنا
ليل : والله شى ميخصكيش
حور ببرود : والله وانت كمان دى ارض الحكومه اقف فى
الحته إلى تعجبنى فيه مانع
ليل بغيظ :بت انتى احترمى نفسك ولا قسم بالله واريكى
النجوم فى عز الظهر
ترفع حور وجهها إلى السماء وتبحث عن شى
ليل بحيره :بتبصى على ايه
حور بسخرية :بشوف النجوم دى بس مافيش حاجه بقولك
حاجه اتكلم على قدك يا بابا وبلاش النفخه الكدابه دى ماشى
ثم تذهب من أمامه
ليل بزهول :نفخه كدابه وتتكلم على قدر وربنا البنت دى
معجزه ده مفييش بت قبل كده اتجرائت تكلمنى كده
********************
فى صباح يوم جديد تستيقظ حور وتقوم بكل امورها مثل
كل يوم ترتدى ملابسها وتذهب الى الكليه برفقه صديقتها
هاجر:فاكره الواد إلى خبطك قبل كده بالعربيه
حور بقرف:اعوذ بالله منه انتى افتكرتيه ليه بس ثم تنظر
لتجده قادم من بعيد
حور تستدير بسرعه: ياخبر ياريتك كنتى جبتى سيره مليون
جنيه اهو جه اموت واعرف بقالى ثلاث سنين فى الكليه
مشفتهوش قبل كده ازززى
هاجر مبتسمه :ههههه قدرك بقى تقابليه
حور :ده قدر ا
ليل :انتى يا وفاه يا ام خمار اخضر انتى فيه حد ليلبس اللون ده اصلا
حور بغيظ :وانت مال أهلك هو انت كنت قربى ولا اخويا ياساتر عليك
ليل بتحذير: بت انتى لمى لسانك وهو انتى تطولى أن أكون قريبك
حور :لا دانا اطول واطول اطول من كده وبعدين أنا
ميشرفنيش انك تقربى وممكن ملقش دعوه بيه خلينا نكمل
السنه دى على خير من غير مشاكل
ليل :تصدقى انك حشره ومهش هرد عليكى ثم يتركها ويذهب
تستدير حور لهاحر الذى تضحك فى صمت
حور :ده شتمنى ومشه ثم تكمل بوعيد طيييب يا زفت
الطين وان مواريتك مبقاش أنا
هاجر:هتعمل ايه
حور بغموض هتعرفى بس روحى اعرفيلى اسمه ايه غراب البين ده
هاجر :ماشى لما نشوف اخرك ايه
تذهب هاجر لتستعلم عن اسمه
حور :ها اسمه ايه
هاجر :اسمه ليل جاسم الخديوى واد كده متروش على الاخر
وخاله قاسم الاسيوطى وأمه شمس الاسيوطى ومرات خاله عاصى مهران
حور :بسسسسس ايه كله ده أنا قولتلك اسمه مش تااااريخ
عيلته ثم تذهب الى خارج الكليه وتسأل عن سيارته ليدلها
عليها بعض الطلاب تذهب الى حور بشر
حور:اكيد غاااليه موت بس معلش مش خساره فيا ولما
نشوف يا سى ليل اخبارك ايه تبداء حور فى خربشه السياره
ثم تكتب له رساله بشى حاد على السياره لتهرب منظرها
الجميل الرساله عباره عن
الى السيد المغرور بتمنا انك تروح لدكتور وتتعالج من
الأوهام الى فى دماغك ومتفكرش نفسك فريد من نوعه
اوووى احب اقولك فييه منك كتييير واخير وليس اخرا
معلش السياره مش مكفيه احب اقولك من كل قلبى من
اعماق روحى طططططططططظ فيييييييك مليون مرررره
يا زفت الطين امضاء من تكرهك بشده بلا مبالغه
حور مبتسمه :اموت و اشوف منظره ابقى بقى صوريلى كل
حاجه علشان لو شافنى هيفرمنى ثم تضحك بسخافه أنا
فرمتله العربيه خااالص بصى كده الكلام بارز بوضوح
لقراءة فصول الجزء الاول كامله اضغط هنا