الفصل الثامن عشر
بقلم منه محمد
واقفه منتظره الهدف يوصل وتطفي نارها
الشغاله جايه جري: جات ياهدي هانم هي داخله بالعربيه
هاله دخلت بالعربيه وركنت ونزلت لقتها واقفه فوق السلم نفخت بضيق وجايه تطلع السلم عشان تدخل الفيلا هدي شدتها من دراعها لدرجه حسته اتخلع رجعتها ليها ووقفت في وشها والشرار طاير من عيونها ومره واحده ضربتها بالقلم
هاله حطت ايدها ع خدها وانصدمت: ليه ضربتيني يا وليه يا مجنونه
هدي لفت شعرها ع ايدها وتشده بقوه: اسألي نفسك يازباله
هاله تصرخ من الالم وعماله تشتم فيها وهدي بتزق فيها كأنها جرثومه معديه
الشغاله بخوف وفزع: هدي هانم هتقع
هدي : يارتها تقع وتسقط عشان متفضلش تستخدم العيل حجه وتقرف ابني
هاله: اه يا قرشانه بدعي عليكي بالموت
هدي بنظرات حاده: تموتي انتي لانك وقحه ابني مش عايزك عمال يطرد فيكي وانت زي الكلب لزقه بغري يارب تموتي انتي وعيلك توسعي مكان للعالم
هاله اتكت ع اسنانها: تموتي انتي يا شيخه
هدي هجمت عليها بالضرب كأنها حيوان وبتحاول تزقها وترميها من فوق السلم
هاله بتعافر تحمي نفسها:سبيني يامجرمه
هدي بتزقها بقسوه:لاء لحد ما تقعي وتموتي واخلص منك ومن شرك
هاله بصراخ عالي: سبببببببيني
ابهم الي لسه واصل وشاف الشجار جري بعد هاله عن امه وعنفها: ماما بتعملي ايه
هدي اتكت ع اسنانها: هموتها واخلص من شرها
ابهم بصريخ :امي ليه بتعملي كدا
هدي بقلب محروق بتمد ايدها عايزه تسحب هاله من وراه: اطلع براااا الموضوع يا ابهم
ابهم : اهدي يا امي
هاله جسمها بينتفض:امسكها يا ابهم ابعدها عني
هدي اتحولت لبركان بعدته بقسوه: يابني ابعد عنها خاليني اخلص عليها
ابهم للشغاله: امسكيها معايا
الشغاله قربت وكتفت هدي :انا اسفه يا هدي هانم
وابهم وهي مسكوها عن هاله الي شعرها اتقطع وبقي فنكوش
هدي بتعافر تتحرر منهم بغل:اه يابقر سبوني انتم الاتنين دي هانت امك انا هضربها لحد ما تسقط الزفت الي في بطنها
ابهم خلاص قفلت معاه:امي اسكتي بالله (ورفع ايده بتهديد) ولو عملتي اي حاجه لـ ابني مش هتشوفيني تاني
هدي صرخت في وشه وسكتت
ابهم لف لهاله :انتي كويسه
هاله هزت دماغها: ايوه
ابهم :يله ندخل
مسك ضهرها ودخل بيها لحد جوه
هدي شدت هاله ومسكتها من دراعها ولفتها لجهتها وصرخت بأعلي صوت: الشرشوحه دي قالت لـ امك تتمني تشوفني ميته
هاله استخبت وري ابهم وبحقد :وانتي قولتي ايه اتمنيتي الموت لابني وقولتي قدامه هتضربيني لحد ما تنزلي العيل عملك ايه العيل ازاي تكوني مجرده من الرحمه انتي تستهلي اكتر من الموت
هدي وكل الشياطين اتجمعت فوق راسها:سامع بودانك قليله الربايه مفيش اي احترام ليا لـ امك انا مستحيل اسمح انها تبقي هنا دي لازم تغور من هنا اخرجي من بيتي يا ساقطه يا وقحه يا زباله
ابهم صرخ بجنون وعيونه محمره:كفاااااايه هاله هتفضل هنا هتكون منين ما اكون انا لانها ام ابني
هدي بأهانه:اتفو ع البطن الي شالتك انت متاكد انه ابنك طبعا معندكش مشكله في ده لكن انا مش كدا سامع ياخرونج مش هقبل بده
ابهم احتدت نظراته وعض على شفايفه يكتم قهروه من كلامها واخد نفس من اعصابه المشدوده وحكم عقله قبل ما يتهور ويخرج عن شعوره
الشغاله مسكتها وكتفتها:اهدي وكفايه
هدي زقتها ومن بين سنانها :سبينييييي اطلع عين امهم
الشغاله :عشان خاطر ربنا اهدي تعالي اشربي شويه ميه ووحدي الله
ابهم اخد هاله لحد غرفه النوم دخلت وقعدت وجه قعد جنبها بهدوء
ابهم :عامله ايه امي ضربتك فين(حط ايده ع بطنها) ضربتك في بطنك
هاله اخدت نفس ع مراحل وقربت و مسكت ايده: انا كويسه ومش هسمح لحاجه تحصل للجنين
ابهم هزلها دماغه وسكت
هاله: ابهم حصلك ايه
ابهم حط ايده ع شفته :ولا حاجه
هاله مسكت دقنه: ازاي ولا حاجه شفايفك بتنزف شكل حد ضربك طيب بتوجعك هقوم اجبلك ثلج
ابهم مسك كتفها اقعدها مكانها :هاله ملوش داعي انا بجد كويس انتي بس اهتمي بنفسك
هاله: لو مش بقلق طول الوقت عليك مش هبقي كدا
ابهم قام وقف :انا بعتذر بخصوص امي معرفش انها هتوصل معاها للحد ده
هاله قامت ووقفت قصاده: ولا يهمك بس صورتك مع عايشه
ابهم :لو قولت لك كنت سكران ومعملناش ده ابدا هتصدقيني
هاله بحماس :طبعا هصدقك(مسكت ايده بشده) انت عارف اني بصدقك دايما وبصدق كل الي بتقوله
ابهم: طيب يله روحي ارتاحي
وسابها وخرج واغلق الباب ودخل الحمام فتح اول زرارين من قميصه وافتكر كلام نوح
كارمن راجعه البيت بعد ما اشترت معظم الطلبات وبتكلم رغده ع الموبيل: انا داخله ع البيت عايزه حاجه تاني....ايه بقسمات عشان الدايت كدا مش هجيبه...لاء بهزر يله سلام
لقت الموبيل بيرن باسمها كارمن كنسلت بضيق وهي داخله البيت لقت عربيه عدت من جنبها ووقفت ونزلت منها
ناهد :كنت بتصل بيكي عشان اشوف احوالك ليه مش بتردي
كارمن :انتي بتشتغلي مخبر ليه عماله تلاحقيني زي الضل
ناهد قربت عليها: لاء انا مش مخبر بس عارفه انك سبتي بيت الدكتور وسبتي هاله تسرح وتمرح هناك بدالك عايزه اعرف بجد ازاي قادره تتعاملي مع الامر
كارمن: اظن ده ميخصكيش
ناهد :اوعي تكوني استسلمتي بجد ولا دي خطتك تخرجي وتعيشي مع ابنها توقعي صح ويمكن بتخططي تحملي من نوح في عيل وكدا تردي الصاع صاعين لهاله زي ما قولت لك
كارمن بحده: انا مش هخلف منه وخرجت من البيت لاني خلصت حرب وحرقه دم ولاني مش عايزه الدكتور خلاص عن اذنك
ناهد رجعتها ليها : اوعي تقوليلي اتخليتي عنه عشان نوح
وقفت كارمن وبصتلها بعصبيه :وقفي تحقيق
ناهد برقت عيونها وقربت منها: قوليلي اني غلطانه لو سبتي الدكتور عشان ابن هاله تبقي غبيه وحماره انا عايزاكي تخلفي من نوح عشان تقدري تخدعي الدكتور وتفهميه انه ابنه
كارمن بغضبه خفيفه: احتفظي بأفكارك الشيطانيه لنفسك لو كنت بتكرهي هاله تقدري تطلعي افكارك وتطبقيها عليها وخرجيني انا برا الموضوع
ناهد :افكاري الشيطانيه انتي كمان افكارك شريره انتي زي شيطان واقدر اسيبك في حالك بس الاول خاليني احذرك تفتكري هاله هتقبل لو عرفت انك ع علاقه بابنها ولا ابنها نفسه لو عارف انك لفيتي عليه عشان تنتقمي من امه
كارمن بصتلها ووشها شحب وقلبها فضل يدق دقات جنونيه لان متوقعه يوم ما يعرف هتحصل حاجات كتيره
ناهد بخبث: ليه مش بتردي اظن انه ميعرفش انك استغفلتيه عشان تنتقمي من امه
كارمن مشت من قدامها
ناهد: :انا مش بحاول اخرب حبك الجديد انا بس بحذرك اياكي تتخالي عن الدكتور عشان واحد زي نوح
كارمن اتكلمت بحقد:دلوقت قدرت اشوف ليه جوزك سابك واختار هاله عنك
ناهد كتفت ايدها قدام صدرها وبثقه: اسمعيني علاقتك معاه مش هتكمل ولا هتنجح انتي مفكره هاله هتسمحلك تحبي ابنها ولا نوح نفسه لو عرف انك ضحكتي عليه تفتكري هيفضل يحبك هسيبيك طبعا عشان كدا قاتلي عشان الدكتور ومش شاب هيختفي في لمح البصر
خلصت كلامها ومشت ركبت العربيه وسابت كارمن واقفه في دوامه افكار لابئس بها
..
كارمن قاعده قدام التلفزيون سرحانه بتفكر في كلام ناهد جات من وراها واغلقت التلفزيون
كارمن انتبهت وفاقت من افكارها وبصتلها: ليه طفتيه
رغده قعدت قدامها: لانك مش معاه
كارمن بهدوء: شغليه
رغده: لاء لانك مش معاه وشكلك سرحانه في حاجه تانيه خالص كارمن مش عايزه اطفل عليكي بس انا بعتبر نفسي اختك وبجد قلقانه عليكي خليكي صريحه وصادقه معايا بخصوصك مع نوح بجد بتحبيه ولا مجرد نزوه ولا عايز تتخطي بيه الدكتور ابهم
كارمن:لو قلت لك ايوه انا فعلا بحبه هتصدقيني
رغده: بتحبيه
كارمن :ايوه بحبه
رغده :اقدر اقولك مش مصدقاكي
كارمن: ليه مش مصدقاني
رغده: لانك معاه من ايام بسيطه
كارمن: ايوه بس لقيت نفسي بحبه واتعلق بيه وفكرت كتير في احساسي يمكن انا وابهم اتجوزنا لمده خمس سنين كان المفروض علاقتنا تبقي متينه وقويه بس انفصلنا فالحب ملوش علاقه بالوقت الحب مرتبط بالمشاعر نفسها
رغده: طالما ده احساسك وكلامك يبقي فعلا بتحبيه
كارمن: رغده الوقت مش هيكون الحاجات الي هتقف عائق بينا لاء ممكن حاجات تانيه
رغده :كارمن بلاش تتكلمي بغموض افتحيلي قلبك
اثناء كلامهم جرس الباب رن وقطع النقاش
رغده حطت ايدها ع كتفها: خاليني اخمن واقول ان الي ع الباب مش الدكتور
كارمن: ليه بتخمني كدا
رغده: عشان بشوف الطريقه الي بيبصلك بيها نوح ده حب الشباب الحب المجنون خدي بالك منه لبحبه يجيلك نوبه قلبيه
كارمن: انت سئيله
رغد: انت الي سمعي دقات قلبك يله روحي افتحيله الباب
كارمن ابتسمت وراحت تفتح الباب شافته قاعد ع الموتسكل بضهره
كارمن ببتسامه خلابه:ايه الي جابك هنا
نوح لف بجسمه وابتسم وقام رحلها وسند ايده الاتنين ع الباب: وحشتيني
كارمن :احنا لسه شايفين بعض النهارده
نوح بنظره كلها حب:اعمل ايه بتوحشيني يله نخرج
سابها وراح ركب الموتسكل وشغله ورجع بصلها وابتسم ومستنيها تركب وراه كارمن قربت وركبت واخدها ع البحر عند بير مسعود
كارمن : نوح طمني ع جدتك
نوح اتنهد: طلبت مني اروح اعيش معاها في الفيلا
كارمن: كدا روح عيش معاها
نوح: بس انا مش عايز ده
كارمن بستفهام: طيب ليه جبتنا هنا
نوح: المكان الوحيد الي بحبه اجيله لما اكون لوحدي او لما احس ان حياتي فاضيه فارغه اجي اعد قدام بير مسعود وهنا ع الصخره دي اتعمق مع الموج انسي مشاكلي
كارمن: عندك مشاكل
نوح ابتسم بحزن: اممم بس مش هاجي هنا بعد المره دي
كارمن: ليه
نوح بأحساس كأن براح الكون مش سيعه: لان حبيبتي جنبي وحياتي مبقتش لافاضيه ولا فارغه
كارمن ابتسمت بسعاده غامرتها وراحت قعدت ع الصخره ونوح راح قعد جنبها وبص للامواج الي بتطلاطم في سباق جميل
نوح: تحبي تعرفي ليه اشتغلت الشغلانه دي
كارمن: كنت وحيد
نوح عيونه دمعت بحزن: الي فاكره عمري ما نمت في حضن ابويا وامي زي اي طفل دايما كنت اعتمد ع نفسي باكل لوحدي استحما لوحدي بنام لوحدي معرفش يعني ايه شعور حد يضمني ويطبطب عليا
كارمن: طيب وجدتك اعرف انها كانت دايما معاك
نوح نزل راسه بضيق : طول عمري ماليش غير حضنها لكن لما كانت بتسافر لشغلها كنت بدور ع اي شخص انام جوه حضنه بس عمري ما لقيت حضنهم زي حضن جدتي( بيكمل وهو بيشدها له بحب)بس حسيت بنفس الحضن ده لما حضنتك انتي
كارمن دخلت جوه حضنه وهو لف ايده ع وسطها والايد التانيه بتمسح ع شعرها برفق
كارمن: مش يمكن مكونش الانسانه الي انت مفكرها
نوح: مستحيل افكر فيكي ولا يكون احساسي ناحيتك غلط
كارمن رفعت وشها وبصتله اوي وهو قرب يلتهم شفايفها لكن لما شاف الرفض في عدسه عيونها وبعدت منه بخجل رفع شفايفه وباس جبينها
نوح برجاء: ممكن تدخلي جوه حضني كل ليله
كارمن دخلت جوه حضنه وهو زاد الضمه بتملك
بعد وقت بسيط اخدها وصلها لحد بيته
كارمن بتعجب: نوح مش قولت لك نزلني قدام بيت رغده
نوح نزل من فوق الموتسكل وراح يفتح الباب ومطنشها تماما
كارمن: نوح قولت لك نزلني قدام بيت رغده
نوح باستهبال: امتي قولتيلي مسمعتكيش
كارمن ضيقت عيونها: استهبل بقي قولت لك وانت سمعت
نوح: وانا سألتك اقدر احضنك كل ليله فكرتك وافقتي ترجعي معايا لبيتي
كارمن: انا مقولتش كدا رجعني يله
نوح مثل علامات النعاس: الوقت اتأخر وبيت رغده بعيد خالص وعايز انام خلينا ندخل ننام كرمله
كارمن خلعت الخوذه وحطتها ع الموتسكل وماشيه
نوح مد وراها: رايحه فين؟؟
كارمن: راجعه لوحدي ومدت بخطواتها
نوح مد وراها وراح مسكها من وسطها ورفعها ع ايده
كارمن بمعافره: نوح نزلني خليني ارجع
نوح: ليه عبيط جبتك لحد هنا مفكراني هسيبك بسهوله
كارمن: سبني اروح مش هبات معاك سبني
نوح: لاء لازم تبقي معايا الليله ده امر فرمان صدر خلاص
كارمن ضربته في صدره بغيظ واستسلمت ودخلت معاه
...........
كارمن دخلت غرفه نومه واغلقت الباب وخلعت هدومها ولبست قميصه الطويل شويه وراحت اتمدت ع السرير بسعاده لقت الي طالع من الدولاب ماسك المخده وبيتثاوب بصوت وحدف المخده ع الارض واتمدد وربع ايده فوق صدره وغمض عيونه
كارمن قامت بخضه: بسم الله الرحمن الرحيم انت طلعت منين؟
نوح: طلعت من الدولاب
كارمن: ايوه انت هنا ليه!!!؟
نوح رفع حاجب: ايه السؤال الغريب ده دي اوضتي وبنام فيها
كارمن: بس انت قولت مش هتنام معايا في اوضه واحده
نوح: قلت مش هنام ع السرير انا نايم ع الارض
كارمن زعلت جدا وكشرت نوح قام بنص جسمه يدحلب ع السرير
كارمن رفعت السبابه بتحذير: نوح الزم مكانك
نوح ضحك وباس باطن ايده وحطها ع شفايفها: تصبحي ع خير ولعب حواجبه
كارمن رقدت بس بعد وقت قامت تبص عليه لقته بيترعش جامد
كارمن: نوح ليه مش متغطي
نوح: مفيش غير بطانيه واحده هنا
كارمن رايحه لغرفه اللبس تنعكش في الدولاب: انت كداب ومتحاولش تخدعني اكيد فيه بطانيه زياده هنا
نوح: انا بقي معنديش غير بطانيه واحده اصل نادر لما بنام هنا لاني بكره انام لوحدي
كارمن رزعت درفه الدولاب بغل وبنبره غيره واضحه: فهمت عشان كدا كنت بتروح تنام في حضن الستات
نوح: ايه ده انتي زعلتي
كارمن هزت دماغها: لاء مزعلتش
نوح قام ونط ع السرير واخدها جوه حضنه ورقد بيها ع السرير
كارمن بتزقه بقوه:قوم ارجع مكانك
نوح وهو يداعب شعرها ويشمه : لاء انتي زعلانه مني
كارمن: انت دماغك ظلط قولت مش زعلانه منك
نوح بمكر وخبث:والله زعلانه مني
كارمن صوتت: نهار اسود قلت مش زعلانه
نوح حب يجننها زياده: كل الستات بيقوله كدا لما تبقوا زعلانين
كارمن قامت بعصبيه دفعته : اكيد ما انت موسوعه ستات وخبره فيهم ويمكن عندك عشرت البنات
نوح: عشرات بس
كارمن: اه طبعا مئات
نوح باستفزاز: قولي الوف
كارمن مدت بوزها وقلبت وشها للجانب الثاني وبعصبيه وغيره : انت بتتكلم جد طب ابعد عني بقي
نوح بهمس : اهدي ياكوكا
كارمن: قلت ابعد عني
نوح شدها لحضنه اكتر وضمها بقوه وحط خده ع خدها بجرائه وهو يقرب شفايفه لودنها وهمس لها: كارمن لازم تعرفي اه انا كنت اعرف بنات كتر بس انتي ملكتي حياتي وياستي مش مضطره تحضنيني خليني انا الي احضنك
كارمن اتكسفت وهي بتسمع كلام نوح ودفنت راسها في المخده وهي حاسه باحساس جميل
نوح قرب منها وهمس في ودنها بهيام: كوكا انا بحبك بحبك انتي وبس وعايز اضمك انتي وبس!!!
ابهم دخل بهدوء غرفه النوم وبص لقاها من غير غطاء قرب ورفع الغطا وغطاها بأحكام
هاله حست بيه قامت وأأعدت: ابهم
ابهم: انا اسف قلقتك
هاله: لاء بالعكس انا مبسوطه انك مهتم بيا
ابهم: لازم اهتم بيكي
هاله: بتقدي واجبك لام ابنك مش كدا!
ابهم: ارجعي نامي
هاله مسكت ايده: دكتور ابهم انت عارف ليه انا بحبك برغم عارفه انك بتبصلي غير اني عشيقه ورغم كدا مسبتنيش ابدا بس مش بتحبني بأخلاص لاني مش الست الوحيده الي في حياتك برغم كل ده انا سعيده ان ليا مكان في حياتك
ابهم اخد نفس وقعد جنبها وحط ايده ع كتفها وضمها لصدره: هحاول اصلح الغلط مش هأذي حد تاني
هاله مسحت دموعها وابتسمت وابهم خرجها من حضنه
ابهم بيجاهد يخفي حزنه وكل شئ مضيقه وهيحاول يجدد حياته وينسي همومه: هعملك فطار
هاله: ماشي
ابهم خرج وهاله حركت ايدها ع بطنها بسعاده: شكرا ليك يا حبيبي لان بفضلك ابوك هيفضل معايا
رفعت الغطا ودخلت الحمام وفتحت غطاء القاعده وأأعدت حست بسائل بينزل منها رفعت نفسها بسرعه لقت القاعده غرقانه دم خافت ومسكت بؤها وهي تشهق برعب واتجمدت بمكانها بدووون حركه لما شافت المنظرقلبها انقبض وردت: لاء مستحيل مستتتحييييل
بصت للقميص الابيض لقته غرقان دم لدرجه الدم سال ع رجولها وقفت بمكانها مصدومه وحطت ايدها ع بؤها تمنع صريخها !!!!!
.....
ابهم نازل لقاهم متجمعين ع السفره اضايق ورايح في اتجاه للمطبخ
هدي ندهت عليه بأمر: ابهم تعال هنا
ابهم اتنهد وراح ع مضض وسلم ع مايسه وعايشه كلهم ردوا السلام بصوت واحد
هدي: انت عارف ليه مايسه وعايشه جاين من بدري كدا
عايشه بصتله بخجل مصطنع :جيت اتكلم مع ماما هدي عن الكلام الي قولتهولي ليله امبارح بسـ
مايسه قطعتها بحمقه :بس مش بنطلب منك اي التزام رغم الناس بتتكلم عن بنتي بشكل مشين ولازم تفهم ده احنا من عايله محترمه سفرتها برا تكمل دراستها وكانت بتتصرف ع عادتنا وتقالدنا احنا بنتي طبقت الاحترام والادب لحد مارجعت واتورطت في فضيحه في الفندق مع راجل متجوز
هدي: ابهم لو كنت بتحترمني ابوس ايدك طلق كارمن زي ما هي عايزه ووقتها تقدر تتحمل المسؤليه الكامله عن عايشه
ابهم بشويه عصبيه :ماما انتي عارفه اني بحترمك بس مقدرش اعمل الي بتطلبيه
هدي قامت بكل عصبيه وانفعال:ليه لاء قصدك ايه عايز تبقي منبوذ من الناس والمجتمع الناس هتقول ايه ابني الدكتور غرغر ببنت بنوت وبعدين هرب بعملته راجل متجوز اتنين واخد بنت في الفندق مش عايشه بس الي هتتعرض للاذلال والعار انا كمان مكسوف اني خلفت عيل زيك
ابهم: لو عاتبك الناس او عايشه هتكلم معاهم بنفسي والي هيتحمل المسؤليه هو انا بس الي بتطلبيه من مش هقدر اعمله ولا هقدر اتحمل مسؤليه عايشه
عايشه بعصبيه وحده: ليه شايفني منحله بالنسبه لك
ابهم بهدوء: مش انتي انا الي مش كويس اصلن انا متجوز اتنين ليه تدمري حياتك عشان راجل زي ومشي
هدي مشت وراه: ابهم اسمعني انت قلت مش هطلق كارمن وهاله هتفضل هنا ع قلبي
ابهم :لاء هطلق كارمن
هدي ابتسمت بفرحه: ايوه كدا
ابهم :وهاله هتفضل هنا هي وابنها
هدي اتلاشت الابتسامه لانها حرفيا هتموت من الغيظ وبالاخير راحت وراه وحبت تسم بدنه