رواية غرام الاسد كامله جميع الفصول بقلم شروق محمد

 رواية سرق انوثتي

  الفصل الثالث 

بقلم منة وائل

بني آدم عجراف ومدب معندهوش اي ذوق، قليل الادب

واثناء ماكانت تتحدث سمعت صوت يأتي من خلفها يقول :

ها وايه كمان؟

التفتت شيرين الي ذلك الصوت فاتسعت عينيها بصدمه قائله :

يانهار اسود!

اقترب منها عمر ونظر في عيونها والتي كانت ترتعش من الخوف ثم حاصرها بيداه الاثنان وقال :

كنتي بتبرطمي بتقولي ايه سمعتك عماله تلوكي بصوت مش مسموع كنتي بتقولي ايه بقا؟

نظرت له شيرين بصدمه والي ذرعاه الاثنان برعب ثم قالت :

مم...مقولتش حاجه

رفع عمر حاجبيه باستغراب ثم قال :

مالك بتعرقي ليه كدا

ثم اخرج منديل من جيبه ووضعه على وجهها وهي ترتعش من الخوف وعندما وضع المنديل على وجهها اغمضت عينيها بخوف. 

ترك عمر المنديل علي وجهها ثم ابتعد عنها وقال بسخريه :

هههه امسحى وشك دا ومتخافيش انا مش بعض، وعايزك تعرفي كويس ان الوظيفه دي مش سهله زي ماانتي متخيله ماما بيجلها نوبات قلبيه ساعات ولازم تلحقيها بالدوا فلو حصل دا بقا وانتي بعيده عنها تخيلي ممكن يحصلك ايه لو ماما جرالها حاجه؟، خالي بالك كويس.. 

ثم أدار لها ظهره لكي يرحل ولكنها اوقفته بغضب قائله :

طب طلما هي مش ساهله كدا زي ماانت بتقول انا بقولك اني مش قدها مشيني، انت مش عاوز تمشيني ليه؟!..

التفت لها ثم ابتسم ببرود وقال :

بمزاجي، كل حاجه هنا بتمشي بمزاجي، و اه ياريت لو مشيتي النهارده ماتهربيش وتقولي انك مش هتيجي تاني لاني هعرف اجيبك وساعتها مش هتلومي الا نفسك

شيرين بصوت عالي قائله :

ليه يعني مخطوفه والا مسجونه، دا شغل يعني براحتي لو انا مش عاوزه اجي

نظر لها عمر ثم اقترب منها وقال :

سميها زي ماتسميها، محدش قالك تيجي لحد هنا، انا رفضت كل البنات اللي اتقدمت على الوظيفه عشان خاطرك انتي وعشان خاطر ان مروه قالتلي انك احسن من غيرك، وريني بقا شطرتك يا شاطره، وبلاش تتحديني عشان انا وحش اوي تمم، يلا عشان السواق يوصلك عشان تجيبي حاجتك وتيجي بكرا الصبح لأنك هتعيشي هنا معانا زي ماانتي شايفه ماما مينفعش تتساب 

شيرين باعتراض قائله :

ايوا بس محدش قالي اني هبات برا البيت وبعدين انا مش ببات برا بيتي 

عمر بسخريه قائلا :

ياسلام، اومال انتي فاكره ايه هتقعدي معاها طول النهار وتسبيها بليل لا طبعا، قولتلك بيجلها نوبات قلبيه، ومش عاوز نقاش في الموضوع دا تاني ولو انتي مش هتقدرى على الشغلانه دي يبقا اصبري لحد اما اشوف غيرك، اتفضلي يلا وتعالي بكرا ويكون معاكي حاجتك وقايله

لأهلك، تصبحي على خير 

نظرت له وهو يرحل بحزن وخوف ثم نظرت الي المنزل برعب وقالت :

يارب هو انا عملت ايه بس في حياتي وحش عشان يحصلي كل دا يارب، استغفر الله العظيم

      بقلمي منه وائل

********************************

      في منزل احمد

كان يجلس على المائده يتناول العشاء مع أسرته والتي تتكون من اخته چايدا وابيه عبد الرحمن وخطيب اخته كريم

أحمد وهو يتناول الطعام قائلا :

ها اتفقتوا بقا الفرح هيكون فين؟

كريم باستسلام وهو ينظر لچايدا بابتسامه قائلا :

ماخلاص بقا قولنا على مركب ماانت عارف بقا انا ضعيف قدامها

ضحك احمد ثم قال بسخريه:

هههههههه، اوبااا اخص اخص على الرجاله ضحكت عليك بكلمتين انا عارف

ضحكت چايدا بمرح ثم قالت وهي تضع الطعام في طبق كريم :

هههههههه، إيه يااحمد في ايه انت هتسخنه عليا والا ايه، هو وافق عشان هو بيحبني، صح يا حبيبي صح؟

هز كريم رأسه ثم قال :

اعترف بصراحه انا وافقت عشان بحبها ومش بحب ازعلها

نظر عبد الرحمن الي احمد ثم قال له بضحك :

نقطهم انت بس بساكتك وسيبهم يتفهموا بغض يااخويا، قولي بقا امتا هتعمل زيهم كدا وتفكر في نفسك ومستقبلك

أحمد بضيق قائلا :

تاني يا بابا، انا قولت لحضرتك قبل كدا بلاش كل شويه تفتح الموضوع دا، انا مش بفكر ولا هفكر فيه، صدقني محاولاتك مش هتنفع

عبد الرحمن بغضب قائلا :

يعني مش هتفكر، ليه يعني هو كان ايه حصل لكل دا، دا نصيب والا هو ياهي يا مفيش غيرها وبعدين يعني لو كل الناس بتفكر ذيك كدا كان زمان الناس ماتت ناقصه عمر، فوق لنفسك يا احمد

هب احمد واقفا ثم قال :

يوووه بقا خلاص مش عاوز اكل

أمسكت چايدا يده سريعا ثم قالت :

لا لا خلاص يااحمد ونبي اقعد، خلاص بقا يابابا بالله عليك احنا مصدقنا  انه بقا كويس وقاعد معانا بقا

عبد الرحمن بحزن قائلا :

يابنتي انا نفسي اشوف عياله قبل مااموت نفسي اكون جد قبل ماربنا يفتكرني، ليه عاوز يحرمني من دا

جلس احمد علي المقعد ثم قبل يد والده بحب وقال :

بعد الشر عليك يا عبدو احنا نقدر برضو نستغني عنك دا انت الخير والبركه، وعلى الأحفاد يا سيدي عندك چوچو اهي هتجبلنا كاتيبه بحالها

اتسعت عين چايدا بدهشه ثم قالت :

كاتيبه!، لييييه شايفني ارنبه؟!، وبعدين انا وكريم اتفقنا اننا هنجيب ٢ بس

ضرب عبد الرحمن كفيه ببعضهما ثم قال :

مفيش فايده مفيش فايده، انا هطلع اخد الدوا وانام النوم اريح من خلقكم، معلش يا كريم ما تأخذنيش وبعدين البيت بيتك عن اءذنك

كريم بحب قائلا :

اكيد ياعمي، تصبح على الف خير

عبد الرحمن وهو يصعد الدرج :

وانت بخير يابني

چايدا وهي تضرب احمد علي يده بخفه قائله :

عجبك كدا كل مره اما يجي يتكلم معاك تزعله بالشكل دا

أحمد بنفاذ صبر قائلا :

چايدا انتي عارفه كويس اني مبحبش السيره دي ومع ذلك هو دايما مسر يضايقني ويفكرني بكل حاجه انا حاولت بكل الطرق اني اتخطاها واعديها بصعوبه

چايدا بحزن على حال أخيها قائله :

طب خلاص ماتزعلش نفسك المهم بكرا انا وكريم هننزل نختار المركب وكدا هتيجي معانا؟

أحمد باعتذار قائلا :

لا يا حبيبتي معلش مش هعرف عندي شوية شغل وبعدين عمر زهقني كل يوم يكلمني على حوار الملفات اللي انا لسه مخلصتهشا دي، لو عرفت اخلص بدري هحصلكم

چايدا بحب قائله :

ولا يهمك يا حبيبي ربنا معاك

      *

     في منزل شيرين

كانت تجلس مريم أمام التلفاز وتنظر الي الساعه بقلق، لقد تأخرت كثيرا لمادا لك تعد بعد؟

دب دب

هبت مريم واقفه تقول:

يارب جيب العواقب سليمه، مين؟

شيرين بصوت رقيق :

انا يا ماما..

زفرت مريم بارتياح قائله وهي تفتح الباب:

إيه يابنتي كل دا اتاخرتي اوي كدا ليه؟

شيرين وهي تجلس على المقعد بتعب قائله :

اعمل ايه على ما خلصت والست نامت والسواق وصلني

مريم بابتسامه قائله :

باين عليهم الناس طيبين اوي

نظرت لها شيرين ثم برمت شفتاها بسخريه قائله :

طيبين اويييي، طيب خدي الكبيره دول عاوزني اعيش معاهم وابقا انزل اجازه جمعه وسبت

مريم بدهشه قائله :

إيه ازاي دا، وانتي وافقتي ليه يا شيرين على شغلانه زي دي؟

شيرين بخيبة امل قائله :

مكنتش اعرف يا ماما لحد اما ادبست وللأسف مش هعرف امشي عشان هو رفض كل اللي اتقدموا للوظيفه وقالي لو عاوزه تمشي يبقا تصبري لحد اما اجيب غيرك، وحلني بقا على اما يجيب غيري

مريم باعتراض قائله :

لا طبعا دا صعب انا اش عرفني الناس دي مين والا ايه ظروفها هأمن عليكي ازاي، وبعدين هو عافيه لو مش عاوزه تروحي مش هتروحي

شيرين وهي تحاول تهدئة والداتها قائله :

اهدي بس يا ماما مش عافيه ولا حاجه بس يعني شكل الشغلانه دي مرتبها كويس جدا ومش متعبه خالص وبعدين ما على يدك اهو مفيش شغل ويوسف محتاج مصاريف كتير اوي وانتي وانا فكري كويس في دا كله

جلست مريم بتفكير ثم قالت بحزن :

ياحول الله يارب وانتي ذنبك إيه بس يابنتي في الشقا دا كله

ربطت شيرين على كتفيها بحنان قائله :

ماتقلقيش عليا يا ماما انا هكون بخير بس انتي خالي بالك على يوسف وماتخافش عليا

مريم وهي تحتضنها قائله :

ربنا يقف جنبك ويوقفلك ولاد الحلال ويرزقك بابن الحلال اللي يصونك ياقلبي

      بقلمي منه وائل

********************************

في الصباح في منزل مشيره

كانت تجلس في غرفتها وتشرب سيجارها المعتاد وتفكر في شيئا ما الي ان دق باب غرفتها فأذنت للطارق بالدخول

الخادمه بتوتر قائله :

ااا.... في واحد برا اسمه البرنس يا مشيره هانم بيقول انه على ميعاد بحضرتك

اطفئت مشيره السجار سريعا وذهبت الي الدولاب لتخرج منه شيئا ترتدي ثم قالت :

قدميلوا حاجه يشربها على ما انزله يلا

نظرت لها الخادمه بتعجب ثن هزت رأسها وخرجت من الغرفه ثم قالت باستغراب:

ياحول الله يارب الناس دي ربنا مديها فلوس بس خاد منهم عقلهم، وايه البتاع اللي تحت دا كمان اكيد ناويه على نيه سوده

................

كان واقفا ينظر إلى بعض الصور التي معلقه على الحائط

ثم قال :

صحيح النضافه حلوه برضو، ناس عايشه في بوته، واحنا مداس علينا بالجزم المعفنه، هححح حظوظ

نظر ورائه وجدها اتيه فمد يده لها وقال :

 اهلا اهلا بست هانم، اخبارك ايه ياستهم

نظرت له مشيره والي يده باءشمئزاز ثم جلست وقالت :

بقولك ايه يا...

قطع حديثها قائلا :

البرنس، اسمي البرنس ياستهم اؤمريني..

نظرت له باستحقار ثم قالت :

انت هتعرف تعمل اللي هقولك عليه؟ 

ذهب لها سريعا وجلس على الاريكه المقابله لها ثم قال :

بعون الله أن اي حاجه اقدر عليها شوفي بس انتي عاوزه ايه اؤمريني، اخطف عيل اخد اعضاء بنت والا عاوزه مخدرات

اتسعت عينيها بصدمه ثم قالت :

لا لا انا مش عاوزه كل دا، انا عاوزاك تقتل

نظر لها ثم قال :

اممم بصي انا مش بقتل أطفال اه انا بخطف بس

مشيره بنفاذ صبر قائله :

طفل ايه يا متخلف انت، انت هتقتل واحده ست

نظر لها بتعجب ثم قال:

طب وليه الغلط بس الله، وبعدين هنتشطر على حرمه برضو، هي عملتلك ايه؟

مشيره بغصب قائله :

وانت مالك انت لتشطر على ست والا راجل انت مش هتاخد اللي انا عاوزوا

البرنس بتفكير قائلا :

ايوا ياستهم ماشي خلاص مفيش مانع بس برضو عملتلك ايه عشان ابقا عارف أنهى موته تستهلها

نظت له ثم قالت بشر :

خطفت جوزي مني 

البرنس بصوت عالي قائلا :

الله الله خراب البيوت، كله الا خراب البيوت اه انا محبهوش، دي بت نهار ابوها اسود، فين صورتها بنت الك*لب دي وانا اعدمهالك العافيه

نظرت له مشيره بخيبة امل ثم قالت :

للأسف معرفش شكلها ولا شوفتها قبل كدا..

نظر لها البرنس ثم ضحك بشده قائلا :

ههههههههه اومال هنعرفها ازاي لامؤخذه ايه هتقتل اي حد معدي والسلام

مشيره بتفكير قائله :

لا ماقولتش كدا بس اكيد فيه حل بص انت خد وقتك بس معروف يعني اي بت صغيره وحلوه كدا داخله معاه البيت خلص عليها اصل عمر مالوش لا إخوات بنات ولا قرايب كل اللي في حياته أمه وبس 

نظر لها البرنس بتفكير ثم قال :

بصي انتي صعبتي عليا وانا هساعدك انا مش بعمل كدا مع أي حد بس انا هعمل معاكي كدا انا هحط البيت تحت المراقبه وانتي برضو اتقسي واعرفي شكلها عشان نخلص اوام اوام 

مشيره بابتسامه قائله :

انا متشكره جدا خلاص اتفقنا 

مش ههنيك عليها ياعمر 

       بقلمي منه وائل 

********************************

في منزل يبدو أنيق 

تجلس احدهم امام التلفاز وعندما رأت ابنتها تهم بالخروج هبت واقفه تقول :

انتي رايحه فين يا يمني، هو كل يوم خروج، بقولك ايه انا مش مرتاحه عارفه لو طلع اللي في دماغي انا مش هسكت وهطربق الدنيا 

يمني وهي تحاول تهدئتها قائله :

إيه بس اللي في دماغك يا ماما هو كل يوم الموال دا 

نظرت لها ثم قالت بغضب :

اللي في دماغي انتي عارفاه ياعين امك، اللي انتي منعاني اني اعمله وناخد حقنا وكل دا عشان خايفه على ام البيه، بت انتي عليا النعمه لو عرفت انك بتقبلي هقطع خبرك، انتي ايه يابت ملكيش كاسر 

يمني بانهيار قائله :

كفايا بقا يا ماما كفايا، كفايا اللي بتعملي معايا دا، انتي كل حاجه انا بعملها معرضاني فيها ارحمني شويه، نفسي في مره مش الاقي اعتراض منك على أي حاجه، وبعدين اطمني مش بقابل حد وسبيني بقا عشان هايدي مستنياني تحت 

نظرت لها وهي ترحل ثم قالت :

روحي ياختي روحي، هبله طول عمرك زي ابوكي، ربنا يرحمك ياحاج ويبشبش الطوبه اللي تحت راسك

       بقلمي منه وائل

********************************

في الصباح في منزل شيرين

كانت تجلس على الطاوله تتناول الإفطار بجانب أخيها يوسف وجدها تنظر إلى الطعام بفراغ فقام بامساك يدها وقال :

مالك يا شيري حاسك مش طبيعيه، في حاجه حاصله معاكي احكيلي دا انا حبيبك يوسف

ابتسمت له شيرين بحب ثم قبلت رأسه وقالت :

مفيش حاجه يا حبيبي بس هتوحشني انت وماما مش اكتر

ابتسم لها ثم قال :

ماتقلقيش على ماما اما راجل معاها هنا خالي بالك انتي بس من نفسك، هقولك على حاجه هتضحكك امبارح فتحي ابن خالتو جه هههههههه ماما قعدت تقول عليه كلام يضحك اوي وماما بتقول انه باين عليه عينه منك

نظرت شيرين الي والدتها ثم قالت :

الكلام دا صحيح يا ماما، فتحي دا جه هنا؟

مريم وهي تضع الطعام أمام يوسف قائله :

ايوا جه امبارح وقعد يدحلب ويقول مش عاوز اسيبكم لوحدكم ومش عارف ايه وسأل عليكي بس انا ادتوا الطريحه وفهمتوا اننا مش متقبلينوا اساسا

زفرت شيرين بارتياح 

ثم قالت :

طب طمنتيني اقوم انا بقا اتكل على الله لحسن انا اتأخرت اوي والراجل ابن الست دا مرعب اوي، اشوف وشكم على خير

احتضنها يوسف ثم قال هتوحشني اوي يا شيري

شيرين بحزن قائله :

وانت كمان والله ياقلب شيري هتوحشني اوي

، حالي بالك من نفسك يا ماما وانا هتابعكم بالتليفون وخالي بالك من يوسف هتوحشوني اوي

ثم تركتهم ورحلت وهي تشعر ان قلبها يتمزق لتركهم بمفردهم ولكن ما باليد حيله

رفعت مريم يدها وقالت بدعاء :

ربنا يسترك يابنتي دنيا واخري ويبعد عنك ولاد الحرام

       بقلمي منه وائل

********************************

      في منزل عمر

خرج عمر من غرفته وهو يرتدي ملابسهُ الانيقه المعتاده ثم ذهب إلى غرفته والدته وطرق الباب ظن ان شيرين قد وصلت وتجلس معاها بالداخل

ثريا باءذن قائله :

ادخل

عمر بحب :

صباح الخير يا حبيبت قلبي

ثريا وهي تحتضنه:

صباح الخير يا حبيبي، ايه القمر دا ماشاء الله، ايه رايح فين كدا؟

عمر وهو يجلس بجانبها قائلا :

ولا حاجه عندي مشوار مهم كدا وبعدين هروح على الشركه هو انا ورايا غيرها

ثريا بدعاء قائله :

ربنا معاك يابني ويحميك

قبل عمر يدها ثم قال :

ربنا يخليكي ليا ياست الكل، الا صحيح اي فين البنت المسؤله عنك؟

ثريا بابتسامه قائله :

تقصد شيرين، لسه مجاتش يا حبيبي

هب عمر واقفا ثم قال بغضب :

نعم يعني ايه لسه مجاتش انا قايلها تسعه تكون هنا الساعه عشره ولسه ماجاتش

أمسكت ثريا يده ثن قالت بترجي :

ابوس ايدك يا عمر بلاش تعملها حاجه ولا تزعق فيها لما تيجي دي بنت غلبانه مش حمل اللي بتعمله دا

طبطب عمر علي يد امه ثم قال :

لما تيجي بس ياأمي، شكلها مش هتيجي

دب دب

عمر بغضب :

ادخل

الخادمه برعب من صوته العالي قائله :

عمر بيه، البنت اللي جات امبارح تحت ومستنيه حضرتك

ابتسم عمر براحه ثم قال :

خليها تطلع هنا، الحمدلله اهي جات بس لازم احاسبها على تأخيرها دا لان لازم تهتم بالمواعيد شويه

ثريا بترجي قائله :

معلش يا حبيبي اكيد حصل معاها ظروف معلش يا عمر بلاش تضايقها

دب دب

عمر قائلا :

ادخل

شيرين بتوتر وخوف :

صباح الخير يا هانم صباح الخير يا عمر بيه

ابتسمت لها ثريا ثم قالت :

صباح الفل يا حبيبت قلبي عامله ايه تعالي تعالي هنا جنبي

نظرت شيرين الي عمر الذي ينظر لها بتركيز ثم ذهبت سريعا الي السيده ثريا وجلست بجانبها

عمر بتحذير قائلا:

عارفه انا مش هعملك حاجه المره دي عشان خاطر ماما، بس لو حصل وبوظتي اي ميعاد تاني انا محددوا ليكي هيبقا فيه تصرف تاني مفهوم

هزت شيرين رأسها برعب، فنظر لها ثم ابتسم الي والدته ورحل

شيرين بحزن قائله :

انا عملت ايه يعني لدا كله عشان اتأخرت ساعه يتيمه، والله غصب عني اعمل ايه المواصلات كانت زحمه اوي وعلى ما جهزت حاجتي وسلمت على ماما واخويا

طبطبت ثريا بيدها عليها ثم قالت بحنان :

معلش يا حبيبتي هو عمر كدا بيحب التزام المواعيد اوي حتى الدقايق بيحاسب عليها وتلاقي بس كان خايف تحصلي النوبه وانتي مش موجوده معلش حقك عليا

ابتسمت لها شيرين برضا ثم قالت:

ولا يهمك يا هانم المهم انتي لسه مش فطرتي صح، انا هعملك فطار إنما ايه هتاكلي صوابعك وراه ولا تقوليلي خدامين بقا ولا غيره

ضحكت ثريا على طريقتها ثم قالت :

بس يا حبيبتي انتي مش مكلفه انك تعملي الاكل انتي هما عشان تكوني معايا لكن الاكل والحاجات دي للخدم

ابتسمت لها شيرين ثم قالت :

عارفه دا بس انا حابه ااكلك من أيدي ثواني وهجيلك

       بقلمي منه وائل

********************************

      في شركة عمر

كان يجلس احمد علي مكتبه يتابع عمله الي ان دق هاتفه فقام برد قائلا :

الو ايوا يا محمود ها عملت ايه؟

يابني منا قولتلك هتعمل ١٥ الف وجبه وهتطلع فلوس وبطاطين كتير بس خالي بالك كل دا باسم مني حسن منصور، جزاك الله كل خير، ربنا يرحمها برحمته الواسعه، مع السلامه

دب دب

أحمد باءذن :

ادخل

عمر بتسأول قائلا :

إيه يابني انت جاي من بدري يعني النهارده اشمعنا وانا كنت فكرك هتعدي عليا نروح سوا

نظر له احمد ثم قال :

مش عاوز اقعد فاضي ولا افكر عاوز اشغل نفسي في الشغل لحد اما اليوم يخلص

جلس عمر ثم قال باستغراب :

ليه يعني ماله اليوم مااهو حلو اهو

أحمد بجمود قائلا :

بالنسبه ليك انت، النهارده ذكرى وفاة مني

ضرب عمر بيده على رأسه ثم قال بأسف :

معلش يا عمر انا اسف نسيت خالص، ربنا يرحمها برحمته الواسعه، عملت الوجبات والحاجه

هز له احمد رأسه ثم قال :

ايوا كله في ميزان حسناتها يارب، المهم امشي انت انا هكمل اليوم انت كان وراك مشوار باين يلا روح

نظر له عمر ثم قال :

ايوا بس..

قاطعه احمد قائلا :

ياعمر اسمع الكلام بقا انا ياسيدي هكون كدا احسن روح بقا يلا

ذهب له عمر واحتضنه وقال :

شد حيلك يا صاحبي هي في مكان احسن من هنا، متأكد انك هتكون كويس

هز له أحمد راسه فا ودعه عمر وذهب، تركه مع أفكاره التي تتصارع، وقلبه الذي ينزف ويصرخ لما تركته وحده يصارع في ذلك الزمن؟

       بقلمي منه وائل

********************************

       في شقة عمر

كانت تجلس يمني على الاريكه تنتظره حتى يأتي وعندما كانت تشاهد التلفاز وجدت باب الشقه يفتح فذهبت سريعا وجدته عمر فأحتضنته بقوى وشوق قائله :

وحشتني اوي ياعمر

عمر بحب وهو يحتضنها :

وانتي كمان يا حبيبتي وحشتني اوي، ها عامله ايه طميني عليكي، وماما عامله معاكي ايه لسه شاكه

يمني بحزن قائله :

اه والنهارده زعقت معايا وقالتلي لو عرفت اني بقابلك هتقطع خبري يا عمر انا خايفه أوى، مش عارفه ليه بتعمل معايا كدا، انا خايفه انها تعرف وتيجي البيت عندك وتفضح الدنيا

احتضنها عمر وقال :

ماتخافيش يا حبيبتي ان شاء الله كل دا هيتحل ومش هتبعدي عني ولا لحظه ياقلبي المهم اني اطمنت عليكي، خدي دول لو احتجتي اي حاجه كلميني

قبلته يمني في وجنتيه وقالت :

ربنا يخليك ليا ومايحرمنيش منك

عمر بابتسامه :

ولا يحرمني منك يا حبيبتي المهم هنقعد شويه وبعدين اخدك اوصلك وارجع البيت عشان اخلص شوية شغل مش عارف الشغل متراكم اوي اليومين دول

يمني بدعاء :

ربنا معاك يا حبيبي

       بقلمي منه وائل

********************************

في المساء في منزل عمر وبالتحديد في الحديقه

ثريا بضحك قائله :

يخربيتك يا شيرين بقا كل دا يطلع منك انتي هههههههههههه تخيلي بقا لو كان سمعك ههههههههه بس اقولك انتي غلطانه لان والله عمر مش كدا انتي بس عشان مش اتعملتي معاه قبل كدا

شيرين بصوت واطي ولكن سمعته ثويا جيدا :

القرد في عين امه غزال

ضحكت ثويا بقوى على تلك الجمله ولم تستطيع امتلاك أنفاسها ثم قالت :

هههههههههههههههه ل لا بجد انتي فظيعه

ابتسمت لها شيرين ثم قالت :

الله انا عملت  حاجه

واثناء حديثهم صدح صوت رنين هاتف شيرين وكانت والدتها فاءستئذنت منها ان تذهب للحديث مع والدتها فسمحت لها بذلك

واثناء ما كانت تجلس ثريا بمفردها كانت تريد أن تجلب كوب الماء من علي الطاوله ولكنه كان بعيدا للغايه وهي لك

 تستطيع الوقوف فهي تهاني من شلل في قدميها حاولت أن تلمس الكوب وجاهدت حتى شعرت

 بتعب وإرهاق ووقع الكوب من على الطاوله واحسن بوجع في قلبها وكانت تنادي على شيرين بصوت واطي للغايه لم تسمعه حتى النمله

فوقعت من على المقعد

عمر وهو يدخل من باب المنزل :

امينه هي ماما نامت؟

امينه وهي تشير الي الحديقه قائله :

لا ياعمر بيه في الجنينه مع شيرين

هز عمر لها رأسه ثم ذهب إلى الحديقه

ثريا بصوت مبحوح قائله :

ششششيييريييين

ولم تستطيع الصمود اكثر من ذلك ففقدت الوعي

عمر وهو ينظر من بعيد قائلا :

إيه دا ايه اللي واقع على الأرض دا...، ايه دا ماما... مامااااااا ا 

                          الفصل الرابع من هنا

         لقراة باقي الغصول اضغط هنا

تعديل المقال