الفصل الخامس عشر والسادس عشر
بقلم تيه الجلاد
نظر كريم الي الذي يجلس امامه بغضب من اجل نظراته التي يوجها الي نور
و بعد انتهاء نور من تقديم المشروبات عاده الي غرفه مها لكي تساعدها في اكمال زينتها
و بعد قليل جاء المؤذون و تعالت زراغيط بعض الجيران الذين حضرو مؤخرا لمجامله مها و ولدتها
و بعد انهاء مراسم كتب الكتاب و انتهت بقول المؤذون (بارك الله لكم و جمع بينكم في خير)
تعالت الزراغيط مره اخري مع خروج مها في ابهي صوره لها مما جعل سليم يسرح بها و لا يشعر بمن حوله
فاق علي صوت كريم
كريم/ايه يا عم روحت فين
سليم/روحت لبعيد قوي يا صاحبي
كريم/ربنا يباركلك يا سليم
وعد/يلا يا ابيه علشان تلبسها الشبكه
و قامت باخراجه من حقيبتها و اعطتها له
ذهب اليه سليم و اخذ بيدها و ذهب و جلس بجانب و لدتها
سليم/ربنا يباركلي فيكي
ام مها/ربنا يهنيكم و يسعدكم يارب
و بعد ان قام سليم بتلبيسها الشبكه
قد اعتدت لهم نور من قبل ركن بعيد قليلا عن التجمع و للجلوس قليلا معا و تناول العشاء
نور/اتفضلو يا جماعه
سليم/ايه هو احنا لسه قاعدنا
نور/هههههه لا مش قصدي كدا
سليم/امال قصدك ايه يا نور
نور/تتفضل العشا انت و مها
سليم/اها اذا كان كدا ماشي يلا يا قلبي
احمر وجه مها بشده خصوصا في وجود نور
جلس سليم بجانب مها و اعدت لهم نور العشاء و تركتهم و ذهبت حيث وجود الجميع
الحاج فضل/و انتي مين بقه يا بنتي
ام مها/دي نور صاحبه مها من زمان و زي الاخوات بالظبط
الحاج فضل/ربنا يخليهم لبعض... اما جوزك فين يا بنتي مش شايفه موجود معاكي
توترت نور/اصل هو متوفي يا عمي الله يرحمه
الحاج فضل/البقاء لله يا بنتي معلشي اللي ميعرفش يقول عدس
نور/حصل خير مفيش حاجه
كل هذ يحدث تحت نظرات منير السعيده و نظرات كريم الحانقه
و بعد وقت ليس بقليل
الحاج فضل/بالاذن احنا بقه يا حاجه
ام مها/ما لسه بدري يا حاج فضل
حاج فضل/بدري من عمر يا حاجه يدوب نلحق و بعدين الوقت اتاخر كفايه كدا و علشان نسيب العرسان براحتهم شويه و عقبال الليله الكبيره و الف مبروك مره تانيه
ام مها/الله يبارك فيك يا حاج و عقبال ما تفرح ب منير
منير/قريب ان شاء الله يا مراه عمي
قال هذا و هو ينظر لنور مما ذاد غضب مريم الذي من النادر جدا ان يغضب و لهذا استغربت وعد شقيقته
الحاج فضل/السلام عليكم يلا يا فضل
ام مها/ و عليكم السلام
و بعد قليل من خروج الحاج فضل و ولده منير
كريم/استأذن انا كمان علشان الوقت اتاخر
ام مها/ما تخليك يا ابني لسه بدري و سيب كمان سليم يقعد شويه
كريم/خاليه هو احنا هنمشي علشان وعد وراها دروس بكرا بدري ما حضرتك عارفه امتحانتها قربت
ام مها/ربنا يعينها
نور/و انتي في سنه كام يا وعد
وعد/انا في تالته ثانوي
نور/خير و هتجيبي اعلي مجموع و تخشي الكليه اللي انت نفسك فيها
مليكه/دي زي ابله عزه
وعد/مين عزه دي
نور/بنت جارتي بتقعد مع الولاد لحد ما ارجع من الشغل
وعد/طب و بتروح دورسها امتي
نور/للاسف هي مش بتروح دروس خالص علشان حالتهم مش تستحمل مصاريف ثانويه عامه و مع ذلك بنت شاطره جدا و كل سنه بتجيب مجموع عالي
وعد/تلاقيها طول الوقت قاعده تذاكر
نور/خالص هي بس مقسمه وقتها كويس جدا
وعد/طب بعد اذنك ممكن اتعرف عليها و اجي اذاكر معاها دا بعد اذنك يا ابيه
كريم/انا معنديش مشكله اهم حاجه مصلحتك
نور/طبعا ممكن دي كمان هتتبسط قوي اهو علي الاقل تشجعو بعض
وعد/طب اجيلك امتي و فين العنوان
نور/هي كل يوم موجوده عندي من ساعه ما العيال تخرج من المدرسه لحد ما ترجع بالليل
وعد/طب و بكرا مش موجوده
نور/موجوده هي اصلا بتها جمبي
وعد/خلاص ينفع اجيلك بكرا و اتعرف عليها و نظبط مواعدنا مع بعض
نور/ينفع طبعا
وعد/طب العنوان ايه
نور/العنوان(........)
وعد/خلاص بكرا ان شاء الله الضهر هتلاقيني عندك
كريم/ مش هينفع بكر
وعد/ليه يا ابيه
كريم/علشان دا يوم اجازه نور و هي بتاخد ولادها تخرجهم
نور/مش كل جمعه عادي بظروفها يعني
وعد/خلاص حضرتك استنيني بكرا
نور/ايه حضرتك دي انا اسمي نور و بس
وعد/وهو كذالك
كريم/طب يلا بقه يا ست وعد احنا اتاخرنا
وعد/يلا
كريم/لو تحبي نوصلك معانا يا نور اتفضلي
جاء علي تلك الجمله مها و خلفها سليم
مها/تتفضل فين لا طبعا دي بايته معانا انهارده و لا انتي غيرتي رايك
نور/لا طبعا مغيرتش راي و بعدين انتي مدتنيش فرصه تردي
سليم/ايه دا
مها/في ايه
سليم/صوتك موجود اهو دا انا قولت عندك برد و لا حاجه صوتك مش طالع
اخمرت مها خجلا و ضحك الجميع عليهم
نور/اديك ضيعت صوتها تاني
سليم/انا غلطان انا اسف
كريم/يلا يا عم بقه الوقت اتاخر
سليم/يلا بينا...... سلام عليكم
و خرج سليم و كريم و معهم وعد و عاد كلا منهم الي منزله
و ذهبت نور و مها الي الغرفه الخاصه بمها و ذهب مالك و مليكه الي غرفه ام مها للخلود الي النوم بجانبها
🌹🌹🌹🌹🌹🌹🌹🌹🌹
و في الصباح الباكر استيقظت مها و نور و قامو بتنظيف المنزل بعد ما حدث به بالامس
و بعد ذلك قامو بتجهيز الافطار و ذهبت مها لتوقظ ولدتها و الاطفال
و بعد تناول الافطار
نور/يلا بينا يا اولاد
مها/متخليكي معانا انهارده كمان يا نور
نور/هو انتي قاعده اصلا علشان استني
مها/خاليكي مع ماما و انا هحاول متاخرش مع سليم
نور/لا يا مها خاليكي برحتك و انا كمان و رايا حاجات اخلصها علشان كمان وعد
مها/اها صحيح انتي قولتيلي و انا نسيت
نور/طب يلا يا اولاد
تصاعد رنين هاتف مها
مها/السلام عليكم
سليم/و عليكم السلام انا تحت يلا انزلي
مها/حاضر ثواني و نزله
و اغلقت معه الهاتف ثم نظرت لنور
مها/يلا انا نزله معاكم سليم تحت
نور/يلا سلام يا طنط
مها/سلام يا ماما
ام مها/مع السلامه يا حبايبي
🌹🌹🌹🌹🌹🌹🌹🌹🌹
هبطت نور و مها و معها الاولاد للاسفل و كان في الاسفل سليم ينتظر مها
سليم/ازيك يا نور
نور/ازيك انت يلا سلام يا مها يلا يا اولاد
سليم/علي فين
نور/هنروح
سليم/طب تعالي هوصلكم
نور/لا معلشي
سليم/طب و الله العظيم انا هزعل منك علشان مينفعش كدا كل مره اول و مكنش فيه رابط بينا دلوقت انا جوز صاحبتك و لا ايه يا مها
مها/فعلا يا نور متحبكهاش قوي كدا و يلا تعالي نوصلك بقه متخلكيش رخمه
نور/طب خاليها مره تانيه
مها/خلاص بقه علشان متزعليش سليم
تحت اسرار مها و سليم صعدت معهم السياره و قادها سليم الي العنوان التي املته عليه مها
هبطت نور من السياره بعد وصولها الي منزلها
نور/شكرا جدا يا استاذ سليم
سليم/تاني استاذ احنا مش اتفقنا ان احنا اصحاب و بعدين دلوقت انا ببيت مش غريب
نور/خلاص ماشي مع السلامه
مها/سلام
و بعد صعود نور الي منزلها ذهب سليم هو مها لقضاء اليوم معا
🌹🌹🌹🌹🌹🌹🌹🌹🌹
قامت نور بالاتصال علي عزه و حكت لها ما حدث مع وعد و انها تود التعرف عليها و طالبت منها المجيء اليها لكي تتركها مع الاول و تهبط هي للاسفل لشراء بعض الفواكه و ايضا شراء طعام الغداء من الخارج
قامت بتنظيف المنزل حتي جاءت عزه و تركتها و خرجت
و بعد وقت قليلا جاءت نور و بدات في تحضير بعض الحلوي لتناولها اثناء جلوسهم
و بالفعل بعد قليل جاءت وعد اسفل المنزل مع شقيقها و انتظرها حتي صعدت و تركها و ذهب حتي تقوم بالاتصال عليه لكي ياتي ياخذها مره اخري
صعدت للاعلي و طرقت الباب و فتحت لها مليكه
مليكه/اتفضلي يا ابله وعد
وعد/ماما موجوده يا كوكي
جاءت نور من الداخل
نور/خشي يا وعد واقفه كدا ليه
دخلت وعد الي الداخل و جلست و جلست بمقابلها نور
نور/نورتي يا وعد
وعد/هي البنت اللي حكيتي عنها عزه مجتش
نور/تيه يا وعد انتي مش عايزه تقعدي معايا و لا ايه
وعد/لا ازاي دي القعده معاكي حلوة قوي بس علشان اتفق معاها و ارن علي ابيه يجي ياخدني علشان معطلكيش
نور/تعطليني عن ايه بالظبط دا انهارده الجمعه اجازه يعني و مش ورايا حاجه و بعدين ايه تمشي دي
وعد/امال هبات هنا
مليكه/ياريت
نور/شوفتي و بعدين انتي جيتي هنا بمزاجج هتمشي بمزجنا احنا
وعد/و الله انتي جميله قوي يا نور و القعده معاكي جميله
جاءت عزه من الخارج
عزه/انتي لسه شوفتي حاجه السلام عليكم الاول
الجميع/و عليكم السلام
نور/ادي يا ستي عزه
عزه/ازيك يا وعد
وعد/الله يسلمك
عزه/ايه انتي قاعده مكسوفه كدا ليه فكي يا شيخه كدا و رحرحي
وعد/ارحرح
نور/هههههههه اهدي يا عزه دي مش حملك و بعدين انتي ما صدقتي تلاقي حد تجني معاه و لا ايه
عزه/بحاول اخليها تاخد علينا بسرعه
نور/خلاص برحتكم هخلص حاجات في المطبخ و ارجعلكم تاني....... صحيح يا وعد انتي بتكلي فسيخ
وعد/فسييخ
عزه/ايه متعرفوش و لا ايه دا عباره عن سمك بوري متحدق
وعد/لا عرفاه
عزه/امال ايه بقه
وعد/اصل بقالي سنين كتيره جدا مكلتوش و اساسا هي مره واحده اللي كالته فيها كانت مع الداده بتاعتي الله يرحمها
نور/الله يرحمها يعني بتحبيه
وعد/ايوة
نور/خلاص يا ولاد الغدا فسيخ
عزه و مالك و مليكه/هيييييييييه
ضحكت و عد عليهم لفرحتهم بمجرد اكله
نور/عزه خدي وعد علي اوضتي هتلاقي بجامه علي السرير خاليها تغير
وعد/لا لا لا اغير ايه انا كدا تمام
عزه/تمام ازاي هتاكلي الفسيخ بهدومك دي
وعد/اكل لا طبعا
عزه/نعم يا اختي دا انا و العيال دي نعلن عليكي الحرب دا الفسيخ طلع علشانك يا اختي كان لسه هيستني ليوم التلات نتغدي بيه تقومي انتي دلوقت تقولي لا هتقومي و لا احيل عليكي العيال دي
وعد/لا خلاص هقوم
عزه/تعالي ورايا
اخذت وعد حقيبتها و ذهبت خلف عزه و ادخلتها الي الغرفه و تركتها لكي تبدل ملابسها
و بعد قليل خرجت من الغرفه
عزه/طبعا انتي مش جايه انهارده علشان المذكره
وعد/اللي انتي عايزاه
عزه/ايوة انتي مش جايه انهارده علشان المذكره..... مالك اطلع بالكوتشينه يلا
مالك/حاضر
و بداء اللعب بينهم و علي وجوه الجميع سعاده كبيره و انضمت اليهم نور في اللعب و الابتسامه الصافيه التي تخرج من القلب لا تفارقهم
وقامو لتناول الطعام ثم عادو مره اخري للعب
و مر الوقت عليهم سريعا دون شعور منهم حتي طرق الباب
قامت نور لتفتح الباب
نور/اكيد دي مامتك يا عزه
و فتحت نور الباب و تفاجئت نور بمن يقف بالباب نظرت له بفم مفتوح يكاد يصل الي الارض
و تفاجأ هو الاخر بنور امامه بهذه الهيئه المثيره للاعصاب فقد كانت ترتدي برموده قصيره و من فوق بنصف كم مجسم عليها رافعه شعرها للاعلي بطريقه عشوائيه و ينزل من احد الجوانب بعض الخصلات سرح كريم بمظهرها هذا
و لم ينتبه كليهما الا علي صوت عزه وقفه كدا ليه يا ابله نور
و عندما انتبهت نور اغلق الباب بوجهه و وقفت خلفه تضع يدها علي قلبها اما هو بفعل ما حدث ادي الي رجوعه خطوه من المفاجأه
مليكه/مين يا مامي
نظرت لهم نور جميعهم
نور/دا كريم بيه
وعد/اخويا هي الساعه كام
و بحثت بعينها علي مكان ساعه الحائط حتي وجدتها
و عندما نظرت بها شهقه شهقه عاليه و ضعت يدها علي خدها
وعد/يالهوي الساعه عشره
عزه/تصدقي الوقت جري و محسناش
جرت وعد الي الغرفه التي بدلت بها ملابسها و خلفها نور ولكن قبل دخولها
نور/مليكه افتحي الباب و دخلي عمو الصالون و انتي يا عزه اعمليله فنجان قهوه
و ذهبت عزه لداخل المطبخ لتحضر القهوه و مليكه ذهبت نحو الباب ثم فتحته
مليكه/ازيك يا عمو اتفضل
دخل خلفها و هو ينظر للاسفل حتي وصل الي غرفه الصالون
مليكه/ثواني و مامي جايه
و خرجت من الغرفه ذاهبه نحو غرفتها مع اخيها حيث قد تركهم مالك قبل قليل لكي ينام
في داخل غرفه نور اخرجت وعد هاتفها و نظرت به
وعد/يا لهوي
نور/ايه في ايه
وعد /ابيه رن عليا خمسه و تلاتين مره
نور/انتي كنتي سايبه فونك في الشنطه
وعد/ايوه
نور ببعض القلق
نور/حصل خير غيري برحتك و انا خرج اقعد معاه
خرجت نور بعد ما ارتدت اصدال الصلاه و هي تود لو تنشق الارض و تبلعها بعد ان راءها كريم بهذا الشكل
نور/سلام عليكم
نظر لها كريم قليلا ثم رد و هو يجز علي اسنانه
كريم/و عليكم السلام
جلست نور بمقابل له
نور/احم احم احنا اسفين جدا
كريم/علي ايه
نور/ان حضرتك رنيت علي وعد كتير و هي مردتش كان الفون في الشنطه و محدش سمعه
كريم/انا ليا حساب معاها بعدين
نور/بالله عليكم متزعلهاش احنا كلنا الوقت سرقنا دا حتي عزه لسه هنا ما مشيتش هيا كمان فا مش تحسبها علي حاجه غصب عنها
كريم/طب هيا و غلطتها غصب عنها و انتي ايه
نور/و انا ايه
كريم/غلطتك تتحسبي عليها و لا لا
نظرت له نور باستغراب من حديثه اي غلطه فعلتها هي
نور/غلطه ايه
كريم/فتحك للباب بالشكل اللي شوفتك بيه دا ايه
احمرت نور خجلا لانه قد راءها بهذا الشكل و لكن تحول احمرار الخجل هذا الي احمرار غضب عندما اكمل
كريم/في واحده محترمه تفتج بالشكل دا يظهر فعلا ان انا اتخميت فيكي و ان محسن كان عنده حق....... فاكره محسن و لا نسيتي
نور/انت ايه اللي انت بتقوله دا يا حيوان انت
كريم/نووووووووور الزمي حدودك و متنسيش اني مديرك
خرجت من الغرفه علي اثر الصوت العالي لكريم وعد و خلفها عزه التي ذهبت اليها لكي تسالها عن قهوه كريم و اعطت كلا منهم رقمها للاخري
نور/حدود ايه انت خاليت فيها حدود انت زودتها قوي
كريم/نوووووووور صوتك ميعلاش وانتي بتتكلمي معايا متنسيش نفسك
نور/متنساش انت نفسك و صوتك ميعلاش في بيتي
كريم/انتي ليكي عين تتكلمي
و قبل ان تتحدث نور
وعد/في ايه يا ابيه
نظر لها كريم ثم عاد النظر الي نور نظر لها نظره استحقار و ذهب نحو الباب
كريم/يلا يا وعد
وعد/طب استني يا ابيه في ايه
كريم/سمعتي يلا
وعد/حتضر
و خرجت خلفه بعد ما القت نظره اسف الي نور
عزه/هو ايه اللي حصل يا ابله نور
نور و هي تمسح دموعها التي خرجت بغزاره مع خروج وعد
نور/مفيش يا عزه يلا علشان تروحي الوقت اتاخر
عزه/طب استني معاكي
نور/لا انا كويسه انزلي انتي يلا
عزه/تصبحي علي خير
نور/و انتي من اهله
🌹🌹🌹🌹🌹🌹🌹🌹🌹
اما كريم عندما هبط و خرج من المنزل لاتجاه سيارته صعد بها و انتظر شقيقته تهبط استمع الي كلمات جعلت الدماء تفور في عروقه و................
استووووووووووب
🌹🌹بقلم الكاتبةآيه عطيه🌹🌹
الفصل السادس عشر
بسم الله الرحمن الرحيم
..............................
استمع كريم الي حديث يدار بجانبه جعل الدماء تفور في عروقه
شخص١/ايه يا عم اللي اسمها نور دي هتفضل مدورها كدا و احنا ساكتين
شخص٢/معاك حق لازم نشوفلها حل كدا كتير
شخص١/لا و كل يوم عربيه شكل مره توصلها و مره تجلها تحت البيت
جاء من خلفهم شخص اخر
شخص٣/يا عالم اتقو الله حرام ترمو الناس بالباطل
شخص٢/انت شوفت حاجه
شخص٣/مشوفتش و حتي لو شوفت بعيني مش هصدق بردو
شخص١/خلاص يا عم معنك ما صدقت خاليك في حالك و لا علشان انت الوحيد اللي البرنسيسه بتتنازل و تكلمه
شخص٣/قول كدا بقه منك له بتتبلو عليها علشان كدا حرام عليكم
شخص٢/بقولك ايه اطلع انت منها و خاليك في حالك
و في ذلك الوقت هبطت وعد و صعدت بجانب شقيقها السياره و قادها كريم في سرعه كبيره و عاد بها الي المنزل
اما نور جلست تبكي علي حالها و الي متي سوف تظل هكذا
الي متي سوف يظلمها الناس
ماذا فعلت هي ليحل بها كل هذا الاذي و عندما تري الدنيا قد ضحكت لها فتنقلب عليها في غمضه عين
قامت نور من مكانها و هي مازالت تبكي ذهبت نحو الغرفه المغلقه في منزلها و التي لا تسمح لاحد الاقتراب منها ذهبت اليها لتشكي لها همها كما تفعل دائماً فذلك الغرفه تخص اعز الناس علي قلبها و الذي اخذها الموت منها و كسر قلبها و جعلها اكبر سنا لفراق اعز الحبايب
فتحت الغرفه و اخذت تنظر اليها بكل اشتياق و حنين الي الماضي الي راحه البال و السعاده
ذهبت نحو الفراش تمسح عليه جلست عليه و امسكت تلك الصوره التي تضمها هي و اعز أصدقائها التي كانت اكتر من اخت لها
كانو معا منذ الصغر لم يفرقهم شيء لم يفرقهم غير الموت
قامت بمسح دموعها و خرجت خارج الغرفه الي حيث غرفتها و بدلت ملابسها و ذهبت لكي تنام
🌹🌹🌹🌹🌹🌹🌹🌹🌹
اما كريم عندما وصل الي المنزل و معه وعد
طرقها و صعد الي غرفته علي الفور دون القاء اي حديث مع احد
ذهب لكي ياخذ حماما بارد لعلها تطفيء النار المشتعله بداخله
و خرج من الحمام عاري الصدر و جلس علي الفراش يفكر فيما حدث و ما استمع اليه
و جلس يعيد في ذاكرته بعض الكلمات التي استمع اليها
# ايه يا عم اللي اسمها نور دي هتفضل مدورها كدا و احنا ساكتين
# كل يوم عربيه شكل مره توصلها و مره تجلها تحت البيت
# يا عالم اتقو الله حرام ترمو الناس بالباطل
قام من الفراش و ذهب الي الشرفه و هو مازال يفكر و يفكر
هل ظلمها مره اخري ام هي شيطان
اخرجه من شروده طرقات علي الباب
كريم/مين
وعد/انا يا ابيه
ذهب كريم نحو غرفه الملابس و اخرج له تيشرت و قام بارتدائه
كريم/ادخلي يا وعد
وعد/انا اسفه يا ابيه بس كنت عايزه اعرف ايه اللي حصل
كريم/و انتي يهمك في ايه
وعد/اصل كلنا كنا قاعدين مبسوطين جدا و الباب خبط قامت نور تفتح علي اساس مامت عزه و بعدين دخلت لبست و طلعت لحضرتك و بعدها صوتك علي ايه اللي حصل بقه
كريم/ثانيه واحده كدا...... هي كانت عارفه مين اللي علي الباب
وعد/ايوة دي كانت مامت عزه لم بتخرج من الشغل و عزه عند نور لسه بتطلع تطمن علي نور و تاخد عزه و تمشي
كريم/و انتي عرفتي الحاجات دي منين
وعد/من نور و عزه هما قالو كدا لما الباب خبط
كريم/و هو في واحده محترمه تفتح الباب كدا
وعد/ما الشقه بتاع نور الدور الاخير و مفيش حد بيطلع فوق و لما الباب بيخبط بتكون عارفه مين علشان نور معندهاش حد يجلها و يسال عليها
كريم/طب روحي نامي دلوقت يا وعد
وعد/حاضر يا ابيه تصبح علي خير
كريم/و انتي من اهله
و بعد خروج وعد من الغرفه جلس كريم علي الفراش يود ان يقوم بصفع نفسه لانه ظلم نور للمره الثانيه
هل هي سوف تعفو عنه بعد تلك الاهانه التي القاها عليها
فلا بد في الصباح الباكر ان يعتذر منها عن ما بدر منه
🌹🌹🌹🌹🌹🌹🌹🌹🌹
في الصباح الباكر استيقظت نور و ايقظت اطفالها و اخذتهم و ذهبت بهم نحو المدرسه و تركتهم و ذهبت الي المكان التي تربت فيه هي و صديقتها
فلم تزور نور هذا المكان منذ زمن بعيد لانشغالها مع اطفالها و انشغالها في العمل و لم يكن لديها وقت لان تزور تلك المكان
فا بعد ما حدث بالامس فا قررت بان لا تذهب للعمل في هذه الشركه مره اخري
نور/السلام عليكم
الرجل/و عليكم السلام اؤمري يا بنتي
نور/انت مش فاكرني يارجال يا طيب
الرجل/اعذوريني يا بنتي العتب علي النظر مش واخد بالي
نور/انا نور يا عم فؤاد نور و هبه ........ لسه مش فاكرني
عم فؤاد/يااااااااااه ازيك يا بنتي عاش من شافك فينك و فين ايامك
نور/دايره في الدنيا يا عم فؤاد
عم فؤاد/ربنا يعينك يا بنتي و انتي عامله ايه دلوقت
نور/رضي الحمد لله علي كل حال
عم فؤاد/يارب يزيدك رضا يا بنتي
نور/يارب...... بقولك ايه ابله نعيمه و ابله هند و ابله امينه و ابله يسرا عاملين ايه هما جوه
عم فؤاد/ابله هند تعيشي انتي من سنه
نور/لا حوله و لا قوه الا بالله ربنا يرحمها
عم فؤاد/و ابله نعيمه طلعت معاش و ابله يسرا و ابله امينه موجودين جوه
نور/طب بعد اذنك ادخل اشوفهم و اسلم عليهم
عم فؤاد/اذنك معاكي يا بنتي
دخلت نور من البوابه تتامل كل شيء حواليها و تتذكر وقت ما كانت تعيش هنا هي و هبه صديقتها
دخلت نحو غرفه تعرفها جيدا طرقت الباب و عندما استمعت لاذن الدخول دخلت الي الداخل
نور/السلام عليكم
كانت تجلس علي المكتب الذي بالغرفه سيده في الخمسين من عمرها و عندما استمعت للصوت رفعت راسها عن الورق الذي كان بين يديها علي المكتب
......./و عليكم السلام
و ما لبست ثواني حتي تذكرت نور و قامت من مقعدها و علي وجههها ابتسامه كبيره ترحب بنور و قد اخذتها في احضانها بحب كبير
......./ازيك يا نور عاش من شافك ايه كل الغيبه دي كلها
نور/الدنيا مشاغل و الله يا ابله يسرا
يسرا/تعالي يا حببتي اقعدي و طمنيني عليكي و علي الولاد
و اخذتها و جلست علي اريكه في جانب الغرفه و امامها مقعدين و بينهم منضده صغيره
نور/الولاد الحمد لله كويسين انما انا الدنيا معانده معايا قوي
يسرا/ليه كدا
نور/هحكيلك علشان انا تعبت و مليش حد
يسرا/قولي يا حببتي انا سمعاكي
بدات نور تقص عليها كل شيء حدث معها من وقت عاملها في المطعم الي ما حدث من محسن و تركها للعمل معه و بحثها عن عمل اخر و عملها في شركه كريم الي ما حدث بالامس
نور/و ادي كل الحكايه لحد ما خلاص فاض بيا و الحمل تقل عليا قوي
يسرا/انتي المفروض تفرحي يا هبله
نور/افرح
يسرا/ايوة تفرحي علشان ربنا لما بيبتلي حد دا معنا انه هو بيحبنا و بعرفنا دايما اننا في حمايته و كل حاجه بتحصل لنا خير من ربنا و ربنا دايما بيبقي شيلنا الاحسن
نور/الحمد لله علي كل حال
يسرا/و علشان تعرفي ان ربنا شيلك الاحسن و انه بيقطع من هنا بيوصل من هنا
نور/حضرتك تقصدي ايه
يسرا/اقصد ان في شغل هنا ليكي
نور/بجد و النبي يا ابله يسرا
يسرا/ايوة جدا انتي عرفتي ان هند ربنا افتكرها
نور/ايوه عرفت من عم فؤاد و انا داخله و ان ابله نعيمه طلعت معاش
يسرا/دي حقيقه و جيه مكانهم ناس تانيه بس انتي عارفه ان الملجيء هنا غير اي حته تانيه من عشر سنين و هو ماشي بنظام معين و دايما في متابعه و معندناش هنا اللي بيحصل في الملاجيء برا و لا اللي كان بيحصل ايامك
نور/بس انا هشتغل هنا ايه
يسرا/هتشتغلي مشرفه مكان نعيمه هو جيه بدلها كذا واحده بس للاسف مش كويسين و يعملو البنات وحش فا كنا بنمشيهم علي طول و علشان انتي جربتي اللي كان بيحصل فا هيكون عندك رافه بالبنات هنا
نور/انا موافقه يا ابله يسرا تحبي ابدا شغل من امتي
يسرا/من النهارده لو حبيتي
نور/و انا موافقه بس بعد اذنك ينفع اخرج اجيب الولاد من المدرسه و اجيبهم معايا علي هنا و اخدهم و انا مروحه
يسرا/طبعا ينفع
نور/متشكرا جدا يا ابله يسرا
و قامت معها لكي تعرفها ما عليه فعله و عرفتها علي بنات الملجيء
🌹🌹🌹🌹🌹🌹🌹🌹🌹
اما في شركه كريم ذهب الي العمل باكر كما تعود في الاونه الاخيره
ذهب و هو علي اتم استعداد للاسف الي نور بكل الطرق لكي تسامحه لما قال من كلمات جارحه
و عندما دخل لم يجدها انتظر قليلا ثم ذهب الي مكتبه ينتظرها علي احر من الجمر و مر وقت كبير و لم تاتي فجن جنونه بشده لماذا لا تاتي الي الان
و مر اليوم طويلا علي كريم لعدم وجود نور و قرر الذهاب اليها بعد انهاء عمله
و بعد انتهاء العمل جمع متعلقاته و خرج ينوي الذهاب الي منزل نور لكي يتاسف لها و يعرف منها لماذا لا تاتي الي العمل اليوم
وصل الي منزل نور و صعد الطابق الخاص بها و طرق علي الباب عده طرقات و انتظر قليلا و طرق مره اخري و لا من مجيب طرقه مره اخيره و ايضا لم يجد رد
هبط الي الاسفل مره اخري و صعد سيارته و عاد الي منزله مهموما و حزينا
وجد في انتظاره علياء زوجته و معها اولفت
كريم/السلام عليكم
اولفت و علياء/و عليكم السلام
علياء/ايه التاخير دا كله يا كريم
كريم/كان عندي شغل بخلصه
علياء/ربنا يعينك يا حبيبي
اولفت/اخلي البنات تجهزلك العشا يا كريم
كريم/لا مليش نفس
علياء/كريم هو انت هتفضل كدا
كريم/كدا اللي هو ازاي
علياء/من يوم كتب الكتاب و انتي مبقتش تاكل هنا في البيت خالص
كريم/معلشي مشغول الفتره دي بس
علياء/مشغول و لا انت حسيت انك اتسرعت في جوازك مني انا عارفه انك عملت كدا شفقه
و بدات في البكاء المصطنع لكي تحنن قلبه كما قالت لها اولفت
اقترب منها كريم و هو غاضب من نفسه لانه يظلمها معه و احست من معاملته انه بالفعل فعل هذا شفقه
كريم/انا اسف يا علياء متزعليش عندي شويه اشغال هخلصهم و افضالك
علياء/لو انت مش عايز تكمل معايا انا معنديش مشكله انا كل اللي يهمني سعادتك و راحتك انت
كريم/لا ازاي تقولي كدا انا اتجوزتك بكامل اردتي و ان شاء الله فرحنا هيكون قريب
علياء/بجد
كريم/بجد يا علياء سبيني بقه اطلع ارتاح شويه
علياء/اتفضل يا حبيبي
نظر لها كريم قليلا ثم طرقها و صعد للاعلي يفكر و يفكر لابد من حسم امره
و يجب عليه الا يظلم علياء فهي لم يكن لها يد في حبه لنور
🌹🌹🌹🌹🌹🌹🌹🌹🌹
و في صباح اليوم التالي ايضا لم تاتي نور الي العمل
فقرر كريم نسيانها و هكذا افضل له حتي لا بظلم نور و عليه بالاسراع في الزواج من علياء حتي ينسي بها نور
🌹🌹🌹🌹🌹🌹🌹🌹🌹
و مرت الايام سريعا علي الجميع فقد مر ما يقرب الي الشهر
تاقلم كريم علي عدم وجود نور و اعطي لنفسه فرصه للاقتراب من علياء و لكنه لم يشعر اتجاهها بشيء نهائيا
سعدته اولفت و علياء بالتغير الذي حل بكريم فا عاد مره اخري ليتناول طعامه في المنزل و خصص و قت صغير للجلوس به مع علياء فهذا يدل علي وقوع كريم في شباكهم من وجه نظرهم
اما وعد فكانت تري كل ما يحدث و لم تستطيع فعل شيء لهم و لم تستطع فعل شيء لكريم فقد رات في عينه الحب لنور و لكن نور قد اختفت تمام و لم تاتي الي منزلها منذ ما يقرب الثلاث اسابيع و علمت ذلك عندما ذهبت الي منزلها لكي تجلس مع عزه كما اتفقا سويا و لكن لم تجدها و اتفقت مع عزه بان يجتمعا في منزل عزه
اما مها و سليم فقد يعيشون اجمل ايام حياتهم في حب و سعاده و لا يوجد شيء يحزنهم غير ما حل بكريم و نور
فا مها علمت من نور انها تركت العمل في الشركه و لم تعود اليه مره اخري و لم تخبرها نور انها قد عملت في الملجيء
و سليم حزين علي كريم فقد تغير بشده اصبح عصبيا و لم يعد يستمع لاحد و لم يجرء احد علي معارضته حتي سليم لم يعد يعلم كيف يتعامل معه
اما نور فقد ارتاحت كثيرا في عملها في الملجيء و بعد مرور اسبوع من العمل قد انها اطفالها الإمتحان الخاص بهم فقررت المكوث في الملجيء و لم تذهب الي المنزل من وقتها منذ ثلاث اسابيع
اما منصور فا كما هو كل يوم يعلم شيء جديد عن السرقه
و فوزيه الان تبيع له المسروقات التي يسرقها بدون علم المعلم طفشه و كما زنت علي اذنه بان يعمل مع المعلم طفشه ايضا ذنت علي اذنه لكي يسرق و يبيع لحسابه من اجل جمع مبلغ كبير من المال لعمل مشروع خاص بهم
و منصور الان اصبح ماكينه لتنفيذ ما يطلب منه دون تفكير فقد قام بالغاء عقله و لم يعد يفكر في شيء غير السرقه و البلطجه ايضا
🌹🌹🌹🌹🌹🌹🌹🌹🌹
في صباح يوم جديد علي الجميع
بداخل الملجيء في مكتب يسرا و معها نور
يسرا/تعالي اقعدي يا نور عايزاكي
نور/خير يا ابله يسرا
يسرا/انتي كبعا عارفه اني بحبك و لا لا
نور/ايوه طبعا
يسرا/و عارفه ان كل اللي يهمني مصلحتك
نور/هو في ايه يا ابله يسرا
يسرا/في واحد من متبرعين للملجيء متقدملك يا نور هو شافك في حفله الملجيء الاسبوع اللي فات
نور/واحد متقدملي انا
يسرا/ايوة يا نور
نور/..............
يسرا/سكتي ليه
نور/هقول ايه
يسرا/تقولي موافقه
نور/طب هو انا اعرفه
يسرا/ايوه هو يبقي احمد بيه المسيري
نور/ايه اللي اتبرع بملغ كبير للملجيء و كان هنا من يومين و امبارح كمان
يسرا/ايوة هو
نور/و دا عحبه فيا ايه يعني واحد ذي دا اكيد شاف متير
يسرا/القلب و ما يريد
نور/القلب
يسرا/ايوة
نور/طب و هو عارف ظروفي
يسرا/ظروفك اللي هيا ايه
نور/عارف بولادي
يسرا/لا يا نور ميعرفش بيهم
نور/بس لازم يعرف
يسرا/لا مش لازم
نور/و انا استحاله استغني عن ولادي
يسرا/انتي كدا بضيعي عمرك يا نور و انتي مش حاسه فوقي بقه
نور/مش مهم عمري يضيع المهم ولادي ميضعوش
يسرا/مش لما يبقو ولادك يا نور
نور/................