الفصل الثاني والعشرون
بقلم منه محمد
في بيت رغده ابهم جاب عليه الاسعافات وقعد جنبها بهدوء وكارمن متجمده ودموع رافضه النزول
ابهم سحب كف ايدها بلطف: خاليني اشوف جرحك( مسك ايدها )وسحب المنديل الي كله دم بسبب النزيف
ابهم بصلها وسألها: حاسه بألم جامد
كارمن نظراتها لقدام ومش بتنطق ولا حتي عيونها بترمش كأنها تمثال في المتحف
ابهم بضيق لوضعها: لو وجعك قوليلي
كارمن: انا بخير لاني اتألمت كتير لدرجه مش حاسه بأي حاجه كأني متخدره
ابهم اتنهد وحط كف ايدها ع ركبته وبدء يداوي الجرح ورغده واقفه من بعيد هتموت ع حاله كارمن الغير طبيبعيه
.......
آمنه بتفتح الفراند لقته قاعد ع عتبه الفيلا اتخضت ولفتله وراحت عليه
آمنه مالت عليه: نوح بتعمل ايه هنا ومن امتي وانت هنا؟
نوح بصوت مبحوح: امبارح بالليل
آمنه: طيب ليه مصحاتنيش افتحلك الباب
نوح: محبتش ازعجك
أمنه: ايه الكلام الفارغ ده ( قعدت جنبه) مالك
نوح بصوت يائس من الحياه: ليه اتولدت
آمنه: ليه بتقول كدا
نوح: ابويا وامي مش عايزني محدش عايزني ابدا ابدا
آمنه: بس انا عايزاك وبحبك
نوح: غيرك انتي مفيش حد حبني
آمنه دمعت من حالته: ايه الي حصلك يانوح قولي مالك يابني
نوح بصلها ودموعه هي الي بتتكلم وتعبر
آمنه مسحت دموعه وخطفته جوه حضنها وضمته اوي ونوح بكا زي العيل الصغير!
...........
كارمن قاعده ع الارض بتجمع اللوحه وبلتزق القصاقيص وعمال تبكي بصوت بيزوم ويبكي الحجر نزلت وقربت عليها
رغده: كارمن مش هتنامي شويه حرام عليكي صاحيه طول الليل ترقعي في البتاعه دي وعندك نبطشيه ليل ازاي هتواصلي كدا
كارمن ولا كأنها سامعه ومكمله لزق رغده نزلت علي ركبتها لمستواها
رغده مسكت ايدها: وقفي ياكارمن مش شايفه مهما عملتي مش هترجع زي ما كانت
كارمن نزلت دموعها : بحاول
رغده شدت منها اللزق: مش هترجع زي ما كانت مهما عملتي لانها اتدمرت وخلاص الحكايه خلصت بينك وبين الشاب ده
كارمن مره واحده انهارت وفضلت تأن وجسمها كله اترعش!
رغده حطت راسها بحضنها وطبطب عليها: كل ما هتتقبلي الحقيقه اسرع كل ما هتقدري تقفي ع رجليكي مره تانيه
كارمن مسحت دموعها وحاولت تتكلم: ده غلطي دخلته في ده
رغده: ويمكن الي بينكم مكنش حب دخل حياتك لما كانت فاضيه
كارمن: لا مش كدا يا رغده
رغده: كان زي ما كان وفي الحالتين انتهي ولو مش عايزه تأذيه وتأذي نفسك اتجاوزي الامر
كارمن هزت دماغها بـ لاء وتبكي
رغده :الدكتور ابهم قلقان عشانك بجد وفضل يتصل بيا طول الليل يسالني عن حالك
كارمن: انتي الي قولتيله اني روحت لنوح
رغده :ايوه كان معايا ع الموبيل وقلتله انك دايخه ع نوح وكنت خايفه عليكي لحد ما راح وجابك المهم تحبي ابلع المستشفي انك تعبانه
كارمن: لاء هروح الشغل
رغده: بس انتي منمتيش ولو عرف الدكتور ابهم
كارمن برجاء :رغده رجاء متتكلميش عن ابهم تاني انا عارفه هو عايز ايه بس انا حرفيا مش جاهزه للاي حاجه
رغده: بس الدكتور ابهم هو الانسان الوحيد الي ليكي معاه مستقبل وحقيقي ياكارمن
كارمن بألم كبير: ونسيتي الي عمله فيا
رغده :مستحيل انسي ابدا لما اذاكي كنت هولع فيه لكن لما شوفت مدي ندمه وازاي بيجاهد عشان يصلح الامور معاكي بجد اتعاطفت معاه شويه واظن انتي عارفه الفرق بينه وبين ابن هاله وفرصتك الحقيقيه معاه هو لو مدتيش فرصه للدكتورهيبـ
كارمن قطعتها :وانا عشان مش هفكر في ده هروح الشغل اشغل نفسي من التفكير
وطبقت اللوحه بعنايه وقامت حطتها في الدولاب وراحت تلبس وتؤدي عملها
.........
في المستشفي
ممرضه للدكتور :دكتور ابهم كارمن هناك اهيه
ابهم لف وبصلها ورجع بوشه للمرضه: تمام بس ممكن تشوفيلي ممرضه تانيه تتابع الحالات بدل الي مشت
الممرضه :ممكن بس كارمن ممكن تساعدها لان العياده ماليانه حالات
كارمن قربت منهم وسألت: فيه ايه؟؟!!
ابهم: ابدا الممرضه الي بتساعدني مشت فجأه وبدور ع ممرضه تساعدني
الممرضه ببتسامه: كارمن معلش ممكن تساعدي الدكتور بما انك مراته يعني تعرفيه اكتر من ممرضه تانيه وبصت لـ ابهم مش عندي حق يا دكتور
رغده سحبتها ومشت معاها لبعيد
ابهم بصلها:انا اسف يا كارمن مقصدش اضايقك بس الممرضه اخدت اجازه مرضيه فجأه وكنت هطلب ممرضه تانيه
كارمن برسميه:دكتور ابهم مفيش مشكله وماشيه
ابهم مسد دراعها ورجعها له:استني ايدك عامله ايه غيرتي عليها ومسك كفها) ده نفس البلستر الي حاطه انا
كارمن سحبت ايدها براحه: كنت هغير عليها
ابهم :تمام خاليني اغيرلك عليها الاول
كارمن :متشغلش بالك يله عشان الشغل كتير
ابهم: بس انتي ليكي الاولويه كموظفه هنا خلاف كدا هكون قلقان عليكي ومش هكشف بضمير
كارمن اصرت تكمل الشغل الاول وهو استجاب وراح معاها لانه عارف انه لازم يبذل مجهود خرافي عشان تنسي طعناته ليها
كارمن وهي بتدخل اخر حاله ناهد لمحتها وبسرعه راحت عليها
ناهد: هو انتي والدكتور رجعتوا لبعض
كارمن:انتي هنا جايه تكشفي
ناهد بستهزاء: لاء انا هنا كنت بزور مرات جوزك السابق بس الممرضه قالت لي انها خرجت وايه عنك وعن ابنها
كارمن بضيق:ياريت تسبيني في حالي بقي
ناهد ربعت ايدها: انا بسالك لاني مهتمه بأمورك
كارمن: لو كنت فعلا مهتمه بيا بطلي تتكلمي معايا اني بشوف رجاله تانيه
ناهد رفعت حاجب:ليه هو انتي سبتي نوح
كارمن :اظن جاوبتك
ناهد: بس انتي بتحبيه وهو بيحبك وبعدين هاله بعد ما سابها الدكتور انتي لازم تستمري مع نوح لفتره اطول لازم تقضي ع امه وخدي الكل منها أذيها نفس ما أذتك
كارمن :كل ما هأذي غيري كل ما هأذي نفسي اكتر والموضوع ده انتهي
ناهد :استني هنا
كارمن بضيق: ياريت توقفي انت كمان الانتقام من هاله ياتري بعد انتقامك ده هيخليكي سعيده ده هيخالي طلقيك الي سرقته منك هاله ويرجعلك مش يمكن سابك لسبب هاله مالهاش علاقه بيه ويمكن سابك لـ اسباب تانيه
ناهد :انتي هتديني محاضره هي الخيانه الي اتعرضتلها خلتك تفقدي عقلك
كارمن اتنهدت تنهيده طويله : لاء بس خالتني اتعلم من غلطي وافوق قبل ما يفوت الاوان وعايزاكي انتي كمان تتعلمي من غلطك وبطلي ترمي اللوم ع غيرك وشوفي نفسك وشوفي عيوبك وصلحيها يمكن طليقك وقتها يفكر يرجعلك
ناهد: وابنها هتقدري تبعدي عنه هتقدري توقفي قلبك عن حبه
كارمن سكتت شويه وبعدين بصتلها بدموع رافضه تنزل : لو روحي في ايده مش هرجعله تاني والي بينا انتهي عن اذنك ورايا شغل
سابتها ومشت وناهد عزمت تقابله وتقوله ان كارمن بتعشقه للصميم!!!
كارمن رجعت لشغلها تاني ودخلت لمت كل الكشوفات من قدامه وبتتحرك بأليه
كارمن بجمود: مفيش غير حاله برا وانا هرجع لشغلي عن اذنك
ابهم وقف : كارمن استني انا مغيرتلكيش ع الجرح
كارمن: مفيش داعي
ابهم قام من المكنب وراح جاب عده التعقيم واخدها تقعد جنبه ومسك كف ايها وبدء يعقم: ها حاسه انه احسن
كارمن: الحمد لله
ابهم: لوعندك وقت ممكن تيجي معايا البيت تزوري امي
كارمن: هي رجعت البيت
ابهم: ايوه كنت عايزها تفضل هنا في المستشفي تواصل علاجها الطبيعي بس رفضت بتتخنق من جو المسشفيات
كارمن: وعامله ايه دلوقت
ابهم نبره حزينه: مش قادره تمشي زي الاول وقاعده ع كرسي متحرك وعايزاني ع طول في البيت اهتم بيها وارعيها (اتنهد) كنت هاخد اجازه بس عندي حالات ولاده كتير فلو عندك وقت ممكن تطمني ع امي ولو مش مرتاحه تروحي براحتك انا متفهم
فتحت عليهم الباب مره واحده لقته حاضن كف ايدها بين ايديه وده جننها اكتر!!!
هاله صقفت بأيديها :واو مشهد مثير للاعجاب
ابهم وقف وبغضب: هاله ليه انتي هنا
هاله بعصبيه وصوت عالي : جري ايه يا دكتور بمجرد ما فقدت ابنك تكلمني كدا وكاني واحده غريبه مش مراتك
ابهم اتك ع اسنانه:كنتي مراتي وده لا وقت للمشاكل ولا للخناق
هاله :انا مش جايه اتخانق(بصت لكارمن بحقد) انا هنا عشان اشوف الست الي نامت مع ابني واسألها فين ابني
كارمن: لو فقدتيه روحي دوري عليه في مكان تاني سبيني في حالي
هاله :كنت مفكراكي طيبه طلعت غلطانه انتي شجاعه اكتر ما تصورت جالك الجرأه تنامي مع ابني وانتي متجوزه عشان تنتقمي مني
ابهم بتحذير مصحوب بغضب: اخرسي يا هاله ( زقها) واخرجي يله
هاله بعصبيه بتشد نفسها منه: اوعي كدا سبني
كارمن :روحي دوري عليه في مكان تاني انا وهو سبنا بعض وخرجت من الغرفه
هاله رايحه وراها: تعالي هنا
ابهم مسكها من دراعه ودخلها وهبد الباب: هاله ابنك ليه هيجي يشوف كارمن خلاص علاقتهم انتهت امبارح
هاله: انت مفكر العلاقه انتهت برافوا عليك فاكر لما كنت بتحبني بجنون وسبتها هي كدا دلوقت نفس حالتك يا دكتور كنت براقبها هي وابني الحب الي بينهم اكبر من خمس سنين فوق وانتبه لان الشخص الي هتنفصل عنه هو انت يادوك سلام
........
....
اتصلت بيه كذا مره مفيش رد اخر ما زهقت اتصلت بيها تسألها: الو انا هاله هو نوح ابني عندك اصله بعتلي رساله انه عندك
آمنه بقتضاب: نوح مشي من عندي بعد الظهر ومقليش رايح فين
هاله : انا بحاول اتصل بيه طول الليل مش بيرد وجتله هنا ملقتهوش
امنه: هتصل بصحبه واساله ولو عرفت حاجه هتصل بيكي
هاله: شكرا لحضرتك واغلقت واخدت شنطتها وطلعت عند تامر تساله عن مكان نوح
.........................
ابهم للشغاله: تعالي ساعديني نقعد امي ع الكنبه
الشغاله بأدب: حاضر يا دكتور
ابهم بص لامه:انا هروح اجبلك كوبايه معايا عشان العلاج
هدي :ابهم بعد ما فقدت ابنك متقوليش انك هترجع كارمن
ابهم بضيق :امي انتي عندك كسر جامد ولسه دماغك في كارمن
هدي :عشان عايزه
ابهم قطعاها: هجيب الميه والدواء
هدي: ابهم يا بني ممكن تسمعني
ابهم: قعد اتفضلي قولي
هدي :كل الستات الي عرفتهم مش من مستواك انا كنت هناك وشوفت المزيف والمعدن
ابهم : عايزاني اكون مع عايشه هي دي الي من مستوايا وعشان اكون معاها ليا طلب واحد عندك
هدي :قوله تحب اكلم مايسه تخرج مع عايشه مفيش مشكله اكلمها
ابهم هز دماغها مره: لاء الموضوع مش كدا
هدي مستغربه :امال كنت عايز ايه
ابهم بسؤال: ياتري فتره مرضك عايشه جات وزارتك
هدي بكدب :اه جات
الشغاله: امتي انا مشفتهاش وكنت معاكي طول الوقت
هدي بغيظ منها: اخرجي يابت من هنا
الشغاله جريت هربانه
هدي: ليه بتسال
ابهم :يعني متعرفش لحد دلوقت جالتك
هدي: لاء بس هتصل واقولهم
ابهم: بلاش تعملي كدا لاني عايز اوريكي مين المزيف ومين المعدن عن اذنك اجيب الدواء
..........
في البار نوح لقاه الي نزل الكاس من ع شفايفه بصلها ورجع بص لقدام
ناهد: نوح بطل شرب انا انتظرت كتير اكون معاك فلو شربت بالمنظر ده وسكرت هتفقد الوعي وانا هفضل طول الليل لوحدي
نوح بصلها بسخريه: متقلقيش كل ما شربت اكتر اقوم بأداء مزهل اكتر
ناهد حطت كوعها ع كتفه: كدا خالي ايدي عليك عشان اطمن انك معايا
نوح كشر ورجع بص لقدام وناهد استغلت سرحانه وطلعت التلفون من جيب البنطلون ومره واحده شدته من وشه وحطت شفايفها فوق شفايفه واخدتهم في صوره
نوح زقها بنفعال: بتعملي ايه قلتلك مش بحب كدا مش عارفه قواعد شغلي
ناهد: سوري نسيت هحذفها حالا
نوح هبد الكاس ع البار وقام : عن اذنك لازم ادخل الحمام
ناهد وابتسامتها الخبيثه مرسومه ع شفايفها بعتت الصوره ارسال لكارمن
شويه رجع نوح وقعد وشرب كاس تاني
ناهد قربت عليه: نوح انا اسفه مكنش ينفع اعرفك ع كارمن معرفش ان عندها مشاكل مع امك وهتستخدمك عشان تنتقم منها
نوح بصلها :وانتي عرفتي ازاي
ناهد: كارمن قالت لي
نوح وشه اتغير من ذكر اسمها وحس انه مش قادر يتنفس لما هجمته نغزه في قلبه بتدميه بتطحنه
ناهد كملت: كنت معاها النهارده طلبت منها تيجي بس رفضت
نوح ابتسم بتهكم:طبعا رجعت لجوزها فمش هتيجي
ناهد :ازاي عرفت انها مش عايزه تيجي هي بس خايقه منك
نوح :وليه تخاف بعبع
ناهد: معقول مش عارف ولا حاسس انها بتحبك اوي
نوح والدموع كأنها اتحجرت جوه عيونه!:كلام فارغ انا وهي نفس انا وانتي علاقه تجاريه باحته مفهاش حب فيها هات وخد وانا شريكك الليله وبس
ناهد :في البدايه فكرتها كدا بس النهارده لما قابلتها البنت فعلا بتحبك بجنون وقالت لي انها مستحيل ترجع لجوزها صدقني بس لو رجعتلك انت هتسامحها
الصوت من وراهم :بقي انتي بقي الي وري الهباب ده كله
ناهد اول ما شافت هيئتها قدامها بلعت ريقها لانها عارفه انها هتفترسها!!!
هاله سحبتها من شعرها :مش كدا ياحربايه
نوح بيحاول يشدها: امي ابعدي عنها
ناهد بتتالم من شد شعرها :سبيني يا وليه يا مجنونه
هاله زقت نوح طار لبعيد ورجعت مسكت ناهد من شعرها بقوه: قدمتيله كارمن انطقي عملتي كدا
ناهد ماسكه شعرها الي اتقطع من الشد وتضحك بشماته: ايوه وفيها ايه لو عملت ده
هاله ضربتها قلم من قوته وقعت علارض ورجعت شدتها تاني من شعرها :ده انا هطلع عين اهلك
ناهد بتصرخ :سبيني يا مجنونه
هاله بهجوم وشراسه : لو بتكرهيني سوي امورك معايا انا ليه دخلتي ابني في الليله الوسخه دي
ناهد برقت عيونها بغضب اسود: لاني مش هضيع وقتي معاكي انتي لان لو اخدت ابنك منك ده هيوجعك اكتر
هاله هجمت عليها بالضرب زي المجانين و
نوح كتف امه من وسطها :امي كفااايه كفااايه
ناهد قامت تضحك: خسرتي ابهم بس خدي بالك لتخسري ابنك مع كارمن انتي مفكره انك ناصحه عننا بس انتي خسرتي
هاله فقدت كل اعصابها وهجمت عليها ووفضلت تضرب فيها وتصرخ بهستريا: لاء انا مخسرتش
نوح لف ايده الاتنين حوالين وسطها بقوه عشان ما تفلتش منه وهاله فضلت تضرب ناهد برجليها لحد ما نوح سحبها برا المكان
ناهد ضحكت ضحكه مستفزه وبتشاورلها: باي
هاله بتصرخ بشر كحد الجحيم: هقتلك هقتلك يا ناهد سبببببني يانوح سبببببني
نوح كتف ايديها وبيجرها: خلاص يا امي خلاص
هاله بزعيق: ابعد عني اخلص عليها ياراس الافعي
نوح بيشدها وسحب فيها بكل قوته: امي خلاص اهدي
وقدر نوح بأعجوبه يسحبها برا المكان
هاله بصريخ فيه : قابلت كارمن هنا ودفعتلك مش كدا
نوح بصوت تعبان: بلاش تسأليني عن ده
هاله: نوح ليه بتشتغل هنا وليه مع ناهد ايه الشغل الي بتعمله
نوح: مش عارفه لما ست تاخد من راجل فلوس عشان تقضي ليله معاه بتسمي ده ايه انا كدا
هاله رفعت ايده تضربه وعلقتها في الهواء: ليه تشتغل شغله زي دي ليييه
نوح بصوت مدبوح:السؤال ده تسأليه ليا لو كنتي ام ومهتمه بأبنها بس انتي معندكيش حتي وقت تسمعيني انتي زي كارمن بتتصرفي كأنك بتحبيني بس بتسبيني في النهايه
هاله اتجمدت من كلامه وهو بصلها ومشي مقسوم نصين بقلب مكسوروضايع
هاله ندهت عليه من قلبها:نوح نوح
نوح كمل طريقه بصعوبه وركب اول تاكس وفص ملح وداب