ياتري لو نمت وصحيت ولقيت نفسك فقدت اهلك بين ليله وضحاها واصبحت وحيد في ليالي البرد لدرجه شعرت ان الحزن صديقك الصدوق سوف يقتلك الفراق وتسأم الحياه
بل سوف تعجز عن وصفه فالفراق نار ليس لها حدود لكن الاصعب من كل هذا هو الشخص الذي يصبح من دمك وتجد نفسك في امس الحاجه اليه لكنه في اصعب المواقف يخذلك بل يعطيك ظهره يرفض يمد قبضة يده يشدك لبر الامان بل تكتشف انه يهوي بيك للقاع ويفتخر بالذنب اتجاهك وكأنك لم تكن من دمه قصتي من الواقع تتحدث او تحكي عدم الرحمه بكل تفاصلها بل والجهر بها الروايا تحمل بين السطورالمثل الشهير الأقارب عقارب وسم الأقارب عقارب فاحذرهم.!!!!!

رومانسيه_كوميديه_انتقام_ثأر
الأحداث في امريكا
رواية اختلطت بها مشاعر لإنسانه لقت نفسها بتدفع ثمنا لماضي ليس لها منه شيء سوي اسمها وعائلة لا تعرفها....
روايتي لا تشبه الواقع إلا بحب يشبه بعضة في كل مكان وزمان منذ ولادة الإنسان ...ووجود المشاعر
بنت جمالها عادي شعر اسود طويل ناعم له لمعة توحي بحياته ورونقه ...عيون واسعة ورموش طويلة دقيقة الأنف مكتظة الشفتين عمرها 21 سنه في السنة الثالثة في جامعة واشنطن قسم إدارة الأعمال مقيمه مع والدها المهاجر قبل ولادتها إلي الولايات المتحدة الأمريكية ...
وفي بيت العائلة معاها جدتها مريم والدة أبوها.. أختها الكيبره مني27 سنه واخوها عادل 19سنه
أما والدتها اتوفت أثناء ولدته وهو اخر العنقووود عادل
ولوجود الجدة في البيت الأسرة محافظه علي اللهجة المصريه الاصيله وممنوع منعا باتا أي كلمه باللغة الانجليزية.............
علشان الجدة تفهم كلامهم
علي السفره لفيلا عبد الله رجل الأعمال الي بني نفسه بنفسه من الصفر
الجدة :علي فين كدا مستعجل افطر يابني وبعدين لاحق علي الكليه
عادل: عاوز الحق معاد الكلية اتأخرت يا غاليه !!
الجد: طيب اشرب كوبايه اللبن مش دي الي
هتأخرك اطرد الشيطان واقعد
عادل : علشان خاطرك ها (وشرب الحليب بسرعة) أح أح لسعت بؤقي الله يهديك ياجدة ما قلتليش ليه بس انها سخنه
الجده:انت الي متسربع يابني الدنيا مش طايرة
عبد الله :سبيه يا امي ده لو سَاب طبعة يموت ....دايما ينام متأخر بعدين يصحا يسابق نفسه مشعارف امتى يتعدل ويعرف قيمة الوقت
عادل قام بسرعه: يله مع السلامة ......... ومتتكلموش عليا في ضهري ماشي
الجدة: ولد !!! هههههههههههههههه
عبد الله ابتسم : في امان الله ....( بصوت عالي ) بلاش تسوق بسرعه خالي بالك من الطريق
نزلت ملك من فوق وهي بتربط شعرها على فوق وبنظره عابرة قالت : صباح الخير ياحبي (ورمت لهم بوسة في الهواء)
عبد الله : مالك انتي كمان يله تعالي افطري
ملك وهي مستعجلة : عالجامعة ... عالجامعة ... مع السلامة اتأخرت
ركبت عربيتها .. وفاتت أخدت صديقاتها...هدى (الكويتية ) و أمل ( البحرينية)
مغتربات للدراسة
ملك بتحب العرب وبتحس بالانتماء ليهم غير صديقاتها الأجانب اللي كلامها معاهم قليل جدا لدرجة ان اللي ما يعرفهاش ميصدقش انها من ولادتها موجودة في أمريكا وما شافتش القاهره ولا مره
أمل: امبارح مستر جوزيف اتخانق مع جون وطرده برا المحاضره
هدى : اه يا رتني كنت موجوده كان نفسي اشوف جون وهو بيتهزأ
أمل : احلمي.. حبيبتي جوزيف اه مسح بكرامة جون القاع بس ولا هز له شعره
ملك بستغراب: وجون اعد ساكت معقوله ماقالش حاجه
امل: اه والله ... اصل قوة شخصية جوزيف وصوته العالي خلا جون ينكتم وبلم ومحطش منطق وطلع من غير ولا كلمه شبه الكلب يمااااااااااااااااه انا في مكاني مت
ملك بحيره: انا مشعارفه جوزيف ده علي ايه
شايف نفسه
هدى: لو كنت مكان جون هي خربانه خربانه كنت بالكتاب ارزعه على بؤه وكسرهو له ..ولا مسخرة الطلبة عليا
ملك : انا بكرهههه.... ده حتي حته دكتور ماجستير وشايف نفسه مفكر نفسة دكتور هو ونظارته كأنه اراجوز
أمل : بالعكس ده محترم معرفش ليه بتكرهيه كدا
ملك : بجد... بتسألي طب جربي متعرفيش سؤال من أسألته السخيفة وشوفي رد فعله ووقتها و هتعرفي ليه انا بكرهه
أمل: بس انتي يا ملك شاطره ومفيش سبب تكرهيه علشانه
ملك : شايف نفسه مغروور على ايه معرفش
أمل : بالعكس انا شيفاه العكس
هدى : اه عشان بيبصلك ........... وبيسأل عنك ........ ......ههههههههههه
ملك: خير خير ....... انزلوا وصلنا ياشله الغجر
الجميع :ههههههههههههه ههههههههههههههههههه
.................
في البيت
عبد الله : ها يا امي عاوزه حاجه قبل ما اخرج ؟؟!!
الجدة : سلامتك ياضنايا ........ ويبعد عنك كل شر
باسها على راسها وطلع
الجدة ااعدت تستغفر ربها وهي بتفكر وتقول في قرارة نفسها ... آه يا امريكا كلك كدا متعوضيش قلبي عن بيتي الشعبي اللي في حارتي...... يالله خمس وعشرين سنه عدو ... ولا شميت ريحة ترابك ...ولا شفت ملامح حد من اهلي .. مفيش غير الوشوش الباردة اللي متعوضنيش اهلي وناسي الله يجازيك يا أحمد يوم لما .. ( وتقطع افكارها بصوت مني بنت ابنها الكبيره )
مني :صباح الخير يا وش الخير
الجده : اهلا يابنتي امتى جيتى هنا .. ماشفتكيش
مني : من وقت وانا هنا بس انتي الي مش هنا
الجدة بحزن: متأخذنيش يا بنتي
مني بخبث: وانتي كنتي بتفكري في ايه ؟؟؟ وفين سرحانة بس اوعي يكون في مارك ابن جيرانا ههههههههه
الجده حركت العكاز لتخويف مني: بنت!!!
مني : ههههههههههه والله ياجدتي اللي يشوفك يقول عاشقه
الجده : يا بنت هقوم عليك .. واخلى خالد يشوفك بالالوان ان ما احترمتي نفسك
مني : لالا خلاص اهدي يا جده واستهدي كدا بالله و مسكت طرف العكاز المرفوع )
الجدة: اعوذ بالله منك يا شيطان .... ااعدي افطري
مني : طبعا هقعد ده انا امبارح نمت من غير عشي
الجدة : كدا سمي ... بس
مني بهزار: امال فين صاحبك ؟؟
الجدة : لا انتي النهارده صاحية رايقة .. مين صاحبي دول كمان
مني : هههههههههههههه اقصد بابا وعادل الي دايما مهوش
الجدة: اهاااا راحوا يمارسو حياتهم .... الا انتي ماعندكيش شغل ؟؟؟
مني كشرت: اقوم ... يعني ما فطرش
الجدة: لا... اقعدي انا بس اسألك
مني : يوووووو يا جدتي ولا كأنها عاشت بامريكا 25 سنه قولي Ask you
الجدة: ايه ..ماعلينا ماعندكيش شغل ولا اخليهم يعملولنا قهوه وتقرفيني واحنا بنشربها سوي
مني : كمان اقرفك ..مش أونسك وارغي معاك طيب امدحي فيا شوي والا والله العظيم اخلق شغل من تحت الارض واروح واسيبك
الجدة: عارفه يامني ان ونستي بالدنيا انكم احفادي..( قامت الجده واقفت وعيون مني تتابعها ) خلاص هقوم امشي رجلي واطلب منهم يعملولنا قهوه بعد ما تفطري علشان تقري لي من القصيده اللي ترد الروح
مني بضحكه : من عيوني ...ياعيوني بس افطر و مستعده ابقي ليك قصيده
الجدة ببتسامه: ياقصيدة عمري انت
مني :ايوه كدا الكلام ده يخليني شاعرة حالا
الجدة : هههههههههههههههههههه لا لا مش قوي كدا بس افطري انتم يا جيل يس ونو ايه فهمكم بالشعر
مني : ماشي يا جدتي قولي كل الي يعجبك
...........................
في الجامعة
دخلو البنات القاعة .. مع باقي زملائهم وقعدو ينتظرو الدكتور جوزيف
ثانيه دخل طالب اسمه سام ... ونادى ملك خارج القاعة ...... ملك اول ما شافته غطت وشها بأيدها وضحكت وقالت : اووووه نسيت كتاب الاهبل ده اقوله ايه؟؟
هدى: خاليه يتحرق ولا يجي جوزيف وينسيك
اسمك واسم اهلك
ملك : مااقدرش اطنشه عاوزه اطلع اتفاهم معاه قبل ما يجي جوزيف
أمل : ما تتأخريش ليجي ابو لهب ويحرقك بلسانه
ملك : لا مش هتأخر
طلعت ملك وفاضل على المحاضرة خمس دقايق
(أعزائي القراء الكلام مترجم باللغة العربية الفصحى )
سام : اهلا موكا
ملك : مرحبا سام
سام : اين انت لم اركِ منذ اسبوع
ملك بستغراب: انا انني لم اتغيب يوم واحد
سام : على العموم اريد الكتاب الذي بحوزتك إذا كنت قد انتهيتي من قراءته
ملك : أسفه نسيته اليوم ولكن سأحضره غدا
سام : ولكن لا تنسيه غدا
ملك : اوكيه حبي
سام الابتسامة ماليه وشه : هل انا حبيبك هههههههه اذا متى نتزوج يا جميلة
في هذة اللحظة مر الأستاذ جوزيف للقاعه .. وشافته ملك
ملك وهي مشغوله بدخول الدكتور ومشعارفه تقوله ايه بلعت ريقها : بعد انتهاء المحاضرة يا سام قد دخل الآن الدكتور
سام بصوت عالي: بعد المحاضرة إما الكتاب أو الزواج ههههههههههههه
دكتور جوزيف : صباح الخير
الجميع : صباح الخير مستر (بأصوات منخفضة ومتفرقة )
دخلت ملك في نفس اللحظة
ملك : ممكن ان ادخل
الدكتور جوزيف :لا
ملك : ولكن انا جئت قبل مجيأك حتي انظر هذه اغرضي على الكرسي وخرجت لشأن ما!!
د جوزيف : لا ابقي في الخارج لما هو اهم ... فموعد زواجك اهم من المحاضره
الجميع:ههههههههههههههههههه
ملك وعيونها مليانه غضب :احترم نفسك!!!!
دكتور جوزيف بغضب: ابقي انتي على احترامك واخرجي
ملك محرجة من زملائها وبقمة زعلها : أنت سخيف
دكتور جوزيف وبصوته العميق اللي يدل على رجوله مفعمه وبرود غير مبالاه بغضب ملك:لا تتكلمي بهذه الطريقة ياانسة وإلا لن تحضري من محاضرتي بعد اليوم
ملك : ومن قال لك اني سوف احضر ( وبالمصري قالت: هه مسكين )
التفت جوزيف لباقي الطلبه اللي بدؤ الهمس بينهم والتعليقات من تحت لتحت وقال بصوت عالي : من اراد منكم ان يتبعها فاليتفضل ( وشاور بأيده على الباب)
قامت هدى وأمل على طول وطلعوا برى
هدى بغضب وعصبيه: وايضا نحن لن نحضر محاضراتك
........
في الممر بالجامعة
ملك وقفت تبكي بحرقة
هدى : اخص عليك بتعيطي من ده يكش يتحرق هو واهله انسي الحكايه
امل: سخيف والله ومحتاج وهو بيزعق فيكي نأكله تبن
ملك تعيط وتشهق: ماهمنيش كلامه هو هه هه بس اتحرجت قدام الكلاس
هدى : احلفى والله يابنتي احنا خلناه ميسواش
نص فرنك خلاص بقي فكيها
أمل : خلاص بقي يا ملوكه متقلبهاش دراما عاوزين ننسى خلينا نتونس شوفي حتى احنا طلعنا مش هنحضر محاضراته اليهودي ده
ملك : وانتم ايه ذنبكم معايا
هدى: أول هام انتي مش غلطانة علشان يكون ليك ذنب .. وتاني هام الصديق وقت التهزيق هههههههه
الكل : ههههههههههههههههههه
سام جه لما شاف ملك وشلتها
أمل شافته من بعيد مقرب عليهم وقالت وهي تلوي شفايفها: ييي الغتت
لفو كلهم عليه
هدى :رخم !!!
سام : مرحبا ياجميلات ( مترجم )
هدى بالعربي قالت لا اهلا ولا مرحبا وقالت من تحت ضرسها:ههههههه هاي
أمل: اهلا يا خويا
ملك دارت وشها الناحيه علشان ما يشوفش وشها ويعرف انها بكت
سام: ماذا حدث ملك؟ لماذا تذهبي بوجهك الجهة الأخرى؟ هل حدث مني ما يغضبك؟
أمل : ملك متعبه قليلا تستطيع التحدث إليها مره آخري
هدى: آه سام بخصوص الكتاب انا سأحضره لك غدا هذا وعد مني
سام : لا لا الكتاب ليس مهما الاهم جميلتي هل هي بخير ؟؟
أمل باعك الموت : انها بخير ولكن متضايقة قليلا
سام : من الذي تجرأ على مضايقتها؟؟
هدى لـ امل: يعني لو حكتله الي حصل مش احسن ها......
أمل : هنعمل ايه ربنا ياخده ده لزقه يا ساتر
هدى : هيه سام اذهب أنت الآن لدينا بعض الأمور يجب أن نقضيها
سام وكأنه فهم : هااااه اوكيه أتمني أن أراك دائما بخير يا جميلتي
هدى : قطيعه
في نفس اللحظة مر الدكتور جوزيف من جنب البنات ولا اهتم او التفت لهم
هدى : مصيبة تجيله وتحط عليه المغرور ده
ملك : هدى ده انسان عديم الدم
أمل: بس ليكون بيفهم كلامكم
هدى : يفهم منين ده شكله ابن حرام مصفي
هنا التفت وعطاها نظره خلتها تغوص في هدومها وحست انه فهم بس متكلمش وعطاها نظره تانيه وكمل طريقه
أمل: يمااااااااااااااه والله فهم ... اقسم بالله فهم
هدى : اسكتي شكله هيروح يعمل عليا تعويذه ويسخطني قرد
ملك كشرت : يفهم منين اليهودي ده بس اسكتي انتي وهي
أمل : لا انت ماشفتيش عيونه ازاي بتطلع نار مكنتيش قلتي كدا
هدى : لا يكون بيعرف مصري وإحنا طايحين فيه شتيمه
ملك: ما أعتقدش لا شكله و لهجته بتقول انه أمريكي أمريكي ..يعني لو من الشله كان زلف بحرف بكلمه وانتوا خبره وتلقطوها بس بيفهم مصري لا مستحييييييييييييييييل
أمل وهدى: يمكن
...................في البيت
مني قاعدة تشرب القهوه مع جدتها وتقرأ لها شعر ( اللي اتعلمت قرأت العربي واجادته علشان
خاطر جدتها بس)
مني ويقول الشاعر :أحرقـي في غُربتي سفـني ا لاَ نّـني أقصيتُ عنْ أهلي وعن وطني وجَرعتُ كأسَ الذُّلِّ والمِحَـنِ وتناهبَـتْ قلـبي الشجـونُ فذُبتُ من شجَـني ا لا نني أبحَـرتُ رغـمَ الرّيـحِ
الجدة: الريح..... يسلم لسانك والي قال الكلام ده اللي يرد الروح الي لما سمعته حسيت اني رجعت بلدي وسرحت الجدة نفسي ارجع اشم ترابها قبل ما أموت واندفن هناك مليت من الغربه حاسه ان عظامي جمدت منها ) وبكت
مني بخوف : تيته... وبعدين معاك كل ماقريت لك الشعرده تعملي كدا والله احرم ومش هقرالك تاني ولا كلمه
( وتقرب منها وتحضنها)
الجدة : خلاص يا بنتي بس مش بأيدي غصب عني والله
مني بعدت شوي علشان تشوف جدتها : يبقي خلاص الشعر ده ننساه ولانجيب سيرته
الجدة: لا يابنتي انتو علشان مولودين هنا مش عارفين قيمته ده هو سلوتي ودي يابنتي خنقه وتروح (وتمسح دموعها بكفها) وتضحك وتقول بصوت واطي والله انا قويه والا ماكنت صبرت كدا
مني :ربنا ما يحرمني من الضحكة دي يا مريم
الجدة بصتلها وابتسمت
مني :عاوزه منك وعد انك ماتبكيش قدامي بجد انا بتحطم
الجده: ما اقدرش تتحطمي ولا حتي بمزاجك ( وتضحك)
مني:كدا شوفي مين بقي اللي هيقرا لك وخليني اعناد ها ( وتبعد عن جدتها وتلف ظهرها)
الجدة تضربها ضربات خفيفه على ظهرها لحد ما بصتلها وقالت: عندي ابني ربنا ما يحرمني منه
يقرالي ياختي
مني : بقي كدا انا زعلت( ومطت شفايفها تمثل الزعل
الجدة : منمون ياعمري انتي عارفه ان مريم متقدرش على زعلك انت غالية وانا بهزر معاك انتي الخير والبركه
مني باست خدها: وانا مش عاوزه اشوفك بتعيطي تاني اتفقنا
الجدة : اتفقنا بس انتي كل يوم تقريلي وترضيني
مني حطت أيدها على راسها: ياويلييييييييي منك يا مريم
.....................بعد الظهر
رجعت ملك للبيت ... وكان باين عليها إن نفسيتها مش رايقه من اللي حصل بالكلية الصبح هي حساسة جدا وكله بيبان علي وشها حتى لو الموقف له فتره لحد ما يتصلح لصالحها
لقت أبوها ومني قاعدين مستنينها هي وعادل علشان متعودين يتغدو مع بعض يومين من كل اسبوع لان اليومين دول معندهمش محاضرات لوقت متأخر
ملك: السلام عليكم
الجميع : وعليكم السلام
عبد الله:يله يا ملوكه.. غيري بسرعه على مايوصل عادل انا اليوم ...........(قاطعته ملك)
ملك: لا يا بابا اتغدوا انتم انا حاسه اني تعبانه
وغير كدا ماليش نفس
في دخله الجدة : ملك ازاي مالكيش نفس دول هما حته يومين اللي بنتجمع فيهم علي الغدا ( تقرب الجدة اللي لاحظت وش ملك بصتلها من قرب )وقالت ملك مالها عيونك انتي معيطه
ملك بتفاجئ:هه
ملك تلف بسرعه عنها: لا ياحياتي ليه هعيط ومين ده الي يتجرء اصلن يعيطني
عبدالله قام ويبص في عيونها وهي تنزل عيونها تحت وقال : ملك بوصيلي
ملك بزهق :يوووه انتم مالكم انا طبيعيه وزي الفل بس نعسَانه وعاوزه نام علشان كدا يمكن عيوني تعبانه شوي
الجدة: هو انا غشيمه يعني انتي معيطه
مني : اعترفي بسرعه خلاص لحظو ومفيش منها مفر
ملك : مني بجد مش وقتك ..
عبد الله: ياجماعة سبوها مصيرها هتقول
ملك : يله عن اذنكم ( وطلعت وهي بتقول في نفسها اقول ايه بس يا بابا اني اتهزئت واتمسح بكرامتي البلاط مش قايلة)
الجدة: بنتي وانا اعرفها فيها حاجه
مني : قلبتها دراما يا مريم يا بنت فرج
الجدة : اكتمي .. النهارده اخدتي عليا اوي
ضحك الكل ... الجدة اعدت لكن مشغوله بحاله ملك
**************************************
رجع جوزيف لشقته المتواضعة اللي بيشاركه
فيها زميله وكان باين عليه انه متضايق
صديق جوزيف : يوسف مالك كدا خلقتك مقلوبه (((يوسف أو جوزيف زي ماكل الطلاب والطالبات يعرفه بالجامعة هو طالب مصري في مرحلة الدكتوراه عمره 30 سنه
طويل اسمر والسمار ده يوحي بأنه يوناني أو ايطالي له شارب خفيف شوي عيونه واسعة ودي بتميزه جدا لأنها جميله ورموشه كثيفة وطويلة أما حواجبه كثيفة بس مرسومه انفه طويل بجمال شفايفه رقيقة لونها غامق من التدخين ...جسمه رياضي اكتاف عريضة شعره كثيف وناعم واصل لحد آخر رقبته مشيته ليها هيبه بس علي طول مكشر و نادر لما يتكلم بلهجات عديدة وبيجيدها كلها وخصوصا الامريكيه........ أصدقاءه
خارج الجامعة ومالهوش علاقات داخل الجامعة إلا مع الدكاترة الكبار بحكم الدراسة
يوسف: انا بخير
سمير:لالالالاه..صدقتك أنا كدا
يوسف : سمير انا راجع تعبان ماليش نفس أتكلم في اي حاجه
سمير:وأنا ايه ذنبي يا جدع وانا الي مستنيك عشان نتغدى ... وجاي شكلك يقطع الخلف
يوسف: اتغدى انت انا ماليش نفس وقام رايح غرفته
سمير صرخ: تعال انت يابني انا بنادي علي مين ده حياة لمن تنادي وهيتغدي سمير لوحده وفضل يشتم في جوزيف
طل يوسف براسه من باب الغرفه : سمسم صحيني الساعة سته
سمير بغيظ: والله لأخليك نايم نومه أهل الكهف انا مرزوع مستنيك والغدا برد وجلد وانت عاوز تنام ....شوف بقي مين اللي بيصحيك يا غلس .... ولا كنت مراتك انا
يوسف : بطل رخامه وابقي شوف ايه الي هعمله
فيك لو مصحتنيش
سمير بخبث : كل خير انشاء الله انت بس نام
يوسف بوعيد: سمير اعملها وشوف
سمير ياكل ويبرطم : كل يوم والتاني متخانق مع طللابه المساكين وجاي متعصب كمان فعلا احمق دكتور اتولد علي وجه البشريه..........................
يوسف دخل اوضته وفي سريره قاعد يدخن ويفكر بالموقف .... ويكلم نفسه ..انا ليه اتنرفزت علي البنت كدا و أنا ايه دخلني أذا قالت لسام يا حبي ولا انشالله ما قالت اوووووف استغفر الله يا رب..... أنا بكره أقولها تدخل المحاضرة و........لا لا ايه أقولها تدخل دي خليها تتأدب أصلن هي دلوعة وسخيفة أووووووووووووووف لا انا أنام أحسن علشان الحق اجيب الكتب اللي ناقصة ( قال أخر كلمتين وطفى السجاره ويغطي راسه علشان ينام )
...............
في بيت عبدالله الجاسر
صحت ملك في وقت متاخر
نزلت الصاله مالقتش حد راحت فتحت التلفزيون وقعدت ... لمحت الخادمه ونادتها
ليزا ... ليزا
ليزا: نأم (يعني تتكلم عربي مكسر)
ملك: اريد ان ااكل انا جائعة جدا ((مترجم))
ليز :من ايوني مس ملك
ملك: من ايوني هههههههههه دي اللي بوظت جدتي
طلعت الجده من غرفتها : انتي صحيتي يا حبيبتي
ملك :هااا تيته أنت لسه صاحية وانا اقول النور ده هل منين
الجده : جعانه يا ضنايا
ملك ببتسامه ناعمه : شوي مش كتير
الجدة : قلتي لهم يعملولك لقمه
ملك: اه يا حياتي
سابت الجده ملك تاكل وهي بصلها وتقول في نفسها( اه يا ملك حالا كبرتي وبقيتي تخبي عني مشاكلك وانا اللي ربيتك من وانتي بيبي)
ملك قطعت افكارها : تيته شاركيني وتعالي كولي معايا
الجده : بالهنا و بالعافيه يا حبيبتي
بعد ما خلصت ملك من الاكل قامت الجدة وقربت منها ومسحت على شعرها ... وقالت بكل حنان: ها قولي لجدتك حبيبتك مين الي كان مزعلك النهارده
ملك بخجل : والله ياتيته مافيش شئ يستاهل
الجدة : لا بقي انا مصممه اعرف ولا خلاص كبرتي عليا
ملك: ما عاش اللي يكبر عليك (وحكت لجدتها اللي حصل بالتفصيل)
الجده بأنفعال: ده دكتور عاوز يدرسلكم ولا ناوي يطفشكم والله لقولك لـ ابوكي عشان يروح ويأدبه ولد ابليس صحيح
ملك كشرت: اهااا علشان كد ا ماكنتش عاوزه اقولك انا مش عاوزه بابا يتدخل لانه شئ ما يستاهلش
الجده : ازاي يعني ميستهلش يخليك تعيطي وتقولي ميستهلش لا لازم نربيه قليل الادب ده
ملك: لا ياتيته بجد هزعل منك ومستحيل اقولك حاجه تاني اوعديني يا تيته متقوليش لبابا
الجدة: خللاص
ملك:قولي وعد
الجدة:قلت خلاص بس شوفي الفيلم لا يفوت
