CMP: AIE: رواية انقذوني من هذه العائله الفصل السابع عشر17بقلم منه محمد
أخر الاخبار
روايه حصريه
0

رواية انقذوني من هذه العائله الفصل السابع عشر17بقلم منه محمد

Reda
اخر تحديث :

        

رواية انقذوني من هذه العائله 
الفصل  السابع عشر17
بقلم منه محمد



داخل جناح يوسف
خديجه : حمدلله ع السلامه والله رعبتنا عليك ..
يوسف : ...................................
حفصه : يمكن جالك دور برد جامد
خديجه : ههههههههههههههههههههههه
حفصه بصتلها وكشرت : ايه الي بيضحكك
خديجه: ماشفتيش نوره ومحاسن وهما مرعوبين وكأنهم شايفين عفريت
انا مسكت لك نوره كنت عاوزه اكلها
يوسف : نوره ..فينها
خديجه بستغراب: وانت مالك بيها
يوسف : ليه مشيت ؟؟
حفصه : روحو يا بني
يوسف : خساره مقعدناش
خديجه بستغراب : يوسف انت بتقول ايه
يوسف : ليه مستغربه الناس دول الي فضلوا يسالو عني يستاهلو اني اسأل عنهم
خديجه بندهاش : سبحان مغير الاحوال
حفصه : مالك يا خديجه نوره ومحاسن قلوبهم بيضه زي حته البفته
خديجه بسخريه: لا والله .. نوره قلبها ابيض .. امال مين الي قلبه اسود ؟ قلب ملك؟
يوسف كأن عقربه لدغته وبعصبيه : ماتجبيش سيرتها انا كرهتها بنت ابليس دي
خديجه :قصدك مين نوره
يوسف : لا الزفته اللي ما تتسمى
خديجه : ملك اللي ماتتسمى .. امال الي فيك سببه مين ؟؟
يوسف :مالي منا زي الفل
خديجه : طيب ممكن اعرف ملك فينها؟؟!!
يوسف زعق: في جهنم . .. وانا مالي ومالها يكش ماترجع
حفصه بتعجب : غريبه ايه الي قلب حالك ؟؟
يوسف : ماله حالي ؟؟
حفصه : فين حبك لملك
يوسف : لالالا.. انا عمري ما حبيتها ..انا احب الاشكال دي
خديجه وسعت عيونها علي الاخير : يوسف لاااااه انت مش طبيعي ابدآآآآ
.....................
في أمريكا
هدي : ليه يوسف عمل كل ده معاك
ملك اتذكرت كله: قاله إن بابا قتل أبوه بالغلط وهما بيصيدو الحيوانات
هدى : وإذا كان صحيح انتي ذنبك ايه؟؟؟
ملك اتنهدت بحرقه : بابا مات. وما قدرش ينتقم منه فقال اقتل بنته
هدى: هو للدرجه شرير
أخدتها الذكريات ليوسف واخلاقه بكت بهستيريا حضنتها هدي تهديها ومن بين تيار الدموع : ازاي قدر يحتل قلبي .. آآآه لو شوفتيه ازاي لعب دوره بأتقان والله لو تشوفيه وتعيشي معاه يوم واحد مستحيل تصدقي انه يعرف يأذي حد .. ماعرفش كان فين مخبي شره ..وازي ما بين كل الايام دي ولا شك واحد دخل قلبي من تصرفاته
هدى : الله يعينك
ملك وهي تمسح دموعها بكفوف ايديها : علشان كدا انا عاوزه اقطع علاقتي بكل حد يعرف يوسف حتى خوالي من اليوم ورايح مش هتصل بيهم ولا هكلم اي واحد ممكن يوسف يوصله
هدى : خلاص وانا هعيش معاك بالمكان اللي تعيشي فيه واحط همي على همك وطز في الدنيا
ملك: وانت ذنبك ايه؟؟
هدى : يووو ياملك انا ماقلتلكيش مش عاوزه ازيد همك
ملك: فيه ايه؟؟
هدي : لا يابعدين
ملك : انا نسيت من فرحتى بوجودك اسالك ايه الي رجعك امريكا بعد مااتخرجتي؟؟ عشان خاطري قوليله ولا ازعل منك
هدي:.. انا جيت هنا من همي رجعت للكويت ودي كانت اكبر صدمه مرات ابويا كشرت عن انيابها لما اتوفى الوالد وطردتني بعد كل اللي عملته ليها واحتلت بيتي وبيت امي الله يرحمها وانا بقيت برى الموضوع .......( وبصت بالارض تداري دموعها) انا بقيت وحيده علشان كدا قررت ارجع هنا بعد مااتخرجت ادور لي علي شغله واكون فيها نفسي لكن ارجع لمين وليه وانا ماليش اهل
ملك جزت علي اسنانها : الحقيره .. هي الناس بقت شر كدا ليه؟؟
هدى : الطمع ربنا يكفيك شره
ملك : الله يعينا المهم احنا مع بعض 
............قصص منه محمد كاتب.........
بعد شهرين
يوسف اتحسنت حالته الصحيه وبقي احسن لكن الشئ الغريب اللي جد على حالته حبه المفاجئ لمحاسن وبنتها اللي الاول ما كان بيطيق يسمع اساميهم والكل لاحظ وكمان محاسن ونوره كترت زيارتهم ليه وهو بيتردد علي بيتهم يسال عنهم !!!بيتهم اللي عمره ما دخله بقي يقعد عندهم ويسهر
وفي يوم كان جاي من السهره من عند بيت خاله
حفصه: انت جيت..!!
يوسف : خير يا امي
حفصه: جاي منين؟؟؟
يوسف : من بيت خالي صبحي
حفصه : خالك صبحي هناك
يوسف : لا عنده شغل وهو مطبق هناك من امبارح
حفصه : اقعد عاوزاك
يوسف : والله يا امي تعبان عاوز اريح شوي
حفصه : شوي مش هعطلك
يوسف : هاااه وادي قاعده و امري لله
حفصه : يوسف انت ابو الفهم كله وعارف العيب ما يجيش الا من اهل العيب
يوسف بصلها وبص للفراغ
حفصه: شايفه دخولك وخروجك من بيت خالك كترت وده على غير عادتك و الناس ليها عيون وان ما اتكلمتش النهارده هتتكلم بكره لان خالك مالهوش ولد واللي فالبيت ستات
تاذى يوسف من كلام امه : الناس من امتى خلت حد في حاله
حفصه : بس انت عاقل وعليك اللوم وانت عارف ان الي بتعمله غلط انت بنفسك ماترضاه لو البنات دول اخواتك
يوسف : اصلن البنات مبيقعدوش معانا مفيش الا نوره وبتقعد بعيد كمان
حفصه : الناس ليها الظاهر ايه عرفهم ان نوره او غيرها قاعدين بحترامهم الناس طبيعي لما تشوفك في البيت وبغياب خالك لازم يتكلمو.. اذا كان انا امك واعرفك كويس مستغربه من تصرفاتك
يوسف : هااا
حفصه : أه والله
يوسف : خلاص انا عاوز اقطع كلام الناس واتجوز نوره
حفصه : نوره ؟؟؟؟؟؟؟؟
يوسف : ايوه نوره مالها نوره
حفصه : مالهاش بس ايه الي قلب حالك مش دي نوره اللي مكنتش عجباك ومت وانا بعرضها عليك
يوسف : كنت غبي نايم ودلوقت صحيت وعاوز اتجوز نوره
حفصه : وملك ؟؟
يوسف عقد حواجبه واتعصب جدا : هطلقها طبعا
حفصه : برد قلبي وقولي ليه ايه الي حصل
يوسف بعصبيه مفرطه : ما بحبهاش بكرها وما تجيبيش سيرتها والله اتهور واقول كلام يزعلك
حفصه بقمة الاستغراب من حال يوسف : للدرجه دي يعني
يوسف : واكتر
..............
في وكر الشبح
الشبح : ما شاء الله .. بقيت معلم
محمد : اعجبك
الشبح : وزعت كام
محمد : في الشهر اللي فات الف وخمس مية حبه
الشبح : الله ..والله عال
محمد : لا وعاوز اعلم صالح علشان يزيد الشغل
الشبح بعصبيه : غبي انا مش قلتلك مش عاوز حد يعرف .. الاموردي لازم تتم بسريه تامه .. ولعلمك اللي خلاك تنجح بمهمتك هو انك وجه جديد ومش مكشوف .. والسر ياذكي اذا طلع شاع والصبح تللاقى نفسك جوه السجن كلبوش وساعتها لا اعرفك ولا ليا علاقه بيك
محمد:......................
الشبح ضغط علي فكه بقهر : لاء متنحش فيا  كدا مش عاوز حد يعرف بالموضوع
محمد : طيب ..بس هات فلوس
شبح مثل الغباء : نعم!!!
محمد: مالك .. عاوز فلوس
الشبح ببتسامه صفرا: فوق ياحبيبي ... مش هديك ولا تعر يفه لحد ما تسدد اللي اخدته مني
محمد: انا سددته واكتر .. وانا دلوقت بطلب حقي ولا ناوي تلهفه مني
الشبح : مالكش حاجه ..فاضل عليك كثير ولا نسيت ان انا صاحب المشروع والريس وبلاش تخالف اوامري
محمد : ما حدش ريس عليا احنا شركاه
الشبح بتناكه : نعم نعم
محمد : نعم شركا هانا بحياتي اللي مخاطر بيها وانت بالبضاعة اللي مطلوب منك انت توزعها بتحسبني مشعارف
الشبح بوقاحه : طالما قلت كدا مالكش حاجه عندي وغور واطلع بري
محمد بقمة ثورته : وفلوسي ومجهودى ؟؟
الشبح وهو يدفع محمد خارج الوكر : اطلع برى
محمد بقمة الثوره يدفعه ووقع  الشبح على الارض وطلع محمد فوقه وخنقه : هات فلوسي
الشبح بصوت مخنوق : لا وابعد عني لموت..
محمد على نفس وضعه : هتموت اكيد اذا ماجبتش فلوسي
الشبح وهو يقاومه : هديك بس سبني
بعد محمد ايديه بشويش :هات
قام الشبح والحقد مالي قلبه وحط ايده بجيبه يطلع الفلوس ولمست ايده سكينه بسرعه وسوس له الشيطان سحب السكينه ورشقها في بطن محمد
تمتم محمد بكلام ووقع علي الارض
جرو الشبح وحطه في شنطة العربيه من ورا وهو بينزف ودخل بيه الصحراء ورماه جثته تنهش فيها الكلاب الضاله
رجع الشبح للبيت وغسل كل اثار الدم عن المكان وعن العربيه وحس براحه لانه انتقم من محمد .. اللي خالفه وهو عاوز يعيش ريس عليه
..................



في بيت يوسف
تمت خطوبه يوسف من نوره اللي في قمة فرحتها .. واتحققت امنيتها
الخطوبه اللي ما حضرتهاش خديجه من قهرتها علي ملك
حفصه وهى راجعه من بيت اخوها بعد حفلة الخطوبه : خديجه انت هنا
خديجه بنهيار ودموع : ليه يمه ليه تعملي كدا ليه
حفصه بتعجب : انا عملت ايه يابنتي ؟؟
خديجه بنبره عتاب : نوره مالقتيش الا نوره
يوسف الي دخل من غير سلام : مالها نوره يا خديجه!!!!؟؟؟
خديجه بكت بحرقه : من امتى الحب ؟؟انا الموضوع ده مش مرتاحه له
يوسف : من اليوم والي بعده ونوره هي صاحبه بيتي واللي مش عجبه يتفضل وما يورينيش خلقته
خديجه صوتها راح من كتر البكا: ايه هي وصلت لكدا
يوسف : واكتر
خديجه : لااااه انت مش اخويا اللي اعرف انا اتأكدت 100% الموضوع فيه ان
يوسف : بقولك ايه متعمليش ام العريف .. وروحي لبيتك اللي كل يوم والتاني سيباه وقاعده هنا
خديجه : انا جايه بيت ابويا
يوسف : هههههههههههه أي بيت ياماما ده بيتي انا ولا نسيتي
حفصه بلوم : يوسف !!
يوسف : الظاهر بنتك فاقده الذاكره ومفكره ابوها مات مليونير لا فوقي اللي عيشك عند عمك مش الفلوس اللي سابها ابوك .. اللى كان بيصرف عليك هو انا وتعبي طول السنين اعتقد وصلك حقك وزياده من البيت المكسر اللي سابه ابوك وانا اشتريته
حفصه بصدمه: بس هي ما باعتش
خديجه بهجوم عنيف : سبيه يماااه ده مش بعقله
عطاها كف لف وشها وبعصبية وبصوت قوي: ليه انا مجنون
حفصه وهي تحضن خديجه تهدي فيها: يوسف !!!
خديجه : وعز الله انك بقمة الجنون .. انت فيك حاجه انت مش يوسف اللي اعرفه
يوسف شدها من ايد امها بكل قسوه: اطلعي برى ..
خديجه بتحاول تقف من قوه الدفعه : طالعه انا ماليش الشرف تكون انت اخويا
يوسف :في داهيه
حفصه : لو طلعت خديجه انا ولا هقعد ولادقيقه
يوسف يلوح بايده من ورا ظهره وهو طالع لغرفته: مع السلامه
حفصه: هي وصلت لكدا امشي امشي ياخديجه
خديجه : لا يا ماماخليك ده بيتك
حفصه بدموع : البيت اللي تنطردي منه ماليش مكان فيه
خديجه بحزم : لا بيتك ووبيت ابويا وما تطلعيش منه وانا هعرف اتصرف
وطلعت خديجه مطروده من اخوها اللي عمره ما زعلها ولا يوم وكان بيعمل المستحيل علشان خديجه بس تنبسط
كانت خديجه ماشيه وهي بتسال نفسها ياترى ايه الي قلب حالك يايوسف وخلاك كدا
وهي مش زعلانه قد ماهي محتاره بحاله ونفسها تعرف اللي حصل لاخوها اللي عمر اخلاقه ما كانت كدا
.....قصص منه محمد كاتب......
 نبدئه في امريكا
رجعت ملك تعبانه بعد مالفت كتير في الولايه اللي سكنتها بتدور علي شغل
ملك : مساء الخير
هدى : مساء النور
ملك تشد كرسي وتقعد بتعب مهلك : اااااه اتكسرت رجلي وانا عماله الف ومافيش فايده
هدي : والله ما عارفه انتي ايه الي خرجك وانتي بالحاله دي
ملك : انا ما قدرش اكون عاله عليك ياهدى
هدى : والله عيب عليك ايه كلامك الرخم ده .. ملك انت تعبانه ومرتبي مكفينا والحمد لله
ملك : ولو
هدي : خليك لما تولدي بالسلامه وواعدك انا بنفسي هخليك تشتغلي
ملك : ااااه خليني اعمل حاجه قبل ما اموت
هدى : بعيد الشر عليك من الموت ايه الكلام ده ان شاء الله تقومي بالسلامه ويبقي عندنا نونو يونسنا
ملك بيأس: انا مش احسن من امي واختي .. انا حاسه اني هموت زيهم وانا بولد
هدي : استغفر الله ليه هو الموت وراثه.... وبعدين حبيبتي امك ما ماتتش من اول ولاده زي مني
ملك : بس ماتوا من نفس السبب
هدي بتعنيف: انت مالك النهارده
ملك : حاسه ياهدى اللي في بطني هيكون سبب في عذابي اذا ما كانش سبب موتي
هدى : ان شاءالله يكون سبب فرحتك
ملك: المهم انا جعانه جدا عندك اكل
هدى ببتسامه: دقايق اسخن الاكل
ملك: وانا احضر السفره
هدى : لايا قلبي انتي ارتاحي ..اناهعمل كل حاجه
ملك ببتسامه : مالك يا هدي انا لسه في الشهر الرابع مش التاسع اقدر اشيل البيت كله والله
هدي: هههههههههه عارفه بس انا عاوزه اخدمك
ملك حضنتها : ربنا يسعدك ياهدى
.............................
في الصحراء
محمد : والله ياعم ابو ابراهيم مش عارف ازاي اشكرك
ابو ابراهيم : انت الاول شد حيلك وقوم بالسلامه وانا شكري انك تتوب لله عن كل كنت بتعمله الاول
محمد : ربنا يشهد اني تايب .. وان ربنا اللي كتب لي عمر جديد عاوزني اعرف انه الحق
ابراهيم : عارف يوم ما لقيناك كان شكلك عامل ازاي
ابو ابراهيم : شوف يابني ربنا ساب محمد عايش خمس ايام ينزف وبوسط الصحراء علشان حكمه الله اعلي واعلم بيها
وهنا افتكر أبو إبراهيم ازاي لقي محمد
#فلاش
كان أبو إبراهيم قبل شهرين كانت ناقه ضايعه منه
وكان هو ابنه إبراهيم بيدور عليها وهم بوسط الصحراء سمعوا صوت انين
ابراهيم : اباااه سمعت الي انا سمعه
ابو ابراهيم : اسكت خليني اعرف منين الصوت
ابراهيم : اباااه الصوت من هناك
قربوا للصوت
ابراهيم : بسم لله الرحمن الرحيم ده انس ولا جن
ابو ابراهيم : ده راجل وبينزف روح قرب العربيه نسعفه
قرب إبراهيم العربيه وشالوا محمد
ابراهيم : انت رايح فين بالراجل
ابو ابراهيم: لمستشفي
ابراهيم : وان قالوا لك مين طاعنه
ابو ابراهيم: حقولهم الحق
ابراهيم : ماحدش هيصدقك
ابو ابراهيم : وليه مايصدقونيش
ابراهيم : اه والله والمصيبه اذا مات الراجل هتلبسك الحكايه
ابوابراهيم : يعني نسيب الراجل يموت
ابراهيم : لا منسبهوش لكن مستشفي لا
ابو ابراهيم بحيره : طيب نوديه فين
ابراهيم : نوديه لـ ابو مجاهد يداويه
ابو ابراهيم : ابو مجاهد العجوز الخرفان
ابراهيم : اه نوديه وهو وحظه بدال مانعمل خير وينقلب علينا
ابو ابراهيم بعد تفكير : توكل على الله
اخدوا محمد وراحو بيه لابو مجاهد
ابو ابراهيم : السلام عليكم ورحمة الله وبركاته
ابو مجاهد : اهلا بالضيف
ابو ابراهيم : ازيك يابو مجاهد
ابو مجاهد : تحت رحمة الله
ابو ابراهيم : معانا راجل متصاب تعالجه
ابو مجاهد : هاته وكل شئ على الله
نزل ابراهيم محمد من العربيه
وشافه ابو مجاهد .. وقال ان الراجل في حاله خطيره وقال انه بيعالجه واذا مات هو ونصيبه وبالفعل عالجه بالطب البدائي وكتب الله السلامة لمحمد
وأكرمه ابو إبراهيم وعائلته وقعد عندهم وشاف الحياه البدويه وحبها جدا وحب العائله دي بالذات وارتاح لابو إبراهيم وصارحه بالماضي كله ولقى عنده النصايح والتوجيهات للأخلاق اللي ما عرفهاش عند أبوه اللي كان مربيه على الحقد والحسد والطمع
......
في بيت يوسف
يوسف كان بيكلم نوره على التلفون
يوسف : اهلا يا حبيبتي آمري
نوره : عاوزه فرحي كل الناس تتكلم عنه ويقوله فرح متعملش لاقبله ولابعده
يوسف : اللي عاوزاه كله تحت امرك
نوره : مش عاوزه خديجه تحضروه
يوسف في عالم المغيبين تماما: خديجه مش هتحضروه اقطع خبرها من الدنيا وايه كمان يا روحي آمري
نوره : عاوزاك تحط اعلان عنه فالجرايده العربيه والاجنبيه
يوسف بتعجب : وليه كدا
نوره بعصبيه : اه شكلك كنت ناوي تعملهولي علي الضيق.. ومفيش غير العايله المسنكحه الي علي قد حالها
يوسف : طيب ليه نقوله للجرايد
نوره : عاوزه ملك بنت الشيطان تعرف اني اتجوزتك
يوسف : انا بضايق من سيرتها ارجوك ماتجبيش اسمها على لسانك
نوره وهي بقمة فرحتها : خلاص مش هجيبه بس اعمل الي قلتلك عليه
يوسف : حاضر ياروحي
نوره : الا بالحق فلوس الغبره فينها
يوسف : أي فلوس
نوره : ورثها
يوسف : ييييي فكرتيني هي اتنازلت لي عنها
نوره بنشكاح : هااا....!!! اتنازلت لك .. طيب وديتهم فين؟؟
يوسف : انا ما اخدتش حاجه
نوره : وكسه عليك غبي حالا تروح وتجيب الأوراق .. عاوزين نعيش يا غبي
يوسف : بس انا قطعت الأوراق
نوره : ماليش دعوه ظبط نفسك
يوسف : طيب طيب
نوره : حالا تروح فاهم
يوسف بطاعه: طيب
...
قفل يوسف التلفون ونزل علشان يروح لخال ملك ويجيب منه الاوراق
شاف خديجه قاعده جنب امها
يوسف بهجوم غريب: انت ايه الي جابك انا مش قايلك اوعي تيجي هنا ولا مفيش فايده
خديجه بصتله ودورت وشها
حفصه : يوسف مالك
يوسف بغضب اسود: انت مالكيش دعوه ولو عاوزاها روحي لها
حفصه : ربنا يهديك يابني
يوسف وهو متعصب : ايه ربنا يهديك دي ليه مجنون
حفصه التزمت الصمت
يوسف : انا مشغول دلوقت ولما ارجع هرد عليكم
وطلع يوسف لبيت خال ملك
خديجه : والله يوسف فيه بلا
حفصه وهي تبكي : بعد كلامه ده فعلا مش طبيعي ده اتتجن بعد ما راحت ملك
ربنا ما يوفقها فين ماراحت جننت ابني
حصه : يمه حرام عليك ملك مالهاش دخل البلا كله من نوره
حفصه بلوم : نوره الله يسامحك نوره رضيت باخوك علشاني وده نصه عقله طار منه
خديجه بعصبيه : مين قالك الكلام ده
حفصه : نوره هي الي قالت والله ياعمتي علشانك انا هرضى بيوسف وهي دي حالته
خديجه : ربنا ياخدها البلا ده كله من تحت راسها
حفصه :يابنتي الظلم حرام انتي فاهمه غلط ملك هي اللي هبلت الولد وهربت
خديجه : اه كويس كويس
حفصه : ايه هو الي كويس
خديجه : انا الي عارفه نوره ازاي تقبل بواحد مهبول اقطع دراعي لوما كانت هي السبب
حفصه : اقولك اقطعي  من دلوقت نوره مالهاش دعوه جزاها الله كل خير اللي عقلت اخوك بعد ما انهبل والا ده يوسف اللي يحلف باخلاقه الصغير قبل الكبير
خديجه تخنقها الدموع : لا والله مش هو مش هو
..................
في بيت ناصر
يوسف : عاوز الاوراق اللي ملك اتنازلت لي فيها عن حصتها من الورث
ناصر : وايه الي جد انت مش قطعتهم ورفضت تاخدهم
يوسف : بس دلوقت عاوزهم
ناصر : انت طلقت ملك؟؟
يوسف : ايوه
ناصر : كدا مالكش عندي حاجه
يوسف : ايه ؟؟؟
ناصر: دي كانت خطه علشان تطلق البنت ولا انت مصدق إننا نديلك فلوسنا على البارد كدا ليه احنا مهابيل
يوسف بعصبيه ووقاحه: انا قلت انتم ميطلعش منكم خير والحمد لله اني عرفتكم على حقيقتكم
ناصر زعق: الحمدلله ان احنا اللي عرفناك على حقيقتك قبل فوات الاوان
ودلوقت اطلع بري من غير مطرود
يوسف شوحله بقله ادب : طالع طالع
دخل ناصر
بعد ما مشي يوسف
زينب : كان عاوز ايه
ناصر : عاوز الورث
زينب : وايه الي جد مش ده الي قال مش عاوز غير ملك
ناصر : لا يا زينب هو هدفه الفلوس من الاول
زينب بزعل : مش اخد الي عاوزه وخلصنا
ناصر : ومين قالك اني عطيته حاجه
زينب : بس دي امانه ليه ماعطتهلوش
ناصر : اولا هو قطع الاوراق بايده المره اللي فاتت وانا ممعيش حاجه
وثانيا انا حاسس ان يوسف مش زي الاول يعني ما يستاهلش وانا بحافظ على السر ده ولا هقوله لحد ويا ويلك اذا قلتي ان الورث باسم يوسف
زينب : واذا راح وسال ولقى كله باسمه
ناصر : لا اكيد انه اقتنع اننا كنا بنكذب عليه واكيد هلاقي طريقه ارد كل حاجه بأسم ملك
زينب : اااه ياملك والله وحشتني اوي
..................
في بيت صبحي
نوره : يعني كانت خطه علشان تطلق ملك
يوسف : ايوه
نوره : امال ايه الاوراق الي انت شفتها
يوسف : والله مافاكر كانت تنازل منها ليا او حاجه من النوع ده
نوره : كانت اوراق رسميه ولا لا
يوسف : وانا ايش عرفني انا كنت مسحور معرفش الكلبه عملتي ايه وعمت عيوني اصلن معرفش ازاي قطعت الورق لو انا بعقلي ده والله لخليها هي وخالها بالاوراق دي تعفن فالسجن سنين وسنين
نوره : ايه  ..سيبك من الكلام ده وقولي امتي الفرح
يبتسم يوسف : منين ما تحبي ياعمري
نوره بحيا : مش عاوزين نطول .. وبعدين عاوزين الإعلان ألاول عاوزه أحرق قلبها
يوسف : حاضر .. اللي تأمري بيه عاوزه حاجه تاني
نوره : عاوزاك سالم
يوسف بألش : لا انا يوسف
نوره : هههههههههههههههههههههههههه
محاسن دخلت : ان شاءلله تدوم الضحكه
نوره : اماااه يوسف عاوز يحدد معاد الفرح
محاسن : وانت جاهز يا بني
يوسف : جاهز
محاسن : بس مهر نوره غالي
يوسف : عيوني ليها
محاسن : تسلم عيونك .. عاوزاك تسجل البيت باسمها
يوسف عقد حواجبه : أي بيت
محاسن : بيتك
يوسف : انا وهي واحد
محاسن : لا ماقصدش بس مش عاوزه حد يشاركها ويقولها اطلعي بيت ابننا ومن الكلام ده
يوسف : اللي يقول لنوره اطلعي اطلع روحه
محاسن : تسلم روحك لكن ده شرطنا
يوسف : طالما شرط انا موافق
محاسن ابتسامتها وصلت لودنها
.........................
في امريكا
هدى برحمه : والله الشغل ده مش مريح يا ملك
ملك : روحي ااعدي على كراسي الانتظار وبلاش تعطليني
هدي : معقول ملك الجاسر تشتغل كاشير بسوبر ماركت والله دنيا ماشيه عكس
ملك : قلتلك ااعدي وبلاش تعطليني دلوقت يجي المسوؤل ويسمعني كلمتين
هدي : مطوله
ملك : لا دي اخر فاتورتين
هدي : طيب متطوليش وتنسي الجريده ندورلك علي شغل احسن
ملك بصتلها برخامه : هدي اتفضلي استريحي
خلصت ملك من دوامها مهدود حيلها
هدي : ليه راجعه ايدك فاضيه فين الجريده؟؟
ملك: والله انت واحده فاضية
هدي : يووه ...انا رايحه اجيب واحده
جات هدى ومعاها جريدة
ملك : طيب ده شغل كويس ومرتبه كويس عاوزين ايه تاني
هدي وهي تقلب الجريده : يابنتي انت جامعيه والشغل ده مش ليك
فجاااه قالت : الحيوان
ملك : مين؟؟؟
هدي : شوفي الخبر
ملك : معقول نوره ويوسف
هدي بغل : لايقين على بعض
ملك بصدمه كبيره: يعني كان كلامها حقيقي
هدي : والله انتي طيبه انتي كان لسه عندك امل بعد ما سمعتي بودنك انه فيه شك بكلام نوره انا متاكده ان نوره بعتت الخبر للجرايد اللي برا علشانك انت بالذات
ملك بشبح دموع : نوره عملت فيا معروف وهي متعرفش
هدى : معروف.. انا مش مرتاحه حتى لـ اسمها
ملك : وانت ليه زعلانه ... عاوزه اتصل بخالي اشوف طلقني ولا لسه
هدى : لا خلينا نروح نتعشي وبعدين ونشوف
ملك : ماليش نفس
هدي بتكشيره : سد نفسك وانتي جعانه ربنا يسخطه
ملك : خليه يغور انا اصلن عاوزه اخلص منه
اتصلت ملك على بيت خالها
ملك : الو
زينب : الو
ملك : زينب ازيك
زينب بفرحه واشتياق : ملك ازيك يا ملككك
ملك عيطت : ازيكم يا حبيبتي
زينب : احنا بخير بنسال عنك ياعمري ليه قطعتي كدا
ملك : غصب عني يا زينب
زينب : المهم سمعنا صوتك
ملك : تيته عامله ايه وخوالي
زينب : كلهم بخير ودايما بيسالو عنك خصوصا جدتك
ملك : الله يسلمهم و سلمي عليهم وقولي اني مشتاقه لهم
زينب : ماتقدريش تيجي خلاص يوسف طلقك
ملك دق قلبها دقه قويه واتغير لون وشها وبلعت ريها بصعوبه وقالت بصوت مبحوح : امتى
زينب حست بحالها اتغير : ملك مش ده الي كنتي عاوزاه
ملك : هااا ايوه .. ايوه
زينب بشك : حاسه ان فيك حاجه
ملك دموعها جريت على خدها غصب عنها : لا ولا حاجه هيكون فيه ايه
زينب : طيب ماله صوتك
ملك : ولاحاجه
زينب : انا ماقولتلكيش يوسف جه امبارح بيطالب خالك بحصتك من الورث
ملك: ادوله كل الي عاوزه
زينب : بسسسسسسس
ملك : بس ايه
زينب : خالك انكر انك متنازله له عن حاجه
ملك بستغراب وحتى دموعها نشفت : ليه ؟؟؟؟!!!
زينب : بيقول حس ان يوسف المره دي طمعان وانه فيه شئ متغير
ملك : اذا كان ده هدفه من اول ما اخدني ايه الي بيتغير فيه .. لا وتوج صبره بجوازه من نوره
زينب ضربت صدرها :اييييه اتجوزها ... انشاءالله ما تتهني لاهي ولاهو
ملك : ادوله الفلوس خلوه ينبسط معاها
زينب : نديله في سنانه والله مانديلو ولا قرش لو يموت
ملك : لكن انا اتنازلت
زينب بغيظ : انت هبله وبعدين خالك قالي بيشوف طريقه يرجع لك فلوسك بيها ولا تطوله بنت محاسن قرش واحد منها
ملك تتنهدب عمق : المهم سلمي على خوالي وجدتي وانا هتصل بيهم ان شاءالله عن قريب
..............
في يوم زواج يوسف
نوره : ياربي اقفلي السوسته كويس
محاسن : طيب.. ربنا يهديك يا نوره مضيقه الفستان اوي
نوره بعصبيه : اووف منك ..لا مش ضيق بس انت شدي
محاسن : خايفه يتقطع
نوره : بقولك شدي
محاسن شدت جامد : اهاااه .. هييييه
نوره بصراخ : ايه
محاسن : انقطعت السوسته يا فالحه يا بنت الفالح
نوره : ربنا ياخدك..
محاسن :ربنا ياخدك انتي .. يابت انا امك يا وسـ ****
نوره : اعمل ايه .. لو ايدك اللي انقطعت مش كان احسن امهات اخر زمن
محاسن بتهديد: نوره انت فلت زمامك .. امال لو كنتي واخده يوسف بعقله
نوره : اششش لاتفضحينا
محاسن : من النهارده وانا صابره عليك لكن لو ما تعدلتي والله لاقول لخديجه سر اخوها واخرب بيتك وبيت ابوك اللي ما عرفش يربيك
نوره : خلاص يمه انت هتاخدي علي كلامي وانا بالحاله دي انا انتظرت اللحظه سنين ولاجات سهله لازم تقدري ارتباكي وانا بتكلم مش من عقلي والا انت مش عارفه قيمتك عندي انتي غاليه
محاسن : والله بتعملي معايا كدا وتقولي ليك قيمه امال لو ماليش قيمه هتصلبيني علي الحيط
نوره : دلوقت اتصرفي بقي الفستان
محاسن : ماليش دعوه انشاءالله عنك ما اتجوزتي
نوره : الله يخليك يامااااه متسبنيش انا ماليش غيرك
محاسن: طالما عارفه كدا وعارفه الي عملتيه بيوسف محصلش الا بمساعدتي وانك لو لوحدك ومعاك سحر الدنيا متقدريش فاتعدلي معايا احسن والله اعمل امور ما هتعجبك
نوره : اللي عاوزه تعمليه اعمليه بس ساعديني
محاسن : شوفي يانوره طالما من اولها نهرتيني قبل ما تبقي في بيت زينه الشباب والله ما أأمنك ابدآآ
نوره : امااااه مالك يمه
محاسن :عاوزاني اسكت عن البلوة اللي عملتيها اكتبي بيت يوسف بأسمي واذا ما حصلش والله لافضح عمايلك كلها
نوره : خلاص لاحد يسمعك
كانت رنا اخت نوره جايه تشوف نوره لو محتاجه مساعده وسمعت اخر الكلام اللي دار بين امها واختها
نوره بهمس : كأن في حد عند الباب
محاسن : مين
نوره وهي خايفه ان حد سمع امها : روحي شوفي
مشت محاسن بشويش للباب وفتحته ولقت رنا
محاسن :دي رنا بتعملي ايه هنا
رنا بارتباك : هاااا جايه اشوف نوره محتاجه لحاجه!!!!
نوره : مش عاوزه حاجه من وشك غوري
محاسن : انت من امتى هنا
رنا : لسه حالا
محاسن: طيب روحي جيبي ابره وخيط ابيض
رنا لسه مرتبكه : منين
محاسن بحده : من جهنم اتصرفي
رنا : طيب
فضلت محاسن واقفه على الباب لحد مابعدت رنا
نوره : تفتكري سمعت حاجه؟؟!!
محاسن: رنا هبله متخدش بالها من الكلام وحتي لو سمعت مش هتفهم
كملت نوره لبسها بعد ما عدلت الفستان اللي طلع كأنه ضاغطها .. وطلعت للمكان المخصص للعروسه دخل يوسف واتصورت معاه وكانت جرئيه بالصور وحتى ان المصوره استغربت أول مره تشوف عروسه بالجراءة دي والعريس منقاد ومستسلم حتى انه بس مبتسم ولا مستوعب الكلام ..
الناس اللي حضروا االفرح كانوا كتير جدا
ناس عاوزه تشوف بديلة ملك
وناس حضور مجامله ليوسف وأهله
وناس حاضره من طرف نوره
دخلت نوره الصاله
وكانت طول ما هي ماشيه سامعه بعض الحريم يتهامسو : دي اللي بدل ملك اخيه معرفش يختار
......: ايه الجسم ده ليه معملتش رجيم
......: الله نوره طالعه اليوم حلوه
......: الله يعين قلب يوسف
المزيكا خبت صوت الحريم اللي بدئت تعلق ونوره هتفرقع طلبت من اختها يعلو على صوت الاغنيه وكانت اغنيه حلوة
........ : ههههههههه الاغنيه مش لايقه عليها ههههههههههههههه
 يوسف قاعد جنبها .. في الكوشه
وزادت التعليقات
.......: الله كل الجمال والوسامه دي لدي
..... : دنيا حظوظ
.......: وازي يسيب ملك دي كانت لايقه له
وطلعت نوره بعد ما طلعت روحها
دخلوا غرفتهم بالفندق الفخم اللي كان حاجزه يوسف
يوسف : مبروك ياحبيبتي
نوره بحيا مصطنع : الله يبارك فيك
يوسف : اخيرا بقيتي لي لوحدي ربنا يتم فرحتنا
نوره : بيتمها لو بعدنا عن الحساد والناس اللي مستكترني عليك
يوسف : مين الحساد دول
نوره بحقد : اولهم اختك خديجه
يوسف : والله طردتها ياروحي لكن هي معندهاش دم ما بتفهمش
نوره : انا حتصرف معاها
يوسف : اشارتك خضرا اللي عاوزه تعمليه اعمليه
نوره بحقد : وعمك النجس ما يدخلش بيتي فاهم
يوسف : اطرديه
نوره : لا اطرده انت واذا عليا انا هتصرف
يوسف : ماشي ..
نوره : واخوك اللي نفس عَينه ابوه
يوسف : كدا كل الناس اعدائك
نوره وهي تحضن يوسف بجراءه :الا انت ياقلبي
يوسف : انت الي قلبي
.................
في الصحراء
ابو إبراهيم : يعني مُصر ياولدي تفارقنا
محمد : ان شاءالله وعمري ما هقطعكم وهعرف اوصلكم ان شاءلله بس انا ضيعت كتير من ديني وحياتي وعاوز الحق على اللي يقدرني ربنا عليه
ابو إبراهيم : الله يوفقك
ابراهيم : والله بنفقدك يامحمد
محمد : ماتفقد غالي يارب
سلم عليهم محمد وراح مع إبراهيم لبلده
وصل محمد للبيت الساعة اتناشر بعد الظهر من اليوم الرابع لزواج يوسف
دخل البيت وكان البيت هدوء
محمد : الو يا عرب .. فين الناس هجروا
حفصه طلعت على صوت ابنها جري عليها وحضنها وسلم عليها وباس رأسها وايدها : سامحيني يمه
حفصه وهي حاسه نفسها مشتاقه له : اهلا بيك يا ضنايا ايه الغيبه دي
محمد : انا مشتاق ليك انتي وخديجه ويوسف وابويا
حفصه بستغراب : انت محمد ولا مبدلينك
محمد : ربنا اللي يهدي يمه ربنا اللي يهدي
حفصه بفرحه :ربنا يهديك يارب
محمد : فين خديجه عاوزها تسامحني انا غلطت فيها
حفصه : خديجه في بيتها ..
نزل يوسف وهو بينزل الشنط من فوق : انت شرفت
محمد وهو مقرب على يوسف مبتسم عاوز يسلم عليه : سامحني ياخويا
يوسف : لا اسامحك ولا تسامحني ومن دلوقت بقولك بيتي ما يتحملكش
حفصه حطت ايدها علي راسها :يانصبتي ايه الكلام ده يروح فين؟؟ .
محمد : انا عذرك يايوسف تقول اكتر سبتك في حاله بس ارجوك سامحني عن اللي عملته فيك
يوسف وهو يدفعه : بقولك بيتي مش هيتحملك انت وابوك
محمد: ابويا كمان ليه ايه الي حصل
يوسف : بيتي وانا حر
محمد : طيب يروح فين ده بيته وبيت مراته اللي هي امك
يوسف : بقولك متكترش في الكلام  واطلع برى
محمد : انت للدرجه زعلان منى انا اسف يااخي وهات راسك >>> جه عاوز يبوس دماغه لكن يوسف دفعه بقوه لدرجه انه طار على الكرسي اللي وراه وكان بعيد
حفصه بصريخ : يوسف ؟؟؟
يوسف بعصبيه ووقاحه : انتي مالكيش دعوه
حفصه : انت والله فيك بلاء بنت عبدالله عملت فيك العجايب
محمد : بنت عبدالله ؟؟
نوره كانت واقفه في نص السلم تسمع الكلام وعجبها الكلام وكيفها
يوسف : انا راجل متجوز والبيت له اهل وله حرمه ومش عاوز أشوف أغراب هنا
حفصه : لكن نوره بنت خاله
محمد : نوره مين ؟؟
حفصه : نوره بنت خالك صبحي اتجوزت اخوك
محمد بصدمه : ازايييي؟؟؟؟؟؟؟؟؟
نوره نزلت وقالت بوقاحه : زي الناس يامحمد
محمد : وملك ؟؟
يوسف: انت لسه مرزوع ما تغور واطلع برى
نوره : وخد ابوك معاك
حفصه : يروحو فين
نوره : عمتي لو عاوزاهم اتفضلي انا مش همسك فيك روحي معاهم وريحينا وفكينا منكم
محمد بعصبيه : فك ربنا رقبتك .. وانت واقف وهي بتتكلم علي امك كدا!!
يوسف : فك ربنا رقبتك انت .. ويله اطلع برى وخد امك وابوك كمان انا مش عاوز حد هنا
حفصه تبكي من حال يوسف : بتطردني ياابني
محمد : اماااه متعيطيش وانا حي والله لو اشحت اللقمه امشي امشي
حفصه : ده بيتي وانا مش طالعه
كانت ام يوسف عاوزه تكون قريبه من يوسف اللي عارفه ومتاكده انه مش طبيعى
نوره : ايه بيتك ده لا يا روحي ده بيتي انا واطلعي برا يله
محمد : انكتمي يالي ما تتكسفي
يوسف قام يدفع محمد ويضربه : اطلع برى
محمد زعق: انا طالع .. يله يماااه
نوره : يله غوري مع ابنك
محمد بصوت عالي : انت مش سامع بتقول ايه لامك .. انت يوسف انت والله انت مش طبيعي قولي انا دلوقت ازاي اتعامل معاك
يوسف زعق فيه : بقولك غور
طلع محمد بعد ما رفضت امه انها تطلع من البيت
اترجاها محمد تمشي معاه لكن خوفها على يوسف خلاها تتحمل الاهانه وتقعد
يوسف : يله ياروحي اتاخرنا على المطار
نوره : اوووووف عكروا مزاجي ربنا ياخدهم
يوسف : يارب يله
نوره بصت لعمتها بغل: ودي
يوسف : سيبك منها اهي متلقحه
حفصه : علي فين يا يوسف ؟؟
يوسف : وانت مالك بالموضوع
حفصه بدموع شلال : انا امك
يوسف : اوووف لـ امتي يعني .. انا خلاص استغنيت بنوره عن العالم ..
نوره مكشره وغضب العالم علي وشها : يله بقي ياروحي
التفتت لعمتها : انتي انا دلوقت مسافره مش عاوزه ارجع والقيك عاوزه اتهني في بيتي فاهمه
...............
في بيت خديجه
بعد ما قال لخديجه اللي حصله وازاي كان هيموت وان ربنا بعد ماكتب له عمر جديد بيتوب ويبدء صفحه جديده مع اهله ونفسه ويبعد عن اصدقاء السوء
محمد : خلاص سامحتيني
خديجه : ربنا يسامحك يامحمد ..
محمد : طيب هنعمل مع يوسف ده
خديجه: الاول انت متاكد ان يوسف فيه حاجه متغيره
محمد : انت من كل عقلك .. انت ما تعرفيش يوسف .. ده يوسف ده... يوسف مايعرفش يغلط على طفل علشان يغلط على امك ويسمع اهانتها ويسكت
خديجه رفعت عنيها لمحمد بنظرات رجاء وسؤال: اااه يايوسف
محمد : انا شايف بعيونك سؤال قولي
خديجه : ملك يامحمد ايه الي خلاها تسيب يوسف بعد الحب الي بينهم .. ونوره ازاي حلت محلاها بالسرعه دي ؟؟
محمد : نوره معرفش .. لكن ملك في موضوع اذا يهمك اقولهولك
خديجه بلهفه : قول عاوزه اعرف أي خيط يوصلني ليه يوسف اتغير
حكى محمد الحكايه من بدايتها لخديجه وايه الي حصل فيها
خديجه : يعني نوره في نفس الليله قالت شئ لملك وخلتها تبقي بحالتها دي
محمد : مش بعيده عنها
خديجه : طيب وازاي يوسف بقي فجأه يحبها واتجوزها بعد ما كان مش بيطيقها
محمد ضيق عيونه : ده السر اللي لازم نعرفه
..........
في بيت صبحي
محاسن تكلم نوره على التلفون :سافرتو فين وامتى يعني هتحوليلي البيت
محاسن بتهديد : ياويلك يانوره اذا كذبتي عليا والله انفذ الي قلت لك عليه
كانت رنا قاعده تذاكر فالصاله وسمعت الكلام كله
قفلت محاسن الخط بعد ما وصت نوره تجيب لها حاجات من البلد اللي هى مسافره ليها
التفتت لرنا
محاسن بحده : انتي قاعده تسمعي كلامي
رنا برتباك : انا لا والله اصلن انا من بدري قاعده اذاكر هنا
محاسن نهرتها: امشي فزي اعمليلي كوبايه شاي .. محدش فيكم عدل ربنا ياخدكم
قامت رنا تعمل لامها الشاي اللي طلبته وكان فكرها مشغوول بالموضوع اللي سمعته من امها ايه الي امها مسكاه على بنتها وازاي عاوزاها تحول بيت يوسف باسمها امتي نوره بقيت مسيطره على يوسف لدرجة انه يكتب بيته باسمها
...........................
في امريكا
هدي : تعالي نخرج فالاجازه دي لدزني
ملك تعدل قعدتها على وضع مريح ليها : مش بعيد شوي
هدى : راكبه جمل انتي ولا حتروحلها ماشيه على رجولك
ملك : هههههه خلاص زي ما تحبي
هدى : خلاص بكره حضري نفسك
ملك : ان شاءالله
....................
في الفندق اللي نازلين فيه نوره ويوسف
نوره : يوسف
يوسف : عيونه
نوره : عاوزه اطلب منك طلب وعاوزه اشوف غلاوتي عندك
يوسف : يله ياروحي جربي
نوره : انت طبعا حولت البيت باسمي
يوسف : اممم
نوره : بس انا خايفه من اخوك الصايع محمد يجبرني احوله بأسمه من تاني وانا مهما كان ست و اضعف منه واخاف وانت ماتكنش موجود ... بس احسن حاجه احفظ بيها حقي اكتب البيت باسم امي
يوسف : اللي تشوفيه صح اعمليه اهم حاجه متسبنيش
نوره : انا مصدقت لقيتك ومستحيل اسيبك
يوسف : سيبينا من الكلام ده ايه رايك نروح بكره دزني
نوره : ايه دزني دي كمان
يوسف : دي اكبر مدينه ترفيهيه بالعالم
نوره : لا انا عاوزه اروح السوق عاوزه اشتري حاجات كتير هو الواحد كل يوم هيبقي في امريكا
يوسف : طيب ياروحي ... نروح بكره نعمل شوبنج وفي الويك اند نروح دزني
نوره بجهل: الويك اند حلوه المكان ده كمان
يوسف : هههههههههههههههههه الويك اند يعني العطله مش مكان
نوره دارت جهلها : هههههههه عارفه بس عاوز اشوفك تعرف ولا لا هههههه
يوسف : ياحياتي دمك خفيف
نوره : المهم بكره نروح للشوبنج ده واشتري كل اللي نفسي فيه
يوسف : اوكيه
نوره بغباء وجهل: اوكيه دي سلعه يعني كويسه صح
يوسف يبصلها ويضحك : بحبك
نوره: والله انا الي بحبك
...........
في بيت خال ملك
زينب بدون نفس : اهلا يا خديجه
خديجه : ازيك يا زينب
زينب بختصار : بخير
خديجه : انا هدخل فالموضوع على طول مدام ده استقبالك
زينب : اذا يوسف بعتك علشان الفلوس كلامنا واحد ماعندناش حاجه
خديجه بعدم فهم : فلوس ايه اللي بتتكلمي عنها انا معرفش اذا بينكم وبين يوسف فلوس
زينب : لااااه بجد
خديجه : والله العظيم انا جايه بموضوع تاني .. ((وتلتفت لشنطتها وتطلع ورقه منها انا جايه بخصوص دي
زينب وهي تمد ايدها تاخد الورقه وهي عاقده حواجبها وتقرا: عارفه موضوعها بس انا ما شفتهاش .. ايه الي عندك جديد ياخديجه
حكت خديجه كل الموضوع اللي عارفته وسالتها وحلفتها ليه ملك سابت يوسف بعد الحب اللي كان بينهم وهي متاكده ان الورقه مع محمد وملك ماشافتهاش
زينب : اسالي بنت خالك
خديجه بكت من قلبها : ربنا ياخد بنت خالي أي موضوع تدخل فيه يخرب
زينب : اقولك يا خديجه ..قبلك جه يوسف وقطع قلب ناصر وفضل يحلف له انه مش عاوز من الدنيا غير ملك ومش عاوز الثروه اللي اتفق هو واخوه عليها وصدقناه وما فيش شهرين الا هو متجوز من نوره ..
خديجه : انت بس قوليلي ايه سبب ان ملك تسيب يوسف
زينب : انتم مافيكمش صادق الا نوره زي ما قالت انها كان جوازها بيوسف على الابواب لحد جات ملك وفلوسها وطمع يوسف وسابها واخد ملك ولما مالقاش من ملك حاجه سابها ورجع لنوره
خديج بعنف : انت بتقولي ايه بقولك والله العظيم ان يوسف عمره ما كان خاطب نوره ولاغيرها
زينب : انتم مش بس عاوزين تجننو ملك لا انتم عاوزين تجننو العايله كلها
خديجه : اقسم لك ان موضوع الورقه كان زي ما قلت لكم وقالكم يوسف الاول
زينب : انا عاوزه اعرف يوسف وعاوز ايه دلوقت؟؟!!
بكت خديجه بحرقه: يوسف عقله بيروح اذا ما لحقنهوش حلفت بالله قولي اللي تعرفيه وساعديني انا مش عاوزاك تكرميني ولا تديني حاجه الله يخليك قولي اللي تعرفيه يمكن اوصل لحاجه اساعد اخويا بيها
حكت زينب لخديجه كل اللي تعرفه وسمعته من ملك ومن ناصر وازي يوسف رفض الفلوس اول مره وبعدين جه يطالبهم بيها!!
خديجه : لايكون عطيتوه
زينب : اصلن مافيش ورق عشان نديلو
خديجه : دلوقت انا عرفت ابدء  منين !!
زينب : قصدك ايه ؟؟
خديجه : عند نوره مربط الفرس وانا مسكت اول الخيط
زينب : انتي عاوزه تقنعيني ان يوسف مش مخطط للموضوع اصلن
خديجه : نشوف............. انا مش عاوز احلف لكن اللي اعرفه من اخويا طول عمري ان عمره ما كانت اخلاقه بالسوء.ده.... هو كان عصبي شوي لكن عمره مارضى عليا ولا على امي االاهانه اصلن انا كنت بعمله علي انه ابويا مش اخ وبس ..... لكن اذا كان دافن كل الشر ده في قلبه يبقي ربنا يعينا قبل ملك ويأجرنا عن فقدان ابننا
...............
في امريكا
ملك: انا تعبت من اللف
هدى : ماهو البركه في الكرش
ملك ابتسمت : يله ناكل لقمه انا بجد جعت
هدى : انا مش جعانه
ملك: بس احنا جوعنا هههههههههه
هدى : انت ومين
ملك تملس علي بطنها: انا والمحترم اللي في بطني هههههههههههههههههه
هدى : يله يله قبل ماياكل بطنك
دخت ملك وهدى المطعم اللي بالصدفه كان يوسف ونوره فيه
قعدوا وطلبوا اكل وااعدو ياكلو
ملك: حاسه اني هاكل التربيزه من الجوع
هدي :ههههههههههههههه هههههههههههههههه >>> كانت ضحكتها بصوت عالي
التفتت لهم نوره
وشافت ملك اللي كانت كرشها ناطت قدامها
نوره بينها وبين ونفسها ....دي ملك
يوسف لاحظ سرحانها: فين حياتي مشغوله
نوره بصوت عالي : يله قوم ياقلبي انا شبعت
التفتت ملك لصوت اللي تعرفه كويس
ملك تكلم هدى : دي نوره
هدى : نوره مين ؟؟
ملك : بنت خال يوسف
هدي : ويوسف معاها
ملك لفت بكل جسمها وشافت يوسف كان شكله متغير جدا و ضعيف بيضحك مع نوره لكن كانت ضحكته مختلفه بشعه وبشكل عمرها ماشافتها قبل كدا مش ده يوسف اللي حبته وعاشت معاه : يله ياهدى نخرج
هدى : انت مالك بيه انت امريكيه مايقدرش يهوب ناحيتك
ملك : لا لا مالوش داعي
قامت ملك ووقفت وشافت نوره بطنها
نوره : يوسف ..يوسف
يوسف : مالك
نوره : شوف مش دي ملك
يوسف التفت وشاف ملك اتجمعت في وشه كل نظرات الكره والحقد اللي خوفت ملك لما جات عيونها بعيونه
يوسف : ايوه دي هي
نوره : وايه ده الي في بطنها
يوسف : بطنها !!!
نوره : شكلها طلعت من بيتك حامل منك
يوسف : خليها تولع هي والي في بطنها
هنا طلعت ملك من المطعم
نوره : ايه هنسيب ضناك مع الفاجره دي
يوسف :ملك امريكيه يعني لا انا ولا عشره من اشكالي يقدر يخد منها حق ولا باطل
نوره : ماليش دعوه عاوزه ابننا
يوسف : ابننا مالك انتي وماله ؟؟
نوره تتنحنح من الارتباك : ده منك ياعمري وعاوزه
يوسف : ياعمري انت
نوره بدلع غبي : هااا اتصرف
يوسف بسخريه لاذعه : طيب هو فى بطنها ايه رايك نشق بطنها ونطلعه
نوره بصوت عالي كل اللي فى المطعم انتبه لها : يوسف انت بتتريق عليا
يوسف ميت من الاحراج : حاضر حبيبتي حاضر
.....
في الشارع
ملك : يا الله بجد متغير
هدى : خليه يتحرق انت لسه بتفكري فيه
ملك : شفتي ازاي بصلي
هدى : و البطه هى دي بقي نوره
ملك: اه هي
هدي :اخيه
ملك : انا بسالك شفتي عيونه ازاي حاقد عليا
هدي : يمكن مش عليك
ملك : انت ليه مش عاوزه تقوليلي انك شفتي نظرات الحقد اللي بعيونه
هدى : ملك ياقلبي احنا ما صدقنا ننسى موضوعه خلاص كأنك ولا شفتيه من اساسه
ملك : اااااااه
هدى : مالك
ملك صرخت من القهر
..........................................
في المسجد في القاهره
محمد : السلام عليكم ياشيخ
الشيخ : وعليكم السلام
محمد : انا ياشيخ عاوز اتعلم تجويد القران واحفظه اروح فين؟؟
الشيخ : بارك الله فيك ..انا ادلك ان شاءالله على المكان الصحيح بس انت جديد بالمنطقه صح
محمد : هه...... جديد لا والله مش جديد لكن انا كنت ضايع وربنا هداني وان شاءالله يسهل لي اللي نويت عليه
الشيخ : اسال الله لك الثبات وكثر الله من امثالك .. انا اسمي عبدالرحمن وبيتي قريب من هنا تعال معايا عندى محاضره بمجلسي .. احضرها وان شاءالله نعاون بعض
محمد : ربنا يكرمك .. انا مش عارف اقولك ايه؟؟؟
 عبدالرحمن : تعال ياراجل ولا تقول ولا تعيد احنا نفرح بامثالك
محمد : الله يفرحك بالشهاده
الشيخ  عبد الرحمن : اجمعين ان شاءالله
وراح معاه محمد ومن يومها وهم اصدقاء ومتلازمين
عرف محمد طريق ربه واتغير وبقي بار بابوه وامه واخته واتغير حاله من الضياع
وخديجه وحفصه كانوا فرحانيين بمحمد و احمد كان مبسوط على الحال الجديد لابنه
اخد محمد ابوه واجر بيت قريب من بيت يوسف علشان مايتقلش على اخوه وطلب من الشغل انهم ينقلوه وفعلا بواسطة الشيخ عبد الرحمن نقل وبقي قريب من امه عشان لو حب يشوفها يجلها في بيت خديجه او يخدها لبيته
.........
بعد شهر العسل
رجع يوسف ونوره القاهره وكانت نوره شاريه امريكا كأنها عمرها ما عملت شوبنج بعمرها وكان وزنها زايد من كتر الاكل بالمطاعم .. راحت بيتها ولقت امها واخواتها وابوها محتلين البيت اللي بقي بيت امها طبعا .. وحاطين حفصه فوق السطوح اللي في البيت.. حتى ان اخوها صبحي سألها اذا كانت عاوزه تعيش فيه لانه استغرب ان محاسن قالت دي رغبة ام يوسف .. فقالت ام يوسف أي مكان فيه يوسف هتفضل حتي لو كان عشه ..
سلمت نوره على امها واخواتها وعلى ابوها
وكذلك يوسف
ولا سال عن احد
دخلت حفصه علشان تسلم عليهم : حمدلله على السلامه يا بني
يوسف بحتقار: ايه ده انت لسه هنا انا بحسب انك روحتى مع ابنك
محاسن : عيب الكلام ده يا يوسف .. بدال ما تسلم عليها تقولها كدا
حفضه بدموع واقفه في عيونها: ده برضو جزأي يايوسف .. وانا اتحملت الويل عشانك
يوسف : روحي عند ابنك وخلصيني
صبحي : انت من كل عقلك تطرد اختى من بيتها
نوره : ابااه ماتدخلش بينهم انت
صبحي زعقلها : ربنا يعفرتك انت وهو ازاي يطرد امه يابت
محاسن : ونوره معاها حق .. متدخلش يابو نوره .. وبعدين ده بيتي انا لابيته ولابيت امه
صبحي بندهاش : ازاي ؟؟
محاسن : ده هدية نسيبي يوم جوزته من نوره .. وانا من فضلي سايبه اختك تقعد معانا ولولاك انت كنت طردتها لكن احترام ليك انت
صبحي بزعيق : يلعن ابو الاحترام اللي تعرفيه ام يوسف طول عمرها بتعاملك زي اختها وده يبقي جزأها .. تقعديها في السطوح .. واخرتها تطردوها ..
محاسن: واذا مش عاجبها السطح تروح بيت ابنها التاني انا مش عارفه هي قاعده هنا ليه ..
صبحي لف علي يوسف: وانت زي الاهطل واقف تسمع اهانة امك وساكت
يوسف : هي الي جابته لروحها ياخالي
صبحي بنفعال: خلل يخل عقلك وما يركبه جنبك والله لو اعرف انك عاق بامك ماكنت جوزتك بنتي ولاحطيت ايدي بايدك يانجس
نوره :اباااه والله لو ما اخدتش يوسف كنت مت انت بتقوله ايه
صبحي : ياريتك تموتي واخلص منك .. اسمعوا كلكم اختي ليها البيت واللي مش عاجبه يغور
محاسن : هههههههههه البيت بيت ابونا والغرب يطردونا
صبحي قلع الحزام وضرب محاسن وهو بيقول : منين البيت كان من عندك ابوك يابنت حمدان الي كان شحات
وقف يوسف بين خاله وبين محاسن : لا ياخالي مش كدا كله من الحربايه امي ما تغوري عند ابنك وخلصينا
صبحي مسكه من هدومه : اه ياكلب >> وضرب يوسف
محاسن : انت عمال تهددني في بيتي اللي مش عاجبه يطلع برى
صبحي : بتطرديني انا والله ماابقي صبحي ان ما وريتك .. وانتي طالق وتحرمي عليا زي ماتحرم عليا ام يوسف
رنا : لايبه .. لا
صبحي : يله انتم امشو والله ما اسيبكم مع الكلبه دي
واخد صبحي بناته وطلع لبيته وساب محاسن مع يوسف ونوره
.....

          
في العربيه
صبحي عمال يكلم نفسه : ابدا .. ده مش يوسف ايه الي بدله كدا ودهوله
رنا : ابااه عاوزه اقولك حاجه
صبحي : رنا انا مش عاوز اسمع حاجه فالموضوع دلوقت
رناد : لا يبه مش موضوع طلاقك من امي يبه امي .. مسكينه اغراها ان ليها بيت وضحك عليها الشيطان
صبحي : الشيطان مايضحكش على امك امك تضحك على ابو الشيطان
رنا : انا سمعت امي
صبحي قاطعها: خلاص .. مش عاوز اسمع اكتمي
وسكت رنا لما شافت حالت ابوها وعصبيته
...................قصص منه محمد كاتب........
في بيت محمد
طلعت حفصه من البيت وراحت سكنت عند محمد
احمد : طردك ؟؟!! الله يلعنه
حفصه وقلبها يتقطع من البكي : عقله مش فيه وماتدعيش علي ضنايا
احمد : قلنا لك تعالي هنا لكن انتي عنيده
حفصه : انا عاوزه اكون جنبه علشانه هو
احمد : واهو طردك تستاهلي
محمد : ربنا يهديك يا ابااه متقولش لامي كدا وانت شايف حالتها
احمد : ده طور ودبحنا .... هي اللي جابته لنفسها
حفصه : الله يلعنك يا ملك سحرت لـ ابني وراحت راحت روحها
محمد : يمه بالعقل كدا ملك تسحره وتسيبه يحب نوره اللي ما كانش بيطيقها .. ويكتب بيته باسمها واسم امها اللي كان مش بيحب سيرتها اصلن انا وعلى شري كنت بحب محاسن اكتر منه .. لا يا قلبي إن كان في ابنك عله فمحاسن وبنتها سببها
حفصه : لا ملك...... لأنه قبل ما ياخد نوره وهو كدا ومحاسن وبنتها استغلوا عقله الناقص وعرفوا يخلوه يحبهم ويخلوه في صفهم
محمد : الله !!!
احمد : لا ما اعتقدش فيه سحر ولا حاجه هو كره الحياه وده من الصدمه النفسه اللي قال عنها الدكتور .. وسبحان الله يمكن الصدمه النفسيه اللي رفضت اخليه يتعالج منها عند دكتور المجانين عملت فيه كدا
محمد : حللها الدكتور احمد الجاسر ههههههههههه
احمد : ههههههههههه ولد انا دكتور غصب عن أمك دي الي عماله تعيط
محمد : المهم يا غاليه انت في بيت ابنك وربنا يسهل الأمور
.............
كانت حاله يوسف تسوء وجسمه عمال يضعف من السحر وشهيته للأكل تقل وصداع شديد في راسه وكان بيسهر كتير وصدره دايما مخنوق ومع كل الدوشه دي كان في شغف ومحبة زائده لنوره.
الرغبة الشديدة في كثرة الجماع . معاها وكان ما يصبرش تبعد عنه
ويتلهف كتير لشوفتها والود وده ما تغيبش عنه ولا ثانيه وكانت
طاعته ليها طاعة عمياء..
في بيت يوسف
نوره : انت لسه نايم قوم
يوسف : مالك بس يا حبيبتي انا ما نمتش الا الصبح
نوره زعقت: ودلوقت بقينا الظهر كفاية قوم
يوسف : يا روحي بس انام شوي تعبان جدا
نوره : راحت روحك ان شاءالله فين الي ناوي يروح الشغل
يوسف :الشغل .. هااا .. هو النهارده
نوره : اه يا سي يوسف النهارده لكن انا عارفه انك كذاب اكيد طردوك صح ولا ايه
يوسف : بصراحه .. انا اللي سبتهم .. حاسس ان روحي بتطلع لما بشوف حد في الشركه
انا مرتاح كدا ياعمري
نوره: لا والله.. احلف كدا ..ومنين نصرف ياعَمر..
يوسف : لا متخافيش انا عندي فلوس شايلهم لوقت الضيق هدهملك وانتي اتصرفي
نوره : انا اخدتك على انك دكتور ودلوقت بقيت عاطل في وشي .. حظي مال
يوسف حضنها و يبوسها : ليه ماله حظك مش اهم حاجه احنا مع بعض
نوره زقته بأهانه : غور من وشي.. من يومك مع عيون الشيطان حتى شكلك كان غير ومركز وحالك حاله ودلوقت كأنك راجل كهنه لا ومن غير وظيفه .. انا ليه حظي كدا ياربي
يوسف : طيب متضيقيش ياقلبي عاوزاني اعملك ايه وانا حاضر
نوره : تقوم تلف تدور علي شغل .. مش عاوزه اشوف وشك الا ومعاك وظيفه ومهمه كمان
يوسف بوهن: انام شوي وبعدين ادور
نوره : لا ما تنامش قوم يله اوف كرهتك يااخي
يوسف : لا لامتقوليش كدا انا ما تحملش انك تزعلي مني انتي اهلي كلهم
نوره :ربنا ياخدك وياخد اهلك اللي ماشفت منهم خير
طلع يوسف يدور على شغل حسب أوامر نوره وهي فضلت تندب حظها مش ده يوسف اللي حبته وكانت طمعانه فيه وكانت دي المرة الثالثة اللي يوسف يطلع فيها من شغله خلال الثلاث أشهر الاخيره بس الي اللي مبرد صدرها انها قدرت تذله وتخليه خادم واقل عندها .. وده الي من الاول سَعت له انه يوصل لكدا.. وفرقت بينه وبين ملك وطردت خديجه واهانتها وطردت عمتها وقدام نفسها ذلتهم كلهم عرض أقل




                          الفصل الثامن عشر من هنا
          


تعديل المقال
الأقسام

مقالات قد تهمك

تعليقات



    حجم الخط
    +
    16
    -
    تباعد السطور
    +
    2
    -