رواية في يوم وليلة
الفصل الثاني2
بقلم منار حمدي
هدى : لا ياحبيبي خلاص فات الاوان انا عاوزاك تسمعني كويس انت
واخوك فى ظرف ف الخزنة بتعتي يخص اخوك افتحه انت وهو وخليك
جنبه يا ا سد اوعى تتخلي عن اخوك يابني
ياحبيبي انا عارفة أن الحمل تقل عليك من بعد ابوك الله يرحمه ما مات
اسد :بس ياماما متتكلميش عشان ماتتعبيش
هدى: سيبني أكمل يا اسد انس ياحبيبي
ماتزعلش مني انا عملت اللي عملته ده عشان بحبك والله فمش عاوزاك تزعل مني وتخلو بالكم من بعض ياحبيبي
وسابت أيديهم اسد شريط زكرياته بيتكرر قدام عنيه واللي حصل لصاحبه
والدموع متحجرة ف عنيه مش راضية تنزل ابراهيم ابو حلا : السلام عليكم
ام حلا : وعليكم السلام ورحمة الله وبركاته
ابراهيم : مالك يا اسماء
شايلة طاجن ستك ليه
اسماء ام حلا : مافيش يا ابراهيم بس بتك مغلباني ومطلعة عيني
ابراهيم : ليه بس كدة عملت ايه حلا
اسماء : مش موافقة على العريس ومنشفة رأسها اللى عاوزة كسرها دى
ابراهيم : خلاص يا اسماء سيبيها براحتها
اسماء : يعني ايه اسيبها براحتها دى اللي كدها متجوز ومعاه عيل واتنين وهي كل ما ياجيلها عريس ترفضه
ابراهيم : يعني عاوزانى اغصبها علي الجواز ومن امتى بغصب بناتي علي حاجة يا اسماء ماتعقلي كلامك
اسماء : مش قصدى يا ود عمي والله بس انا خايفة عليهم دول بنات وانا عاوزة اتطمن عليها زى ما اتطمنت علي اختها قبل ما اموت
ابراهيم : ربنا يديكي طولت العمر ماتقوليش كدة خلاص ماتزعليش نفسك انا هدخل اتكلم معاها
اسماء : ربنا يهديها ياااااارب
فى أوضت حلا الباب بيخبط
حلا : ادخل يا بويا
ابراهيم : وعرفتي آذاى أن ابوكى اللي علي الباب
حلا : ههههههههههه اكيد مش بشم علي قفي يدي انا اصلا مستنياك من بدرى منا عارفة امي جايباك تقنعني زى كل مرة (بشم علي قفى ايدى يعني بعرف الغيب)
ابراهيم : ههههههههههه لا ناصحة يابت ابوكى بس المرة دى مش هتعرفى تقنعيني عشان العريس ما فهوش غلطة
حلا : بس انا مش موافقة
ابراهيم : ليه يابتى انا مش عاوز اغصبك علي حاجة انا عاوز اطمن عليكي زى ما اتطمت علي اختك
حلا : قصدك تخلصو مني زى ما خلصتو من اختي اختي اللي جوزتوها وسافرت مع جوزها ومش بنشوفها غير كل خمس سنين مرة
ابراهيم : نصيبها جه مع واحد شغال ف الكويت وظروفه ما تسمحش
أن ينزل البلد وهى كانت عارفة كدة وراضية
حلا بنرفزة وصوت عالي