CMP: AIE: رواية انقذوني من هذه العائله الفصل السادس عشر16بقلم منه محمد
أخر الاخبار

رواية انقذوني من هذه العائله الفصل السادس عشر16بقلم منه محمد

        

رواية انقذوني من هذه العائله 
الفصل  السادس عشر16
بقلم منه محمد
 


ونفذت نوره مخططها الشيطاني وصلحت ملك واعتذرت منها ولان ملك طيبه وبتحب الناس سامحتها بسرعه وكمان صدقتها
وقربت  نوره من ملك بشكل كبير
وفعلا اعتبرتها ملك من صديقاتها
يتصلو على بعض ويسالو عن بعض
وتمت زيارات متبادلة بينهم خلال ايام بسيطه
دخل يوسف على ملك لقاها بتكلمها علي الفون
ملك: يله باي يا نوره .. يوسف جه
نوره من تحت سنانها : باي
يوسف  ااعد واحتواها بين ايديه: انا مش مرتاح لصداقتك لنوره دي .. حاسس وراها مصيبه ملك متبقيش طيبه زياده عن اللزوم
ملك حوطت رقبه يوسف بين ايدها  : بلاش  يكون ظنك بالناس سئ
يوسف : مش عارف يامهجه قلبي ... البنت دي مش مرتاحلها ولا مطمن منها
ملك بطيبه : لا اطمن دي طيوبه واحنا كنا ظالمينها .. وفاهمينها غلط
يوسف اتنهد : أتمنى
رن تلفون ملك..بصت بالشاشه لقتها اختها مني
ملك : اهلا يامني
مني : اه .. اه.. ملك الحقيني شكلي بولد وما عنديش حد يوديني المستشفى
ملك بلهفه : فين خالد ؟؟
مني : تعالى بسرعه ...... خالد مسافر
ملك : حاضر .. حاضر ..جايين
يوسف : فيه ايه؟؟
ملك : مني بتولد وماعندهاش حد يوديها للمستشفى خالد مسافر
يوسف : البسي بسرعه ..يله
بعد ساعات طويله
طلع الدكتور من عند مني
ام خالد : ها يادكتور
اتجمع الكل حواليه
الدكتور : انتوا اهلها
ملك بفزع : انا اختها .. مالها فيها ايه طمني الله يخليك
الدكتور : لازم عمليه حالا .. الولاده متعسره
ملك تلف علي  ليوسف وعيونها تسال ولسانها يقول : ايوه  يعني ايه
ام خالد : ربنا يستر .. ربنا يستر
ملك تبكي بعد ما وقعت الاوراق بالموافقه على العمليه .. وام خالد كمان
يوسف : ياجماعه اهدوا .. انشاء الله خير
ام خالد : انا لازم اتصل بخالد يحضر
يوسف : الله يهديك ياطنط.. .. ليه تتصلي خليه بلاش تقلقيه وانشاء الله إنا هفرحه لما تقومله  بالسلامه
ملك بدعاء من القلب : يارب  يارب .. ياحبيبي .. تقوم بالسلامه
يوسف : انت اهدي كدا.. انشاء الله  هتقوم بالسلامه ادعولها
ملك : اختي .. يايوسف .. اختى هي اللي بقت لي من الدنيا
يوسف : ملك ايه لزومه الكلام ده بلاش تفولي عليها .. ان شاء الله تبقي بخير
ملك : انا خايفه عليها
ام خالد : ادعي لها يابنتي ..هي دلوقت محتاجه للدعاء في  نفس اللحظه عدت ممرضه بمني على السرير بطريقهم لغرفة العمليات وهي متخدره
يوسف على طول لف الجهه التانيه
اما ملك وام خالد تابعو خطوات السرير
ملك بحاله تقطع القلب ودموعها مغرقه هدومها: مني.. مني.. ردي عليا .. يا عمري
ام خالد وهي تحضن ملك بعد ما دخلت مني لغرفة العمليات : اصبري يابنتي واللي يجي من ربنا كله  خير
بعد ساعة ونص
مني في غرفة العمليات وملك رايحه جايه على نار ودموعها وتمتمات صوتها بالدعاء ماليه المكان الهادي ويوسف قريب منها ومتأثر بحالتها
ام خالد في زوايا بتصلي وتدعي لمني ان ربنا  يقومها بالسلامه
بعد  المدة دي اللي كأنها دهر على قلب ملك طلع الدكتور اخيرا
لكن شكله غريب
اول ما شافوه جريوا عليه يوسف وملك بلهفه : هااا دكتور  طمنا
الدكتور وهو منزل راسه للارض : ما كانتش الولاده سهله ابدا
واتضطرينا نضحي بالجنين
ملك : مش مهم .. المهم امه المهم مني .. حصلها ايه
الدكتور : كله  على الله .. بس ادعو لها ...
يوسف : يعني ايه .. هي بخير
الدكتور : مش هقدر اخبي عليك يااستاذ حالتها صعبه جدا لانها جالها نزيف حاد اثناء الولاده لكن اذا اتعدت الاربعه وعشرين ساعه حتكون بخير
ملك نزلت على ركبها وجري عليها يوسف يمسكها
ملك وهي تبكي بصوت عالي : يارب .. يارب انت عارف مبقاش ليا غيرها .. يارب ارجوك بلاش تحرمني منها وفي نفس اللحظه مر سرير مني من غرفة العنايه المركزه
جريت ملك على السرير ..وطلعت ام خالد لما سمعت الصوت
ملك بدموع كلها رجاء: مني ... امنتك بالله اوعي تموتي ... مني انا ماليش غيرك ... مني افتكري اني لوحدي اضيع يامني اموت انتهي يا مني امسكي بالحياه عشاني ارجوكي
ام خالد : ربنا يرحمها برحمته .. ان شاء الله يقومهالنا  بالسلامه
دخلت للسرير و منعوا ملك من انها تدخلها
قعدت قدام الباب تعيط بصوت مسموع عجز يوسف يهديها وكل اللي فالممر رحموها
يوسف ااعد جنبها : يله يا ملك  تعالى الناس قاعده تتفرج عليك ماينفعش كدا
ملك وعيونها مالينه هم ودموع : هتفيدني الناس  بأيه لو ماتت مني
لالا انشاء الله ماتموتش لا ماليش غيرها هي عارفه هبقي لوحدي لالالا مش ههون عليها كفايه الي راحو لالالا هتعيش صح هتعيش عشاني صح
يوسف قومها ومشي بيها بعيد عن الاوضه : تعالي ان شاء الله نجي بكره وتلقيها بخير
فجاءه وقفت ملك: بكره ايه .. انا هستني بكره هنا والله ما اتحرك من هنا الا مني بخير او اموت واندفن معاها
ام خالد : يابنتي ماينفعش اللي بتعمليه في  نفسك .. امشي يابنتي
ملك بنهيار حد الجنون : دي مني عارفه يعني ايه لا متعرفيش مني بالنسبه لي ايه هي امي صحبتي اختي والي باقي لي من  اهلي لو ماتت هبقي لوحدي لوحدي لوحدي   
ام خالد تعيط  بحرقه لمنظرها: ربنا يقومها بالسلامه يابنتي ... وانتي مش لوحدك ربنا معاك ثم يوسف
بصت ليوسف وعينها تنزف دمع كأنها افتكرت وجوده بعد ما نسته : يوسف مني ممكن تسبنا يايوسف
ادمى قلبه توسلها ليه ودمعت عينه حضنها وقلبه يقول " اااااه يامحمد لوتشوفها كان كل الشر اللي بقلبك يتمحي.. معقوله الملاك ده يتعذب كدا "




ااعد معاها وام خالد ساعات على الكراسي القريبه من الغرفه .. وملك رافضه تتحرك او تاكل غير لما تشوف اختها بخير
ام خالد ست كبير ما قدرتش تتحمل تقعد اكتر من كدا : يايوسف ماتروحني لبيتي .. انا تعبانه مختش دواء ..القلب والسكر
ملك وصوتها تعبان : اتفضلي ياطنط ..حضرتك معذوره ..من غير ما تتكلمي  وكتر خيرك لحد كدا وان شاءالله افرحك بسلامة مني.. روحي ياقلبي ارتاحي دلوقت انا كمان من همي نسيتك
ام خالد : لا والله ياملك .. انا
ملك : روحي ياطنط روحي وان شاء الله مني هتقوم بخير
ام خالد : ربنا يحفظها .. ويرجعها لنا بالسلامه والله مني واحده من بناتي وربنا يعلم عمري ما فرقت بينهم من يوم مادخلت بيت ابني 
ملك بدموع : والله عارفه
ام خالد : طمنوني ياولاد  عاوزه اطمن خالد ومش هطمنه غير لما تتصلوا بيا
يوسف : الله كريم ..تعالي يا حجا اوصلك
سلمت على ملك وماقدرتش تمسك دموعها من انها تنزل: ارضي بالي ربنا كاتبه
ملك هزت دماغها : ربنا يكتب اللي فيه الرحمه بحالي
يوسف : يالله توكلنا على الله
وصل ام خالد ولما رجع كان سايق بسرعه جنونيه ..وصل ومالقاش ملك بمكانها دور عليها
ولقاها عند مني لبس يوسف اللبس الخاص بغرفة العنايه ودخل قصده يخرج ملك
قرب منها وكانت عيونها حفرت على خدودها دروب من الالم
التفتت له منظر دموعها قتلته كانت دم وشها غرقان منه
يوسف بهمس : ملك يله نطلع مينفعش كدا  
فجاءه  مني فتحت عيونها
مني تبلع ريقها بصعوبه : اااه .. ااااه
ملك وهي بتعيط : مني
مني تمسك ايد اختها بضعف وقالت بصوت ضعيف : ملك ااا ......ااااه
ملك: ياروح ملك متتعبيش نفسك وباست ايدها
مني بنفس الصوت اللى صاحبته دموع : انا حاسه اني ... اني .. هموووت
ملك : لا متتكلميش ..ابوس ايدك متتعبيش نفسك
يوسف : ملك  تعالي لا تتعبيها انت
مني بصوت واهن : يوسف
يوسف : مني متتعبيش  نفسك... استريحي
منى : يوسف ... م ملك امانه برقبتك .. م م ملك  في امانتك ...
وكانت دي اخر كلمه قالتها مني  قبل ما يسمعو صوت الصفاره الكريهه اللي اعلنت عن نهاية حياة مني 



صرخت ملك وفضلت تهز اختها : مني ييييييييييييي...... لا لا ... لامتموتيش لالالالالالالالا
ويوسف جرى برا الاوضه ينادي الدكتور اللي كان قريب دخل بمجرد سماع صوت ملك بتصرخ
ومعاه الممرضات
وفضلو يعملولها افاقه كهربائيه .......
لكن كان امر الله قد نفذ فلا قدرة لمخلوق اذا اراد الخالق
وفارقت مني الحياه سايبه ملك وحيده الامن رحمة الله مرت الايام على ملك وحالتها النفسيه من اسوء لاسوء
والكل مقدر حالتها ومشفق عليها
يوسف : ملك حبيبتي ...اللي بتعمليه ده اسمه  اعتراض علي امر الله
ملك بصتله وعيونها مليانه دموع : يوسف !!!
يوسف بلهفه : ياقلب يوسف
ملك بنفس حالتها : ده تفسير حلمي
يوسف : أي حلم ياقلبي
ملك تبكي بحرقه وتقول بكلام متقطع : الحلم الي حلمته قبل ولاده مني
وتبكي)... لما حلمت ان بابا وجدتي وامي وعادل ومني بصوره وانا مش معاهم.. .. واهي مني ماتت معاهم وبقو عباره عن ذكرى
حضنها يوسف يسكتها وينسيها اللي حصل ويفكرها انه حيعوضها عن الكل بحبه اللي يجزم ان ما فيش حد في الدنيا بيحب حبيته زيه  
يوسف : حبيبتي
ملك صرخت فجاءه : لا لا لاما تقولش حبيبتي .. انا مش عاوزه حد يحبني او يقرب مني
يوسف مفجوع ومخضوض : ليه ياقلبي
ملك بنفس حالتها : انا لعنه كل اللي بيحبها او بيقرب منها يموت .. خايفه عليك .. خايفه تسبني انت كمان 
يوسف وهو تدمع عينه ويحضنها : استغفري ده شيطان
وهما على الحاله دي سمعوا صوت خبط  الباب 
يوسف بعد عن ملك ومسح الدمعه من عينه : مين
....: انا نوره
يوسف: اوووووف دي عاوزه ايه
ملك عدلت هيئتها : خليها تدخل
يوسف واقف ماتحركش ولانطق
ملك: قولها ادخلي كتر خيرها جايه تسال !!!!!!!!!
زم يوسف شفايفه : ادخلي
دخلت نوره وكانت حاضنه شنطتها كئن فيها كنز واستغرب يوسف منها
نوره ماشيه بحذر :سلام
يوسف : سلام ..بصلها من فوق لتحت .. وطلع
ااعدت نوره جنب ملك على السرير : الله يعينك ياملك والله حالتك تقطع القلب
ملك بحزن : ده الي ربنا كاتبه (تدمع عيونه )
نوره بخبث: الاهل ماتوا .. والزوج .. ( وتسكت )
ملك اندهشت لكلمتها وبسرعه قالت : جوزي ماله (( وكل الخوف سكن عيونها على يوسف))
نوره تمثل الرحمه بصوتها : لا لا منا مش عاوزه ازودها  عليك .. حرام
ملك بعصبيه : نوره فيه ايه جوزي ماله  
كانت كلمة جوزي تزود حقد نوره .. وتقول بقلبها انا احق بالكلمه ياعيون الشيطان
وقفت نوره وهي حاضنه شنطتها : لا ياربي والله حرام .. بس برضو مش قادره اسكت
تقف ملك علي حيلها : فيه ايه..قولي يا نوره الله يخليك يوسف فيه حاجه
نوره : حاسه الوقت مش مناسب الله يقطعك يالساني

نرشح لكم



ملك برجاء : قولي قلبي قرب يقف
نوره بنفسها ((ياريت ونخلص منك )): اوووووف يعني لازم
ملك : اكيد لازم
نوره تتمسكن : والله ياملك لو مش بحبك وعاوزه مصلحتك مستحيل كنت اقولك  ولا كلمه واخليك على عماك لكن لاني صحبتك ... يبقي لازم تسمعي
وطلعت الكاست الصغير .....للي معروف انه ما كان يفارق نوره بقعدتها حتى في بيت امها كانت نوره دايما حاطه الهد فون في ودنها واغانيها شغاله ليل نهار .. يعني مش غريب ان ملك تشوف الجهاز معاها لانها من اول ما  عرفت نوره وهي دايما شيفاه بأيدها ))
وطلعت شريط اغاني من اللي بتسمعهم دايما ورجعته من الاول علشان تسمع ملك التسجيل اللي عليه
سمعت ملك الكلام اللي دار بين يوسف وبين محمد اخوه وكانت صاعقه بالنسبه لها
ملك بقت عامله زي المجنونه : يوسف .. معقوله .. لا مش مصدقه اللي سمعته ... لكن انا عرضت عليه توكيل وهو رفض
نوره : انتي ماسمعتيش ان التوكيل مش هو هدفه هو عاوز يقتلك ياهبله علشان ابوك قتل ابوه بالغلط
ملك : وانا ذنبي ايه
نوره : تقولي ايه بقي للتخلف والحقد والطمع اللي بقلبه
ملك تحط ايدها على راسها وعيونها هتخرج من راسها رايحه وجايه بالغرفه وتقول : يارب ايه المصيبه دي
نوره بخبث : انا كنت مكسوفه اقولك ان انا ويوسف كنا مخطوبين لبعض ومحددين معاد لفرحنا وفجاءه سابني واتجوزك انتي... وده  سبب كرهي ليك في اول الامر لكن لما اكتشفت الامر ده صعبتي عليا وقلت لازم اقولك علشان  تنفدي بجلدك
ملك اعدت علي نفس وضعها : اروح فين يارب ارحمني ...يوسف معقوله اخر شئ بقى لي من الدنيا يطلع كذاب .... وكل اللي شفته وحسيته  معاه كدب
وقلبي ( وتضرب على مكان قلبها ) ده بيكدب عليا معقوله احساسي يخدعني
وحطت ايدها على راسها حست الدنيا بتلف بيها  واغمى عليها
نوره بصتلها وهي بتقع علي الارض   .. قربت منها ونادتها: ملك ملك
ماردتش قربت منها اكتر لقتها لسه فيها حياه ركلتها برجليها وقالت : ماتموتي ولا عامله زي القط بسبع  ارواح
وسابتها وطلعت من الغرفه وشافت يوسف من فوق قاعد تحت مع امه الحزينه على حال ملك وخديجه
غطت وشها ومثلت انها بتجري مفزوعه   : يوسف ..يوسف ( قام يوسف مفزوع ) ملك يايوسف معرفش مالها
جري يوسف فوق مفزوع
لقاها واقعه على الارض بدون ولا حركه نادها بكل لهفه
يوسف : ملك ملك  حبيبتي .. فيكي ايه ملك
وقام يجري في الاوضه يدور علي برفان  ويرش على منديل وقربه من انفها اتحركت وبعدت المنديل وكرر اللي عمله مره تانيه فاقت ملك وفتحت عيونها بشويش وشافت الملامح اللي حبتها من كل قلبها حب احتل كل ذره في كيانها واعتبرته عوضها باهلها واللي بقاليها بدنياها اللي فقدتهم صرخت  صرخه من كل قلبها
قرب لها وهو بين الخوف والرحمه والحب : ملك ليه بتعملي في نفسك كدا .. ياقلبي انا حكون لك الاب والام والاخ والزوج و.. 
وقبل مايكمل كلامه قامت بسرعه للحمام واستفرغت كل اللي في معدتها ولانها ما اكلتش حاجه كانت ترجع عصارة المعده 
حضنها يوسف من ضهرها وهي بالحمام : اكيد جالك برد
بعدته عن كتافها ورجعت لغرفتها لكن بعيد عن يوسف تماما وكل ما قرب منها صرخت
يوسف: ملك مالك .. انا يوسف حبيبك
ملك : اااااه ( وتضرب وشها بايديها )
قرب منها مسك ايديها اللي علمت على وشها من اللطم
يوسف بعصبيه : ايه ده يا ملك ... حرام عليك ده كفر
ملك : سبني اموت .. قبل مايكون موتي على ايد ........ اااه ليه ياربي ليه
يوسف : ملك اهدي انا عارف انك مؤمنه .. انت مر عليك من المصايب اللي يخليك تصبري على موت مني
ملك بتحاول تفلت ايدها منه : دي اكبر مصيبه ... دي اكبر
وتصرخ ابعد عني .. ابعد عني .. انا بكرهك 
 يوسف باستغراب : انا !!!
ملك بنظره غريبه : ايوه انت .. انت مفيش غيرك
يوسف خاف عليها : طيب طيب .. بس اهدي ياقلبي
ملك: متقولش ياقلبي
يوسف : انتي جرالك ايه فهميني
ملك ترفع ايديها وتبعد وتلزق بالزاويه وهي علي نفس نظراتها اللي فيها وفضلت تصرخ بهستيريا البيت كله سمع صرختها
طلعت خديجه وحفصه واحمد لجناح يوسف بسرعه البرق
و نوره فرحتها حجم الارض بانتصارها
دخلو الجناح والغرفه اللي فيها ملك كان منظرها يحطم اي انسان لازقه بالزاويه وعيونها بلون الدم من الدموع وشفايفها بيضه وترجف من الخوف والاعتراض
اول ماشافتهم زاد صريخها
حفصه : وحدي الله ده شيطان يابنتي
 احمد: مالها دي ليكون جري لعقلها حاجه
خديجه : عمي .. فال الله ولافالك
 احمد : اللي جرالها مش بسيط ياخديجه يخلي أي واحد  يحصله اكتر من كدا
كان يوسف واقف وشه للجدار وحاطط كفه اللي قابضه تحت جبينه
حفصه : انت عملتالها ايه ...!!!؟؟؟؟
يوسف : .....................................
خديجه : قولتلها حاجه زعلتها؟؟
يوسف : ماحدش  قال حاجه غير الحية  نوره  من ساعه ما طلعت وحال ملك انقلب
حفصه : معقوله نوره ؟؟
خديجه : وليه لا الحقد يعمل اكتر من كدا
قربت خديجه من ملك : ملك حبيبتي انا خديجه اللي بتحبك اهدي وعرفيني مالك فيك ايه ياقلبي .. ونوره قالتلك ايه
ملك بتصرخ : ابعدي .. ابعدي .. عني الله يخليك >>>> بهستيريا
 احمد : وديها بيت خالها يمكن لو غيرت المكان ترتاح
يوسف : لا .. لا .. مش هوديها .. انا تطلع روحي لو ملك مشت
خديجه : كلام عمي مظبوط.. يمكن اذا غيرت المكان تبقي كويسه
ملك تهدى وتمسح دموعها بكفوف ايديها : خالو ناصر .. ايوه .. ايوه .. خالو ناصر عاوزه خالي ناصر ... الله يخليكم عاوزه خالي ناصر
يوسف بكل الرحمه والحب : خلاص ياقلبي هوديك لخالك بس اهدي
ملك تصرخ : لا .. انت لا .....انت عاوز تدبحني ..عارفه.. خالي يجي ياخدني
قرب منها يوسف عاوز يلمسها ... فضلت تصرخ ولزقت بالجدار
ضرب بقبضة ايده الجدار : عاوز افهم ايه الي قلب حالك كدا
نزل فجاءه للصاله تحت ودخل زي المجنون على نوره اللي ملحقتش تجري
كانت عيونه هطق شرار مسك طرحتها وخنقها بيها 
نوره بغضب وتحدي : عيب عليك اللي بتعمله سبني انت هتتمرجل علي ست
يوسف  بأهانه: انتي ست انتي ... انت حيه مش ست ... انطقي قلتي ايه لملك وقلبتي حالها كدا الله يلعنك
نوره بتعافر:انا مقلتش حاجه هي الي مهبوله  من الاول وانت عارفها ورجعت ليها حالتها
يوسف : اطلعي برا ... ومش عاوز اشوفك في البيت تاني وان شفتك انا اللي هقتلك
نوره : طالعه .. طالعه .. لكن هتندم قد شعر راسك يايوسف
يوسف بعصبيه وصوت جهوري : اطلعي برا .. برا
طلعت وهي الود ودها تخلص عليه  هو كمان
طلع موبيله ورن على ناصر وعَرفه بحاله ملك.. وجه ناصر واخدها
طلع يوسف للجناح بعد ما راحت ملك لاطلال حبه والمكان اللي عاش فيه اجمل واسعد ايام حياته .. وقلبه كله امل انها ازمه وتعدي وان الحب اللي بقلبه وقلبها اقوى من كل شئ والمصاعب
اتفاجاء يوسف ان ملك اخدت كل اللي يخصها ولا سابت اي شئ
ولزقت له ورقه على المرايا مكتوبه بالانجليزي
((انساني ... ارجوك .. لقد دمرت بي معالم الانسانه ..وانا سانساك لاعيش وما تريده منى سيصلك انا اعدك بذاك .. فاانا لا اريده ))
قراها يوسف لكن مفهمش قصدها؟؟
رن على موبيلها .. وسمع نغمته قريب منه اخده وشاف صورته على الشاشه ومكتوب (( جنتي ودنيتي )) يتصل بك
ضم الموبيل على صدره وقال : حتى ده سبتيه ايه الي غير احوالك مش انا حبيبك؟؟
نزلت دمعه حارقه على خده
اصعب شئ في الدنيا انه يبكي الراجل لكن لما يحس ان كل الي ليه بالدنيا بيضيع (( قلب واحساس وحب )) تتحول لدمعه لغة معبره .. قمة الانكسار والحزن
كان يوسف يوميا  يتصل اكتر من عشر مرات على بيت خال ملك  ولا حد يرد عليه
ويجي يقف على الباب ساعات ينتظر يشوفها او يسمع صوتها لكن يطلع ناصر بنفس الاجابه
سامحني .. يايوسف تعبانه .. ومش عاوزه تشوف حد
بعد شهرين من المأساءه
رن موبيل يوسف رفع الموبيل بكل كسل يشوف مين اللي يتصل
كانت فرحته تملا الأرض لما شاف رقم بيت خال ملك
يوسف بلهفه : الو
زينب : مساء الخير .. يوسف
يوسف بخيبة امل : ايوه مين معايا؟؟
زينب : انا زينب مرات خال ملك
يوسف : ملك حصلها حاجه؟؟
زينب : والله معارفه اقول لك ايه يايوسف
يوسف بلهفه وخوف : قولي .. ارجوك .. ملك فيها حاجه
زينب : ملك كل يوم حالها اسوء من اليوم اللي قبله .. وقال خالها ناخدها تركيا بيمدحو في شيخ هناك يقرا عليها لعل وعسى ترجع لحالتها الطبيعيه .. لكن ...
يوسف : لكن ايه .. مستنين ايه ؟؟ عاوزني اسافركم  انا فورا اجي 
زينب : لا مش ده القصد ..عارف انا ملك ماتقدرش تسافر الا بموافقه منك وعاوزين منك ورقة موافقه علشان نقدر نسافر بيها ونعالجها
يوسف : بكره من الصبح الورقه عندك
زينب : جزاك الله خير
يوسف برجاء : طيب .. ازاي اسمع صوتها .. لو دقيقه ارجوك
زينب : والله انت عارف حالتها ماتسمحش حتي احنا مابتكلمناش ابدا
يوسف : صدقيني انا قلبي متقطع عليها .. انا مش بنام من خوفي عليها عاوز اتطمن بس .. متكلمنيش
افتحي الاسبيكر وكلميها انت بس اسمع صوتها ارجوك
زينب : انشاء الله ترجع احسن من الاول وتتهنا بيها
يوسف بياس : طيب .. قولللها يوسف ما يقدرش يناسك ولا لحظه .. والموت اقرب له من نسيانك قولي لها انه مايقدرش يعيش من غيرك ... وقولي ....
زينب قطعته : فاهمه .. فاهمه .. هقولها كل حاجه .. مع السلامه
يوسف : مع السلامه .. سلمي لي عليها وبوسيها لي من عيونها
زينب : انشاءلله .. انشاءلله مع السلامه  تلتفت لملك( اووف الله يسامحك خليتيني اكذب
ملك : الكذب وسيله لكل شئ النهارده .. بالصدق ما حدش يقدر يعيش
زينب : لكن ده باين عليه بيحبك ياملك
ملك بعصبيه : كذب كذب كل اللي سمعتيه كذب ... انا سمعت اكتر منه وعشت ايام مخدوعه .. كان قصده  >>> وترفع اوراق كانت بايدها <<< وتهز راسها بستهزاء
انا هسبله ده لان سعادتي غاليه وهو الشهور اللي فاتت كان سبب فيها .. وراحتي اغلي ..وده تمنها .. وانا عاوزه  راحتي وهو عاوز دا
زينب: يمكن  غلطانه
ملك صوت منها بيحتضر انفاسه الاخيره : كان صوته انا لو حد قايللي والله ما اصدقه لكن  سمعته بوداني .. مابيحبنيش يازينب مابيحبنيش .. مش بيحب الا ده
تسرح دقيقه وتقول : يااااااااااااه ... فعلا ممثل قدر يقنعني انه بيموت فيا
وتبكي بحرقه
زينب تضمها بحنان : خلاص انت هتسافري .. وتعيشي  فى بلد محدش يقدر يوصلك فيها .. لا يوسف ولا غيره
ملك : ده لو صدق وجاب الموافقه
زينب بثقه : بيصدق ... والله لو تسمعي اللهفه والحرقه اللي بصوته ما يجيدها الممثل المحترف معاه اوسكارات الدنيا كلها .. معقوله فيه حد يقدر يوصلك احساسه وهو كداب وتحلفي  انه صدق
ملك : ايوه فيه .. يوسف
....................
الساعه عشره الصبح كان يوسف على باب خال ملك ومعاه الموافقه على سفرها
سافرت ملك  مره تانيه لامريكا البلد اللي اتربت فيها وعاشت فيها اجمل ايام عمرها .. وقفلت على ذكرياتها الاليمه بالضبه والمفتاح  بعد ايام من سفر ملك
رن موبيل يوسف بنفس الرقم
يوسف بلهفه : الو
ناصر : السلام عليكم
يوسف بنفس نبرة الصوت : وعليكم السلام .. ها طمنوني جيتوا
ناصربجمود : ممكن تيجي الليله بيتنا ضروري
يوسف بخوف : في حاجه حصلت؟؟
ناصر بغموض: مافيش الا الخير ..بس انت تعال
يوسف : طيب حالا جاي
ناصر : منتظرك
وصل يوسف لبيت ناصر ودخل الصالون بعد مارحب بيه ناصر بشكل رسمي 
يوسف وهو واقف : هااا خير ملك كويسه؟؟
ناصر : اقعد الاول
قعد يوسف : قول الله يخليك انا مش علي اعصابي
مد ناصر ليوسف مجموعه من الاوراق : دي ليك
 يوسف مد ايده وقبل ما يفتحها : ايه دي؟؟
ناصر : افتحها وانت تعرف
فتح يوسف الورق ولقاها تنازل من ملك عن كامل حصتها بميراثها من ابوها وميراثها من اختها لصالح يوسف
يوسف بدهشه : ايه ده ؟؟
ناصر : ده كل شئ ورثته ملك سابته ليك واظن واضح من الاوراق
يوسف وقلبه وقف خوف على ملك : وملك فينها دلوقت ؟؟
ناصر : مالكش دعوه بيها ابدا  . ودلوقت خد الفلوس الي بقت ملكك حلالك .. وزي ما دخلنا بالمعروف نخرج بالمعروف
يوسف : اطلق ملك ... انت بتقول ايه( وقف )
ناصر : بوصلك رسالتها
يوسف : خليها تكلمني .. ايه الكلام ده!!!
ناصر : ملك مش موجوده هنا
يوسف : فينها؟؟
ناصر ارجوك ماتسالش خلاص انسى انك في يوم عرفتها
يوسف : انساها حد ينسى نفسه .. حد ينسى عمره .. انت عارف وفاهم بتقولي ايه؟؟
ناصر : اللي عاوزه اخدته .. مافيش داعي تعيش الدور ولا انت كذبت الكذبه وصدقتها
يوسف : ده بدل ملك.. ويبص  بالاوراق .. انا اموال الدنيا ما تعوضنيش عن ضفر ملك
 وقطع الاوراق كلها 
استغرب ناصر من تصرف يوسف
ناصر يضحك بستهزاء ... لا ه ........ ماتقولش  انك بتحب ملك والفلوس ماتهمكش
يوسف صرخ زي الغول : انت مين الي وصلك الفكره دي عني..
ومسح يوسف على وشه واتنهد بعمق وهو بيبص بالسقف وهز راسه : لاحول ولا قوة الا بالله .. انت قابلت محمد؟؟
ناصر  زعق: طيب لما مش عاوز الفلوس .. امال عاوز ايه؟؟
يوسف : شوف ياعم ناصر والله الشيطان دخل بينا لكن والله العظيم اللي ماينحلف بجلاله كذب .. انا متجوزتش ملك الا وانا عاوزها لشخصها من غير طمع من الدنيا ..والله ثم والله انا بحبها وبتمناها من يوم من غير ما اعرف هي بنت امير ولا بنت فقير ولا طمعت الا بقربها وبس وفلوس الدنيا ما تساوي لحظة اعيشها معاها
ناصر بحيره: ايه الكلام ده والله ما فاهم حاجه
قال يوسف لناصر كل شئ من الاول .. وفهمه انه معملش كدا الا علشان يتجوز ملك
اولا .. وعلشان يحميها من اطماعهم ثانيا .. ويحمي ورثها اللي مايهمهوش هو شخصيا 
لكن ما كانش عارف ان الامر حيوصل لملك  قبل ما يفهمها الحقيقه .. وقاله ان الغلطه الوحيده اللي عملها انه نفذ امرهم وقع الورقه ومقلش لملك عليها
ناصر بعصبيه وتعنيف : وليه ما قلتش لملك على حكاية الورقه 
يوسف : خفت ما تصدقنيش .. وكنت منتظر الوقت المناسب
ناصر : والله  امرك غريب 
يوسف : دلوقت فين ملك . علشان افهمها كل حاجه وأزيح الحمل عن قلبي واحلف لها...
ناصر يقاطعه : ملك سافرت وسابت البلد
يوسف : سافرت ..فين !!!!
ناصر : سافرت امريكا لكن فين .. انا معرفش بالظبط
يوسف بقهر: ليه تسافر .. ليه ما سالتنيش ليه ؟؟؟
ناصر :  تسالك ازاي وهي سمعتك بودنها بتقول انك عاوز ترميها فالشارع بعد ما تاخد فلوسها
يوسف باستغراب : سمعتني ... امتى ؟؟
ناصر : دي بنت خالك صبحي سمعتها تسجيل بصوتك وصوت اخوك محمد بتكلمو  بالموضوع
يوسف كأن جته صاعقه لما سمع الكلام: نوره!!!
ناصر : اظن  اسمها كدا!!
يوسف : وازاي عرفت الحقيره بالموضوع ده اصلا شافتنا فين  علشان تسجلنا وامتي ؟؟؟
ناصر : يمكن سمعتكم وسجلت بسرعه بالموبيل .. او شئ من النوع ده معرفش بقي  المهم سمعت صوتك انت واتجننت
يوسف : مش هلومها.. وكانت بظروف موت اختها .. ربنا مايسامحك يانوره
و ربنا ياخد روحي لاني مش هرحمك يانوره ...ااااااه .. اااه >>>> ضغط على ايده من القهر ..مين يطولني رقبتها دلوقت
ناصر : اهدي ياراجل ومتخليش الشيطان يتحكم فيك
يوسف : هي الشيطان نفسه  ... وانت ياعم ناصر ازاي تخلي ملك تسافر لوحدها وهي بنت ... ولا ليها حد ازاي
ناصر : انت ماشفتش حالتها رحمتها يابني و قلت خليها تسافر ويمكن اذا انت طلقتها اقولها ترتاح وترجع
يوسف : تقولها !!! انت عندك رقمها ؟؟
ناصر : ايوه عندي
يوسف : ارجوك ادهولي..
واخد يوسف الرقم وكانت فرحته هطول السحاب بالرقم
وطلع وشكر ناصر لانه سمعه وصدقه ووثق بكلامه ...وصل يوسف لاقرب كبينة تلفونات بعد ما اخد الرقم علشان يتصل بملك ما اتصلش من موبيله لأنها أكيد إذا شافت رقمه مش هترد عليه
دق قلب يوسف بسرعة اول ما الخط رن
مره .. مرتين .. وفي المرة الثالثة جاله صوتها التعبان : الو...
يوسف زاد نبض قلبه كان عطشان يسمع صوتها فضل ساكت
ملك : الو .. الو
كلمت حد جنبها .. المكالمة من مَصر يمكن خالو لكن يظهر كدا مش سامعني
ملك : الو ..
وقفلت الموبيل
رن يوسف مره ثانيه
ملك : الو .. الو.. مين ؟؟
يوسف ساب التلفون .. ويقول في نفسه (يارب اقول ايه ؟؟ وازاي أخليها تسمعني ؟؟)
قفل الخط
ملك في نفسها ( مين اللي اتصل ؟؟ خالو ؟؟ منين يتصل ..ده مش رقمه !!)
.... : مالك
ملك : مش عارفه يا هدى .. حاسة انه مش خالي اللي اتصل قلبي بيقولي انه ....
هدى : قصدك .. يوسف
ملك بحيره جننتها : مشعارفه مشعارفه
هدى : لا لا منين هيجيب رقمك دي بس هواجس
ملك : أنفاسه وأنا أدرى بيها .. اذا لدلوقت أنا ملك وقلبي فيه إحساس ان اللي اتصل يوسف
هدى : لا حتى انفاسه تعرفيها؟؟ ده اسمه ايه
ملك بدموع : خلاني احبه لدرجة اني بقدر اميزه ازاي بيتنفس ونظراته وتفكيره ..خلاني جزء منه .. اعرفه اكتر من معرفتي لنفسي..
هدى : معقول للدرجادي
ملك تتنهد بتعب : وأكتر يا هدى وأكتر ((( ده كان حبيبي وانا اللى حلمت
وفاجأنى فى نص الحلم نهايه غريبه وماتنفعش حتى لفيلم ده مافيش حدودة حب تعيش بطلها طلع
جبان وده كان وكان وكان اه من تعب الفراق ده اللى اتحكاله عن مراره غير اللى داء وخصوصا لما بيبقي من غير اتفاق))))
هدى : ياويله من ربه لانه غشك.. ده ما يستاهلش منك الا الاحتقار .. لان غرضه دنيئ ..ولا فكر الا بمصلحته وبس .. ونسى انك وحيده وضعيفه
هنا رن الموبيل مره ثانيه
ملك : الو
يوسف بعد ما استجع كل قواه: ملك .. أرجوك اسمعيني وبلاش تقفلي الخط
ارتبكت ملك وقفلت الخط بسرعة
هدى : هو صح
ملك : هو يا هدى هو
هدى : الحقير عاوز ايه تاني
ملك : معرفش  
يوسف ضرب راسه بجدار الكبينه : ااااه انا الغلطان ..انا اللي ضيعتك من أيدي يا قلبي
رجع لبيته وهو شايل هم الدنيا وعيونه الدبلانه من يوم ما خرجت ملك من البيت كبر الهم عليه زائد كان مفكر ان حبيبته بعدها الحزن والمرض لكن دلوقت عرف بدون شك ان حبيبته بعدها قلبها اللي قربها منه من الاول
خديجه : هاا ياقلبي ملك كويسه
يوسف بياس : ملك .......... راحت ملك راحت ياخديجه ولا ليها رجعه
خديجه بفزع : ماتت ؟؟؟؟!!
يوسف : لا مات اللي بيني وبينها
خديجه : أنت بتقول ايه انا مش فاهمه .. ملك فين .. وايه اللي مات بينك وبينها
يوسف : سبيني انا ماليش نفس اتكلم مع حد
خديجه بحزم : لا هتتكلم ملك فين
يوسف بنرفزه وغضب : معرفش .. اسالي عمك ومحمد
خديجه : انت بتعبط عمي ومحمد ايه دخلهم بمراتك
يوسف : ااوووووووه سبيني.. اانا داخل اوضتي ومش متكلم
خديجه بقلق : يوسف ..يوسف .. ملك فين يايوسف
حفصه تطلع على صوت خديجه : ملك مالها ليكون حصلها حاجه
خديجه وهي تبكي: معرفش ماله المجنون ده بيقول كلام الغاز ..
حفصه : قال ايه؟؟؟!
خديجه : اكيد ملك فيها حاجه وكبيره كمان
حفصه : ياتري فيها ايه البنت
قالت خديجه لامها اللي قاله يوسف
حفصه : محمد واحمد ودول مالهم بملك ....؟؟
خديجه : عاوزه اتصل بزينب واسألها
حفصه : لا لا يمكن متعرفش وتفضحينا
خديجه بخوف حقيقي : أنا خايفه عليها
حفصه : خلي يوسف ينام له كام ساعه وانا اجيب لك الاخبار منه
خديجه : ربنا يستر
....................
اما ملك اتصلت على بيت خالها
ملك: الوسلام عليكم
زينب : اهلا يا ملوكه عامله ايه ياحياتي انشاء الله بخير
ملك : لا والله يازينب انا مش بخير وانتم عاطين يوسف رقمي
زينب: يوسف اقسم بالله معرف حاجه عن الموضوع
ملك: يعني خالو هو اللي عطهوله.. بالعقل يازينب .. ماحدش يعرف الرقم الاانت وخالي حتى خوالي وجدتي مايعرفهوش
زينب : اصبري طيب لحد ما يجي خالك واساليه
ملك : بتصل بيه بس مش بيرد عليا
زينب: لا والله هو ناسي موبيله هنا وانا مارديتش بحسبه حد من الارض
ملك : طيب يازينب اعذريني انا هكسر الشريحه دي وهطلع رقم جديد طالما وصل ليوسف
زينب : طيب اذا طلعتي رقم جديد رني عليا وعرفهولي
ملك: حاضر ،، زينب ..
زينب : نعم
ملك : خالي عطى الاوراق ليوسف
زينب: ماسالتهوش ..
ملك : يعني متعرفيش .. انا كنت مفكره عندك خبر
زينب : مستعجله على الطلاق ..خالك كمان اكتر منك ولو انه متحسر علي الفلوس دي تروح لواحد زي يوسف
ملك : سيبك انا مش عاوزه حاجه عاوزه اعيش بسلام وبس وانسي يوسف واليوم اللي عرفته فيه
زينب : ربك كريم
ملك : سلمى على جدتي وخوالي وعلى بناتك ..وفي امان الله
زينب : خدي بالك من نفسك
ملك : انشاء الله باي
.........................................
في بيت صبحي خال يوسف
نوره : الخطوه الاولى خلاص يمه.. الباقي عليك
محاسن: قصدك ايه؟؟
نوره : انا طيرت ملك .. دلوقت عاوزه يوسف.. عاوزاه ليا انا وبس
محاسن بستهزاء : اعمل ايه ..يعني اروح ابوسه من بؤه واقوله اتجوز نوره
نوره : ماليش دعوه انا عاوزاه
محاسن : انت قولي وانا انفذ اصل الحال متشقلب ويقيتي انتي امي
نوره : والله انتي موركيش غير التريقه والتهريج
محاسن : لااااه ..انت فلت زمامك ...
نوره : اتصرفي ... يوسف مافيش زيه منصب وشكل وأصل وكل اللي تتمناه أي بنت فيه
محاسن شوحت بايدها : بس عقله مع ملك
نوره : هيبقي معايا .. لانه كان عاوز ملك لهدف وراح للي عاوزه
محاسن : يانوره خليك واقعيه .. ملك على جمالها ماحركتش قلب يوسف .. وكان متجوزها علشان فلوسها .. انت بقي يا حيله امك هياخدك علي ايه لا مال ولا جمال
نوره : انت ام انت .. ده بيقوله القرد بعين امه غزال .. انتي مش امي وشكلك لقيتني
محاسن بسخريه عليها : رحم الله امرئن عرف قدر بنته هههههههههههههه
نوره كشرت: عاوزه افهم ايه الي بيضحك بالموضوع ..
محاسن : بضحك على عقلك .. يا بنت الجاموسه اللي حصل مع ملك كان صدفه .. ويوسف لما كان بطوله ماخدكيش
نوره : عاوزاه لو حتي تسحريله...((وتسكت شوي )) اه ليه ما نسحرله
محاسن برقت عيونها علي الاخير : نسحره
نوره : ايوه انا بسمع ان السحر بيغير القلوب والعقول ويخلي يوسف زي الخاتم في صوباعي
محاسن : وفين نلقي الي يسحراله
نوره : انا اللي هلقاهم .. هههههههههههه ههههههههههههههههههههه
محاسن : الحمدلله على العقل
نوره : بكره تشوفي
...............
بيت يوسف
طلعت حفصه لجناح يوسف ودقت الباب لكن ماحدش رد
فتحت الباب بشويش ودخلت .. الصاله مافيهاش حد
دخلت غرفة النوم .. مافيهاش حد
لقت يوسف في غرفة اللبس قاعد قريب من الدولاب
حفصه : انت هنا ياضنايا وانا من شوي بنادي بس شكلك ما سمعتش
لكن لما قربت منه لقته على الارض بدون حركه كان قلبها هيقف
فضلت تنادي لاحمد بصوت يصحي الميتين من القبور
دخل احمد لمصدر الصوت مفزوع
احمد : فيك ايه يا مَره
حفصه : يانصبتي يااحمد ضنايا مش بيتحرك
قرب منه احمد والخوف ماليه قلبه : يوسف!!! يوسف !!
حفصه : ااه يابني مش بيرد
احمد: يوسف يابني رد عليا يوسف
حفصه : اتصل بالاسعاف ..
قام احمد جري واتصل على الاسعاف وبسرعه كانوا بالبيت واخدوا يوسف معاهم للمستشفي .. وتبعه احمد وامه بالعربيه
..................................
في المستشفى
طلع من عنده الدكتور
احمد : هاا يادكتور ماله الولد
الدكتور : انت ابوه
احمد : ايوه
الدكتور : عضويا هو مافيهوش الا شويه ارهاق لكن لازم يتعرض على طبيب نفسي
احمد : طبيب نفسي ؟؟ وليه
الدكتور : مبدئيا هو بيعاني من صدمه عصبيه حاده .. لكن لازم الدكتور يحدد نوعها وطريقة علاجها
حفصه كانت ساكته وتسمع وعيونها ماوقفتش عن الدموع
احمد : لالا طبيب نفسي لا
الدكتور : وليه لا ده مرض زيه زي أي مرض تاني ولازم تعالجه
احمد : لالا عاوز الناس يقولو ابن الجاسر مجنون!! ابدا والله ماتتقال وانا حي
الدكتور : الله يهديك يااستاذ
احمد : طيب طالما هو مفهوش مرض الا النفسي مش عاوزينه هنا لان قعدته مالهاش داعي
الدكتور : لكنه مرهق نفسيا وساعات الازمات النفسيه بتسبب الجنون او الوفاه اذا ما علاجناهاش
احمد : يموت يموت اللي كتبهوله ربنا هو الي هيتم .. لكن ما يقولوش الناس ابن الجاسر مجنون وبيعالجه دكتور المهابيل لا والله مايحكوها الناس وانا عايش
حفصه : ابو محمد .. نعالجه فالسر ولا حد يدري
احمد بعصبيه : هو فيه سر في بلدنا يا وليه يا خلل انا قلت لا ويله اخلص اوراقه واخده معايا
وفعلا خرج يوسف
وكانت حالته النفسية تعبانه كان شارد الذهن ونومه مضطرب وفاقد الشهيه .. للاكل والكلام
......................
بعد ايام
نزلت خديجه من عند يوسف وكالعاده صينيتها بايدها مليانه ولا اكل منها حاجه ودموع خديجه اكتر من محتويات الصينيه
حفصه : ما اكلش برضو
خديجه : ولا اتكلم معايا وانا من الصبح احايله عاوزه اعرف بس وايه الي حصل وليه بيعمل كدا في نفسه
دخل محمد
محمد : مالكم
خديجه بصتله وسكتت..
محمد : اماااه فيه ايه
حفصه بدموع: يوسف اخوك
محمد : ماله
حفصه : مريض
محمد : مريض ؟؟ ماله
حفصه : الله اعلم الدكتور بيقول صدمه نفسيه
محمد: صدمه نفسيه ؟؟ ليه من ايه
حفصه : من يوم ما مشت مراته لبيت اهلها من يومها تعبان وهو متغير وقبل اسبوعين جه من عندهم يقول انها راحت لشيخ بتركيا يقرء عليها
محمد : الكلام ده انا عارفه ايه الجديد
خديجه : من اربع ايام جه يوسف من عند اهل مراته وهو بيقول راحت ملك وسالناه ليه يقول اسالوا محمد وعمي ..
حفصه كملت وهي بصاله بسوال: فيها ايه مرات اخوك يامحمد .. وليه اخوك كدا يابني
ارتبك محمد وطلع ليوسف بدون ما يرد على امه
دخل على يوسف ولقاه قاعد بدون كلام
محمد : السلام
يوسف : ........
محمد : بقولك ايه العب على غيري ملك ماتت وانت ورثت هاا؟؟
يله عاوز حقى ومتعملش نفسك مجنون ده مايمشيش عليا
هجم عليه يوسف بهستيريا وضربه مالحقش محمد يدافع عن نفسه كان يوسف يتمتم بكلام غير مفهوم
محمد وهو عند الباب هرب من يوسف : مجنون
يوسف : والله ان شفتك لأورثك أنت يا كلب ؟؟
نزل محمد وكان قميصه مقطوع
حفصه بلهفه : فيك ايه
محمد زقها: ابعدي عني..
خديجه : محمد !! دي امك انت اتجننت
محمد بغضب اسود : المجنون اخوك يابنت محمد ..
خديجه : عملت ايه لخويا وخليته كدا يابن عمي
حفصه مسكت دماغها : اسكتوا اسكتوا .. انا مش ناقصه
محمد : قولوله ان ما جابش حقي انا اللي هورثكم فيه بعون الله
خديجه :اخرس !!
ضربها قلم علي خدها
محمد : الظاهر مفيش حد رباك
خديجه زقته : انت اللي محدش رباك
احمد دخل من بري على الحوار الاخير : اه والله محدش رباه .. اطلع برى يا كلب
محمد : طالع .. لكن عاوز حقي
احمد : مالكش حاجه عندي وغور ربنا ما يردك
محمد : طيب ده ردك انا هوريكم و الورقه عندى
احمد : اعلى ما في خيلك اركبه
وطلع محمد والدنيا تضرب وتقلب قدام عينه
حفصه : يقصد ايه محمد وايه هو السر اللي خلا ملك ويوسف يفترفو ويتقلب حالهم كدا يااحمد
احمد : انا معرفش حاجه
خديجه بكت بحرقه : لا انت عارف ياعمي انت عارف
احمد حضن خديجه وبكى معاها : والله يابنتي ما كنت مفكر ان كل ده هيحصل
بعدت خديجه عنه : اخويا اتجنن خلينا نعالجه وسيب عنادك
احمد : والناس انا خايف على سمعته
خديجه : الناس وقتها هتضحك عليه وتقول المجنون وهمه هيبقي علينا بس ياعمي
احمد: اعملي الي انت عاوزاه لكن ان حد عرف انتي المسؤوله
خديجه بفرحه: انا المسؤوله
في بيت المشعوذه
المشعوذه : اسمعي يانوره بنت محاسن اللي بيخلي يوسف زي الخاتم في صوباعك العمل ده
نوره : اذا حصل اللي بتقوله انا هجبلك هديه ماتحلميش بيها
المشعوذه: هيحصل يا بنت محاسن هيحصل .. لكن ده تمنه غالي
نوره وهي تاخده : الغالي يرخص للغالي هههههههههه
المشعوذه : لازم تحطيه في اكله وعلى باب بيته وعلى هدومه
نوره : طيب وامتى يبدء مفعوله ويحبني
المشعوذه : اول ما يوصل السحر بطنه وجسمه ورجله هيتملكه حبك وتقدري تقوليله اقتل ملك هيقتلها
نوره : احلفي
المشعوذه : ههههههههه وحياتك
نوره : وحياتك انت لاهديك الهديه اللي تحكي ووتحكاي بيها طول عمرك بس هااا مش يجيلك حد ويقولك فكيه تفكيه
المشعوذه: السحر ده ما ينفكش الا اذا حد قرى عليه قران اياك والقران يدخل المكان اللي انتي فيه
نوره : لا لا اصلن انا هحرق كل المصاحف اللي موجودها في بيتنا او بيت يوسف
المشعوذه: ههههههههههه ههههههههه تنفعي دجاله كل ده حب ليوسف
نوره : اول حب.. وبعدين غل لانه اهاني وطردني من بيته ولا قدر حبي انا مستعده اعمل اي شئ يخاليني امتلكه وأذله زي ما ذلني
المشعوذه: ده الي هيحصل ودلوقت فين فلوسي
نوره طلعت ظرف : دي الفلوس اللي طلبتيها ياام خلود والهديه بعد مايتحقق المراد
...........
في بيت الشبح صديق محمد
محمد : الظاهر كدا هوزع البرشام
الشبح : ههههههههههههههههههههه قلنا لك من الاول لكن انت مابتفهمش
محمد : هاتهم وعلمني ازاي وفين اوزعهم
الشبح : اهم حاجه السريه يامحمد لو عرف اي حد انت اللي هتروح فيها
محمد : اطمن حتي صالح مش هعرفه
الشبح : كفائه والله تعال بقي اشرح لك طريقه التوزيع يا حلو يا صغنن
وشرح له طريقه توزع الحبوب واماكن توزيعها وازاي يقدر يخبيها
واستوعب محمد بسرعه الدرس الجديد وبدء الشغل
...............................
في بيت يوسف
محاسن : يوسف عامل ايه احسن
حفصه : لا والله يا محاسن على حاله
محاسن : اه نوره اول ما سمعت وهي بتعيط برضو ابن عمتها ويعز عليها
خديجه : نوره .. هه ..صاحبه واجب
محاسن : هو بياكل كويس
حفصه : اكل عدوك .. ياكل بالغصب والمحايله
محاسن : انا جايبه له فته عملتهاله نوره
حفصه : ما بياكلش ولا حتي تحاولي
محاسن وهي بتقوم : لالا انا هعرف اكله
خديجه : ماما خليها تحاول يمكن ياكل من ايدها
دخلت محاسن على يوسف جناحه معاها امه واخته : السلام عليكم يابني
يوسف : .......................
محاسن : ياحسره قلبي
حفصه :يوسف دي مرات خالك جايه تشوفك
يوسف : .......................
محاسن مثلت الحزن : ليه يايوسف تحرق قلب امك عليك ليه كدا عامل بنفسك
يابني الدنيا ماتوقفش علي حد
حفصه : شوف خالتك جابتلك فته ترد الروح
محاسن اعدت جنبه بالسرير: هاتي المعلقه ياام يوسف انا عاوزه ااكله بايدي ..ههههه فاكره كنت باكله وهو صغير كنت ااكله واشربه واغير له بايدي
حفصه : فاكره
محاسن وهي بتقرب المعلقه من بؤ يوسف : كل يابني علشان خاطري لو لقمه واحده
صد يوسف بعيد عن المعلقه
محاسن : كدا برضو تكسف ايدي وانا خالتك اللي بتحبك
حفصه : كل منها ياضنايا بلاش تحرجها
وحاولت وحاولت محاسن فيه لحد ما اكل معلقتين والثالثه غصب بلعها
محاسن : الله عليك كمل بالله عليك
ما قدرتش تخليه ياكل الا التلات ملاعق وبس الغريب واللي لاحظته خديجه ان محاسن طلعت بسرعه بعد مااكلت يوسف ولا ااعدت كالعاده
..................
رجعت محاسن لبيتها
كانت نوره عند الباب
اول ما شافت امها : هاا اكل
محاسن : اكل ثلاث معالق
نوره : بس
محاسن : وبالموت كمان
نوره : كفايه عليه اصلن انا ماليه الفته ملي لو نص معلقه انا متاكده ان العمل دلوقت دخل بطنه جبتي قَطر من هدومه
محاسن: اخدت كوفيته
نوره بلهفه : ناس ماتستاهلش خلاص الي فاتك انا اكمله بس هاتي الكوفيه
محاسن : هتعملي بيها ايه
نوره : عاوزه انقعها ثلاث ايام بالعمل التاني وارجعها ولازم يلبسها واقول عليها (( سالتك يامقرب الروح يابودوح تقرب روحي من روحه والا روحه تروح ))
محاسن : وخلاص يبقي كدا بيحبك
نوره : وعاوزاك بكره تروحي وترشي العمل ده بالمكان اللي عارفه انه بيمشي عليه
محاسن : واقول ايه لو حد شافني وانا برشه
نوره : اوووه يمه اتصرفي
محاسن : لا لا انا ماعرفش انت قولي وانا اعمل الي تقوليه
نوره : اقولك .. قولي ميه مقري عليها ههههههههههههههههه
محاسن : هههههههههههههههههههههه والله بت داهيه
نوره : تربيتك
محاسن : لا لا والله انت تربية ابليس
وفعلا نفذت محاسن كلام بنتها بالظبط
واليوم الثالث جات نوره بامان تسال عن يوسف
حفصه: والله من امبارح وحاله متغير بقي ياكل ..وسأل عنك انت وامك
قلب نوره فضل يدق بسرعه حست ان السحر بدأ يشتغل
خديجه بقلق : مش غريبه.. يانوره
نوره برتباك : وليه غريبه ياخديجه هو انا مش بنت خاله
خديجه : عارفه بس انت وهو يعني اموركم مع بعض مش تمام
نوره : ليه ؟؟ ليه انا كنت عملت ايه
محاسن : امشي نطلع نشوفه يا أم يوسف .......ااااا وتعالي معانا يا نوره ..
نوره : يله يماه
خديجه : اطلعي ياختي اطلعي
نوره في نفسها ((أنت أول واحده هذلها ياخديجه الكلب))
وطلعت مع امها وعمتها ..
حفصه .. : السلام عليك يا ضنايا
يوسف بتعب : اهلا
محاسن : ازيك النهارده يابني
ابتسم يوسف بتعب : الحمد لله بخير يامرات خالي
بصت لبنتها وغمزت لها
نوره : ازيك يا ابن عمتي
يوسف وسعت ابتسامته : اهلا يا نوره الحمدلله
وبغفله من حفصه محاسن مسكت الكوفيه وقربت منه : لا لا يايوسف برد عليك كدا لازم تلف حاجه علي رقبتك .. ولفته علي رقبته
حفصه : برد فين الدنيا حر خاليه على راحته
ماردتش نوره لانها كانت تتمتم باللي قالت لها الدجاله وفضلت تقوله
فجاءه يوسف بدء يتغير لون وشه شحب شحوب الموتي ورجع بدون وعي على السرير
وفضل يتاوه بصوت عالي من بطنه نوره وامها خافوا وطلعوا بسرعه
حفصه صرخت ونادت خديجه
على السلم كانت محاسن ونوره بيجروا
خديجه مسكت نوره : فيه ايه يوسف فيه ايه
نوره : ابعدي عني وانا ايش عرفني
خديجه : والله لموتك ياخبيثه لو يوسف حصله حاجه
نوره تدفعها : غوري وانا مالي
جرت خديجه تشوف اخوها
اما نوره وامها طلعوا بسرعه
محاسن وهي ميته من الرعب : تفتكري يموت؟؟
نوره : اسكتي انا هروح بيتها ام زفته هي السبب
محاسن بريبه: يمكن انت اللي غلطتي بالعمل .. حطيتي حاجه مكان حاجه يعني
نوره : لا انا عملت كل شئ بدقه وزي ماقالت الست دي
محاسن : طيب ايه الي حصل
نوره : معرفش ربنا يستر
محاسن : دلوقت عرفتي ربنا .. اقول ايه ربنا ياخدك واخلص منك!

                     الفصل السابع عشر من هنا
تعليقات



حجم الخط
+
16
-
تباعد السطور
+
2
-