رواية كيف تكوت النهاية
الفصل الثالث عشر والرابع عشر
بقلم ايه الجلاد
نظر لها سليم و هو لا يصدق
سليم/ممكن يا انسه مها كلمه علي انفراد
نظرت له مها بخجل ثم نظرت الي نور اللتي نظرت لها هي الاخري نظري معناها لا و من بعدها الي كريم الذي لا يفهم شيء ثم عاده النظر مره اخري الي سليم و اومات له براسها
قام سليم من مقعده و نظر لها و هو سعيد
سليم/اتفضلي تعالي هنقعد هناك
و اخذها و ذهب ليجلس علي بعد منهم
ثم قام كريم من مقعده بجوار نور و جلس علي المقعد المقابل لها
كريم/ممكن افهم في ايه
نور/في ايه في ايه
كريم/في اللي بيحصل دا
نور/معرفش
كريم/بجد متعرفيش
نظرت له نور قليلا
كريم/انا متاكد انك عارفه و حاسس ان في حاجه بينك انتي و سليم من ساعه لما وطي عليكي وقالك حاجه في ودنك
نظرت له نور وردت سريعا
نور/انا لا والله ابدا دا كان عايزني اسال مها اذا كانت موفقه تتجوزه و لا لا
جحظت عين كريم ثم نظر لسليم بتوعد و سرعان ما تمالك نفسه و نظر الي نور مره اخري و لكن هذه المره كان سعيد للغايه لانهم لم يكن بينهم شيء
كريم/و هي علي كدا موافقه
نور/ايوة هو حضرتك مش شايف انها وفقت تقعد معاه لوحدهم
كريم/و انتي شكلك مدايق ليه
نور/لا مش مضيقه و لا حاجه بس اعدتهم دي مش صح و حرام
كريم/طب ما احنا كمان قاعدين اهو
نور/ما هي قاعدتنا هي دي كمان غلط
كريم/واضح ان وجودنا مضيق
و جاء ليقوم
نور/حضرتك رايح فين انا اسفه مش قصدي
كريم/امال قصدك ايه
نور/و لا حاجه اتفضل اقعد
نظر لها كريم باستغراب
كريم/انا بجد لو مضيقك ممكن اقوم و متخفيش مش هكون زعلان
نظرت له و تحدثت مع نفسها(اضايق اه لو تعرف انا مبسوطه اد ايه بوجودك قدامي كدا......انا بشكر الظروف اللي جبتك هنا و قعدتك معايا)
كريم/انا بكلمك روحتي فين
نور/و لا حاجه انا معاك و.......
قطع حديثها صوت اطفالها و صوت مالك بالتحديد
مالك/عمو كريم ازي حضرتك
كريم/ازيك يا حبيبي انت عامل ايه و يوسف صاحبك عامل ايه
مالك/كويس الحمد لله
مليكه/مين دا يا مامي
نظرت لهم نور باستغراب من معرفه ابنها بكريم
نور/كريم بيه صاحب الشغل اللي بشتغل فيه
نظر لهم كريم
كريم/بنتك دي
نور/ايوة و مالك كمان ابني هو حضرتك تعرفه منين
كريم/ابنك بجد
نور/ايوة تؤم مليكه
كريم/انا و مالك اصحاب نعرف بعض من فتره شوفه في حديقه (.......)
نور/ايوة فعلا احنا بنروحها دايما
كريم/و انتي بتروحي معاهم
نور/ايوة امال هسبهم يروحو لوحدهم
كريم/بس انا مشفتكيش خالص
نور/مش عارفه بس بكون دايما معاهم
جاء في ذلك الوقت سليم ومها
سليم/ايه دا مالك ازيك
مالك/ازاي حضرتك يا عمو
مها/هو انت تعرف مالك
سليم/ايوة انتي تعرفيه
كريم/دا يبقي ابن نور يا سليم
سليم/احلف
كريم/و الله انا لسه عارف زيك
مها/و هو انتم تعرفوه منين
سليم/شوفناه مرتين في الجنينه
مها/اها و مكنتوش بتشوفو نور
سليم/لا خالص
مها/دا المكان المفضل لنور
سليم/و انتي المكان المفضل ليكي ايه
مها/البيت و.......
قطع حديثها قدوم النادل بالطعام ثم وضعه امامهم و ذهب
جلست مها بجانب نور و بجانبها مليكه
و امامهم كان كريم و سليم و مالك
فكان كريم امام نور و سليم امام مها و مالك امام مليكه
و بعد تناول الطعام تناولو الحلو ايضا و بعدها قام كريم بدفع الحساب
وذهبو جميعهم خارج المطعم
سليم/اتفضلو يلا
نور/نتفضل فين
سليم/هنوصلكم
نظرت نور له ثم نظرت الي مها بنظره ارعبت مها بشده
نور/لا شكرا جدا احنا هناخد تاكسي
سليم/تاكسي و احنا موجودين
نور/معلشي كدا احسن... يلا يا مها
سليم/انت ساكت ليه يا كريم ما تتكلم
كريم/خاليهم براحتهم يا سليم
نظر له سليم ثم نظر لنور و مها
كريم/تمام مفيش مشكله
مها/سلام
سليم/مع السلامه
نور/سلام عليكم
كريم و سليم /و عليكم السلام
ثم اخذت نور مالك و مليكه و خلفها مها و اوقفت السياره الاجري و ذهبت من امامهم
سليم/مش كنت تمسك فيهم يا اخي
كريم/اعملك ايه يعني كنت عايزني اركبهم بالعافيه
سليم/لا متركبهمش بالعافيه بس اتحايل عليهم شويه
كريم/و الله لو اتحايلت عليهم من هنا للسنه اللي جايه بردو مكنوش هيركبو
سليم/ليه بقه ان اشاء الله
كريم/علشان نور عمرها ما كانت هتوافق
سليم/ليه
كريم/هي نور عقليتها كدا ...... و بعدين تعالي قولي ايه الموضوع و محكتليش يعني امتي دا حصل
سليم/و الله انا نفسي معرفش حصل امتي
كريم/ازاي مش فاهم
سليم/بص في الاول كانت بالنسبه ليا زيها زي غيرها من اللي شغالين في الشركه..... بس فاجئه كدا بقيت شغله كل تفكير بقيت طول الوقت ببقي عايزها ادامي و بشوفها في احلامي عايزها معايا علي طول.......... تعرف ان دي الوحيده اللي مفكرتش فيها كا صاحبه...... و مشوفتهاش غير زوجه و ام اولادي...... بنت محترمه و بنت ناس متربيه و شكلها مش بطال بس روحها احلي و بجد نفسي اتجوزها انهارده قبل بكرا
كل هذا و كريم يستمع له بقلبه قبل عقله و انتبه لشيء لم يكن منتبه له من البدايه ....... انه هو الاخر يفكر دائماً في نور و يرها في احلامه و تخيلها اوقات كثيره في احضانه و لكنه كان يبعد هذا التفكير سريعا عن مخيلته.... و اصبحت في الفتره الاخيره هي التي تستحوذ علي كل تفكيره... و لم يكن يعمل لماذا
و لكنه علم الان انه يحبها و بشده ايضا و لكن كيف له ان يحب فتاه مثلها كانت في احضان اخر لم تحل له............ و لكن مهلا من اين لك ان تصدق هذا فا انت لم تري بعينك...... فا الذي رايته هو اعتداء محسن عليها و هي كانت تثتغيث بالاخرين منه فا بالتاكيد محسن كاذب.......... لانها تعمل معي منذ وقت و لم اري عليها اي شيء و تضع حدود بينها و بين الجنس الاخر
سليم/روحت فين
كريم/انا معاك
سليم/طب يلا يبنا احنا هنفضل واقفين كدا كتير
كريم/ماشي
و قاد كريم سيارته و ذهب باتجاه منزل سليم اولا ثم الي منزله ثانيا
🌹🌹🌹🌹🌹🌹🌹🌹🌹
اما نور في السياره
نور/ازاي يا مها كنتي عايزانا نركب معاهم
مها/و ايه يعني مفيهاش حاجه
نور/ازاي يعني مفيهاش حاجه
مها/متكبريش الموضوع قوي يا نور
نور/هو كبير اصلا و ازاي كمان تروحي تقعدي مع سليم لوحدكم و تسبيني لوحدي
مها/ما انتي مكنتيش لوحدك كان استاذ كريم معاكي
نور/ما هي دي المصيبه مكنش ينفع كدا خالص
مها/خلاص بقه يا نور انا اسفه ياستي و بعدين انا مبسوطه متعكنينيش عليا
نور/ماشي يا مها هسكت خالص
مها/متزعليش مني خلاص
نور/خلاص مش زعلانه.... المهم قوليلي بعد القعده الطويله دي اتفقتم علي ايه
مها/هيجي يتقدملي
نور/الف الف مبروك يا حببتي
مها/لسه مفيش حاجه علشان تبركيلي
نور/كونه انه واخد الموضوع جد دا في حد ذاته كويس جدا
مها/اول ما اروح هتكلم مع ماما و هخليها تحدد ميعاد علشان يجي فيه سليم
نور/بتمملك علي خير يا حببتي
و ها قد وصلت مها اولا ثم من بعدها نور وصلت الي منزلها
🌹🌹🌹🌹🌹🌹🌹🌹🌹
قبل ذلك بقليل
في منزل كريم السيوفي
علياء/شايفه يا خالتو في واحد يكون خاطب و كاتب كتابه امبارح و يخرج تاني يوم من الصبح لحد دلوقت من غير ما يكلم خطبته و مراته او ياخدها يخرجها ينفع كدا
اولفت/معلشي يا حببتي تلاقيه عنده شغل و لا حاجه
علي/شغل ايه دا اللي يوم الجمعه
اولفت/اهدي يا علي كدا
علي/انا مالي انا غلطان.... بقولكم ايه انا خارج شويه سلام
اولفت /سلام يا اخويا
و بعد خروج علي بقليل جاء كريم
كريم/السلام عليكم
اولفت/و عليكم السلام
ثم نظرت اولفت لعلياء بغضب علي عدم ردها عليه السلام
و نظر لها ايضا كريم و لم يعلق
اولفت/اتاخرت كدا ليه يا كريم
كريم/نعااااام من امتي الاسئله دي
اولفت/ابدا يا كريم مش قصدي.... اخليهم يحضرو ليك الغدا
كريم/لا اتغديت برا
الان تحدثت علياء بغضب و بصوت عالي
علياء/كمان اتغديت برا
كريم/عليااااااااء صوتك ميعلاش و انتي بتتكلمي معايا سامعه
خافت علياء من نبره صوته العاليه
علياء/اسفه مكنش قصدي و الله يا كريم انا بس كان نفسي تقضي اليوم معايا
كريم/الايام جايه كتير عن اذنكم انا طالع انام و مش عايز ازعاج
و صعد كريم للاعلي و ذهب علي الفور الي الحمام لكي ياخذ حماما بارده و خرج بدل ملابسه و جلس علي الفراش
يتذكر احداث اليوم و انه كان سعيد لوجوده بجانب نور ظل يتذكر ملامحها و هدوئها و خجلها
ايقن الان انه يعشقها و ليس حب فقط
و عند هذا الحد وقف من الفراش و ذهب الي الشرفه يفكر في الذي اوقع نفسه به و انه الان سوف يظلم علياء لحبه الي غيرها
و دار خوار بين قلبه و عقله
العقل/انت لازم تفوق دلوقت علشان اللي انت فيه دا مينفعش
القلب/اعمل بحبها
العقل/و انت مخدتش بالك انك بتحبها غير تاني يوم جوازك
القلب/اعمل ايه مش بايدي
العقل/حرام عليك كدا انت كدا هتظلم علياء
القلب/بس انا مش بحبها و هي عارفه كدا و عارفه اني عملت كدا علشان انقذها من الموقف مش اكتر
العقل/بس هي خلاص بقت مراتك رسمي و هي مش ذمبها انك محبتهاش و بتحب غيرها
القلب/انا مش عارف اعمل ايه
العقل/اللي لازم تعمله هو انك ترضي بنصيبك و تسلم امرك لله و تسيب نور لنصيبها
القلب/انت بتقول ايه اسبيها لنصيبها ازاي هو ممكن تكون لغيري لا مش ممكن يستحيل تكون لغيري
العقل/ليه هو انت عايزه كدا مربوطه جمبك
القلب/ايوة
العقل/ايوة ازاي يعني انت تعيش حياتك و هي تفضل كدا اسمحلي اقولك انك اناني
القلب/لو حبي ليها انانيه يبقي ايوة انا اناني
العقل/طب افىض هي مش بتحبك
القلب/تفتكر
العقل/هو انت شوفت منها اي حاجه تثبت انها بتحبك
القلب/لا
العقل/طب خلاص سيبها بقه
القلب/لا انا بحبها و هي لازم تحبني
العقل/هي عافيه
القلب/ايوة عافيه و هتجوزها
العقل/و ان هي موفقتش
القلب/هتجوزها غصب
العقل/لا انت كدا اتجننت و هتجنني معاك اعمل اللي يريحك
القلب/ايوة هعمل اللي يريحني
العقل/انت حر و مترجعش تندم
كريم/انا عمري ما هندم ابدا
ثم ذهب باتجاه الفراش لكي ينام
🌹🌹🌹🌹🌹🌹🌹🌹🌹
اما منصور فكما هو بل اصبح اسؤء و كل يوم يتعلم سرقه اشياء جديده لم تختر علي باله و لقبه في تلك الوسط بين رجال المعلم طفشه هو الرهوان لخفه يده و سرعه في السرقه و الجري و لم يشعر به احد مطلقا
اما فوزيه فا اصبحت تعامله معامله جديده و ايضا تعد له الطعام في جميع الوجبات فطار غداء عشاء لانه الان يعطي لها المال بدون حساب و يتركه لها تعمل به ما تشاء فا انه يجلب تلك الاموال التي هي من الحرام هذه من اجل ان يحمي اصدقاءه التي قامت فوزيه من قبل بتهديده انها سوف تؤذيهم و ايضا لحمايه جسده من بطشها و لكي يرتاح من الزن عليه
و لكن لا توجد راحه نهائيا فامازال يوجد بداخله قطعه نظيفه لم يمسها سوء و لكن مع الوقت سوف تنمحي و لا يوجد لها اثر
🌹🌹🌹🌹🌹🌹🌹🌹🌹
اولفت/انتي اتجننتي و لا ايه بتعلي صوتك عليه
علياء/اعمل ايه ما انتي مش شايفه بروده
اولفت/انا من الاول مفهماكي علي كل حاجه و لحد دلوقت الخطه ماشيه زي ما احنا ماشيين
علياء/ماشي و انا بقه هوريه علياء هتعمل ايه
اولفت/بقولك ايه انتي تنفذي كل اللي بقولك عليه و متعمليش حاجه من دماغك علشان متزعليش مني
علياء/انتي بتهدديني
اولفت/لا يا حببتي عايزاكي بس تفتكري انا جيباكي منين و انتي هنا علشان ايه
علياء/و انا منستش بس عايزه اعرفك حاجه
اولفت /حاجه ايه
علياء/اللي هيزعل مش انا اللي هيزعل انتي
اولفت/قصدك ايه
علياء/قصدي ان مصلحتنا واحده انتي عايزه تستولي علي فلوس اب جوزك كلها و انا مستنيه الفلوس اللي اتفقنا عليها بعد ما تخلص المهمه دي....... بس هتهدديني يبقي انتي اللي جانيه علي نفسك
اولفت/تقصدي ايه
علياء/هروح لكريم اقوله علي كل اتفاقتنا...... هقوله ان انا مش بنت اختك و ان امي تبقي بنت خاله امك و انها في السجن مش مسافره برا زي ما انتي مفهماه و كمان هقوله انك اتفقي معايا تديلي مليون جنيه مقابل اني اتجوزه و امضيه علي تنازل عن كل املاكه عن طريق حبوب اديهاله بتخليه صاحي بس مش مركز في اي حاجه و يعمل كل اللي احنا عايزينو هااا كفايه كدا و لا نقول كمان
اولفت/اها يا وطيه يا بنت الكلب و هو لسه في حاجه مقولتهاش
علياء/اها لسه الحاجه الاهم اللي انتي مخبياها عني بس انا عرفتها
اولفت/و دي ايه ان شاء الله
علياء/تجارتك في المخدرات عن طريق سفرك برا بحجه الشوبنج و ترجعي مهربه مخدرات في الهدوم اللي بترجعي بيها و علي كمان دار المسنين اللي عايزه تعمليها ستاره لشغلك الوسخ
اولفت/دا انتي مطلعتيش سهله خالص و طلعت انا اللي هبله
علياء/متقوليش كدا يا خالتي قصدي يا خالتو
اولفت/و انتي كمان متنسيش ان مش انتي لوحدك اللي عارفه عني كل حاجه
علياء/عارفه ايه
اولفت/انك وافقتي علي اللي قولتلك عليه و جيتي معايا من بلدكم علي هنا علشان انتي هربانه من قضيه سرقه و ان النطع اللي انتي جيباه معاكي مش ابن عمك زي ما فهمتيني دا يبقي جوزك العرفي و ان جوازك من كريم باطل و فيها حبس
علياء/بتوتر خلاص احنا كدا بنلعب علي المكشوف و مش من مصلحت واحده فينا انها تفضح التانيه
اولفت/خلاص يبقي زي ما احنا و مش عايزاكي تعملي حاجه من دماغك.... وزي ما قولتلك كريم مش بيجي بالقوة هتاكلي عقله لما يحس انك دايما محتجاله و انك مكسوره الجناح و انك معترفه بجميله عليكي..... كدا هتضمني ان عمره ما هيسيبك غير لما احنا نقرر دا
علياء/اذا كان كدا ماشي
كل هذا يحدث تحت انظار............
استووووووووووب
الكاتبةآيه عطيه: الفصل الرابع عشر
بسم الله الرحمن الرحيم
..............................
كل هذا يحدث تحت انظار وعد ابنه اولفت كانت تستمع لهم و هي جاحظه العينين و فمها يكاد يصل الي الارض من صدمتها في ولدتها و التي لم تتخيل في يوم انها بتلك البشاعه هذه
بعد انتهاء حديثهم صعدت الي غرفتها علي الفور قبل ان يراها احد
دخلت الي الغرفه و اغلقت الباب خلفها و ذهبت نحو الفراش و هي تبكي علي ما استمعت اليه و ماذا تفعل
اتذهب الي كريم و تقص عليه ما استمعت اليه فهو بالنهايه شقيقها
ام تصمت و لم تتحدث مع احد بشان ما استمعت اليه فا هي بالنهايه ولدتها ايضا
ظلت تبكي الي ان ارهقها البكاء وذهبت بالنوم دون ان تشعر
و صعدت ايضا علياء و اولفت الي غرفهم للنوم و الراحه دون ان تكلف اولفت نفيها ان تدخل الي غرفه ابنتها كي تطمئن عليها كا اي ام
و لكن اولفت لم تكن مثل اي ام فهي بدون قلب و لا رحمه
و ذهب الجميع في ثبات عميق
🌹🌹🌹🌹🌹🌹🌹🌹🌹
في صباح اليوم التالي فقد اشرق علي الجميع يوم جديد من حياتهم منهم من قام سعيد و منهم من قام حزين و منهم من يخطط للشر و منهم من يفكر في الحب
🌹🌹🌹🌹🌹🌹🌹🌹🌹
في العمل في الشركه الخاصه بكريم
ذهبت نور كا عادتها من وقت ما قامت بالعمل في تلك الشركه مبكرا بعد ذهاب اولادها للمدرسه
اعدته نور لها كوبا من القهوه كما تفعل كل يوم بعد ان قامت بتنظيف مكتبها و مكتب كريم ثم جلست لكي تتناول طعام الافطار و تحتسي كوب القهوه
و اثناء تناولها للطعام تذكر ذلك الحلم التي حلمت به
و كان بطل هذا الحلم هو كريم لهذا قامت من نومها سعيده لانه كان يبتسم لها و يغرقها من كلمات الحب و الغرام
ثم انتبهت لحالها و حدثت نفسها(فوقي يا نور دا حلم و هو خاطب لا و متجوز كمان يعني خلاص ملكيش اي حق فيه و بعدين اساسا هو بيتعامل معاكي في حدود الشغل و بس و بيبتسم بالعافيه دا ربنا يكون في عونها علياء)
علياء/اعاااااااااااااااا
كان هذا صوت نور عند دخول كريم عليها و هي شارده و ظل هو ينادي عليها و لم تستمع له حتي ااتطر هو ان يقوم بهزها هزه خفيفه من كتفها مما ادي الي صرخها
كريم/اهدي دا انا في ايه
نور/اصل.... يعني....... هو
كريم/اهدي و خدي نفسك و بعدين اتكلمي
و بعد ثواني
نور/اصل يعني حضرتك مش بتيجي بدري كدا و انا كنت سرحانه
كريم/سرحانه في ايه
نور/سرحا......... ها
ابتسم كريم لها علي احمرار خدودها
كريم/خلاص مالك احمريتي كدا ليه
نظرت له نور باستغراب منه و احست انها تتوهم انه يقف امامها
كريم/ايه روحتي فين
نور/لا انا مع حضرتك
كريم/هو ايه اللي في ايدك دا
نور/دا سندوتش
كريم/سندوتش ايه
نور/نعم
كريم/في ايه يا نور مالك انهارده
وضعت نور يدها علي راسها تجس حرارتها و حدثت نفيها(انا اللي مالي و لا انت اللي مالك)
نور/لا مفيش دا سندوتش رومي وقشطه
كريم/تصدقي بقالي كتير مكالتوش
اخرجت نور من العلبه التي امامها سندوتش اخر و اعطته له
نور/اتفضل حضرتك انا معايا زياده
كريم/ماشي
ثم مد يده اخذ السندوتش الذي في يديها الاخر التي كانت تاكل منه هي
كريم/بس هاخد دا
نور/بس دا انا كنت باكل منه و دا سليم
كريم/لا ما انا عايز اللي كنتي بتكلي منه اكيد طعمه هيبقي احلي
و اخذ منها السندوتش و ذهب نحو مكتبه
و ظلت نور تنظر له و الي طريقته معاها و نظرت ايدا علي يدها الفارغه التي اخذ منها السندوتش
و جلست علي مكتبها و قلبها يدق بشده و عقلها قد طار مما حدث
اما كريم بداخل مكتبه
كريم/اوعدك يا نور مش هتكوني لغيري
🌹🌹🌹🌹🌹🌹🌹🌹🌹
اما في مكتب مها كانت تعمل بهمه و نشاط
فدخل عليها سليم
سليم/السلام عليكم
مها/و عليكم السلام
سليم/عامله ايه
مها/الحمد لله
سليم/يارب دايما.....كلمتي ولدتك
مها/ايوة
سليم/يا قلبك و سايباني كدا متجيش تقوليلي قالتلك ايه
مها/قالت شوف الميعاد اللي يناسبك و شرفنا فيه
سليم/عارفه لو كريم ميعلقنيش علي باب الشركه فرجه للرايح و اللي جي كنت سحبتك من ايدك دلوقت و روحت لمامتك
مها/ههههههههههه
سليم/اها يا قلبي انا مش مستحمل من غير حاجه كمان تضحكي كدا انتي شكلك فعلا عايزه كريم يعلقني
مها/لا و علي ايه الطيب احسن
سليم/خلاص عرفي و لدتك ان انا هجلكم انهارده
مها/حاضر
سليم/بقولك ايه انا هسيبك دلوقتي علشان الشيطان بيوزني اعمل حاجات متنفعش
نظرت له و عينها جاحظه للخارج من جراته
سليم/في ايه بقول بيوزني انا معملتش حاجه
مها/طب اتفضل حضرتك علشان عندي شغل
سليم/حاضر بس متزوقيش كدا ماشي اهو سلام يا قلبي
و خرج سريعا من الغرفه و ظلت مها شارده في حديثه لها و هي سعيده للغايه
و بعد انهاء عملها ذهبت الي نور لتناول الغداء معها
مها/يلا يا نور الغدا
نور/يلا
و هبط سويا الي المطعم لتناول الطعام
مها/سليم هيجي انهارده يقابل ماما
نور/مبروك يا مها
مها/مالك يا نور
نور/مفيش
مها/عليا مالك في ايه
نور/مش عارفه
مها/هي مره مفيش و مره معرفش
نور/صدقيني و الله مش فاهمه حاجه
مها/طب قوليلي في ايه يمكن اعرف انا
نور/بصي استاذ كريم انهارده متغير جامد
مها/متغير ازاي يعني
نور/بصي هحكيلك و قصت عليها ما حدث في الصباح بثتثناء السندوتش و بس يا ستي هو دا كل اللي حصل
مها/حاجه غريبه فعلا
نور/شوفتي بقه
مها/بس دا شيء مش يضيقك
نور/هو ميضيقش بس يخوف
مها/يخوف ليه
نور/علشان انا فضلت طول الوقت مستغربه من طرقته دي و في نفس الوقت فرحانه
مها/دا اللي مخوفك
نور/ايوة طبعا
مها/ليه
نور/علشان كدا هيخليني افكر فيه اكتر و احبه اكتر و اكتر
مها/و ايه يعني يا نور
نور/ايه يعني ازاي دا واحد متجوز و انا واحده.........
مها/متكمليش قولتلك ميت مره و بعدين ايه يعني متجوز الشرع محلله اربعه
نور/و الله ازاي يعني يعني انتي عايزه تفهميني ان لو سليم اتجوزك و حب يتجوز واحده تانيه هتقولي الشرع محلل اربعه
سكتت مها و لم تتحدث لان نور محقه في حديثها فهي بالفعل مجرد التفكير في الفكره فقط استشاط بداخلها و قد توعدت لسليم اذا فكر في هذا فقد تقطع راقبته
نور/سكتي علشان ساعتها مش هتقولي الشرع و مش بعيد تكلي سليم بسنانك
مها/و الله يا نور انا مش قصدي بس كنت بقول لو هو عايزك و انتي عايزاه ايه المانع
نور/المانع اننا هنظلم مراته و هي مش ذمبها حاجه
مها/و انتي كمان مش ذمبك حاجه
نور/انتي بتقولي كدا علشان انا صاحبتك بس تعالي كدا نقلب الايه خاليني انا مرات كريم و في واحده تانيه في حياته هو عايز يتجوزها هتقولي ايه
مها/انتي معاكي حق بس انتي هتفضلي موقفه حياتك كدا
نور/فين اللي واقفه ما هي ماشيه اهي
مها/لا واقفه يا نور انتي بقه عندك تمانيه و عشرين سنه هتفضلي كدا لامتي انتي لازم تعيشي حياتك بقه و متقوليش العيال علشان انا وانتي عارفين اللي فيها
نور/.............
مها/عمرك بيضيع علي الفاضي يا نور انتي لازم يكون ليكي حياتك الخاصه كدا مينفعش
نور/انا شبعت عن اذنك علشان عندي شغل
مها/انتي كدا يا نور لما بتتزنقي بتهربي
لم ترد عليها نور لانها قد ذهبت و تركتها و صعدت الي مكتبها و اخذ تفكر في حديث مها فهي محقه الي متي ساظل هكذا فالعمر يجري و لم اشعر به
و لعد انتهاء العمل عاد الجميع الي منازلهم و ذهبت مها لكي تجهز نفسها من اجل ان يراها سليم في ابهي صوره لها
و بعد وقت جاء المساء و جاء معه سليم و قد تعرف علي ولدته مها و اتفقا معا علي كل شيء و ان الزواج سوف يكون بعد عدده اشهر لكي يقوم سليم بتحديد منزله لكي يستقبل عروسته و ايضا اتفقا علي عمل حفله خطوبه صغيره و ايضا كتب كتاب لكي يستطيع ان يخرج معها و ايضا لشراء ما يلزمهم في منزلهم و الحفله تكون في منزل مها يوم الخميس القادم
🌹🌹🌹🌹🌹🌹🌹🌹🌹
و مر الاسبوع سريعا و جاء يوم الخميس و التي اخذت فيه مها اجازه لتحضير المطلوب للحفل
و سليم كان سعيد سعاده لا توصف لانه اليوم سوف يرطبت بمن احبها قلبه بشده و تنكتب علي اسمه الي الابد
اما كريم فا استمر في مغازله نور بحديث غير واضح و احس في قربه منها بنبض قلبه الذي توهم منذ وفاه اخيه انه لم يحب في يوم و ان قلبه قد مات و لم ينبض مره اخري و لكن وجوده بجانب نور جعل قلبه يدق بشده و يكاد يخرج من بين ضلوعه
اما نور فا كانت في قمسه السعاده الداخليه في لم تظهر له سعادتها لانها تحاول ان لا يظهر هذا الخب فهي ايقنت الان انها تعشقه و لكنها لا تريد ان يظلم غيرها ما ذمبها علياء
🌹🌹🌹🌹🌹🌹🌹🌹🌹
كريم/ ايه يا نور مش ناويه تروحي علشان تساعدي صاحبتك و تلحقي تجهزي انتي كمان
نور/ايوة خلاص اخر حاجه و هروح
كريم/عايز اشوف القمر انهارده
نور/نعم
كريم/بقولك عايز اشوف القمر اكيد مها صاخبتك في بيتهم بلكونه علشان اشوف القمر منها
نور/اها
كريم/امال مالك كدا
نور /لا مفيش
كريم/طب انا ماشي عندي مشوار برا و مش راجع تاني خالصي انتي و امشي
نور/حاضر
و بعد خروج كريم جلست نور تحدث نفسها(انا مالي في ايه انا مبقتش علي بعضي و مرتبكه خالص قلبي هيوقف خلاص اعمل ايه بس )
مالي حاسة بارتباك
وبحالة مش عادية
عقلي أتجنن معاك
مش عارفة اللي فيا
قوم فض الاشتباك
أو خبي عنيك شوية
ده أنا واقعة فيك بجد
من كلمتين يدوب
بلاقيني في حتة تانية
ما بشوفش فيك عيوب
وبراقبك ثانية ثانية
أزعل هتقوم حروب
مش واحدة لأ تمانية
هو أنت ايه يا حج
هو أنت ايه يا حج
مالي حاسة بارتباك
وبحالة مش عادية
عقلي أتجنن معاك
مش عارفة اللي فيا
قوم فض الاشتباك
أو خبي عنيك شوية
ده أنا واقعة فيك بجد
من كلمتين يدوب
بلاقيني في حتة تانية
ما بشوفش فيك عيوب
وبراقبك ثانية ثانية
أزعل هتقوم حروب
مش واحدة لأ تمانية
هو أنت ايه يا حج
هو أنت ايه يا حج
أنا نفسي أطير
فرحانة جدا ودايبة وبغير
حاسة بسعادة وده احساس خطير
مجنونة بيك نفسي أفضل قصادك وأقولك بحبك كتير
وده مش كلام
ده أنا جيه أغرق عنيك اهتمام
ده وعد عليا وقرار والتزام
لو كنت أطول كنت امسح حياتي ونبدأ من الليلة قوام
هو أنت جبت منين
حبيتك بالتلاتة
سهرانة بتاع يومين
عايزاك وباستماته
مبسوطة حبتين
لأحبتين تلاتة
لأ ده الموضوع يخض
من غير أي اتفاق
عقلي في ثانية أنت خته
تاه مني واما فاق
مش ثابت زي عادته
ملهوف كله اشتياق
بيروحلك وبارادته
وم الفرحة مش بيرد
م الفرحة مش بيرد
أنا نفسي أطير
فرحانة جدا جدا بغير
حاسة بسعادة وده احساس خطير
مجنونة بيكنفسي أفضل قصادك وأقولك بحبك كتير
وده مش كلام
ده أنا جيه أغرق عنيك اهتمام
ده وعد عليا وقرار والتزام
لو كنت أطول كنت امسح حياتي ونبدأ من الليلة قوام
هو أنت جبت منين
حبيتك بالتلاتة
سهرانة بتاع يومين
عايزاك وباستماته
مبسوطة حبتين
لأ حبتين تلاتة
لأ ده الموضوع يخض
من غير أي اتفاق
عقلي في ثانية أنت خته
تاه مني واما فاق
مش ثابت زي عادته
ملهوف كله اشتياق
بيروحلك وبارادته
م الفرحة مش بيرد
م الفرحة مش بيرد
(ملحوظه)
(انا اول مره احط اغنيه في الفصل كنت بسمعها و انا بكتب حتها ماشيه مع المشهد دا قوي لو مش حلوه مع المشهد عرفوني معملهاش تاني)
و انهت نور عملها و ذهبت الي منزلها اولا اخذت اولادها ثم ذهبت الي منزل مها اكملت معها ما تقوم به مها و بعد ذلك تركت نور الاولاد مع ولدته مها و ذهبت هي و مها الي غرفه مها لتبديل ملابسهم و وضع بعضا من مساحيق التجميل
و جاء الميعاد المنتظر و جاء سليم و معه كريم و معهم ايضا وعد بعد ان رفضت اولفت ان تذهب لهذه المنطقه الشعبيه و تحججت علياء بانها مريضه
و ذهبت مليكه لفتح الباب و عندما راها كريم ابتسم لانه احب هؤلاء الاطفال من قبل ان يعلم ان مالك و مليكه ابناء نور و تذكر منصور الذي مازال يبحث عنه و لم يجده كان الارض قد انشقت و ابتلعته
نفض تلك الافكار عن راسه في هذ الوقت و انحني امام مليكه
كريم/ ازيك يا ملوكه عامله ايه
مليكه/الحمد لله ازي حضرتك يا عمو
سليم/ازيك يا مليكه
مليكه/الله يسلمك يا عمو
ثم نظرت الي وعد
مليكه/امال مين دي يا عمو
كريم/دي تبقي الانسه وعد اختي الصغير
مليكه/انتي حلوة قوي
وعد/ههههههه انتي اللي قمر
مليكه/طب اتفضل انا جوه مستنياكم
دخل كريم و عينه تبحث عن نور و خلفه سليم و بجانبه وعد
دخل الي داخل الغرفه التي يوجد بها ولدته مها و معها عمها ايضا حتي يكون و كيلها و معه ابنه الكبير الذين جاءو و لم تراهم كلا من نور و مها و لكنهم كانو علي علم بانهم سوف ياتون
ام مها/اهلا و سهلا اتفضل يا ابني
كريم/السلام عليكم
عم مها/و عليكم السلام
ام مها/الحاج فضل عم مها و دا ابنه الكبير منير
سليم/اهلا و سهلا ازي حضرتك يا عمي
الحاج فضل/ازيك انت يا ابني الحاجه ام مها كلمتني عنكم و انا بصراحه سالت عليك متزعلش مني
سليم/لا ازعل ايه من حقك تطمن
الحاج فضل/انت عارف انها بنت المرحوم اخويا الوحيده و كان لازم نطمن عليها
كريم/يارب تكون اطمنت
الحاج فضل/الحمد لله
منير/امال المؤذون اتاخر ايه يا مراه عمي
ام مها/زمانه جي يا ابني..... مليكه
مليكه/نعم يا انا
ام مها/نادي ماما تيجي تجيب الساقع
مليكه/حاضر
و ذهبت مليكه الي الغرفه الخاصه بمها و تركت الباب ثم فتحته و دخلت لكي تبلغها ما قالته لها ام مها
ام كريم فا انتبهت جميع حواسه لكي يراها و لحظت وعد نظراته الي الخارج
و بعد قليل عادت مليكه و خلفها نور تحمل الصنيه التي موضوع عليها الاكواب و بدات تقدم الاكواب الي كل شخص
فا كريم ظل ينظر عليها حتي انتهت من الجميع و جاء الدور عليه و قلبه يتراقص بداخله من تلك الحوريه التي طلت عليه يا لها من ملاك يمش علي الارض
كل ذلك يحدث تحت انظار وعد التي كشفت امر شقيقها و سعدته بشده لان الله قد عوضه باخري من الواضح انها جيده و ذو اخلاق عاليه بدلا من الشيطانه التي تجيد تمثيل دور الملاك باتقان فا انها لو لم تكن قد رات بعينها و استمعت باذنها فا انها كانت لا تصدق عنها او عن ولدتها شيئا
فمنذ ذلك اليوم و هي تتجنب الوجود معهم في مكان و ابتعدت ايضا عن اصحاب السوء و انتبهت الي دروسها و حياتها و اقتربت اكثر من اخيها في ذلك الاسبوع التي وجدته بالفعل هو السند و الضهر وجدت به حنيه لم تجدها من ولدتها و ايضا اهتمام لم تري من قبل لانها كانت لا تعطيه فرصه لذلك و كانت ولدتها دائما ما تبس الثم في اذنها نحو شقيقها
و انتبهت لحالها و نفضت تلك الافكار المتذحمه في راسها في ذلك الوقت فلتفكر فيما تشاء في وقتا لاحق
و انتبهت الي تغير وجه شقيقها الي الغضب فهي لم تلاحظ ما حدث اثناء شرودها و لكن لفت انتبهاها هو نظر اهيها الي من يجلس امامه في المقابل و هو...........