#زين_المافيا
#البارت_الاول
بقلمى منار مجدى
فى مكان هادى فى القاهره كان فى بنوته ملامحها بريئه ومتعصبه وبتتكلم فى التليفون.
..:انا مشغل عندى شويه بهاي*م مبتعرفوش تعملو حاجه من غير ما ابقى فوق راسكو.
....:اسفين يا أستاذ زين بس البوليس طب والعمليه باظت والبضاعه والفلوس اخدهم رأفت الصقر
...:ما ابقاش انت زين لو مرجعتهاش اقفل دلوقتى وابعتلى التفاصيل على الواتس يالا غور .
قفلت التليفون ورميته فى الارض دخل جدها.
الجد مهران:مضايقش نفسك يا زين.
لفيت كانت كانت لبسه بنطلون اسود وعليه تيشيرت ابيض وجاكيت اسود جلد وشعرها البنى القصير زى الاولاد هى ديه زينه بطله الروايه اه وهى بنت بس جدها محبهاش أبدآ لأنها بنت ولأنها اكبر أحفاده وكان عايز يسلم شغله لحفيده الكبير وزينه عشان ترضى جدها قصيت شعرها وقلبت لبسها وتصرفاتها شبه الولاد بس عشان جدها المهم التفاصيل هتتعرف بعدين نرجع القصه.
زينه: جدو عامل ايه انت لازم ترتاح.
الجد:ازاى عايزنى ارتاح وانت يحبيبى مضايق.
زينه:انا مش مضايق ولعاش ولكان إلى يضايق زين الدسوقي. الجد:انا فخور بيك اوى يحبيبى المهم هتعمل ايه.
زينه:هروح لرأفت الصقر واخد منه حاجتنا حتى لو اضطريت اقتله.
الجد:ماشى خلى بالك من نفسك.
خرجت زينه:أن شاء الله.
خبطت زينه فى اخوها الصغير زيدان عنده سبع سنين وبيحب زينه اوى ومتعلق بيها.
زيدان:زينه انتى ماشيه.
الجد بزعيق:زيدان اخوك اسمه زين.
زينه شديت زيدان على الأوضه بعد ما اعتزرت من جدها. زيدان:هو ليه جدو بيقولك يا زين اصلا ده اسم ولد وانتى بنت واسمك زينه.
زينه:بس يا زيدان مش قولتلك تقولى يا زين عشان جدو ميزعلش وانا مش بحبه يزعقلك يحبيبى.
زيدان: طيب انتى مضايقه ليه
زينه:عادى شغل قعد بقا هنا زاكر وانا لما ارجع هلعب معاك.
زيدان بفرحه:بجد هزاكر على طول.
زينه ابتسمت واول ما خرجت قلبت وشها تانى وطلعت اوضتها اخدت مسدسها وحطيته فى ضهرها ونزلت لمهران.
زينه:جدى انا رايح لرأفت جمال جابلى موقعهم سلام.
مهران:سلام يا زين ومترجعش من غير البضاعه.
زينه:هرجعه وكمان هاخد الفلوس عشان يعرف أن زين الدسوقي ميتعملش معاها الحركه ديه.
الجد:ماشى.
خرجت زينه وكلمت جمال.
زينه:انت متأكد.
جمال:ايوه يا فندم هو رجاله رأفت هم البوليس إلى هجموا علينا وكل ده لعبه من رأفت.
زينه:خلاص قابلنى على الموقع بسرعه مع الرجاله.
جمال:اؤامرك يا زين باشا.
قفلت زينه ووصلت ورجالتها وراها.
طلعت المسدس عمرته وحطيته فى ضهرها ودخلت ورجالتها فى ضهرها.
رأفت:اهلا اهلا بالانسه زين.
زينه:صدقنى هندمك مش زين الدسوقى إلى يحصله كده.
رأفت رفع المسدس عليها.
رأفت:لا يحصل .
زينه ضحكت نص ضحكه وطلعت مسدسها ليه ورجالتها مصوبه على رجالته وفى ثانيه ضرب النار اشتغل زينه كانت واقف ورجالتها بيحموها أما رأفت فاستخبا فى حته مداريه وكان بيصوب على زينه وهوب ضربها بالنار فى رجليها هى شافته صوبت المسدس على رأسه وهوب وقع رأفت مات.
زينه: الباشا بتاعكو مات خلاص.
الرجاله طلعو والقائد بتاعهم اتكلم مع زينه.
زينه:هو سؤال لاما توفقو وتبقو رجالتنا لاما ترفضو وتحصلو الباشا بتاعكو.
القائد بخوف:احنا يسعدنا نكون رجلتك يا زين.
زينه بعصبيه:أسمى زين باشا سامع يالا يا جمال هات البضاعه والفلوس وبينا نمشى.
ركبو العربيات .
جمال:لازم نوديك المستشفى يا زين باشا حضرتك اتصوبت . زينه:مش عايز كلام يالا على الفيلا.
جمال:بس حضرتك.
زينه بزعيق:قولت يالا.
فى الفيلا.مهران:أنا فخور بيك يا زين قدرت تجيب البضاعه بتاعتنا وفلوس رأفت ورجالته وكمان قتلته وخلصنا منه ومن قرفه.
زينه: محتاج حاجه منى.
مهران:انت اتصوبت فى رجلك.
زينه:ده خدش بسيط مفيش حاجه عن إذنك.
مهران:اتفضل يا بنى.
طلعت زينه بس قبل ما تفتح الباب.
زيدان:زينه انتى جيتى.
زينه بابتسامه :ايوه يا حبيبى وهغير واجى العب معاك.
زيدان بدموع:انتى متعوره جامد رجلك بطلع دم كتير.
زينه:لا ده مش دم ده لون احمر انا جبته عشان ألون معاك بس ادلق كله على رجلى اسفه بوظت الدنيا
زيدان:لا خلاص انا عندى ألوان كتير جوه هنلون بيها.
زينه:خلاص هغير واجيلك.
زينه كانت بتمشى عليها كويس رغم أنها واجعها اول ما دخل زيدان الاوضه دخلت وقفلت الباب واول ما قفلت الباب وقعت فى الارض ومسكت رجليها بإيديها وقعدت تعيط من الوجع
بس منغير صوت وبعدين قامت وجابت علبه الاسعافات وسكينه سخنت السكينه وحطيت فى بوقها قماشه وطلعت الرصاصه وهى بتعيط وكاتمه صوتها بالقماشه
وبعدين حطيت دوا ولفيت رجليها ولبس شروال اسود وتيشيرت رومادى سادا وحطيت حظاظه فى شعرها ترجعه لورا وخرجت لزيدان.
زيدان:اخيرآ جيتى.
زينه:ممكن اطلب منك طلب يا زيدان.
زيدان:اتفضلى.
زينه:ممكن بعد كده لما تيجى تكلمنى قولى يا زين وكلمنى زى ما بتكلم الولاد صحابك الكتاكيت.
زيدان:بس ليه انتى بنت مش ولد.
زينه:يحبيبى مش عايزه اكون مش هنا وجدو يزعقلك بسبب كده.
زيدان:هو على طول بيزعقلى بسبب كده بس انا عمرى ما هبطل اكلمك كده يا زينه.
حضنته زينه.
زينه:انا بحبك اوى.
زيدان:انا اخوكى وانا سمعت اخو صاحبى بيقولى أن الأخ الولد بيبقا سند لأخته.
زينه:انت فعلا سندى بس ايه ده ورينى كده ورينى.
زيدان رفع أيده:فى ايه فى ايه
زينه قعدت تزغزغو وتلعب معاه وهى بتلعب معاه خبط فرجلها من غير ما يقصد هى اتألمت وسندت على الأرض.
زيدان:انا اسف انتى كويسه.
زينه اتجاهلت وجعها وكملت لعب مع زيدان بعد وقت ليس بقليل.
#زين_المافيا
#البارت_التانى
بقلمى منار مجدى
زينه:يالا يا زيدان ننام.
زيدان:تعالى نامى جمبى.
زينه:ماشى يا سيدى قدامى على السرير.
نام زيدان وفرد البطانيه وزينه وقفه بتبصله وهو فرحان أنها هتنام جمبه.
زيدان وقف على السرير:خلصت يالا.
زينه بابتسامه:يالا يا سيدى. نامت جمبه.
زيدان:انتى ليه بتسمعى كلام جدو على طول
زينه بابتسامه:مش عارفه يمكن عشان هو جدو.
زيدان:مش ده قصدى.
زينه:امال قصدك ايه لمض انت.
زيدان:انا بتكلم بجد.
زينه كاتمه ضحكتها:طيب قول قصدك ايه يعم وخلصنا.
زيدان: قصدى ليه بتسبيه يعملك زى الولاد.
زينه:احكيلك حكايه.
زيدان:اه بس بعد ما تجوبى عشان عارف انك بتشغلينى بس انا كبرت وفهمت.
زينه:ما هى الحكايه ديه الاجابه.
زيدان:خلاص قولى .
زينه:يخلاثى عليك ومسكت وشه بإيديها.
زينه:بص يا سيدى جدو زمان كان عايز اول حفيد ليه يكون ولد بس للاسف جيت انا فكان جدو كل لما يبصلى كان يضايق وانت عارف مش بحبه يضايق.
زيدان:طيب خلاص يالا ننام.
زينه:يا ريت عشان انا هموت وانام.
نام زيدان وزينه اتسحبت ودخلت اوضتها.
وقعدت قدام اللاب توب تشتغل.
زينه مش بتعرف تنام كتير عندها ارق مش بتنام غير ساعه او اتنين مش اكتر وساعات مش بتنام اصلا.
فضلت تشتغل لحد ما الصبح طلع.
قامت اخدت دش ولبست بنطلون اسود وتيشيرت اسود عليه جاكيت جلد اسود ولبست هيلز اسود ونضارة
شمس سوده ونزلت ركبت العربيه وراحت على الشركه
جمال: صباح الخير أستاذ زين.
زينه:صباح النور ها ايه الجديد الصفقه تمت.
جمال:تمت يا فندم ناقص توقيعك
زينه:ابعتلى الورق على المكتب خلال خمس دقايق.
دخلت زينه وقلعت النضاره وقعدت على المكتب ودخلتلها مريم القهوه الساده بتاعتها.
مريم:صباح الخير يا استاذ زين.
زينه: صباح الخير يا مريم ها عامله ايه خلصتى الشقه بتاعتك. مريم:بفضل حضرتك طبعآ من غير مساعدتك كنت هتجوز بعد عشر سنين.
زينه:متقوليش كده انتى اختى وكمان حازم ابن حلال.
مريم:طيب هو انا كنت عايزه اديك ديه واتمنى انك تعرف تيجى.
بصيت زينه لقيتها دعوه فرح مريم
زينه:موعدكيش بس هحاول.
مريم:ارجوك حاول عن أذنك.
خرجت مريم وزينه مسكت الدعوه فى ايديها ولفت بالكرسى تفكر تروح وله لا خبط الباب.
اتعدلت وقالت:اتفضل.
جمال:الورق الى حضرتك طلبته.
زينه:حطه واتفضل.
خرج جمال وزينه خلصت شغل وتليفونها رن.
مهران:زين ابقا عدى على زيدان جيبو من المدرسه عشان السواق اخد اجازه.
زينه:ماشى سلام.
قفلت ونزلت خرجت من الشركه بالعربيه على مدرسة زيدان كان لسه مطلعش خرجت من العربيه رجعت شعرها لورا بإيديها وخرجت من العربيه ومشيت للمدرسه اتكعبلت فى طوبه بس لحقت نفسها ولقيت أيد لسه هتتحط على كتفها بحركه سريعه لويت إيده واتشقلبت من فوقيه ومسكت رأسه تلويها.
زينه:اتكلم عايز ايه وازاى تسمح لنفسك انك تلمسنى.
مازن: والله ما لمستك انا بس كنت عايز اساعدك.
سابته زينه.
زينه:انا مش محتاج مساعده من حد.
مازن:بس انا كنت شايفك وانتى كنتى هتقعى.
زينه:انا مفيش حاجه تقدر توقعنى ولو ده حصل بقوم اقوى من الاول.
حطيت نضارتها ومشيت.
بصيت لقت زيدان وواحد صاحبه خارج.
زيدان شد صاحبه وجرى لزينه وزينه وطيت تحضنه.
زيدان:انت جيتى.
زينه:وبعدين انا مش قولت فى الشارع انا زين.
زيدان:اسف ده صاحبى مالك.
زينه بترفع شعرها بإيدها وشالت النضاره:انت بقا صاحبه إلى على طول بيتكلم عنك.
مالك:ايوه انا.
زينه بابتسامه:لا واثق من نفسك تعجبنى.
مالك:اخويا علمنى كده.
زينه:اممم امال مين هيوصلك.
مالك:اخويا هياخدنى.
زينه:امال فينه مينفعش يسيبك تستنى.
مالك:هو مستنينى هناك.
وشاورلها على مازن.
زينه😒:ده اخوك. مازن قرب براحه.
مازن:يالا يا مالك.
مالك:اتشرفت بحضرتك ومد إيده لزينه.
زينه وطيت لمالك.
زينه:وانا كمان اتشرفت بحضرتك يا استاذ مالك وحضرتك تقدر تقولى أستاذ زين ايه رأيك.
مازن فتح بقه من الصدمه.
مالك:اه انا عارف زيدان قالى.
زينه:اووه ده انت عارف كل حاجه بقا.
زيدان:مش كل حاجه كل حاجه وبص لمالك كأنه بيقوله اكتم.
زينه بضحك:طيب خلاص يالا عايز حاجه يا مالك.
مالك:لا شكرآ.
قامت زينه وبصيت لمازن كده 😒لبست النضاره ووشها اتقلب بقا ملامحه قويه وزيدان جرى للعربيه وهى وراه ركبت ومشيت على طول ومبصيتش حتى لورا.
مازن:انت كنت عارف انها ش*اذه.
مالك: يعنى ايه ش*اذه.
مازن: يا مالك فتح مخك يعنى هى تبان بنت بس هى ولد.
مالك انفجر ضحك:لا طبعآ.
مازن:ايه ده انت بتضحك ليه انت ياض بتضحك ليه.
مالك:عشان هى بنت مش ولد.
مازن:امال ليه اسمها زين وليه انت هتكلمها بصفه زكوريه. مالك:عشان جد زيدان عايزها كده.
مازن:اووه دلوقتى فهمت الحمدلله انها مش ش*اذه.
عند زينه.
زيدان:انا مبسوط انك انتى إلى جايتى تاخدينى بجد انا نفسى تيجى تاخدينى كل يوم زى مازن.
زينه:انت عارف يا حبيبي انى مش فاضيه.
زيدان بزعل:اه عارف .
زينه: خلاص يا حبيبي متزعلش كمان فى عندى ليك مفاجأة.
زيدان:بجد ايه هى.
زينه:فى أجازه اخر الاسبوع هاخدك الملاهى.
زيدان بزعل:ما انتى مش بتركبى معايا.
زينه:خلاص هركب معاك بس متحلمش باكتر من لعبه العربيات .
زيدان عامل كبير:احسن من مفيش.
زينه لعبت في شعره:يا لمض.وصلو الفيلا.
زينه:زاكر كويس وانا هاجى بليل.
زيدان:ماشى متتأخريش.
مشيت زينه وحطت البلوتوث في ودنها.
زينه:جمال طمنى كل حاجه جاهزه.
جمال:اه جاهزه ومستنين حضرتك فى الموقع.
زينه:خليكو عندكو انا جايه فى الطريق.
قفلت وبعد فتره وصلت مشيت قدام والرجاله وراها وجمال وراها بمسافه اقصر.
زينه:هما فين.
جمال:مستنين حضرتك جوا.
دخلت زينه وشاورت الرجاله يقفو وقعدت وجمال وراها
زينه:انا سمعت انك مهتم بالبضاعه بتاعتنا.
سيف بصدمه:مكنتش متوقع أن زين بنت
زينه:ارجو من حضرتك تخلينا فى الشغل.
سيف:احم طالما الجميل بيتكلم يبقا لازم نسمع.
الرجاله صوبو المسدسات على رجاله سيف وجمال صوب على سيف ورجاله سيف صوبو عليهم.
زينه شاورتلهم ينزلو السلاح ورجاله سيف نزلو برضو
زينه:انا قولتلك خلينا فى الشغل احسنلك لو مش عايز تلغى الصفقه بالى فيها.
سيف:لا وعلى ايه انتى عارفتى انى مهتم اشترى بضاعتك.
زينه:ماشى .
شاورت لجمال يديله ورق فيه تفاصيل وسعر الصفقه.
سيف:كده كتير اوى.
زينه:هو ده سعرنا انت مش بتشترى اى اسلحه دى اسلحه الدسوقى اكيد سامع وله انت مش عارف ايه إلى فى السوق .
سيف:لا عارف بس مكنتش اتوقع المبلغ ده كله بس انا شارى.
مديت زينه إيدها لسيف.
زينه:يبقا اتفقنا.
سيف مد إيده وسلم عليها جت تقوم بس هو لسه ماسك ايديها. رجاله زينه قربو بس زينه شاورتلهم يخرجو وسيف شاور لرجالته يخرجو.
زينه شديت أيديه وقفتو وزقيته لورا وهى بتبتسم اول ما وصل الحيطه قربت لودنه وقالت:اى حد بيفكر بس يقرب منى بيزعل جامد.
ورفعت الهيلز بتاعها عند رقبته.
زينه:هكتفى بتحزيرك دلوقتى لكن مره تانيه مش هسيبك فاهم.
نزلت رجليها ولفت تمشى وقف فى ضهرها ولوا ايديها لورا.
زينه بنص ضحكه:انت بتغلط ومش عارف ايه ممكن يحصلك.
سيف:عندى فضول اعرف.
فلحظه لفيته زينه ومسكت رقبته وهو راكع على رجله وهى وراه.
زينه:لو حابه بس ممكن اموتك دلوقتى بس انا مش هوسخ أيديا بواحد حقير زيك.
سابته ومشيت خطوتين ولفيت وشها نص لفه وقالت:اه بالمناسبه الصفقه انتهت.
ولفت عدلت شعرها لورا وحطت النضاره وخرجت اول ما خرجت الرجاله مشيو وراها وركبو ومشيو.
مهران:يعنى لغيت الصفقه.
زينه:ايوه يا جدو لغيتها لانه كان لازم يعرف حده وانا عرفتهوله كويس ومستحيل يغلط تانى .