رواية كيف تكون النهاية
الفصل السابع والعشرون والثامن والعشرون
بقلم ايه الجلاد
علياء/يا نهار اسود
اولفت/ايه في ايه
علياء/انتي مش شايفه اللي بيحصل
اولفت/ايه اللي بيحصل يعني مش فاهمه قصدك
علياء/الهانم اللي بترجع دي
اولفت/ان شاالله تموت احنا مالنا
علياء/ايه اللي احنا مالنا ما داهيه لتكون حامل
اولفت/حامل هي لحقت
علياء/ايوة بتحصل كتير من اول يوم كمان
اولفت/يا نهار اسود
علياء/شوفتي بقه
اولفت/ دي تبقي نصيبه لو فعلا حامل الحمل دا لازم ينزل و مش لازم كريم ياخد خبر نهائي
علياء/انا عندي دوا بينزل الحمل علي طول
اولفت/دوا
علياء/ايوة بجيبه دايما علشان لو حصل حمل
اولفت/ايوة يا اختي طب اجري هاتيه اما نديها منه علي اساس انه دوا للبرد
علياء/في ثواني
و ذهبت علياء لجلب الدواء
كانت تستمع لهم وعد عندما خرجت تجلب شيء من الخارج الي نور
فا عادت الي نور مره اخري لكي تحزرها من ان تاخذ شيء منهم
وعد/نور اوعي ماما او علياء يدوكي دوا تاخديه
نور/ليه
وعد/سمعتهم بيتكلمو بيقولو ان ممكن تكوني حامل و هما مش عايزين الحمل دا فا هيدوكي دوا علشان ينزل الحمل
في ذلك الوقت كامت علياء جلبت الدواء و اعطته الي اولفت لكي تعطيه لها
نور/حامل لا انا مش حامل اساسا
وعد/ازاي يعني
نور/هتلاقيه شويه برد في المعده و خلاص
وعد/او ممكن يكون حمل
نور/يا بنتي افهمي انا محصلش حاجه بيني و بين اخوكي علشان ابقي حامل و ياريت متجبيش سيره لكريم عن الكلام دا
وعد/ماشي
كانت استمعت لهم اولفت فا عادت الي علياء مره اخري و اخذتها و صعدت بها نحو غرفتها و لم تستمع لباقي حديثهم
وعد/طب يا نور احنا هنفضل سكتين كدا لامتي انا خايفه علي ابيه كريم
نور/متخفيش انا قررت خلاص اعرف كريم كل حاجه
وعد/و بعدين
نور/و عندي حاجات تانيه كمان لازم يعرفها بقه كفايه كدا
و تذكرت عندما ذهبت الي منزلها بعد ان اخبرت كريم انها تحتاج الي بعض الملابس لها و لاولادها من المنزل فا ارسل معها السائق هي و مالك و مليكه و جمعت بعض الملابس ثم ذهبت الي غرفه هبه و كرم و قامت بفتح تلك الخزنه السريه و اخرجت منها جميع الاوراق التي تبعث عمهم في رحله طويله الي القناطر و اخرجت ايضا مذكرات كرم و صوره هو و هبه و اخرجت ايضا السلسله و الخاتم و اخيرا فلاشه صغير قد نقلت عليها التسجيل التي سجلته الي اولفت و رافت عندما كانو في المستشفي
وعد/ انتي روحتي فين
نور/معاكي
وعد/حاجات ايه اللي بتتكلمي عنها
نور/هتعرفي بعدين
وعد/ربنا يستر و يعديها علي خير
نور/يارب
اما في الاعلي في غرفه اولفت
علياء/ايه في ايه و طلعتيني هنا ليه
اولفت/طلعتك علشان افرحك
علياء/تفرحيني
اولفت/ايوة
علياء/ازاي
اولفت/مش احنا كنا خايفين ان نور تطلع حامل و كريم يعرف
علياء/ايوة
اولفت/احنا هنعرف كريم و هو بنفسه اللي هيخلص منها
علياء/قصدك ايه مش فاهمه
اولفت/هفهمك انا لما روحت اديها الحبوب سمعتها بتقول لوعد ان محصلش بينها و بين كريم حاجه علشان يحصل حمل و قالت لها متقوليش حاجه لكريم معني كدا ان هي فعلا علي علاقه بحد زي ما انتي سمعتيها بتكلمه في التليفون
علياء/يا بنت الكلب و راسمه علينا دور الشريفه العفيفه و حيات ابوها ما هعديهلها
اولفت/لا اوعي تبوظيلي الدنيا انا مصدقت انها جاتلي علي طبق من دهب و اخلص منها و بعدها اخلص من كريم
علياء/يعني هتعملي ايه
اولفت/هنعمل فيها ملايكه السلام و اول ما يجي نبارك له علي الحفيد المنتظر و بعدين نقعد نتفرج بقه علي اللي هيحصل
علياء/و افرضي محصلش حاجه
اولفت/انتي مبتفهميش بتقولك ملمسهاش يبقي اللي في بطنها جه منين
علياء/طب و انتي واثقه ان كريم هيطلقها
اولفت/دا اذا مقتلهاش خصوصا انه متعقد من الجواز بسبب اللي حصل لاخوه
علياء/هو ايه اللي حصل لاخوه
اولفت/فهمناه ان مراته خانته و هو اكتشف دا و حب ينتقم منها بس عمل الحادثه قبل ما يعملها حاجه
علياء/مش مراته دي ماتت معاه في الحادقه
اولفت /ايوة بس هو ميعرفش كدا و فضل يدور عليها كتير لحد ما نسي
علياء/طب ربنا يستر و نخلص منها بجد
اولفت/هنخلص يلا بينا ننزل نستني كريم علشان نبشره بالخبر الحلو دا دا اول حفيد لعيله الحسيني و عايزاكي تباركي له و انتي مكسوره شويه كدا علشان تصعبي عليه و اول ما يطلقها يتجوزك علي طول
علياء/ماشي
و خرجت علياء و اولفت من الغرفه و هم يهبطون الدرج وجدو نور تصعد و معها مالك و مليكه و وعد
اولفت/رايحه فين يا نور
نور/رايحه ارتاح شويه
اولفت/الف سلامه عليكي تحبي اطلبلك دكتور
نور/لا شكرا دا شويه برد و هيروحو لحالهم
اولفت/طب ارتاحي يا حببتي و اما كريم يجي هبعتهولك علي طول
نور/ماشي
اولفت/و انتي يا وعد رايحه فين
وعد/هوصل نور لاوضتها و هروح اوضتي
اولفت/ماشي يا حببتي
و اكملت اولفت و علياء هبوطهم بانتظار كريم لكي يخبره بالخبر الذي يجعل نور في الشارع
اما نور في غرفتها تركت الاطفال معا و ذهبت هي و وعد نحو الشرفه لكي تستنشق بعض من الهواء
وعد/انا خايفه قوي يا نور
نور/متخفيش انا خلاص قررت في اول فرصه هتكلم مع كريم و احكيله كل حاجه
وعد/تفتكري هيحصل ايه في ماما
نور/و الله مش عارفه بس الاكيد انها هتتعاقب لانها جريمه قتل مش هزار
وعد/ربنا يسامحها و يغفر لها بقه هي اللي عملت في نفسها كدا
نور/مش هي لوحدها هي و اللي بتتكلم معاه
وعد/تفتكري مين اللي بتكلمه دا
نور/مش عارفه بس اكيد لما تقع هتقول علي كل اللي كان معاها ما هي مش هتقع لوحدها
نظرت وعد للخارج و هي تستمع الي حديث نور
وعد/دا ابيه كريم جه
نظرت نور هي الاخري
نور/جي بدري انهارده يعني
وعد/يمكن تعبان و لا حاجه
نور/تعبان
وعد/انا بقول يمكن
نور/بصي دا سليم معاه كان و.........
وجدت الذي جاء ذلك القاتل فهي لم تنساه رغم مرور السنين و تتذكره كانها كانت تراه في الامس
وعد/ايه دا عمي رافت جيه
و فرحت وعد بعوده عمها رافت بعد غياب اكثر من ست سنوات لم تراه و هبطت سريعا تاركه نور التي كانت شاره في الماضي و تتذكر كل شيء كانه يحدث الان و اشتعلت النار بداخلها عندما راته فتلك النار لم تشتعل بهذا الشكل عندما تذكرت اولفت رغم ان لها يد في موت هبه و كرم و لكن النار الان اقوي لان القاتل هو الذي يقف امامها الان فهي لم تتحمل وجودا نهائي امامها حتي و لو ثانيه واحده
فقررت ان تجمع كل ما لديها من ادله و تهبط بها الي الاسفل و تقطع عرق و تسيح دم فا هي لا تتحمل يوم اخر في كتمان الحقيقه عندما راته و ايضا هو عندما يراها فسوف يتذكرها و يتذكر ما فعله بكرم و هبه فلابد من طرق الحديد و هو ساخن و الجميع مجتمع بالاسفل
القت نظره علي مالك و مليكه وجدتهم قد غفو فتركتهم و اخذ الاوراق في يداها و هبطت للاسفل
و عند هبوطها علي الدرج احست بالخوف و التوتر لما هي مقدمه عليه فهي سوف تكشف حقيقه قد مره علي كتمانها ثماني سنوات و لا تعلم ما الذي يحدث بعد ذلك و فكرت في التراجع لحين ترتيب افكارها و تبحث عن احد يساعدها
و لكن عندما استمعت الي حديث اولفت و كريم جعل الدماء تفور براسها و هبطت دون تفكير
بعد دخول كريم و سليم و رافت و بعد السلامات و الترحاب وجلس الجميع
كريم/اما نور فين
علياء/في اوضتها تعبانه شويه
قام من مجلسه ليصعد اليها
اولفت/اقعد متقلقش كدا دي حاجه بسيطه و هتفرحك
كريم/هي ايه دي اللي هتفرحني
اولفت/ولي العهد هيشرف
كريم/ولي عهد مين
سليم/الف مبروك يا صاحبي
كريم/مبروك علي ايه
سليم/انت لسه مفهمتش
كريم/مفهمتش ايه
اولفت/نور مراتك حامل
كريم/ايه هي مين دي اللي حامل
تغيرت ملامح رافت بشده لكن عندما نظر الي ملامح اولفت وجدها بها بعض الخبث تاكد انها تخطط لشيء ما فتحدث معهم
رافت/ايه يا كريم هي الفرحه اكلت عقلك و لا ايه
كريم/فرحه ايه و زفت ايه انتم هتجننوني
اولفت/سلامتك من الجنان
سليم/ما تفهمنا انت في ايه
وعد/نور اصلا مش حامل
نظر لها الجميع منها مستغرب و منها غاضب و منها لا يفقه شيء و منها حيران
اولفت/انتي مالك انتي و مال الكلام دا امشي اطلعي علي اوضتك
وعد/لا مش هطلع و نور مش حامل يا ابيه
اولفت/مش حامل ازاي و هي مراته اسكتي يا وعد
كريم/بااااااااااس
سليم/في ايه يا كريم مالك
رافت/انت مش عايز عيال و لا ايه يا كريم
كريم/يا جماعه افهمو انا ملمستهاش اصلا علشان تبقي حامل اكيد في غلط و انتم فهمتو غلط
وعد/ايوة صح يا ابيه هما فهمو غلط
اولفت/يعني هاااااااااااا
شقت اولفت شهقه كبيره و وضعت يدها علي فمها و رسمت علامات الصدمه علي وجهها
علياء/في ايه يا خالتو
اولفت/ها لا مفيش حاجه
رافت/في ايه يا اولفت انتي عارفه حاجه و مخبيها
اولفت/اصل يعني هي
كريم/ما تنطقي في ايه
اولفت/اصل انا سمعتها بتقول لوعد متجبيش سيره لحد و لا حتي كريم اني حامل
نظر كريم الي وعد
كريم/الكلام دا حصل يا وعد
وعد/ايوة يا ابيه علشان هي مش حامل اصلا
اولفت/و لا علشان الحمل دا مش من كريم اصلا دي واحده تربيه ملاجيء و لا ليها اصل من فصل و كانت عايشه لوحدها سنين محدش يعرف بتروح فين و بيجي منين
وعد/بس بقه كفايه ظلم و افتري
ذهبت اليها اولفت و قامت بصفعها بقوة علي وجهها و من قوه الصفعه وقعت وعد علي الارض
اولفت/انا ظالمه يا قليله الادب و لا هي اللي وطيه و جيه من الشارع هتعمل ايه يا كريم حظك كدا انت و اخوك من سوء اخياركم بتختارو غلط اخوك بردو راح حب و اتحوز واحده من الشارع و اخرتها حصل ايه مات يا حبيبي في عز شبابه ملحقش يتهني بسبب واحداه خاينه
الي هذا الحد و ام تستطيع التحمل اكثر من ذلك اكملت نزول الدرج سريعا و ذهبت نحو اولفت
و رفعت يدها و هبطت بها علي وجهها تحت صدمه الجميع من دخولها المفاجئ عليهم و من فعلتها
نور/اخرسي خالص انا اشرف منك و من عشره زيك و مرات اخوه اللي انتي بتتكلمي عنها دي تبقي ستك و ست البنات كلها و تربيه الملاجيء احسن مليون مره من تربيه القصور
كريم/انتي ايه اللي انتي عملتيه دا
نور/عملت اللي كان المفروض انت تعمله لما حد يجيب سيره مراتك بالسوء
كريم/انا اتصدمت و معرفتش افكر
نور/اتصدمت علشان انت مش واثق فيا و دي حاجه ونا مقبلهاش
كريم/يعني ايه
نور/يعني بهدوء كدا و من غير مشاكل تطلقني
كريم/انتي بتقولي ايه
نور/بقول اللي سمعته
علياء/هو انتي بتعملي الحبتين دول علشان تداري علي عملتك الوسخه مش هنصدق الفيلم العربي دا و لا انتي فاكراني نسيت المكالمه اللي كنتي بتتكلميها مع راجل و ضحكتي علي كريم و قولتي واحده ان كان هو صدق فا انا لا
نور/ و معدش غير اللي زيك هي اللي تتكلم عليا
كريم/علياء خاليكي في حالك و ملكيش دعوه بيها
علياء/انت بعد دا كله و مصدقها
كريم/ايوة مصدقها و عمري ما هصدق اي حرف يتقال عليها
ثم نظر الي نور
كريم/انا بثق فيكي اكتر من نفسي و لو شوفتك بعنيا بتعمل الغلط هكدب عيني انا بس اتصدمت من كلامهم و محدش اداني فرصه افكر في حاجه و لو مكنتيش انتي جيتي صدقيني كنت انا اللي هخدلك حقك
نور/انا مش جايه دلوقت اتكلم عني و لا عن اللي حصل انا عندي كلام تاني اهم مني و من اللي حصل دا
كريم/ايه هو
نور/مش الاول تسبني ارحب بالبيه........ ازيك يا رافت بيه
كريم/انتي تعرفيه يا نور
نور/عز المعرفه و هو كمان يعرفني
رافت و قد تغيرت ملامحه بشده و توتر و بان هذا من نبره صوته
رافت/اانا ااعرفك
نور/و مالك متوتر و خايف من ايه
رافت/هااا للا انا كوويس اهو
نور/يعني انت مش عارفني
رافت/لا
نور/طب افكرك انا بقه...... ارجع بالذاكره كدا لفوق التسع سنين افتكر كدا كرم و هبه و بيت(...) فوق السطوح ها افكرك كمان و لا كفايه كدا
وجد رافت ان لا مجال من الهرب و ادعاء النسيان و عدم التذكر
كريم/انتي تعرفي كرم
نور/عز المعرفه دا كان السند و الضهر و الحضن الحنين
استغرب كريم معرفتها بشقيقه و كيف لم تخبره بذلك من قبل
كريم/و انتي مقولتيش ليه انك تعرفي كرم قبل كدا
نور/لاني معرفتش ان كرم اخوك غير تاني يوم من دخولي هنا لم شوفت مدام اولفت و قعدت افتكر انا شوفتها فين شوفتها فين لحد ما افتكرت شوفتها فين و من يومها و انا بفكر هقولك ازاي
كريم/تقولي ايه
نور/ها يا استاذ رافت افتكرتني و لا لسه... اكمل و اساعدك انك تفتكرني
رافت/ايوة ايوة افتكرتك انتي نور صاحبه هبه عامله ايه يا بنتي فينك
نور/يا راااااجل
رافت/دورت عليكي كتير و الله علشان كرم الله يرحمه كان مواصيني عليكي
نور/و النبي ايي و انت كنت بتدور عليا علشان تخلي بالك مني طبعا
رافت/طبعا
كريم/هو انتي تعرفي مرات كرم يا نور
نور/ايوه طبعا اعرفها
كريم/طب فين مكانها انا دورت عليها كتير علشان انتقم منها فين مكانها
نور/تنتقم منها ليه
اولفت/و هي يعني هتقولك علي مكانها
نور/انا فعلا مش هقولك علي مكانها علشان معرفوش
اولفت/شوفت انها مش هتعرفك طريقها
كريم/علشان خطري قوليلي مكانها فين
نور/لما اعرف عايز تنتقم منها ليه
كريم/علشان هي السبب في اللي حصل لاخويا و علشان كمان خانته
نور/مين قالك الكلام دا هما
كريم/ايوة
نور/و انت صدقتهم بسهوله
كريم/لا بس كرم اخر كلمه قالهالي خاينه
نور/قالك خاينه كدا و حتي لو قالك خاينه ليه تفكيرك راح لمراته ليه ميكونش قصده مثلا علي مرات ابوك
كريم/...........
نور/ما تنطق سكت ليه و لا معندكش حاجه تقولها
كريم/لا بحاول افتكر هو قال ايه
نور/ و افتكرت
كريم/للاسف قال خا بس
نور/و انت كملتها خا ينه و فضلت تدور عليها علشان تنتقم بدون دليل مفكرتش مثلا انها تكون خا لي و كان نفسه مثلا يكمل الجمله و يقولك خالي بالك من مراتي و عيالي مثلا
كريم/عياله
نور/ايه البيه و الهانم محدش قالك ان هبه كانت حامل
كريم/انتي بتقولي ايه انا اخويا ليه طفل طب هو فين و فين مراته
نور/السؤال دا اجبته مش عندي احبته عند مرات ابوك و عمك
رافت/انتي اتجنني... انتي ايه اللي انتي بتقوليه دا انا منعرفش حاجه عن كل دا انتي كدابه
نور/انا مش كدابه انا مش بقول غير الحقيقه و كريم لو كلف خاطره و راح المستشفي اللي مات فيها كرم و سال علي اسم هبه هيعرف انها جت معاه في الحادثه و انها كانت حامل و في طريقها للولاده و عملو الحادثه
كريم/طب هي فين دلوقت
نور/للاسف هبه مات بعد ماولدت علي طول ماتت و هي بتوصيني علي كرم و اللي كان في بطنها و في نفس الوقت لما روحت اطمن علي كرم بعد ماطلبت مني وصاني هو كمان علي هبه و اللي كان في بطنها
كريم/و ابن كرم
نور/قصدك ولاد كرم
كريم/ولاده انا مش فاهم
نور/هبه كانت حامل في تلاته
اولفت/انتي كدابه هبه مجبتش غير واحد و انا..............
نور/ايوة انتي ايه بقه
اولفت/انا كنت واقفه ساعت لم ولدت و الممرضه خرجت و قالت انها جابت ولد و مات
نور/انتي كدابه الولد مامتش انتي اخدتيه ودتيه فين انطقي قولي عملتي في ايه
كل هذا و هي ممسكه بها من ملابسها و تهز فيها بقوه
اولفت/الكلام دا مش حقيقي كل دا محصلش
نور/و محصلش بردو انك انتي و الكلب دا السبب في موت كرم و هبه
جحظت عين رافت و اولفت و كاد قلبهم ان يتوقف...... من اين لها علمت ما حدث
حاول رافت ان يخرج من الموقف هذا باقل الخسائر
رافت/انتي قليله الادب و موت كرم ايه اللي بتتكلمي عنه في حد يموت ابنه انتي مجنونه و عايزه توقعي بينا...... و انت يا كريمجايبني بيتك اتهزق مكنش العشم يا ابن اخويا
سليم/انتي عندك دليل علي كلامك كدا
نور/ايوة طبعا عندي بدل الدليل عشره دا انا من تمن سنين و انا مستنيه اللحظه دي و علشان كرم كان خايف عليا و عارف و سختكم قالي مظهرش اي حاجه غير لما ولاده يكبرو و ياخدو بتار ابوهم و امهم
اولفت/هترجعي بردو تقولي ولاده كرم مخلفش غير ولد واحد
سليم/قولتلك يا نور ايه دليلك علي الكلام دا
نور/دليلي...............
استووووووووووب
للكاتبةآيه عطيه: ال٢٨
بسم الله الرحمن الرحيم
...............................
سليم/قولتلك يا نور ايه هو دليلك علي كلامك دا
نور/دليلي اهو
و اخرجت من جيب الفستان التي كانت ترتديه فلاشه صغيره
سليم/ايه دا دي فلاشه
نور/وعد خدي شغلي دي علي اعلي صوت
وعد/حاضر
و ذهبت وعد و قامت بشغيل الفلاشه
و علي الصوت في اركان المكان
/انت بستعبط يا رافت
/في ايه
/انت بتسال في ايه.... في ان انت مشغل معاك شويه عيال هو دا اللي قولناله يخلص علي طول جيبهم علي المستشفي لسه فيهم الروح
/وطي صوتك بس
/صوتي متزفت اهو
/هما كدا كدا مش هيخرجو منها لان حالتهم صعبه قوي
/اما اشوف و خصوصا بنت الكلب اللي متجوزها هي و اللي في بطنها
/دا انتي تحمدى ربنا ان احنا عرفنا في الوقت المناسب
/صحيح انت مقولتليش انت عرفت ازاي
/في الفتره الاخيره حاله كان متغير مش طبيعي و بيمشي بدري من الشركه و يرجع البيت متاخر و في يوم سمعته بيتكلم مع حد في التليفون و بيقولها خالي بالك منها و انا جي علي طول انا من الاول كنت خايف عليها من الحمل دا بس هعمل ايه كله نصيب و الحمد لله علي كل شيء و قفل...... من حظي الحلو كان عندنا اجتماع طلبت منه يحضره بالنيابه عني لاني تعبان جدا و هو وافق و بعدت و احد من اللي تبعي في الشركه يدخله القهوه و يجيب موبيله و فعلا جابه كنت انا بعت لواحد عفريت كمبيوتر ونت و الحاجات دي دخلي برنامج علي تليفونه يسجلي كل كلمه بيقولها حتي من غير ما يتصل بحد و يبعتهالي علي تلفوني و بعد كدا سبتلو تليفونه علي مكتبه علي اساس ان هو نسيه و اللي ساعدني في كدا ان عقله كان مشغول ف مركزش في حاجه
و قدرت اعرف انه اتجوز البت تربيه الملاجيء دي و كمان حامل منه بس اللي مقدرتش اعرفه عنوانهم لانه خلص الاجتماع و مش علي طول و علي ما كلمت حد يمشي واراه كان اختفي بالعربيه و من وقوتها لحد انهارده كنت بدور علي العربيه في كل مكان لكن زي ما تكون فص ملح و داب لغايه انهارده الصبح سمعتهم بيقولو عنوان المستشفي فبعت اللي يخلص و قولتله يعمل حسابه ان يوقف عربيه في كل اتجاه لان منعرفش هيجي من اي اتجاه
/طب و انت عرفت الميعاد بالظبط ازاي
/علشان كان بيقولهم اجهزو يلا علي ما انزل اجيب العربيه و نزل و بعد مده سمعت صوت العربيه و مش بيها شويه و كلمهم قالهم انا واقف تحت البيت و سمعت صوت باب العربيه و مكنش في صوت تاني و بعد مده سمعت صوتهم و هما في العربيه اللي قهرني ان بنت الكلب التانيه دي مركبتش معاهم كنا خلصنا مره واحده
/مسيرها تقع و نخلص منها
/ايوة قبل ما تتكلم و تودينا في داهيه
/توديك انت لوحدك يا حبيبي انا
/نعم يا اختي انتي كنتي معايا خطوه بخطوه يا اولفت و لا نسيتي
/انسي ايه انت اللي كنت بتعمل كل حاجه انا معملتش حاجه
/اها معملتيش حاجه بس كنتي بتفكري معايا نخلص من كرم و اهو اخوه سافر و مش راجع تاني
/صحيح انت مش هتتصل بيه تعرفه دا مش زي كرم و مش هيعدي حاجه
/هكلمه بس لما اطمن انه خلاص بيودع و مفيش امل يعيش يوم واحد
/ياريت يا اخويا يخرج من العمليات ميت هو و هي و اللي في بطنها
و انتهي التسجيل مع انتهاء اخر ذره عقل لكريم و امسك رافت من رقبته و حاول خنقه بقوة و كادت روحه تصعد الي بارءها
كريم/انت السبب في موت كرم انت السبب في حرقه قلبي عليه
حاول سليم منعه
سليم/اهدي يا كريم متوديش نفسك في داهيه سيبه
نور/سليم معاه حق سيبه و متوديش نفسك في داهيه علشانه
تركه كريم بصعوبه يود ان ياخذ روحه انتقاما لاخيه
وقف سليم امام والده
سليم/انا كنت طول عمري عارف انك قلبك قاسي و جامد و عمرك ما حسستني انك ابويا بجد.... بس عمري ما كنت اتخيل ان توصل بيك القسوه لدرجه انك تقتل بني ادم لا و مش اي حد دا ابن اخوك ربنا يسمحك انما انا مش هسامحك لاخر يوم في عمري... و اذا كنت منعت كريم انه يخلص عليك فدا لاني خايف عليه هو و مش عاوزه يودي نفسه في داهيه علشانك..... بس فيه بوليس و نيابه هي هتنتقم و تجيب حق كرم و مراته و ابنه
رافت/بس كل دا كدب محصلش و التسجيل دا مش ليا
نور/امال لمين لأمي متنساش يا رافت بيه ان فيه طب شرعي هيقدر يثبت ان دا صوتك و صوت الهانم
كريم/دلوقت انا عايز اعرف ابن اخويا فين
نور/انطقي و ديتي الولد فين حرام عليكي حرمتيني منه السنين دي كلها و مقدرتش انفذ وصيه هبه و كرم و وجعتي قلبي عليه ريحيني و وقوليلي هو فين.....انا لسه عندي ليكي بلاوي كتير توديكي ورا الشمس....زي مثلا تجارتك في البودره اللي بتسفري تعملي شوبنج و تجبيها متهربه معاكي و انتي جايه و لا تخطيطك للتخلص من كريم و جوازه من ربه الصون و العفاف اللي هي مش بنت اختك اصلا اقول كمان و لا كفايه و كله بالادله
وجدت اولفت انها قد انتهت حياتها بهذا التسجل لانها قضيه قتل و قضيه تهريب و اتجار و و و و انها سوف تذهب الي السجن لا محال
اولفت/عايزة تعرفي وديت الولد فين
نور/ايوة
اولفت/انا قتلته.... قتلته باديا دول ما انا عمري ما كنت هخلي في نسل لكرم و لا لغيره لا وكمان من بنت من الشارع دا بعدك انتي و هي
نور/عاااااااااا عاااااااااااا ربنا يحرق قلبك زي ما حرقتي قلبي ربنا ينتقم منك حسبي الله و نعم الوكيل
كانت نور تتحدث بحرقه حقيقيه كان هذا ابنها هي و ليس ابن صديقاتها كانت تتحدث و هي تصفعها قلم خلف الاخر مع كل كلمه حتي احتضنها كريم بقوه و ابعدها عنها و حاول تهدءتها
اولفت/انا مبسوطه و انا شيفاكي بتنهاري كدا و كان نفسي اشوف كرم منهار و مذلول زيك كدا و مبسوطه انه مات و ملوش نسل في الدنيا
نظرت لها نور و ابتعدت عن حضن كريم
نور/ههههه ههههه هههههه هههههه ههههه هههههه
استغرب الجميع امر نور و ان بعد بكاءها و انهيارها هذا تضحك بهذا الشكل
كريم/نور مالك في ايه
نور/هي مبسوطه ان كرم مات و ملوش نسل في الدنيا هههههه ههههه ههههههه
سليم/و ايه اللي يضحك كدا
نور/حكمه ربنا يا اخي ههههههه
كريم/اهدي يا نور انتي تعبانه تعالي ارتاحي شويه
اولفت/هي هتفضل تعبانه كدا علي طول هيفضل قلبها محروق و انا قلبي طاير من السعاده و انا شيفاكي كدا
نور/هههههههه انا مش عارفه اقولك ايه... انتي ايه... كل دا غل و حقد علي كرم هو كان عملك ايه منك لله يا شيخه.... بس عايزه انا اقولك علي حاجه.... عايزه اقولك ان اسم كرم هيفضل في الدنيا و ان نسله موجود
جحظت عين اولفت بشده ماذا تقصد بنسله ماذال موجود بالدنيا
اولفت/قصدك ايه
نور/قصدي ان هبه كانت حامل في تلاته
اولفت/انتي كدابه هبه ما جبتش غير واحد
نور/هبه كانت حامل في تلاته و الاتنين الاولنين خرجو من العمليات قبل ما انتي و البيه توصلو المستشفي و راحو الحضانه و اما روحت اطمن عليهم و رجعت لقتكمموجودين......خفت اظهر قدامكم فا خاليت واحده من اللي شغلين في المستشفي جبتلي نقاب وحده صحبتها لبسته و استنيت جمبكم قدام اوضه العمليات و سمعتكم و انتم بتتكلمو و بعد ما خلصتو كلام سبتكم و مشيت روحت الحضانه تاني و اتاكدت ان مفيش حد جوه و دخلت شلتهم و خرجت بيهم برا المستشفي و ديتهم علي الملجيء و رجعت تاني كانت هبه جابت الولد التالت و انتي اخدتيه و حاولت اعرف ودتيه فين لكن معرفتش
كريم/طب انتي كنتي فين المده دي كلها
نور/كرم كان خايف عليا و هو اللي قالي اختفي متخليش حد يشوفك و لا يعرف انه ليه ولاد لحد ما يكبرو
كريم/كان خايف عليهم حتي مني
نور/لا ابدا بس مكنش عارف انت هترجع تاني امتي كان واثق تنك الوحيد اللي هتحمي ولاده
كريم/طب و لما ظهرتي في حياتي كنتي عارفاني و عارفه انا مين
نور/لا و الله انا مكنتش اعرفك بس القدر هو اللي رماني في طريقك وورماك في طريقي و مكتشفتش انك انت عم مالك و مليكه غير تاني يوم دخلت فيه البيت هنا لما شوفت اولفت و قاعدت افتكر انا شوفتها فين لحمد ما افتكرت كل حاجه
سليم/طب هما فين ولاد كرم دلوقت
نور/موجودين
كريم/موجودين فين يعني
نور/موجودين هنا و انت شوفتهم
كريم/قصدك.....
نور/مالك و مليكه
كريم/ايه
نور/هما دول ولاد كرم اخوك الله يرحمه
اولفت/انتي كدابه كدابه مش ممكن لا لا كرم ملوش ولاد
سليم/و ايه اللي يثبت كلامك دا
نور/معنديش اثبات كان ممكن اقولكم نعمل تحليل دي ان ايه لكن امهم و ابوهم ماتو
سليم/لكن في جينات وراثيه ممكن تثبت انهم ولاد كرم
نور/بجد ماشي انا موافقه مالك و مليكه موجودين اهم خدوهم و اعملو التحايل الازمه علشان تتاكدو
كريم/بس انا مش محتاج تحاليل انا متاكد انهم ولاد اخويا
نور/كرم سابلك امانه معايا علشان تتاكد اكتر
و اخرجت من جيب فستانها السلسله و الخاتم الذي اعطاهم كرم لها كا اثبات و طلب منها اعطاءهم الي كريم
اخذهم منها كريم و ادمعت عيناه عندما راهم لانهم ذكره باخيه و والده لانهم في الاصل كانو ملكا لاوالده و توارثهم اخيه بعد موت ولده و الان يتوارثهم هو بعد موت اخيه فهبطت دموعه مع ابتسامه صغيره
نور/و دي الاوراق اللي اخوك كان مسكها علي رافت بثبت انه تاجر مخدرات و سلاح و كان كرم مستني الوقت المناسب و يبلغ عنه بس رافت مدهوش فرصه و خلص عليه
رافت/كل دا كدب انتي كدابه كدابه
نور/فاضل حاجه اخيره و من فضلك متزعلش مني يا كريم و لا انت يا سليم
كريم/حاجه ايه اللي هتزعلنا
نور/اني اخد بتاري لنور
ثم رفعت هاتفها الي اذنها ادخل يا احمد
و عندما انزلت الهاتف من علي اذنها اقتحمت قوه كبيره من الشرطه المكان و تم القبض علي اولفت و رافت و ايضا علياء بتهمته تعدد الازواج و كان لديها قضيه اخري
و لكن رافت تصاعدت النار بداخله لانه وقع علي يد تلك الحشره بالنسبه له
فقام بافلات نفسه من الذين يقيده و اخذ سلاح احدهم علي غفله منهم و قام باطلاق النار علي نور
و لكن قبل ان تصل الرصاصه الي نور راته وعد و هو يرفع السلاح باتجاه نور فذهبت اليها سريعا
وعد/حااااااسبي
نظرت نور الي وعد و قبل ان تفهم شيء و جدتها في اخضانها و ما هي الا ثواني و استمعت لصوت الرصاصه و وجدت وعد تهبط ببطء من احضانها علي الارض و الدماء تسيل منها
نور/وعد واااااااااااعد
استمعت اولفت الي نداء نور علي ابتها نظرت خلفها وجدتها ملقاه علي الارض و بجوارها بركه كبيره من الدماء
افلتت نفسها هي الاخري بقوه و ذهبت اليها
اولفت/واااااااعد واااااااوعد يا حرقه قلبي يا بنتي اهااااااا ليه كدا حراااااااام يااااا وجع قلبي اهاااااااا ليه كدا منك لله يا رافت
نظر اليها رافت بصدمه لانه لم يكن يقصدها هي و لكن كان يقصد نور ذهب اليها هو الاخر سريعا
رافت/بنتاااااااااي بنتااااااااااي ليه كدا يارب بنتااااااااي
استمع الجميع بصدمه من حديثه ماذا تعني انها ابنته هل فقد عقله مما حدث ام ماذا
في تلك الاثناء عندما راه احمد ما حدث
احمد/حد يطلب الاسعاف بسرعه بسرعه
و بعد قليل جاءت سياره الاسعاف و اخذت وعد تحت صريخ اولفت و دموع رافت
ذهبت معها وعد و معها مالك و مليكه الذين استيقظو من النوم علي اثر تلك الاصوات و عندما راو ما حدث اخذو يبكون بصوت عالي
و قامت الشرطه بتقيد حركه اولفت و رافت مره اخر و ذهبو بهم الي قسم الشرطه
اما كريم و سليم يجلسون في اماكنهم مصدمون مما استمعو اليه و مما حدث و كان احمد مازال معهم دون حديث فهو كان يستمع من البدايه لكل شيء و بعد وقت طول من الصمت
احمد/احم احم انا اسف اني هدخل في حاجه متخصنيش بس دا مش وقت صدمه لازم تلحقو اللي في المستشفي دي سواء اختك او اخته انتم لازم تقو علشانها
نظر سليم لكريم و ايضا كريم نظر له
و قام كريم من مقعده و نظر الي سليم ثم مد يده له و اخذه و ذهب الي وعد في المستشفي
احمد/تعالو معايه افضل مش هتقدو تسوقو و انتم بالحاله دي
صعدو معه السياره دون حديث فهم الان تحت صدمتهم
فا سليم مصدوم في ابيه هو يعلم ان قلبه قاسي و لكن لم يتخيل ان يفعل كل هذا من جراءم
و كريم مصدوم في عمه و مرات ابوه فهو يعلم وساختهم و انهم يفعلون اي شيء من اجل المال و لكن لم يتخيل ان توصل به الوساخه لدرجه القتل و خيانه اخيه
اما احمد فتذكر قبل هذا بساعات عندما تحدثت معه نور في الهاتف و طلبت مساعدته
فلاش باااااااك
نور/السلام عليكم ازيك يا استاذ احمد
احمد/مين معايا
نور/انا نور انا اخدت رقمك من ابله يسرا
احمد/اها اهلا ازيك يا نور عامله ايه
نور/الحقيقه انا بكلم حضرتك كنت محتاجه خدمه منك
احمد/انا تحت امرك في اي حاجه
نور/الموضوع.......
و بدات تقص له كل شيء و ما هو مطلوب منه باختصار شديد
احمد/يعني انتي دلوقت عايزاني ابلغ البوليس و اجي علي عندك
نور/ايوة بس بعد اعترافهم تدخل الشرطه تقبض عليهم
احمد/ماشي بس علشان تكوني عارفه حاجه زي كدا ممكن تسبب في مشاكل بينك و بين كريم مهما كان دا يبقي عمه
نور/عارفه بس انا لازم انفذ وصيه كرم اللي لو كان مد في عمره شويه بس كان طلب دا من كريم
احمد/ربنا يستر و يعديها علي خير
نور/يارب سلام
احمد/مع السلامه
بااااااك
وقف احمد بالسياره امام المستشفي و قام بالاتصال علي نور و علم منها اين توجد و صعد و معه كريم و سليم الي غرفه العمليات حيث توجد نور
و عندما وصلو اليها
كريم/ايه الاخبار طمنيني علي وعد
نور/لسه جوه محدش خرج يطمني
احمد/اطمنو ان شاء الله خير
سليم/يارب
و بعد وقت طويل خرج الطبيب من غرفه العمليات
و عند خروجه ذهب اليه الجميع في سرعه
كريم/طمني يا دكتور
الدكتور/انا مش هقدر اقول اي حاجه غير ان الحاله مش مستقره نهائي و بعد مرور اربعه و عشرين ساعه هقدر اقولكم الحاله ايه و هي هتخرج دلوقت علي العنايه المركزه بعد اذنكم
احمد/طب يلا وقفتكم دي ملهاش لازمه تعالو علي البت و بكرا ان شاء الله نيجي هنا من بدري
نور/انا عمري ما همشي من هنا غير لما اطمن عليها الاول دي خدت الرصاصه بدالي
كانت تتحدث و هي تبكي بشده
مليكه/ما تخفيش يا مامي هي هتبقي كويسه مش كدا
كانت تبكي هي الاخري
نظر لهم كريم فهم الي الان لم يعرفو انه عمهم
اقترب منهم و هبط علي ركبته بجانبهم و اخذهم في احضانه
كريم/متخفوش يا حبيبي وعد هتبقي كويسه جدا
مالك/يارب يا بابا
و بعد خروج وعد من غرفه العمليات و ذهبت الي غرفه العنايه و ذهب الجميع و جلسو امام غرفه العنايه بانتظارها حتي تفوق و يطمئنو عليها
ظلو هكذا الي حتي جاء الصباح
و في الصباح وجدو الطبيب يخرج من غرفه وعد
قام الجميع و اقتربو من الطبيب
كريم/ها يا دكتور طمنا
الدكتور/انتم ناس موحده بالله و..............