رواية حارستي الجزء الثاني
الفصل الخامس عشر
بقلم شوشا عبداللاه
على ذهاب ليل لحور ليتحدث معها ويطلب منها أن تمثل انها
حبيبته علشان المعجبين يبعدوا عنه
ليل بابتسامه :احم حور
تلتفت إليه حور وتجيب برقه :نعم
ليل: ممكن نتكلم على انفراد
حور :اتفضل قول إلى انت عاوزه هاجر صديقتى مش غريبه
ليل :اه ما انا عارف بس يعنى ده كلام فيه خصوصيه
حور :مفيش خصوصيه بينى وبين هاجر دى اختى وعارفه
عنى كل حاجه وهيا إلى ساعدتنى فى المقلب إياه
هاجر بهمس:يابت الوااااطيه ايه الوطايه دى عينى عينك كده
ثم تنظر لليل بخوف
ليل :ااه قصدك إلى عملتيه في العربيه وكده
حور:ايوه فشوف انت عاوز تقول ايه واتفضل قول قدامها
عااادى جدااا
ليل :طيب ممكن اقعد
حور :اه اتفضل
ليل :بصى الموضوع والى فيه ان فيه شويه بنات مزهقينى
فى عيشتى وبصراحه اقل ما يقال عنهم أنهم متربيوش ولا
شافوا التربيه بس النهارده الأمر زاد عن حده فيه بنت منهم
نشرت اشاعه أننا ارتبطنا واظن انك سمعتى بيها
حور :ااه سمعت حاجه زى كده للبنت إلى اسمها سلوى باين
ليل :ده مش صحيح انا مرتبطش بيها دى كدابه
حور :وهيا إيه إلى هيخليها تقول شى زى كده لو مكنتش
انت لمحت أو كنت بتلعب بيها وهيا خدتها جد
ليل بتبرير :لا والله ابد أنا عمرى ملعبت باى بنت ولا حتى
بكلمهم لانى عارف ان فيه حاجه اسمها كما تدين تدان أنا
يمكن ابان زى بقيه الشباب بس والله عمرى معملتش حاجه
تغضب ربنا ولما تطلب اننا نكون اصدقاء ده لانى فخور ان
فيه بنات زيك متربين ومحترمين فى زمن فقد الاحترام
وحل للبنات والشباب كل شىء أنا صحيح معنديش اخوات
ولابنات ولا ولاد بس برضوا بخاف من ربنا ممكن يرزقنى
ببنت ويحصل فيها إلى بعمله علشان كده بتقى ربنا فى كل
خطوه وكل حركه بعملها صدقينى أنا مش بكدب عليكى ولا
بقول مقالات كده وخلاص
تشعر حور بالفرح الشديد لانه صحح صورته فى نظرها لأنها
كانت واخده فكره غلط عنه :بصراحه انا فرحانه انك
مطلعتش زى ما كنت مفكراك انك شاب غنى ومستهتر زى ما
باين قدامى يعنى بصراحه اتفاجات بالكلام إلى قولته وانا
مصدقك جداااا بس برضوا مفهمتش عاوز ايه منى وجاى تقولى الكلام ده ليه
ليل :احم اه مانا جايلك فى الكلام اهو أنا عاوز منك انك
تقبلى أننا نمثل قدام الكليه أننا بنحب بعض وأننا هنرتبط
حور باندفاع:تصدق انك مش محترم وانا بسحب كل كلمه أنا قولتها فيك ده انت مشفتش بشلن تربيه
ليل :أهدى أهدى أنا مش قصدى حاجه بصى فكرى بهدوء
كده من غير انفعال دى هتبقى كدبه بيضه هتنقاذينى من
الاشاعه إلى طلعت دى وده هيكون جميل عمرى مهنساه ابدا ابدا
حور:انا اسفه أنا مقدرش اكدب لأن واثقه كل الثقه أن الكدب
ملهوش رجلين وحباله قصيره شوف اى بنت تانى فيه بنات
كتير هتوافق الكليه مليانه شوف اى وحده غيرى
ليل :, صدقينى ما ينفعش غيرك لانى واثق انك مش هيكون
ليكى مصلحه من واء الموضوع وهموم مطمن
حور باعتراض :صدقنى مش هينفع الموضوع من أصله غلط
من بنى على باطل فهو باطل اسفه أنا مش موافقه بعد اذنك
يلا يا هاجر تذهب حور مع صديقتها ليغمض ليل عينيه
بعصبيه من رفضها ياتى حسام بعد متغادر حور ويجلس
بجوار صديقه ويتسال عما فعل معها
حسام :ها ايه الاخبار
ليل بياس:رفضت انها تمثل
حسام بصدمه :ليه كده كده الموضوع باظ خااالص
ليل :مش عارف انا هحاول معاها تانى ولما نشوف
حسام :متزعلش ربنا يوفقك وان شاء الله خير
ينهض ليل :أنا هروح الجيم شويه وبعدين اروح هتيجى
معاي ولا هتقعد فى الكليه
حسام :لا هاجر معاك طبعا هو الواحد ناقص زهق يلا نفرفش شويه بلا كليه بلا نيله
يذهب ليل وحسام ليقابل أحد الفتيات الفاسقات
الفتاه بميوعه:هاااى ليل ثم تكمل بحزن هو انت بجد ارتبط
بى سلوى دى ارجووووك قول كلام غير كده
ليل بزهق :وانتى مالك وبعدين من إلى نشر الاشاعه دى أنا
هعرف اتصرف معاه وحسابه هيكون عسير
الفتاه بفرحه :يعنى دى اشاعه وانتوا ما ارتبطوش ولا حاجه
أنا كنت عارفه انهم كدابين انت بتحبنى أنا صح يا حبيبى
انت حبيبى أنا وبس مش كده
ليل بغيظ وغضب يصرخ بيها :اوعى كده انتى مجنونه هو انا
وعدك بحاجه وخليت بيكى هو انتى معندكيش اى كرااامه
خااااالص مش أنا كل شويه اهزق فيكى وانتى برضوا جبله
أنا بجد مش عارف انتى ملتك ايه حرام عليكى انا زهقت
لما كل شويه ابعدك عنى ارحمينى اف ايه القرف ده ويتركها
ويذهب وياتى خلفه حسااام تبكى الفتاه بشده لأن صوته
كان عالى وفيه طلبه شافوها وهو بيهزقها لتبكى بشده
حسام :براحه ياعم مش كده دانا هزقت أهلها
ليل يتنفس بغضب :مانت شايف تصرفاتها والمياه إلى فيها
بجد انا زهقت ومش مستحيل وبعدين هيا جات فى وقت
غضبى فطلعت عصبيتى عليها بس على الله تفوق لنفسها
وانتبه لمستقبلها بجد أنا جبت أخرى منها ومن كل بنت زيها
حسام بهدوء إياه :خلاص ياعم متعصبش كده هو حد لاقى
يهتم بيه والبنات تلف حواليه روش ياعم فك كده
ليل : معلش شويه كده وهروق متقلش انت
حسام بهزار :ماشى ياعم يلا اعزمنى كده على اكله جامده
كل الجمد لأن وربنا أنا همووت من الجوع وان ماكلتنيش
وربنا هصوت والم عليك الناس أنا بقولك اه وكد احذر من انزر
يضحك ليل : ههه لا هو انا ناقص فضايح اوكلك احسن بدال
ماتلم علينا الناس أنا عارفك مجنون وتعملها
حسام يعدل من لياقه قميصه بهزار :ايوه كده ناس متجيش
غير بالتهديد الله عليه على وضعى دايما مسيطر
يضحك على على هزار صديقه :وربنا انت نكته انت الوحيد
الى تقدر تضحكنى وانا مضايق بجد نعمه الصديق
حسام :ابسط يا عم ابسط محدش واخد منها حاجه عيش
حياتك فى ظل رضى الله وعيش وسيبك من الهموم دى بتقصف العمر وبتعجز بدرى
ليل :ايوه والله معاك حق ويلا انزل وصلنا المطعم ناكل
وبعدين نروح الجيم نلعب شويه رياضه نفك بيهم العضل
حسام :ايوه بقى يلا بينا على مصدر السعاده
ليل بستغراب :الكلام ده على الجيم
حسام باعتراض :جيم ايه انا قصدى المطعم الجيم برضوا
هيكون مصدر سعاده ده مصدر الم وجع تعب قال سعاده قال
يدخل ليل وحسام للمطعم ويجلسوا على أحد الطاولات
ويشاور ليل النادل لياتى
النادل :نعم يافندم تامرو بايه
ليل :عندكم ايه
النادل يعطيه المنيو :ده المينو النهارده يا فندم يضع أمام ليل واحد اخر أنا حسام
ياخذ ليل ويتصفحه وكذالك حسام
ليل :أنا عاوز من ده شروبه المشروم وقطعه استيك
النادل :تمام يافندم واخضرتك تاومرى بايه
حسام : بص سيبك من شغل الهوات ده انا بحب الاكل الدسم
عاوز فراح مشويه ومعاهم شويه رز وسلطه وكمان حبه
طحينه وشويه كفته وكباب واكل من إلى قلبك يحبه ودلعى بقى
يضحك النادل :حاضر يا فندم بعدك اذنكم
ليل :بجد أنا نفسى اعرف بتاكل كل ده وبتوديه فين
حسام يرفع يده فى وجه :خمسه مخميسه فى عين إلى
ميصلى على النبى ايه ياعم انت هتحسدنى ولايه وانا اقول
مالى كده بقيت هفتان ونفسى مسدوده واكلى قل
يضحك ليل بقوه :اللهم صل على النبى هو انا الى بحسدك
وبعدين كل الاكل ده وتقولى اكلك قل ونفسك مشدوده امال لو مفتوحه هتاكولنا ولايه
ياتى النادل بالكل ويضعه على الطاوله ويذهب
حسام :امممممم ايه المنظر ده يااالهوى على كميه السعاد
ويبداء فى الاكل
ليل :بسم الله الرحمن الرحيم ويبداء فى شرب الشوربه
بعد مده ينتهى ليل من الاكل ومسح يديه فى المناديل
الموضوعه جانبا ويمسح فمه برفق وينظر لحسام وهو يأكل
ويحاول إلى يضحك بعد فتره
حسام :امممم الحمد لله الواحد شبع دومها يارب علينا
ليل :طيب يلا نمشى نروح الجيم
حسام :ياعم اصبر مستعجل على ايه لسه لما محلى
ليل بدهشه :انت لسه فى بطنك مكان تحلى
حسام :امااال دى بطنى تشيل من الحلو الف
ليل :امرى لله ويشاور النادل مره اخرى ويطلب منه حلو
ليحلى حسام وبعد فتره كبيره
ليل :يحاسب النادل ويذهب هو وحسام ويركبوا السياره ويتجهوا إلى الجيم
ليل :يلا يا بطل وربنا قوتك كد ايه فى الجيم
حسام باعتراض :لالا أنا مش قادر مره تانى
ليل :انزل بلا مره تانى احنا وصلنا
حسام :يعنى لازم حكايه الجيم ده
ليل :اه طبعا مش اكلنا لازم نحرق ونحافظ على جسمنا
يدخل ليل وحسام الجيم يبداء ليل وحسام فى التسخين ثم
يتجه ليل إلى السسته ويبداء فى شداها بقوه عشر شدات ثم يتجه إلى رفع الأوزان ويبداء فى الرفع
ليل :انت بتعمل ايه بإحسان
حسام :برفع اوزان
ليل بسخريه :مش ملاحظ أنه تقيل عليك إلى شايله ده كله
حسام :تصدق صح وانا اقول عضل ايدى وجعنى ليه أما اغير
ليل بسخريه :انت شايل خمسه كيلو هتشيل ايه تانى يا
وحش كفايه كده ثم يكمل بمكر تعالى تمشى على السير
حسام :ماشى اهو رياضه سهله
ليل بمكر :اشغلهولك على كام ضعيف ولا متوسط ولا عالى
حسام بفخر بنفسه :عااالى طبعا
ليل وهو مبتسم :وهو كذالك
يصعد حسام على سير المشى ويبداء ليل فى تشغيله إلى
العالى ليبداء حسام فى المشى ثم الجرى سريعا ثم يصرخ من
السرعه العاليه
حسام بصراخ :عععاااااااا الحقنة يا ليل
يضحك ليل والجميع الموجودين
ليل هو يضحك :لسه بدرى يا وحش انت لسه بادء
حسام بصراخ: الحقوونى ليقف ازى ده الي ايدك اقف عاااااا
ليل منك الله ااالحقونى عععععععااااااا ثم يسقط على ظهره
بقوه ليضحك الجميع بقوه
ليل يحاول أن يهدء من نوبه ضحكه :مالك بس يا وحش
وقعت ليه هههههه
حسام بالم :واوعى ايدك ابعد عنى منك لله انت عامل كده
بالقصد ااااااه يا عضمى يانى
ليل :براحتك انت حر شوف مين هيقومك
حسام :هتقومنى انت طبعا مش انت السبب يعلن ياراجل ابو
دى صحاب إلى تعمل كده فى بعضها وايه الكل نازل ضحك
طيب حد يساعدني ويراف بيه
ليل :قوم يا خويا قوم قوم يا فضحنا ياخرابى يوم ماجيت
الجيم شلت خمسه كيلو يشيلهم عيل فى كيجى وان وكمان
عمال تنهج وعامل روح شايل خمسين كيلو اااه يخرابى على
الرجوله الله يرحمك يارجوله
حسام بغيظ :وماله الخمسه كيلو بقى وزن ولا مش وزن
هاااا يامتعلمين يا بتوع الجيم عاجبكم جسمكم ده مطلعين
عضل فى كل حته عاملينلى عضل كتف وعضل بطن
وعضل معرفش ايه ناقص تطلعوا عضل فى الوشكم يااعم
أنا عاجبنى جسمى كده طول مانا بعيد عن الكرش تمام التمام
انا غلطان اصلا انى جيت معاك الزفت وربنا منا جاى تانى
ليل بسخريه:لا جسمك انت الحلو وانت عامل زى عود القصب
يابنى حس على دمك وسترجل شويه وتعالى شيل حتى حديد
حسام بلاه مبلاه:مش عارف انتوا تعبين نفسكم ليه ياعم أنا
حابب نفسى كده أنا عجابنى وده كفايه روح انت العب رياضه
براحتك وانا خلص عليك وهشجعك هو يا كويس كده
ليل :وربنا صدق الاستاذ سعد
حسام بغباء :مين الاستاذ سعد ده
ليل :متعرفش مين الاستاذ سعد صاحب الجمله الشهيره
مفيش فايده
حسام :ياعم اخلص بيدرس ايه يعنى بيدى اى ماده عربى
ولا رياضه ولا ليدرس ايه
ليل بياس :سعد زغلول بيدى اي مادة حسبى الله ونعم
الوكيل فيك وفى إلى علمك اه طبعا اى آخره الغش هيطلع
ايه يعنى غير كده ثم يتركه ويذهب ليتمرن
حسام بتفكير :هو ماله ده يمكن يكون ليدرس علوم ولا
انجليزى ولا اكيد ليدرس رسم مانا عارفه بيحب الرسم
زى البنات
*************
فى بيت حور تجلس تذاكر دروسها وهيا شارده فى كلام ليل
بطه :حور حووور انتى يابت
حور تفيق من شرودها :ايه فى ايه عاوزه ايه
بطه :انت إلى فيه ايه عماله يا حوور يا حور لما صوت اتنبح
مالك سرحانه فى ايه
حور بتوتر:لا ابد مش سرحانه ولا حاجه أنا بس كنت بفكر فى
حاجه سيب انتى منى انتى كنتى عاوزه ايه
بطه بحرج :كنت عاوزه فلوس المذكرات
تبتسم حور على حرج اختها :عاوزه كام
بطه بهمس :عاوزه احمد ٣٠٠جنيه مش ليه والله ده علشان
المذكرات اصلى غليت قووى منهم لله
حور :طيب روحى فى الدولاب خدى إلى عوزاه وخلى بالك
من نفسك وذاكرى كويس علشان كلنا
بطه بسعاده :تحتضنها حور بسعاده :شكر يا حور
حور :أنا الشكر بتاعى لما تدخلى كليه محترمه وتجيبى
مجموع يشرف ماشى
بطه :أن شاء الله
فى غرفه فوزى يجلس وهو يشعر ببعض التعب
روح بقلق :بقولك ايه يافوزى انت لازم تكشف مش هينفع
كده انت صحتك كل يوم فى النازل والبت حور كل شويه
تسأل عليك وانا بكر اكدب عليها اقولها نائم ولا بره مع فلان لا لسه جاى من الشغل
فوزى بتعب :ياوليه أنا كويس بس دول شويه تعب مش اكتر
وسيلة حور فى حلها مش كفايه شغاله وبتساعدنا فى
المصروف والعيشه دى لولاها كنت شحت ومديت ايدى
للخلق علشان نعرف نعيش زى الخلق
روح :البت صعبانه عليه دى بتحبه عينى طاحنه نفسها فى
الشغل ونازله مذاكره وبتصحى تجهز الفطور وبتيجى فى
العشاء تشطب النوعين بجد البت دى مفيش زيها
محمد ربنا انها مشغوله ومش لاقيه وقت لولا كده كانت
عرفت انك تعبان وهيا بتخاف عليه من الهو بحسها بتحبنا اكتر من ولدنا الحقيقيين
فوزى يضع يده على فمها :هشششش ايه إلى بتقوليه ده حد
يسمع انتى اجننتى يا وليه
روح :معلش مكنتش اقصد والله يقطعنى أنا بس كنت بوريك
أصلها ومعدنها إلى زى الذهب
تطرق حور الباب وتدخل
حور :انتوا بتتكلموا على مين وتقصدو مين بكلامكم
فوزى ينظر لروح بقلق أن تكون سمعت كلامهم
روح بخوف :احنا اااا كنا بب بنتكلم
حور:مالك ياماما متوتره ليه اتكلمى وقولى قصدكم مين بالكلام ده
لقراءة فصول الجزء الاول كامله اضغط هنا