CMP: AIE: رواية انقذوني من هذه العائله الفصل الخامس عشر15بقلم منه محمد
أخر الاخبار

رواية انقذوني من هذه العائله الفصل الخامس عشر15بقلم منه محمد

       

رواية انقذوني من هذه العائله 
الفصل  الخامس عشر15
بقلم منه محمد
 
في بيت مني.
مني : ليه ما تقوليش ليوسف يشتغل في شركتنا .. ويتعاون مع خالد .. يوسف ذكي ودارس نفس المجال وحنستفيد منه ..
ملك: هعرض عليه واشوف ..
مني : عامله ايه حياتك معاه دلوقت



ملك بسعاده : يوووه يامني حاسه من غيره اضيع
مني : ربنا يسعدكم يارب
ملك : أمين مني بكره الجمعه تعالي عندنا قولي لزينب وتعالوا نتونس مع بعض
مني : والله الحمل تعبني لكن احاول وأقول لزينب لو تقدر تيجي معايا
ملك: يله حبيبتي باي يوسف مستنيني عند الباب
مني : باي وسلمي عليه وعلى حماتك
....
في بيت يوسف




بيت يوسف الساعه 1ونص بعد نص الليل
قربت منه هو كان قاعد بالمكتب يراجع اوراق عنده
قعدت على طرف المكتب بصلها
ملك : يوسف
يوسف : يا قلب يوسف
ملك: : ليه ما تسبش شغلك بالشركه دي وتمسك شركتنا
يوسف اضايق من الموضوع وقام : عاوزاني اشتغل عندك يا ملك؟
ملك وقفت وقربت منه :ليه فهمتها كدا
يوسف ما زال متعصب : وهي ليها مفهوم غير كدا

نرشح لكم

ملك: أنت ايه وأنا ايه مش واحد
يوسف : إلا في دي
ملك : ليه ما أزم الأمور مالي هو مالك وأنت هتكون احرص عليه من غيرك
يوسف برجاء: أرجوك يا ملك لو ليا معزه ماتجبيش سيره الموضوع ده
ملك : طيب ليه
يوسف بعصبيه : بدون اسباب وانتهى الموضوع وما تفتحيهوش معايا ابدآ
ملك : انا هعملك توكيل عام ومش هدخل في اي امور ابدا
يوسف حط ايديه على عيونه وصرخ فيها : قلت لك انتهى الموضوع خلاص
خافت ملك منه أول مره بعد الفترة اللي عدت عليهم يتعصب عليها كدا .. بعدت عنه وااعدت على طرف السرير ..
بعد خمس دقايق استدرك يوسف إن عصبيته دي ماليها داعي ..وإنها هي كمان مالهاش ذنب قرب منها وحط ايده على كتفها وقال بكل حنان :ملاكي أنا بحبك وبس ومش عاوز حاجه تعكر صفو حبي ليك عاوز حبنا بعيد عن الأرض والواقع عاوزه حلم ماينتهيش
ملك : بس الأحلام أحلام والحقيقة غير
يوسف : أنا كدا بقي خيالي وأقبليني كدا
ملك: غريب حبك لكن حلو وابتسمت ..
يوم الخميس
لبست ملك قمه في الشياكه و نزلت علشان تستقبل الضيوف اللي كان اولهم مشرف وهي محاسن وبناتها
ملك : مساء الخير
ردوا عليها الكل ماعدا نوره .. الي عملت نفسها مشغوله بالموبيل
رنا بنت محاسن : اهلا يا ملك
ملك بابتسامه : الحمد لله وانت عامله ايه حبي
رنا : الحمد لله
التفتت لبنت محاسن رناد: حبيبتي ايه اخبار المدرسه
رناد: الحمدلله
رنا باعجاب : الله عليك ياملك كل يوم احلي
ملك : انت الاحلي ياعمري
نوره بصت لاختها باستهزاء : والله وتعرفي تجاملي



رنا بثقه : دي مش مجامله لا والله حقيقه
خديجه : ورنا عندها حق ملك جميله وتهبل الاهبل تاني
قامت ملك تسلم على خديجه اللي لسه داخله بابتسامه واسعه : ياحياتي ياخديجه والله ما في احلي منك
وسلمت خديجه على نوره وهمست لها : بطلي الغيره اللي مالهاش داعي
نوره بصوت عالي: نعم!!!!
خديجه تسكتها وهي بتتكلم من بين سنانها : هششش لتفضحي نفسك
قامت نوره وبعدت عن خديجه وراحت قعدت جنب امها
وقالت لها اللي حصل
محاسن بهمس : سيبك منها ..خليها تتحرق اهم حاجه ان عمتك بتحبك وخلاص
نوره انبطست وفكت التكشيره ورجعت لحالتها الطبيعيه
بدؤ الضيوف يهلو واحده بعد واحده
والمكان اتملي وكانت السهره حلوه استمتعت فيها ملك واتعرفت اكتر على قريبها اللي عمرها ما شافتهم وفي وسط السهره
نوره : بقولك ايه يامني
مني : امرى
ملك بهمس : ردي عليها كلمه ونص
نوره :دلوقت فلوسكم وشركاتكم مين قايم بيهم بعد ابوك الله يرحمه
مني : ليه السؤال
نوره : يعني بنتكلم
اخت خالد : خالد اخويا
نوره : كل شئ يديره خالد حتى نصيب ملك
ملك : خالد انسان ثقه
نوره : طيب لو فيه مثلا حاجه واحتاج توقيع ملك.. يعمل ايه؟؟
مني : نوره حبيبتي .. احنا جاين نتونس وننسى الشغل وهمه ليه بتفكرينا بيه
نوره : ههههه ده برضو من ضمن الونس
خديجه : ياربي على الفضول يعني لازم تقولك انت مالك وتحرجك
مني تعدل قعدتها : لا مش للدرجادي
نوره بصتلها بشر : خديجه انت مالك
رنا تحاول تضيع الموقف : اصل نوره بتحب تتعرف عليكم أكتر .. بس ربنا يهديها أسلوبها كدا
مني بصت لنوره وضيقت عيونها : لا عادي انا فاهمه .. نوره حلوه وبحبوحه
قامت نوره وسابت اللمه مره تانيه وهي تغلي من جواها وراحت ااعدت عند حفصه والحريم الكبار ووصلت تحقيقها مع أم خالد اللي قالتلها كل شئ بطيبتها
وااعدت تفكر وتخطط ازاي تطلع ملك من البيت حتى لو خسرت يوسف الحقد والغل ملاها من ناحيه ملك شخصيا ..أكتر من كونها أخدت يوسف حلم حياتها
...
اما ملك فكانت فرحانه باللمه وقضت السهرة اللي من اجمل سهرات عمرها قربت فيها من ولاد محاسن ماعدا نوره الشريره.. وكونت ليها صديقات جدد
انتهت السهرة وفضى البيت
حفصه : ملك يا بنتي عاوزه تنامي ؟؟
ملك : لا هستني يوسف لحد ما يرجع
حفصه : طيب تصبحي على خير انا عاوزه انام
ملك : نوم الهنا .. تصبحي علي جنه
حفصه ببتسامه:وانت من اهلها يابنتي
فضلت ملك تقلب بالقنوات في التلفزيون ووقفت عند قناه عارضه مسلسل تركي واعدت تتفرج بصمت
جات انفاسه على رقبتها وشعرها من ورا
لفت بسرعه لقته حبيبها همس لها : انتي احلي منهم
ملك وهي تتعلق برقبته وتحط وشها في وشه : يابكاش
لف وقعد على طرف الكنبه اللي هي قاعده عليها ومسك وشها بايده الاتنين : ايه الي مسهرك لدلوقت يااحلي من الدنيا
ابتسمتله : مستنيه حبيبي
باس خدها بحنان ولما قرب لشفايفها بعدت بسرعه عنه وقالت : ايه انت فين مستمر احنا في الصاله




خطفها ورفعها.. كأنها طفله صغيره بايد واحده وقال: يله تعالى فوق مشكلتك اننا فالصاله بس
وطلع لجناحهم ........مرت الايام والليالي تتسابق زي الاحلام على ملك ومعشوقها وهما من حب لحب .. ايام جميله ماعاشتش زيها ابدا
كان ليها الزوج والصديق والاب والاخ عوضها عن الدنيا وغناها عن الكل
اما هو كان حبه ليها كل يوم يزيد وتعلقه بيها يكبر . لكن كان اضعف من انه يعترف لها بموضوع الورقه كل ما يجي يعترف لها بالموضوع ...حس انه محتار مش عارف ازاي يبدء .. ويأجله يقول في نفسه مره تانيه أحاول ألقى له مناسبة طالما الأمر هادي ومن جهة ثانيه كانت سعادة ملك ويوسف تشعل النار بقلب نوره اللي اتملي كله حقد عليهم الاتنين وكانت تنتهز الفرص علشان تنتقم لقلبها وحبها
وجت لها على طبق من ذهب
نوره ...كانت قاعده مع خفصه في الصالة وفات محمد طالع لغرفته
نوره جريت وراه بسرعه : محمد
التفت محمد على الصوت اللي عرفه : يانعم
نوره : عاوزاك
محمد : نعم فيه ايه؟؟
نوره : عاوزه اكلمك
طبعا حفصه كانت في ذهووووووووول والافكار تروح وتيجي قدامها ياتري نوره عاوزه ايه من محمد
دخلت معاه في اوضه
وقفلت الباب ومحمد لسه مستغرب من تصرفتها لكن كان صابر عاوز يعرف عاوزه منه ايه
نوره : محمد
محمد : نعم امري
نوره : امم .. امم والله ماعارفه منين ابدء
محمد بسرعه : نوره قولي اللي عندك انا زي اخوك واذا محتاجه فلوس انا حاضر
نوره : ايوه ... فلوس ...دي حكايتي
محمد عمل نفسه شهم :ايوه حاضر عاوزه كام
نوره بخبث : انا مش عاوزه انت الي عاوز
محمد : أنا اللي عاوز...هي الغاز ولا ايه
نوره : ايوه لغز فلوس ملك وورثها اللي انا بحلهولك
محمد : ايه الحكايه ...ملك ؟؟ ورثها ؟؟ انتي شاربه حاجه حمضانه ؟؟
نوره بثقه : ماهو انت ويوسف بينكم اتفاق مكتوب انه يتجوزها وبعدين تهفو ورثها ..
محمد بعصبيه وارتباك حاول يداريه : طبعا ..لا ايه الهبل ده
نوره : محمد ما نحاولش نكذب على بعض من أولها أنا معاك مش ضدك
محمد : انت عاوزه ايه بالظبط
نوره : طبعا الكلام اللي قلته مظبوط وانت ياعيني مستني اخوك البارد يعمل حاجه
محمد : ايه
نوره : لكن اللي حصل انه هايم بحب وغراميات مع الننوسه ونسى الموضوع واللي ماتعرفهوش انت ولا هو ان ملك فلوسها طارت
محمد وقلبه وقع : هااااا فلوسها طارت
نوره تكمل بنفس الخبث : ايوه ياحبيبي .. ملك عامله وكاله عامه لجوز اختها بعد ماضحكوا عليها وسيطروا على الخير كله وطلعوكم من المولد بلا حمص
محمد باندهاش : ازي!!!!
نوره : الكلام صح 1000% وتقدر تسأل وتتأكد من كلامي .. وانتم ...هممه ( باستهزاء) ماكسبتوش الاملك بنت قاتل عمك
محمد : انت ايه عرفك
نوره : زي ما عرفت بالورقه اللي بينك وبين يوسف ... عرفت ان خالد اخد الثروه له بالتوكيل اللي معاه .. ياحظي
محمد والشرار طاير من عيونه : طيب يايوسف الكلب
نوره بكل الحقد اللي بقلبها : يوسف شخص بارد وما كانش عاوز الا ملك اللي جننته
طلع محمد موبيله ورن على يوسف ..مدت نوره ايدها واخدت الموبيل وقفلته وقالت : المواضيع دي ماتنحلش بالموبيلات وبعدين هتعمل ايه ماخلاص الثروه وطارت
محمد بقهره : انا عاوز اسأله وان كان كلامك ده مظبوط والله ما اخليه يتهنا بملك ولا يوم
ويكلم نفسه بصوت عالي يعني بتضحك عليا يايوسف !!
نوره بخبث : اذا طلع الكلام صح وانا متاكده انه صح بلغني وانا اعرفك تعمل ايه وتخالي ملك ما تطيقش تشوف يوسف
بصلهاا نظره ما فهمتش معناها وطلع والحقد مالي قلبه
حفصه شافت ابنها طالع بيجري وباين عليه انه شايط : محمد ..محمد
ولا رد عليها ادورت لقت نوره تبتسم وقالت لها : انتي قلتي ايه لمحمد وخليتيه كدا؟؟
نوره تحاول تداري فرحتها وتتمسكن : انا يا عمتي طبعا ده انا معنديش اخوات رجاله وبعتبر عيالك اخواتي
حفصه ملهوفه عاوز تعرف ماله ابنها : اكيد .. بس ايه الحكايه ؟؟
نوره تبكي بالكذب : واحد ياعمتى مضايقتي طول الايام اللي فاتت وانا زهقت منه قلت لمحمد لقيته اتعصب كدا
حفصه : ربنا يستر وما يعمله حاجه الله يهديك يا نوره كنتي قولتي ليوسف اهدي من محمد
نوره تزيد بصوت بكاها وتحضن عمتها : يوسف ياحسره عليا اخدته ملك ليها كله
حفصه : طولي بالك .. خير انشاء الله... ان شاءلله خير
..............قصص منه محمد كاتب......
بعد يومين بالظبط اتاكد محمد ان الكلام اللي قالته نوره كله صح اتجن وشياطين الدنيا اتلمت عليه .. كانت كل تفكيرره يعمل ايه في يوسف الي ولا همه الا انه ينفذ حلفانه
دخل البيت شايط والشر مرسوم لوحه في عيونه
محمد : امااااه فين جوزك
حفصه بصتله وزعقت : قول السلام الاول واتكلم بأدب يا عديم الذوق والادب
محمد : سلام هاااا ... فين ابويا
حفصه : شوفه مريح في اوضته .. بس ليه
ماردش عليها ومشي على طول لابوه خبط الباب ودخل بعد ما سمح له ابوه
احمد : مالك كدا مش على بعضك
محمد : الفلوس .. الورث اللي كنا هناخده بدل الطار
ا حمد : أي فلوس ... يووه انت مانسيتش
محمد : ابااااه أنت كمان بقيت زي ابن اخوك البارد
احمد : ايه الي حصل
محمد بعصبيه : الهانم ملك عامله توكيل عام لجوز اختها يتصرف في الفلوس على كيفه
احمد متفاجاء: وأنت ايه عرفك
محمد : نوره عارفه وحنا أصحاب الشأن ولا نعرف
احمد : نوره مين دي كمان
محمد : نوره بنت خالي صبحي
احمد : ودي ايه عرفها .. الله يلعنها ويلعن امها معاها
محمد : دي مش المشكله المشكله الحلال الفلوس اللي طارت
احمد : طيب يافهيم عاوز تعمل ايه ..؟
محمد بوعيد اسود : عاوز أخرب بيت يوسف وأخليه ما يتهنى بملك ولا ثانيه
احمد : هي مالها ليه يا مفتري تخرب عليها حياتها
محمد : شايفك حنيت لبنت اللي دبح أخوك وسرق فلوسك
احمد عارف نفسه كذاب وإن عبد الله معملش حاجه من اللي قالها ليوسف
احمد : انا بنصحك الافضل تناقش يوسف بالأمر يمكن عنده رأي تاني ..
محمد بجنون : ازاي؟؟؟ ازاي !!!
احمد : يعني يمكن يقدر يتصرف ويعمل حاجه وخصوصا إن ملك بتحبه وعاوزاه
ومش هترفض له طلب
محمد : يعني عاوزني اعمل ايه؟
احمد : كلم أخوك بعدين لما ما تلقيش منه رجا شوف لك حل
محمد : اباااه كأن كلامك اتغير ايه الحكاية
احمد: ولا حكاية ولا روايا بس البنت مسكينة مالهاش ذنب نخرب بيتها
محمد : إذا اخدنا الفلوس وعاوزه تمشي مالنا احنا ومال بيتها يخرب ولا يعمر
احمد بزعيق: العيب عليا انا اللي ربيتك على كدا وانا الخسران في الاخر
محمد زعق: دي عملت ايه فيكم .. سحرتلكم
وطلع وهو مزعوج
حس محمد بتهاون ابوه عن اللي اتفقوا عليه وقرر انه يتحرك من غيره
انتظرلحد ما يرجع يوسف .. وكانت نوره شبه مقيمه في بيت عمتها لعلى وعسى تلاقى منفذ تخرب بيه بيت ملك
بالصدفه كانت امها ورنا اختها موجودين
سمعت نوره محمد بيقول للخدامه : روحي نادي يوسف هنا فالمكتب قولي له محمد عاوزك ومستعجل
جريت نوره لامها وقالت لامها في ودنها : اماه هه نادي محمد برى وحاولي تأخريه شوي
محاسن : ليه
نوره : انت اعملي اللي قلت لك عليه وبعدين اعرفك ليه
محاسن: يا محمد .... يا محمد
محمد : اوووف .. نعم
محاسن : عاوزاك في موضوع يابني مالك
محمد : موضوعك خليه بعدين ... والله مشغول دلوقت .. وماليش خلق لحد
محاسن مثلت الزعل: انا يا محمد عمري طلبتك .. ولا عشان بعاملك زي ابني
محمد نفخ: اووووف قولي الي عندك
محاسن : هنا ..الموضوع مهم
محمد : طيب ... تعالي في اوضتي .. يله خلصيني
محاسن : لا..لا تعال انت في الجنينه .. >> وجرته من ايده للجنينه
محمد : يارب تقولي ايه حكايتك المهمه
هنا استغلت نوره غياب محمد عن المكتب وبسرعة البرق دخلت وحطت جهاز تسجيل صغير وراحت جري لمكانها وااعدت ولا كانها عملت كارثه
في الجنينه ....
محمد : ده موضوعك والله فكرت عندك حاجه مهمه ضيعتي وقتي ع القاضي ودخل وهو متعصب
محاسن بينها وبين نفسها على الله تكون نوره عملت اللي ناويه عليه
وشتمت على محمد وهو ماشي
دخل محمد المكتب ينتظر يوسف
يوسف : سلام..
محمد بمسخره : اهلا بيوسف الصديق الي ميخلفش الوعد
يوسف : أي وعد ؟؟
محمد : طبعا نايم مع الهانم ملك فالعسل وناسي وعدك اللي اتفقنا عليه
يوسف يحط سبابته عند شفايفه : هشششش وطي حسك لا تفضحنا
محمد : لا عاوز أعاليه وخليها تسمع انك متجوزها علشان فلوسها
يوسف يمسك كتف محمد : أرجوك وطي حسك بلاش تهد الي انا بعمله
(( يجاري محمد علشان ما ييعليش صوته وتسمعه ملك ))
محمد :بتعمل ايه .. أنت لسه واقف تمثل زي ما انت وأنا عرفت الحقيقة كلها
يوسف : عرفت ايه؟؟
محمد : همه ... عرفت ايه ... عرفت أن ملك عامله توكيل عام لخالد جوز اختها
يوسف : شوف الغبي .. عارف انها عملت كدا ما قلتلك ملك مش بتخبي عني حاجه
محمد باستهزاء : طيب ... مستني ايه لما خالد يلهف الفلوس كلها ..؟؟
يوسف :لا .. يا ذكي بالنسبة لخالد كل وظيفته تكبير الثروه.. و لعلمك ملك عرضت عليا توكيل عام. وانا رفضت انا مش عاوز منها حاجه قبل ما تثق فيا ثقه عميا عشان اعرف اقش
محمد : اوووووه بقالك سنه وانت تردد نفس الموال ولا بتعمل حاجه بس الظاهر أكلت قلبك بنت قاتل ابوك لكن انا اللي هخربها عليك الأولي والتانيه اوريها الورقه
يوسف:ومين قالك اني بحبها .. انت عارف اني متجوزها وهدفي انتقم منها ومن ابوها اللي حرمني من أبويا وأنا ما يرضينيش .. وبعدين توكيل ايه الي انا برسمله.. انا عاوزها تتنازل برضاها عن كل حاجه وانا اعرف اتصرف بعدين
محمد بعصبيه : بتكذب يايوسف انت بتحبها
يوسف وهو عاوز يقنع محمد بكلامه : انت غبي انا احب بنت عبدالله مابقاش الا دي لكن انا مستني الفرصه اللي تخلي انتقامي منها عظيم وله اثر .. انا عاوز امحي اثر عبدالله من الارض مش بس فلوسه
محمد : وامتى الوقت ده يابو وقت
يوسف : هاااااااا لما تحمل مني ويبقي عندها ولد وتستناه يشرف في الوقت ده بقي اساومها ويبقي معايا كل مفاتيح عذابها تتنازل عن فلوسها .. ولما ده يحصل انا الي انزله من بطنها وارميها بالشارع واحرق قلبها عليه زي ما انحرق قلبي على ابويا
محمد :ايه الشر ده كله انا اول مره اشوفك بالقسوه دي .. على العموم مايهمنيش المهم الفلوس انا متورط .. بديون وبلاوي مايعلم بيها الاربنا ومستني الفلوس تنقذني .. وكل يوم اقول بكره يجي الفرج .. انا قاعد اهدى فالناس وهي عاوزه رقبتي .. يوسف إذا ماتحركتش وعملت الي بتقوله في اقرب فرصه .. انا اللي هقتل ملك واخليك تورثها
يوسف : مش محتاج هي هتموت لوحدها .. وان ما ماتتش .. من الصدمه تموت من غيرها .. وان غدا لناظره لقريب
محمد : اذا ده كلامك يبقي طلعت مش هين يا ابن امي .. المهم خلص انا محطوط علي حرف النار
يوسف : بس سبني اشتغل على مزاجي والثروه كلها هتبقي ليك متخافش
محمد : رغم ان انا مش مقتنع بكلامك لكن الورقه لسه معايا وده اللي مطمني وانت ... عارف هتعمل ايه اذا قرتها
يوسف : طيب .. طيب .. انا لازم اطلع لحبيبتي لتقلق عليا ههههههههه
محمد :اه يله .. روح روح
طلع محمد وهو متطمن شوي على مستقبله المادي
اما يوسف النار بتنهش صدره ازاي يقنع ملك بالورقه وانه كتبها لمصلحتها وعلشان يحميها من محمد وعمه اللي كانوا فعلا عاوزين يهدموا حياتها
حتى ان يوسف ما فكرش يسال اخوه عن كلامه وعن الضغوطات اللي عليه ؟؟ ركب محمد عربيه صديقه
صالح صديق محمد : ها اااايه الي حصل
محمد : اووووف والله معارف اقولك ايه يا صالح ( ويطلع سيجاره ووحطها بين شفايفه ) يوسف كلامه كتير لكن انا هديلو فرصه اخيره واشوف بقي والله اذا ما عمل حاجه لاخرب حياته
صالح : انت حمار ولو خربت حياته مش هتستفيد حاجه .. غير تروح عليكم الفلوس وبس
محمد : وده اللي مصبرني عليه والا كنت قتلته من زمان
صالح : طيب هتعمل ايه مع الشبح
محمد : بفكر اعمل الي عاوزه المبلغ اللي طلبه مني مش صغير
صالح: هتوزعله مخدرات ..
محمد : عندك حل تاني
صالح : اطلب من اخوك يمكن يديك الفلوس وتخلص
محمد : واقوله إني استلفت ميتين الف وخسرتها فالقمار
صالح : لا قوله اسهم وخسرت هو هيفتش وراك
محمد : هشوف .. هشوف ... بس امشي نشرب لنا كاسين يمكن ننسى الهم ده
صالح : يله يا خويا
....................



في جناح يوسف
دخل يوسف على ملك لقاها قاعده تعيط
يوسف : ملك مالك (( قلبه وقع خاف تكون سمعت حاجه من اللي دار بينه وبين محمد ))
ملك : حلمت ان معايا صوره فيها بابا وماما وجدتي وعادل ومني وانا مش معاهم وحشوني اوي يايوسف
يوسف : اووووف ..استغفري دي مجرد احلام
ملك تمسح دموعها : انت كنت فين
يوسف : هااا ...هنا عندك ... يله هروح اغير عاوز اخرج .. انا روحي هتطلع من المكان هنا
ملك : نروح فين؟؟
يوسف : أي مكان انا زهقان
اما نوره انتظرت شوي بعد ما طلع محمد ويوسف وجريت اخدت التسجيل وطلعت لبيتهم على طول حتى ولا استنت امها واختها
بعد ساعه جات محاسن لقت نوره بترقص في الاوضه
محاسن : الحمد لله والشكر .. مالك يا بت اتجننتي
نوره : بتضحك بجنون
محاسن : نوره بسم الله مالك يا بت العبيطه
نوره : تعالي يا وش الخير واسمعي اللي انا سمعته وانتي تعذريني
وسمعت محاسن التسجيل
محاسن بذهووووول : الله اتاري دي حكايتهم اممم وانا اقووووول ازاي يوسف ياخد بنت اللي دبح ابوه والله طلعت بلوه يا يوسف
نوره بفرحه عاوزه تنط من عيونها :دلوقت بس اقدر اقول ان يوسف لي ومحدش يشاركني فيه ....... واما انتي ياشيطان .. انا وراك قال ملك قال
محاسن : ناويه تعملي ايه
نوره : هصحبها
محاسن بعدم فهم : مين
نوره :ملك عيون الشيطان
محاسن : مش فاهمه ...... فهميني
نوره : بعدين .. بعدين يا امي .. تفهمي كل حاجه
محاسن : مرضعه ابليس ما ينخافش عليكي

🍁🍁🍁🍁مرحبا بكم. ضيوفنا الكرام 

اترك ١٠ تعليقات. ليصلك. الفصل. الجديد فور. نشره. وفي. كرنفال. الروايات . ستجد. كل. ما. هوا. جديد. حصري. ورومانسى. وشيق. فقط ابحث من جوجل باسم الرواية واسم مدوانة كرنفال الروايات وايضاء  اشتركو على

 قناتنا        علي التليجرام من هنا

ليصلك اشعار بكل ما هوه. جديد من اللينك الظاهر امامك

  🌹🌹🌹🌹🌹🌹🌹🌹🌹🌹🌹🌹🌹

                     الفصل السادس عشر من هنا


تعليقات



حجم الخط
+
16
-
تباعد السطور
+
2
-