رواية انقذوني من هذه العائله
الفصل التاسع9
بقلم منه محمد

كانت قاعده كالعادة اللي اكتسبتها مؤخرا الأنوار مطفيه وهي على سريرها اللي حاسة انه بيطردها من فوقه من قمه حزنها
إحساس رهيب بالغربة والوحشة .. ودموعها مافارقتها كانت تردد في نفسها (الأهل راحوا والزوج يوسف .. ايه الحياة البائسه دي.. ليه يا موت ما أخدتنيش
معاهم ليه سبتني للعذاب )
قطع أفكارها إلا ضربات ضعيفة ع الباب وبدون ما تنطق دخلت طفله صغيره فتحت الباب و دخلت دماغها وتتلفت بالضلمه
الطفلة : أنا احاف شعلي النول
ابتسمت ملك لبراءتها وقالت بود : تعالي يا حلوه
الطفلة : يماااا انتي فين
فتحت ملك نور الاباجوره : نعم ياحلوه
الطفله : حالتو ملك في لاجل لزل في الثالون اوزك (خالتو ملك فيه راجل رزل في الصالون عاوزك)
ملك على شفايفها ابتسامه : مين اللزل...و تقلدها
الطفله : مدليش ..عطاني عسله جنيه والي لوحي نادي حالتو ملك
ملك : طيب في مين تحت
الطفله : في امي وزدتي وحالتو مني .. وبابا لاح من سوي
ملك تحضنها : وانت اسمك ايه
الطفله قالت وهي تشد ايد ملك: انا بثمه يله بسلعه اللزل وادف
ملك: استني
بسمه : دول بسرعه >>>>> وهي تشد ملك بضعف .. فوقعت
ملك: هههههههههههه يله يله انا جايه
لبست بنطلون جينز كاتينج وعليه بلوزه حمره ولمت شعرها على فوق كانت عيونها منفخوه من العياط وانفها احمر
عدت بالصاله اللي فيها جدتها ومني ولاسلمت عليهم
الجده اتنهدت: لا حول الله يارب
عرفته ملك قبل ما تشوفه من برفانه النفاذ اللي كان يملا قاعة المحاضرات ودخلت الصالون اقتحام
ملك : نعم
وهو وقف اول ماشافها منظر مؤسف بدون كلام فضل بس يتأملها .. حزينه مكسوره... دبلانه ورده وماتت قبل اوانها..
قال في نفسه (ياه فين وشك البشوش ؟؟ ..فين غرورك .. فين الدلع الي كنت بكرهه)
ملك : انت جاي ليه ؟؟!!
قرب منها وقال بصوت اقرب للهمس : ملك حرام عليكي اللي بتعمليه في نفسك
ملك كررت عليه الجمله الاولي بدون اي تعبير: انت جاي ليه
يوسف بحنان : تعالي ااعدي عاوزك
ملك : وانا مش عاوزاك ايه الي جابك
يوسف بنفس النبرة : جيت علشانك
ملك : امتي هسافر ؟؟؟
يوسف : الوقت اللي تقرريه
ملك بفرحه : بجد
كسرته بحزنها و فرحتها المكسوره مسكها من ايدها قعدها جنبه : جد يا ملك جد
التفتت عليه فكان قريب منها جدا لدرجة انها حست بانفاسه على وشها وارتبكت وبعدت شوي وبلعت ريقها : جوزيف اريد ان اعود للماضي .. اريد ان أحيا فيه ليس لي حياه في حاضركم هذا هل تفهمني ارجوك .. دكتور جوزيف
كانت تتكلم بالانجليزي .. كانت عاوزه تعيش و تحس انها معاهم
ابتسم يوسف: ايه الرسميه دي للدرجه انا مينفعش ابقي حبيبك ولا حتي زوج ليك
ملك: .............
بعد خصله كانت على عينها : هااا
ملك وهي تبعد ايده عنها وتقوم توقف : ولا اكتر
بعد ما نهزم جيش المشاعر فيه : طيب ياملك .. هدور علي حجز على نهاية الشهر ونسافر
ااعدت ملك مره تانيه وقالت بفرحه ومتلخبطه : وليه اخر الشهر ليه مش اليومين دول
يوسف : الحق ارتب وضعي
ملك بارتباك : وضعك من أي ناحيه اذا من ناحية الفلوس متشلش هم سيب كل حاجه عليا
يوسف اتكلم من تحت اسنانه بحزم : ملككككككاك مش انا الراجل الي مراته تصرف عليه فاهمه
ملك حست بخوف منه وانتابها احساس كانها واقفه قدام استاذها صاحب الشخصيه القويه : طيب طيب زي ما تحب .... اهم حاجه ماتغيرش رايك
حط ايده تحت فكها وقال بابتسامه جذابه : الاهم منه تهتمي بنفسك .. مش عاوزك ترجعي لماضيك الا زي ما سبتيه
بعدت ايده وقالت بحزن : انا عاوزه ارجع للاطلال .. وليه اهتم ولمين
يوسف : ليا ليه انا ما استاهلش
ملك : .....................
يوسف : طيب ياملك انا هفوت عليك مره تانيه
وطلع من جيبه ورقه وكتب عليها رقمه
يوسف : ده رقمي اوعي تترددي لحظه انك تتصلي بيا لو احتاجتي اي حاجه
ملك بصت بالورقه وقالت بخجل : ايه ده
يوسف : مالك مبتسمعيش رقمي رقم موبيلي
ملك بقمة الخجل : عارفه انه رقم موبيلك لكن اكتبه بالانجليزي انا مش بعرف عربي
يوسف : نعم !!!!
ملك : تنح بقي .. ايوه مش بحب اقرء عربي (نفسها تحس انها في امريكا مع عايلتها وتعيش زي الاول)
يوسف : هههههههههههههههه حتي الارقام
ملك بابتسامه خجل : ولا حاجه
يوسف ياخد الورقه مره تانيه ويكتب رقمه بالانجليزي : لازم اعودك تحبي عربي
ملك بتاخد منه الورقه : مش محتجالو في حاجه
قال يوسف بخبث : مش يمكن ابعتلك رساله فيها كدا ولا كدا
ملك : لا كدا ولا كدهون اللي عاوز تقوله اكتبه بالانجليزي
يوسف مازل على نفس النظره الاولي : بس الشعر مش بيبقي حلو اذا ترجمناه بالانجليزي
ملك فهمت قصده : وايه يرميك على الشعر .. اصلن انا ولا بحبه
يوسف : بس انا بحبك
ملك : ايه
يوسف يتنحنح : احم حبك تقري بالعربي
ملك ببتسامه تحاول تخبيها : طيب عاوز حاجه تانيه دلوقت
يوسف : رني عليا علشان اسيف رقمك هااا
ملك : موبيلي...( وافتكرت)
يوسف : ماله
ملك افتكرت انه عند مني: لالا خلاص خلاص انا هروح اسال مني عنه باي انت دلوقت
يوسف : يلعن ام الطرده ......كدا عيني عينك
ابتسمت له.. واتكسفت من قله ذوقها : عاوز حاجه
يوسف حس بالرضا انها ابتسمت : سلامتك .. اوعي تنسي ترني
ملك : انشاء لله
مشي يوسف اللي حسس ملك براحه لكن جاهله ليه
دخلت الصاله .. وقفت قريب من الصاله
ملك : مساء الخير
الكل بفرحه : مساء النور
ملك : مني شفتي موبيلي
منى : حطيته مع حاجتك في الدولاب فوق
مشت ملك لغرفتها
الجده : ملك
التفتت ملك بدون ماترد
الجده بحنان : ااعدي معانا يابنتي غيري جو
ملك : معليش انا تعبانه محتاجه ارتاح
قامت الجده بصعوبه ووصلت لملك وبرجاء .: حلفتك بالي خلقك تقعدي معنا
ابتسمت ملك: علشان خاطرك
الكل حس بالتغير اللي تركه زيارة يوسف كانوا يتكلمو ويضحكو وهي بتشاركهم فقط بالاببتسامات حزينه
اجبرتها جدتها تتعشي معاهم اكلت شئ بسيط لكنها استفرغت كل اللي اكلته
مني : ده من الجوع ... معدتك مستغربه الاكل
زينب زوجه ناصر : لازم ما تفضلش معدتك فاضيه
ملك : آه
زينب : اشربي ..اشربي حبيبتي
شربت من ايدها كوبايه العصير
زينب : تعالي ااعدي اعملك حاجه دافيه تريح معدتك
ملك : آه ... لا لا انا هرتاح فوق احسن
طلعت ملك لغرفتها
دخلت ... وصاحبتها الغربه والوحشه اللي نستهم شوي لما ااعدت مع جدتها تحت
ارتاحت شوي ولما حست انها احسن
قامت طلعت فونها
فضلت فتره طويله باصه فيه قبل ما تفتحه
الجهاز اللي جمعها بكل النا س اللي بتحبهم .. ابوها .. عادل .. هدى .. امل و.....
فتحت الجهاز وسمعت صوت رسايل كتير
فتحت الرسايل من صديقاتها .. يسالو عن اخبارها .. ويسلمو عليها .. وبعضهم زعلانين على تقديمها الاعتذار من الجامعه
ولقت من بين الرسايل رساله من عادل ليلة الحادثه
(ملاكي بابا بيقولك اجهزي لا زم نسافر الليله )
ملك ودموعها ملت وشها : آآآآآآآآآآه ياعادل يارتني مت معاكم
بكت بحرقه لحد ما غفت عينها ونامت وهي حاضنه الموبيل........
في بيت احمد
محاسن ام نوره : ازاي ماتشوفيهاش هو ده مش ابنك واول فرحتك يعني الجواز سكيتي والعروسه منشوفهاش كمان وكسه اي دي بس
حفصه بحزن السنين : اسكتي يامحاسن ياختي انا مولعه من جوايا بس اعمل ايه
محاسن مصمصت شفايفها شمال ويمين: طيب ايه الي رماه علي دي ده مش جواز ده حزن وبلا ازرق
حفصه : اه .. الحزن مكتوب عليا ياختي كئن مفيش وراه غيرنا
محاسن ربعت ايدها قدام صد ها : وهى بنت مين ؟؟
حفصه بحسره : بنت عبدالله الجاسر
محاسن ضربت صدرها : نهار اسود الي قتل محمد
حفصه عيطت : شفتي لا واللي خاطبها احمد كمان
محاسن: لا الحكايه دي مش طبيعيه .. في ان اصل الديب ما يهرولش عبث
حفصه : تفتكري.. طيب عاوزين منها ايه بعد ما مات ابوها
محاسن: يعني عاوزه تصدقي ان احمد ربنا هداه وسامح عبد الله لالالا الحكايه دي ما تدخلش مخي
دخل احمد وسكتت محاسن بسرعه
احمد : وانت ايه دخلك ياعجوزه النار
محاسن بحده: عجز عنك كفنك انشاء لله انا عرفاك وخبزاك ابن عمي وفهماك كويس متعملش حاجه لله بس سيب يوسف في حاله بلاش تجرو لطريقك المنيل
احمد : اانتي مش هتبقي ارحم مني عليه يا سيئات
يوسف دخل وسلم ولا قعد على طول دخل اوضته
بعده على طول دخل احمد عليه بدون استاذان
احمد : يوسف شايف مافيش جديد
يوسف : جديد في ايه
احمد : يعني امتي هتجيبها هنا انا سامع ان خالها بيقول مش عاوزه فرح ايه الي مأخرك بقي
يوسف : واذا هي مش عاوزه فرح اخدها باللي عليها لازم تجهز و تشوف نفسها
احمد : سد ....سد .. .. لا يكون صدقت نفسك فكرتها جوازه دي صفقه قال تجهز قال ويمكن عاوز تديها مهر كمان
يوسف : وليه لا
احمد مسك دماغه : لا انت اللي عاوز تجلطني منين انت حيلتك الللضا
يوسف : انت مالكش فيه ياعمي اكيد هديها مهر واعملها فرح ولا اخدها واعذبها واقولها هاتي فلوسك تقوم تدهالي باي منطق ده
احمد : طيب ناوي تعمل ايه
يوسف : اكيد في الاول احاول اكسب ثقتها واخليها تحبني وانفذلها كل طلباتها وبعدها واوصل للي عاوزه
احمد : والله طلعت مش سهل دلوقت بس انا اتطمنت
وطلع احمد من الاوضه ببتسامه شيطانيه
يوسف بصله لما طلع ويقول في نفسه والله لو تعرف اللي اعاوز اعمله لتدبحني
بعد الساعه 12 نام يوسف ولا فاق غير صوت التلفون
اخد موبيله وبصله ..... رقم دولي ...... مين اللي يتصل بيه من امريكا
يوسف وهو شبه نايم : الو
: الو
يوسف : نعم من يتكلم .....كان يتكلم بالانجليزي
ملك : .................
عدل يوسف من وضعه وقعد علشان يصحصح
يوسف : الو ..... الو
ملك بتردد : ا نـ ا مـلك
يوسف : مش سامع
ملك : انا........ ملك
يوسف : ملك !!! بتتكلمي منين
ملك : هيكون منين بيت خالي ناصر انت نايم ... اسفه ازعجتك
يوسف : لا لا بس الموبيل دولي
ملك : ده رقمي .. اتصلت زي ما قلت علشان تعرف الرقم
يوسف : آآآآآوه والله انا غبي ليه ما طلعتيش رقم هنا
ملك : اعمل بيه ايه ... باي ....................... كانت بتتكلم بهدوء
يوسف : باي
قفل التلفون
ملك في نفسها ( الله يلعن ابو الساعه اللي حوجتني ليك .. ولا قالي ليه سهرانه ولا ماله صوتك ولا اهتم .....باي ..ياي .. مغرور مفكر نفسه مفيش منه اوووف بكرهه ) ودفنت نفسها في السرير حاولت تنام
ام هو فما قدرش ينام
كان بيفكر اكيد معيطه صوتها باين عليه وبعدين معاك يايوسف ليه ما سالتهاش فيه ايه صوتك ليه ما حسستهاش انك مهتم بيها
بالله مش حرام الورده تدبل
سند نفسه على السرير وطلع سيجاره وقعد يدخن وهو
بيسترجع ذكرياته معاها .. عنادها ..وصوت ضحكتها . .. ودلعها .. جمالها ... الحياه الي بعيونها
فضل على الوضع ده لحد ما سمع اذان الفجر اتوضي وراح يصلي صلاة الفجر
اليوم الثاني
كانت ملك كالعاده قاعده بغرفتها
رن فونها بصتله من بعيد
اتنهدت بعمق وهو بعيد عنها : اووووووف عاوز ايه ده دلوقت
سابت الفون يرن لحد ما فصل بس ..رجع يرن مره ثانيه وثالثه ورابعه لحد ما صدعها
قامت بكسل اول ما شافت الاسم شهقت وفتحته على طول
ملك والدموع تنزل من عيونها : الو
هدي : ملك عامله ايه
ملك غمضت عيونها واتكت علي شفايفها وعيطت : مش بخير يا هدي عاوزاكم
هدى : حبيبتي متعيطيش اصبري .. ان الله مع الصابرين
ملك : أي صبر ... مصيبتي اكبر من الصبر انت عرفتي
هدي : انا برن عليكي من زمان وكل مره القي موبيلك مغلق بس الحمدلله اليوم رن معايا كنتي هتجلطيني
ملك : شفتي ياهدي بابا وجدتي وعـ
هدى تقاطعها : ملك ده حال الدنيا .... ولازم نقبل .. وحتى لو ماقبلناش القدر هيقول كلمته انتي متموتيش نفسك ياحبيبتي
ملك بيأس : ياريت اموت
هدي : بعيد الشر ياشيخه انشاء لله يطول عمرك وتدعيلهم بالجنه ملك ربنا خلاك لحكمه مش هباء كدا ولا علشان يعذبك ربنا رحيم اوعي تيأسي من رحمته استغفري
ملك : استغفر الله
هدى : قوليلي ايه الي حصل معاك
ملك حكت لها كل اللي حصل وانها اتجوزت يوسف
هدي : امانه بربك اتجوزتي تشانينج تيتوم(ممثل صورته علي الغلاف))
ملك ضحكت من غير نفس :كان ده الحل الوحيد اللي فيه ارجع لامريكا
هدى : امريكا !! مالك بيها .. لا ياملك انا منصحكيش تروحيها وانت كدا
ملك : هدى الله يخليك مش عاوزه نقاش بالموضوع ده
هدي : ايوه قولي بقي انك اتجوزتي يوسف عشان يرجعك امريكا مش علشان بتحبيه
ملك : الله يخليك !!!
هدى : قوليلي اخر حلقه طلع بيحبك ولا لا
ملك : هو هو الغرور والنفخه الكدابه وبعدين ده كتب كتاب وبس وهتنتهي بامريكا ولا حيكون السئيل ده زوج ليا ابدا
هدى : اه اصل هو حيسيبك
ملك : مش بكيفه
هدى : امال بكيف مين
ملك : بكيفي انا
هدى : ملك جو كان من زمان مهتم بيكي والكل ملاحظ يمكن بيحبك
ملك : هدي اسكتي اقرب دليل للحب امبار ح
هدي :لا احكيلي ؟؟
حكت ملك لما اتصلت بيه ونزلت نفسها ولا كلف نفسه يسال عليها عامله ايه ولا ليه صوتها كدا
هدى : حب وكبرياء
ملك : هههههههههه والله ضحكتينيي الله على ايامك ياهدى
هدي : يله هسيبك ومش هقطع وانت كمان خليك معايا اول باول تمام
ملك : امل عامله ايه
هدى : بخير وبتسلم عليك وكل يوم ترن عليك بس مغلق المهم حبيبتي خلي بالك من نفسك ومتقطعيش
ملك :انشاء لله باي
هدى : باي
كانت نفسية ملك من مكالمه هدى انتعشت شوي
قامت من سريرها واخدت لها شور وطلعت ولبست بلوزه لونها فوشيا وبنطلون اسود عريض وقعدت تنشف شعرها لما طلت بسمه عليها بالغرفه
بسمه: انت هنا ليه
ملك بابتسامه: عاوزاني اكون فين ؟
بسمه : ليه انت تل يوم تبتي( ليه انت كل تبكي)
ملك : ايه .. ايه
بسمه : متبتيش انا ادلب اللي يدلبك
تضحك ملك بصوت عالي لاول مره بعد موت اهلها : والله تدلبيه ...... ياحياتي
وتحضنها
بسمه تمسك خصله طويله من شعر ملك: فيها ميه
نزلتها ملك وعطتها المنشفة واعدت : اها نشفيه
بسمه : ما اعلفث
لفت ملك عاوزه بسمه تكلمها وقعت خصله من شعر ها علي وش بسمه
بسمه بتكشيره : بلتيني
ملك ضحكت وفضلت تحط شعرها على بسمه وبسمه تهرب وملك تضحك وتلحقها
مني اللي دخلت لما سمعت ضحكه ملك بفرحه علشان تشوف السبب اللي يضحك كتله الحزن دي
مني : والله وقدرت بسمه تعمل اللي عجزنا عنه
ملك براءه : تعالي اسمعي بتقول ايه ....... قولى بسومه قولى
بسمه خافت وسكتت
اتشجعت مني وهي بتقول : ملوكه تعالي نخرج
رجعت التكشيره لملك : علي فين؟
منى بفرحه : أي مكان
ملك : ماليش نفس
مني وهي تقرب منها: ملوك حياتي بلاش تكسفيني
ملك : والله ماليا نفس
مني تلتفت لبسمه: بسمه قولي لخالتو ملك نخرج ونلعب
بسمه بفرحه : نلوح الملاهي .. انت حالتو تحافيي من الالاب
ملك رجعت لها الابتسامه على طريقة بسمه من طريقه كلامها : لا انا بتله ......تقلدها(انا بطله)
بسمه : يالله نلوح
ملك : اذا حتروحي معانا فانا هروح
مني : تروح بس اخرجي ياشيخه
ملك : نروح الملاهي
مني : ملاهي ملاهي ..بس نخرج
طلعت ملك من قوقعتها اول مره بعد وفاة ابوها واخوها وجدتها مع مني وبسمه اللي قدرت تخرجها من الحزن ببراءتها
ركبت العربيه لمحت يوسف داخل بيت خالها
ملك : لحظه مني ..اقفي
منى بقلق :مالك؟
ملك: عاوزه اشوف ده جاي ليه
مني : مين ده ؟
ملك : يوسف
مني : والله .. الله واكبر عليه كله الممثل تشانينج تيتوم واحلي منه كمان
ملك قلبها دق بسرعه لكلمة مني وحاولت تبان طبيعية :اه احلي فعلا انا مش عارفه انتي نظرك ضعف
مني : عاوزه ايه تاني ياطماعه
ملك وهي نازله تلف لمني: لعلمك انا بس عاوزه اروح اشوف عاوز ايه فضول مش اكتر
مني : ههههههه مااعتقدش
قربت ملك منه لانه كان واقف لما شافها قربت منه
ملك : السلام عليكم
يوسف : وعليكم السلام ....ده انت والله ما عرفتك ( ملك لبست الحجاب)
ملك بختصار : عاوزني
يوسف : شكلك خارجه..
ملك مكشره : عاوز حاجه
يوسف وهو مركز بنظره على عيونها كانت فاتنه رغم انها كلها حزن : انا كنت جايب لك شريحه جديده ورقمها علشــ...
ملك تقاطعه : حد قالك اني محتاجه
يوسف : ايه محتاجه دي وبعدين حسني اسلوبك شويه خدي الشريحه
ملك : قلت لك مش عاوزه حاجه منك الا انك ترجعني لامريكا اما الغراميات اللي عاوز تجربها عليا لا عايزها ولا هقبلها
يوسف : احترمي نفسك واعدلي اسلوبك
ملك : انا مش عاوزه اللي انت جايبه
لفت تمشي وبادرها ومسكها من كف ايدها وعمال يضغط على اسنانه : الاسلوب ده مش معايا انا فاهمه . خدي الزفت انا بحب اذا قلت كلمه تسمعيها واذا جبتلك حاجه تاخديها من سكات ..
ملك نفضت ايدها : احنا فالشارع .. يا اخ
يوسف مسح وشه : اخ ملك اتعدلي معايا انا جوزك مش طالب زميلك
ملك بتحدي : لاااااااااه
الجملة نقلت فيها الاحساس لنفس المكان بالكليه لما قالها ((انت لستي ندا لي فانت طالبه وانا الاستاذ))
نفس الاحساس بالقهر في نفس اللحظه رجع لها
وقالت : أيوه ودلوقت انت مش طالب انت دايما استاذ
يوسف : ايه
ملك من تحت ضرسها : وانا اتكلم وقت ما احب واتصرف بالشكل اللي عاوزاه انا مش انت اللي تفرض عليا اقول ايه واعمل ايه فاهم حتى لوكنت مين ما كان
يوسف حاول يتمالك اعصابه لايتهور ويضربها في الحيط : ملك احترسي مش عاوز اسمع الكلام ده مره تانيه اانتبهي
قربت مني اللي حست انهم طولوا
مني : السلام عليكم
يوسف : عليكم السلام
منى توجه الكلام لملك : صوتكم عالي ليه
ملك : اساليه
ودخلت البيت بسرعه
مني : ربنا يهديك يايوسف احنا ما صدقنا تطلع وانت قلتلها ايه
يوسف : حضرتك تعرفيني ؟؟!!
مني : بنفاذ صبر : انا مني
يوسف وهو عاقد حواجبه : انا اسف .. انا كنت جاي اديها الشريحه شريحتها دوليه .. وعاوز اكلمها
مني بتنهيده : طيب هاتها انا هدهالها .. يوسف ملك فاقده الحنان والامان وهي محتاجه لانسان يرجع لها جزء منه مايكونش هو الزمن عليها
يوسف بص لفوق : انا عارف اوووووف الله يلعن الشيطان
منى : عن اذنك
يوسف : ........
دخلت مني تشوف اختها اللي حالها انقلب بعد ما شافت يوسف