دوامة الحب
بقلم منار مجدى
الفصل الأول والثاني
هند:انت اغلى واحد عرفته فى حياتى انت اهبل ياله
مراد:هند متعصبنيش فيها ايه يعنى بقولك رايح اخطبها
هند:غور فى داهيه تاخدك انت وهى.
مراد:انشالله انتى ها.
هند:غور من قدامى غووووور.
مراد:ما تسمعينى بقا مش ابن خالتك انا وصديق كفاحك.
هند:صديق كفاخة.ده انت هتجيبلى شلل اطفال يا شيخ مش مريم ديه إلى كانت بتتريق عليك فى الحضانه.
مراد:اه.
هند:وكانت بتقولك يا ابو شخه راح يا ابو شيخه جيه
مراد:حصل.
هند:ديه يا بقف مرحمتش المدرسه وفضلت تتريق عليك
مراد:ما انتى متعرفيش أن كل قصص الحب الكبيره العتيقة بدأت البطل والبطله مش بيطيقو بعض
هند:انت اهبل ياله بطل ايه وبطله ايه ديه سماح مراجيح ياله
مراد:هند لو سمحت اتكلمى عنها بأسلوب متحضر عن كده
هند:بقولك ايه اشبعو ببعض انا قايمه ماشيه اقفل يا مصطفى على الشاى.
مراد:رايحه فين يا بنت المجنونه استنى.
هند وهى ماشيه فى الشارع:ياعم ابعد عنى انت عايز تجننى.
مراد:والمصحف لو واحد صاحبى مش هيعمل كده ده بدل ما تدعمينى.
هند وقفت وبصيتلع بجديه لأول مره فى حياتهم:بص يا مراد ادعمك لو القرار إلى انت هتاخده صح لكن انت بتضيع نفسك.
مراد بضيق:يعنى انتى كمان مش هتفرحى لفرحى وتقفى جمبى.
هند اتنهدت وحطيت إيديها على كتفه:بص يا مراد انت بتحبها.
مراد بابتسامه ولمعه فى عينيه:اوى اوى يا هند بحبها اوى .
هند ابتسمت بكسره:خلاص يا صاحبى طالما انت بتحبها يبقا تستحمل بقا.
مراد بفرحه:يعنى هتقفى جمبى وتقنعى خالتك.
هند:هو انا عندى كام مراد يعنى .
تليفونها رن.
هند رديت:حسام حبيب قلبى.
مراد بنرفزه:بطلى طريقه اهلك ديه.
هند:ششش بس يا بابا بتقول ايه يا حسام ايه انت فين (رفعت أيديها تشاورله) شوفتك شوفتك.
مراد:ده ايه النحس ده يا ربى
هند:ايه يا مراد يا حبيبى محتاج حاجه روح بقا ظبط مع سماح مراجيح وسيبنى اشوف حالى.
مراد:تشوفى حالك ده ايه رجلى على رجلك
هند:يا باى عليك امتى تتجوز تحل عنى بقا.
مراد بابتسامه استفزاز:مش هىحمك حتى لما اتجوز هننزل سوا نقعد على القهوه.
هند:ليه وانت فاكرنى هقعد جمبكم كتير شويه وانا كمان يجيلى ابن الحلال وياخدنى منكم واقعد معاه نتفرج على كارتون وناكل لي وسوداني.
حسام:ايه الاغراء ده.
هند:مش كده عامل ايه يا حسام.
حسام مد ايديه:كويس وانتى بقالى كتير مش بشوفك.
هند:بتخلص محضرات ونمشى على طول مبقاش نقعد زى الاول.
حسام لمراد:ايه يا مراد انت فاكر أنها ليك لوحدك وله ايه.
هند:لا خلاص بقا الفتره الجايه هقعد معاكم كتير عشان مراد هيتلهى عنى بقا.
مراد:ده فى احلامك المهم انت يا حسام ايه جابك هنا.
حسام:اكيد مكنتش بمشى وراكم بالصدفه شوفتكم .
مراد:اه
هند:طيب يا حسام على سمزات بقا بليل.
حسام:اكيد هو انا بعرف انام غير لما اكلمك.
هند:تبا لحب الناس ياخى
حسام ضحك:احنا نطول يابا نكلم القمر ده يا ابيض يا فرع
هند ضحكت بكسوف:شالله يسترك يا شيخ .
مراد بعصبية:يالا الاوبر وصل.
هند بإستغراب:بس انا مطلبتش
مراد:انا طلبت (زقها)عن أذنك يا حسام.
حسام:اوكى سلام يا هند
هند:باى يا حسام.
حسام: هكلمك.
هند:هستناك.
ركبت هند ومراد جمبها
مراد:بسرعه لو سمحت عشان مستعجل.
هند:لا مش بسرعه ايه يا مراد عارف انى بخاف.
مراد بيحاول يتمالك أعصابه:خلاص براحه.
هند:حبيبى يا سطا.
مراد:يا بنتى اقفلى بقك ده خالص اكتمى مش عايز اسمع صوتك بتعصبينى.
هند:مين إلى متعصب انا إلى متعصبه منك انت إلى رايح أخطب سماح مراجيح يا بتاع سماح مراجيح.
مراد:اول حاجه مسمهاش كده اسمها مريم حاولى تنطقبها.
هند بقرف:لا سماح مراجيح وكانت مقضياها مع كل الولاد إلى عرفتهم ديه من الحضانه يا جدع كانت بتزنق الولاد استغفر الله.
سواق الاوبر ضحك
هند بهزار:بزمتك انت ينفع.
الراجل:لا الصراحه معاها حق.
مراد:ايه ده انت مالك انت اصلا.
الراجل:يعم فكها ده انا بنصحك.
هند:سيبك منه اصلا هو دماغه لسعه.
مراد مسك أيديها جامد:لو متلمتيش حالا هفرج عليكى السواق ده والشارع كله وهجيبك من شعرك.
هند:برستيجى يا مراد.
مراد:خايفه عليه يبقا تتكتمى.
هند بزهق:يوووه.
قعدت وسندت على الكرسى وربعت ايديها وهى باصه للشباك بضيق.
هند لنفسها:مش عايزه اسكت لو سكت احتمال اعيط انا هشوف اى حاجه على النت بدل ما اقعد.اعيط دلوقتى لازم استحمل على الأقل لحد بليل.
فتحت التليفون لقيت حسام بعتلها واتس.
حسام:بس كنتى قمر انهارده.
هند ابتسمت:شالله يسترك لبس الشتا بقا.
حسام:انتى فى كل الفصول قمر صيف شتاء خريف أو ربيع عسل.
هند ضحكت:بس عشان بتكسف.
مراد:يا خلاثى
بصيت هند ليه.
مراد: والله.
هند:انت بتبص فى تليفونى ليه.
مراد:متعصبنيش يا هند.
السواق:شكل خطيبك صعب اوى ربنا يكون في عونك يا انسه.
مراد:عليك فى الزفت الطريق وفى حالك.
السواق:لا حول ولا قوه الا بالله.
هند نفخت بضيق ولفت وشهاب للتليفون.
حسام:هو انا بضايقك
مراد:قوليليه اه.
هند:عنيا كتبت(بالعكس بنبسط لما بتشكر فيا اصلا البنات بتحب إلى يلاحظ تفاصيلها ويشوفها جميله)
مراد:ايه التلزيق ده
هند:حسام معلش هكلمك بعدين
حسام:ماشى يا قمرى هكلمك بليل تكونى فضيتى.
هند ابتسمت:اشطا.
مراد:وعسل قشطه وعسل بيبقا طعمهم حلو مع بعض وهى تحلى القعده إلى انا قاعده زى الاقرطاس.
هند بصيت له من فوق لتحت ولفت وشها
مسكها مراد من قفاها:اعتزرى حالا.
هند بين سنانها:سيب احسنلك يا مراد
السواق:ده المكان الى فى اللوكيشن.
مراد سابها
هند نزلت وقفلت الباب:حاسب بقا لوحدك يا بتاع سماح مراجيح.
طلعت جرى وسابته
طلعت.
فتحت خالتها الباب
خالتها:اهلا حبيبت خالتها هدهد وصلت يا نوال.
نوال:خليها تغير تيجى تساعدنا فى المحشى.
هند باست خالتها:والنبى يا كراميل قوليلها اى حاجه تعبانه أو عندها ظروف أو اقولك قوليلها هتزاكر.
خالتها كريمه:يا سوسه انتى .
هند:بس خلاص صعبتو عليا خلاص هساعظكم متتضغطوش عليا.
مراد بصوت عالى:هند.
هند:هغير وأجى تكونى طرقتى ابنك عشان نعرف نقعد وننفرد ببعضيتنا كده.
كريمه ضحكت وهند دخلت اوضتها وقفلت الباب.
مراد:سلام عليكم هى فين
كريمه:فى اوضتها
مراد راح يخبط جامد:افتحى يا هند عشان عصبتينى.
هند:والمصحف هصره والصوت واقول متحرش واخيلهم يطردوك.
مراد:هند
هند:بغير بغير امشى بقا.
مراد:ماشى يا هند لينا بلكونه تلمنا.
خرج وراح شقتهم إلى جمب شقه هند.
هند بعد فتره خرجت وهى عامله قطتين ومطلعه قصتين ولابسه بيجاما كيوت عليها سيمبا.
نوال:شرفتى.
هند:ايه ده باين عليا.
كريمه:يختى مش سقعانه.
هند:مانتى عارفه يا خالتو طالما فى محشى يعنى حر كتير وسعرات حراريه وغازات وقنابل ودخان لا هنتحر لازم نستعد
نوال:بالقطتين دول يا بنتى حرام عليكى ده كلها شهر وتتخرجى هقول ايه إلى هيتجوزك.
هند:ضاحكه عليه ضاحكه عليه ومجوزاه عيله الله وفيها ايه يا ماما لما أعيش طفولتشى الله معيش طفولتشى.
كريمه بضحك:ما تسيبى البت براحتها يا نوال الله انا بقا يا هدهد وحشنى اوى خلطه المحشى بتاعتك.
هند:يبقا يالا بره انا مقولش خلطتى السريه لحد وانا هجيب العده ونحشى بره
كريمه:اوكى يالا يا نوال.
هند:اه يالا ياختى اصل انا عارفاكى عايزه تسرقى الوصفه السريه لهند محشى.
كريمه:ايه.
هند:يا خالتو خليكى رويحه فى وصفه لسلطع برجر يبقا فى لعند محشى الله.
ضحكو عليها وخرجو.
هند مسكت تليفونها وشغلت مهرجانات وعلت الصوت وجهزت الخلطه وهى بترقص كالعاده.
الباب خبط.
فتحت نوال.
مراد:معقول كده يا خالتو جاى تعبان وعايز انام.
نوال بقله حيله:معلش يا بنى ديه هند بتعمل امل وحاجات فى المطبخ وانت عارف لازم تشغل الهباب إلى بتسمعه ده عشان تعمل الاكل بنفس سيبها احسن ناكل اكل بايظ
مراد:لا مش هينفع كده اوعى كده يا خالتو.
زقها ودخل.
نوال:استنى يا مراد(مشى مراد فوطت صوتها)مش لابسه الحجاب.
دخل مراد فجأه لقتها بترقص ومستمتعه جدا وشكلها كيوت.
لفت هند برقت ليه غمضت عينيها جامد وفتحتها يمكن بتحلم لقيته بصيت حواليها وراحت استخبت ورا التلاجه
هند:اخرج بره يا سافل يا سهل يا رخيص.
مراد:انا سافل وسهل ورخيص يا واطيه
هند:انا واطيه يا.
نوال:بااااس قله الادب ديه
كريمه:مراد اخرج يالا قدامى.
هند اول ما خرج:مش شايفه يا ماما هو إلى غلطان دخل عليا وانا فى عزله عن العالم فى عالمى الخاص الجميل
مراد بصوت عالى:ما هو فى ناس عايشه معاك. فى العماره مش سوق هو تعملى إلى انتى عايزاه.
هند:اروح ارقص وأغنى فى السوق ما هو ده الى ناقص الواحد ميعرفش يفك عن نفسه فى البيت حتى البيت يا قادر يا مفترى مش عاتقنى يا ستى جوزينى وخلصينا بقا.
نوال بضحك:هو فين ياختى إلى يجى ياخدك وانا اوعدك.همضيله على وصلات امانه.
هند:بقا كده يا ماما بتبعينى بتبعنى يا مرسى.
كريمه:متزعليش يا هدهد انا معاكى ايه رأيك هجوزك مراد
هند:جرا ايه يا خالتو بقولك عايزه اهرب منه وبعدين (ضحكت) اصلا ابنك بحب واحده انما ايه يا خالتو اخلاق ايه واحترام ايه وجمال ايه أيه أيه فى الجمال شوفى بقا تبقى فاضيه امتى ونروح سوا نخطبهاله ياكش يحل عن دماغى.
نوال بصيت لعيون بنتها إلى بتدمع بس بتداريها بشويه ضحك وهزار.
كريمه بصيت لمراد بصدمه:الكلام ده صح يا مراد.
مراد:ايوه يا ماما ده الموضوع الى كنت عايز اقولك عليه.
هند:بس مراد عرف يختار يا خالتو بجد اختار صح
نوال حطيت إيديها على خد بنتها.
هند حركت رأسها ليها بضحك:ايه يا ماما مالك عارفه يا خالتو فى فرح مراد انا إلى هولعها وهقضيها رقص بقا وهبل وهكسفه ياكش بس يسيبنى اعمل إلى عايزاه.
مراد:انا هستناكى يا ماما فى البيت
كريمه:ماشى روح انت.
مشى مراد وكريمه دخلت لهند.
هند ابتسمت:ايه يا جماعه بتبصولى كده ليه.
نوال:متكدبيش علينا يا هند احنا عارفين انك بتحبيه
كريمه:ايوه
هند ضحكت:يا جماعه يا جماعه انتو فاهمين غلط خالص انا مش يعتبر مراد غير اخ ليا وانا مبسوطه عشانه ليه انتو مش مبسوطين زى عشانه هو اى نعم رخم بس طيب يعنى نفرحله
مش كده المهم بقا يا كراميل عايزين ننزل نجيبلنا تلت هدمات حلوين عشان نبقا استايلش كده قدام أهل سماح قصدى مريم
نوال وكريمه بصو لبعض بحيره وبصولها تانى.
هند:ايه مش هنحشى المحشى ادخل انام احسن.
كريمه مسكت أيديها:لا هنحشى يالا يا نوال.
نوال:طب تحبى نشغل مهرجانات.
هند:لا خلاص كفايه مليش مزاج.
كريمه:ليه لا نشغلها عندآ فى ابن الجزمه إلى بره ده.
هند ضحكت:احسن يستاهل.
كريمه كملت تشغيل الاغانى الباب خبط.
كريمه:مش هنفتح يا مراد روح نام.
مراد من على الباب:مش عارف
هند:لا خلاص يا جماعه صعب عليا يالا زى اخونا برضو
مراد بإستغراب:اخوكم.
هند:يا عم متزعلش اخويا يا جماعه
مراد:اخوكى.
هند:ياعم متقرفناش بقا.
مراد:ما تتكلمى عدل.
هند اتعصبت مبقتش قادره تمسك دموعها:لا بقولك ايه بقا متزعقليش.
مراد عرف من صوتها أنها بتعيط
مراد بحنيه حط أيده على الباب:هند.
هند عيطت:انا مش هكلمك تانى كل شويه تزعقلى وانا مش بعملك حاجه كل ده عشان شغلت اغنيتين ما قولت هقفلها.
مراد:طب متعيطيش.
هند:متتكلمش معايا.
مشيت ودخلت اوضتها:اخدتها حجه عشان تعيط ساعات بنبقا محتاجين نعيط بس مش بنعرف اصلنا هنقول ايه لما حد يجى يقولنا بتعيط ليه(طب عارفين انا فى فتره كانت نفسيتى تعبانه اوى وفضلت كاتمه فى نفسى فتره لحد ما فيوم نزلت اخويا الصغير وقولتله روح هات الفول مطحون عشان مش بحب الحبوب الكبيره راح وجابه محوج عيطت وانهارت اختى بتسألنى بتعيطى ليه قولتلها بكل برأه جاب الفول محوج يا مى وانا بحبه مطحون وعيطت جامد وكلهم ضحكو عليا😂😂😂😂 موقف حقيقى)
دخلت نوال وكريمه.
هند مسحت دموعها بشحتفه
كريمه:بتحبيه يا هند.
هند:مين.
نوال ضربته بخفه على دماغها:بلاش لماضه.
كريمه:مراد بتحبيه.
هند:بحب ايه يا خالتو ده اخويا ومتربين سوا ده انا حتى شاكه نكون راضعين على بعض.
نوال:محصلش مرضتش ارضعه وله كريمه رضعتك
هند:ليه لا اهو تغيير برضو
كريمه:بلاش هزار بنتكلم بجد
هند بجديه:وانا مش بهزر مراد اخويا وبعدين حتى لو بحبه ده هيغير ايه هو اختار البنت المناسبه ليه وانا كاخت وبيست جدعه هدعمه
كريمه:طيب عيطتى ليه.
هند بدموع:عشان زعقلى يا كريمه هو عارف مش بحب حد يزعقلى.
نوال حضنتها بيأس:طيب خلاص أهدى
هند دفنت وشها فى حضن نوال هى فعلا محتاجه حضن امها تترمى فيه .
كريمه بصيت لنوال إلى هو هنعمل ايه يا نوال.
نوال عملت بوشها إلى هو علمى علمك ياختى.
دوامه الحب
بقلم منار مجدي
الفصل الثاني
نامت هند من كتر العياط ونوال وكريمه خرجو وسابوها.
بليل صحيت بصداع.
هند وهى ماسكه رأسها:يا ربى إيه الوجع ده كله انا منى لله كل مره بقول هعيط وافضل صاحيه عشان الصداع وبرضو بنام جاموسه يا ربى جاموسه.
اخدت مسكن وفكت القطتين عشان رأسها إلى وجعاها ودخلت غسلت وشها وبصيت فى الساعه
هند:الساعه بقيت واحده بسرعه اوى كده يا ترى خلصو المحشى واكلو لوحدهم اكيد اكلو مش هيستنونى يعنى يالا انا كده كده مش جعانه (بصيت للبلكونه) لا انا هنام تانى (راحت وقعدت على السرير وهى بتبص على البلكونه)هو اكيد نام انا هخرج بقا اشم هوا زهق مش اكتر(صعب صعب لما الإنسان بيبقا بيعاند نفسه وعمال بيقنع بنفسه أنه عادى وهو بيتوجع بيقاوح عارفين المقاوحه هى حتى مش معترفه بينها وبين نفسها انها بتحبه لأن وبكل بساطه هى شايفه أنه بيحب واحده تانيه وهيبقا مبسوط مع إلى بيحبها اكيد وهى مش هتتمناله غير السعاده فعلا زى ما بيقولو النهايات اخلاق بس يا ترى ديه نهايه وله بدايه)
جابت طرحه وحطيتها على شعرها ولبست جاكت بكم على البيجاما وخرجت وهى مبتسمه للنجوم
هند:احلى حاجه في الكون كله النجوم.
مراد:اخيرا.
هند اتخضيت:ايه ده بيطلعو امتى دول
مراد:وحياه خالتك.
هند:اه وحياه امى.
مراد:هند مش بهزر انتى زعلتى منى.
هند :اه صح أنا مش بكلمك.
نقلت وشها الناحيه التانيه.
مراد قرب عند سور البلكونه بتاعته:اهون عليكى ده انا بيستك
هند:لا خلاص مبقتش انت غيرتك لحسام(ضربت جبهتها)حسام نسيت اكلمه تلقيه نام دلوقتى يالا مش نصيبه بكره أكلمه وأخرج معاه.
مراد:ده على جثتى.
هند:مالك يا مراد مش طايقه ليه عملك ايه الواد
مراد:واحد بارد وملزق مش بقبله يا ستى انا حر.
هند:مش مهم انا بقبله.
مراد:لا إلى اقولك عليك تسمعيه.
هند:سمعت كلامى لما قولتلك بلاش سماح مراجيح لا مش كده يبقا متتدخلش (سندت على السور وهى بتبص على النجوم)مش يمكن بعد فتره يحصل بينا قصه حب ويجى يتقدملى واتخطب والبس دبله فى ايديا وأتصور بيها زى ما البنات بتعمل وبعد سنه وله حاجه نعمل فرح كبير وترقص واهيص وماما قالت هتجيب المدفعجيه فى فرحى هى واعدتنى وانا هقوله يجيب تامر حسنى كمان عشان بحبه ياااه يا مراد وبعد ما نتجوز (شاورت على خدها بكسوف)هيبوسنى هنا ويدينى مج الهوت شوكلت ونتفرج على نيمو سوا ونلعب بالمخدات سوا.
كانت هند بتتخيل كل ده فعلا فى دماغها بس مكنش حسام كان مراد فاقت على صوت.
مراد بعصبية:انتى ماتت الحياء والأدب عندك خلاص وعايزه تتربى من اول وجديد.
هند بعصبية:الله جرا ايه يا مراد مانا على طول كنت بقولك هعمل كذا وكذا لما اتجوز اشمعنا دلوقتى متعصب.
مراد ابتسم بسخرية (زى تامر حسنى فى فيلم عمر وسلمى):لا خالص متعصب ايه يعصبنى غير أن بنت خالتى عماله تتكلم على واحد وبتتخيل حياتها معاه وهى متعرفش إذا كان محترم وله لا اصلا.
هند مسكت تليفونها:وماله نسأله.
مراد:تسأليه ايه.
هند:هساله هيجى يتقدملى وله لا.
مراد:هند
هند:وله الوقت أتأخر خلاص خليها بكره عشان عيب برضو
مراد بزعيق:هند.
هند:شششش الناس نايمه اصلا انت بتتكلم معايا ليه انا اصلا مخصماك
مراد ضحك بسخرية:مبتعرفيش تزعلى منى اصلا.
هند:بتزلنى يا مراد.
مراد:لا يا حبيبتى بس انا عارفك لا انتى بتعرفى تخصمينى وله انا بعرف ازعلك اصلا
هند:اولا متقوليش حبيبتى ديه عشان بتعصبنى ثانيا بقا انت على طول مزعلنى اصلا ومش بتصالحنى قولى كده عمرك فكرت تجيبلى حتى مصاصه تصالحنى بيها إنما ابدا عيل جلده
مراد:انا عارف انك ملكيش فى التافهه ديه انت بتبقى عايزه الحاجات التقيله زى كباب وكفته وفراخ مشويه ومحشى لا متطلباتك كتير وبعدين عزمتك من شهر فى بهيه.
هند:اه صحيح بس بس.
مراد:ايه هتنكرى.
هند ابتسمت:خلاص يا عم سامحتك بس مش تزعقلى تانى
مراد:ماشى يا كبير.
هند ابتسمت:يبقا حليب يا قشطه
مراد تتنهد:مكنتش عارف انام الحمدلله هنام بقا.
هند:وانا كمان بس قبل ما ادخل نسيت اقولك سر خطير.
مراد باهتمام:ايه
هند وهى داخله:نسيت اقولك ان انا إلى قتلت موفاسا نيهاااااا.
مراد وقف مبلم بيستوعب وهند سخسخت ضحك ودخلت اوضتها تضحك ضحكت جامد وقعدت فى الارض بس بعد الضحك الجامد ده قلب بعياط جامد بس كتمته بمخده عيطت كتير اوى لمجرد أنها اتخيلت أن مراد لما يتجوز مش هيتكلم معاها زى دلوقتى اكيد سماح مراجيح هتاخده منها ومش هترضا تخليه يهزر معاها زى دلوقتى ولو هو عمل كده غصب عنها هتعمل مشاكل فى حياته ومش هيبقا مبسوط وهند عايزاه مبسوط على طول عشان بتحبه يبقا مبسوط وبيضحك لأنها بتفرح لما بس بيبتسم بس حسيت أن كل ده خلاص هيروح منها
رفعت وشها ومسحت دموعها وقررت انها هتحاول تقلل واحده واحده كلامها مع مراد وخناقاتها عشان هما الاتنين يتعودو على حياتهم الجديده وأنه هو بقا مرتبط مبقاش ينفع خلاص.
نامت وصحيت تانى يوم فى نشاط كبير
قامت وروقت البيت كله وهى حاطه السماعه فى ودنها وبتدندن وبترقص
نوال:بتعملى ايه يا بنت الهبله
هند شافت مامتها شالت السماعه بابتسامه: صباح الخير يا ست الكل.
نوال:بتعملى ايه يا هند
هند:بروق.
نوال راحت عند هند وحطيت إيديها على وشها:انتى سخنه ورينى كده.
هند ضحكت:لا يا ماما انا كويسه وبومب اهو اه انا حضرت الفطار بس استنيتك عشان نأكل سوا.
نوال ابتسمت:اه يبقا انا فى حلم ياااه ده ايه الحلم العسل ده بنتى انا بنتى هند بتروق وتحضرلى الفطار ينهار على الجمال.
هند باست راسها:خلاص يا امى بقا والله عارفه انى كنت مقصره معاكى بس خلاص هنبتدى من جديد هساعدك فى البيت بعد كده وكل حاجه وبعدين كلها شهر واتخرج وهفضالك يا جميل بقا المهم يالا عشان منتأخرش لسه هنلبس وننزل عشان نجيب حبه هدوم لينا عشان نملى مركزنا كده واحنا رايحين نخطب للواد.
نوال:ايه رايحين ده محدش هيروح غير مامته احنا نروح ليه.
هند بصدمه شهقت: يا واقعه مربربه ازاى هنسيب الواد لوحده كده.
نوال:بطلى تضحكى عليا انا امك يا هند اكتر حد عارفك فى الدنيا ديه كلها انا عارفه انك بتتوجعى.
هند بتمثيل ابتسمت:يا ماما بتوجع ايه وبتاع ايه ده انا لما صدقت وبعدين يا ماما ازاى مش هنروح مع مراد يعنى مش انتى دائما بتقولى مراد ده ابنك يبقا خلينا نروح عشان تدعمه ونقف جمبه انتى أمه التانيه وانا أخته وبيسته الجدعه
نوال اتنهدت:اه من عنادك ده ورثاه من ابوكى الله يرحمه
هند:الله يرحمه كان حته سكره عشان كده جاب عسليه زى.
نوال ضحكت:اه طبعا
هند:كده الفطار هيبرد يالا ياختى
راحو واكلو وبعدين لبسو.
هند:ماما روحى خبطى على خالتو بقا زمانها لبست عقبال ما اجيب تليفونى وهستناكى تحت عشان نمشى على طول.
نوال فهمت بنتها:طيب يا حبيبتى مش هتأخر عليكى.
هند ابتسمت:اوكى.
دخلت أوضتها ومسكت تليفونها لقيته بيرن
هند:ده حسام(رديت وهى بتخرج)ألو يا حسام ازيك عامل ايه.
حسام:اه انا تمام ايه مش قولنا هنتكلم بليل
هند:بجد.قولنا كده.
حسام ضحك:نسيتى صح.
هند:لا ازاى انساك يا باو عيون ملونه انت ها ازاى انا بس كنت تعبانه شويه ونمت.
حسام بقلق:تعبانه مالك.
هند:لا متقلقش شويه صداع وراحو لحالهم .
حسام:المهم بقيتى احسن
هند نزلت من على السلم:اه بقيت احسن الحمدلله.
حسام: طيب ايه البرنامج بتاعك انهارده لو فاضيه نتقابل.
هند:لا للأسف نازل مع ماما وخالتو نجيب هدوم عشان رايحين نخطب لمراد.
حسام:ازاى.
هند ضحكت:هو ايه إلى ازاى لا ركز كده.
حسام ضحك بفرحه:انبسطت ليه اوى.
هند:انا كمان فرحانه عشانه يالا عقبالى.
حسام:وانا.
هند:عقبالك وعقبالى بص عقبالنا احنا الاتنين متزعلش نفسك.
حسام ضحك:امين يا ستى.
مراد نزل وهو مبتسم
هند:خدت عليا يا حسام على فكره
حسام:سهل اى حد ياخد عليكى.
هند:تبا لتواضعى شكرا.
حسام:والله مش بهزر انتى.
هند:عارفه مفيش زيى قمر يا بنى عايش فى الارض.
حسام ضحك:فعلا.
هند بضحك:بطلو كدب بقا
ضحكو الاتنين ومراد واقف بيتفرج لحد ما هند لفت وشها وشافته.
هند ابتسمت:اه ازيك يا مراد.
لفت وخرجت من العماره.
مراد أنصدم:البت ديه مجنونه وله ايه.
حسام:حاولى نتقابل انهارده.
هند:مش عارفه يمكن ينفع ويمكن لا.
حسام:طيب بصى خاصة وكلمينى ونخرج بعد ما تخلصى مشوار انتى مهما أتأخر فى المشوار مش هتقعدى اكتر من ساعتين.
هند:طيب لو خلصت بدرى هكلمك بو متصلتش اعرف انى مش فاضيه عشان متضايقش
حسام:انا اقدر ازعل من القمر ده.
هند ضحكت:لا كده كتير عليا انا كده هتغر
مراد بصوت عالى:هند يالا خلصنا.
هند بصيت شافت مامتها وخالتها نزلو.
هند:طيب يا حسام هكلمك بعدين بقا.
حسام:ماشى سلام وحكى بالك من نفسك.
هند ضحكت:انا رايحه احارب يا حسام اقفل يا عم.
مراد:قالك ايه.
هند كانت هتتكلم وبعدين بصيتله بابتسامه:وانت مالك خليك فى حالك ها يا ماما جاهزين.
نوال:ها اه جهزنا.
كريمه:طيب يالا بقا.
هند:يالا فين وانت رايح فين.
مراد:نسيتى انى العريس وأنا أول واحد هيجيب هدوم
هند:يبقا مع نفسك انا مش فاضيه.
مراد:وهتسيبى اخوكى لوحده برضو.
هند:اخويا.
مراد:اه وبيستك إلى ملوش غيرك.
هند:طيب يا مراد يا اخويا هساعدك وامرى لله يالا.
نوال لكريمه بصوت واطى:حاسه فى حرب وانا مش واخده بالى.
كريمه:باين كده يا رب استرها معانا احنا عبط.
بعد فتره كانو لسه داخلين المول تليفون هند رن.
هند ردت:ألو ايوه وصلنا خلاص بقا قولتلك هخلص واكلمك وبعدين نشوف هنخرج وله لا (ضحكت) متقلقش مش هنسى لا مش تتصل كل ساعه انا هكلمك(ضحكت)والله هكلمك صدقنى بقا.
مراد:اجيبلك كوكتيل تشربيه وانتى بتتكلمى.
هند شاورتله يسكت:ششش بتقول ايه (ضحكت)اه فعلا طيب بقا طيب لو جبت هصورلك تنقى معايا اوكى باى.
قفلت.
مراد:انتى بتعمليلى هششش كده.
هند:انت مأخظتش بالك وله ايه يالا يا ماما انتى وخالتى هتفضل كده ورايا مشاوير انا مش فاضيه
مراد بقا بيتنفس العوا ويطلعه بعصبية.
نوال بخوف لكريمه:زى ما يكون فى بركان هينفجر قلبى مش مرتاح
كريمه:وله انا يا اختى وله انا ربنا يستر هو الخروج معاهم كده كله توتر.
دخلو محل فساتين ونقيت لكريمه ونوال درسين حلوين وعجبوهم ونقلت لنفسها فستانين بس احتارت تختار أنهى فيهم كان مراد بيتفرج على فستان روز زبائن عجبه اوى.
هند بصيت قدامها ودمعت لأنها حسيت أنه بيتخيل مريم فى الفستان الجميل ده مسحت دموعها بسرعه قبل ما حد يشوفها وطلعت تليفونها وصورت الفستانين.
مراد سمع صوت الكاميرا بصيلها بإستغراب وقرب:بتعملى ايه.
هند:شايف ايه.
مراد:بتصورى الفساتين ليه هتبعيهم للمحل على النت
هند ضحكت بسخرية:هه ظريف اوى.
مراد بص فى تليفونها لقتها بعتتهم لحسام وبتقوله ايه رأيك
مراد بعصبية:انتى هتخليه يختارلك.
هند:اه وفيها ايه.
مراد:بس انا معاكى انتى مش محتاجاه.
هند:ومش محتاجاك على فكره خلاص لازم اتعود.
مراد بإستغراب:تتعود على ايه.
هند ضحكت:انك بقيت انسان مرتبط متقلقش عليا انا هبقا كويسه اتكل انت بس على الله.
مراد:بطلى هبل يا هند مفيش حاجه هتتغير
هند ضحكت:لا تكون فاكر انى هفضل كده لا انا كمان هرتبط وتتغير مش ضرورى انت ايه ده بص عجبه التركواز خلاص انا هجيبه.
سابته ومشيت
مراد بقا مضايق جدا.
خرجو من المحل تليفونها رن.
هند رديت:وبعدين مش قولتلك انى هكلمك لا لسه هنجيب لمراد طقم جديد أن شاء الله بس الاول هتخرجنى فين وهتأكلنى وله هنصوم قول والله ماك مره واحده لا يا باشا انا راشقه طيب لا مش هتاخر على طول اصل انا زوقى جميل وبيعجب مراد فهخلص على طول اممم يعنى ربع ساعه مثلا هكلمك تمام باى
مراد:كل شويه هيفضل يكلمك كده
هند ضحكت:وانت ايه مضايقك يالا يا ماما انتى وخالتو مدو شويه عايزه اخلص بسرعه.
دخلو محل بس عدى ساعه وكل لما هند تنقى حاجه متعجبش مراد أما نوال وكريمه قعدو عشان تعبو وسابوهم.
هند وهى بتدور وتليفونها بيرن وبتفصله:ايه رأيك في ده.
مراد:لا برضو مش عاجبني .
هند اتنهدت وبصيتله: انت كداب يا مراد عشان الطقم ده شوفناه قبل كده وكان عاجبك انت بتعمل كده ليه.
مراد:بطلى يعجبني خلاص.
تليفون هند رن
مراد شاف اسم حسام اضايق جدا:بظهر أن زوقك بقا وحش اوي ومش بيعجبنى.
هند أضايقت:اسفه والله ذعشان زوقى مبقاش يعجبك ابقى اخرج مع إلى ووقعت بيعجبك وخليها هى تنقيلك ممرمطنى معاك ليه طالما كده كده مش هجيب إلى هنقيه
مراد حس أنه عم:ده مش قصدى متفهميش كلامى غلط وعلى مزاجكك انتى.
هند:انت طلبت مساعدتى يا مراد وانا غلب حمارى معاك اختار الى يعجبك.
مراد:انتى بتعملى الحوار ده كله من الاول عشان تخرجى مع البيه وتسيبينى وانا محتاجك وانتى عارفه انى معنديش صحاب غيرك وله حتى اخوات بس انتى انانيه مش بتفكرى
غير فى نفسك وبس ومش مهم عندك اى حد تانى حتى لو انا الظاهر انك كنتى بتضحكى عليا لما كنتى بتقوليلى انى اخوكى وله بيستك وصديقك الصدوق يظهر أن كل ده كلام (تليفونها رن) ردى وروحيله وانبسطى يا هند انا مش بشحتك.
هند كانت بتدمع وماسكه دموعها مش عايزاها تنزل بصيت للتليفون لما رن وطئت وشها عشان دمعتها تنزل وهو ميشوفهاش وبعدين رديت
هند:ألو يا حسام (بصوت عالى)حسام انا زهقت بقولك ايه انا مش خارجه حتى اقولك اكتر متكلمنيش تانى وأقطع علاقتك بيا يا عم انا عندى انفصام في الشخصيه سلام(قفلت فى وشه وحظرت الرقم كله وقفلت تليفونها خالص ورمته فى الشنطه ).
مراد ابتسم ليها.
هند شنت وحاولت تتمالك نفسها:مبسوط يا سيدى يالا نكمل لازم تبقا قمر بكره عايزه الناس يقولو مين الواد الجامد ده ساعتها هقول بفخر ده ابن خالتى يا جماعه واخويا وبيستى.
(حرام صعبانه عليا لا عارفه تعيش وتنسى وله عارفه تبعد وله عارفه تنهار وله عارفه تعمل اى حاجة قلبى معاكى يا هند ياختى يقطع الحب وسنينه ياختى يخربيت إلى يزعلك😂😂)