رواية انقذوني من هذه العائله
الفصل الثاني2
بقلم منه محمد
ملك بتحذير: جدتي ده سر بينا انا مش عاوزه مشاكل
الجدة: مفيش مشاكل انشا ء الله
ملك: وبابا
الجدة: قلت لك مش هقوله خلاص ......وفي نفسها تقول والله لعرفه علشان يربيه))
الجدة مريم ما بتتحملش على ولاد ابنها أي خدش لأنهم اتربوا بحضنها أيتام بدون أم وبقت لهم الأم والجدة والمربية والصديقة علشان كدا اول واحده بتحس بهمومهم
ملك : الحمد لله
في ساعة متأخره من الليل وصل عبدالله بعد عشاء عمل طويل ويوم مرهق دخل البيت لكن مشافش امه زي العاده قاعده منتظراه خمن لانه اتأخر غير كل يوم دخل وفك الكرافته بس سمع صوت من ورآه
.......: كان ورآك ايه وليه اتأخرت كدا؟؟؟
لف بسرعة لقاها أمه اللي ما قدرتش تنام من حرقتها على الموقف اللي قلته لها بنت ابنها
عبدالله :خير يا حجا ايه الي مسهرك لحد دلوقت
الجدة ابتسمتله : قول السلام الاول
عبدالله : السلام عليكم بس خضتيني مالك حاسه بحاجه تعبانه
الجدة: أنا تمام يا ضنايا بس ملك هي الي فيها
عبدالله: ملك مالها .......وراح يجري مفزوع علي السلم عاوز يشوف بنته مالها!!
الجدة : تعال.... تعال انا هقولك مالها يابني
عبدالله نزل: ماما بنتي فيها ايه؟؟
الجدة : اقعد وانا احكيلك...((وقالت له كل الحكايه ....ووصفت حاله ملك لما اتكسفت وبالغت بالوصف علشان تثير غضب عبدالله
الجده: بقي يعمل في بنتك كدا انت لازم تأدبه وتعرفه قيمته اليهودي ده
عبدالله اتنهد بعمق كأنه انزاح من علي صدره هم : الله يهديك ياغاليه انا قلت حصلها حاجه كبيره
الجده : نعم ..ربنا يعفرته اليهودي ده ازاي ده مش حاجه كبيره البنت يتيمه تتكسف وتنطرد كدا وتقولي شئ مش كبير اخص عليك يا عبدالله اخص
عبدالله: ياحجا مالك حاطه عليا من اول ما دخلت انا و اليهودي يمكن بنتك غلطانه وانتي عشان بتحبيها صدقتيها
الجده بحزم وصرامه:ملك بنتي مش بتكدب وأنت عارف انا بعرف الصادق من الكداب وغير كدا الراجل يهودي ابن يهودي
عبدالله: مين قال
الجدة : انا بقولك هو الي يعمل كدا يعرف الاسلام
عبدالله : ههه هههه وهو منين يعرف أنها يتيمة بس وبعدين يا امي ملك مش يتيمة وأنت موجوده والله لو أمها عايشه ماكانت هتعمل الي انتي بتعمليه
الجد كشرت: عملت ايه؟!
عبدالله ضحك: سهرانه تاكلي في نفسك وهي نايمه وولا علي بالها وصحتك على قدك وبعدين هي تستاهل عشان تتأخر عن المحاضرة وهي عارفه وفاهمه الأمريكان عندهم الوقت من دهب مش زينا احنا ا ياعرب كل شئ عادي
الجدة : ده اللي قدرت عليه أنا قلت ابني والله لا يعمل ويعمل وده ردك ياعيني عليك يا ملك يا بنتي ملكيش ضهر ولا سند وعيطت
عبدالله : مالك بس يا امي المواقف ما تتخدش كدا حاضر وانا علشان خاطرك هروح بكره واتفاهم معاه وقام باسها على راسها
الجدة بحده: ايه تتفاهم معاه ده عاوز الي يكسر دماغه
ضحك عبدالله من بساطة امه وحبها لعياله:حاضر يا حبيبتي هكسر دماغه والعن سلسفين اهله وجدوده كمان
الجدة :لما اشوف
عبدالله: يله تصبحي على خير لاني بجد تعبان
وطلع عبد الله لغرفته وبنص السلم التفت لامه : بقولك ايه ياحجا لو مش عاوزه تنامي ومن النجمه تروحي معايا للجامعه وتتفهمي انتي معاه بطريقتك
الجدة بغيظ :والله نفسي ...بس ده سر ملك حلفتني مقولكش
عبد الله ضحك بصوت عالي : وانت عملتي بالوصيه ومقلتليش حاجه
الجدة ابتسمتله : روح يا عبدالله نام لتشوف رد فعل مش هيعجبك
عبدالله : لا وعلي ايه يله تصبحي على خير
الجدة بحنان: وانت منه يا ضنايا
................
في غرفه ملك
الساعة ثلاثة ونص الفجر ملك سهرت تكتب مذكراتها في دفتر خاص بيها
لما بتيجي تكتب الموقف توقف تفتكر الموقف حست انه ظلمها وخلا كل الطلاب تضحك عليها على الرغم إن موقفها ما يستاهلش
بعصبيه : والله لاوريك يا جوزيف ولا هيدي بالي إلا لما اردلك الصاع صاعين ..ده أنا ملك اللي الكل بيحترمها ابقي مسخره كدا والله لا خليك تندم
وبصت لقلمها تقلبه يمين وشمال بغضب وأخيرا كتبت الموقف وبين قوسين كتبت ((العبرة في الي يضحك في الاخر))
....................
في الصباح
راح الكل لطريقه بعد الفطار
وقبل ما يمشي عبد الله غمزت له أمه وقال لها: والله ما ناسي هعمل كل الي طلبتيه حاضر
مني وملك لاحظوا وفضلو يبصو لبعض مني مدت شفايفها ورفعت كتافها يعني معرفش
اما ملك قلبها فضل يدق بسرعه خافت جدتها تكون حكت لـ ابوها الموضوع وفضلت منتظره ماطلعتش الا اخر واحده
لحد ما فض البيت
ملك : ها مريم لا يكون قلتي لبابا حاجه عني
الجدة :عيب عليك سرك في بير ((( وقالت في نفسها ....يارب ابوك يطلع غله منه كله هههه
ملك : الحمد لله طمنتيني خفت لتكوني قولتيله حاجه
الجدة : لاعيب عليك (( من امبارح الموضوع عنده))
سلمت ملك على جدتها وطلعت
.................
في الشركة المصرفية التي بتشتغل فيها مني
عند الباب
السكيورتي: انسه مني المدير يريدك حالا
مني :ماذا اين هو الان
السكيورتي: في غرفة الاجتماعات
دخلت مني على المدير اللي كان متعصب جدا
مني: صباح الخير
المدير : لماذا تأخرتي
مني : لم أتأخر انظر إلي ساعتك من فضلك
المدير: هل راجعتي الحسابات لهذا العام
مني :توم لم ينتهي منها
المدير وهو يصرخ: ولم لم تراجعيها انت ايتها المهمله لقد اختلس توم مبلغ مليون دولار
مني : توم......ولكنه رجل محترم يعمل معنا منذ ثلاث سنوات لم نراى منه شئ لالالا
المدير بصرخه: وتدافعين عنه ايضا من يدري ربما انت مشتركه معه
مني بحزم: ارجوك كن محترم عندما تتحدث الي انا لست بحاجة الي مالك حتى اسرق
لا تنسى ان ابي ثري
المدير بارتباك: أنت مسؤلة أيضا فأنت قد اهملتي عملك ولم تراجعي حسابات الشركة
مني بحده : لا تلقي علي باللوم فأنا أراجع الحسابات عند انتهاء السنة المالية وهو لم يحن إلي الآن
المدير: لا تبرير
مني: ولكن أين توم
المدير: هرب الوغد وسأحملك المسؤولية أمام النيابة
مني:مستر وليم المراجعات الشهرية ليست مهنتي أنا أراجع عند التغفيل فقط وللمرة الأخيرة أحذرك من إلقاء التهم علي وإلا ستندم............وطلعت من مكتبه زعلانه جدا
المدير: لا عذر عندي الكل مسئول
دخلت مني مكتبها بغضب اسود
واتصلت بخطيبها خالد
مني : ألو خالد ألحقني
خالد: مالك وليه صوتك زعلان كدا؟؟
مني بغصبيه:معرفش معرفش ومش فاهمه اي حاجه
خالد: طيب أنتي فين؟؟!!
مني : في الشغل
خالد : اوك ما تتحركيش مسافة الطريق واكون عندك
وبعد نص ساعة مني عاشتها بصعوبة ....دخل عليها خالد شاب في الثلاثينات من عمره طويل قمحي اللون لابس نظاره شعره اسود وخفيف شوي باين عليه انه إنسان عملي جدا .... خالد هو مدير فرع شركه من فروع اكبر مصانع لصناعة مواد التجميل والفرع الرئيسي وله فروع بالقاهره والدول العربية اتعرف على مني في عشا عمل واعجب بيها عرف إنها عربيه مسلمه من اسمها لكن ماتوقعش تكون مصريه ولما عرف حبها أكتر وهي بادلته نفس الإحساس لأنه إنسان محترم وراقي وذكي
ومن ناحيته هو ما خلاش الأمر يطول على طول خطبها ووافقت وفضل يتردد على بيتهم كتير لأنه حس انه مفيش فرق بينهم وكأن اهلها اهله ومبسوط معاهم وكأنه في بيتهم
أول ما شافته مني اتعلقت في رقبته وفضلت تعيط
خالد : مني فيه ايه انا جاي علي اعصابي
مني بنهيار ودموع: خالد أنا متهمه بالسرقة
خالد: ايه ....... ايه الهبل ده اتكلمي عدل
مني فضلت تقول لخالد كل اللي حصل وكانت قاعدة على الكرسي اللي جنب المكتب وخالد قصادها قاعد يسمعلها باهتمام وبعد ماانتهت من الكلام
خالد مد لها كاس ميه علشان تشرب: اتفضلي اشربي والدنيا مش فوضي اصلن من الواضح ان وليم من المفاجأة اتشل تفكره وعاوز أي حد يحمله المسؤولية علشان يطلع هو منها
لكن أنا هقف قصاده متخافيش
مني بقلق: خالد هتعمل ايه لا تكون بتقول لبابا أنا هخليه اخر حل
خالد بثقه وقرار: لا احنا مش محتاجين لعمي الأمر بسيط
بعد ما اتدخل خالد وانتهاء التحقيقات اثبتوا إن مني بريئة ومالهاش دخل بالموضوع واضطر المدير للاعتذار ليها قدام الجميع طبعا ده كان طلب خالد
لكن بدأت مشكله جديدة
.......................................................
في الجامعة
في نفس اليوم اللي حصلت فيه مشكلة ملك اللي عبد الله مكنش يعرف بيها كان رايح للكلية علشان يقابل جو وقابل عميد الكلية وقاله على شدة الأستاذ جوزيف اللي مضايقه منه الطلبة وان بنته من ضمن المتضررين من تعامله بالشده اللي مالهاش داعي في بعض الأوقات طلب العميد جو يتناقش معاه إرضاء لراجل المال والأعمال المعروف
وهما قاعدين يشربو القهوة دخل الأستاذ جو
جوزيف: صباح الخير دكتور لقد طلبتني هل استطيع أن أخدمك
التفت عبد الله للصوت ...و فجاءه اتجمعت بعيونه نظرات الدهشة اللي خلته ينطق اسم : محمد!!!!!!
هنا كان العميد يلوم جوزيف على الشدة اللي بيعامل بيها الطلبة وخلتهم يشتكو منه
لكن عبد الله غاص بتقاسيم وش جوزيف اللي خلته يرجع بذاكرته خمس وعشرين سنه ورى
رجع للماضي اللي كان هربان منه من خوفه على أمه وزوجته وبنته الصغيرة مني إنهم يفقدوه
سافر بالذاكرة لوري
عبدالله ومحمد وسالم ولاد عم شباب تتراوح أعمارهم مابين العشرين والخمسه والعشرين سنه طالعين رحلة صيد للحيوانات البريه
محمد: الله علي الحظ يبقي حالفنا المره دي
عبدالله :هههههههههههه قول انشاءالله عين امك قراره
محمد : ايه دخل امي اصلن معندهاش عيون تحسد بيها
عبدالله :هههه انت مصيبه
سالم : اوعي تنسي عيني معاه هههههههههههههههههه
عبدالله : ربنا يستر وتعبي ميروحش بلاش بس قوله ماشاء الله والله العين فلقت الحجر
محمد: شوف واحنا معاه من الصبح وبرضو خايف مننا ههههههههههههههههههههه
عبدالله : انت مصمم بقي ازعل
محمد :تزعل ولا ما تزعلش انت من يومك ماشاء الله حظك بيناديك
سالم:بس بقي لايقلبها بجد ويزعل يله هقوم الم الحاجه بقالنا هنا ثلاثه ايام
محمد: انا مكنش ليه في صيد الحيوانات دي
سالم: امال ليك في ايه؟؟
محمد: اصطاد بط يمام حمام
عبد الله ضحك: طب لو ظهرلك اسد نمر تعمل ايه؟
محمد: اقوله عندك انا مش هضرك بس قولي بقي لو انت ظهرلك اسد ولا ضبع تعمل معاه ايه؟؟
عبدالله وهو قاعد ضحك وطلع مسدسه ووجه بهزار ناحيه محمد :اقوله جيت لقضائك والله لموتك مكانك
سحب لسان المسدس ورا وطلعت منها طلقه لراس محمد ويقع بين ايديهم ومن هول الموقف سالم اغمي عليه
#باك
العميد: دكتور..دكتور
عبدالله: هااا نعم (( ويهز راسه كأنه محتاج يصحي نفسه ويجيبها من المكان المرعب وعيونه فيها سراب دموع جامده
العميد: يبدو انك مشغول بأمر ما ولم تنتبه ان الاستاذ جوزيف هنا
عبدالله وعيونه طايره في يوسف وقبل السلام سأله : هل انت عربي
يوسف بثقته المعهوده جاوب: لا
عبدالله بالمصري: مستحيل
يوسف عقد حواجبه : نعم ....ماذا
عبدالله: سبحان الله....لا ...لا يهم أنا والد الطالبة ملك عبدالله واتيت لمناقشة ما حدث منها بالأمس
جوزيف ببرود: إذا كانت قد أرسلتك لتخويفي فأنا لا أخاف من احد ولو كان له معرفة بالرئيس الأمريكي وليس العميد وأنا لم اخطأ فابنتك من لا يلقي اهتماما بالمحاضرات ووقتها وكانت خارج القاعة تمازح احدهم
عبدالله وبصوت منزعج : أنا اعرف ابنتي جيدا وأخلاقها لا يشك بها أيها الدكتور
جوزيف : لم اقل انها قليلة ادب ولكن كانت المحاضرة آخر اهتماماتها وطلبت منها ان تكمل مابدأت به وكان اهم
عبدالله الي مكنش فاهم الموضوع بالظبط وكان خايف ان بنته تكون غلطانة فعلا وهو مش بيسمح ابدا بالغلط وكان متردد بكلامه : لكن لا تحرجها أمام زملائها
جوزيف : وماذا افعل هل اصفق لها
العميد: جوزيف كان عليك أن تنقضي عن بعض توافه الطلبة وأنت تعرف أنهم في سن يحبون فيه المرح وعدم الالتزام وتبتعد عن الشدة التي ربما تجعل الجميع ينفر منك أنا الآن اطلب إليك إن تسمح لها بدخول باقي محاضراتك
جوزيف: لأجلك فقط
عبدالله :وإذا طلبت إليها الحضور لا تخبرها بحضوري الي هنا لأنها لا تعرف إنني اعلم بالموضوع
ولا أريدها إن تعرف ربما كانت مخطئه على حد قولك فتكررها كما انني لا اسمح بالخطاء
جوزيف عجبه كلام عبدالله لأنه أول مره يشوف راجل اعمال له اسمه ويهتم بالعلم وما يسمح بالخطاء
جوزيف بغرور: سأرسل لها ولن ادعوها بنفسي
وقبل ما يطلع عبد الله شكر العميد وقال في نفسه وهو بيسلم يوسف ((سبحان الله يخلق من الشبهه اربعين معقول للدرجه يكون شبهه محمد الله يرحمك يا محمد))
بعد خروج عبد الله من مكتب العميد
العميد :جو لماذا كذبت!!!
يوسف متفاجئ:كذبت في ماذا؟
العميد: عندما سألك الدكتور عبدالله هل أنت عربي قلت له لا
يوسف:ههههه لأنني ببساطة لو قلت له أني عربي لن أتخلص منه سيقول أنت عربي وتعامل ابنتي العربية بهذا الشكل ومن هذا القبيل فأحببت أن اقطع عليه سبل التفاهم بغير لغة العلم والمصلحة التي أريدها لأبنته
العميد: كل يوم يزيد إعجابي بك أكثر
يوسف:شكرا ....والان هل تسمح لي لدي محاضره
العميد: لا شكرا وتفضل
وطلع يوسف وبعت طالب لملك يقولها أن الدكتور جو سمح لك بحضور المحاضرات
ملك بتعجب: سمح لي ...........ليه ايه الحكاية
هدى: لا لا لا مش حقيقي مش ممكن ده أكيد مقلب
أمل : وليه مقلب يمكن بجد
ملك بتريقه : كأنك ما تعرفيش جوزيفووو هو عمره طرد حد وتاني يوم سمح له يحضر كدا بدون مقدمات ليه جري ايه في الدنيا هه مساكين يله نقوم نفطر احسن
أمل :ليه ماتخلينا نجرب
ملك : عاوزه ياختي تجربي الكسفه روحي وحتى لو بجد انا مش رايحه فين كرامتي
هدى : بس لو طلع بجد وبحق وحقيقي والله لتحضري غصب عن ابوك ده مستقبل يماما مش لعب واحمدى ربك كمان
ملك : بجد انتي واحده مسكينة والله
أمل : اقولكم حاجه انا هروح أتأكد
هدى :ايه أنت محتاجه تتهزقي فعلا يله روحي روحي
ملك : يا بنتي هيطلع مقلب من البارد ده (وسحبتها من ايدها) تعالي نفطر بقي
أمل: تفتكري
ملك: اه والله امشي بس
.....................................في البيت
رجع عبدالله وصورت يوسف ما بين عيونه مش مفارقه لحظه
والشبه الكبير اللي بينه وبين محمد ابن عمه
كانت الجدة مريم منتظراه يجي بفارغ الصبر بس هو مش مركز في اي حاجه
الجدة : عبد الله عبد الله يابني مالك
عبدالله فاق من سرحانه: ها ازيك يا امي والله ما شفتك
الجدة : هااا روحت للجامعة
عبدالله : واتفاهمت مع الدكتوراقصد اتخانقت معاه وكسرت دماغه وقال انه مش هيكررها تاني ابدا
الجدة: طيب قولي بالتفصيل الممل كل الي حصل
عبدالله اتنهد بعمق: عملت اللى يسرك وقالي انه خلاص هيخالي ملك تحضر محاضراتها
الجدة ببتسامه: واعتذر منها قدام صحابها
عبدالله : ياحجا ايه يعتذرلها دي ..ان جينا للحق بنتك غلطانة بتيسيب محاضراتها وتروح تهزر مع الناس بعدين ده كتر خيره اللي سمح لها تحضر محاضراته تاني
الجدة: ليه علي راس ابوه ريشه لما يتاسف لها
عبدالله بتريقه لاذعه : ويبوس دماغها كمان ....والله حاله
وساب المكان وطلع
.........................................
في مطعم قريب من شركة مني
مني: يا خالد ده موضوع منتهين منه
خالد: مني كفاية اللي حصل لك اليوم وقبل وبعدين أنتي مش محتاجة الوظيفه دي أبوكي من اكبر راجل اعمال في العالم ولما نتجوز أنا عندي اللي يسترنا صحيح انه مش نفس مستوى أبوكي بس يعيشنا كويسين
مني بهجوم : ايه المفهوم المتخلف ده ؟؟ أنا عمر الفلوس ما همتني المسألة أكبر من كدا
خالد بسخريه : ايه الاكبر يا متحضرة
مني : كياني ودراستي كدا تضيع بسهوله لا لا لا
خالد : كيانك في بيتك وفي تربية عيالك ...وبنات كتير درسوا وقعدوا في البيت واكتفوا ببيتهم وعيالهم
مني: فين ده مفيش حد بأمريكا قاعد ومش بيشتغل إلا العواجيز والعواطليه والله خفت لكون عجزت وانا معرفش
خالد : البنات في القاهره نصهم مابيشتغلوش لا وفيه منهم ما عندهمش شهاده كمان
مني بألش : خالد ...صباح الخير ..ومين قالك عاوزه ارجع مصر او حتي فكرت
خالد : ليه انتي مفكراني هفضل عايش هنا طول عمري مسيرك هتعيشي معايا هناك
مني : واسيب أهلي واتغرب لا لا مستحيل وليه طيب
خالد بستغراب: ليه علشاني
مني : أنت على عيني وراسي لكن ....
خالد بعصبية : لكن ايه هي فيها لكن؟؟!!
مني انحرجت جدا من الناس اللي حواليهم وفضلت تتلفت يمين وشمال
خالد : مني الظاهر انا اخر جزء تفكري برضاه ........... سكت شوي ........اتنهد بعمق وبص لفوق ورجع بصلها ووقف بغضب :اسمعي يابنت الناس انا اول اهتمامك يا اما
مني ومسكت ايده برجاء : خالد الأمور ماتنحلش كدا اقعد نتفاهم
قرب خالد من وشها وهو مازال واقف : مني بتحبيني
مني : ............................
جز اسنانه على بعض بدون ما يفتح بؤه واخد نفس عميق وهز راسه بعدم الرضا : الظاهر كنت غلطان بحساباتي عن أذنك وساب المكان ومشى
مني تابعت زوله بنظراتها وكان التعبير الوحيد اللي جه منها الصمت والحسره
................................
في الجامعة
البنات بعد الفطار بالكافيتيريا منتهى الفرفشه والضحك
فجاءه ملك سرحت في الطالب الي جه وطلب تحضر محاضرات جوزيف بس فعلا الطالب ده ميعرفش حتي اسمها ليه يعمل فيها مقلب ..يمكن بجد جوزيف بعته)
هدى : الوووو ........ملككك روحتي فين؟؟
ملك : ربنا ياخدك يا بقره صوتك كأنه صوت راجل مفهوش ريحه الانوثه
هدى : اهلا يا انثي سرحانه فين لا يكوووون مع النمر ههههههههههههه
ملك : نمر في عينك ...ده اخره قطه كنت سرحانه في تيته
هنا وصل فهد شاب مصري
فهد : الحلوين ليه مطنشين المحاضرات
هدى برخامه: اصل احنا عقبالك مطرودين ههههههههه
أمل : لا مطرودين ولا حاجه وتضرب هدى بالشنطه بس قلنا نريح من المحاضرات ملينا من كترها
ملك لفت لامل وهدى: ليه قاعدين تبرروله (وتلف لفهد) وانت مالك بينا
فهد: يخربيت عيونك تدبح
ملك : فهد يا لطخ احترم نفسك انا مش رايقه لوقحتك
فهد شد الكرسي وقعد : بس امانه مالك؟؟!!
هدى : يعني مفيش غير الابله ملك في المكان
فهد : لا وانت وأمل ... بس احكولي ايه الي حصل
ملك بتكشيره : غريبه يعني ان احنا نقعد هنا
فهد : اه غريبه لان انتم متعمدين تهربو من المحاضرات
أمل : قل أعوذ برب الفلق يااخي قلنا لك مالناش بس احنا يعني مش بشر بنمل ونزهق
ملك بملل من رخامته : يله قومو لازم نكون بالمحاضره وبلاش نتأخر المبني بعيد
فهد: اهيه زعلت
هدى: أنا هفضل قاعده المحاضرة مش مهمة
شدتها ملك : لا مهمه قومي
بالطريق للمحاضرة
ملك تكلم هدى :يا هبله أتقلي ليه واقعه كدا ع الولد بعدين يفهم ويتحكم فيك
هدى : مش بقدر كل ما بشوفه أتكهرب والله لو سألني أي سؤال ابلم فيه بس خدوه بالكم مني وقفوني لما تنح ماشي
أمل : ماشي يا فالحة
ملك : حبيبتي الاصول انك تتقلي عليه علشان هو اللي يجري وراك
كانت تتكلم وهي وشها لهدي وضهرها للي وري وما انتبهتش إلا وهي
خبطت بشئ عريض وطويل كان صدر يوسف اللي كان ماشي عكس اتجاهها رفعت دماغها علشان تشوف الشخص اللي صدمت فيه وجت عيونها بعيون تانيه حست بعطره ملأ إرجاء صدرها ..ثانيه لكن فاتت طويلة فصلت فيها ملامح وشه الاسمر وعيونه والنظرة الحاده اللي حرقت وشها وصدرها وباقي جسمها اللي اترسمت في عيونه
بعدت عنه وحست انها حاسه بأحساس غريب كان نفسهاا الثانيه دي ما تخلصش ولا تعرف تفسير للي حصل بس مشت بسرعة كأنها بتداري الأمنية الغريبة في عيونها ولما بعدت لفتله تاني تلقائي لكن لقته ماشي ولا حتى التفت
أمل : يماااااااااااا شفتي ازاي لوح و يحرج
ملك : قصده ايه من النظره دي
هدى : يعني ليه ما حضرتيش المحاضرة يا منبع المفهوميه
أمل : صح نظرته تخوف
ملك وهي بتحاول تسيطر على مشاعرها : لايخوف ولاحاجه اصلن اقل من العادي
هدى: اه اه اقل من العادي صدقتك اصلن كنتي قدامه هيغمي عليك
ملك دفعتها قدامها : امشي امشي يا حبيبه فهد بتعمل نفسها فاهمه
دخلوا المحاضره لكن ملك ولا انتبهت لكلمه منها من اول ما دخلت المحاضره وهي بتفكر بنظرات يوسف ليها وايه كان يقصد منها
لما طلعو من المحاضره
أمل : ملك شكلك مش معانا خالص كنتي فين يا حجا
ملك: ازاي مش معاكم اصلن ده انا كنت مركزه كمان
هدى : كذااااااااابه اصلن كنتي بترسمي دواير اناشوفتك بس اه لو اعرف بعلم النفس كنت عرفت بتفكري في مين يا كداااابه
أمل : هدى بطلي بقي مسخره أمل عاوزه تغير الموضوع حست بملك تكذب) تعالوا نروح للمكتبة قبل ما نرجع البيت عشان نشتري الكتب اللي قال عليها الدكتور
ملك : ماليش خالق خليها بالليل
هدى: حتى أنا عايزه أروح اتخمد ورايا غسيل كتير
أمل:يله نروح عيال نكد
وصلتهم ملك لحد بيتهم بالعربيه
أمل : نشوفك الساعة سبعه ها اوعي تنسي
ملك ترملها بوسه في الهوا : حاضر