الفصل التاسع
بقلم منة محمد
هدي قاعده تصلي وتضرع وتدعي من كل قلبها
انه يتم الطلاق من غير ما تخسر جنيه واحد وترتاح من كارمن للابد
هدي رفعت ايدها بخشوع لله ومن كل قلبها: اه يا كارمن انا صليت ودعيت لله انك متخديش مليم واحد ويارب اسمعها مني
خلصت صلاه ولمت السجاده وخلعت الاسدال وخارجه لقت الشغاله بتصرخ بفزع: ست هانم
هدي بخضه: في ايه يا بنت
الشغاله: فيه راجل واقف وري سور الفيلا انا شوفت دماغه
هدي جريت للشباك: فينه
الشغاله شاورت خارج الفيلا ناحيه السور: اهو واقف هناك
هدي لمحته: تعالي ورايا
الشغاله مسكتها بخوف: ست هانم لازم نتصل بالشرطه يمكن يطلع حرامي ولا هجام واحنا ستات لوحدنا
هدي : هتصل بالبوليس بس الاول اتأكد انه مش منطقتنا لاني هقع في مشكله لو طلع حد نعرفه يله اتحركي ورايا
الشغاله جسمها بيرعش: استني ياهدي هانم
هدي طنشتها خالص وقربت من الباب بحذر ومره واحده فتحته لقتها داخله في وشها اتخضت ورجعت شويه ع وري
كارمن : ليه حضرتك هنا
هدي بتعجب واستغراب:وانتي بتعملي اي هنا
الشغاله لمحت نوح ع الموتسكل: ست هانم فيه راجل بيجري بالموتسكل
كارمن اتوترت شويه وقالت تشغلهم عنه: انتي هنا عشان تشوفي الراجل الي كان واقف هنا
الشغاله: وانتي كنتي بتشوفيه واقف هنا ليه
كارمن: ايوه
هدي بصتلها بشك وتمحيص
كارمن اتجاهلت نظرتها وكملت بكل هدوء: كان واقف قريب من السور من اول ما وصلت من الشغل وكنت داخله انام ببص من الشباك لقيته لسه واقف قلقت ونزلت اساله عايز ايه
الشغاله بستفسار: وقالك ايه؟؟!!
كارمن: ملحقتش اسأله جري ع الموتسكل
الشغاله شهقت بفزع: هرب اكيد حرامي نتصل بالبوليس
كارمن اتهزت شويه: مفيش داعي هو مشي خلاص نتصل لو رجع تاني انا رايحه انام
هدي وقفت والشك مالي قلبها!!!!!!!
قصص منه محمد كاتب
نوح بعد ما ساب كارمن وقف ع جنب فكر في كلامها بدون تردد طلع موبيله واتصل بأمه
مردتش عليه قلق راحلها البيت رن الجرس كتير طلع ع العياده يسأل عليها وقالوله انها عملت حادثه في المستشفي طلع ع طول لمكانها ووصل ودخل الغرفه من غير ما يدق الباب
هاله قامت بفزع اول ما شافته: نوح
نوح اخد باله ان وشها اتغير للصدمه: ايه فكرتيني هو
هاله: انت ازاي وصلت هنا ومين قالك اني هنا
نوح دخل وقرب منها: ايه مش مبسوطه بشوفتي واني جيت اشوفك
هاله برتباك: انا انا سعيده طبعا
نوح بصلها بتريقه: بس شكلك مصدومه اكتر من انك سعيده
هاله: لاء بس استغربت وجودك هنا
نوح: طبعا لانك بتفكري في دكتور ابهم وبس
هاله: نوح انا تعبانه ومحتاجه لدعم معنوي مش محتاجه سخريه وتريقه منك
نوح: الممرضه قالت لي انك مش متأذيه اوي وتقدري ترجعي البيت بس انتي طلبتي تفضلي
هاله بحده: انت بتتهمني اني أذيت نفسي عشان اكسب تعاطف
نوح بنتقاد حاد لانه عارف بل متأكد انه امه إمرأة لعوب وكل هدفها تنال من قلب راجل وتسعى بكل ما تملك من حيل وخطط لأسر إنتباهه: اتمني متكونيش كدا ولو عملتي كدا تبقي ست بائسه جدا خاطرتي بحياتك عشان خاطر راجل اناني
هاله بدفاع: عرفت ازاي انه اناني انت عارف عمل ايه عشاني
نوح بصلها وبضيق: انا الي اعرفه الي بتعمليه عشان تسرقي راجل من مراته ( بصلها بصه لو كانت كما القنبله والود وده يهشم دماغها لحد ما تسقط وسط بركة دم اتنهد وتابع كلامه) الراجل مستعد يعمل اي حاجه عشان ياخد منك متعته وبس
هاله بعصبيه شديده: نوووووح خد بالك من كلامك
نوح بعصبيه اشد: قولتيله عني
هاله بصتله وعيونها زاغت وسكتت تماما وهو بصلها نظره على كل تفاصيل وشها
نوح هز دماغه:معني سكوتك انك مقلتلوش ان عندك ابن
هاله بصتله والكدب بيشع من عيونها: لاء لاء قولت له
نوح كتف ايده : قولتله عني بس مقولتلوش سني مظبوط
هاله نزلت عيونها وزاغت تاني في كل مكان بتوهان
نوح سند كوعه ع حديده السريره: طيب ورتيه صورتي
هاله رفعت عيونها وبسرعه قالت: ايوه
نوح : لو كنتي عملتي ليه متعرفش عليا لما عالج دراعي
هاله: بس قولتله ان عندي ابن
نوح بمرار وغصه ملت حلقه : قولتيله انك اتخليتي عني وانا طفل طيب قولتيله اني شاب عنده 28 سنه خليني اخمن قولتيله ان ليك ابن بس هو ولا اهتم عشان كدا انتي بائسه وعايزاه يهتم بيكي ياتري تخميني في محله
هاله بلعت ريقها ونزلت دموعها من عيونها الجاحظه
نوح حرك راسه بأسف وقرب منها وميل عليها اوي: لازم يعرف كل حاجه عنك عشان يقرر لو عايزك انتي ولا مراته
هاله بتحذير: نوح مش هتقوله اي حاجه سااامع
اثناء نظراتهم المشده والمتشابكه دخل ابهم بدون مايقرب لحد جوه
هاله بفزع ورعب ان ابهم يدخل ويشوف نوح الي هي دفعته ع الجدار عشان تداريه
هاله بسرعه وارتباك: دكتور ابهم معلش خليك مكانك اصلي بغير ممكن ترجع شويه كمان لو سمحت اخرج خالص
ابهم عند عتبه الباب: انا جيت اطمن عليكي
هاله بصت لنوح بتوتر وخايفه يظهر قدامه: لاء بس انا حاليا في وضع خاص معلش
ابهم هز دماغه بتفهم: تمام فهمت انا جيت اطمن عليكي هرجعلك بعدين
هاله: تمام
نوح بقهر :اظاهر مش عايزنا نتقابل انتي خايفه امرك وحقيقتك تنكشف قدامه
هاله بعصبيه: ايوه خايفه يكتشف اني اختلقت كل حاجه وجرحت نفسي عشان اخد منه التعاطف واقدر اسرقه من مراته
نوح بحده: انتي فاهمه كلامك
هاله: لو كنت مش متقبل افعالي تقدر تكمل حياتك ومتجيش تشوفني مره تانيه
نوح اتكلم بقهره هتموته حرفيا: لو قولت لك اني هنا النهارده عشان اقولك لو سبتي الدكتور في حاله هرجع ابقي جنبك هتبعدي عنه!!!!
هاله: نوح
نوح مسك كف ايدها برجاء وتوسل هي سحبتها منه بسرعه
هاله بقسوه: انا ام وحشه متقبلش تكون معاها
نوح سحب ايده لوري وانفعل عليها: عايزه تقولي هتاخدي الراجل ده مهما حصل
هاله غمضت عيونها ومسحت دموعها: نوح اسمعني انا مقدرش اسرقه من اي حد لو كانت مشاعرنا مش متبادله ابهم وانا اتقابلنا متأخر وهو بيحبني ومبقاش يحب مراته هو بس معاها مجرد شفقه ع حالتها ومنتظر توافق ع الطلاق بشروطه وانت شوفته من شويه لو مش بيحبني ولا مهتم مكنش جه يشوفني
نوح :متقولليش اني محذرتكيش بعديها رماها بنظره حاده
وسابها وخرج وهي فضلت تعيط بحرقه
قصص منه محمد كاتب
في الممر
كارمن لحظت بعض الزملاء عيونهم عليها وفيه بينهم تهامس راحت لرغده تسألها
كارمن بستفسار: مالهم دول
رغده: ده مشهد عليكي كانوا بيتكلموا عنك
كارمن: قصدك بيتكلموا عن هاله وابهم
رغده: اه مافيه مستشفيات كتير بس هي اختارت هنا وانتي كمان لعبتي دور كبير وسمحتي له يفضل معاها
كارمن بصتلها بحزن وتكشيره
رغده حطت ايدها ع كتفها: كارمن انا في صفك ومعاكي واكتر حد نفسي اقتله هي هاله لانها ست وقحه رغم انها عجوزه وشايطه 38 سنه كان لازم تفكر في ابنها وكمان نفسي ابلغ الدكتور ابهم لانه فضل معاها لسعات وفضل جنبها طول الليل هو مش واخد باله ان الكل بيتكلم عنهم وده كمان هيأثر عليكي
كارمن بحزن: كفايه يارغده كفايه
رغده بحنان: كارمن انا مش قصدي اوجعك
كارمن بشك: تفتكري هاله هتقوله عن ابنها
رغده رفعت كتافها بمعني مفتكرش
كارمن: طيب يله نشوف شغلنا
وبتلف لقت نوح قاعد علي الكرسي ومكتف ايده بصلها وهي راحت عليه
كارمن: انت مش جرحك طاب ليه جاي هنا؟؟!!
نوح: حاسس اني فيه حد مفتقدني
كارمن بحده: بطل تهزر معايا مش من حقك تتكلم معايا بالطريقه دي لمجرد اننا قريبين من بعض واياك تنسي نفسك فاهم واحترمني انا مش من اياهم (مشت )
نوح بصدق: لو بطلت الي بعمله ولقيت وظيفه محترمه وبدئت حياه جديده نضيفه ياتري هتبصيلي ع اني راجل محترم بدل ما انا شاب ساقط في نظرك
كارمن وقفت ولفت وبصتله بستغراب وهو قرب منها بخطواته
كارمن بنهر: يله روح بيتك انا معنديش وقت العب معاك وسابته ومشت من قدامه بسرعه
رغده شدتها في زاويا: قوليلي وريحيني مخبيه عني ايه
كارمن: بقيتي رخمه وسخيفه بجد
رغده: انتي عارفه الشاب ده ياكارمن
كارمن: طبيعي اعرفه هو مش كان مريض عندنا هنا ليه اخبي ده يعني
رغده: انا مش قصدي انه مريض انا بتكلم ان الشاب ده هو الي وصلك لحد بيتي في الليله اياها وقولتيلي انه عارف عنك وعن الدكتور ابهم ده معناه انكم قريبين من بعض
كارمن: اظن مشكلتي مع ابهم مبقتش سر وكل حاجه بقت ع المشاع المستشفي كلها عارفه يمكن هو سمع وحب يساعدني انا راجعه لشغلي
رغده وقفتها ومسكت ايدها: انا بسألك لاني بجد قلقانه وبس!!! واتمني ميكونش الشاب ده سبب انك سمحتي للدكتور ابهم يفضل مع هاله بس لو كان ده السبب فلازم احذرك يمكن الشاب ده مش هنا عشان يساعدك ويمكن جاي يصطاد في الميه العكره ويأذيكي اكتر
...........
في الكافيه جابتله كوبايه شاي بالنعناع: قولت لي ان نوح في البيت انا كدا مزاجي عال العال
تامر بصلها وكشر: ممكن تروحي تفرحي في مكان تاني انتي شايفه قد ايه انا محبط من حبيبك السابق
تامر ضرب التربيزه بعنف: سحبني لزياره امه وقالي انه استقال مش شغلانه انه صائد ومشي من غير ما يسلم عليا تخيلي ولا عملي اي سعر ولا منظر استقال وبس قوليلي اعمل ايه مع الستات الي هتموت عليه
خلود بصتله بازدراء : اظن واحد قواد زيك يقدر يدبر اموره
تامربضجر: انتم الاتنين شبه بعض اغبياء افهمي نوح كدا هيسبب لي مشاكل ومتاعب كل يوم وانتي عماله تهزقيني انا مش عارف هو انا مش كنت صديق ليكم في يوم من الايام ياشويه غربان
خلود بستهزاء: المفروض انا الوحيده الي اشتكي منك هنا اخدت صديقك وشغلته شغلانه يخجل منها الجبين
تامر: لاء بقولك ايه متفضليش تلوميني اظن انتي عارفه كويس انا مسحبتهوش للشغلانه دي هو الي طلب مني يعمل كدا ومقليش السبب وانا ساعدته كصديق
خلود بستنكار: انت مش ساعدته انت بصيت للعموله الي هتيجي من وراه
تامر بعصبيه: خلود هخبطك بالكوبايه انا مطلبتش حاجه من حد هو بنفسه بيديني انا مطلبتش منه حاجه وبطلي تتهميني
خود: طيب قالك ناوي يعمل ايه بعد كدا يعني بعد ما استقال
تامرشرب شرفه من الفنجان: هيشتغل في ورشه جدته
خلود بصدمه: ايه في الورشه
تامر: عملت كدا زيك اتصدمت لاني عارف انه مدخلش الورشه دي من زمان لانه ع خلاف دايم مع ابوه
خلود: لان ابوه عيونه زايغه بتزوغ ع الستات الي بتيجي تصلح عربيتها
تامربتأكيد: عندك حق وابوه كمان بيحب لعب القمار والله انا مشفق ع جدته من ابنها
خلود بتفكير: ويمكن نوح رجع عشان يسعدها لانه حاسس بالذنب ناحيتها انها فريسه لـ ابوه
تامر: ده جزء من رجوعه بس اعتقد ان فيه سبب تاني
خلود: اي سبب
تامر رفع كتافه لفوق: الله اعلم بقي!!!!
............
امنه بسعاده: حبيبي يانوح بجد الي سمعته منك
امنه لفت للشغاله بسعاده: سمعتي يا سنيه نوح قال ايه؟؟!!
سنيه بسعاده لفرحتها: سمعت قال هيشتغل في الورشه يصلح عربيات
آمنه: اتصلي بالمحامي قوليلي اني عايزاه يغير الوصيه
نوح: امنه استني اهدي من فضلك انا هرجع الشغل عشانك وعشان القي نفسي بس كموظف مش مالك
آمنه بفرحه: تقدر تكون موظف في المول اما باقي الممتلكات هتتولها من خلالي انا لانك حفيدي الوحيد ومن الساعه دي تقدر تجمع لي الايجار من المحلات والشقق وبعد ما اموت هتورث ممتلكاتي
نوح بهدوء: امنه اهدي اناعايز ارجع الشغل موظف وبس
آمنه مسدت ع كف ايده: وانا بوظفك تدير مالي وحالي ارجوك يانوح (باسته من خدوده) ارجوك اعمل ده عشاني وعشان ارتاح وانام مطمنه ع حالي انت عارف اني مقدرش اعتمد ع ابوك
نوح: جدتي رجاء
آمنه ضربته في كتفه بخفه: عشاني نوح
نوح بستسلام اتنهد: امري لله حاضر
آمنه ضمته اوي: حبيبي انت يله نتغداء سوي
اخدته وقعدوا ع السفره ياكلواا بحماس
نوح: هو بابا مش هنا؟؟!!
سنيه ادخلت: الست هانم طردته امبارح
امنه سابت المعلقه ولفت عليها : اهتمي بشغلك مين طلب منك تتكلمي ها قولت لك كذا مره اطلعي نضفي غرفه نوم حفيدي عملتيها
سنيه ابتسمت بعباطه: عملتها دي بقت فله شمعه منوره
آمنه بأمر: نضفيها تاني يله اطلعي
سنيه بستياء: تاني
آمنه بحزم: ايوه تاني يا حشريه
سنيه ضربت الارض برجليها بتزمر وطلعت لفوق
نوح: هو سرق فلوسك تاني
آمنه مطت شفايفها بتكشيره: طبعه ولا هيشتريه اكيد عملت بلاوي في دنيتي عشان اعاني ببلوه زيه في الحياه
نوح نفخ واتنهد بقهره وزعل
آمنه بابتسامة مليانه بالحنيه : ع كل حال لسه عندي حاجه حلوه طالما رجعت تساعدني وتقف جانبي بس قولي ايه الي خلاك تقرر ترجع تساعدني
نوح: اكتفيت من الهلس وعايز اشتغل بجد وابقي انسان عايز الكل يشوف اني راجل محترم
امنه استشفت من كلامه ان فيه حب من وري استقامته مسدت ع كف ايده: ناكل يله
نوح ابتسملها وبدؤا ياكلوا في هدوء
قصص منه محمد كاتب
https://www.facebook.com/قصص-منه-محمد-كاتب-110808814814076/
رجعت باليل ودخلت غرفتها حطت الشنطه وخلعت الساعه حطتها في الدرج ووقفت تفكر في كلام نوح لقت الباب اتفتح ودخل منه ابهم بيخلع الجرافت لحد ما دخل وابتسم لها
كارمن :هاله عامله ايه
ابهم هز دماغه:بقت احسن بكتير الدكتور المتابع للحاله قال تقدر ترجع بيتها بعد ايام قليله
كارمن :طيب خير وجايه تدخل الحمام
ابهم مسكها من دراعها ولف ايده حوالين وسطها: كارمن مش انتي بكره اجازه مش كدا
كارمن: ايوه وشدت نفسها منه عن اذنك اخد شور
ابهم سحبها لصدره: بكره انا كمان عندي اجازه ايه رايك نخرج في اي مكان جديد قولتلي نفسك تشوفي فيلم اسم الفيلم ايه اصلي نسيت
كارمن: اتعرض الشهر الي فات واترفع من العرض
ابهم :بجد خلاص نشوف فيلم تاني وندخله
كارمن: كلها افلام رعب انا شوفت اعلاناتها وانت مش بتحب النوعيه دي من الافلام مفيش داعي تروح
وحررت جسمها منه ومشت تجيب غيار
ابهم :بس انتي بتعشقي افلام الرعب وهتفرج معاكي
كارمن لفت وبصتله وبسخريه : انا مش بحب افلام الرعب بس صديقه كارمن بتحبها وبتحب الاثاره اسمها هاله تعرفها
ابهم كشر ووشه اتغير
كارمن داخله الحمام شدها تاني عليه : كارمن استني انا اسف انسي امر الفيلم خلاص نتغداء وبعدها اخدك ع اي مكان نفسك تروحيه تمام
كارمن بهدوء مميت: تمام انت خليك مع هاله لو حبيت لانها هتفضل تتصل بيك كل شويه
ابهم: حتي لو اتصلت ولا هسأل فيها عايز اكون مع مراتي
كارمن: هي كمان معتبراه نفسها مراتك ياتري هتقول ايه وقتها
ابهم استغرب من برودها معاه وقال : هاله هي فعلا سبب في بعدك عني ولا لانك بقيتي تفضلي وقتك مع الولد الصغير
كارمن رجعتله وعقدت حواجبها: انت تقصد ايه؟
ابهم مسح على وشه: انا بعتذر عن كلامي الي زي الولد بس قصدي عايز اكون معاكي خلينا نخرج بكره
كارمن هزت راسها وسكتت بعدها بدقايق اتكلمت بهدوء: تمام نخرج
ابهم رجع قعد ع الفوتيه ومقهور لانه حاسس ناحيتها بفتور اتجاهه
وكارمن دخلت الحمام بصت لنفسها في المرايا وفضلت تفكر في نوح وكلامه
تاني يوم لبست وهو كذالك وشبك ايده جوه ايدها وبصلها وابتسم وهي بادلته نص ابتسامه كأنها مغتصبه ونزلوا لنص السلم
هدي قابلتهم ع اول السلم: ابهم كنت طالعه اخدك
وخطفت ايده من ايد كارمن وسحبته معاها لتحت تحت انظار كارمن المندهشه
وهو لف وبص لكارمن وكمل نزول مع امه
هدي بسعاده:شوفت مين هنا
ابهم ببتسامه عريضه:اهلا وسهلا طنط مايسه
مايسه من مكانها: ازيك يا ابهم
ابهم :بخير ازيك يا عايشه
عايشه وقفت وقربت منه وصافحته: ازيك يا ابهم
ابهم صافحها: الحمد لله بس انا فاكر انك كنتي في الخارج عشان بتكملي دراسه
عايشه قربت واتعلقت في دراعه :ياه ده من ثلاث سنين وخلاص اتخرجت ورجعت وطبعا شكلي صغير ع اني متخرجه
هدي :طبعا انتي لسه صغيره ايه يعني سنك 27 سنه طفله
كارمن نزلت ووقفت وابهم لف وراه وسحبها له: عايشه فاكره كارمن دي مراتي
عايشه ببتسامه: اهلا يا كارمن
كارمن لسه هتمد ايدها وتسلم هدي سحبت عايشه ليها وكلمت ابهم: اه يا ابهم عشان عايشه رجعت امبارح فأنا ومايسه قررنا نخرج نحتفل ونتغدا برا ولازم تيجي معانا
ابهم ارتبك: بس انا وكارمن كنا بالفعل خارجين
عايشه: رايحين فين
ابهم: هنتغداء وبعدها هنقرر
عايشه: ايه رايكم نروح كلنا سوي من ساعه ما اتجوزت انت وكارمن عمري ما اتكلمت معاها عن قرب (بصت لكارمن)وياريت كارمن توافق لان بجد نفسي اتكلم معاكي
كارمن: ابهم انا
ابهم قطعها بسرعه:خلاص خلينا نروح معاهم تمام عايشه معاكي عربيه حصلينا وانا هاخد ماما يله احنا نسيقهم ياكارمن نسخن العربيه
هدي بضيقه: ليه يا عايشه قولت لها تيجي
عايشه بمكر وخبث :مفيش مشكله يا طنط كدا الوضع هيكون امتع
هدي بزعل: يله بينا انا هروح مع ابهم وانتي ورانا بعربيتك وخرجت
مايسه بعتاب: ليه عملتي كدا انتي عارفه ان هدي مكنتش عايزها ليه قولت لها تيجي
عايشه: ماما لازم اكون زي الملاك عشان اكسب قلبه مش اكون شيطان
مايسه: تعجبيني
عايشه: يله وغمزتها وخرجوا