رواية كيف تكون النهاية
الفصل التاسع والعشرون
بقلم ايه الجلاد
كريم/ها طمنا يا دكتور
الدكتور/انتم ناس مؤمنه بالله و و مؤمنين بقضاء الله و قدره
سليم/اتكلم عل طول يا دكتور
الدكتور/للاسف الحاله حصل ليها شلل لان الرصاصه جات في منطقه حساسه جدا قرب العمود الفقري و هو دا سبب لها الشلل
نور/لا اله الا الله لا اله الا الله لا حوله ولا قوه الا بالله لا حوله و لا قوة الا بالله اللهم لا اعتراض
كانت تتحدث و هي تبكي بشده علي ما حدث لتلك الفتاه التي ظلمتها الدنيا و ظلمها من حولها بل و كسرها من هم السند
سليم/لا حوله و لا قوه الا بالله
كريم/لله الامر من قبل و من بعد
جميعهم الجمتهم الصدمه و ظلو يرددون ادعيه لله
احمد/طب يا دكتور مفيش علاج او عمليه و لا حاجه احنا ممكن نسفرها برا
الدكتور/لو كان ينفع لحالتها عمليه انا كنت قولت الامل دلوقت في ربنا.. عموما في علاج هتمشي عليه شويه و نشوف بعد كدا الوضع عامل ازاي و اهم حاجه الحاله النفسيه و لو في تحسن علي العلاج ممكن ساعتها نعمل علاج طبيعي
احمد/متشكر جدا يا دكتور
الدكتور/انا في مكتبي لو احتاجتم حاجه بعد اذنك
احمد/اتفضل يا دكتور
ثم نظر الي كريم و سليم و نور
احمد/مينفعش كدا اللي انتم عاملينه دا انتم سمعتو الدكتور بيقول اهم حاجه في العلاج هي الحاله النفسيه و لو شافتكم كدا حالتها هتسوء اكتر
سليم/احمد معاه حق يا كريم يلا يا نور قومي اغسلي وشك علشان ندخلها
قامت نور من مقعدها و ذهبت نحو الحمام و قامت بغسل وجهها ثم ذهبت اليهم و دخل جميعهم الي وعد بعد نقلها في غرفه عاديه
دخلت اولا في المقدمه نور و خلفها مالك و مليكه و كريم و سليم و احمد
نور/حببتي انتي عامله ايه دلوقت
وعد/الحمد لله انا كويسه المهم انتي بخير
نور/انتي ايه خالاكي عاملتي كدا يا وعد
وعد/مقدرتش اشوفه و هو عايز ياذيكي و اقف اتفرج كان لازم اعمل حاجه
كريم/الحمد لله انك بخير يا حببتي
وعد/هما عمولو ايه مع ماما
صمت حل علي المكان و لا يستمع غير صوت انفاسهم و لا يستطيع احد التحدث لها عن اي شيء اولا لانهم لم يعلمو حتي الان ماذا حدث معها ثانيا حتي لا تسوء حاله وعد في بالاخير ولدتها
وعد/انا عارفه ان ماما غلطه في حاجات كتير و عارفه كمان انها كانت بتفكر تخلص منك يا ابيه
كريم/لا يا حببتي الكلام دا غلط مش صح
وعد/يا ابيه انا عارفه كل حاجه عارفه ان ماما هي اللي كانت السبب في موت ابيه كريم و كمان بتاجر في المخدرات و كانت بتخطط علشان تخلص منك
كريم/اللي قالك الكلام دا كداب
وعد/محدش قالي يا ابيه علشان لو كان حد قالي انا كنت كدبته انا سمعت كل حاجه بوداني و انا اللي سجلتلها كل حاجه و اديت التسجيل لنور لاني مكنتش عارفه اتصرف لوحدي و كمان كنت خايفه
سليم/خلاص يا حببتي كل واحد هياخد جزاءه المهم عندنا دلوقت انتي وصحتك
وعد/انا كويسه بس حاسه بتقل في رجلي الاتنين.... انا مش حاسه بيهم اصلا
نظر الجميع الي بعضهم البعض مع صمت تام يفكرون بصمت ماذا يقولو لها
بعد صمت دام لثواني اقتربت منها نور
في حين ابتعد سليم و كريم الي ركن بالغرفه لم يتحمل الذي سيحدث عندما تعلم الحقيقه و هبطت دموع كلا منهم
حاولت نور ان تتماسك قليلا حتي تستطيع تهوين الامر عليها
نور/انتي طبعا مؤمنه بالله و بقضاء الله
وعد/ايوة و الفضل يرجعلك
نور/بصي يا وعد الرصاصه جات في منطقه حساسه جمب العمود الفقري فا يعني هو دا سبب تقل رجلك
وعد/يعني شويه و هتروح
نور/بصي هي شويه و هتروح بس شويه كتير و مع العلاج هتخفي و تبقي تمام
وعد/شويه كتير قوي
نور/كل ما كانت نفسيتك حلوة كل ما هتخفي بسرعه علشان كدا انا مش عايزاكي تزعلي من اي حاجه خالص و تبقي قويه
وعد/انا ليه حاسه ان الموضوع اكبر من كدا
نور/ها لا مش كبير هو بس......
وعد/بس ايه
نور/هو........
وعد/انا فيا ايه يا نور انا مش همشي علي رجلي تاني
نور/مع العلاج هت.........
وعد/انا تشليت و مش همشي علي رجلي تاني صح......... هو دا اللي انتي مش قادره تقوليه....... بس تعرفي انا مش زعلانه...... انا فرحانه علشان كلكم حوليا و معايا و اتاكدت دلوقت ان كلكم بتحبوني بدون اي مقابل مش زي ماما كانت بتقول انكم بتحبوني علشان تضحكم عليا و تاخدو فلوسي
كريم/احنا معاكي و جمبك من زمان يا وعد بس انتي اللي كنتي بعيد
سليم/خلاص ملناش دعوه بزمان احنا في دلوقت و من دلوقت مش هنفارقك ابدا و هنفضل جمبك العمر كله
وعد/ربنا يخليكم ليا يارب
كريم/و يخليكي لينا
وعد/بس اناطلبه منكم طلب
سليم/انتي تؤمري مش تطلبي
نظرت وتد الي نور
وعد/متزعلوش من نور انها بلغت البوليس قبل ما تقولكم هي كانت خايفه زي و اكتر كمان و علي فكره يا ابيه نور بتحبك و بتحبك قوي كمان
نظرت لها نور و قد جحظت عينها ثم نظرت باتجاه كريم وجدته ينظر اليها نظرت للاسفل و قد احمر وجهها من الخجل
انحني مريم باتجاه وعد و اقترب من اذنها
كريم/عارف و عايز اعوضها عن كل اللي عاملته فيها بس شدي حيلك انتي علشان تساعديني
وعد/من عنيا
كل هذا و احمد يقف بنهايه الغرفه يستمع لما يحدث
احمد/احم احم انا هستاذن انا بقه و ها ابقي اجي اطمن هاي انسه وعد في وقت تاني
ذهب باتجاهه كريم
كريم/احنا متشكرين جدا ليك و اسفين علي تعابك معانا
احمد/متقولش كدا انا معملتش غير الواجب
سليم/نردلك وقفتك دي ان شاء الله في الافراح
احمد/ان شاء الله و ربنا يتم شفاكي علي خير يا انسه وعد
وعد/يارب
احمد/انتي مش محتاجه مني حاجه تانيه يا مدام نور
قال هذا و هو ينظر الي كريم
نور/انا متشكره جدا علي وقفتك دي
احمد/مقولت مفيش بنا شكر يلا اسيبكم انا دلوقت و دا مفتاح عربيتي خاليه معاك يا كريم
كريم/طب و انت
احمد/انا بطولي هاخد تاكسي انما انت علشان مدام نور و الاولاد و لو الدكتور كتب علي خروج لانسه وعد و لا حاجه
كريم/ماشي يا باشا
احمد/سلام
كريم/مع السلامه
سليم/الراجل دا باين عليه جدع جدا و محترم
نور/فعلا انا اول ما كلمته متاخرش عني خالص
كريم/ايوة فكرتيني انتي كلمتيه ازاي و امتي و ليه
نور/ازاي فا انا اخدت رقمه من ابله يسرا و امتي ساعت ما وصلت انت و عمك و ليه ملقتش اكتر من دي فرصه الكل متجمع فيها علشان اخد بتار كرم و هبه
سليم/بس انتي ليه مقولتيش لحد فينا
نور/كنت خايفه متصدقونيش او متنتقموش لكرم
كريم/و انتي من معشرتك لينا تعرفي ان احنا ممكن نسيب تارنا و لا حقنا
نور/لا بس انت متسرع و بتحكم علي الامور من الظاهر بس مبتحولش تفهم و بعدين تحكم
علم كريم انها تتحدث عن ما حدث منه اكثر من مره و قام بظلمها و بعد ذلك يكتشف الحقيقه و يندم علي ما فعله
كريم/بس الكلام دا كان زمان دلوقتي لا
نور/حط نفسك مكاني و شوف هتتصرف ازاي
هو يعترف بينه و بين نفسه انه كان سيفعل هذا و اكثر بكثير من اجل الثار لاخيه
كريم/معاكي حق بس دي اخر مره تتصرفي في حاجه من غير ما ترجعيلي
نور/يعني انت مش زعلان مني
كريم/بعد حفاظك علي ولاد اخويا السنين دي كلها غفرلك اي حاجه عملتيها او لسه هتعمليها دا غير ان قلبي عمره ما هيطوعني و يزعل منك
سليم/اجبلكم شجره و اتنين لمون هنا
كريم/دا انت فصيل يا اخي و حياه امك لا هرخم عليك لما تكون مع مها دا انا هفضلكم نفسي مخصوص علشان ارخم عليكم
شهقه خرجت من فم سليم مع ضربه قويه علي مقدمه راسه
سليم/هااااااااااا يا نهار مهبب
كريم/هببت النهار من اوله ليه حرام عليك احنا نقصين
سليم/دي مها هتعلقني كان المفروض اعدي عليها امبارح بالليل
كريم/حصل خير و لما تعرف اللي حصل هتعزرك
سليم/اما اشوف يا اخويا ربنا يستر
نور/انا هكلما دلوقت و احكلها اللي حصل باختصار و هي هتعزرك و مش بعيد تلاقيها هنا علشان تطمن عليك و علي وعد
كريم/بلاش تقلقيها دلوقت زمانها نايمه
نور/لا دا الساعه حداشر زمنها صحيت من بدري و كمان علشان اودي عندها مالك و مليكه
كريم/ليه
نور/لحد لما نشوف وعد هتخرج امتي و نظبط حالنا بلاش نبهدلهم معانا اكتر من كدا
كريم/خلاص اللي تشوفيه
نور/خلاص انا هكلمها دلوقت و بعد اذنك يا سليم توديهم ليها
سليم/ماشي
و تحدثت نور مع مها و قصت لها ما حدث باختصار و اخبرتها ان سليم سوف يذهب اليها و معه مالك و مليكه لكي تطرقهم معها يومين
و بعد ان انتهت من الحديث عبر الهاتف
نور/مها مستنياك يا سليم
سليم/ماشي هات مفتاح العربيه اوديهم و هتصلك علي حد من الشركه يجبلك عربيتك علي هنا و انا هودي دي لاحمد و اجيب عربيتي
كريم/ماشي بس ابقي ابعتلنا معاه اكل بلاش اكل المستشفيات
سليم/ماشي
و تركهم و ذهب و معه مالك و مليكه الي منزل مها
اما في غرفه وعد بعد خروج سليم
وعد/هو ممكن اطلب منك طلب يا ابيه
كريم/طبعا يا حببتي اطلبي اللي انتي عايزاه و انا عليا التنفيذ حتي لو طلبتي لبن العصفور
وعد/مش عايزه ارجع الفيلا دي تاني
كريم/ليه يا وعد
وعد/مبقتش حباها عايزه مكان تاني
كريم/و انا موافق بس هنتر نقعد فيها شويه صغيرين لحد ما الاقي مكان تاني
وعد/مينفعش نقعد في فندق لحد ما تلاقي
كريم/هو ينفع بس مش هيبقي وخدين راحتنا فيه بس مش مشكله ماشي يا ستي
نور/طب ممكن اقول حاجه
كريم/اتكلمي علي طول انتي مش محتاجه اذن
نور/طب ايه رايك لو نروح نقعد في شقتي هي في الاساس شقت اخوك و هي هتكون افضل من الفندق و هنكون علي راحتنا
كريم/ايه رايك يا وعد
وعد/موافقه طبعا
كريم/خلاص يا ستي موافق انا كمان
وعد/ربنا يخليك ليا يا ابيه
و اثناء حديثهم طرق الباب و ذهب كريم ليري من الذي اتي وجد اشخاص لم يعرفهم
كريم/ايوة
احد الاشخاص/انا المقدم فاروق مش هي دي اوضه وعد الحسيني
كريم/ايوة و انا اخوها
المقدم/طيب احنا عايزين نسالها شويه اساله و هنحتاجك انت كمان في النيابه و زوجتك كمان
كريم/طب اتفضل حضرتك
تنحي كريم جانبا حتي دخل المقدم و من معه
المقدم/ممكن تستنو برا شويه
خرج كريم و معه نور خارج الغرفه و بداء المحقق في عمله حتي انتهي
ثم خرج الي كريم و نور هو و من معه
المقدم/هنحتاج حضرتك معنا في النيابه و كنان مدام نور
كريم/حاضر ان شاء الله
و ذهب المقدم لاكمال عمله
كريم/هنعمل ايه دلوقتي مش هينفع نسيب احنا الاتنين وعد و بردو مش هينفع تروحي النيابه لوحدك
نور/انا هكلم عزه جارتي تيجي تستني معاها علي ما نروح و نيجي
كريم/ماشي
و بعد وقت جاءت عزه و جلست هي بصحبه وعد و ذهب كريم و نور الي النيابه و ذهب خلفهم ايضا سليم و بعد انتهاء التحقيقات عاد الجميع الي المستشفي
في غرفه وعد
نور/بقولك ايه يا كريم ممكن تيجي توصلني انا و عزه
كريم/علي فين
نور/هنوصل عزه لبيتها و انا اروح الفيلا اغير هدومي و احيب هدوم لوعد و هو سليم موجود معاها اهو علي ما نرجع
كريم/ماشي يلا
و ذهب كريم و معه عزه و نور و قامو بايصال عزه اولا ثم ذهبو نحو الفيلا
صعدت نور الي غرفتهم اولا اخذت حمام دافيء ثم بدلت ملابسها و ذهبت الي غرفه وعد اخذت لها ملابس
في ذلك الوقت كان كريم قد اخذ ملابس له و ذهب الي غرفه مالك و مليكه و اخذا حماما هو الاخر و بدل ملابسه و هبط للاسفل بانتظار نور
هبطت نور وجدته بدل ملابسه
نور/انت غيرت انت كمان
كريم/ايوة خلصتي
نور/ايوة
كريم/طب يلا بينا
و عادو مره اخري الي المستشفي و اصر كريم انه يظل مع نور و وعد في المستشفي و لا يتركهم نهائي
و بعد مرور عشره ايام بالمستشفي تحسنت حاله وعد و كانت كل يوم تاتي اليها مها لتطمئن عليها و تاخذ معها مالك و مليكه من اجل ان ترهم نور و تطمئن عليهم و ايضا احمد كان يذهب اليهم كل يوم و لم يتركهم نهائيا
و في صباح يوم جديد دخل الطبيب للاطمئنان علي وعد و بعد ذلك كتب لها علي خروج فرح الجميع بهذا الخبر و لكن الذي احزن قلبوهم و حاولو مدارته هو ان وعد سوف تجلس علي مقعد متحرك لعدم قدرتها علي الوقف علي قدميها و حاولو بقدر الامكان ان يفعلو المستحيل من اجل اسعاد وعد و خرجت من المستشفي الي منزل نور و مكث كريم معهم في المنزل
نور/تعالي يا وعد ادخلي ارتاحي شويه
وعد/انا هنام فين
نور/في اوضتي
وعد/و انتي فين
نور/نعاكي علشان لو احتاجتي اي حاجه
وعد/طب و ابيه كريم هينام فين
كريم/متشغليش نفسك بيا يا حببتي انا هنام في اي حته المهم انتي تكوني مرتاحه
وعد/لا طبعا انا ميهونش عليا تنام في اي حته.... بعد اذنك يا نور دخليني مع مالك و مليكه و انتي و ابيه تنامو في الاوضه بتاعتك
احمر وجه نور من الخجل و حاولت التماسك قليلا
نور/متخفيش علي ابيه يا حببتي كريم هينام في اوضه كرم
نظر لها كريم لانه لم يري الغرفه الثالثه الي الان و اعتقد ان تلك الغرفه التي تخص نور الان فا هي كانت بالماضي تخص كرم
كريم/اوضه كرم
نور/ايوة و جاهزه انك تنام فيها من دلوقت انا كل يوم بنضفها و محدش بيخشها غيري سيبه كل حاجه زي ما هي من اخر مره كانو فيها هنا قبل الحادثه
ادمعت عين كريم
مريم/طب هي فين
نور/اخر الممر دا يمين
ذهب كريم الي تلك الغرفه كما وصفت له نور و اول ما دخل الي الغرفه احس برائحه اخيه في الغرفه و نظر بها وجد صور كثيره له و لزوجته معلقه علي الحوائط و موضوعه علي المكتب و الكمود و في كل مكان وجد ايضا بعض من ادواته الشخصيه مثل البرفان و الساعه و ملابسه
جلس كريم علي الفراش و دموعه تهبط علي فراق اخيه و اخذ يبكي بشده لانه كان يود الان ان يرتمي باحضانه كما كان يفعل في الماضي
طرق الباب نور و لم تستمع الي اي صوت طرقت مره اخرى و بعد ثواني فتحت الباب عندما لم تجد رد ايضا و جدته يجلس علي الفراش و منكس راسه للاسفل
نور/كريم كريم
و لم تلتقي منه اجابه اقتربت منه و وضعت يديها اعلي كتفه
احس هو باحد بجانبه رفع راسه وجد نور هي التي امامه فدار براسه للجه الاخري يمسح دموعه
و عندما رات هي دموعه جلست بجانبه علي الفراش و هي مازالت تضع يديها علي كتفه
نور/مالك يا كريم في ايه
كريم/مفيش انا بس افتكرت كرم
نور/الله يرحمه كان بيحبك قوي و مان نفسه متسفرش و تفضل جمبه
كريم/يارتني ما سفرت يارتني فضلت جمبه مكنش زمان كل دا حصل
نور/متقولش كدا كل اللي حصل دا مقدر و مكتوب سواء كنت موجود و لا مكنتش موجود دا نصيب
كريم/الحمد لله علي كل حال
نور/طب يلا قوم علشان نتغدي
كريم/بس انا كنت عايزك في موضوع
نور/مش وقته تعالي نتغدي الاول و بعدين نتكلم
كريم /ماشي
🌹🌹🌹🌹🌹🌹🌹🌹🌹
اما في النيابه تم حبس اولفت خمس عشرا عاما و رافت خمسه و عشرون عاما و علياء ثماني سنوات و لم يتم القبض على علي لانه هرب الي الخارج وحده
🌹🌹🌹🌹🌹🌹🌹🌹🌹
عاد الجميع الي كما كان في السابق فا عاد كريم الي عمله مره اخري و ايضا سليم و معه مها
و قرر كريم............