رواية انقذوني من هذه العائله
الفصل الحادي عشر
بقلم منه محمد

في المسا وصلت ملك لبيت خالها
ملك : مساء الخير
الكل : مساء النور
قربت ملك من جدتها وسلمت عليها: اخبارك حالك ايه توتا
الجدة : الله يسلمك منين جايبه الكلمه دي؟؟
ملك : اي كلمه !!
الجده : توتا
ملك بأسى : كنا بنقولها لجدتي مريم ربنا يغفرلها ويرحمها
الكل : آمين
الجده : عارفه يا ملك دي كلمه امك الله يرحمها
ملك بنتبهه : ازاي؟
الجده :كانت تقولها لامي الله يرحمهم جميعا وما كانش حد يقدر يقولها لامي غيرها وإذا حد قالها تعيط وتقول دي كلمه توتا بتاعتي أنا
ملك : أنا ماوعتش علي ماما لكن اكيد مني هى اللي اتعلمت الكلمه دي منها واحنا عملنا زيها
زينب : على فكره ياملك يوسف جه و سأل عنك العصر وقلت له انك عند اختك قال هيفوت المسا ضروري تاني
ملك تجاهلت الامر برمته: توتا انا تعبانه عاوزه اروح اخد شور وانا م عاوزين حاجه مني
زينب : والراجل؟؟
ملك رفعت كتافها : قولي له نايمه
زينب : لكن قال ضروري
في نفس اللحظه كان جرس الباب بيرن
زينب : هاا اكيد هو
سمعوا صوت ناصر بيقوله اتفضل
الجده : ملك يابنتي شوفي جوزك عاوز ايه؟؟
وقفت ملك ودخل خالها
ناصر : مساء الخير
الجميع : مساء الخير
ناصر : زينب اعملي شاي وقهوه ليوسف في الصالون وبص لملك) عاوزك يا ملك غيري هدومك وروحي له شوفي عاوز ايه
ميلت ملك بؤها بطريقه غير ملاحظه لكن خالها لاحظ
ناصر : ملك فيه حاجه!!؟؟
ملك بارتباك : هاااا .. لا ابدا
ناصر : طيب روحي غيري وعلى بال ما اقدمله القهوه
ملك : حاضر
طلعت ملك غرفتها و واخدت شور وبعدها اعدت تنشف شعرها بشويش
كانت لابسه بنطلون ابيض جينز وبلوزه بربع كم لونها برتقالي مفصله جسمها ومبينه تفاصيله الي بدء يرجعله حياته
ورغم انها لسه نحيفه لكن تفاصيل جسمها فاتنه
البلوزه عليها رسومات بالابيض وكانت لابسه اسواره عريضه من العاج الطبيعي وسلسله من الذهب اخره تعليقه على شكل ياسمينه وكان شعرها مفرود على ضهرها عطيها منظر طفولي جميل حطت روج شفاف عطى شفايفها المكتظه لمعه جميله بصت لنفسها بالمرايا ورفعت واحد من حواجبها وهي راضيه عن شكلها اللي بدء يرجع زي الاول واحسن
سمعت دقه خفيف ع الباب وكانت زينب : ملك ملك
ملك وهي تفتح الباب : جايه ..جايه
زينب بصتلها : اووووووو ناويه تهبلي الراجل
ملك ببتسامه دفعتها : اتفضلي امشى قدامي
زينب : الله يعين قلبه
كان ناصر طلع الصالة ولما شاف ملك كان متضايق واتعصب : سنه الراجل اتحنط انا اتحرجت منه .. روحي يله بسرعه
ملك عملت بشفايفها نفس الحركه الاولى : طيب
خبطت الباب علشان ينتبهه .. لكن هو كان عارف انها عند الباب من ريحة عطرها اللي دخلت قبلها ودايما دايما مميزها
دخلت وهي بتجر رجليها جر
اما يوسف كان مركز ع الباب قبل ما تدخل .. ولما دخلت انبهر بيها
وفضل يبصلها من فوق لتحت .. لدرجت انها اتحرجت منه ونزلت راسها
وهي واقفه عند الباب قالت بحيا : نعم عاوز ايه
اتنهد يوسف بعمق : ادخلى .. مالك ليه واقفه عند الباب
ملك بلعت ريقها واتقدمت شوي وااعدت على طرف الكرسي: نعم
يوسف : انا حجزت على بعد بكره .. حضري نفسك .( رمي التذاكر على التربيزه اللي قدامه ) دي التذاكر
ملك برود : مش عاوزه أسافر معاك لغيت
يوسف : نعم
ملك : لغيت قالتها ببطئ مستفز
وقف يوسف ووقف قصادها بالظبط وهي وقفت وقال وهو متنرفز : هو لعب عيال .. مش ده السفر اللي وافقتي تتجوزيني أو كنتي هتتجوزي غيري علشانه
ملك رفعت كتافها : بس غيرت رايي
يوسف بغضب احمق : مش بمزاجك هو .. غصب عنك تسافري فاهمه
ملك بغضب مماثل : لا بمزاجي .. ومش متحركه من هنا
يوسف مسك ايدها ولواها : انت قصدك ايه .. اذا عند انا راسي حجر.. واذا دلع انا بقي هنسهولك
ملك بألم : أي أي أي وجعتني
يوسف : بعد بكره اجي القيك جاهزه انت سامعه
ودفعها وقعت علي حرف الكرسي
طلع وهي فضلت مكانها تبص بايدها اللي كان ناوي يكسرها لها وهي بتقول: ربنا ياخدك
طلع يوسف وفضل يكلم نفسه : دي ناويه تجنني والا ايه قصدها
........................ثاني يوم العصر...........
كانت ملك بلا مبالاة ولا كأن حصل اي حاجه ولا كأنه قالها جهزي نفسك
كانت تلعب مع بسمه
ملك : قولي كركر
بسمه : كلكل
ملك : هههههههههههههه قولي بط بطيطا
بسمه : هههههههه بث مااعلف
ملك ضحكت : بط بطيطا
بسمه: بت بتيتا
ملك وهي تحضنها : ياعمري انتي
دخلت مني وهي بتضحك: يابختها
ملك سلمت علي مني : تهبل بزمتك ماتهبلش وتجنن
مني : خلي شوي لعيالي
ملك تنزل بسمه: بسمه غير
مني بغيره مصطنعه: يا سلام
ملك : اقعدي ...... ولما يجو وقت ساعتها نشوف
مني ااعدت : اغبي خاله ... امال فين اهل البيت
ملك : زينب راحت بيت امها .. وتوتا بتصلى
مني : وسابو بسمه
ملك ضحكت: لا انا مسكتها عاوزه العب معاها
الجده وهي طالعه : اهلا يا مني نور البيت
مني جريت حضنت جدتها : الله يخليك يانوره البيت انتي
وقعدوا بالصاله بدون ما تتكلم ملك عن موضوع السفر
رن جرس تلفون البيت
جريت بسمه ترد علي التلفون : الو
...............................
بسمه: انا بسمه
...............................
بسمه: حاضل ااولها يوثف اوزك
.....................................
طبعا ملك فاهمه ....وطنشت
مني : كأنها بتقول يوسف عاوزك
ملك برود : سمعت
الجده : طيب قومي كلمي الراجل شوفيه عاوز ايه
بسمه توقف قدام ملك وتشد تنورتها : حاله ملك يوثف اوزك
ملك : قوليله نامت
مني بتحذير : لا ... لا ماتعلميش البنت تكذب حرام
مني تكلم بسمه: روحي حبيبتي هي جايه
مني : قومي كلمي الراجل
ملك بضيق : اوووووف
شالت التلفون : الو
يوسف : يعني لازم اتحنط لحد ما يعزموكي تكلميني
ملك : نعم
يوسف : بكره العصر رحلتنا اعملي حسابك
ملك: مش مسافره
يوسف جاب اخره منها: تسافري غصب عنك لا اجي اجرك من شعرك
ملك بحده : طيب خلاص غيرت رايي ..انت ليه مش بتفهم
يوسف بزعيق: اتكلمي عدل معايا ..احسن لك
ملك اتأفأت : طيب
يوسف : بجد خنيقه جهزي نفسك ساعتين واجي اخدك للبيت
ملك باستغراب : أي بيت !!!
يوسف: بيتي و إلا كمان نسيتي انك مراتي
ملك : كدا سكيتي
يوسف : اها عاوزه فرح .. مش برضو حزينة ومالكيش خلق غير للنكد
ملك : و أنت ما صدقت قلت اوفر
يوسف ضحك غصب عنه ويكتم ضحكته :آآآآآآآآآه .. طيب امتى عاوزه معاد الفرح يا مدام ملك
ملك: بعد ما اتخرج
يوسف : نعم ..!!! تتخرجي من ايه
ملك: من الجامعة أنا عاوزه انقل أوراقي هنا واعادلها واكمل
يوسف : ملك لعب مش عاوز .. أتخرج .... اتجوز ........ أسافر ... كل يوم ليك رأي .. ما عنديش
قفلت ملك التلفون في خلقته وما خلتهوش يكمل كلامه
والشئ ده جنن يوسف .. مفيش حد عملها معاه قبل كدا رن على خالها
يوسف : الو عم ناصر
ناصر : الو مين معايا ؟؟
يوسف : أنا يوسف الجاسر
ناصر : اهلا يابني
يوسف بيحاولل قد ما يقدر يتمالك اعصابه : شوف يا عم ناصر .. أنا حجزت علشان نسافر انا وملك بكره العصر . ولقتها مغيره رأيها فإذا عاوز فرح اجيلك علشان نتفق على معاد
ناصر يقاطعه : لا لا فرح ايه يا راجل
يوسف : عادي لو هي عاوزه انا ما عنديش مانع
ناصر : لا إذا مش عاوزه تسافر معاك تيجي تاخدها لبيتك ومبروك يابني لكن اديني فرصه اشوفها واكلمها
يوسف بهدوء : طيب يا عمي ده رقم موبيلي عندك أي حاجه تقرروها أنا تحت أمركم
ناصر : تفائل خير
..................
في بيت العم ناصر
قربت مني من ملك تكلمها بصوت واطي: خلاص هتفضلي هنا
ملك : ايوه هسافر اعمل ايه هناك و انتي هنا
مني بفرحه كبيره : أحسن أنت بدئتي تعقلي .. لكن سمعتك بتقولي لغيت في حاجه غير السفر
ملك : لا ولا حاجه
مني : خلاص أنا هتفق مع خالد نسافر نصفي اعمال بابا الله يرحمه ونبيع البيت و املاكه ونباشر النشاط هنا والحمد لله أن خالد عنده خبره إداريه
ملك غير مبالية: براحتكم
مني : ملك مالك شكلك مش عاجبني
ملك : تعالي فوق
مني : عن أذنك يا توتا شوي
الجدة اللي كانت مالهيه تشوف التلفزيون : هاا خدو راحتكم
دخلت مني وملك وقفلو الباب
مني بقلق : ها فيه ايه
بدئت ملك تعيط
مني : قلقتيني قالك ايه
ملك : معرفش بس حاسه اني اتسرعت في الجوازه دي
مني : اييه!!!!
ملك : انا انسانه محطمه ومشاعري متلخبطه والجواز ليا دلوقت كان قرار غلط جدا وهو جلنف ومغرور وشايف نفسه وعصبي كمان
مني : ملك !! ناويه تفضحينا الناس تقول ايه احنا هنا مش في امريكا هنا عادات وتقاليد والناس هتسال ليه سابها اكيد شاف عليها حاجه هنا عكس هناك كل حاجه الناس بتدخل نفسها ارجوك بلاش تخلينا لبانه في لسانهم
ملك: تعرفي انه قريبنا
مني : عارفه ودي فيها ايه
ملك : ليه ما قالش
مني : ملك خلينا واقعين أنت من يوم ما اتخطبتي وانتي مقعدتيش معاه مرتين على بعض ويمكن ظن انك عارفه
ملك : طيب بابا ليه خباه علينا
مني ارتبكت: هاا قالو بابا زعل من عمه من زمان وسافر .. اأأأ وبعدين بابا كتوم ومش بيحب يحكي أسراره .. و أنت مالك بالماضي
ملك : لان الماضي هو الأساس يا مني
مني : والله خالد بيمدح في يوسف وبيقول عنه انه محترم وانك محظوظة اللي آخدتيه .. وأنت مالك ومال الي فات .. حاولي تتقربي من يوسف وعيشي يا ملك.. الناس بتتكلم علي نفسها لو مالقوش حكايه يتكلمو فيها
خبط الباب
مني : مين !!!
ناصر : أنا يا ملك خالك ناصر
مني بهمس : ملك خالي ناصر روحي اغسلي وشك بسرعه يله
دخلت ملك الحمام تغسل وشها
مني : ادخل يا خالو
ناصر: هاا مني كمان هنا .. طمنيني عن حالك يا بنتي
مني : الله يسلم عمرك بخيريا خالو
ناصر : امال فين ملك
مني: ادخل يا خالو ملك جايه ادخل
أأعد خالها عي الكرسي الهزاز اللي موجود بالغرفة
خمس دقايق وطلعت ملك
ملك: هالو خالو هنا
ناصر ابتسم : هالو بيك بص لوشها شكلها معيطه محبش يسال عشان ما يحرجهاش
مني : استأذن أناسبت توتا لوحدها
ناصر مسك ايد مني: لا يامني ااعدي عاوزك
مني : حاضر .. وقفلت الباب
ناصر : ااعدي يا ملك
بعد ماااعدت ملك
ناصر : اليوم يوسف كلمني ((قلب ملك فضل يدق بسرعة خافت أن يوسف قاله حاجه من اللي حصل ) علشان ياخدك عنده البيت
أو لو حابه تبقي على شرطك وتسافري انت حره
ملك ساكته في حيره من امرها.
لف لمني : وقال لو ملك عاوزه فرح هو معندهوش مانع لكن انا رفضت الناس تاكل وشنا وخصوصا ان اهله اهلك كمان
مني : معاك حق ياخالو
ملك : لكن انا هكمل دراستي مفضلش فيها غير سنه
ناصر : العين اوسع لك من البيت يابنتي لكن انا محروج لان شرطنا عليه كان شرط واحد وانت عارفاه وهو مقلش فيه حاجه ونفذه لكن موضوع الدراسه اتفاهمي معاه لما تروحي عنده
ملك : خلاص نشرط دلوقت والا براحته
مني : ملك ايه الكلام ده انت طفله
ناصر : فعلا وهو قالي تجهز نفسها ... وحول لرصيدي مبلغ أنا حطيته في الشيك ده
قدم لها الشيك وهو بيقول .. ده مهرك خدي يا بنتي
ملك دورت وشها الناحيه التانيه : أنا مش عاوزه منه حاجه رجعهوله
ناصر : والله انا اتحرج منه والله يا مني يوسف مفيش حد زيه في عايله الجاسر كلهم
مني :عندك حق ياخالو .. والراجل حط قدامك جميع الحلول .. ومالكيش حجة .. وانت وافقتي من الأول
حست ملك بقلة الحيلة ودمعت عينها : خلاص قوله انا جاهزة من بكره لو عاوز
ناصر : أنا دايما اقول انك عاقله ومطيعة بارك الله فيك انا هنزل اتصل بيه ابلغه وانتي كوني جاهزه بنهايه الشهر ده ها تلحقي تجهزي نفسك
أخدت مني الشيك وشافته وصفرت : ميت ألف والله كويس .. يله باي ولا تعرفوني ولا اعرفكم
ههههههههههههههههه
ضحك ناصر وهو بيرن على يوسف ويبلغه ان ملك هتجهز في نهاية الشهر
مرت الأيام سريعة وسريعة جدا على غير العادة .. وملك رافضه انها تتحرك من البيت علشان تشتري اي حاجه لجهزها .. حتى مع إصرار مني ومحيلتها الا ان مفيش فايده فاضطرت مني انها بنفسها تروح هي وزينب وتجيب لها الهدوم على ذوقها اللي كان ما يختلفش كثير عن ذوق ملك
إما يوسف فكان مشغول في النقل من البيت القديم للبيت الجديد اللي اشتراه وأثثه من افخر الأثاث اللي فعلا يلق بمستوى ملك ومستواه الاجتماعي الجديد
كانت مني كل يوم تيجي تعرض الحاجات قدام ملك اللي ولا كانها رايحه لقبرها وكانت افضه تقيس اي حاجه من الهدوم
زينب فتحت قميص نوم مثير قدامها : ملوكه شوفي ها ايه رايك
ملك : ايه ده
مني : دول اهم حاجه المشخلع
ملك: اياك تحطيهم معايا ولا هقطعهم
مني: طيب ...طيب اخدهم انا
وراحت مني بالاتفاق مع زينب ودفنوهم بين الهدوم من غير ملك ما تعرف.
اليوم اللي فيه انتقلت ملك لبيت يوسف
رن موبيل ناصر
ناصر : اهلا بيك يا يوسف
يوسف : اهلا بيك ازيك ياعمي
ناصر : بخير يابني بخير
يوسف : انا عاوز اجي ياتري اهلي جاهزين
ناصر : ههههههههههه خلاص بقو اهلك اه جاهزين اتفضل
بعد المغرب جه يوسف وحطوا الشنط في العربيه
اما ملك فكانت حزينه جدا لكن الغريب فى الامر انها ما عيطتش وكان اليوم الوحيد اللي معيطتش فيه حتي وهي بتسلم على اهل البيت
ركبت مع يوسف العربيه بدون ولا كلمه منه او منها
لكن كان بيدخن كتير وهي لاحظت
ملك بصوت واطي : افتح الشباك لو سمحت كتمتني بالدخان
طفى السيجاره وفتح الشباك وهو ساكت
بعد ربع ساعه وقف عند بيت فخم من برا له بوابه كبيره له جنينه كبيره
قرب العربيه من البوابه ونزل يوسف ونزلت هي وراه
وفضلت واقفه مكانها
مشى يوسف قدامها ولاحظ انها واقفه
يوسف : امشي
ملك مشت وراه لحد ما دخلت من مدخل البيت الفخم اللي ينم عن فخامه وذوق رفيع في الاختيار لكل قطعه
دخلت صاله كبيره وكان في مجموعه من الحريم قاعدين
قامت واحده منهم
واستقبلت ملك بابتسامه عريضه وفرح : اهلا اهلا وسهلا منوره
ملك كانت لابسه الحجاب الي قررت تلبسه بعد موت ابوها واخوها وكان منظرها بيه كله براءه ولو انه لون حزين
ست : اهلا .. الف مبروك
وسلمت على ملك..اللي بادلتها بابتسامه باهته
اما باقي الحريم كانو منتظرين بالصاله كان مجموعه منهم محجابين وبعضهم لا
اول ما دخلت لهم ملك وقفوا علشان يسلمو عليها
اما يوسف كمل لجناحه
اما هي كانت ماشيه مكسوفه وري الست الي لحد اللحظه متعرفش دي مين
وتقول في بالها ايه قله ذوقه دي مشي ولا حتي عرفني مين دول
قطعت افكارها الست : اكيد متعرفنيش هقول ايه بس ربنا يسامح ابوكي وجوزك
ابتسمت ملك بدون كلام
كملت الست اللي حطت ايدها على كتف ملك اللي فهمت انها عاوزها تخلع الطرحه وبالفعل فكت الطرحه وبان شعرها الحرير الجميل: انا ياروحي خديجه اخت يوسف
قربت ملك من الستات وخديجه تعرفها على كل واحده منهم : ودي امي ياملك
وطت ملك وسلمت علي حفصه الي قاعده ولا قامت
ملك : اهلا يا ماما ازيك
حفصه : مبروك .......... بدون نفس
خديجه : دي مرات خالي محاسن
سلمت عليها ملك بابتسامه حيا
خديجه : دي بنتها الكبيره نوره ودول بناتها وعرفتها علي الباقي
وملك عماله بس توزع ابتسامات وتسلم
اعدت ملك بعد ماسلمت على الكل اللي انتهت عنده
قامت رنا بنت خالهم وقعدت جنبها
رنا : ماشاءالله عليك ياحظك يا يوسف بجد حلوه
ملك ردت بابتسامه
ست ما : امال مين امها منيره وابوها عبدالله اكيد تطلع حلوه
خديجه : خمسه عليها
الست : بتخمسي في وشنا ياخديجه وضحكت
ست ما : خساره ياملك كنا عاوزين الناس تشوفك وانتي عروسه
ملك بحزن : ده الي ربنا كاتبه
حفصه : ونعم بالله
محاسن بدئت حرب الاعصاب : ياعمري يايوسف حتي الزغروته مش في يوم دخلتك ايه الحظ ده وبصت لبنتها نوره
نوره تلف على خديجه : فين الحلاوه الي طالعين بيها انا مش شايفاها
شهقت رنا
وقرصتها نوره وهمست : هس هتفضحينا
رنا بهمس : حرام عليك حتى من غير مكياج تهبل
نوره : ملك
ملك التفتت ناحيتها : نعم
نوره : صح راجعه لبلدك ؟؟
ملك برد مبهم: اللي كاتبه ربنا بيكون
خديجه : هي دلوقت في بلدها وبين اهلها
محاسن بستهزاء ومصمصت شفايفها : يعني هي تعرف حد مننا
تقاطعها خديجه : هتعرفنا انشاءالله ...هتعرفنا ياخالتي
حفصه كانت ملتزمه الصمت ما غير تبص لملك
خديجه : يله يا عروسه اوريك جناحك علشان ترتاحي وتغيري قبل ما يجو الناس
ملك بذهول : أي ناس؟؟
خديجه : ليه يوسف ماقالكيش اننا عاملين عشا كبير ؟؟
ملك سهمت : لا
نوره بستهزاء : كل شغل يوسف مفاجآت زي فرحه
ست ما : يله يابنتي روحي ارتاحي شوي ... وظبطي نفسك فيه معازيم كتير
ملك : اوك
طلعت ملك وري خديجه اللي كل شوي تلتفت ليها
وصلت الجناح وخبطت علي الباب جالها صوت يوسف من جوه : ادخل
دخلت خديجه وراها ملك ويوسف اتعدل بقعدته
خديجه : انت هنا
يوسف : عاوزه ايه مني الليدي خديجه ؟؟
خديجه ببتسامه : عاوزاك تروح عند الرجاله
يوسف : شوي وهروح حاضر
خديجه لفت لملك الي فضلت واقفه في مكانها : ملك ليه واقفه ادخلي
ثم لفت ليوسف : متتأخروش وغمزتله
طلعت خديجه وقفلت الباب وراها
ملك كانت تلف بعيونها على المكان
عباره عن صاله كبيره ومدخل غرفتين
كان الاثاث مبهر
كان يوسف قاعد يتاملها كانه عاوز يرسمها رسم هو لسه قاعد وهي مازلت واقفه
قام ووقف قصادها :شنطك في الاوضه دي وشاور بعينه للغرفه
وطلع بعدها بدون ولا كلمه
قبل مايطلع ملك : انت ليه ماقلتليش ان فيه عشا .. وناس
وقبل مايرد ردت هي : والا عاوز تحرجني
قرب منها مره تانيه وقال وهو رافع حواجبه : وليه احرجك ....... وبعدين خليهم يشوفوكي زي منا شايفك هما مش احسن مني!!!!
ملك اتنرفزت : بس دول غرب
يوسف ضحك بستهزاء وقال : وانا القريب يعني
طلع من المكان بدون ما يستني تعليقها
قامت ملك تتعرف على المكان بعد ما طلع يوسف
وبعدها اخدت شور وكان الحمام مجهز من كله
بعد مانشفت جسمها وشعرها لبست فستان ازرق وحجاب ولبست عقد ..وحلق من نفس نوع العقد .. وشوز عالي لونه فضي وفيه فيونكه صغيره زرقا كان طالع شكلها روعه
طلعت علبة المكياج واترددت كتير قبل ماتحط منه اول ما رفعت الكحل لعينها جت فيهم صوره عادل وهو بيقول يارب اديني نص جمال البت ملك
نزلت من عينها دمعه حرقتها
هزت راسها وقالت في نفسها : اعوذ بالله من الشيطان الرجيم
نزلت الكحل من ايدها على التسريحه وغسلت وشها مره تانيه واخدت الكحل وحطت اول مره بعد وفات اهلها
رسمت حواجبها بشكل بسيط جذاب وحطت مسكره بين رموشها الطويله الجميله
وحطت بلشر لونه وردي خفيف
وحطت روج وردي مع لون لامع زاد من جمال شفايفها
انتهت من زينتها ... وطلعت كأنها من جميلات القصص الروائيه
سمعت دقات خفيفه على الباب التفتت بكل جسمها : اتفضل
دخلت خديجه اللي اول ماشافت ملك انبهرت : لااله الاالله من عذر اخويا مضرب عن الجواز لحد ما لقاكي
ابتسمت ملك بكسوف : مش للدرجه دي يعني
خديجه بصدق : لا انا مش ببكش والله تعالي لما ابخرك من العين
ملك : الله يسلمك ياخديجه عيونك الحلوه
خديجه : الناس تحت يله استني شوي وبعدها انزلي
ملك : اوك
خديجه لسه هتطلع لفتلها : اااه ملك
ملك: نعم
خديجه : في ناس كبري عقلك منهم
ابتسمت ملك : سيبك
كملت ملك زينتها وبعد عشر دقايق نزلت كأنها نجمه من نجمات السينما المشهورين كل العيون عليها على طول وطول ما هي نازله سامعه كل التعليقات
الله .. حلوه اوي.. ماشاءالله .. ايه الجمال ده كله
طول السهره كانت خديجه تروح وتيجي على ملك وتتكلم معاها وتعرفها على الحضور .. حست ملك انها مش لوحدها بوجود خديجه اللي تدخل القلب بسرعه .. ووجود جدتها ومني وزينب اللي اول وصلو متاخرين لكن كانت ملك فرحانه كتير انهم معاها
اتاخرت السهره لغاية الساعه 2 بعد نص الليل انصرف اخر معزوم من البيت وفضلت الجده ومني وزينب اللي استعدو للخروج
مني : ها يا ملك عطاك اهل كويسين
خديجه بطيبه : ربنا يخليك
الجده: مش هوصيك يا ام يوسف ملك بنتكم قبل ماتكون بنت بنتي
حفصه بحزن السنين :طبعا يا ام ناصر انشاء الله خير
خديجه تلحق الامر : ملك بعيونا يا جده وزي ما قلتي هي بنتنا وعندنا
مني : ملك حطي طنط ام يوسف بعيونك كمان
ملك بحرج : انشاءالله
سلمو على ام يوسف وخديجه وملك وطلعو
ركبت الجده العربيه مع مني
مني : توتا ام يوسف ليه كشريه دايما
الجدة : ليه دي كانت كويسه
مني : معرفش بس حسيتها كأنها مش فرحانه
الجده : يمكن علشان يوسف بكرها .. واول فرحتها ومعملش فرح ... عز عليها
مني بقلق : ياريت
الجدة : امال ايه
مني اتنهدت : ربنا يستر
فهمت الجده ظنونها
الجدة : لا يامني ابوك مات مالهم ومال المسكينه
............................
في جناح ملك
دخلت ملك جناحها وحست انها تعبانه نفسها ترمي نفسها باي مكان وتنام
لكن الفضول دفعها تشوف الجناح بتفحص لانها ما لحقتش تتفرج عليه كويس اول ما
دخلت اول غرفه وكانت غرفت نوم فخمه لونها بني محروق واثاثها شيك وراقي
متصله بيها غرفه داخليه صغيره للبس ... وحمام راقي جدا من حيث الديكورات والتجهيز
اما الغرفه الثانيه كانت غرفة مكتب تشبه نوعا ما غرفة مكتب ابوها اللي في بيتهم في امريكا من حيث الترتيب وفيها مجموعه كبيره من الكتب لكن ماكانتش رسميه نفس مكتب ابوها وقفت عند صوره معلقه بالجدار ... راجل شبه يوسف تماما ماسك طير الليف
قالت في نفسها ده اكيد ابوه لان التصوير قديم وسبحان الله نسخه من يوسف
قطع افكارها صوته اللي اول ما بتسمعه مشاعرها علي طول بتتلغبط : انت هنا
لفت له والتقت عيونهم .. صمت مش قادر ينطق بكلمه .. كانه غرق في بحر العيون الساحره
كلم نفسه : اووووووووف يارب صبرني ياربي دي ملاك ولا بشر
وهي ما كانش حالها احسن من حاله كان احساسها متلخبط احساس بالخوف منه والانبهار برجولته وجاذبيته .... كان لابس بدله وشعره مغطي رقبته
والعيون الواسعه والرموش التقيله
قرب منها شوي وقال : كويس حاطه كحل ماكسفتيناش
ملك بستغراب : قصدك ايه
يوسف لف وبعد علشان يطلع من سيطره حسنها : ولاحاجه
مشي لصاله وقعد ع الكرسي الهزاز : عجبك الجناح ؟؟
ملك ببرود : ليه اوضه نوم واحده
يوسف ضحك بصوت عالي وقال: ليه ناويه تستضيفي حد عندنا ؟؟
ملك : لا بس انا هنام فين؟؟!!
بصلها باحتقار : متخافيش انا عند كلمتي
ملك بغيظ من نظرته: انا ماسالتكتش انت عند كلمتك ولا لا انا بسال انام فين؟؟
قام ووقف قدامها وبصلها بنظراته اللي كانت دايما تهابها وشاور بطرف عينه للغرفه : ليه ماعجبتتش الانسه
قالت وهي تبعد عن سيطره نظرته : وانت ؟؟
دخل ولا كلمها وغير هدومه ببجامه واخد غطى خفيف وطلع ونام على الكنبه المزدوجه اللي برا الجناح
اما هي كانت تراقبه بدون ولا كلمه
رفع الغطا عن راسه ولقاها لسه واقفه قالها : مش ناويه تنامي النهار طلع
مشت ودخلت الاوضه وقفلتها ..رفع راسه لما سمع صوت القفل وهز راسه بالاسف ونفخ بعمق ورجع نام
اما هي اخدت لها شور بماء دافي ونشفت شعرها ولبست بيجامه بيضه وغطت نفسها باللحاف ولا فكرت في الغلبان الي برا
نامت مرتاحه واول مره ما تجيلهاش الكوابيس اللي كانت محصراها في اوضتها في بيت خالها.. ولا حست بالوقت لحد ما سمعت صوت يوسف ورا الباب كان بيضرب الباب وشكله من زمان واقف ملك فاقت ورفعت راسها وسمعت كويس .. ولقت ان الصوت ماوقفش
من ورا الباب يوسف : ملك ملك اصحي بقي
قامت فتحت الباب بدون ولا كلمه
يوسف متنرفز علي اخره : اخر مره تقفلي الباب سااامعه
بصتله بطرف عينها كأنه مش عاجبها الكلام
دخل ولا اهتم بنظرتها اخد له شور سريع ولبس قميص وبنطلون : اصحي افطري وصلي
كانت مغطيه راسها لكن كانت صاحيه وسمعاه ولااتكلمت
التفت لها وهي بدون حركه : عارف انك سامعه الفطار في الصاله
حط من عطره وطلع اول ما سمعت صوت الباب ييتقفل
قامت وغسلت وشها وفطرت بسرعه لانها جعانه من امبارح واتحرجت تاكل قدام الناس ولا طلبت منه اخر الليل حاجه لانها اتحرجت وكمان كانت تعبانه
وهي صلت ورجعت عاوزه تنام لكن سمعت صوت رساله من موبيل يوسف اللي نساه بالصاله راحت ناحيه الموبيل ومسكته وفضلت باصه فيه فتره وهي بتشاور نفسها : اشوف الرساله ؟؟؟ هااا؟؟ ولا هيعرف .. واخيرا لقت نفسها بتفتحها لكن ...... كانت الرساله غريبه بعض الشئ
فضلت تفر في الموبيل
اخدها الفضول ترن علي الرقم اللي مطلعه ليها علشان تعرف مسميها ايه عنده
رنت الرقم طلع مخزن باسم مهجه روحي
طبعا .. ماعرفتش ان ده اسمها .. بالعكس ظنته اسم حد اخته مثلا امه
ملك: الحروف ليه رخمه كدا لا انا لازم اتعلم عربي صح
رجعت لفراشتها ونامت بدون ما تقفل الباب
ماحستش الا الساعه اربعه العصر والغطى يبترفع من علي دماغها فتحت عيونها بشويش وشدت الغطا وقامت بسرعه وقالت وهى منزله راسها ومنزعجه : فيه ايه عندك
يوسف بدون أي تعبير : لسه نايمه من ساعه ماطلعت
ملك مزعوجه منه : في حاجه
يوسف وهو طالع : امي وخديجه تحت لوحدهم ليه مش قاعده معاهم؟؟
ملك بعناد :انا مش بحب الاومر انا اعمل اللي عاوزاه في الوقت اللي عاوزه انا
يوسف بصلها وطنش كلامها : اكلتى ؟؟
ملك بصتله بعجرفه وسكتت.
رن موبيل يوسف معاه اتحرك قلبها خافت انه يعرف انها فتحته حيقول ايه عنها
يوسف : وانا بدور عليك برا
رفع التلفون يرد: الو ..اهلا.........
لا لا انا ما اقدرش على زعلكم .. عشر دقايق بس...... هههههههههههه.........حتى انا مشتاق والله........اشوفك وماله..... باي
كانت ملك منتبه للمكالمه ... وهو انتبه لها
يوسف : واحد صديقي
ملك : ومين سالك
يوسف : شايفك مهتمه
ملك بتريقه : انا هه مسكين
يوسف : هههههههههههه والله انتي الي مسكينه اطلعي اقعدي مع الناس
ملك بعصبيه : لا
يوسف : لا .. لا .. براحتك
وطلع وسابها متنرفزه جدا من غروره