رواية ملاذي وقسوتي كامله) بقلم دهب عطيه جميع الفصول مكتملة حتي الفصل الاخير الخاتمه

رواية سرق انوثتي

 الفصل الثاني

بقلم منة وائل

كانت تجلس بجانبه على الفراش وتبكي وتنظر له 

بحزن وشفقه، متى سينتهي كل ذلك الوجع الذي يشعر به، نعم عي

 تشعر به فاءنه ليس اخاها فقط بل طفلها الذي منذ أن جاء الي تلك

 الدنيا كانت هي المسؤله عنه في كل شئ

ربطت والدتها على كتفيها بحنو قائله :

يلا يا حبيبتي قومي عشان تلحقي الشغلانه

نظرت له شيرين وهي تمسح دموعها قائله :

ويوسف يا ماما؟

نظرت لها وهي تحاول تهدئتها قائله :

الحمدلله يا حبيبتي لولا دكتور حسن مكنش بقا كويس كدا هو دلوقتي اخد دوا ونام ماتقلقيش ولو حصل اي حاجه هكلمك ماتخافيش

ميار وهي تأكد كلام والدة شيرين قائله :

طنط معاها حق يا شيرين وبعدين يلا عشان صاحب البيت كمان نص ساعه وهيقابل البنات اللي قدموا على الوظيفه وكدا هتروح منك 

نظرت لها شيرين ثم أعادت النظر الى أخيها وذهبت تقبل رأسه وقالت :

يلا يا ميار

       بقلمي منه وائل

********************************

       في منزل عمر

كان يجلس على المقعد في غرفته يشرب قهوته ويشرب سيجار ويفكر ماذا سيفعل في زوجته تلك التي لم يعترف يوما انها زوجته فهو لم يحبها يوما ولكنه تزوج من أجل الاستقرار فقط. 

دب دب

انتبه عمر لطرق الباب ثم اذن للطارق قائلا :

ادخل

كانت تقف احدي الخادمات وتتحدث بتوتر قائله :

عمر بيه..، مدام مشيره تحت وعامله قلق وبتزعق وبتقول لو منزلتش تكلمها هتبهدل الدنيا

هب عمر واقفا ثم اطفئ سجارته ونظر لها ثم خرج من الغرفه وخبط الي الاسفل وجدها تجلس علي المقعد وتشرب من سيجارها بغضب جامح وفور أن رأته هبت واقفه وقالت بصوت عالي :

ايه يا بيه حضرتك لسه نايم نموسيتك قحلي، والا العروسه الجديده حلوه ومخلياك مش عاوز تقوم من جنبها

صباحيه مباركه يا عريس 

نظر لها عمر باستغراب ثم قال :

عروسة ايه  وصباحية مين؟، انتي اتجننتي يا مشيره انتي مين اللي دخل في دماغك الهبل دا انا ولا اتجوزت ولا اتنيلت وحتى لو كدا بزمتك هلحق

مشيره بغضب قائله :

انت بتغظني اكتر، فيها ايه احسن مني ها؟

ضرب عمر كفيه على بعضهما ثم قال وهو يقترب منها ويضغط على ذراعها بغضب قائلا :

مشيره انتي اتجننتي خلاص من كتر قعدتك جنب ابوكي جننك

مشيره بألم قائله :

سيب دراعي انت بتوجعني، ابويا برضو اللي مجنون والا عمايلك هي اللي عملت فيا كدا، اقولك عاوزين نخلف تقولي مش وقته، طب نخرج نقرب من بعض مش فاضي، يااخي دا حتى الاكل مبقتش تاكل معايا، ايييييييه متجوزه عشان اتسجن هنا، في مستعمرة عمر رشاد، لا ياعمر انا مش هستحمل، انت اناني ومش بتفكر غير في نفسك

عندما كانوا يتحدثون كانت تقف مروه وميار وشيرين بعيدا قليلا عنهم وينظرون الي شجارهم بخوف وتوتر

شيرين بخوف قائله :

هو في ايه، انتي ازاي كنتي قاعده معاهم دول هياكلوا بعض

مروه بقلق وهي تنظر للشجار برعب قائله :

مش عارفه اول مره يحصل كدا من ساعة ماجيت اشتغل هنا، دا بين الموضوع كبير

ميار بخيبة امل قائله :

يخربيتك يا بت يا شيرين دا انتي نحس يا شيخه

هزت شيرين رأسها برعب وهي تحاول الرحيل قائله :

ايوا انا نحس طول عمري وكنت عارفه ان الشغلانه مش من نصيبي يلا سلام عليكم

امسكتها ميار من ذراعها وقالت :

استنى بس انتي رايحه فين استنى اما نشوف اخرتها ايه

زفر عمر بنفاذ صبر ثم قال :

انتي عاوزه ايه دلوقتي جايه وعاوزه إيه

مشيره بتكبر قائله :

طلقني يا عمري وعاوزه كل حقوقي

ضحك عمر ثم جلس على المقعد وقال :

حقوق من يا حبيبتي، انتي ملكيش اي حاجه عندي غير شنطة هدومك اللي انا اساسا متجوزك من غيرها يعني زي مادخلتي زي ماهتخرجي، انتي مفكراني اهبل يابت ومش عارف اللعبه اللي بتعمليها انتي وابوكي

مشيره بغضب قائله :

اقسم بالله لندمك ياعمر

اقترب عمر منها بسرعه وامسك شعيراتها وقال :

بقولك ايه يابت انا مش طايق روحي وصاحي مش فايق زي مادخلنا بالمعروف نخرج بالمعروف مش انتي عاوزه تطلقي يلا روحي وانتي طالق ومش عاوز اشوف خلقتك هنا تاني ولا انتي ولا ابوكي القرني دا سامعه

مشيره بصراخ وهي تحاول الافلات من يده قائله :

اوعي كدا سبني اااااااه

عمر بصوت عالي قائلا :

امينهههههه...

فزعوا جميع من يقف حولهم من صوته ووجدوا سيده كبيره في السن تأتي وفي يدها حقيبة ملابس وضعتها أمام مشيره وقالت :

الشنطه اهي يا عمر بيه

عمر وهو يمسك الحقيبه في يد ومشيره في اليد الأخرى ويفتح الباب الذي فور ان راؤه يأتي عليهم ابتعدوا عنه سريعا، ثم قام بالقضاء حقيبتها الي الخارج قائلا :

يلا اتفضلي مش عاوز اشوف وشك تاني مفهوم

ثم أغلق باب المنزل واستند عليه بتعب

ولم يلاحظ هؤلاء الذين يقفون وائهوا ويرتعدون من الرعب. 

التفت عمر إليهم فوجدهم فنظر الي مروه بتساؤل. 

أسرعت مروه بالحديث قائله بتلعثم :

احم، ددد... دول اللي قدموا للوظيفه يا عمر بيه

هز عمر لها رأسه ثم أشار لها بأن يأتون ورأهوا الي المكتب

شيرين بتساؤل قائله :

إيه دا هو بيشاور ليه يا مروه هو هيقتلنا والا ايه؟

مروه بتوضيح :

يقتلنا ايه بس ايه صحبتك دي يا ميار، دا بيشاور عشان نروح وراه المكتب يلا تعالوا

جلس عمر علي مكتبه ثم أشار الي مروه للحديث

مرره سريعا قائله :

اسمها شيرين محمود امين رضا عندها ٢٥سنه، امينه جدا وماتقلقش منها خالص وشاطره هتحفظ كل حاجه على طول

عمر وهو ينظر إلى ميار. شيرين ثم قال لها بتساؤل :

أنهى فيهم؟

 أشارت مروه الي شيرين التي تقف برعب وفور ان أشارت لها احست ان الدماء انسحبت من جسدها

نظر عمر لها من قدميها حتى راسها ثم نظر لمروه وقال :

طيب عايزك لوحدك يا مروه

نظرت مروه لهم فنظرت ميار وشيرين الي بعضهما ثم خرجوا سريعا واغلقوا الباب ورائهم

عمر بتساؤل :

انتي ضامناها يا مروه؟

مروه بثقه قائله :

طبعا يا عمر بيه هو انا برضو هجيب اي حد يكون مع ثريا هانم

عمر وهو يشعل سيجار قائلا :

تعرفي ايه عنها يا مروه؟

مروه بتذكر لما قالته لها ميار عنها قائله :

زي ماقولت لحضرتك انها اشمها شيرين وبنت غلبانه اوي وعندها اخ صغير عنده ست سنين وعايشه مع مامتها وناس على قد حالهم كدا

نظر لها عمر ثم هز رأسه وقال :

طيب ناديهالي

هزت له رأسها بالموافقه ثم ذهبت لكي تناديها

شيرين بخوف قائله:

ياستي يلا نمشي الله يرضي عنك انتي شوفتي مسك مراته ازاي ورماها برا وطلقها يعني مش باقي على حد انا كنت عارفه ان في حاجه في الشغلانه دي يلا بينا نمشي

ميار وهي تحاول ملاحقاتها قائله :

يابنتي استنى بس ماتحكميش كدا الا لما تشوفي الله

وأثناء ماكانت ترحل وجدت مروه تنادي عليها قائله :

انتوا رايحين فين عمر بيه عاوزك

اتسعت حدقة عين شيرين ثم قالت بخوف :

بقولك ايه قوليلوا مش عاوزه تشتغل خلاص انا رجعت في كلامي 

مروه باستغراب قائله :

رجعتي في كلامك ازاي يعني هو لعب عيال 

شيرين وهي تحاول فتح الباب قائله :

ياستي عيله وغلطت ورجعت في كلامها خلاص 

قطع حديثها عمر قائلا :

عيله يبقا نعلمها انه مفيش حاجه اسمها رجوع في الكلام، وطلما جيتي هنا بنفسك يبقا كنتي بكامل اهليتك وعندك استعداد للشغل، بصي انا والدتي اهم حاجه في حياتي ، طبعا اي حد مامته مهمه في حياته بس انا غير، انا لو شكيت

 بس ان ماما مش مرتاحه معاكي ماتعرفيش انا هعمل فيكي ايه، اتفضلي يلا روحي مع مروه عشان تستلمي الشغل وتعرفك هتعملي ايه

نظرت له شيرين وكانت تريد قول شئ قائله :

ايوا بس...

قطع حديثها قائلا :

وبعد اما تعرفك كل حاجه تيجيلي عشان اقولك على شروط البيت بظبط يمكن تبقى زي مروه، يلا يا مروه عرفيها

كانت تنظر له بغضب ثم امسكتها مروه من يدها وسحبتها ورائها لكي تعرفها على المنزل والسيده ثريا

ميار وهي ترحل قائله :

اشوفك بقا بليل يا شيري باي

نظرت لها شيرين بغضب، ماذا ستفعل الان لقد تورطت في تلك الوظيفه ماذا ستفعل في هذا المنزل المخيف في نظرها؟...

      بقلمي منه وائل

********************************

     في منزل شيرين

وضعت السيده مريم صينية الشاي على الطاوله ثم جلست وهي تقول :

بس غريبه يا فتحي ايه اللي فكرك بينا بعد السنين دي كلها؟

التقط الكوب وقام باءرتشاف بعض منه وافتعل صوت مقزز ثم قال :

والله يا خالتي تعبت من الغربه ومن يوم امي ما ماتت وانا مبقاش ليا غيركوا قولت اجي اخدكم تعيشوا معايا في شقتي اللي اشتريتها لما نزلت مصر واهو لا انتوا ليكوا حد ولا انا، وبعدين عرفت يعني ان شيرين بنت خالتي بقت فلقة قمر

نظرت له مريم بنصف عين وقد علمت مايرمي اليه من كلام فقالت :

ونيجي معاك ليه يا فتحي مابيتنا هو لا محتاجين حاجه ولا اشتكينا، وبعدين انت شوفت شيرين فين؟ 

فتحي وهو ينظر في كل مكان كأنه يبحث عن شيئا ما قائلا :

ايوا منا عارف انكم مش اشتكيتوا بس يعني دي مش عيشه يا خالتي اللي انتوا عايشينها دي، ويوسف يعني محتاج يتعلم في مدارس لغات انتي عارفه الحكومي مبقاش زي 

الاول، وشوفت شيرين فين شوفت صورتها على اكونت الفيس بتاعها بقت عروسه زي القمر، الا صحيح هي لسه مش اتجوزت

مريم وقد فهمت حديثه جيدا وقالت باقتضاب:

لا يا فتحي لسه نصيبها مجاش وبعدين قولتلك احنا كويسين كدا ومش اشتكينا

ثم هبت واقفه تقول :

نورتنا يا فتحي

نظر لها فتحي وقد فهم ماذا تريد فترك الكوب من يده وقال باحراج :

ها ماشي يا خالتي انا هقوم بقا عشان ورايا مشاوير وهبقا اعدي عليكم بليل تكون شيرين جات فتكم بعافيه

يوسف بتساؤل قائلا :

مالك يا ماما انتي عملتي ليه كدا؟

مريم وهي توضح له قائله :

مفيش حد يا يوسف هيديك حاجه كدا بدون مقابل وعن طيب خاطر لازم يكون قدامها حاجه، وانا واثقه ومتأكده انه جاي وعينه من اختك

يوسف باستغراب قائلا :

يعني ايه عينه منها يا ماما؟

مريم بتوضيح قائله :

يعني عاوز يتجوزها

يوسف بتفهم قائلا :

اها فهمت، طب وفيها ايه يا ماما مش دا برضو يبقا ابن اختك

مريم باءشمئزاز قائله :

ابن اختي اه بس دي بنتي، بقا دا يتجوز بنتي، بنتي دي حتة قمر اجوزها لدا، انت مش شايف شكله عجوز ازاي دا كفايا شعره الاكرت، انت عارف دا شغال ايه في قطر بتاعته دي، شغال سباك مش عيب بس بيتنك ومحسسني انه شغال وزير داخليه، وبعدين لسه فاكر خالته دلوقتي، دا لولا انه له مصلحه وعاوز اختك مكنش عبرنا

ضحك يوسف بشده على حديثه والدته ثم قال :

ههههههههههه مش قادر كلامك فظيع يا ماما، طيب هتقولي لشيرين انه جه؟

مريم وهي تحمل الصينيه وتذهب الي المطبخ قائله :

اه عادي يعني وانا هداري ليه، بس ترجع بالسلامه ربنا يوفقها يارب

     بقلمي منه وائل

********************************

في غرفة السيده ثريا

شيرين بابتسامه قائله :

اه وبعرف كمان اعمل شال، ومره عملت جوانتي وكوفيا ليوسف اخويا

ثريا بانبهار قائله :

واو بجد انتي موهوبه، طيب لو طلبت منك تعمليلي شال بس يكون كبير شويه هتعرفي؟

هزت شيرين رأسها قائله :

طبعا اي حاجه عاوزاها هعملهالك

ابتسمت لها ثريا ثم قالت :

انتي بتدرسي ايه يا شيرين؟

شيرين وهي تعتدل في جلستها قائله :

لا انا خلصت دراسه بقالي تلت سنين، كنت بدرس في كلية تجاره، كنت جايبه تقدير امتياز اربع سنين والاولي على دفعتي

اتسعت عين ثريا بصدمه ثم قالت :

ماشاء الله طب يا بنتي انتي المفروض تتعيني معيده من ساعتها

ضحكت شيرين بسخريه ثم قالت :

ههه المفروض بقا، بس طبعا الواسطه هي اللي بتكسب معروفه، وعلى الحال دا بقالي تلت سنين بحاول الاقي شغل مش بلاقي

ثريا بشفقه على حالتها قائله :

حرام بجد المجهود دا كله يروح، بصي انا ممكن اكلم عمر انه يشغلك معاه في الشركه هو شركته بتاعة استيراد وتصدير يعني في مجالك

أسرعت شيرين تقول بخوف :

لا لا بلاش يا ثريا هانم يعني انا كدا مرتاحه يعني مروه قالتلي على كل حاجه ويعني الشغلانه سهله الي حد ما لكن شغل مع عمر بيه بلاش

ثريا باستغراب قائله :

اشمعنا، مالك خايفه ليه كدا؟

شيرين وهي تنظر يمين ويسار بخوف قائله :

اصل عمر بيه بيمو اوي، وبذات عينه بتخوفني اوي اول ما بتبصلي

ضحكت ثريا على طريقتها ثم قالت :

هههههههههه يخربيتك ضحكتني والله ههههه، باين عليكي دمك خفيف، يابنتي عمر مش مرعب كدا زي مانتي متخيله دا طيب اوي، انتي بس اللي شوفتي وهو عصبي، وبعدين مشيره زودتها اوي انا بصراحه أضيقت على اللي عمله معاها كنت حابه الأمور تتحل بهداوه بس معرفش وصلت لمده ازاي، بس مشيره غلطت جامد

شيرين بحذر قائله :

بصراحه بقا يا هانم من غير ماتضايقي دا عامل زي الوحش اللي كان في كرتون الاميره والوحش

ضحكت ثريا بشده على حديث شيرين ثم قالت :

ههههههههههه يالهوي انتي بتجيبي الكلام دا منين انتي فظيعه هههههه، والله يابنتي عمر طيب اوي بس محتاج حد يفهموا، هتشوفي كدا لما تقعدي معانا وتفهمي طبيعته

شيرين بتوتر قائله :

ربنا يستر

      بقلمي منه وائل

********************************

 في المساء في مكتب عمر

كان يجلس على المقعد وينفث دخان السجائر ويفكر في مواضيع عديده الي ان جائه اتصال من تلك التي تغير مزاجه فور ان تتحدث اليه فابتسم ثم قام بالرد قائلا :

بتيجي انتي في الوقت المناسب وتنطي، عامله ايه يا حبيبتي

ضحكت بمرح ثم قالت :

طبعا لو مش انا اللي جتلك في الوقت المناسب يبقا مين غيري هههههه، المهم عملت ايه مع مراتك؟

عمر بجمود قائلا :

طلقتها ورامتها برا البيت

شهقت بصدمه ثم قالت :

ليه كدا بس يا عمر الأمور مش بتتحل كدا، بص انا عارفه انها تستاهل وانا مبسوطه انك اتخلصت منها بس الفكره انها مش هتسكت وهتحاول تئذيك في حاجه

عمر بسخريه قائلا :

إيه هترشلي عمل قدام باب الفيلا والا هتخلي جن يلبسني ماهي آخرها كدا، انا مش بخاف يا يمني وانتي عارفه كدا كويس تعمل اللي تعمله انا اساسا زهقت، المهم هشوفك امتا انتي وحشتني اوي

ابتسمت بحب ثم قالت :

وانت كمان يا حبيبي والله، بس الفكره ان ماما كل اما انزل تقولي رايحه فين ومش عارفه ايه دي مايكون حاسه بحاجه، المهم هي بكرا رايحه عند خالتو وهتقعد يومين عندها هبقا اتصل عليك ونتقابل في الشقه

عمر بحب قائلا :

ماشي يا حبيبتي خالي بالك من نفسك باي

دب دب

عمر وهو يريح ظهره الي المقعد قائلا :

ادخل

الخادمه باحترام قائله :

استاذ احمد جه عمر بيه

عمر وهو يتصفح في هاتفه قائلا :

طب دخلي انتي مستنيه ايه، قولتلك احمد دخلي على طول

هزت له رأسها ثم ذهبت لكي تأذن له بالدخول

وأثناء ما كان يتصفح في الهاتف وجده يدخل المكتب ووجه لا يبشر بالخير والغضب يجتاح ملامحه ثم بدء في الحديث قائلا :

انت ايه االي عملته دا، انت اتجننت ياعمر انت ازاي تعمل كدا مع مشيره في حد يعمل كدا مع مراته

ابتسم عمر بسخريه ثم قال :

ههه هي لحقت تنشر الموضوع، وياتري بقا حكت لمين وجه قالك

أحمد بغضب قائلا :

يابني انت معندكش دم، انت عارف انت عملت ايه، دي ممكن ترقع عليك محضر بالتعدي عليها وهتخليك تلف حولين نفسك

ابتسم عمر ثم قال :

تبقا جانت على نفسها لأنها عارفه كويس انا ممكن اعمل ايه، احمد انا مش عيل هخاف من حتة بت معفنه زي دي، دي واحده نصابه اتجوزتني غشان الفلوس بس على مين انا عرفت اكشفها عاوزه تبين نفسها انها مظلومه، حلو انا هظلمها فعلا عشان تستهبل كدا

أحمد وهو يضرب كفيه ببعض قائلا :

مفيش فايده هتفضل زي مانت مفيش فايده، المهم انا جيت اقولك ان فرح جايدا اخر الاسبوع ماتنساش بقا ها

ابتسم له ثم قال :

الف مبروك يا احمد عقبالك يارب، المهم هتعملوا فين؟

أحمد وهو يرتشف الماء قائلا :

والله ياسيدي هي عاوزه يكون في سفينه بس هو عاوزوا في قاعه فلسه مش حددوا هنشوف

المهم انا هتكل على الله بقا عشان لسه هنزل معاهم اشوف الحاجات اللي لسه ناقصاهم

هز عمر له راسه ثم قال :

ربنا معاك، اما اطلع اشوف البنت دي عملت ايه مع ماما

      بقلمي منه وائل

********************************

       في منزل ميار

كانت تجلس ميار ويجلس أمامها خطيبها ثم قال :

انتي بقا هتفضلي تتنططي مع صاحبتك اللي اسمها شيرين دي في كل مكان، انتي هتشيلي همها لحد امتا؟

ميار باستغراب قائله :

في ايه يا مجدي انت اول مره تتكلم كدا وبعدين دي شيرين صاحبة عمري يعني اي حاجه لازم نكون مع بعض فيها

مجدي بتوضيح قائلا :

ياستي الكلام دا كان زمان ايام ماكنتوا صغيرين ومفيش عندك مسؤليات، انتي دلوقتي مخطوبه وخلاص كان شهر وهنتجوز وانا اكيد مش هوافق على التنطيط اللي انتي بتعملي دا انتي هتكوني ست متجوزه يعني مسؤله من بيت واسره واطفال بلاش لعب العيال دا

ميار بغضب :

مجدي في ايه، كل دا عشان جبتلها شغل وروحت معاها، مش معقول كدا، وبعدين ماتنساش دي انتمتي ها، أما اقوم اجيب الاكل

مجدي بتحدي قائلا :

ماشي يا ميار براحتك خالص بس انا هتصرف

       بقلمي منه وائل

********************************

        في غرفة ثريا

كانت تجلس بجانبها على الفراش وتضحك معاها بشده

ثريا بضحك قائله :

ههههههههه لا لا انتي فظيعه شكلي هحبك والله دمك زي العسل

ابتسمت شيرين ثم قالت :

ربنا يخليكي يا هانم انتي اللي زي العسل والله

دب دب

ثريا باءذن قائله :

ادخل

عمر بابتسامه :

القمر عامل ايه؟

ثريا وهي تشير له قائله :

تعالي يا عمر تعالي  شيرين دي طلعت تحفه ودمها خفيف اوي

نظر عمر الي شيرين التي تجلس بجانب ثريا والتي فور ان رأته خبت واقفه برعب

عمر وهو يقبل يد والدته قائلا :

انتي اللي عسل يا ثريا فشايفه الناس زيك المهم يا حبيبتي اتعشيتي واخدتي الدوا

أسرعت شيرين تقول :

اه اتعشت وخدت الدوا من بدري بس كنا قاعدين بندردش

رفع عمر رأسه ثم قال بجمود :

ماسألتكيش انتي لما ابقا اوجهلك كلام ابقى اتكلمي

تلعثمت شيرين باحراج ثم قالت :

احم احم، انا اسفه عن اءذنك يا هانم هروح ألم حاجتي عشان همشي تصبحي على خير

ثريا بلوم قائله :

ياساتر عليك ياعمر دايما بيطلع منك كلام كدا هي ماقالتش حاجه غلط عشان تكسفها كدا ليه بس

عمر وهو ينظر إلى الباب قائلا :

مش عارف يا ماما انا لاقيت نفسي برد عليها كدا مش عارف ليه

ثريا وهي تربط على يديه قائله :

معلش يا حبيبي عشان خاطري قوم طيب خاطرها

عمر باعتراض قائلا :

إيه يا ماما اللي انتي بتقولي دا لا طبعا انا لايمكن اعمل كدا

..........

كانت تقف أمام باب الغرفه تدير له ظهرها  تقول بغضب :

بني آدم عجراف ومدب معندهوش اي ذوق قليل الادب

وأثناء ما كانت تتحدث سمعت صوت يأتي من خلفها يقول :

ها وايه كمان

التفتت شيرين الي ذلك الصوت فاتسعت عينيها بصدمه قائله :

يانهار اسود!

                           الفصل الثالث من هنا

لقراة باقي الغصول اضغط هنا

تعديل المقال