رواية غرام الاسد كامله جميع الفصول بقلم شروق محمد

  رواية سرق انوثتي

الفصل السابع 

بقلم منه وائل

الله الله وانت مين ان شاء الله عشان تتكلم كدا، دا انا هوريك

ولكم عمر في وجهه

فقامت شيرين بالصراخ قائله :

عاااااااااااااا عمر بيه

امسك عمر وجهه ثم نظر له بغضب وكان سيذهب له ولكن امسكته شيرين ووقفت أمامهم تقول :

ابوس ايدك يا عمر بيه خلاص حقك عليا انا والله

مروان وهو ينظر له بغضب ويوجه حديثه لشيرين قائلا :

سيبي يا شيرين اما اشوف هيعمل ايه

عمر وهو يزيح شيرين من أمامه ويقول :

دا انت هتشوف ايام سوده يالا هخليك تتمنى الموت ومش هطوله

شيرين ببكاء قائله :

عشان خاطري يا عمر بيه خلاص انا هخده وامشي والله خلاص

نظر لها عمر باستحقار ثم ذهب له وقال بتهديد:

ابقا قول لأمك تجهز جنزتك يا حليتها

ثم تركه وذهب الي سيارته ورحل

شيرين ببكاء قائله :

يااخي منك لله انت عاوز مني ايه بقا قطعت عيشي حرام عليك

امسك مروان ذراعها بعنف قائلا :

بقولك ايه انتي ملكيش شغل عند الواد دا تاني سامعه ولو عتبتي هنا هكسرلك رجلك مفهوم

ازاحت شيرين يده بصعوبه وهي تقول بانفعال :

انت عاوز ايه مني بقا ابعد عني يااخي انا بكرهك انت ايه معندكش دم، انت ملكش انك تتحكم فيا بالشكل دا

ضحك مروان باستفزاز وقال :

لا يا حلوه ليا حق والا تحبي افكرك

نظرت له بكسره ثم اخفضت رأسها الي الاسفل بحزن

ذهب إليها وامسك يدها وقال وهو يسحبها ورأه ويضعها في سيارته الصغيره :

ايوا اعقلي كدا يا حلوه ومش عاوز اعتراض منك، واول ما نروح تقولي لأمك اني طلبت ايدك وانك موافقه وعارفه لو امك شكت في  حاجه اقسم بالله هنزل الصور  والفيديوهات اللي معايا ليكي دي كلها على النت وهفضحك يا شيرين

شيرين بدموع قائله :

حرام عليك انت بتعمل معايا كدا ليه حرام عليك، انت عاوز مني ايه بس، مش كفايا اللي انت عملته فيا وبعدت عنك وبرضو جيت ورايا سبني في حالي بقا

أوقف عمر السياره ثم اقترب منها ووضع يده علي وجهها و يزيح خصله من شعيراتها قائلا :

انا بحبك يا شيرين، بحبك من زمان اوي وانا قولتلك بس انتي رفضتي، معرفش ليه مع اني مستعد اعملك اللي انتي عاوزاه كله، واللي انا عملته فيكي زمان كان غصب عني من حبي فيكي مش قادر اشوفك قدام عيني وعارف انك مش ليا، بس مش هسكت انتي هتكوني ليا انا يا شيرين، ليا انا وبس

ثم اقترب منها وكان يقبل وجهها وهبط الي رقبتها لكي يقبلها ولكن قامت شيرين باءزاحته سريعا تقول برجاء ودموع :

لا يا مروان عشان خاطري لا

نظر لها مروان بخيبة امل ثم تركها وقام بتشغيل محرك السياره وانطلق الي المنزل.

      بقلمي منه وائل

********************************

      في منزل احمد

كانت تجلس على المائده تتناول الإفطار مع صديقتها چايدا ووالدها عبد الرحمن

فنظر لها چايدا وقالت باءبتسامه:

اعتذرلك امبارح مش كدا؟

ابتسمت لها يمني ثم قالت :

اه، بس مكنش له لزوم هو معاه حق فعلا، ازاي يستقبل بنت هربانه من بيتها ويقعدها معاهم في بيته، بس صدقيني انا مش هقعد هنا كتير هتصرف وهشتغل وهشتري شقه

عبد الرحمن بشفقه على حالها قائلا :

لا يابنتي احنا مااشتكيناش بالعكس انتي موانسينا والله، وبعدين ياستي لو على الشغل مفيش اي مشاكل بس يعني مش أولى انك تخلصي دراستك الاول

نظرت له ثم قالت بحزن :

انا شكلي هسيب الجامعه

چايدا بفزع قائله :

انتي اتجننتي يا يمني جايه على اخر سنه وهتعكي الدنيا، دا انا هتجوز اهو ومش هسيب دراستي هكمل برضو لولا بس ان كريم مستعجل كنت استنيت اما خلصت، بطلي هبل بقا

ترن ترن

چايدا وهي تنظر إلى هاتفها قائله :

دا كريم، الو يا كريم ايه انت برا طب ماتدخل يابني، عاوزني في مشوار! طب منا عندي محاضرات

طيب خلاص حاضر سلام، بابا معلش هروح مع كريم مشوار لبتاع الستاير والسجاجيد انت عارف بقا الفرح اخر الشهر ولسه الحاجات دي ماخلصتش

هز لها رأسه بالموافقه قائلا :

ماشي يا حبيبتي خالي بالك على نفسك وسلملي على كريم

چايدا وهي ترحل قائله :

حاضر يا بابا، بقولك يا يمني معلش بقا مش هروح معاكي خدي مفتاح عربيتي وروحي انتي بقا ها يلا سلام

نظرت يمني لها وهي ترحل ثم نظرت الي مفاتيح السياره بتوتر

عبد الرحمن بتساؤل قائلا :

مالك يابنتي محتاجه حاجه؟

نظرت له يمني قائله :

ها لا مفيش حاجه انا همشي بقا ياعمو

عبد الرحمن وهو يودعها قائلا :

اتفضلي يا بنتي

أحمد وهو يهبط الدرج قائلا :

صباح الخير بابا، ايه يا حبيبي عامل ايه

ابتسم له عبد الرحمن وقال :

صباح النور يا حبيبي، الحمدلله في نعمه

أحمد بتساؤل قائلا :

اومال فين چايدا؟

نظر له وهو ينتظر منه سؤال آخر قائلا :

راحت مع كريم عشان يشوفوا السجاجيد والستاير

، مش عاوز تسأل عن حاجه تاني؟

أحمد باستغراب قائلا :

لا مفيش هسأل عن ايه يعني، المهم انا هتأخر النهارده في الشغل ابقوا كلوا انتوا بقا ماشي، سلام 

عبد الرحمن بخيبة امل قائلا :

ماشي يا حبيبي سلام، وبعدين معاك يابني لحد امتا هتفضل كدا؟. 

................... 

في الخارج 

يمني وهي تقف أمام سيارة چايدا بتوتر وحيره قائله :

انا اساسا مبعرفش اسوق عجله هسوق عربيه، ايه ياربي اللي انا عملته في نفسي دا بس يارتني كنت وافقت على فريد وخلاص انا تعبت 

وعندما كانت تشكي الي السماء وجدت أحدا ما يقف ورائها وينظر لها باستغراب 

التفتت يمني الي ذلك الشخص وجدته احمد يقف وينظر لها بتعجب ثم قال :

هو في ايه؟ انتي بتعبدي عربيات والا ايه؟

نظرت له باءخراج وارتباك قائله :

ها..، لا طبعا انا بس يعني چايدا ادتني عربيتها عشان اروح بيها الجامعه بس.. بس 

أحمد مقاطعا لها قائلا :

بس ايه مالك في أيه؟ 

يمني بتوتر قائله :

بس انا مش بعرف اسوق عربيات اصلا ولا عمري سوقتها 

نظر لها احمد بتفكير ثم مد يده لها وقال :

هاتي المفاتيح 

وضعت يمني المفاتيح على يده وهي تنظر له باءرتباك 

وضع احمد المفاتيح في جيبه ثم أشار لها قائلا :

تعالي ورايا 

نظرت له وقالت بخوف :

هه.. هنروح على فين؟ 

نظر لها احمد وهو يفتح باب سيارته قائلا :

هوصلك ايه مالك في ايه خايفه ليه؟ 

يمني وهي تتصنع الجراءه قائله:

ها، لا مش خايفه هخاف من ايه انا جايه اهو 

ذهبت له وركبت معاه سياره وهي تحاول السيطره على أنفاسها التي تعلو وتهبط من التوتر ثم نظرت له وقالت :

طب انا هروح ازاي؟ 

نظر لها ثم قال :

هبقا اعدي اخدك، هتخلصي الساعه كام؟ 

يمني بتذكر قائله :

على الساعه 5 كدا 

هز لها رأسه بتفهم ثم انطلق بالسياره الي الجامعه 

      ****

     في منزل شيرين 

دخلت شيرين الي المنزل ووجهها يبدو عليه الحزن الشديد لا تعلم ماذا ستفعل بتلك المصائب التي تحل عليها 

مريم بتساؤل وهي تنظر لهم قائله :

إيه في ايه؟، هو حصل حاجه والا ايه؟ 

مروان وهو ينظر إلى شيرين ثم قال:

لا ياعمتي مفيش حاجه، هتقوللها والا اقولها انا 

نظرت له شيرين بفزع ثم هزت رأسها بنفي وقالت :

لا استنا اصبر 

نظرت لهم مريم باستغراب وقالت:

هو في ايه ، ايه اللي قوللها وايه اللي لا، في ايه بظبط؟ 

نظرت لها شيرين وقالت سريعا :

مفيش حاجه يا ماما اتخنقنا في الشارع بس مش اكتر 

مريم بغضب قائله :

انا مش قولتلك ماتروحلهاش عشان انا عارفه انك هتضايقها مش هتجبها البر انت 

ثم تركتهم وذهبت الي المطبخ 

جلس يوسف بجانبها وقال :

مالك يا شيري فيكي ايه حاسك تعبانه

نظرت له شيرين ثم ابتسمت ابتسامه بسيطه وقالت :

مفيش حاجه ياحبيبي انا بس مرهقه من الشغل مش اكتر

هب مروان واقفا يقول :

و ان شاء الله مش هتروحوا تاني

نظرت له شيرين ثم قالت بغضب :

انت ملكش حق في دا مش معنى اني سكت على كلامك هناك يبقا موافقه

نظر لها ثم قال بتوعد:

براحتك يابنت عمتي انتي حره اوي بس انا هعرف اتصرف

جلست شيرين على المقعد وظلت تبكي بحزن على حياتها البأسه تلك

    *****

      في شركة عمر

كان يجلس على المقعد ويشعر بالغضب الشديد وكأنه يريد أن يفتك بكل شئ أمامه ثم نظر الي الهاتف وقام بالاتصال على أحدا ما

عمر بغضب قائلا :

ايوا يا على، بقولك ايه انا هبعتلك عنوان كدا عاوزك تراقبلي انسه شيرين والواد اللي كان معاها النهارده قدام البيت سامع عاوز اي مكان يروحوا فيه تروح وراهم مفهوم يلا سلام

دب دب

عمر وهو يأذن للطارق قائلا:

ادخل

دخلت الي المكتب وهي ترتدي ملابس ضيقه للغايه وفي يدها طفله صغيره

ثم ذهبت له وهي تبتسم قائله :

صباح الخير يا عموري

ابتسم لها ابتسامه بسيطه ثم قال :

صباح الخير يا يارا، ماشاء الله دي بنوتك؟

هزت له رأسها ثم قالت :

ايوا دي ميرا بنتي، سلمي الي اونكل عمر يا ميرا

نظرت لها ميرا ثم ذهبت له وقالت وهي تمد يدها بطفوليه:

اذيك يااونكل

عبط عمر الي مستواها ثم امسك يدها الصغيره وقبلها قائلا :

اذيك انتي ياقلب أونكل

ابتسمت له بخجل قائله :

ههههههه كويسه

ضحك عمر لها ثم قال ليارا :

مش شبهك خالص يا يارا، اكيد شبه باباها

يارا وهي تجلس على المقعد قائله :

يعني ممكن تكون شبهوا شويه، المهم احمد فين؟

عمر وهو يجلس أمامها قائلا :

مش عارف والله كلمته الصبح وقالي جاي واهو لسه مجاش معرفش اتأخر ليه

يارا وهي تشعل سيجار قائله :

الغايب حجته معاه، ربنا يستر بس لما يجي مش يطير راسي

نظر لها عمر بصدمه ثم قال :

دا له حق يطير كل حته فيكي انتي بتعملي ايه يا مجنونه بلاش سجاير في الشركه ممنوع

نظرت له يارا باستغراب قائله :

ممنوع ليه أن شاء الله؟

عمر بنفاذ صبر قائلا :

ياستي ممنوع انا مانع الموظفين يشربوا داخل الشركه واطفيها بقا عشان الانذار وعشان البنت

يارا وهي تطفئ السجاره قائله :

لا ميرا عادي اتعودت

نظر لها عمر بتعجب ثم قال :

اتعودت! ، هتروحي من ربنا فين انتي.،خليكي هنا اوعي تتحركي هروح اجيب حاجه وجاي

       *

      في سيارة احمد

كانت تختلس بعض النظرات له من حين للاخر وكأنها تعلم انه لن يراها ولكنه يراها جيدا ويحاول عدم إحراجها، ثم نظر لها فجاءه وقال :

انتي كويسه؟!

انتفضت يمني عندما نظر لها ثم قالت بارتباك :

اا... لا اه اه انا كويسه

أحمد باستغراب قائلا :

إيه اللي لا و اه، بصي انا مش فاهمك بصراحه اه بجد مش فاهمك والله، طول الطريق عماله تبصي بنص عين كدا معرفش ليه، وعاوزه تقولي حاجه وخايفه، مالك كدا؟

يمني بتوتر قائله :

مفيش حاجه، انا بس كنت عاوزه اكلم اخويا بس تليفوني مفيهوش رصيد، وكمان مشيت من البيت من غير ما اخد اي فلوس ولا اي فيزا تخصني

نظر لها احمد بشفقه على حالتها ثم قال :

طيب ماقولتيش كدا ليه وخايفه من ايه، خدي الفلوس دي مؤقت اشحني بيها ولما ترجعي نبقا نشوف الموضوع دا

نظرت يمني بتوتر وخجل الي يده الممدوده بالمال ثم قالت :

ايوا بس..

ابتسم لها احمد وقال بطمأنينه :

خديهم بقا وملكيش دعوه اعتبري اني اخوكي اللي انتي عاوزه تتصلي بيه دا هو اللي بيديكي ماشي، يلا انزلي احنا وصلنا وهتعدي عليكي اوصلك اول لما تخلصي

ابتسمت له يمني برفق ثم هزت له رأسها وهبطت من السياره

كان ينظر لها احمد بشرود ثم قال :

ياترى ايه حكايتك يا يمني؟

      بقلمي منه وائل

********************************

      في منزل عمر

كانت تجلس ثريا في غرفتها تشاهد التلفاز الي ان طرق باب غرفتها والتي سمحت ثريا للطارق بالدخول وكانت امينه

نظرت لها امينه وقالت بتوتر :

ست هانم...

نظرت لها ثريا وجدت وجهها لا يبشر بالخير  فقالت لها بتساؤل :

في ايه يا آمينه مالك شكلك مش على بعضك

امينه بارتباك قائله :

في الحقيقه يا ست هانم، مدام مشيره برا

ثريا بدهشه قائله :

مشيره!، ودي ايه اللي جابها دلوقتي؟

،طيب روحي قدملها حاجه تشربها وابعتيلي سندس تنزلني

هزت لها امينه رأسها وذهبت لكي تفعل ما قالته لها

ثريا بتساؤل قائله :

ياترى جايه ليه الساعه دي، ربنا يستر

    

**

     في منزل شيرين

جلست مريم أمامها ثم قالت لها :

مالك يا بنتي في ايه؟، من ساعة ما جيتي من برا وانتي بالشكل دا، هو مروان عملك حاجه؟

نظرت لها شيرين ثم قالت :

لا يا ماما مفيش حاجه، هو راح فين؟

نظرت لها بشك ثم قالت :

نزل معرفش راح يجيب ايه، صحيح هو انتي موافقه انك تتجوزي؟ 

نظرت لها شيرين بصدمه ثم قالت سريعا :

لا يا ماما لا طبعا مش موافقه مين قالك الكلام دا؟!

مريم وهي تنظر لها بدهشه قائله :

اهدي يا شيرين في ايه انا بسألك بس عشان هو قالي انك موافقه، هو في حاجه حصلت بينكم يا شيرين؟

شيرين بارتباك قائله :

حاجه زي ايه يا ماما؟

مريم بتوضيح قائله :

يعني قربتوا من بعض كدا أو كدا، غلطتوا؟

فزعت شيرين قائله :

لا طبعا يا ماما ايه الكلام اللي انتي بتقولي دا مفيش حاجه من دي حصلت

زفرت مريم بارتياح قائله :

الحمدلله، طيب يلا قومي عشان تاكلي

سحبت شيرين الغطاء عليها قائله :

لا يا ماما انا عاوزه ارتاح شويه جايه من برا تعبانه لما ابقا اصحى ابقا اكل

مريم وهي تحدث نفسها قائله :

مبقتش فهماكي يابنت بطني

      بقلمي منه وائل

********************************

      في شركة عمر

عمر وهو يشرح لهم قائلا :

وطبعا خطة العمل هنا هتكون عكس خطة العمل هنا يعني الإنتاج هيكون احسن فهمتوا؟

يارا بتعليق قائله :

ايوا ياعمر بس دي هتحتاج سيوله كتير اوي

عمر بتوضيح قائلا :

ايوا منا فاهم يا يارا ماهو دلوقتي انا هدخل بنسبتي واحمد بنسبته وانتي بنسبتك يعني كدا هيكفي وبزياده اوي ومش هنحتاج لشريك رابع معانا والا انت شايف ايه يااحمد... احمد

انتبه احمد اليه قائلا :

إيه ياعمر في ايه؟

عمر بسخريه قائلا :

إيه ياعمر في ايه! ، لا يا حبيبي مفيش حاجه تحب اجبلك حد يعملك مساج وانت مأنتخ كدا، في ايه يااحمد انت مركز ليه واكيد طبعا مكنتش مركز في الكلام اللي قولته كله

أحمد وهو ينظر في ساعته قائلا :

لا ياسيدي كنت مركز، المهم انا هروح بقا عشان المشوار اللي قولتلك عليه ماشى

هز له راسه بالموافقه قائلا :

ماشي، ربنا يهديك يااحمد

ترن ترن 

انتبه عمر الي رنين هاتفه ثم قام بالرد وكان إحدى رجاله المتصل فرد قائلا :

ايوا يا على ها عملت ايه؟، اممم ابن عمتها، طب مفيش اي حاجه بينهم كدا أو كدا، طيب خلاص سلام يلا 

، اومال كانوا واقفين كدا ليه شكلهم زي مايكونوا ماشين مع بعض، اوووف وانا مالي انا شاغل بالي ليه، بس أنا مش هسيب حقي برضو من ابن الجزمه دا 

     بقلمي منه وائل

********************************

       في منزل عمر

نظرت لها ثريا بتساؤل قائله:

خير يا مشيره كنتي عاوزه ايه؟

كانت تنظر إلى البيت من الداخل تحاول رؤية شئ ما ثم قالت :

هو عمر فين؟

ثريا باستغراب قائله :

انتي جايه عشاني انا والا عشان عمر؟

نظرت لها مشيره ثم إلى الداخل مرة أخرى ثم قالت :

لا جايالك انتي بس مش عاوزه عمر يعرف اني جيت، هو عمر اتجوز فعلا؟

ابتسمت لها ثريا بسخريه ثم قالت :

ههههههه اما امرك عجيب صحيح يا مشيره، انتي مش مشيتي من هنا وانتي مقتنعه ان عمر متجوز خلاص يبقا متجوز

مشيره بانفعال قائله :

يعني ايه هي فزوره؟، ماهو يا اه يا لا، متجوز والا مش متجوز؟

ثريا بتحذير قائله :

بقولك ايه يا مشيره احترمي البيت اللي انتي فيه مفهوم وماتعليش صوتك، وبعدين انتي عاوزه ايه متجوز والا مش متجوز مش خلاص خربتي بيتك بايدك، طب ياستي هو كان مش زوج كويس انتي خليكي زوجه كويسه يمكن تكسري عينه، يمكن يحس على دمه ويعاملك حلو، بس انتي بوظتي كل حاجه بغبائك، و اه يا مشيره متجوز في حاجه؟

هبت مشيره واقفه بغضب قائله :

بقا كدا ماشي، اسمها ايه؟

ثريا بتعجب قائله :

اما امرك عجيب فعلا، انتي عاوزه ايه بظبط، امشي يا مشيره وشوفي حالك وانسى عمر، عمر خلاص مش ليكي

نظرت لها مشيره بتوعد ثم رحلت وبداخلها تلعن وتسب في عمر وتتوعد  له بالكثير

      بقلمي منه وائل

********************************

       أمام الجامعة

كانت تقف يمني بجانب إحدى صديقاتها ثم قالت لها صديقاتها :

طب انتي يابنتي ماكلمتيش اخوكي ليه لحد دلوقتي، كدا مينفعش ممكن يبهدلك على سكوتك دا

يمني بتوتر قائله :

انا تعبت والله العظيم يا اميره كل اما خلاص بقول هكلمه ارجع واخاف يحصل حاجه او ماما تعرف مكاني، وبعدين يعني هو هيعملي ايه اكتر من كدا

نظرت لها بنفاذ صبر ثم قالت :

يابنتي انتي عبيطه دا اخوكي فاهمه يعني ايه، يعني هو اللي المفروض يبقا جنبك مش تروحي تقعدي عند چايدا وأخوها اللي استقبلك اول يوم بوش خشب

كان ستهم يمني بالحديث ولكن وجدك احمد يقف أمامها بالسياره فاءستئذنت من صديقتها وذهبت له وركبت السياره

أحمد باعتذار قائلا :

انا اسف معلش اتأخرت عليكي

يمني بابتسامه خفيفه قائله :

ولايهمك مفيش حاجه

كان ينظر لها والي يديها التي تفركها في بعضهما بتوتر

فقال لها بتساؤل :

ممكن افهم بس انتي متوتره ليه كدا؟

يمني وهي تحاول التحدث قائله :

م.. مش متوتره ولا حاجه انا بس مرهقه شويه

أحمد وهو ينظر إلى وجهها الشاحب قائلا :

انتي مال وشك اصفر ليه كدا انتي تعبانه اوي للدرجه دي؟، أوديكي المستشفي؟

يمني وهي تحاول تمالك اعصابها قائله :

لا لا مالوش لزوم انا بس يمكن عشان مش واكله كويس

هز احمد رأسه بأسف على حالتها تلك ثم انطلق الي مطعم لكي تتناول فيه الطعام

جلس احمد أمامها ثم قال :

احكيلي بقا لحد اما يجهزوا الاكل

يمني وهي تنظر اليه بارتباك قائله :

ها، انا مش عارفه انت جبتني هنا ليه لما اروح هاكل يعني

أحمد وهو يشير الي وجهها قائلا :

لما تروحي ايه بس مش شايفه وشك عامل ازاي، اخلصي بس احكي يلا على ما يخلصوا

نظرت له يمني صن بدءت في الحكي قائله :

انا يمني، بنت عاديه جدا جيت على الدنيا لاقيت بابا رجل كبير متجوز ماما شكلها أصغر منه بكتير بس بابا كان غني وماما

 كانت ست بسيطه، بعد كدا لما كبرت عرفت ان بابا اصلا متجوز ماما على مراته، ست كبيره بابا قالي انها جميله جدا بس طبعا العجز والمرض

 غير شكلها، وطبعا بابا راجل زي اي راجل مهما كبر محتاج واحده ترجعه شبابه

، وعرفت ان ليا اخ بس بابا مكنش قايله علينا، كان بيبقا نفسي اوي بابا يكون قايله، كان بيكون نفسي اروح اترمي في حضنه واقوله انا اختك، اللي نفسها يكون ليها اخ كبير من زمان تتسند عليه

، بعدها بابا مات بس اللي عرفته ان بابا قاله علينا قبل ما يموت، وجه وكنت مبسوطه اوي انه تقبل الموضوع وحبني اوي، بس كان هو وماما مش متوافقين وماما كانت دايما تهدده انها هتقول لمامته على جواز بابا بس هو أداها فلوس عشان تسكت، بس هي منعتني منه بس مقدرتش كنت بروح اشوفوا من وراها وهو جبلي تليفون مخصوص عشان اعرف اكلمه منه من غير ما ماما تعرف،

بعدها ماما اتجوزت عمو حسين جوزها دا، اللي ببتحكم في حياتي كتير اوي، وبيند ايده عليا َوماما مش بتتكلم، وانا كنت بخاف اقول لاخويا ليحصل مشاكل تاني وماما تمنعني منه، وكأن بيتحرش بيا كتير اوي اه والله 

ثم صمتت وظلت تبكي وعيونها مليئه بالدموع 

وضع احمد يده على يدها ثم قال لها وهو في محاوله لتهدئتها :

اهدي ماتخافيش مش هترجعيلوا تاني 

نظرت له ثم مسحت دموعها وقالت :

 ماما كمان عاوزه تجوزني لابن اخوها اللي انا اصلا بكره اسمع اسمه دا، ماما عاوزه مصلحه من ورايا بأي طريقه

معرفش ليه بيحصل معايا كدا، انا تعبانه أوي

نظر لها احمد بحزن ثم قال :

ممكن كفايا عياط وماتقلقيش انا هساعدك محدش هيجبرك على حاجه، ولا هترجعي لجوز مامتك الحيوان دا ماتخافيش

نظرت له يمني ثم قالت له وهي تحاول أن تهدء قائله :

انا بس نفسي اعيش مرتاحه، تعرف اني باخد ادويه مهدئه عشان محسش بأي حاجه بتحصلي، والتوتر اللي انت شايفني على طول فيه دا بسبب الادويه اللي انا اتعودت عليها دي

أحمد وهو يضع الطعام أمامها بعدما احضره النادل قائلا :

طيب اهدي ويلا كولي بقا

هزت له رأسها صم بدءت في تناول طعامها تحت انظاره لها

       بقلمي منه وائل

********************************

     في منزل شيرين

كانت نائمه على الفراش لا تشعر بشئ حولها كانت تسبح في النوم

مريم وهي تتحدث إليها قائله :

يا شيرين يابنتي قرني بقا الله، طيب انا كنت عاوزه اقولك اني رايحه اجيب شوية حاجات من تحت وهاخد يوسف عشان معاد الدكتور، يا شيرين

رد يوسف وهو يرتدي حذاءه قائلا :

شكلها تعبانه يا ماما سيبها نايمه ويلا بقا

ألقت مريم نظره أخيره عليها ثم اخذت يوسف وخرجت من المنزل.

وبعد نصف ساعه دخل مروان الي المنزل وكانت معه نسخه من المفاتيح والتي اعطتها له مريم ونسيت ان تأخذها منه بعد اما رجع

، ظل مروان ينظر في النزل لعل بجد أحدا ما ولكنه لك يرى احد

، ثم نظر الي غرفة شيرين والتي كان بابها مغلق، فذهب الي الغرفه وقام بالطرق على الباب قائلا :

شيرين انتي صاحيه، افتحي انا عاوز اتكلم معاكي، طب فين عمتي ويوسف؟

شيرين ردي عليا

ولكنه لم يجد رد فقرر فتح باب الغرفه ليبحث عنها، فوجدها نائمه على الفراش بملابس نوم مريحه وشعرها ينسدل على وجهها

فذهب لها وجلس أمامها وازاح شعرها من على وجهها وظل يتأملها وهو يتحسس وجهها وشفتاها بيده

، ثم هبط إليها وكان سيقبلها فاستيقظت شيرين سريعا وهي تشهق قائله :

انت ايه اللي بتعمله دا يا مروان انت اتجننت، انت ازاي تدخل اوضتي، وفين ماما ويوسف؟

كان ينظر لها مروان والي جسدها بتلذذ ثم قال :

معرفش جيت لاقيتك لوحدك هنا

أمسكت شيرين الغطاء ووضعته عليها وقالت :

طب اخرج لوسمحت يا مروان

مروان باعتراض قائلا :

لا انا مس هخرج من هنا الا لما نحل الموضوع دا، انا مش هقدر استحمل اكتر من كدا، انا بحبك يا شيرين وانتي لازم توافقي على الجواز سامعه

شيرين بانفعال قائله :

هو بالعافيه، ايه انا مش عاوزاك مش بحبك، انت ايه يااخي! 

اقترب منها مروان وامسكها من شعيراتها وقال بغضب :

لا بقولك ايه تكونيش مفكره نفسك هتتجوزي واحد زي البيه اللي انتي شغاله عنده لا اصحى انتي بتاعتي انا فاهمه، بتاعتي انا يا شيرين

، وانا بقا هخليكي ملكي انا

ثم قام بألقائها على الفراش، وقام بخلع ملابسه

شيرين بخوف وبكاء  وهي وترجع الي الوراء قائله :

لا يا مروان ابوس ايدك بلاش، انا هعملك اللي انت عاوزوا

مروان وهو يقترب منها قائلا :

ماانتي كدا كدا هتعملي اللي انا عاوزوا غصب عنك، تعالي هنا

شيرين وهي تصرخ وتبكي بغزاره وتحاول الافلات منه قائله :

عاااااااااااااا لا يا مروان ونبي لاااااااااااااااااااا

امسكها مروان وقام بتقطيع ملابسها والقاها على الأرض ونظر لها وهو يقول :

انتي بتاعتي انا

شيرين بصراخ وألم :

لاااااااااااااااااااا اااااه

لقراة باقي الغصول اضغط هنا

 🌹 🌹🌹🌹🌹🌹🌹🌹🌹🌹🌹🌹

.🍁🍁🍁🍁مرحبا بكم. ضيوفنا. الكرام.

 .اترك ١٠

تعليقات. ليصلك. الفصل.

.الجديد. فور .نشره.وستجد.

.في. كرنفال. الروايات. كل. ما. هوا. جديد.

.حصري. ورومانسى. وشيق فقط ابحث. من جوجل باسم الرواية الذي تود قراتها علي مدوانة كرنفال الروايات وايضاء  اشتركو على

 قناتنا        علي التليجرام من هنا

ليصلك اشعار بكل ما هوه. جديد من اللينك الظاهر امامك

  🌹🌹🌹🌹🌹🌹🌹🌹🌹🌹🌹🌹🌹

                         الفصل الثامن من هنا

لقراة باقي الغصول اضغط هنا

تعديل المقال